نقطة لقاء الفصل الثالث وخمسون 53 - بقلم دينا _ الكاتبة نور

ورُغم رغبتي بالإنعزال عن كل شيء، اخترتك .

>>>>>>>>>>>>>>

ريم
اباوع للباب انسدت

كمت اعيط بخوف وابجي : افتحح الباااببب

هو يباوعلي ويضحك گال : يا باب شلون لُكطه خربب

ريم : افتحح الباب حيوان وخرررر والله أصيح اخوية ورجلي هسه عليك

- يا اخ يا رجل

شوي شوي يتقرب علية واني اعيط وابجي اريد احد يسمع ماكو والاغاني عالية ومحد ماكو .. ايست يجي احد ويطلعني

لحد ما تقرب حيل ودفرته دفره قوية

- الچلبه تعرف تدفر

راد يكفشني من حجابي چان تندفع الباب حيل صار بوجهي مؤمل وبيده سلاح

لما شافني ابجي تخبل اجه كبل لزمه وحط السلاح براسه

مؤمل : قفلت الباب يا چلب هسه اني اعلمك شلون تقفلها على مرتي

ضل يباوع ويتأتأ رحت حضنته واني ابجي

وهو يعيط وحاط السلاح براس الولد : شبي شسوالج القذررر بس كليلي شسوا

ريم : ما سوا شي بس راد يسوي

ماشوف غير كامله ويضرب بي كسره وجهه صار عبارة عن دم وتزورك ويتلوى بالكامل

واني مصدومه من المنظر وابجي بس بگلبي اكول حيلل ..
اخر شي طلع المسدس وحطه براسه : انطيني المفاتيح بسرعه

- ما انطيهن

مؤمل :جيبهن كوا*

ايده كامت ترجف طلع المفاتيح وأخذهن مؤمل سحبني قوي وطلعني برا

وقفل الباب عليه واني واكفه امسح بدموعي
شال تلفونه وكعد يخابر كلشي ما افتهمت بس من گال

_ حطيت المفاتيح على ***

ريم : شنو هاي عليمن تخابر وشنو مفاتيح

مؤمل : بس يخلص العرس تجي دورية تعتقله ..

باوع علية شوية وحضني : خفت لا صار بيج شي .. حمدي ربج طلعت وراج شفتج طلعتي فردت احجي وياج وشفته شلون سد الباب

ريم : الحمد لله .. شنو هذا السلاح ضمه اخاف منه ليصير شي

مؤمل : ايي

ورا ثواني انكلب وجهه عصبي وكام يرزل : أنتِ شنو متفتهمين راح تخبليني شطلعج شجابج هنا هاا كليلي شجابج

ريم : طلعت اصور غير

مؤمل : تطلعين براا عفتي كلشي وطلعتي برا

ريم : واني شمدريني هيج يصير هو اصلا المكان هنا هم حلو شفته وجيت اصور بي

مؤمل : راح احطج واكتلج ريم امشييي كداميي

ريم : وينن

مؤمل : كلت امشي

ريم : ما اجي

مؤمل : لا تجين تعالي

جرني حيل من ايدي وگال : نرجع للبيت

عطت عليه : يا بيت وامك و اسيل شلون يرجعون

مؤمل : استغفر الله

ديريد يصعد جان تطلع بوجهه اسيل : مؤمل وينك انتَ

مؤمل : موجود هنا يم ريم

باوعتلي وابتسمت بعدين كامت تحجي ويا گالت

_ عفية تعال شوف هذا بس يذب حجي وين ماروح يجي وراي

وجهه عطب من العصبية وگلت بگلبي نلاصت منا اني ومنا اسيل لا هاهيه جان يعيط وگال

_ ياهو هذا يا نعال

اشرلي تعاي رحت وراهم
رجعنا طبينا للقاعه وهي اشرتله من بعيد عليه منشوف غير مؤمل عاط گال

_ هذا احمد

اسيل : شنوو

مؤمل : انجبي وروحي يم امي

اسيل : واني شكلت

مؤمل : ريم روحي يم امي تحضروا بس اجي نرجع للبيت يلااا

ريم : بس اني ما ارجع وياك

مؤمل : مو بكيفج بسرعة روحي

اخذت وياي اسيل وهي تحجي وتدردم بعصبية وتحجي على احمد

اباوع لمؤمل راح يحجي وي اجمد عادي وأحمد كلسع تصير عينه على اسيل بعدين اجه مؤمل وأخذنا
واني اعيط عليه حتى بدون محد يدري أخذني ولا لحكت اكول لاخواني ولا امي ولا أبوية

الطريق كله اني متحلفتله وافكر واول ما ارجع اخابر حسن يجي علية ..

وصلنا للبيت نزلو اسيل وخاله ام مؤمل
بقيت بس اني گال

_ امشي فوتي

ريم : مافوتتت

مؤمل : لا تفوتين

ريم : مادام عمتك هنا ماطب

مؤمل : راحت

ريم : شنو

مؤمل : اي راحت لـ بنتها يم عمتي الثانيه بعد متجي اني وديتها

ريم : شلون

مؤمل : امشي فوووتيييي ريم

ابتسمت بفرح وگلت : اييي

طبيت للبيت
وهو هم اجه وراية

شمر سويج السيارة وگال : البيت ارتاح من راحت هي ومشاكلها خبلتنا

ريم : الله وياها اهمشي هسه اني جيت

مؤمل : طبعاً

ريم : بعدين ترا اني زعلانه ؟

ضل صافن علية وگال : من شنو يمصخمه

ريم : مو عيطت علية اني شعلية عيطت هو اجه وقفل الباب

مؤمل : اسكتي لتجيبين السالفه هاي علسانج .. شمرته بالسجن النذل

ابتسمت وگلت : عفية عفية بزوجي العزيز

ابتسم الي وسكت

ريم : شنو ضايج مني

مؤمل : لا مضايج بالعكس فرحان

ريم : اممم مبين ضايج

مؤمل : أنتِ هيج تحسين

حضني وهو يشم بشعري گال : مشتاقلج والله .. غبتي اسبوع احسه مليون سنه

ابتسمت وگلت : اي هياتني رجعت شبيك ضايج لعد

مؤمل : جا غير مشتاقلج شلون انطاج گلبيج تعوفيني ومتردين علئ رسايلي ولا اتصالاتي

ريم : اني هم مشتاقتلك حيل حتئ بجيت بس كله بسبب عمتك ردت حل دائما ضوجني

مؤمل : بجيتي ؟

ريم : اي .. لا لا

مؤمل : بجيتي مو

هزيت راسي وگلت : اي شسوي يعني اني احبك هواي ماكدر ابتعد عنك وعمتك ما ابقى يمها تسوي مشاكل وتدور الزله اصلا محد متحملها هنا من البداية وقبل زواجنا جان مجبتها

مؤمل : عوفيها بعد لتفكرين بيها

ريم : ايي

مؤمل : طالعه حلوة اليوم أنتِ

ضحكت وگلت : صدككك انتَ هم بعد شوية ردت افكس عيون اليباوعن عليك

مؤمل : هي ياهي منتبهه علية شو الانظار على ياسر وجماعته استحلوا القاعه

ريم : اذا ذبوا لحم

مؤمل : وانتِ صدك صدك شلون تروحين توكفين وي البنات الي يريد يشمرن الباقه

ريم : اي غير الزم الورد

مؤمل : مو مزوجه انتِ

گلبت عيوني وگلت : هيج احب اغورك

جام يجرني من خصري وگال

_ تحبين تغوريني موو

ريم : اييي

مؤمل : تدرين اني شحب لعد

ريم : ايي شنو؟

مؤمل : احب ابوسج

جان يبوسنيي بشفتي وبخديي ورها وخر گال

_ اهخخ شكد مشتاقلججج

ابتسمت وگلت : بس اسبوع وصار هيج بيك

مؤمل : شسوييي غير صرتي الهوئ الي اتنفسه

جان احضنه حيل وبسته بركبته وگلت

_ يا حَبيّبي
شلّون لّو شَحت
مَكاتيّبَك عَلَيّة ؟
الغيّم ما يوَدي حَچي
يا حَبيّبي
تراب الولآية حَزين
بغيَّر جدمَك
و الضَباب شما ترَسني
وتَيَهِتنّي
ألگاني يَمَك . (مؤملي)

ضحك وگال : ما عرفتج

ريم : هواي احب احفظ او اكتب هيج اشياء واهديها الك

قلص عيونه وگال : ليش انتِ بس تكتبين او تحفظين تفكرين بيه

ابتسمت وگلت : سد موضوع حبيبي

مؤمل : لا اريد اعرف

ريم : ايي اكتب بس هيج مرات

باسني بخدي وگال

_ اموت بيج

ريم : اهخخ احبك

قرب وجهه من عندي وباسني بركبتي ..

ضلينا نسولف وراها مؤمل دك علئ فهد وگال ريم يمي حتئ ليضل بالهم يمي ..

__________

روان
العرس كُله ياسر وجماعته ما بطلوا ركص ذبوا لحم والكل يضحك عليهم

ورا شوية جابوا الاكل وتوزع عليهم

اجه ياسر يمي وهو يضحك : لج اخخخ شوكت نروح للفندق شيبت

روان : وين مشيب لتجذب

ياسر : اي صدك بعدني بعز شبابي

روان : واني هم عينيييي

ياسر : لج رواننن

روان : هاا

ياسر : باعي هذيج حلوة موو

روان : ها ياسررر ها منية منية هاي

ياسر : دشوفيها هذيج كاعدهه هناك

روان : منيييييه

ياسر : شبيج هذيج الطفله ام البدلة حمره

ضربته حيل وگلت : جذاااب مو طفلهه قصدك علئ غير وحده

وهو يضحك قوي وگلت : ها يعني اني ممغزرة بعينك

ياسر : لا حطي ملح حتى تغزر

روان : ياسررر لتخليني اتعصبب

ياسر : تتعصب شبيج عمي عدلي ملامح وجهج هسه كلبتيها وكتج

روان : اييييي وكتي احد كلك تضوحني هسه

ياسر : احب اضوجج غير .. خل اروح ارجع اركص احسن

كام من يمي وبعدين التفت إلي وگال بضحكة : احبج ام كفشة

لا اراديا ابتسمت لما گال هيج وراح رجع هم يركص وكلسع يجي يمي يذب كلام ..

رجعوا يركصون وبقوا علئ هل حالة وركص وونسه ..

دقايق وطلعت الزفه اجه ياسر يعدل بالبدله لان ماكدر اصعد السيارة وهي طويله : لج ملكيتي الا هاي كنستي الشارع بيهااا

روان : هسه شبيك انتَ مدقوق

ياسر : اني ؟ ديلا انتِ عدليها

كمت اعدل بيها وهو ركب السيارة ويكول : عنادج هذا رح يخبلني

روان : ترا انتَ مخبل اصلا

ياسر : اصبريلي روان اطلعهن الج وحده وحده بس خل نوصللل

سكتت وهو علك اغاني واني اصور ..

وصلنه للفندق فتت اجن البنات يمي بس ريم افتقدتها ماكوو ..

رزان : اكلج اشو انتِ تتمضحكين شنو مخايفة

هزيت براسي واني اضحك گلت : لا

بنان : عرايس اخر وكت

روان : اهوو لتبديلي بسوالف العجايز

رحاب : المهم خوش ماما مثل معلمتج لتخافين

ضحكت وگلت : اي تمام خاله

رحاب : اي عفيه ولتخافين وارتاحي واني اعرف ياسر يحبج حيل ومراح يخيب ضنج بيوم من الايام

ابتسمت وگلت : اي خاله حتئ اني احبه

شو ما اشوف غير بنان كرصتني وگالت

_ شويه ثكل

روان : اهوو هسه شحجيت

ضحكت خاله رحاب وگالت : عوفيها بنان عوفيها يلا روان تتهنون ان شاء الله انتِ وياسر

روان : اي ان شاء الله خاله

طلعت خاله رحاب بقت رزان وبنان .. جنت موخره بركع عن وجهي جان تجي بنان تجره تنزله وتكول

_ لتخافين خوش ولتتوترين

رزان : ليش هاي هم تعتبر خايفة ومتوتره ؟

روان : وخرن لا خايفه ولا متوتره يلا وخرن خلي يجي يسورتي حتئ اشوف شغلي وياه

فتحت عيونها بنان وگالت

_ عزاا متستحين انتِ

ضحكت وگلت : انتِ تفكيرج راح بعيد ليش ؟ قصديييي شلون يباوع علئ البنات الي هناك

بنان : اي اوك عبالي يلا امشي رزان نطلع

رزان : ايي ليجي ياسر امشي

ديطلعون جان تندار بنان وتجي يمي تحضني وتبجي گلت

_ هاي شبيج تبجين ؟

بنان : ما ادرييي لج هذاك اليوم كمتوا تمشون وهسه زوجتن اووف ايام تمر بسرعه

روان : هاي كبت هرمونات مالتها

رزان : يمكن

بنان : حقيرات وخرن وانتِ عفيه روان لتتوترين

روان : بابا ما متوتره والله

بنان : اي عفيه يلا امشي رزان

ورها راحن طلعن واني نزلت البركع انتظر اميري الوسيم يجي جان يفوت ويجي يمي گال

_ هسه ارتاحيت انجمعنا بغرفة واليوم تنامين بحضني واخيرا

وخرت البركع وگلت : حيل واثق

ياسر : اي ليش ما واثق

روان : ايي اي يلا اني اروح ابدل

ياسر : تعاي ابدلج اني

روان : لا شكرا ما اريد

ياسر : اهخخ منج

روان : اييي المهم خلي اروح ابدل

ياسر : تعاي هسه خلي اباوع عليج امسلت

روان : اي هسه ابدل واجي

كمت داروح ذكرت بدله شلون انزعها فگلت

_ صدك ياسر ياسر

_ عيون ياسر گلب ياسر روح ياسر

ضحكت وگلت : الله الله عليك اي تعال افتحلي سحاب البدله مدينفتح

شو ما اشوف غير كمز اجه يمي وگال

_ تدلل رواني كم روان عندي قابل

_ شمدريني تحبل تجيب قابل

كام يفتحلي البدله شو هذا خله راسه بركبتي گلت

_ ولك يسورتي بعدنه مكلنه بسم الله بديت بالسوالف سرسريه

ياسر : دخليني استنشق عطر رواني

روان : خلي ابدل

ياسر : روحي بدلي خاتون

روان : صدك ترا جوعانه اني حيل

ياسر : حتئ اني

روان : اي والله لعد خلي ابدل ونجي ناكل

رحت فتت للحمام سبحت بسرعه و داشوف شلبس جان الكه كلهن سيتات نوم واني عود كلتلهم خلولي بجايم بس هاي سوالف ريم الحيه

بقيت صافنه گلت

_ اووي خلي البس واذا منين مستحيه اني قابل

رحت لبست سيت لون احمر وحطيت حمره ماروني وطلعت شو هذا بقه صافن گلت

_ ادري بنفسي حلووه ترا

ياسر : اموت علئ المغرورات

روان : فديتنييي

ياسر : اي والله فديتج

اباوع عيونه راحت علئ كُل جسمي گلت

_ بس عيونكككك

ضحك وگال : مو جسم طركاعة باع الخصر و الرجل و الصدر عميي العببب

سمعته شكال بس گلت خلي اغلس عسالفه وگلت

_ ايي شنو العشهههه اذا مو بيتزاا هسه طلكنيي معليههه

ياسر : بيتزا بيتزا بس لتبجين

روان : اووف حرامات عبالي مو بيتزا كلت خلي اتعارك شوي وياك

ياسر : تطربين علئ العركات

روان : شسوي احبهن

ياسر : اي يلا تعاي ناكل

كعدت تربعت بدينه ناكل وهوه كلسع ياخذ صفنه عليه گال

_ اني شايف وحده بيوم عرسه تتوتر تخاف تزيد عدها هرمون الانوثه شو انتِ ماكووو

روان : والله هاي اني ما احب اتصنع هاي حقيقتي عاجبك معاجبك تتحملنييي

ياسر : اي اتحمل غصباً معليه

كملنه اكل ورهاا رحنه فرجنه سنونه وغسلنه و رحت تمددت دانام گال

_ هاي شنو عمي تعشيتي وبس

روان : اي لعد شنو

ياسر : لا عمي لاا كومي كومي سهرتنا طويله اليوم

روان : وين اكوم

ياسر : لتخافين كومي خلي نركص شويه

فتحت عيوني بصدمة وگلت

_ انتَ شنو متشبع لعد بالعرس منو ذب لحم

_ لاا ولج مو بالعرس ذبيت شحم

روان : تافهه

ضحك وگال : ادري .. يلا كومي ركصي مركصتي زين

روان : ما اعرف اركص

غمز وگال : علينا هل سالفه ريم حاجيتلي عن فنونج الركصية

روان : عزااا

ياسر : يلا كومي

روان : دطلع اغنية واكوم بس تركص ويايه ما اعرف اركص وحدي

ياسر : خوش كومي

روان : بس طلع اجيبك للدرب اذا مطلعها طلكنيي

ضحك وگال : ادللي

كمت وكفت راح طلعع اغنية " اجيبك للدرب " شغلهاا ورها گال

_ يلاا طركاعة

روان : اصبر خلي اتحضر

كمت اتمايل بجسمي وآشر بيدي عليه واغني وي الاغنية واكول

_ اجيبك للدرب كتلك اجيبك .. اتراهن عليك اصبح حبيبك

كام يركص ويايه ويضحك ويكول

_ مو چلب عندج جيبيني للدرب

ضحكت گلت : لتخرب

كمت احرك بحواجبي وبيدي واغني

_ اجيبك للدرب كتلك اجيبك

ياسر : جيبيني عمي جيبيني

_ لا تتعاند وياي .. ما تكدرلي يهواي

_ لا عمي ما اتعاند وياج غير تحطيني وتكتليني

غمزت وگلت : عفيهه

ياسر : شلون تريدني اغتصبها

روان : ترا ابطل اركص

ياسر : لا لا كملي

كمت اهز بشعري واغني واكول

_ انا قافل عليك اله اجيبك .. انا قافل عليك اله اجيبك

اشو ما احس غير اجه ولزمني من خصري گلت

_ متفقنه هيج

ابتسم ابتسامه شيطانيه وگال

_ لا لازم نوع شويه ركص شوية حركات طايح حظها

_ شلون يعني ؟

ياسر : لتغشمين نفسج حبيبي

اشو هذا جان يجرني اكثر عليه ويبوسني بشفتي قوي وخر وگال

_ اهخخ طركاعة طركاعة

وخر من يمي وحطيت ايدي علئ حلكي وضحكت گلت

_ عززاا انتَ غير تكلي راح تبوسنييي

ياسر : ليش لازم استأذن

روان : ايي

ياسر : لا عمي ما استأذن لان ذني صارن ممتلكاتي

نزلت راسي بخجل وضحك وگال

_ هاي شنو صايرة تستحين حيل معرفتج

روان : يعني شنوو واحد ميستحي مثلا قابل وحد انيي

ياسر : لا استحي بس اعصابج

جان مطلعين اغنية اجيبك للدرب بس يعني وره مخلصت الاغنيه جان تطلع اغنية عبالي حبيبي

روان : هاي انتَ طلعتها

ياسر : شعليه اني مو واكف كدامج

روان : غيرها غيرهاا حتئ كرهته للاغنيه من وره فشله تفشلناها اليوم

ياسر : اليسا حتئ هنا لاحكتني

رحت كعدت علئ الجربايه داريد ارفع شعري جان يكول

_ انتِ شنو ناويه اليوم اجني عليج

روان : هسه شسويت

ياسر : نزلي شعرج محلو رافعته

روان : عاجبني

جان يجي ويوخر القراصه ويلزم شعري ويكول

_ هيج احلئ

روان : ايي

بقه ثواني صافن بوجهي ورها گال

_ روان انتِ تحبيني

ضحكت وگلت : احجي من النهايه احسن

ضحك وگال : ادبسززز

روان : اي والله هاي حركات المزوجين لطبقها عليه

ياسر : ايي تدرين اني احبج موو

روان : ايي

ياسر : يعني تدرين

ضحكت وگلت : ايي

ياسر : ترا احبج اني

روان : اي والله ادرييي

ياسر : ايي زين

روان : ايي

بقه صافن جان يكول

_ اهوووو شنو هاي مدتفهميني

_ لا

ابتسم وگال : اكرهه المقدمات خلي انطيج الصافي

جرنيي حيل وحط راسهه بركبتيي اني هنا شعور اول مره اعيشه فحسيته غريب فجمدت مسويت شي جان يكول

_ ريحتج ريحتج سطرتنيييي

ضحكت وگلت : احسن

ورها باسني بشفتي ورها شوو ما احس غير ايده كامت تمشي علئ جسمي ضربته علئ ايده وگلت

_ كافي حركات طايح حظها

_ بالحلال عود بس تصير بالحرام عود احجي يلا انجبي عوفيني مسطور

_ اووف ياسررر

_ اخرب علئ الاووف مالتج

_ سرسري

ياسر : من زمان عمي .. عوفيني متهنيي برواني لزعجينيي

جان يرجع يمشي ايده علئ كُل جسميي يطبع قبلاته بالاخير گال

_ شنو معتييي

روان : وخر وخر ياسر كافي خلي نام

ياسر : لا بلا بقيت صابر كل هل فتره وهسه تريديني اعوفج ماكو تراجعع

وكُل ميطخني او يبوسني اكوم اضحك وهوه يضربني علئ حلكي علئ كيف ويكول

_ ضحكتج سطرتني خلي اكمل

_ بس اصبرر

_ ماكوو صبر اليوم

ومناا بدت ليلتنا ووو كلها مكافش وحركات ياسر طايح حظهااا ...

_________

بنان
اول مطلعنا من القاعة رحنا يم روان بالفندق سولفنا شوية ورجعنا للبيت

من رجعنا جانت خالة رحاب ويانه بالسيارة
وفهد عالك اغنية لـ هيثم يوسف بس ما اذكر ياهيه

ويغني وياها بصوت ناصي ويدندن ويباوع علية
انمدت ايده ؏ ايدي وهو يكول : اليوم راح آكلج

خنزرت عليه وكلت بهمس : فهدد امك

فهد : اوييي فهادد

بنان : عزا اسكت

وخاله رحاب تضحك علينا

فهد : باع العيون .. خاب يا مكياج يا صخام عيونج وحدها كافيه

بنان : لك فهد اسكتت

فهد : معليج

بنان : استحي فهدد

فهد : لك عينييي فهاااد

بنان : خربببب اسكتتت فشلتنا

فهد : اكلج يوم مو عادي اتغزل بمرتي كدامج

رحاب : تغزل يمهه اني شعليهه

هي ضحكت واني احس روحي تفشلت واباوعله مخنزره وهو يضحك جان يهمسلي وگال

_ هسه قابل بايسج كدامها شبيج

_ يمههه گلبييي

_ شبي احجي يوجعج گلبج اجتج نوبه ؟؟

ضحكت وگلت : لا بس يسلم عليك

كرصني بيدي وگال : تضحك الفاهيه عبالي بيج شي

بنان : اوويي هسه شحجيت انيي

فهد : لا سلامتج كُلشي محجيتي

بنان : اهخخ بطنييي

فهد : نوب بطنج شبيهاا اوديج مستشفئ

بنان : مابيها شي بس ابنك يسلم عليك

خنزر وگال : التفاهه كاب عندج اليوم طفيها لا اطفيج بيدي

بنان : فهدد

اندار عليه وگال : انلصمي

وصلنا للبيت صعدت للغرفه كبل نزعت حجابي وكعدت بضوجه

طب وراي گال : شبيج بوية شو مطنكره

بنان : اي مو كلتلي انلصمي

فهد : انلصمي بس لتكبرين الموضوع

بنان : اووف .. اوفففف لو ريم هنا جان رحت يمها نمت

باوعلي يضحك گال : واني شبية ؟

بنان: مابيك شيييي

اجه علية حضني وكال : خاب شني حرام اتغزل بمرتي والله هاي حلوة

اشتميت ريحه مو طيبة بي رأسا دفعته : فهد وخررر

فهد : ليش دفعتني

بنان : ها والله مو قصدي بس مادري

فهد : شنوو المادريي ؟

بنان : بيك ريحه موطيبه

لزم هدومه باوعت عليه يشمشم بيها كال بأستغراب : مابيهن شي بالعكس اصلا ريحة عطر ؟

بنان : والله تلعب النفس ما ادري ريحة مطيبة

فهد : هاي عليه

بنان : لا عالعطر

فهد : بس شي انتِ مره كلتيلي طيب ريحته

بنان : فهد وخرر

هز راسه وطب يسبح واني رحت بدلت ملابسي وكعدت العب بالتلفون بضوجه

غسل وطلع اجه كعد بصفي ونفس الشي الريحة الموطيبة موجوده
لعبت نفسي ردت اتقيأ

هو گال : شبيج بنان كولي

بنان : فهد وخر وخر

فهد : شبيج خربببب فهمينييي

بنان : وخررر بيك ريحة موطيبة احس بطني كامت توجعني اريد ازوع

فهد : مو غسلت يا ريحة شبيج

بنان : لك وخر لتبقى يمييي عفية حزوع

باوعلي بعصبية وگال : خوش ما ابقى

دمعت عيوني وگلت : لا ابقى مقصدي يعني تبقى بس بعيد

ما سمعني ومبين زعل رأساُ طلع من الغرفه بنص هل ليل

مادري شبية اشتميت بي ريحة مو طيبة وتلعب نفسي منه لما يتقرب علية كعدت ابجي ابجي بس مادري على شنو واكول موقصدي والله شمدريني اني هيج اشتم ريحة موطيبة ..

___________

همام
من خلص العرس جنت انتضر ابوية وعمي يجون حتى نرجع للبيت بالسيارة

دكو علية وكالوا راح نرجع وي بيت حسن

من بين الناس لمحت مَي واكفه .. فرصه ثمينه هاي

رحت عليها بسرعه گلت : هلو مَي شلونج

التفتت علية وگالت : هلو همام الحمد لله وانتَ

همام : زين بشوفتج

مَي : هـاا

همام : زين بشوفتججج

مَي : شكراً

همام : ليش واكفه هنا تعالي اوصلج ؟

مَي : لا هسه ارجع بتكسي بسرعه

همام : يا تكسي تعاي اني اوصلج

مَي : لا لا تكسيي

همام : لا وياي امشي كلت يلا

رحت للسيارة وهي جتي وراي صعدت ليورا

همام : تعاي ليكدام

مَي : هـاا

همام : تعاي ليكداااام

مَي : لا عيب

همام : استغفر الله تعاي مَي

جتي كعدت لكدام وهي تكول : اوي شبيك تعيط يعني هسه شسويت اني

همام : مسويتي شي

اباوعلها وابتسم طالعه تشكك شك

همام : طالعه أميرة

مَي : هـاا

همام : طالعههه أميرة

ابتسمت وگالت : شكراً من ذوقك

همام : كضيتيها شكراً وشكراً .. صدك اني شلون طالع
حجيتها ردت اعرف شتجاوب

باوعت علية وكالت : طالع حلوو

همام : اني حلو ؟

مَي : اي والله حلو طالع

حجتها ؏ نيتها ونفس الوقت وكفت السيارة واني اضحك

حسيت الوقت المناسب احجي وياها

همام : هسه اني حلو ؟

مَي : هـاا ليش وكفت السيارة

همام : معليج هسه اني حلو

مَي : ايي حلو يلا كمل سياقه خلي ترجع

همام : دقيقه قبل لا اوصلج ماكدر بعد هاهيههه

مَي : شنو

همام : مَي حضري نفسج بعد فترة اجي اخطبج

باوعت بصدمه وكالت : هـاا ؟

همام : انيييي احححبببچ

مَي : ليش

مسحت على راسي وگلت : ربيييي

مَي : مفتهمتك يعني كأخت مو

همام : خرب بالكوا*

مَي : يعني هوه انتَ دائما تكُلي خويه فيعني اخت قصدك مفتهمت ؟؟

همام : منن انعل ابو الاخوه لا مو هيج

ضلت تباوعلي مبين استوعبت واني بديت احجي وگلت

_شوفي مَي والله اني احبج حيل ومن اول ما شفتج دخلتي گلبي بسرعه أنتِ والـ ها مالتج واني ما احب اطول السالفه فـ اعترفت الج

ضلت تباوعلي وهي ساكته محجت اي شي بس گالت

_رجعني للبيت بسرعه

همام : أنتِ تحبيني ؟

مي : هـاا

همام. : تحبينييييي ؟

اباوع علئ عيونها دمعت گالت

_هـاا حباب رجعني للبيت

ضحكت على شكلها وكلامها هيَ احبها حيل بيها شي يجذب وشكلها وكلشي بيها حلو وشفت عيونها دمعت گلت

_ تمام لجاوبين بس حضري نفسج

باوعت عليه ودارت وجهها للشباك

شغلت السيارة ورحت وصلتها للبيت واني اباوعلها ومبتسم ..

____________

بنان
كعدت الصبح بس فهد مموجود بالغرفه
كمت اريد ادور عليه فات للغرفه ياخذ ملابس مالته ..

رحت عليه بسرعه گلت : فهد والله اسفهه مادري شبية وهيج ديصير بيه

بدون ميباوعلي گال : عادي مصار شي

بنان : لا فهد كول خاف زعلت مني

فهد : گلت عادي

بنان : فهددد

خنزر وگال : شبي فهاااد

بنان : يربيي .. خاف بعدك زعلان مني

فهد : مزعلان

تقربت عود اريد ابوسه هم اشتميت ريحه ولعبت نفسي

فهد : ليش وخرتي هم لعبت نفسج

بنان : مادرييي فهد والله مادري ليش هيج ديصير

فهد : مابية صخام وين الريحه اريد اعرف لحد الان سابح 3 مرات وين الريحه ويننننن

دمعت عيوني وگلت : ماادرييي وين

فهد : وخري خل أبدل

بنان : لتزعل فهد

فهد : لا عادي مزعلت يلا رجعي نامي حنزل جوا شمكعدج هسه من الصبح انتِ

بنان : غير حيجون روان وياسر

فهد : ايي

رجعت كعدت اباوع عليه طلع من الغرفه ودمعت زين اني ليش ديصير هيج بية

بعد ما طلع من غرفة وراح سبحت وبدلت نزلت جوا لكيتهم كاعدين ديحضرون البيت لان ياسر وروان راح يرجعون ..

جتي علية رزان : اكلج انتِ شعندج واكفه روحي كعدي غير حامل

بنان : عادي واذا عاجبني اوكف

رزان : كعدي ليصير شي بالطفل شيخلصنا من فهد

بنان : اويي كعدددت

رزان : شبيج ضايجه بنان

بنان : مادري رزان

رزان : دحجي شبيج

اريد احجي جان تفوت ريم وهي تضحك : السلااااااام عليكمم شلونكم اخوان

كمنا كلنا سلمنا عليها وهي تضحك : على كلوبكم كل يوم والثاني اجيكم وهاا المسمومة انكلعت

بنان : ايييي واخيرا خلصتي منها

ريم : لج انشلع گلبييي من وراهاا هل حقيرة المسمومه مشتاقه لمؤملي وهاي حقيرة تسوي مشاااكل بيناتنا

رزان : تعاي كعدي

جتي مريم هم سلمت عليها وكعدت يمنا

رزان : بنان احجي شبيج

بنان : شبية

رزان : شبيج مو كلتي مادري شبية وردتي تحجيلي

مريم : احجي بنون شبيج

بنان : شوفن اني مدري شبية يعني البارحه صار هل شي ، نفسي تلعب واشتم ريحة موطيبه بفهد بس هو مابي يعني وحتى زعلان مني

مريم : ياااا لج هاي الحوامل نصهن هيج يصيرن عادي

بنان : شنو يعني اضل للابد هيج

مريم : لا لا يا ابد شبيج يعني بس بفترة الحمل يصير هل شي ويمكن ميضل يروح

بنان : ها يمه والله خفت

ريم : طبعاً تخافين لان وحده فاهيه وثوله وغبية

بنان : انيي ؟

ريم : لا اني

ريم : الله شتاقيت لروان وايام غرفتنا من نضل سوا ..

رزان : اي ومرات افوت من يمها ادمع اتذكر من نكعد نسولف بس للأسف الشديد همام حولنا ينام بيها وهاي غرفة ياسر هي نفسها حتضل الهم

ريم : هاااااا عزاا همام اني أعلمه شلون اله نفس ياخذ غرفتيييي

دقايق واندكت الباب .. راحوا كلهم يفتحون الباب
اول ما طبوا تلكيناهم سلمنا على روان ونضحك : لج هلااا عيني شلوننججج

روان : زينه عيني وانتن تعالن توأمي

سلمن عليها ريم ورزان ويضحكن

روان : لججج ريممم من شوكت انتِ هنا

ريم : قبل لتجين بدقايق

ضحك ياسر وهو يكول : شني وين جنه بالمريخ وهيج سلامكم حار

همام : حار لو بارد

ياسر : اخويههههه المعقد شلوونك

همام : زين زين وانتَ

ياسر : تمام التمام وانتَ سيادة الضابط شبيك كالب الخلقه

فهد : اني لا بالعكس دفوتوا فوتوا

طبوا جوا والضحك ملا المكان

اباوع لفهد يباوعلي صفح انقهرت حيل ردت اكله بس راح كعد يم الولد ما كدرت احجي ويا ..

رجعت كعدت يم روان : اي أنتِ شلونج

روان : زينه .. شبيكم ملتمين علية يمههه

ريم : غير تحقيق منكدر دقيقه

زوزو جتي يمنا كعدت هي وعكازتها : اي عيني كاعدات وحدجن يلااا جيت يمجن شلونج روونه

روان : زينه بيبي بشوفتج

زوزو : اييي شلونج البارحه

روان انصدمت واستحت بس گالت : شنو البارحه

زوزو : تغشمين نفسج ولججج شوف سبحان الله گلبي جان حاس راح تزوجين ياسر ورزان جنت حاسه راح تزوج ايهم وصدك كله طلع

ريم : زوزو واني ما عرفتي منو اتزوج

زوزو : دنجبي اني شني ام اصهب شايفتني

بنان : لج بيبي هاي وين لكيتيها أم اصهب عوفيهااا وكعت كلوبنا ومن تحجي تخووف

زوزو : شمدريني

ريم گالت همس روان : هـا روان طلعت جكة ابرة

روان : عزاااا باع هاي النعاله شو متستحين أنتِ

ريم : غير صرت مثلج ما استحي

روان : ترادد جذب ما استحي اني احمم بس هاي سالفة عيب

ريم : سمعتن سمعتن تكول سالفه عيب مو انتِ تحرجينا عادي احنه مو عاديي

روان : تعرفين ما احب هل سوالف اني

ريم : اووييي

بنان : ديلا اثنينجن اسكتن يا متستحن

زوزو : هذني زايحات المستحه

ريم : اي وبعد ست روان شصار مصار

گلبت عيونها وكالت : ميخصج .. شلونه مؤمل وياج شنو صدك رجعتي

ريم : اي عيني رجعت

روان : اي عرسي فال خير عليج

ريم : شعليه عرسج اويي .. شسمه ياسر شلونه وياج خما زعلج

روان : يَسورتي ؟ لا حبيبتي ميزعلني ياسر هذا روحييي

ريم : ايباااااخ

روان : على عناد المضغوطين

اباوع للولد يضحكون وياسر ضحكته توصل لسابع جار ..

وكلسع زوزو تهدد بالعكاز : الميكست أجلده

ياسر : يعني تزوجنا ومخلصاااانينننن

همام : انتَ انجب يابه مو المفروض اني اتزوج قبله شنو يتزوج قبلي هو اني المفروض ما اقبل بس هاي يعني شسمه صارت

فهد : ديلا انجبوا كلكم اني هم كلتها قبل والمحروس حسن هم تزوج قبلي

همام : اهخخخخ

زوزو : ولكم اسكتوااا

كالت خاله رحاب : رزان يمه جيبي غراض الفوك كلتلج عليهن

رزان ؛ هسه خاله

راحت رزان صعدت تجيبهن
وضلينا نسولف

بنان : اكلج روان خاله مبين ضامتلج هديه

روان : فديت خالتي وابنها ينئرطون

ريم : روان اللوكيه

روان : انيييي لوكيه ؟

ريم : اي لعد منو

بنان : راح تصير عركة هممم اسكتوااا كااافييي

روان : حتى بصباحية عرسي لازم نتعارك احنه ناس نحب العركات

بنان : انتن ما مخليات مشكله ما مسوياتها وخاصة بالمدرسة

روان : لج ايييي تذكرين ريم

ريم : وقريباً راجعين وبقوه

روان : شلون لعد على باب الله احنه

ريم : بالعركات

بنان : وهم فصل ومدري شنو وهل سوالف

روان : انتِ خوب احمدي ربج مجنتي ويانه بنفس المدرسه

بنان : الحمدلله بس المسكينه رزان ضلت وياجن

روان : اي ريم تذكرين مروة وسجى

ريم : يمههه هذني نتعارك وياهن ونرجع ليورا

دقايق محسينا غير على صوت وصرخة رزان
وكعت من الدرج من فوك ليجوا ..

كام الها ايهم يركض رحنا عليها بخوف

بنان : رزان باعي رزااانن بيج شيييي

وأيهم يعيط : رزان شبيج شيوجعج

وهي تبجي ما افتهمنا منها شي كعدت ابجي يمها
_ رزااانن احجي شبيج

وروان وريم هم يريدون يكعدوها ماكو وهي تبجي حتى متكدر تكعد
وانكلب البيت بالعياط

متكدر تحجي ولا تكوم .. ايهم شالها وكبل للسيارة يوديها للمستشفى واحنه نبجي

رحت ركض صعدت فوك لبست صايه وشال

نزلت جان فهد يكول : وين وين

بنان : اروح وية اختي

فهد : ماكو روحههه كعدي انتِ حامل

بنان : لا فهد اختي خطيه

فهد : امي وريم راحوا أن شاء الله مابيها شي مو ميصير روان وياسر هم لازم نضل يمهم امشي ننزل يمهم نضل وهسه يخابرونا مناك عود

مسحت دموعي ونزلت وياه جوا يمهم والوضع متوتر
رأسا رحت يم روان جانت مقهورة

بنان : شبيج روان

روان : رزان خطيهه

بنان : أن شاء الله مابيها شي

روان : اوففف بنان

كعدنا مقهورين كلسع ندك علئ ريم لو خاله ميجاوبونه ..

_______

رزان
من نزلت حتى اودي الغراض لخاله رحاب
بالغلط زلكت رجلي ووكعت

حسيت بألم بظهري مو طبيعي كأنما انقسم وبطني نفس الشي وماعرف شنو وشلون هيج وابجي ورجلية هم بنفس اللحظه كامت تموتني
ما اعرف شلون حتى اشرح شبية رأسا ايهم اخذني للمستشفى وجوي وياي ريم وخاله رحاب لان بنان وروان لازم يبقون وهنه رادن يجن بس محد قبل
طول الطريق واني ابجي الوجع هذا متحملته وابجي واعيط منوراه ماعرف من ظهري لو بطني ..

دموعي تنزل لحد ما وصلنا للمستشفى رأسا دخلنا المستشفى ودخلوني بالغرفهه ..

بعدها ما ادري شصار يمكن فقدت الوعي
وكعدت على صوت ايهم يمسح على شعري ويقرا قرآن وخاله رحاب يمي وريم يم راسي ..

كلت بالگوة : اريد مي

رأسا ريم من يمها انطتني وهي تكول : شلونج رزان

شربت الـ مي واني اباوع عليهم : مادري بطني توجعني ورجلية هم توجعني

اريد احركها يزيد الوجع رجعت ابجي

ايهم گال : لتبجين عمري شبيج ماكو شي هسه يجي الدكتور يچبس رجلج مكسورة يمكن ونرجع للبيت

رزان : شنو مكسورة لعد بطني وظهري شبيهن

كالت خاله رحاب وهي تباوع لأيهم : ماكو شي خاله ارتاحي هيج هذا وجع شوية ويروح بس الدكتور گال عندج كسر برجلج وهسه نجبسه ويروح

ريم : اي وشتحتاجين صيحيني برا اني تمام

هزيت راسي واني اباوعلهم حسيت اكو شي غريب
بعد ما طلعوا گلت لـ ايهم

_ شكو ايهم احجيلي شنو هاي نظراتكم

ايهم : ماكو شي رزون ارتاحي وكعه شوية قوية

رزان : شلون وكعت هيج شلون ايهم احس بطني توجعني عبالك سجاجين بيها كول شبية وشصار عليك الله

باوعلي وهو مبتسم ما بين ابد ضايج

لزم ايدي وهو يباوع بعيوني گال

_ شوفي ما دام حلفتيني رح اكلج .. رزان أنتِ جنتي حامل وبداية حمل وهيج بس بهاي الوكعه سقط الطفل والحمد لله على كل حال

رزان : شنو اني جنت حامل ؟

ايهم : اي حامل

نزلت دموعي لما عرفت گلت : والله جنت اتمنى يجيني طفل وهسه راح

ايهم : أن شاء الله يرزقنا بطفل غيره اني مضايج ولا شي عادي هاي حكمة من الله ليش دتبجين أنتِ

رزان : وانتَ ما ضجت لو انقهرت هم من حقك وتريد طفل

ايهم : ليش اضوج وانقهر هذا قدر والحمد لله يجي الثاني بعده أن شاء الله واني لا اريد طفل هسه ولا شي ما مستعجلين احنه وأنتِ كدامج الحياة واريدج هل سنه تكملين دراستج ما ضل شي اشهر وتداومين لتحطين الموضوع هذا ببالج شوكت ما الله يرزقنا بطفل خل يجي تمام .. باعي عليه

جنت ابجي ومهضومه لان ما ادري مسح دموعي وگال

_ هسه يجي دكتور يسوي رجلج حتى نرجع للبيت

هزيت راسي بـ أي وهو كلسع يكُلي

_ ام دموع حلوه لتبجين شبيج تبجين اني مو هسه حجيت وياج

مسحت دموعي وهو يباوعلي مبتسم ما حسسني أبداً أنوا صاير شي بس اني مقهورة وكلسع ابجي لان مجنت اعرف حامل ..

دقايق وفات الدكتور ورجلية تچبست وعلى ما خلص المغذي
طلعنا ايهم ورجعنا للبيت ..

_________

بنان
اول ما رجعت رزان رأساً رحنا يمها ونسألها
عرفنا انوا جانت حامل وهسه سقطت وبالذات ضلت وقت طويل بالمستشفى واحنه ننتضرها ..
هي كلسع تبجي واحنه نشاقيها ونغير مودها بس ترجع تبجي

بنان : يعمري لـيش تبجين رزان هسه تحملين بغيره ليش هيج مقهورة الحمد لله مصار الج شي الطفل رزق من الله شوكت ميجي خلي يجي

روان : اوافقج الرأي ولأول مرة بالتاريخ يا ست بنان صح رزونه والله لتنقهرين

رزان : ماكدر كل ما اتذكر ابجي

ريم : لا والله عادي بالعكس مثل ما كالج ايهم الحياة كدامج وكدامكم اثنينكم الموضوع هذا عادي كملي دراستج وهل سنه أنتِ ويانه بالمدرسة نلعب لعب

ضحكت بخفه وگالت : تضحكوني بعز ضوجتي والله بس اهم شي مشاكلكم انتِ وست روان قللوها منا ورايح خوش

روان : لا عيني مشاكلنا خط احمر احنه نريد نداوم علمودها

بنان : شطول الوحده تتعاركن

ريم : اي تدرون شنوو فرحانههه مسمومه راحت وخلصت منها أم المشاكل

روان : وأخيرااااا يابوية لج غثه مادري شلون تحملتيها واصلا همزين زعلتي

ريم : صدك ذكرت اني محجيت الكم تدرون شنو الجديد

روان : هاي شنو عيني بيوم واحد وبعرسي تكومن الاخبار احجيييي

بنان : احجي عيني احجي

ريم : احمد صديق ياسر تعرفي روان

روان : اي اعرفه

ريم : رايح مدري يذب حجي لأسيل ومؤمل راح رزلهه

رزان : هو مثل صنف ياسر هذا احمد

روان : انجبي لتحجين على زوجي مو مثله ابو نسوان

رزان : هم صدك بس قصدي انوا خاف ديشاقه

بنان : هو يمكن

ريم : اييييي بس شنو تدرون صار اكشن بحياتي واخيرا

روان : شنو شنو احجي احجي

ريم : من جان العرس وهاي ف شنووو طلعت برا اصور جان يجي واحد غريب سحبني وقفل الباب مال مخزن علينا

روان : صخااااام عزا عزا

ريم : دسمعيي وشنو هو نكس بس اني تعرفيني ما اسكت كلبت الدنيا بعد شوية ردت اكتله وشنو اصلا ما بجيت ولا خفت ورأسا طب مؤمل المنقذ سحله سحله ونزل بي ضرب ضربه يمههه وجهه صار خارطة العالم العربي وكله دم بعدين طلعنا وهو يكلي حبيبتي ريمتي خما صار بيج شي واني ابجي وحضنته بعدين شنو جتي اسيل خربت اللحظه السعيده ورجعنا للبيت بس مقبلت وهو مكلي سُمية راحت بعدين من وصلت عرفت

بنان : راااااسيييي هسه ابني صار بي صداع اسكتي

روان : شعلينا بـ ابنج ايييي لك باااع الاكشن يا ابنج يا صخام هاي الاحداث الحلوة

بنان : اشتهيت نستله

روان : ابقئ تشهي انتِ

ريم : يلا كايمة اجيب

________

بالصاله
ياسر : الله يعوضك عمي ويجيك ولد بالمستقبل ويطلع عليه

ضحك ايهم وگال : أن شاء الله

فهد : ايهم شتسوي بولد يطلع على ياسر تهج بليلة ضلمه من ورا

همام: هو وبالكماط هسه يطلع يحشش لو يركص

ياسر : واذا شبيه اليحشش ويركص

فهد : هذا خبل

ياسر : ها هسه اني خبل

فهد : اي خبل وستين خبل هم مو صاحي انتَ بويه تزوجت بلكي تعقل شو تخبلت بزايد

ياسر كام يضحك بهستيريا : يابويههه يا عمييييي هيهيهيهيهي هوه هذا المطلوب اتخبل بزايد بس بلا عليكم شايف مخبل صاك مثلي

همام : ولك ياسر راح تنضرب

انصلخ ياسر براجدي من فهد جان يكول

_ اهخخخ شبيك انتَ عنيف

فهد : ياسررر اكعد راحه

همام : وخلي الليله تمر براحهه اكعددد راااااحه

ايهم : المخابيل تعالو امشوا اوديكم للشماعية

كام همام بعصبية :المهم اسمعوني جميع الحظووووور خوش اسمعوني زينن فتحوا اذنكم

ياسر : هي باب قابل

همام : المهممم .. اريد ازوججج ؟

كال فهد بضحكة : منزوجك كافي شنو يوميه مسوين عرس

همام : شنو بس لا تحط دوبك وياي انتحر ترا

ياسر : بأي طريقه ؟

ايهم : انجب انتَ دتحرضه عالانتحار يلا فهد اعتقله

ياسر : اسم الله علية توني معرس يا اعتقال تف تف شلون فال

ايهم : واني شكلت

فهد : الكل ينجب كافي شنو هل مهزله شبيكم زعاطيط

همام : تزوجونننيييي لو لاااا

فهد : ازوووجك بس انلصم

همام : هاهيه سكتت

ياسر : اكول اجيب الديجي نركص شنو رائيكم

فهد : برأيي تاكل نعل

ياسر : تدرون شنو

همام : شنو

ياسر : راح اروح اصعد احسليي اروح يم البنات اتونس والله مو مثل ما مكابل شكولكم التجيب المرض

فهد : تعال لك تعالل

ياسر : أروح يم بنان خطيهه اروح اشوف ابن اخويه شلونه

فهد : ياسر مو راح اكوملك خليني محترمك

ياسر : شبيك عمي ها اهااااا كعدتتتت

_______

بنان

كاعدين كلما اني وريم و روان اما رزان فراحت نامت خطيه ..

ورا شوية اجه فهد علينا الغرفه دك الباب وگال

_ ريم تعاي مؤمل اجه ياخذج

ريم : تمام نازله

روان : اهخخ راح اشتاقلج

ريم : يلا بايي بنات و لتخافن اله خلي يوميه يجيبني

روان : عفيه بنجرة

ورها كمت اني ومريم وروان نسوي عشا ونحضره
فـ بالغلط لما جنت واكفه عالطباخ ايدي احتركت بالدهن

عطت بخوف : يمههه ايديييي تحركني

جتي خاله رحاب : يمهه شبيج

بنان : خاله ايدي احتركت

رحاب : يا امي شجابج

بنان : خالههه ايدييي

رأسا بسرعه روان راحت جابت دهن مال حروق وحطيته لـ أيدي وجبت شاش ولفيتها

مريم : بنان حبيبتي روحي انتِ مو حامل واني روان موجودات نكمل نسوي العشا شوفي هسه شلون احتركتي

بنان : شلون لعد يضل الشغل عليكم

مريم : عادي يمعوده هسه رمشة عين نخلص

هزيت راسي وعيوني مدمعه شوية الحرق يوجعني
طلعت من المطبخ وصعدت فوك للغرفه

كعدت علئ الجربايه اباوع لـ ايدي المشدوده توجعني
ونفس الوقت اباوع لبطني الكبرانه كُلش .. ابتسمت لا اراديا لما تخيلت شكله ببطني ولما يجي وشلون البسه والملابس .. صرت امسح على بطني واكول

_ اعيشك احسن عيشه ، وتكبر وتكوم تمشي وتدخل مدرسه وتصير ضابط هم مثل ابوك متدري امك شكد عانت لحد ما صرت انتَ ببطنها .. نزلت دموعي

جفلت من دخل فهد للغرفه ويباوعلي بخوف : شبيج بنان ايدج شبيها

اجه علية وكعد يمي ويلزم بيدي : يحتاج نروح دكتور

بنان : لا لا ميحتاج حرق صغير وحطيتله دهن وشديتها وبس

فهد : تمام .. شبيج تبجين

بنان : لا مدابجي

فهد : لا كولي شبيج

بنان : مادري والله عشنو جاي ابجي

مد ايديه يمسح دموعي : عوفي البجي درابين گلبي .. بعدها نفسج تلعب

هزيت راسي : اي شوية بس مو مثل البارحه جانت هواي

فهد : تمام

رجع باوعلي ويبتسم گال : صايرة حلوة حيل

بنان : اهووو رح تبلش

فهد : اهوو بعينج

بنان : فهد شنو رائيك نبدي نجهز هسه للطفل

فهد : لا بعد وكت بعد ننتضر شهر هيج ونجهز عود

بنان : تمام

فهد : بنان

بنان : ها فهد

فهد : تدرين اني احبج هواي فوك متتخيلين

حضنتهوگلت : اي والله اني هم احبك انتَ ابو آسر العزيز

فهد : خما اكو ريحة

بنان : اكوو بس معليك بالريحه اني احبك وهي مجرد يعني فترة حمل وتروح لتضوج مني

فهد : اضوج من روحي ومنچ ما اضوج

حظنته اكثرر : ابجييي

فهد : استغفر الله لج بوية عوفي الصخام البجي بزعتيني كلسع وباجيه كلسع وباجيه

بنان : شسوي

ابتسم وگال : تمام .. هو اني احبج وحتى احب دميعاتج هم ..

وفي ليلة هادئه يسألونني، ما الحب ؟ أضع يدي على قلبي و أجيب "هي"
حسناً ، ما الجمال ؟ يرتفع ناظري الى السماء وأجيب "عيناها"
ما موسيقاك المفضلة ؟ لا أستطيع التحديد اي واحدة هي الافضل ، "نبرتها الغاضبة ، ضحكتها العفوية أم تمتمتها الحزينة "
تبدو كمن يعجبه الغرق؟ أنا أسعد الغارقين في بحر حبها فأنا مُتيم بها وعاشق لخصلات شعرها الاسود ، ومغرم في تفاصيلها .

__________

روان
بعد ما خلصنا العشا صعدنا اني وياسر للغرفه

هو سد الباب يباوعلي ويضحك گال : رواني

روان : عيون روانك

ياسر : مشتاقلج

روان : يااا شنو غير اني كدامك

ياسر : شمدريني أنتِ وكدامي اشتاقلج

حظنته حيل وكلتله : يَسوورتيييي

ياسر : طركاااااعه كولي

روان : أكلك يعني انتَ شسمه احمم ممفكر نروح سفرة ؟

ياسر : على وين أن شاء الله ؟

روان : شنو وين شمدريني بس عاجبني نطلع سفرة

ياسر : يا سفر عمي ماكو وراج مدرسة وأنتِ اعتبري روحج طالبة سادس

روان : لا عفية ياسررر خنسااافر وانزل ستوريات واغور ريم والبناتتت حبااابب

ياسر : دروحي

روان : هو يا يوم كلت حجاية وقبلت

ياسر : اي نسافر بس بعدين يعني مو وقتها

روان : لعد شوووكت

ياسر : من تتحرر فلسطين

روان : اي هاهيه

كعدت زعلانه اباوع عليه ويكلب بعيونه گال : اروح يم ذولاك يكضوها عركات ونكد اجي يمج تتعاركين اشنق نفسيييييي هسه

روان : لاا مزعلانه

ياسر : واضح ..

راح فتح مجرار وطلع منه علبة صغيره

روان : هاي شنو

ياسر : مبينه

اجه وكف كدامي وهو مبتسم : اعتبري هاي هدية مني الج فتح العلبه طلع بداخلها محبس ذهب

سحب ايديه بين ايديه ولبسنياه واني مبتسمه : الله ياسرررر شكد حلوو

ياسر : ذوق ياسر افندي بعد

روان : يجنن بس تدري شنو

ياسر : شنو

روان : والله اني بعدني زعلانه ماحب اجواء الرومانسيه هاي بس شنو عجبني المحبس

ياسر : جيبي جيبي

يريد يسحبه من ايدي وهو يضحك : مدام زعلانه جيبي استفاد منه ابيعه واشتري تليفون احدث اصدار

روان : ماااا انطي مالتيييي هذا

ياسر : اوك اوك .. احمم شو بالله باوعي علية

روان : باوعت

انمدت ايده ونغزني بخصري

راسا عيطت : اخخخ شبييييك

جر ايده وسحب المحبس بسرعه

ويركض ويكمز جنه طرزان فوك الجربايه واني اركض وراه واعيط

_ ياسر مالتي جيبه جيبه

ياسر : دولي فوكاها انطيها هديه وزعلانه علمود سفره اوديج بعدين بس اني شنو هسه هذا المحبس يفيدني

روان : ياسر جيبههههه والله اعيط

ركضت حيل ولزمته من شعره : جييييبه

ياسر : كلشي ولا شعراتي الشقراوات هاج دخذي شكد نحسه

اخذته منه واني اضحك گلت : شوف رجعلي هذا المحبس ابن حلال

وهو يباوع علية ويضحك : أخذي أخذي عمي

___________

بنان
مرت تقريبا شهر فتت بنص السابع وحياتنا الحمدالله بهل فترة جانت زينه ..

البنات وخاله جانوا بالمطبخ ديسوون عشه والولد بالاستقبال كاعدين واني وزوزو بالهول ..

حسيت على نغزات ببطني خفيفه سكتت وزوزو كدامي كاعده ..

زوزو : شبيج بنان ؟

بنان : ماكو شي بيبي

ورا دقايق كامت تزيد النغزات بحيث مكدرت اكتم الصرخه وعيطت : اهخخخخ بطنييي

على صرختي طلعوا البنات وخاله من المطبخ جوي علية

رحاب : شبيج بنان

كمت ابجي وگلت : خاله مادري مادري بطني دتوجعني ونغز مو طبيعي

رحاب : اسم الله هسه دقيقه نروح للدكتورة بعدج بالسابع انتِ

وكام يزيد الوجع ودموعي تنزل لحد ما حسيت على شي ينزل مني وعطت عيطه قوية : خالهههه مادري شنو دينزل

البنات انخبصوا وخاله صاحت

رحاب : هذا مي الراس بسرعهه صيحو فهد يجي ياخذنا للمستشفى بنان راح تجيب ..

نهاية البارت
يتبع ..

(لاتنسوا التصويت)

أن شاء الله يعجبكم البارت 💖 .

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور