نقيب قلبي الفصل العشرون 20 - بقلم شقراء

الجزء العشرين
#نقيب_قلبي

_شنووو؟؟ليش تطلكها لك مو عندك منها اطفال ..
شلون تتخلى عن اطفالك وعائلتة؟؟
اجيت ارزله بس لاحظته مو شاهين الاعرفه ..
مدنك اضلا ميباوع بوجهي ..
مكسور ويحجي بتعب...
_ممتفاهمين ..صقر ممتفاهمين..
اخذتها غصب وماتهنيت بيها..
كرهت نفسي وكرهت كلشي ...
زينه مو الي ..
وهذا الياخذ شي مو اله ..
ميتهنى بي..
اطلكها وترجع تشوف حياتها احسن..

_هذا مو حجي انتو عدكم اطفال..
كعدو تفاهمو ليش متسرع انت ؟
يعني تزوجت بسرعه ..
وتريد تطلك بسرعة؟
اثبت ع قرار حياة مو لعب هاي...

_زينة متريدني صقر..
اني فرضت نفسي بحياتها كوة..
واني زيدتها بتعاملي وياها..
طول ماهي وياي عذبتها ..
محتقرها وشبعتها ضرب..
تدري وهي حامل كتلتها كتله لحد ماغمى عليها..
ونومتها بالحمام وقفلته عليها من برا ..
لان جنت احاجي وحده ساقطة..
والكلام جان كله ثكيل وممهتم هي بالغرفه..
بس حاجتني ضربتها..

_من حجه هيج تمنيت انتفم منه ..يعني مو بشر حالها حالك هيج تأذيها!!

زين شاهين حاجيتها بالموضوع لو لا؟
_لا بعدني كلت باجر احاجيها...
_واطفالك؟؟تقبل يتربون بعيد عنك؟؟
_لا طبعا اخذهم منها..

_شنوووووووو؟؟؟؟انت عندك قلب لو حجارة؟؟؟؟
ضليت احجي بصوت عالي وارزل بي اجت امي ...
ام فهد..شبيكم ابوكم نايم شمسوي من مصيبه جديده الملازم شاهين؟؟؟
_حجيه ابنج جلطني جلطنيييي...
يريد يطلك زينة وياخذ الولد منها...
_عزاااا العزااااك ولك الله اكبر عليك تريد تموتنا انت؟؟؟
شرايد منها تطلكها بعدها بعمر الورد تردها مطلكة؟؟
وضناها تاخذه منها!!!
شيطان انت يمه شيطان..

شاهين..مو احسن مامبقيها ع ذمتي وماذيها واني بعد ماريدها ابد...
مالي نفس بيها..
احاجيها واشوف رايها احسن..

شاهين..زينه تعاي احاجيج..
سمعيني للاخير تالي قرري...
اني قررت اطلكج!!!!
بس الاولاد يبقون يمي...

_شنووو؟؟لآخر نفس بيه مانطي ولدي ...
تريد تطلكني اخذ ولدي وياي..
_اففف زينه كافي..
ماقبل ضناي يتربى عد غريب وانت اكيد رح تتزوجين...
_ماتزوج بعد ماريد رجال ابد شاهين بس انطيني ولدي...(حاجيته بتوسل مو بعياط لان اخاف يعاند )...
مستعدة اكتبلك تعهد شاهين ابد ماتزوج ابد...
ولو صدك تزوجت تعال انت واخذهم ساعتها...

_اوكي حضري نفسج باجر اوديج لاهلج...

زينه...من حاجاني بالموضوع ارتاحيت كأني واحد مسوي تحليل وبي خبيث وعاد التحليل وطلع سليم...
هيج الفرحه البداخلي...
رح اتخلص منه ومن عذابه ومن ضميري كل ماشوف صقر...
وهمزين طلعت منه يعني اهلي مجبورين يوافقون..

كال شاهين حضري اغراضج حتى باجر اخذج واحاجي اهلج..
ضليت الليل كله احضر اغراضي...
قريب الصبح نمت ورا ماصليت ..
وراها كعدت راح هو للشغل واني ضليت كاعده شوي ونزلت جوا...

زينة..صباح الخير يمه..
ام فهد..هلا يمه صباح العافية..خو ماحاجاج هذا الارعن...
_اي وكلي حضري كلشي اليوم اوديج..
_زينه ماتطلعين هذا بيتج..
يريد هو يطلع مو انتي..
وعمج من سمع كلب الدنيا ومتحلفله من يرجع...
_يمه هو مقتنع بهالشي يعرف احنا مالنا عيشه..
مو احسن من المشاكل..
_خيولي معليج بي ماتطلعين من الباب...

اجه شاهين وكامله ابوه وصار مصايح وعياط..
والولد كلهم يهدون بابوه وهو متعصب كلش...

شاهين...يابه ممتفاهمين شلون يعني..
ابو فهد..انجببببب ماريد اشوف وجهك بعد فاهم...
_يابه رح انطيك السبب وانت شور علي اذا قنعك او لا...
شنو السبب يخليك تعوف مرة جوهرة مثل زينة..
واطفال ثنين ..
_حجي انت مو تريد تعرف السبب..
انتظر فد نص ساعه وحتعرف كلشي..

ابو فهد..ماشي اني راح احترم كلامك لانك مو صغير وصرت اب..
بس اذا طلعت غالط وي وحده لو سالفه قذرة من سوالفك..
صدكني اكتلك بيدي..
_اففف لا حجي تطمن...

ورا شوي اندكت الباب اجه جواد!!!
وطلب من الوالد يكعدون ويحجون هو وشاهين...
راحو للصالة وسدو الباب..

ابو فهد..يله حضرتك شوكت ناوي تخطب بينا

صقر..ضلو جوا بعدين طلع الوالد سألته الوالده..
وكلها هذا قراره وحر بي مدام ممتفاهمين خينفصلون ويرتاحون!!!

استغربت ردة فعله مو قبل شوي رافض؟؟؟

زينة..اجالي شاهين كال يلا تحضري اخذج..

صقر..من بعد الي صار بدلت وطلعت متضايق ومحتار..
يعني زينه حتتطلك..
معقوله تقبل ترجعلي..
واذا ماقبلت اخاف تتزوج غيري..
لا لا هالمرة ماخليها تروح من ايدي...

زينة..نزلت ودعت ام فهد وجيان..
ماشفت احد من الولد ..
اخذني شاهين لبيتنا..

للحكاية بقية
للكاتبه شقراء(قمر كانون)