رواية نقطة لقاء الفصل الثامن وثلاثون 38 - بقلم الكاتبة دينا _ الكاتبة نور

لا ترجع ..
ولا تعتذر ...
خليني عايش وحدي
ورجعني بيدك للصفر
واني اعرف منين ابدي ...

>>>>>>>>>>>>>>>>>>>

شو ما احس غير نضربت راجدي من ياسر

بقيت صافنه ولازمه خدي والدموع تغرغر بعيني مصدومة من الي صار وما مصدكة وهوه صافن بوجهي وعيونه كلها اسف ..

جان يكول : روان باعي بس

دفعته حيل وعطت بي گلت : وخرررر

صعدت فوك بسرعه واسمع الولد وعمو محمد يرزلوه

محمد : هايي ليش

فهد : هاي شسويت ليش هيج شبيك ياسر

ياسر : مدتشوفه تخبلت شلون اخليها تهده لعد وتحس علئ نفسها

همام : بس مو مال تضربها

ياسر : يعني هسه اني فرحان لان ضربتها بس مقصدي علمودها خفت ليصير بيها شي فقدت

فهد : يعني هسه عود حليتها

ايهم : ترا زين سوه ياسر جانت بحاله عصبية لو ما سوه هيج جان شوف شصار بيها

ياسر : والله علمودهاا حتئ ليصير بيها شي

همام : بس لصتهاا

زوزو : هسه شبيكم وي الولد غير هيه تخبلت بس والله حقها اوووف يبنات اياد الراحه مامكتوبلجن

سمعت حديثهم من الدرج بس مهمني رحت صعدت فتت للحمام غسلت وجهي ومسحت دموعي الي ما اعرف شلون انهاريت هيج وبينة ضعفي كدام الكُل وكمت اكل بنفسي بسبب هل شي ..

رحت للغرفة كعدت علئ الجربايه وصافنه واذكر كُل الي صار وحابسه دموعي ما اريدهن ينزلن بعد وابجي بگلبي جان يجن بنان و رزان ركضن عليه وهنه يبجن اجت بنان عليه وحضنتني گالت

_ ابجي روان ابجي لتضمين بكلبج عفيه

گلت بغصه : بنان عوفيني

بنان : شلون اعوفج

روان : شوكت نرتاح بنان شوكت نخلص من ضيم نجي الضيم مداتحمل طاقتي خلصت والله

بنان : عفيه لتحجين هيج والله گلبي محروك

روان : كافي لتبجين رزان انتِ هم لتبجين اني سويت كل هل عركه وكل هل هوسه واخذت راجدي من منو من ياسر ههه حتئ بعد لتبجن وبالاخير الكاجن تنوحن كافي صيرن قويات

بنان : ليش سوين هيج تجاهلي لتهتمين لحد

روان : اتجاهل عن شنو بضبط ؟ لشوكت نضل نتجاهل لشوكت نسمع كلام ولازم ننجب ونسكت لا بعد ماكو الي يحجي عليه او بالاخص عليكم انتو او يطخكم اكله بسنوني

رزان : تؤامي القويه احبج

روان : انجبي ام دميعه يلا مسحي دموعج وبعد ما اريد تبجين خوش وبنان انتِ الجبيرة المفروض متبجين ناخذ القوه منج موو تنوحين كبالنه

بنان : ادللي روان هاج مسحت دموعي

روان : عفيهه وبعد وعد ياهو الي يحجي عليكم اوكفه عن حده ومن هل لحظه حعيش بس علمودكم مو علمودي

بنان : ليش تحجين هيج

روان : اليوم اكتشفت هواي اشياء وتبينة الي هواي امور فـ لهنا وبس معليكم مني

بنان : انقهرتي من ياسر

روان : انقهرت اول مضربني انصدمت هم توقعتها من الكُل بس منا لا ، بس هسه لا ممقهوره لان كُل مشاعري اله تبخرت

بنان : بس ترا كلنه نعرف ياسر شكد يحبج مو قصده يضربج بس حتئ يهديج

روان : بنان سدي الموضوع

رزان : اوووف كرهت ياسر

بنان : روان ترا والله يحبج بس سوه هل شي علمود

روان : يحبني يكرهني بعد ما اهتم ويلا اني انانيه بس بعد لجيبولي سيرة ياسر كدامي

بنان : يلا كافي تعاي نامي لتقهرين روحج

روان : اي حنام ممقهوره اصلاً يلا اطلعن ولن يم رجولتجن يلاا

رزان : هيج صارت طرديني من غرفتي السابقة

غمزتلها وگلت : اي يلا اطلعي روحي بحضن رجلج

رزان : شكد ادبسزز

روان : ايي وانتِ ست بنان يلا روحي شبعي بوس

بنان : انجبي طايحة حظ وثاني شي يابوس هسه خلي اروح اكمل موجتي البكائيه

روان : ذيل الجلب ميتعدل مو صارلي ساعه الغي لتبجين

بنان : ما اكدر اختنك اموت اذا ما ابجي

روان : ايي قللي بجي يلا اطلعن

طلعن واني غطيت راسي بالبطانيه ودموعي تنزل وغصه بداخلي ومخنوكه بس احاول اضحك كدامهن حتئ ليضوجن

شو ما احس غير انفتحت الباب واجت ريم يمي تلوب وتكول

_ اذاج موو اذاج الحقير ياسر

مسحت دموعي بسرعه وخرت بطانيه من راسي وگلت

_ يمههه بسم الله شبيج

ريم : اذاج موو ياسر الحقيرر

روان : هم ياسر شبيكم لزكتو بي

ريم : خيولي الچلب شلون يمد ايده عليج شلون

روان : ايي

ريم : طلكي روان طلكيي طكييي

روان : شطلك؟

ريم : طلكي ياسرر بعد لتحجين وياه اذا تحجين اشنقج

روان : خوش

ريم : ايي عفيهه يمد ايده دخلي اشوفه همزين بابا وفهد مقصروا وياه

روان : مو مهم

ريم : شو شبيج

روان : تدرين ريم

ريم : شنو

روان : بعد ما اهتم لحد لا الـ ياسر ولا الاحد ثاني

ريم : اي عفيه هيج اريدج خيولي ياسر

روان : دتفاجئيني شعجب ما وكفتي وي اخوج

ريم : هيهيهيهي اني اوكف وياه دخيولي والله ويه صديقتيي اني

روان : ايي

ريم : انتِ ضلي اي واي

روان : كافي ريم نعسانه خلي انام

ريم : ابجي روان ابجي

روان : هاي شبيكم بنان تكلي ابجي وانتِ منا ما اريد

ريم : مو ترتاحين احسج مخنوكه

روان : مجرد احساس هذا هسه عوفيني

ريم : تمام نامي

_______________

بنان
رحت للغرفه واني متحملت انطلقت بالبجي وانقهرت علئ روان شلون انهارت اليوم وشلون حقد شايلاته ليان وجمانه وادعيتهم علينه

اني ابجي احس اختنكت اريد بس اتنفس وگلبي كام يوجعني كعدت بالكاع وحاطه ايدي علئ گلبي واحاول اتنفس

_ اهخخ گلبي اووفف يمهه حموت

انفتحت الباب ودخل فهد باوعلي بصدمه وركض علية

فهد : شبيج بنان شبيج

من قوة الالم كمت ما اكدر انطق حرف وگلبي يوجعني ونفسي اختفى

شفته انخبص ويحاول يهدي بية ويكلي : وين الدوا وين حاطته أنتِ ؟؟؟

حتى تأشير مكدرت أأشر اله
ركض بسرعه يدور بالجرارات على علاجي واني حسيت انتهيت بلشت عيوني تنسد وكلبي نبضاته كل ما جالها تتسارع

صرت اشوف خيال فهد كبالي وهو يحجي وياي لكن مابيدي ايشي ...

ركض جاب مي وكام يطش على وجهي وجاب عطر يمكن شوي بديت اصحى بس نفس الحاله بعدني
ورا كم دقيقه يمكن صحيت بعد ما انطاني الدوا وشربنياه

فهد : امشي بنان كومي اخذج للمستشفئ

بنان : ميحتاج صرت احسن

فهد : ماكو امشي يلا بسرعه

بنان : فهد والله ميحتاج

فهد : ليش هيج صار بيج اكيد قهرتي روحج

بنان : فهد شلون متريدني انقهر علئ الي صار اليوم

فهد : طبهم مرض ليش تغثين نفسج

بنان : هوه انتَ شفت ليان شلون حجت ويانه وخاله جمانه شلون تدعي علينه

فهد : همه من قبل هيج ولا راح يفيد وياهم كُلشي وشيحجون يحجون طبهم مرض بس لتغثين نفسج

بنان : اوووف

حظني حيل وهو يهمس ب اذني : خفت عليج حيل درابين گلبي

نزلت دموعي وكمت اشهك : شنو حياتي اني مريضه وتعبانه من نفسي ومتعبتك وياي هم هسه انتَ شنو ذنبك

حجى بنتر وگال : ليش ما تنلصمين متعبتك وياي كلامج هذا ما اريده ينعاد هوه اني شعندي غيرج

اني احس جسمي وحيلي راح كله كتله واني ابجي : والله اي يعني هسه انتَ مو تعبان وياي

فهد : لا بس صمي حلكج و لتحجين هيج بعد

بجيت بالزايد وكتله : اريد انام

فهد : نامي

بنان : ماكدر اكوم رجليناتي ثكيلات

فهد : تعاي اشيلج

بنان : ثكيلة خاف

فهد : دمشي عساس اول مره اشيلج

ثواني وشالني چلبت بي وداني لجربايه و تغطيت
هو اجه وتمدد بصفي ظل يباوع علية وصافن

بنان : ها فهد شبيك تباوع

فهد : اباوع على جمالج

بنان : امممم

فهد : أنتِ زينه هسه ؟ تحسين بوجع أو بألم ؟

بنان : لا لما اشرب العلاج اصير احسن

فهد : روحي انتِ من عافيتي على عافيتج

بنان : لتبچينيي

فهد : انتي كضيتي حياتج تبجين حتى اول مشفتج تبجين

بنان : اففف حياتي قهر

فهد : عوفيج تعاي استرجع ذكرياتنا

بنان : اوك

فهد : خوووشش

بنان : خوش

فهد : شوفي مره شوفوج الصور اول ما جبتج والالبومات تتذكريهن ؟ لما جابوهن همام وياسر وحده من الصور زوزو كالت هاي فهد شايل بنان بنت اياد و سراب

بنان : اي جنت شايلني

فهد : شوفي اني اتذكر لان بوقتها جنت جبير يطلع عمري 7 أو 8 سنوات لان جان عمرج سنه وكم شهر

بنان : اووويييي جنت صغيره

فهد : وأنتِ نفسج ماتغيرتي حتى لما جنت اشيلج هم تبجين بالكوه تسكتين

بنان : اي بس ترا اني جنت ناعمه وحلون

فهد : اهخخ شليتيني شل

بنان : انتَ هم حلو جنت

غمزلي وكال : حلو ؟

حجيت ببرائه : ايي والله من شفت صورتك حلو وعيونك كبار ورموشك تجنن لحد الان .. تدري بنفسي احطلهن مسكارا ؟

فهد : ششايفتني مره تحطيلي مسكارا ؟

بنان : شمدريني بس يعني جنت حلو ولحد الان حلو

فهد : اي اي ادري

بنان : واثق

ضحك وگال : اكيد واثق اني فهد مو حي الله

بنان : خو هاي لما تكولها احسك واصل مرحله بالغرور علئ كيفك ويانه يمعود

باوعلي صفح وگال : اذا الغرور مني فحلو

بنان : ايي والله

فهد : ايي عفيه

بنان : عود كلتلك اريد انام بس راحت النعسه

ابتسم بوجهي وكال : حضري روحج باجر نروح نعقد

حجيت بفرح : صدككك ؟

فهد : ايي

بنان : خوش لعد حنام منوكت

ابتسم بوجهي وگال : يلا نامي بسرعه حتى لتأخرينا باجر

بنان : لتخاف ما اخرك

__________________

ريم
كاعده اباوع علئ روان نامت بس عبالها ما اسمعها لما تشهك من جوه البطانيه بس محجيت شي خليتها براحتها لان هيه اصلا متحب احد يشوفها هيج ..

جنت عطشانه فنزلت داشرب اول مفتحت الباب جان يطلع بوجهي ياسر

ريم : خيرر شتريد

ياسر : روان شلونها

ريم : شتكول انتَ

ياسر : ريم مو وكتج بس شلونها

ريم : كُلشي زينه وسعيدة والضحكة شاكه حلكها

ياسر : زعلانه مني موو

ريم : اذيتها ياسر

ياسر : شبيكم والله علمودها خفت ليصير بيها شيي اريدها بس تهدئ وهيه انهارت بيدي

ريم : ايي وهسه شتريد

ياسر : اريد احاجيها

ريم : وبهل ليل

ياسر : اي يلا وخري

ريم : ماكو يلا ارجع من اين ما اتيت

ياسر : شبيج ريم

ريم : نايمة روان عود باجر حاجيها

ياسر : بس اشوفهاا

ريم : ماكوو

ياسر : ريممم

ريم : اممم خوش انقهرت عليك شوف حنزل اشرب مي اصعد ما اريد اشوفك تمام

ياسر : ايي بس وليي

اباوع عليه فات راح كعد يمها واني نزلت

روان
شبه نايمه جنت فـ حسيت بشخص يمسح علئ شعري بسرعه دفعت ايده وعدلت كعدتي وگلت

_ خير شتريد

ياسر : روان سمعيني بس خلي احجي

روان : اي شتريد

ياسر : حلوه كفشتج عمي

عدلت شعري وخليته وره اذني وگلت : شتريد ياسر

ياسر : روان ترا مو قصدي امد ايدي عليج

روان : صدك والله ؟ بس احب اذكرك انتَ نفسك الي كلت اكسر ايدي اذا امدها عليج

ياسر : ترا تعرفين كُلش زين اني احبج و مستحيل امد ايدي عليج بس شلون تريديني اسوي واشوفج منهاره بين ايدي

روان : كُلشي مابيه اني بس تعبت تعبت تدري شنو تعبت مداتحمل الي ديصير انتَ سمعت ليان شتكول يجن يذبن سمهن ويروحن ولازم نسكت احنه شوكت نرتاح احنه شوكت نرتاحح بس تدري انتَ وعيتني لهواي اشياء بس ضربتني

ياسر : والله افهم انتِ تعبانه وادري بس تعرفين اني احبج روان ومو قصدي اذيج

روان : ايي

ياسر : شبيج روان

روان : اي هاهيه

ياسر : شنو هاهيه

روان : بعد ما اهتم لا الك ولا الغيرك ولا الاحد ياسر عوفني

ياسر : شنو اعوفج

روان : ايي عوفنيي

ياسر : شبيج روانن لتخبلينيي ترا تعرفين مو قصدي خفت عليج خفت ليصير بيج شي ماكو غير هيج حتئ اهديج

روان : اييي

ياسر : روان لسوين هيج

روان : شتريد اسوي لعد انتَ حاسس بأحساس لما تشوف هل شخص مستحيل يسوي شيي يأذيك بس يسوي وتنصدم بي اني اليوم هذا احساسي

ياسر : بابا روان شبيج انتِ شفتي حالتج لما فقدتي وشلون صرتي شتريديني ابقئ صافن عليج !

روان : وتضرب ؟

ياسر : لعد شسوي واني اشوفج هيج بين ايدي

روان : اي هاهيه

ياسر : رواني اني احبج

گلت بغصه وكاتمه البجيه : تكرهني تحبني بعد ما اهتم

ياسر : هيج يعني

روان : ايي

ياسر : تمام

طلع وعافني واني انفجرت متحملت بعد الي ديصير
مقهوره من الكُل الكل بدون استثناء مو بس ياسر وكلهن اجتمعن عليه بهل لحظه

شو ما اشوف غير اجه نظري يم الباب ولكيته بعده واكف يم الباب اجه عليه وگال

_ شلون وياج اني

مسحت دموعي وگلت : شتريد

ياسر : هسه ليش تبجين

روان : وانتَ مو طلعت شكو اجيت عوفني يلا

ياسر : ما اعوف رواني

روان : لا عوفني

ياسر : مسحي دموعج يلا

كمت امسح بدموعي واكول : اصلاً مجنت ابجي

ياسر : ابد

هوه گال هيج وگمت ابجي بزايد وگلت : اطلع بره ياسر عوفنيي

ياسر : هاي لعد دموع منين بس " عزا بعينج حتئ وانتِ تبجين صاكه "

گال اخر كلمات بضحك

سكتت وكمت ابجيييي اشو اجه وحضني وگال

_ عمي اني اسف ومجان قصدي اضربج وهاج هاي ايدي وكسريها بس كافي مسحي شلالاتج

دفعته وگلت : وخرر ياسر

ياسر : تدرين شنو ما وخرر وتعاي ابجي ابجي لضمين بگلبج تعاي ابجي بحضن زوجج

روان : وخررر مو زوجي انتَ ومراح تصير

ياسر : لا اصير

روان : ما تصير واني اريد واحد يحبني مو يضربني

ياسر : بابا انتِ ليش شكين المطيي كسررر بيدكك ياسرررر يعني ابتليت سويت هيج

روان : اي ويلا وخرر مو كافي جعصتني

ياسر : وخرت ولتبجين كافي

روان : مو هسه تكلي ابجي

ياسر : اي وهسه ما اريدج تبجين يلا مسحي دموعج

روان : ماااا وعناد بيك اله ابجي وعوفني ما احجي وياك واكرهك

ياسر : انجبي

روان : اكرهكك

ياسر : اني هم

روان : ادري من زمان تكرهني مو جديده هل شغله

ياسر : انجبي اني اكثر شخص احبج

روان : واضح

ياسر : شبيج روان

روان : انتَ متحبني لو تحبني تفتهمني وصدكني دائما وو متضربني

ياسر : شوكت ممصدكج اني

روان : ايي

ياسر : تعاي روان

روان : عوفني ياسر

ياسر : والله ما اعوفج وديلا ولي

طلع من الغرفة ولط الباب واجت ريم تتمضحك گلت

_ هاي شنو جنتي تسنطين

ريم : هوه رحت اشرب مي بس لحكت علئ اخر كلمات

روان : وهل مي صار سنه

ريم : اي غير اخذلي صفنه بالمطبخ ورها اشرب مي واخذلي صفنه ثانيه

روان : اي وهسه شتريدين انتِ ثانيه

ريم : طلكتي مثل ما كتلج

روان : ولي من يمي

ريم : ولجج ذوله ميمشون الا بالعين الحمره ولو اخويه فقير يعني

روان : شنو مسمعت اخوج فقير ؟

ريم : هاا لا يابه اشاقه

روان : اي عبالييي

ريم : والله انتو ضحكون

روان : ايي مو هازين كاروكج

طكتها بضحكه طويله وگالت : لا جربايتي

روان : شكد تافهه انتِ

ريم : علئ اخويه المكرود

روان : امداج وامده اخوج

ريم : شو وليييي خلي اروح اكتب مشاعري الجميلة عن مؤمل في دفتري

روان : هوه انتِ بس هاي الفالحه بيها

__________________

بنان
نايمه واحس بوسات علئ وجهي فتحت عيوني لكيت فهد حاضني وكلسع يبوسني مره بعيني مره بخدي مره بشفتي اول مفتحت عيوني

ابتسم وگال : صباح الخير يحلوو

بنان : شدسوي فهد ؟

جان يبوسني بشامة الي بصف شفتي وگال : هـاا هسه عرفتي شداسوي

بنان : فهدد

فهد : اوووي فهاااااد

بنان : لا وخررر فهدد خلي اكوم

فهد : وين وين مكملت ترا

بنان : فهد كوم راح نتأخر

فهد : ما اكوم والله اله اخلص الي بديت بي

بنان : فهد شبيك ميصير

فهد : لتخافين ما انزل ؏ الترابي

ورجع يبوس بوجهيي وبركبتييي واني بس صافنه عليه جان اكول

_ هـاا مخلصت

فهد : لا

بنان : مو راح نتأخرر فهددد

فهد : لتخافين منتأخر يا روح فهااااد

شو ما اشوف غير تحمس وصارت ايده علئ جسمي وگال

_ شنو رائيج نأجل السالفه

بنان : لا فهد لا عفيهه

فهد : زين بشرط

بنان : شنوه

فهد : بوسيني هنا

بنان : فهدد شنوو

فهد : عساس مبايستني قبل

بنان : بس

فهد : شوفي لو تبوسيني هسه لو ماكو روحهه واكعد اكمل الي بديت بي بكيفج ؟

بنان : لا لا هسه بس اصبر

فهد : يلا انتظر

بسرعه بسته وخرت وگلت : هـاا

فهد : افيش لو هيج البوسه لو ما اريد

ضحكت وگلت : ديلا خلي نكوم

فهد : ميصير وحده ثانيه ؟

بنان : لاااا

فهد : هوه هذا هم حضي

بنان : اييي

صفن بوجهي ورجع باسني وگال : يلا يلا كوميي لاا اسوي شي ميعجبج و " غمز "

بنان : لا لا كايمهه

كملنه بدلنا دنطلع جان يكول

_ شو تعاي اشوف

باوع عليه وگال : حبيبيي انتِ اروح فدوه لهل وجهه الحلوو خففي مكياجج

بنان : فهد ليش ترا مابي شي

باوع عليه صافن علئ شفتي وگال : لا فوكاها حاطه لون غامق تريد تجلطنيي

بنان : بنان وين الغامق وهوه ماروني وشويه حاطه مو هواي

فهد : حتئ لو خففي مكياجج و خاصة الحمره لو تمسحيها افضل

بنان : بس لو اعرف ليش شاد وي حمرتي

فهد : معليج يلا بسرعه

بنان : اوك

فهد : خوش

بنان : اوك

فهد : مو اجيج

بنان : امممم

__________________

ريم
كعدت من النوم علئ آثر حلم جميل لكيت الخاتون نايمه بسابع نومه المهم نزلت وطلع بوجهي ايهم ورزان گلت

_ يا هلا بعصافير الحب

ايهم : ريم شتريدين من النهاية

ريم : شبيك فوك ما اسلم عليكم

باوعت علئ رزان وغمرت وگلت : اشوو صايرة حلوه ولج

رزان : ليش قابل جنت محلوه اني؟

اباوع علئ ايهم حضن رزان وگال : معليج بهاي الغويره تخبلين منو بجمالج انتِ تفاحتي

ريم : اووووووه تطورات صارت بيها تفاحتي اي ليش لا عيني شوكت الطفل ؟

اباوع علئ رزان خازرتني وگالت : ريم شبيج

ايهم : ريم ولي من يمنا واتركينا بسلام شنو حالمه بينه انتِ

ريم : هوه تريدون الصدك حبيت اخذ دور ياسر واضوج بالاوادم لان تعرفون هسه هوه كئيب لان خطيه حب حياته طلكته

ايهم : هاي شلون رهمتيها

ريم : والله ما ادري

عفتهم ونزلت جوا وجان الكه ماما تحضر بالريوك وهمام كاعد يكلب بالتليفون ..

و ياسر كاعد ومدلغم وحاط ايد علئ خده جان اضحك واروح يمه وگلت

_ ليش صافنه وايدج علئ الخد , جنج عاشكه وبالج احد

خنزر عليه وگال : ولي من يمي ريم لا اكوملج

ريم : اوووي فدوهه اخويه صاير عنيف ماعرفتك

ياسر : ريم ستري علئ نفسج

گلت بتنعوص وضحك : حعوفك هسه لان خطيه انتَ اووف سوده عليك اخويهه المكرود طلكتك روانك يبووووووو

اشو هذا سوها صدك وكاملي بهل اثناء همام وكف رحت وكفت وره همام وگلت

_ ولكك خويهه شوف ياسر يريد يكتلني ترضاها علئ اخيتك

وياسر يريد يلزمني وهمام صاير النص مديخلي ياسر يجي عليه

ياسر : وخرر حمام

همام : دمشي لكك ولي

ريم : شاف فهد ماكوو گال خليي اكتل هل مسكينهه المكروده عبالههه ما عندي اخ ثاني همام الغالي

همام : امشي لك ياسر وخر

ياسر : دخلي الزمج يا ريم

همام : تلزم منو دجرب مد ايدك عليها

اني صايره وره ظهر همام واباوع علئ ياسر مخنزر عليه وكاتم الضحكه جان اكول الـ همام

_ فديتك اخويه حزام ظهري

همام : بس عوفي لواكه علئ صفحه

ريم : هوه مو صوجك صوجي اني اصبغ بيك يالمعقد

اني كلت هيج شو همام كفخني وگال : هاي عليمن

جان بسرعه اروح واختل وره ياسر

همام : الزمها ياسر يلا اكتلها وخلي اجي وياك

جان يضحك ياسر ويكول : لا بلا واني انطي بأختي مستحيل

همام : مو صارلك ساعة تريد تكتلها

ياسر : ايي اني اكتلها عادي بس انتَ لا

ضحكت عليهم وگلت : لك فديت يسرتنا الي دافعلي

ياسر : انتِ بس لو ضبين السانج لا اكلب عليج

ريم : لا عيني لاا

همام صار يريد يلزمني واني وره ظهر ياسر وياسر ميخلي همام يجي عليه ونكلبت الادوار بهل اثناء شفت بابا نزل من الدرج ..

رحت علئ بابا اركض وكمت اسوي نفسي ابجي وگلت

_ بابا شوفف همام وياسر رادوا يكتلوني تقبلها

حضني بابا وگال : هاي منو راد يكتل بنيتي

اباوع علئ همام وياسر مصدومين جان همام يكول

_ ولج حقيرة منو صارله ساعه يدافعلج

ياسر : امداج والله ما جذبت مو صحتلج حيه صفرة

سويت نفسي حزينه وگلت : بابا دشوف دشوف شلون يحجون عليه تقبلها وصارلهم ساعه يريدون يكتلوني

محمد : ولكم مو اختكم هاي يا قليلين ادب وانتَ همام عود انتَ جبير والمحامي تريد تضرب اختك وانتَ يالمهندس مو اختك هاي ولكم اختكم الصغيرة

ياسر : وين ضاربج شكد جذابه

ريم : بابا دتشوف يكلي جذابه

همام : وحيه هم

كلت بتنعوص : بابا دتشوففف

شو ما اشوف غير بابا رزلهم رزاله من هاي الزينه وكللهم : دخلي اشوف بعدد تحجون وياه شي

واني واكفه يم بابا واحرك بحواجبي وهمه واكفيلي متحلفيلي جان بابا يكول

_ ريم اذا بعد سولج شيي كُليلي لو تكولين الـ فهد ماشي

واني اسوي نفسي امسح بدموعي گلت : ماشي بابا

________________

بنان
عقدنه محكمه وطلعنه ركبنه بسيارة وجان يكول فهد

_ هسه انتِ صرتي مرتي شرعاً وقانوناً

ابتسمت وگلت : اييييي

فهد : دمشي اريكج

بنان : وين ميحتاج نرجع للبيت

فهد : لا عاجبني نروح اني ومرتي عندج اعتراض

بنان : بكيفك

فهد : احبج

بنان : اموت عليك

فهد : يا بويهه هيج ما اتحمل ولج

ضحكت وهوه ابتسم علئ ضحكتي

وصلنه للمطعم جابو الريوك وكلسع فهد يكُلي

_ اكلي بنان

بنان : داكل

فهد : اي اكلي شوفي صايرة صفرة

بنان : اييي

بقينه نحجي عادي شو اباوع علئ فهد يستغفر ويفرك بوجهه بعصبية

بنان : شبيك فهد شو ما مرتاح

فهد : كملتي اكل

بنان : ايي خلصت

فهد : ديلا لعد حتئ نروح

بنان : تمام بس شبيك

فهد : مابيهه شي امشي لتخبليني

طلعنه ركبنه بالسياره وگلت

_ فهد شبيك شو اول ما وصلنه مجنت هيج

فهد : معليج لتحجين شي

بنان : فهد شبيك ويايه

عاط عليه وگال : كافي بنان سكتيي

انهضمت وكمت ابجي : فهد شبيك تعيط عليه شسويت

سكت محجه شي وصلنه للبيت نزلت واجه نزل ورايه رحت كعدت علئ الجربايه مهضومه منه اجه اخذ نظرة عليه ..

ورها گال : ترا مردت اعيط عليج

بنان : لا عادي

فهد : لزعلين مني بنان

بنان : مزعلانه بس مفتهمت الي بيك

فهد : هاهيه معليج تعاي لزعلين

اجه حضني وباس راسي وگال

_ احبج درابين گلبي

وابتسمت گلت : احبك فهيد

فهد : فهيد ؟

بنان : اي ليش محلوو

فهد : لا لا ما ادام منج حلوو

بنان : ايي عينيي

فهد : حروح اسبح تجين ويايه

بنان : فهدد

راح سبح واني رحت بدلت ونزلت يم خاله اساعدها

________________

روان
كضيت طول اليوم بالغرفة حتئ ما انزل واشوف ياسر بس كلت ليش عيني خلي انزل اجت رزان صاحتني كالت تعاي تغدي فنزلت لكيت الكل كاعد اول مشافوني نزلت جان تكول خاله رحاب

_ تعاي يمهه روان كعديي

رحت كعدت وجابلتي ماعون وكامت صبلي وانتبهت علئ ياسر عيونه مراحت عني بس اني ولا باوعت عليه

رحاب : اكلي بنتي

روان : ايي خاله داكل

زوزو : اكلي اكلي رايحه خلصانه

سكتت مجاوبت بقيت اكل وهمه يسولفون جان تكول زوزو

_ ايي همام منشوفلك عروس انتَ

همام : زوزو متعوفيني بحالي ما ازوج اني

ياسر : هيه منوو الي تقبل بيك اصلا

زوزو : اي حتئ لو نشوفلك مره

همام : يا زوزو بس عوفيني ما ازوج وعود بس الكه الي اريده اني اجي عليج واكلج خطبيها الي

رحاب : موو شوف نفسك ترا همام دتكبر

همام : الي يسمعكم يكول داخل الخمسين شبيكم ويايه

فهد : دعوفي الولد بكيفهه خنكتوا

همام : اي والله خنكوني

فهد : حاس بيك خويه

ايهم : ظاهر عايش هل معاناة

فهد : كومهه بس بالاخير لكيت الي اريدها

ياسر : شلون وحده فاهيه

بنان : اني فاهيه

ياسر : ومنو جاب اسمج اني اقصد مرته الثانيه

بنان : يامره ؟

فهد : راح اكوملك

ياسر : ياا فهد مكلتلها مزوج انتَ بـ سر

بنان : شنوو

فهد : معليج بي هذا بكيفه يمسلت وانتَ انجب ياسر

ياسر : صار اي يحجي صدك تسكتوه

فهد : انلصم

زوزو : لعد اذا ميريد همام نزوج ياسر

راحت نظراتي علئ ياسر وبسرعة نزلت عيوني اكمل اكل واحس عيون الكل عليه بس اني ولا يمي جان ياسر يكول

_ اي والله يا زوزو

زوزو : اي عود ازوجك

ياسر : بس كون حلوه وما عدها كفشه

همست الي ريم وگالت : ترا هذا ديضوجج فهيج ديحجي لتهمتين

هزيت راسي ومحجيت شيي

رحاب : عود بس تعقل نزوجك

فهد : لعد هاي شغلته طويله

همام : عادي نخلي ايهم يعالجه

ايهم : كم مره اكول اني دكتور نفسي مو بيطري

الكل ضحك وياسر يباوع عليه عباله راح اغار جان اكول الـ بنان

_ بنان عود خابري خاله احلام

بنان : ادك عليها شو مجاوب

روان : امممم ايي صح لان غيرت رقمها بس عود انطيج رقمها الجديد يوسف دزه الي

راحت انظاري الـ ياسر الي خازرني شويه وينفجر

بنان رادت سد موضوع لان عرفت متقصده جان تكول : اي عود بعدين

جان تهمسلي ريم : طلعتي مو هينه

روان : شعبالج

جان تهمسلي رزان : لج شوفي شلون خازرج شويه وينفجر علينه

روان : مو مهم

واني داكل احس اجتني دوخه قويه واصلا من بارحه لحد اليوم احس بيه دوخه ورجفه بجسمي ..

حسيت علئ نفسي انو دينزف خشمي دم شو ما اشوف غير عاط ياسر واجه يمي وگال

_ هاي شنوو شبيج

ريم : هاي شبيج روان

ياسر : رفعي راسج روان رفعي

ايهم : هاي ضغطها يمكم صعد

الكل التم ورزان اشوفها تبجي وبنان هم و ياسر گلسع يعيط بيه ويكول

_ رفعي راسج

روان : وخر مابيه شي

اجه لزمني حيل وگال : شنو مابيج امشي خلي نروح مستشفئ صخام

روان : ما بيه شيي وخرر شبيك

اجه رفع راسي حيل وگال : مو كتلج بقي راسج مرفوع دشوفي الدم متفتهمين انتِ

دفعت ايده وگلت : وخر ايدك مابيه شي

وكمت امسح بالدم

رحاب : يمه تعاي كعدي اروح اسويلج عصير

زوزو : مابيها شي بس ضغطها صاعد وانتِ علئ كيفج وي رويحتج

روان : والله مابيه شي هسه يروح نزيف

اجت بنان يمي وگالت : روان بيج شي احجي

روان : مابيها شي عادي

ريم : دوخروا عنهاا خانكيهاا خلوها تتنفس

وكف النزيف الي بخشمي والي يشوفهم يكول مضروبة بطلقهه خو ياسر كصني كص وخاله رحاب جابتلي عصير وگالت

_ يلا هذا شربي

اخذته شربت نص وجان يعيط ياسر

_ كمليي

روان : ما اريدد

ياسر : شنو متريدين شربي يلا

بنان : شربي روان الخاطري

شربته بسرعه وگلت : وهسه عوفوني مابيه شي

عفتهم وصعدت فوك ولحكوني البنات

روان : شبيج رزان بس تنوحين يم راسي

رزان : بيج شي روان

روان : لا مابيه

بنان : زينه هسه انتِ

روان : اي والله ايي بس راسي يوجعني

ريم : دعوفوا البنيه خنكتوها

روان : هاي الجملة كم مره كلتيها ست ريم؟

ريم : اي غير خنكوج

روان : هسه انتو يم راسي واكفين شعدكم

ريم : سلامتج يلا تمددي نامي خاتونه

روان : اي بس وخروا من يمي وها سدوا ضوه وراكم

ريم : واني حوكفلج حرس يم الباب

روان : ايييي

طلعوا واني رجعت نمت

__________________

ياسر : شسوي هسه

همام : اخطفها

ياسر : هيج تكول

همام : ايي خويه اخطفها واني بظهرك

ياسر : مو خاف تنلاص بزايد

همام : شوف هوه مليوصه مليوصه فشنو روح اخطفهاا وفهمها

ياسر : واذا راسها يابس ومفتهمت شسوي

همام : بهيج حاله الله يعوضك

ياسر : يلا حسوي بس اختك الحيه واكفه حرس يم الغرفه

همام : خليها عليه هاي

ياسر : لعد يلا

رحتت وهمام راح جرر ريم عود يحجي و ياها واني فتت للغرفة جان تجيني ريم

_ هاي شدسوي

ياسر : همام مو كتلك احجي وياها

همام : اي مو اختك تتقشمر قابل

ياسر : ست ريم وعوفيني بحاله رحمه الوالديج

ريم : شتريد سوي

ياسر : اريد اخذها اصالحها

ريم : وين

ياسر : معليج

ريم : والله اني قلبي نقي واحب اجمع العشاق بس مو تتأخرون

ياسر : فديت اختييي

ريم : وهاا شغلة ثانيه بس ترجعون متجي ايدك فارغه اريد جايبلي حبشكلات

ياسر : ادللي

ريم : خوش

فتت للغرفة وسديت الباب وفتحت الضوه ورحت يمها لكيتها نايمه هاي شنو متشبع نوم

ياسر : روان كعديي

فزت وگالت : هاي شكوو

ياسر : كومي بدلي بسرعة

روان : شكوو شنو ابدل اطلع برا ياسر ريم وينج

ياسر : لا ريم ولا بطيخ كومي بدلي خلئ نطلع

روان : ما اطلع وياك

ياسر : روان ليش ضوجيني

روان : اضوجك ما اضوجك ما اطلع

ياسر : شوفب رواني

روان : مو روانك اني

ياسر : شوفي لجج كومي بدلي لا اني اجي وابدلج

فتحت عيوني وگلت : شنو

ياسر : اي عمي يلا اني انتظرجج براا الكيج مبدله اذا ملكيتجج اجي ابدلج اني واشوفج تمنعيني

روان : اشو انتَ متستحي سرسري وخر عني

ياسر : اني سرسري وادبسززز كدامج دقيقتين وكفشتج لميها

طلع برا واني بقيت صافنه كمت بدلت بسرعه بس رحت للمكياج مال ريم وبديت اتفنن بي كملت وطلعت لكيته واكف جان يباوعلي بصدمة وگال

_ هاي شنو

روان : خيرر

ياسر : شنو هل مكياج روان

روان : شعليكك

ياسر : شنو شعليهه حتئ العروس متحط هيج حتئ البرائه من وجهج راحت

روان : وجهي واني حره بي وانتَ جبرتني اطلع ترا اذا معاجبك ارجع اكمل نومتي

ياسر : امشي امشيي واشوف الي ينزلج من السيارة

روان : شنو مسمعت

ياسر : احسن امشي

روان : لتعيط عليه

ياسر : ممعيط امشي

روان : باوع احجي زين لا ارجع والله انام

ياسر : دجربي

روان : اي حجرب

دارجع وجان يجرني من ايدي ويكول

_ دمشي دمشي يلا لا اشيلج

خزرته وگلت : مشيت هدني

ركبنه بالسياره اشو قفل السياره گلت

_ ليش قفلت السيارة ؟

ياسر : كيفي

روان : شبيك ليش قفلت السيارة

ياسر : اريد اغتصبج

بقيت فاتحة حلكي بصدمه وگلت : شو انتَ صاير متستحي وصاير تتمادئ احجي عدل ويايه

ياسر : تحبيني انتِ ؟

روان : لا ما احبك

ياسر : تدرين اني هم

ياسر : من زمان ادري

وكف السيارة واندار عليه وگال

_ ترااا انيي مجان قصديي اضربججج

روان : بس ضربتنييييي

ياسر : يعني اشوفج منهارهه كدامي وتدعين علئ نفسج وتريدين ما اسوي شي

روان : وتضربني

ياسر : بابا شلون اضربج بس يعني شفتج هيج حالتج شسوييي

روان : ايي

ياسر : اذيتج مو ضربتج ؟

روان : اييي

ياسر : كسر بيدي أن شاء الله

روان : لتحجي هيج

ياسر : والله مهان عليه اضربج بس انتِ جنتي منهاره وخفت عليج

كمت ابجي وگلت : ياسرر تعبت اني والله

اجه يمي ومسح دموعي وگال : لتبجين وترا الكحله والمسكرا مالتج ساحت

مسحت دموعي وگلت : ترا والله اني احبك

ياسر : علئ اساس اني اكرهج غير اتنفسج

روان : وتراا مال يوسف جذاب انتَ مفتهم غلط

ياسر : هم جابت سيرة النعال شبيي

روان : ترا والله اني كلتله ما احبك واني احب ياسر بس هوه اجه وسوه حركاته السخيفه وشفته انتَ وفتهمت غلط

ياسر : اعرفج انتِ مو هيج بس جنت اعصاب

ابتسمت وگلت : اووي استاذ ياسر صار اعصاب لحكولنه

ياسر : صدك صدك شنو اليوم مراسلته وتحجين وياه

روان : اي راسلته وتسامرنه

خزرني وگال : روااان

روان : شبيكك جذب مثل مضوجتني اضوجك موو تريد وحده حلوه وماعدها كفشه شنو قصدك اني محلوه وانتَ مو تحب كفشتي

ياسر : اي غيررر ردت اشوف ردت فعلج بس انتِ لا احساس ولا مشاعر

روان : ما احب ابين

بقه صافن بوجهي وگال : ديلا امشي ناكل موطه ، موطة الصلح

روان : ام الككو

ياسر : اكيد مثل متحبين

_________________

بنان
جنت كاعده بالغرفه وفهد كاعد كبالي وصافن علية

بنان : هاي شبيك صافن

فهد : ما اشبع من شوفتج

ضحكت وگلت : و لا اني

فهد : ايييي اكول شو انتي صايرة حلوة

ضحكت وگلت : هاي شنو وحده ورا اللخ ما اتحمل

فهد : هسه اني داكول نكته كلسع تكركين دتغزلي بيه

بنان : اوي شمدريني

اجه كعد يمي واني باوعت عليه وكلت : فهد

فهد : نعم بوية

بنان : باااااعع

فهد : اي ؟

بنان: باووووع

فهد : شبيج

بنان: شوف اريد اكص شعري قصيرررر

فهد : بأحلامج

بنان : لااااا معلية اريد اكصهه

فهد : ماكو

بنان ؛ فهد شبيك هاي مو ريم كاصه شعرها يجنن

فهد : ريم بكيفها أما أنتِ بكيفي اني ترا

بنان : هو شنو بكيفك عفية بنفسييييي

فهد : تؤ احب شعرج وكلت ماكو يعني ماكو سدي الموضوع

بنان : ايييي

فهد : شبيج انكلبتي

بنان : ايييييييي

فهد : اهووو طنكرت شلون احب الطناكير اني

بنان : ايييييييييييي

فهد : ديلا كافي سدي الموضوع

بنان : اي اي اي

فهد : اروح فدوه لليطنكر

باوعت عليه بزعل دك تليفونه وكام يسولف
انهرج راسي

نص ساعه واجه كعد يضحك : شبيك شو تضحك ويامن دتحجي

فهد : مؤمل منو غيره

بنان : شبي شنو شيريد

فهد : يكول باجر تحضروا

بنان : على شنو؟

فهد : والله

بنان : خاف حيجون اهله هم

فهد : مادري

_________________

رزان

كاعده جان ايهم بالحمام يسبح كاعده اكلب بتليفوني وحان تجيني رساله

فتت عليه وجان الكه مكتوب بيها

_ ان شاء الله متهنيه بزواجج

بقيت مصدومه اباوع اكول منين هاي الرساله رحت كتبت : منو ؟

_ علئ شنو ما وافقتي عليه هوه انتِ منو يكلبلج هاا مو زين ردت اتزوجج واستر عليج وانتِ مو بنيه اصلا وبالاخير رحتي زوجتي ذاك الحقير

اقره رساله ودموعي تنزل اباوع اريد اعرف منو هذا گلت معقوله ايمن جان يدز بعد رساله وگال

_ حبيبة الگلب صفنت علئ رسائلي بس احب اكلج تهني بهل كم يوم انتِ وياه لان الايام الجايه راح اخليج تبجين دم تتمنين انو زوجتيني يا شريفه

_ منو انتَ ؟

_ ما اتوقع انتِ غبيه لهل درجه حتئ متعرفين اني منو الي تنطي شرفها وتنهزم وي صاحبها بحجة انو نخطفت هاي مو غبيه

قريت هيج واحس كُل ذكرياتي رجعت كمت ابجي بهستريه عود اني نسيت كُل الي صار بس بهل رسايل رجع كل شغله صارت ويايه ..

جان يطلع ايهم من الحمام شافني ابجي بسرعه اجه گال

_ شكووو رزان شبيج تبجينن

نهاية البارت
يتبع ..

أن شاء الله يعجبكم البارت وترا بال 4000 كلمة 💖

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور