رواية نقطة لقاء الفصل الثامن عشر 18 - بقلم الكاتبة دينا _ الكاتبة نور

بنان
وره مصاحنه ياسر نزلنه جوا وچان نلكه بي عمي محمود كلهم جوا بس ايمن جان مو وياهم وصوت عياطهم الي يشوفهم يكول جايين هداده علينه

فهد : خير خير شنو هل اصوات العاليه

جمانه : منين يجي الخير شنو هاي طلعن بناتنه مدري شنوو شلقصه

فهد : كل الي سمعتي صح

ليان : هوه شنو الصح وشمدريكم

محمد : شنو شمدرينه وهوه فهد دور وهاي ولكاهم بعد شكو هل اعياط وهوه هذا الواقع بنان ورزان وروان من بعد اليوم بناتي واني مسؤول عنهم لان اني عمهم وهذا الواقع وحعنوضهم علئ كل هل سنين

ليان : شتعوض ياعمي انت صدك تحجي شمدريك ماجذابات وجان تباوع عليه من فوك ليجوه وشوف من يا زباله جايات

وچان يردها فهد

فهد بعصبيه : احترمي نفسچ وعرفي شلون تحجين وي بنت عمي وزوجتي اني لحد الأن محاجي وياج احتراما ال عمي محمود وما ادري شنو عمي موقعه كل هل حجي صاير وهوه لحد الان ساكت الج

محمود : شبيك فهد شنو قصدك احجي عدل

ياسر : والله عمي قصده واضح اذا بتك مطلعه السانها علينه وانت ساكت شهل اسلوب

محمد : كافي ولكم تعال محمود خلي افهمك

بنان
عمي محمد اخذ عمي محمود وراحوا بالديوان يتفاهمون وليان رجعت هم تحجي تمنيت اروح اجرها من شعرها بس معندي هل جرئ بس فهد مقصر وياها

ليان وهيه تهز بيدها : والله يا الله هاي تاليها نلفي كح** وبنات شوارع

بهل اثناء وچان تنزل روان وريم ورزان علئ آثر العياط واني متمنيت ينزلن احسن لان روان اذا تسمع محتسكت وجان روان تجاوبها بعياط

روان بعصبيه : هاي عليمن ولچ كح** وبنات شوارع هاا

جمانه : عليكم ومحجت بتي شي غلط و شوف من يا مزبله جابوكم وشوف منين جايات والله اعلم المضموم شنو

ياسر : خاله احجي عدل عيب هل حجي

زوزو : ولج يمعزايه هاي فوكها ولج انتي تعتبرين خالتهن

جمانه : والله اني ما اشرف اصير خاله لبنات كح**

روان بعصبيه : لا عليج الله شكد ميتين حتئ صيرين خالتنه اصلا احنه منريدكم ومنريد احد وانتي بس تحجين ويايه احجي مرا ثانيه ويايه عدل وعلئ كولتج وكولت بنتج احنه بنات شوارع فديري بالج بنت الشوارع متشوف كدامها لا جبير ولا صغير فخليني محترمه عمرج وما مسويه شي

جمانه : لا هذا ناقص تمدين ايدج عليه

روان : اي چا كلشي توقعي من بت شوارع

ليان : ولج شلون تحجين وي امي هيج دتعاي اني اعلمج

روان :اي اجي ليش لا

ياسر : كافي روان

روان بعياط : شنو الكافي مدتشوفه شدتحجي

روان لزمت ليان وكومي كفشيها من شعرها وهاي ليان تعيط وتدفع بس روان جانت مستلمتها

ريم : يابويه شكد احب المكافش

وكمزت ريم هم استلمت ليان وي روان

وجمانه بس صيح " عوفوا بنتي " وهيه وبنتها راس البلا

بنان حاولت اوخر روان بس مكدرت وروان بالعركات متتحاجه هيج العركات تمشي بدمها وجتها ورزان هم جانت تحاول توخر وكلسع تجيها كفخه بالغلط

عاط فهد : شنو هايييي لا احترام ولا تقدير ويامن اني احجي كافي ولكم

ياسر : ولچ عفيهه برواني يبعد ايدي بعد من شعر جريها اي عفيه

فهد : انچب بدال متفاككهم جاي تضحك وفرحان

ياسر : دعوفهاا خلي يبردون گلبنه تستاهل ليان

جمانه : ولكم انتو شنو متفاككوهم شو كاعدين بس صافنين

زوزو : والله بنتج الي جابتها النفسها

رحاب : ولج ماما روان وخري كافي مو موتي البنيه ريم ولج كافي

بنان ادفع بروان اريد افاكك بيهم ماكو شو ما اشوف غير فهد جرني من ايدي وچان يكول

فهد : عوفيهم بويه هسه تجيج ضربه طيرج

بنان : فهد شبيك مدتشوف شلون ديتمالخن

فهد : اي انتي معليج هسه يفاككوهم اخاف عليچ انه انوب تنجعصين يصير بيچ شي انتي هلكدودج

بنان : شقصدك يعني مابيه خير اني

فهد : لا عيني حشاچ بويه بس انتي انسانه مسالمه اخاف عليج

جمانه : ولك فهد شبيك بنتي حتروح شوف هاي الجسره روان كون كسر بيدچ يارب

بنان : اسم الله ترا بنتج البدت

جمانه : عود حجت الكح**

فهد بعياط : خاله ما اسمحلج تحجين هيج عليها هاي عود كدامي وهيج تحجين ورايه شنو ترا صير محلوهه والله

جمانه : اي انت ابقئ دافع المرتك

فهد : ادافعلها واخلص علئ الي يحجي عليها بكلمة

بنان : كافي فهد عوفها

روان
حرت منين اضربها كفشتها وراجديات وتخرمش وعظ مخليت شي يعتب عليه لان حيل طوختها وصلت حدها حيل وهاي ريم بعد حيلي هم مقصرت وياها والكل يريد يفاكننه بس احنه ولا يمهم

و زوزو كاعده مبتسمه ع العركه الصايره

حسن : زوزو اشوفج فرحانه

زوزو : بعد ايدي هذني روان و ريم فوخن گليبي

همام : اي اشوفج تضحكين

زوزو : وانتوا ابقوا هنا ماريد أحد يفاكك خلوهم يتعاركون اريد يهلسون عطوب هاي ليان ام الوصخ

وكل هذا محد تدخل وياسر جان واكف ويضحك عليهم وينطي تشجيعات ال ريم وال روان

بنان : فهد يمعود وخرهن

فهد : عوفيهم

بنان : عفيه فهد

فهد : هوووو صارلي ساعه اصخم اكللهم كافي مااكو محد يسمع ولا كانوا اكو واحد دصخم ويحجي

بالاخير وصلت حدها وفهد عاط بيهم

_تسكتون لو اصيح ابويه وعمي هسه

بنان و رزان وخروا روان
و رحاب وياسر وخروا ريم

و همام وحسن يم زوزو يحششون ويضحكون ولا كأنوا

فهد : انتن شنو اني احجي المن صارلي ساعه واعيط خالتي عود انتي جبيرة وام والمفروض واعيه مو ادور هيج تسوين

جمانه : لعد تقبل يجون يحجون علينه هم هاي عود بنات اختي واني خالتهن

حجى فهد بعصبية : من حقهم لان انتوا اللي بديتوا ما اريد اي نفس منكم كافي اللي سويتوا وحجيتو اشكال عليهم ومن حقهم اصلا يتعاركون ويه بنتج .. اني لحد الان مقدركم وحاطلكم معزه بگلبي لتخلوني حتى معزه متضل ومحترمكم لخاطر عمي مثل مكلت قبل شوية

ما اريد اي تجاوز على بنان بما انوا هي زوجتي
ولا على روان و رزان باعتبارهم خواتها وبنات عمي وخالتي .. وانتي يا خالتي هم بأعتبارج خالتهم وتسانديهم وتحبيهم مو هيج تسوين وتكرهيهم بيج
وبنتج الزميها ترى والله تطخ بعقلي احجي لعمي هسه كلشي وما اخليها تعتب عتبة بيتنا هذا خوش وانتي تعرفين قصدي كلش زين فخليني ساكت احسللكم

سكتت جمانه هي و ليان

محمد ومحمود طلعوا من الديوان

محمد : هاي شكو شصاير هاي عود عفناكم دقايق كبت العيطه

شو منشوف غير ليان كامت تبچي وراحت تتمسكن عند عمو وگالت

_عمو تقبلها شوف روان وريم شلون ضربوني واني كلشي ممسويتلهم

محمد : هاي ليش هيج عمو روان سوين بيها هيج مو عيب وانتي ريم شهل تصرفات مال جهال هاي بدال متفاكيكهم

روان : والله حبيت اشوفها بنت الشوارع شسوي علئ كولتها

جمانه : شوف شوف كدامكم شوف شلون السان زفر

زوزو : هوه شنو اذا انتو اول ما شفتوهم استلمتوهم كح** بنات شوارع ساق*** زبايل وتريدين يسكتن

محمود : مهما يكون ما مسموحلهن يمدن ايدهن علئ بنتي ومينلامن بيهن جمانه وليان

فهد : هاي شنو عمي هاي عود بدال متحجي وترزلهم لان يحجون عليهن هاي شوفت عينك اول ما وصلوا نهدوا بيهن

محمود : ماكو حتئ لو ميدمن ايدهن هسه تجي روان تعتذر منهن وغصبن ماعليها وريم ما اريدها تعتذر لان اكيد ذيجه نحشت بيها

ريم : محد نحش براسي ولا كلشي اني مو صغيره حتئ تنحش براسي بس بنتك تستاهل لان جاوزت

محمود : كافي هسه تجي روان تعتذر منهن

شو منشوف غير روان طكتها بضحكه وگالت

روان : لا صدك تحچي والله لو شيصير ما اعتذر والسويته صح وما متندمه عليه واذا عادتها وجاوزت عليه او علئ وحده من خواتي هم اجي و اكتلها

محمود بعصبيه : اشو انتي متحترمين احد شنو احنه مو بعينچ

روان : والله الي يحترم نفسه ويضب السانه بذاك الوكت اسكت بس من اشوف مرتك وبنتك يجن يغلطن عليه وعلئ خواتي لا بذاك الوكت ما اسكت لحد لا للجبير ولا للصغير

جمانه : شنترجه منجن تربية شوارع

بنان : اني لحد الان ساكته ومحجيت شي احتراما الكم بس مال كلسع تجين تحجين علينه لا هنا وكافي

فهد : شنو تربية شوارع ترا طوختوها حيل عاجبكم معاجبكم بكيفكم هذا الموجود والي ميعجبه هذا الباب يوسع جمل

محمود : محمد دتشوف ديطردنه ابنك علمودهم

محمد راد يرد بس ردته بداله زوزو

زوزو : ولك انت شنو حسافة بيك ال 9 اشهر هاي تاليتها ولك خاف الله بنات اخوك ذني بنات اخوك شلون تحجي هيج وياهم المفروض انت اكثر واحد حنين عليهن

ياسر : عوفي زوزو عوفي كلامج مراح يأثر عليه مع الأسف لأن مفعول ام عباس عليه اقوئ

همام : اول مره تحچي شي بي حظ يا ياسر

ياسر : طاحضك

محمود : يلا امشوا نروح هوه صوچي جاي

ريم : الله ومحمد وعلي وياكم بس حجتها بصوت مو حيل مسموع

روان واكف يم بنام شو اجت ليان يمنه وبهمس گالت

_يلا باي يكح** وشوفوا شلون حندمكم علئ كل شي سويتوا

بنان لزمت ايد روان لأن روان من النوع بسرعة تتنرفز وتعصب

بنان : روان عفيه عوفيها الخاطري

روان : مدتشوفها شلون دتحچي

بنان : عوفيها

بنان طلعوا بيت عمي محمود وكل واحد راح الغرفته لان تأخر الوقت وفهد جرني وصعدنه للغرفة

اول مطبيت للغرفه كمت ابجي حيل اللي صار جوه اهانه

شنو ذنبنا اذا جان هذا قدرنا مو معناها هيج يسون بينا خالتي وعمي .. هنا القهر هذوله المفروض اقرب ناس النا اول الناس المفروض يساندونه

عمي مدافع ألنا ولا خالتي جمانه اللي استلمتنا تغلط هي و بنتها

فهد : لتبچين الدموع متلوكلج يولي

انداريت له واني ابچي : مشفت شسوو بينا ؟

فهد : لعد اني شجنت اخرط جوا ؟ بعدين احنه كلنا وياكم ليش هالبچي

مسحت دموعي : ولهيج حسكت

ابتسملي وكال : عفيه عليج صيري اقوى من هالمواقف البايخه

بنان : هيج مواقف بايخه بالنسبة الك .. ؟

فهد: كلش .. اللي مر عليج اصعب والمفروض هيج مواقف متضعفج

هزيت راسي شفته ضاج وراح كعد يشتغل

لبست شالي اريد اطلع اروح لخواتي اشوفهم شويه وارجع بس صاحلي

فهد : شنو وين ؟؟؟

بنان : بس اشوف خواتي واطمئن عليهم واجي

فهد : وليش مو هسه جنتي يمهم هي كلسع

بنان : غير خواتي .. بعدين اني ممرتاحه لوضع رزان كلش قالقني

فهد : وليش شبيها

بنان : احس بيها شي اذا انت ممنتبه ف اني اعرف خواتي زين

فهد : اي براحتج روحي شوفيهن

طلعت ورحت الهم لغرفة ريم .. دخلت لغرفتهم لكيتهن ديسولفن وگالعاده باوعت رزان مغطيه راسها ونايمه

روان : هاي بنان لج بنان انتي لو ما موخرتني جان بعد لعبت بيها خلقه

ريم : اهخخخخخ والله حتى اني

بنان : كافي يلا انسوا يا عرگه بعد راحوا هاذهوه .. ناموا عود ساعه 12

ريم : هيهيهي انتي شكد قديمه

روان : اي والله

بنان : ليش

ريم : جا غير اني اذا ما انام ب 3 لو 4 انتحر

بنان : جنت قبل ويه خواتي نسهر بس تعودت على نظام فهد وضليت انام وياه واكعد وياه

باوعت لكيت روان منزله راسها وعيونها مدمعه بس ريم ممنتبهه الها غيرت الموضوع رأسا وكلتلهم

بنان : يلا اني رح اروح تردون شيء ؟

روان : لا

ريم : سلامتج خيه

رجعت لغرفتنا وهو هم بعده لكيته يشتغل
رحت رأساً ردت انام بس سمعت صوته

فهد : مو من عوايدج هيج وكت تنامين

بنان : مادري

" اندارلي وكال "

فهد : انتي تنامين من انام اني كل مرة

بنان : مادري

فهد : شنو المادري ؟

بنان : مادري

فهد : نامي بويه نامي

بنان : مادريييييييي

فهد : شگلتي ؟ بيج دكمه اطفيج

بنان : لا بس فهد تعبانه ما ادري اريد بس نام

فهد : خوش نامي

بنان : فهد اريد تلكه جثة ماما واريد نسولها فاتحه

فهد : أن شاء الله وراها ادور علئ جمال

" بچيت بقهر .. مستحيل انساها احس روحي تتگطع كل ما اتذكر روان شلون حجت كلشي "

بنان : تصبح علئ خير

هز راسه ورجع كمل شغله

..................................................

روان
كاعده وصافنه وريم يمي كاعده تباوع بالمسلسل ورزان بسابع نومه

ريم : روان عفيه جوه اكو علاكه بالثلاچه بيها حبشكلات روحي نزلي جيبيها نسيت اصعدها ويايه

روان : مابيه حيل وعيب يعني انزل خاف يشوفني احد مااااا استحي

ريم : انتي تستحين والله يالله مو طلعتي السانج كدام الكل وخليتي جمانه وبنتها و شرشبيل يشيلون بنفسهم ويركعوها مستحيتي

روان : بعيدا عن كلامج كله وتعرفين كلش زين اني ما اسكت وهمه يستاهلون بس شربيل منو؟

ريم ضحكت : چا غير عمي محمود نصيحله شرشبيل واني طلعت لقب بس والله حتئ بشكل يشبه شرشبيل

روان ضحكت علئ سوالفها وگلتلها

_ اي والله يشبهه

_ اي يلا يحلوه نزلي جيبلنه الحبشكلات

روان : والله فشله بس يلا حنزل امري لله

ريم : اي عفيه بضلعتي ام السان الحلوو الي ينكط سم اقصد عسل عسل

روان : حمشيها هل مره بمزاچي

ريم : ديلا روانووو

روان نزلت داطلع العلاكه من الثلاجه وجان يجيني صوت ذاك الشخص بقه بس بالحلم مطلعلي

ياسر : ها يحلوو شدسوي

روان انداريت وگتله

روان : ربي صبرني انت بقيت بس بالحلم مطلعتلي

ياسر : لتخافين اطلع اطلع العافيات درجات عمي

روان : اي شتريد هسه

ياسر : شدسوين

روان : اختك الحلوه جوعانه كلتلي اكو علاكه بثلاجه جيبيها

ياسر : ها ايي زين

روان : اييي

ياسر : اي شكو ماكو طلعتي مو هينه ولج طركاعه

روان باوعتله صفح وگلت : شلون يعني

ياسر : هوه شنو شلون اذا صفنتي اكبر واحد علئ السانج وبطولاتج الملاكميه

روان : والله هذا الموجود انتو مو حيل ميتين علينه هاي هيه تحملوا اسلوبنه

ياسر : نتحملج بس انتي خواتج ما نسمعلهن صوت

روان : مو فاهيات فطيرات

ياسر : ياسر وانتي عرمه

روان : عرمه ولا مكفخه ياهو اليجي يكفخ بيه

ياسر : شحده غير اشكه ثنين

روان : حميت زايد

ياسر : وانشوي هم علمودج

روان : اي يلا وخرر

شو ما اشوفه غير عوج جسمه علئ الكاونتر وفتح التليفون مالته وطلع اغنيه و كام يغني وي الاغنيه ويكول

ياسر : اههههههههه" ويلي يا ويلي يا ويلي و يا ويلي "
اويلي اويل اويلي شلون بلوه .. اويلي اويل اويلي شلون بلوه

ويسوي حركات بيده ويأشر عليه : " بلاني ربي بلا شلون بلوه "

باوعت عليه وهزيت ايدي وطلعت من المطبخ وابتسمت علئ حركاته

صعدت فوك وتلكتني ريم

ريم : بعد جان نمتي

روان : هاج

ريم : وين جنتي ترا مطلعت علاكه لو رايحه اني اشرفلي

روان : اي مره ثانيه نزلي انتي جيبي

ريم : انجبي يلا تعاي ناكل

روان : ما اريد

ريم : شكد بومه انتي

روان : شكد حيه انتي

ريم : ولي

_______________________________

بنان
كعدت الصبح وشفت فهد طالع من الحمام وديبدل

بنان : صباح الخير

فهد : صباح النور

بنان : جان كعدتني

فهد : شفتج نايمه مردت اكعدج

بهل اثناء دك موبايلي وجريته داشوف الاسم وجان يطلعلي رقم فراس بس همزين فهد منتبه وراح نزل
مردت ارد عليه بس رديت وياريت لو مراده عليه فتحت الخط وجان يطكها بضحكه

فراس : هلاا بحبيبة الگلب شلونج شلون خواتج شلونهم بيت عمكم وياكم اكيد مرتاحين عدهم

رديت عليه بعصبيه : انت شلون عرفت

فراس : ماكو شي يصعب عليه يحلووه

بنان كمت ابجي وگلت : هسه شتريد ما مليت بعد كل الي سويتوا انت وابوك بعد ما ابوك كتل امك وعندك عادي يعني

فراس : اني ميهمني احد لا ام لا اب ولا واحد اني اهم شي مصلحتي عساهم تذابحوا بس هسه بده العب اذا ما اخليج تندمين وسوين كلشي اطلبه منج بالحرف الواحد ما اطلع فراس

بنان : انت شنو متخاف الله متخاف والله حرام دتسوي بعد كل الي سويته بينه دمرتني شتريد مبزعت منه مكافي بس شترجه من واحد يشرب ويحلف علئ كلام الله جذب وامه ماتت ولا همه

فراس : صوت منج ما اسمع صبري ايام قليله بس ويصير كل الي اريده

وسديته بوجهه وحطيت ايدي علئ راسي وكمت ابجي تخبلت تهسترت بس لو اعرف شيريد مني وين يريد يوصل وخفت من تهديده حيلل لان اعرف مستعد يسوي كلشي هذا اكثر انسان نذل وحقير وميهمه احد

مسحت دموعي وغسلت حتئ ما ابين لحد شنو بيه

___________________________

نزل فهد جوا جانوا محد گاعد غير محمد و رحاب و حسن و همام

باوع فهد بعصبية : شنو السالفه ؟؟ وين ريم وياسر

حجت رحاب بقهر : لك هذوله بزعوني صارلهم يومين ممداومين وميقبلون

حسن : ياسر حلا اله الوضع نومه وكعده واكل ولا دوام ولا شي ومحاظرات طارن وضارب الدنيا جلاق وكاعد

همام : خوش يسوي يتونس

حسن : وانت هم مرات احسك صاير تشبه طبع ياسر

فهد : اي شتريدهم لعد اذا همه ٢٤ ساعه سوا

محمد : خليهم بس اليوم يغيبون واني من ارجع من الدوام اعرف شلون احجي وياهم

فهد : اي وخلي روان ورزان يرجعون المدارسهم اليوم اروح احجي وي المديره مالتهم وخلي يحضرون نفسهم

رحاب : يصير خير يمه عود اكللهم

يلا اني بعد ما الحك ورايه هناك اشكال والوان
طلع فهد وراها الكُل طلع وكل واحد راح لشغله

بنان
نزلت جوه وتلكتني زوزو

زوزو : تعاي بنان اريد احجي وياج

بنان : اي بيبي كولي

زوزو : بعد روح بيبيتج .. انتي تريكتي لو لا ؟

بنان : اي بيبي كولي رايده شي ؟

زوزو : خليها بعدين بعدين نزلوا روان و ريم

انداريت لكيتهم بس رزان ماهيه

رحت بقلق الهم

بنان : وين رزان لعد

حجت روان : هو اني اريد احجي وياج بخصوص هالشي

بنان : شطلعت انتي ترديني وقبل شوية زوزو خوفتوني

ضحكت ريم : لتخافين زوزو مبينه مواضيعها وشتريد

اني رايحه بالمطبخ اسوي ريوك الي ولروان

هزت راسها روان

روان : بنان رزان ابد مو زينه

بنان : ملاحضتها من اول ما اجتي

روان : مو بس هيج مرات اسمعها تهلوس بس بصوت خفيف و ريم نايمه متسمع بس اني يمها

بنان : وهسه شلون لعد

روان : ما ادري

بنان : نكول لفهد يوديها طبيب نفسي او ايشي بس نشوف شبيها

روان : شنو شبيها هي واضحه ترى اللي صار مو شوية حتى تكدر تنساه هي لحد الان تهلوس وتكول امي ماتت وكله تحجي بأمي .. هذاك اليوم مجاي يطلع من عقلها ومجاي تكدر تتخطى .. بعدين اني مستحيل اخلي فهد يوديها ولا اخلي احد يصرف علينا

بنان : بس رزان مريضه ومجبورين

روان : افففف مادري

سمعنا صوت ياسر نازل : هاي كيفكون .. لككك هلا منورة ام كفشه

روان : هم انتتت

ضحك ياسر وكال : اي هم اني وين متروحين تلكيني تعودي على هالشي .. شخبارج بناننننو

بنان : شوفة عينك

ياسر : خوش خوش .. صدك سويتو ريوك

بنان : اني سويت وهسه ريم دتسوي اروح اكولها تسويلك

باوع لروان واستغل الفرصه : اي بلا زحمه عليج

بنان : لا عيني يا زحمه

ابتسم وهو يباوع لروان : اي شلونج

روان : موزينه

ياسر : ليش

روان : لان شفتك

ياسر : ثوللل دحجي كلمه حلوه

روان : معندي كلمه حلوه

ياسر : استغفر الله شلون اني ويه النفسيات
طبعاً بهاي العائله نفسيات هواي وجيتي انتي كملوا المركز الاول اكيد عند سيد همام والمركز الثاني لسيادة الضابط والمركز الثالث انتي وبجداااره بهذا النكد مادري شلون اتحمل الله يصبرني

ضلت روان تباوع وضايجه منه وهو يضحك عليها

روان : انتي زاعجني حيل

صغر عيونه وكال " يقلد " : اوي زاعجج وين أولي للمريخ ومتنزعج حضرة الأميرة سندريلا

روان : علواه تسوي فضل واخلص منك

ياسر : هاي بدل متكولين مكانك خالي من تروح
والله صدك متحسون بقيمة النعمه الا لمن تفقدوها
كام ياسر وراح طلع

جتي ريم : هيووو ياااسر وين رايح مو سوينا ريوك مثل الاوادم

أندار يباوع لروان وضايج : ماريد ما أشتهي

ريم : استغفر الله شبي هذا هم صاير غريب الأطوار

روان : جيبي خل اكل

ضحكت ريم : وانتي قبل يوم جنتي متقبلين تاكلين

روان : غيرت رأيي

ريم : تمام لعد .. شنو وين بنان راحت

روان : راحت لرزان فوك

......................................................

صعدت اريد اشوف شبيها رزان وصعها معاجبني ابد

بنان : عادي نحجي

رزان : اي تعاي

بنان : شبيج رزون شو معابجني وضعج

رزان : شتريديني اسوي اضحك افرح اسولف شسوي بنان اني تعبانه حيلل امي ماتت كدامي كدام عيني وكل بسببي لو منجبه ومزوجه اشرفلي هسه شستفادينه غير شتتنه

بنان : رزان عفيه لتحجين هيج ترا اني مو اقل منكم والله اني هم عبالج مابيه شي بس لازم اصبر نفسي لازم اقوي نفسي علمودكم

رزان : احنه شتتنه

بنان : ليش تحجين هيج واني شنو وجودي

رزان : انتي زوجتي

بنان : تعرفين كلش زين زواجنه مده وبس اما مال اشتتنه ترا بيت عمنه ذوله

رزان : بيوم وليل طلع عدنه بيت عم وخاله

بنان : ترا الكل هنا يرديونه ويحبون وجودنه بيناتهم

رزان : واضح من بيت محمود وشليلي ايدج

بنان : مداقصد ذوله داقصد الي هنا

رزان : اشتاقيت الامي بنان

بنان : مو بكدي جنت احسب الايام حتئ اشوفها وهسه راحت قبل ما اشوفها

رزان : تعبت بنان حيل تعبت

بنان : فترة وتعدي ان شاء الله

أحاول ابين القوه كدام خواتي بس اني بداخلي ميته قهرر ...

____________________________

بنان
الساعه ب7 كاعدين وجان تجي مريم حسن رجعها من بيت اهلها وياها فرح وستلمتنه بوس وتحضن اظاهر حسن مسولفلها كلشي

مريم : شلونجن يحلوات

بنان : الحمد الله وانتي

مريم : الحمدالله تدرين ممصدكه انتو بنات عمهم وخالتهم بس حسن سولفلي بقيت صافنه

بنان : اي هوه شويه شغله غريبه

مريم : حيل اي شلونجن انتن

رزان : الحمد الله

مريم : دومكم صدك سمعت امكم الي ربتكم ماتت الله يرحمها يارب ويصبركم

رزان : ويرحم موتاج

روان كاعدين ودنسولف شو اجت فرح كعدت يمي وبدت تحجي ويايه وانطلقت وگلت خلي اضوجها لان
اني عندي سوله اي طفل احجي وياه لازم اضوجه واخبله

فرح : انتي سسمج (شسمج)

روان : روان اسمي

فرح : اني اسمي فرح

روان : حلوو

فرح : انتي ليس شعلج هيج (شعرج)

روان : ليش محلو

فرح : اني شعلي اهلئ (احلئ)

روان : لا اني احلئ

فرح : لا اني احلئ انتي شعلج محلو

روان : لا اني شعري حلو انتي شعرج محلو

فرح : لا انييييي

روان : اني

فرح كامت تعيط : لا انيي اني ماما اني شعلي اهلئ مووو

مريم : اي ماما كافي فروحه

روان : لا انيي

بنان : ولج كافي روان حاطه عقلج وي هل صغيره

فرح : اني مو صغيره

بنان : لا حبيبتي انتي جبيره وحلوه

روان : لا لا صغيره فرح

فرح : لاااااا اني مو صغيره

روان : صغيرههه

فرح : لاااا

ضحكت علئ سوالفهم وگلت : ولج كافي خبلتيها

روان بضحك : سكتت سكتت

بنان ورها كمنه نحضر عشه وهاي وجان يدخل فهد الي ما ادري شلون اجازي بكل شغله صير يبقه واكف ويايه وميعوفني

فهد : الله بالخير

بنان : هلا

فهد : تعاي بنان ورايه

صعدت وراه للغرفه اشوف شيريد اول مدخلت وجان يجرني من ايدي ويحصرني بالحايط

بنان : هاا فهد شكو

فهد : اريد اتأملج

بنان : هاا

فهد : وجعا شبيج اسكتي وحسوي شي ولتوخريني

بنان : هاا

بنان اباوع عليه شنو هذا تخبل لو شنوو اشو هذا حط راسه بركبتي وخله ايده علئ خصري

بنان : فهد شدسوي عفيه وخر

فهد : بنان بس ثواني

واكفه مجمده لا اكدر اوخره ولا ينسمع الي صوت واكفه صنم بين ايدناته وكلسع يجرئ بلمساته اكثرر

فهد : افييش ريحتج تخبل

ما ادري شلون طلع مني الكلام وكتله

_ كله بسببي نسيت اسوي ريحتي ريحة ثوم

اشو هذا وخر مني وبقه صافن بوجهي وطكها بضحكه اريده يسكت ماكو

فهد : صدك تحجين ردتي سوين ريحتج ريحة ثوم

بنان : اي لأن انت دائما كل متجيك فرصه تجي شمني وتتقرب مني فأحسن شي اسوي ريحتي ريحة ثوم

فهد بقيت صافن عليها وگلت

_ بس كلتيلي ذاك اليوم عبالي تشاقين

بنان : بس اني ما اشاقه

فهد : لعد هيج حاله اذا صير ريحتج ريحة ثوم ازوج احسلي

بنان : شنو تزوج

فهد : چا غير ريحتج حصير ريحة ثوم

بنان : اصير ريحتي ثوم بصل معليه اني مادام مزوجني متزوج عود بس طلكني عود ازوج براحتك

فهد : لعد ليش تريدين تسوين ريحتج مطيبه

بنان : حتئ متتقربلي

فهد : لهل درچه كارهه قربي منچ ؟

بنان : فهد شبيك لتنسئ زواجنه مو حقيقي

فهد : اي اي تمام يلا حفوت اسبح حضريلي ملابس

بنان : زعلت

فهد : عفوا علئ شنو ازعل

بنان : يعني علمود مخليتك

فهد : اذا اريد شي اكدر اسوي اخذه ما يحتاج اخذ رائي احد بس صح كلامج بنهاية زواجنه شكلي وفتره ويخلص

بنان : اي

وخر وعافني وفات سبح
اجذب اذا اكول معندي مشاعر اتجاهه وخاصة بأخر فترهه بس مشاعري ما اعرف متخلبطه ومداعرف شنو هيه بس مستحيل يكون حب ومستحيل احبه اني اعتبره اخ وما اكدر اكون وياه حتئ لو حبيته ما اكدر اتقبله لان الي عشته مو سهل مو بس فهد اي شخص ثاني فأني و فهد ابد منتوالم مستحيل نكون سوه ..

____________________________

روان
جنت كاعده يم ريم بس مريم و فرح كاعدين كبالنا يم خاله رحاب

كالت زوزو : روان شدتاكلين بيبي هذا الاكل حتى العصفور مياكله

روان : لا بيبي دا اكل

همستلي ريم : اكلي اكلي هنا زوزو حتسويج دب

همام : صدك لعد وين ياسر

فهد : اخوك هذا الدايح من الصبح طالع ومادري وينه حتى مو يم احمد يجي واني أعلمه

محمد : شنو شو مادري .. رحاب انتي مو كلتيلي هو بغرفته نايم

رحاب : ا ا هاي مو شسمه عيني مادري بي طالع هسه من فهد عرفت

محمد : صدكت .. هو انتي حايره تطمطمين لهذا ابنج اللوكي ومندري بي هسه وينه

فهد: يابه عاد متدري بي وين يروح تلكي شو وين مطعم كوفي ايشي اني اعرفه

همام : صح هو يروح لهيج مكانات

محمد : مهما يكون اني شنو هنا وليش محد يكلي ايشي

فهد : يابه انت تعبان لتشغل بالك بهيج اشياء اكل وعليك صافي

همام : زين هي الدنيا ليش ضوجه

زوزو : لان ماكو ياسر

همام : اي والله هم صدك

بهالاثناء دخل حسن جان طالع ورجع

حسن. : لك هاي شنو شو البيت هادئ اول مره اشوف البيت مابي صوت

رحاب : تعال يمه اكل .. اي اكيد هادئ البلوة ماهوه

حسن : وينه

رحاب : مندري بي

حسن : هسه يرجع وين يروح

وره مخلصنه عشه الكل كعد بالصاله وبقوا يحجون ويسولفون وجان يفوت ياسر

فهد : يا هلا عاش من شافك وين چنت

ياسر : ها هلا چنت يم احمد

فهد : ليش چذب بويه

ياسر : يعني وين جنت جنت بكوفي كاعد وانركل

محمد : اياا طايح الحظ ولا يحجيها كدامي يكل انركل

ياسر : يعني والله حرت احجي جذب تكلولي لجذب احجي صدك ترزلوني هسه شتريدون

زوزو : سلامتك تعال يمه روح اكل

ياسر : ما اريد مااكل

روان
اجه وكعد ياسر يمنه اباوع عليه ميباوع بوجهي وكل ما اباوع عليه يدير وجهه عني

روان : باوعت لفرح كاعده گبالي وتباوعلي صفح
ابتسمت واني اباوعلها واسويلها حركات واطلعلها لساني واعقج وجهي وهي ضاجت مني سويتلها دوده بيدي وجان ينتبه ياسر وگال

_الخبال طلع وراثه

همام : شنو

ياسر : لا هيچ ماكو شي

وبقيت اسوي حركات بوجهي الفرح بس هي هنا متحملت كامت جتي علي بوسطهم كلهم جان تكلي كدام الكل والكل بقه يباوع علينه

فرح : روان

روان : هاا

فرح : انتي ليش حكيرا ؟ ( انتي ليش حقيره ؟)

لما كالت هيج الكل بقه صافن ويضحك

واني بقيت اضحك فاجئتني بكلمتها فكلت الها

_ اني هم احبچ حياتي

حسن : بابا فرح ليش تحجين هيج وي روان مو عيب مو هيه تحبج

فرح : لااا اني ما اهبها ( اني ما احبها)

فهد : ليش ولج مو حبابه روان

فرح : روان هبابه روان شيتان

روان لهناه ومحد تحمل يكتم ضحكته

ريم : اي والله صح كلامج فروحه تعاي ابوسج

روان : ها يعني هسه اني شيطان

فرح : ايي

ياسر بهمس وي همام : احلئ شيطانه

همام : ولك انچب اثكل

ياسر : خليت الثكل الك

صار حالة صمت الكل ملتهي بتليفونه وكاعد وجنت اني وريم كاعدين بصف زوزو وبنان يعني اذا يحجون نسمعهم

زوزو : اكلج بنان صدك اني مو ردت احجي وياج بموضوع

بنان : ها اي صح كولي

زوزو : اكلج انتي باعي انتي شلون لحد الان مديصير عندج حمل

بنان : هااا

روان كاعدين اني وريم نسمعهم يبسبسون سوه

لحد ما زوزو كامت حجت وي بنان شغله وبنان انكلب وجهها الوان

اني وريم سمعناها هنا مكدرنه نكتم وطكيناها بضحكه متنه ضحك والكل بقه يباوع علينه مصدوم يريدونه نسكت ماكوو وبنان وجهها صار احمررر من الخجل

و زوزو عرفت سمعناهم فكالت

زوزو : اياااا طايحات الحظ ادبسزيات

واحنه مستمرين نضحك اجتنه هسترية الضحك اني وريم

زوزو : كومن منا ولن تافهات جيل هل وكت كلشي يعرف ادبسزيات

فكمنه اني وريم نضحك وگلت البنان

روان : اختي العزيزه اسفه الج علئ الحجي سمعتي

وزوزو بقت ترزل بينه واني وريم كبل صعدنه فوك كل شويه نسكت وبس نرجع نذكر نرجع نضحك

ياسر : شكو شكو شبيهن يضحكن

زوزو : خوب انت مصدك شكد حشري

فهد : لا صدك شبيهن

زوزو : معليكم ماكوو شي اي يلا تعاي اكملج بنان

بنان : هاا لا بعدين مو روان تصيحني

زوزو : اي اي نهزمي نهزمي

______________________________

بنان صعدت فوك كعدت اجه فهد

فهد : زوزو شنو حجت وياج حتئ روان وريم هيج ضحكن

بنان : هااا

فهد : وجعا

بنان : لا ماكو شي

فهد : واضح واضح صدكتج صدك اليوم حجيت وي المديره وكتلها علئ روان ورزان وكالت خلي يجن يداومن بعد يومين هنه وريم

بنان : صدك

فهد : اي عود بلغيهن

بنان : اي هسه اروح اكللهن

فهد : اي

رحت الغرفتهن لكيتهن كاعدات روان اول مشافتني ضحكت

بنان : اهوووو روان لتبديلي انتي هم كافي تفاهه وباعي

روان : اشش سكتت

بنان : اي عفيه باعي بعد يومين داومين انتي ورزان فهد حجه وي المديره

روان : صدك

بنان : لا جذب

روان : خوش تمام بس اسمعي احنه غراضنه كلها بذاك البيت شلون كولي ال فهد خلي باجر اروح اجيبهن

بنان : شلون تروحين جيبيهن شلون تكدرين

روان : اكدر اكدر عفيه كليله

بنان : خوش عود اكول اله يلا نامي

روان : تمام

بنان رحت للغرفه وگلت

_صدك فهد روان تريد تروح البيتنه وتجيب غراض مالتهم

فهد : لاا

بنان : شنو لا

فهد : شلون تكدر وامها الي ربتها نكتلت بذاك البيت

بنان : عفيه فهد خلي تروح تجيب غراضهم وهيه كتلها تكلي اكدر

فهد : خوش بس ياسر خلي يروح وياها متروح وحدها

بنان : تمام

_______________________________

روان
الصبح حضرت نفسي حتئ اروح اشوف ويامن اجيب غراضنه جانب مني يريد يروح وجانب مني ميريد يروح بس لازم اروح شو ندكت باب الغرفه وجان اشوف ذاك الشخص

روان : ها ياسر

ياسر : يلا امشي

روان : وين

ياسر : مو تريدين تروحين جيبين غراضكم امشي يلا فهد كلي وراح اجي وياج

روان : انت

ياسر : اي يلا امشي

روان ركبت سياره وطول الطريق محد يحجي وي ثاني وصلنه للبيت اول موصلنه احنه بيتنه اول متفتح الباب اكو مخزن فجان شويه مفتوح من المخزن وجان اكو ريحه عفونيه ما ادري ريحة ابد مطيبه

ياسر : شنو هل ريحة

روان : منا جايه الريحه تعال نشوف

اول مفتحنه الباب مال مخزن وچان نلكه جثة ماما الهام المره الي ربتنه التعبت علينه مشموره جثتها بالمخزن هنا متحملت كبل دخت ولزمني ياسر

نهاية البارت
يتبع ...

(لاتنسوا التصويت)

إن شاء الله يعجبكم البارت ♡.

إلى اللقاء يا أعز العابرين في قلبي ♡.

الكاتبات دينا & نور