نقيب قلبي الفصل التاسع عشر 19 - بقلم شقراء

الجزء التاسع عشر
#نقيب_قلبي

وفتح الباب ودفعني برا..
ماطلعت..
كتله بس اخذ الجهال شبعوا بجي..
صدك انتظرني اخذت الجهال ولميت كم حاجه ع الميز..
ودفعني وغلط عليه وسد الباب...
اخذتهم شايلتهم كوا ..

صار بوجهي صقر واخذ صرغام..
اخذه خلاه بحضنه واني اسكت بصقر..

صقر..يعني مجبوره تعاشرين هيج حيوان؟؟
كومي روحي لغرفتي ..
واني رايح اربيه..
_لااا ابوس ايدك عوفه..
ترى يطلع حركته بيه...
لزمته من جتفه بلا قصد..
كعد وكعدت اني..

_هذا هو يولي لتخافين تعالي بالغرفه مالتي اني انام هنا ..
_لا نبقى هنا بالصالة..هسه هو شوي ويطلع يروح لجماعته ونرجع..
_دكومي عود من يطلع رجعي..
_لا عفية مرتاحه هنا...
سكتنا شوي تالي كال..

_زينه انت مقتنعه بعيشتج؟؟
:
_ليش صابره على شاهين وماتطلكين وترجعين تكملين دراسه..؟؟
ترى عيشتج وياه معدومه..
وشاهين مو مال ارتباط..
روحي شوفي حياتج مدام بعدج صغيره وهواي يتمنوج...
_صقر تعرف ليش ماتطلك..
لان اهلي مو اهل..عدوان..

وثانيا اطفالي منو الهم؟؟يعيشون بعيد عن ابوهم..
_هه ليش يا زينه هسه ابوهم هم حاسبته موجود؟؟؟
_احسن من ماكو ..
وانتو واجدادهم موجودين .
وعايشين عيشة رضا..
ليش ابهذلهم..

واني بعدني اصلاً ممتخرجه ..
من ارجع منو يتكفل مصرفهم؟
وضع اهلي ماكدر احمله نفرين بعد والطفل يحتاج اكثر من الجبير...
ولو هالشي مرفوض عدهم وعدهم البنت تموت ولا تطلك..

واذا صار وتطلكت بعد مستحيل ارجع ارتبط..
_ليش؟
_ااااوف...ماريد احد يذل ولدي ..
ذوله اغلى من نفسي..

وهم بعد ماكدر انسجم وي رجال مطلقاً...
كافي العشته والدوامه الي دارت بيه..
هسه اني نذر لولدي بس..

قاطعنا فونه لخامس مرة..كتله جاوب ع راحتك..
جاوب كال ها باشا ترخص مني وكام...

اجه لواء كعد يمي..
لواء..جنتو تسولفون ماحبيت اقاطعكم ...
زينه..ههه لا شعدنا يمعود حجي عادي..
_اريد اسئلج شي زينه وتعرفين مابينا احراج احنا...
_كول؟
_سمعتج تكليله مارتبط بعد ليش؟؟؟
_ماعرف احس انوثتي ماتت..
وصار عندي رد فعل تجاه اي علاقة بين رجال ومرة...
شاهين خلاني انسى اني انثى...

صقر...خابروني جماعتي وردت بس اكوم..
لان ماتحمل ابقى هواي كدام زينة..
اخاف اضعف والشيطان شاطر..
ومن اشوف دموعها احترك حرك..
جاي امشي بالممر سمعت زينه تسولف وي لواء...
اسمعها تكله قتل انوثتي؟؟
بقيت واكف اريد اسمع شيحجون..
اعرفها تفضفض للواء هي...

لواء...زينه بلا احراج يعني هالشي بسبب تعامله وياج لو سبب ثاني؟؟؟
احجي ولتنحرجين شبيج مو تكولين انت تذكرني بمينا ههه..
صح هنتي رجولتي بس المهم المعزة..
ههه..لا لواء بس شاهين ماحاسبني موجوده...
شوف كل انثى يعجبها زوجها يبرز اعجابه بيها ..
حتى لو تكرهه بس تحب تحس بهالشي ارضاء لكبريائها ونرجسيتها...
واني هم بشر وعندي مشاعر..

بس شاهين ماشايفني اصلاً..
_زينة احجيلج شغله...
ترى شاهين يحب الحرام وتعود ع الساقطات يعني هسه لو تزوج عشرة..
مدام ماشي بهالطريق ميقنع بعد...
_صح كلامك وهو اعررف بلسانه...
_زين حاولي تتقربين منه ولتصديه من يتقربلج..
اكيد من يشوف طهارتج وبرائتج رح يقارن ويجوز يتوب ..
_ههه ترى شاهين متقربلي بس مرة وحده من زواجنا لهسه!!!!
ويكلي اذا طخت ابالي اطلكج واعاشرج لان متعتي الكاها فقط بالحرام!!!!
_شنووووو؟؟؟؟زينه تشاقين!!!!
لج شنو من بشر هذا انعل عقله شلون يفكر اااااخ ...
صح اخوي بس كلبي شايل منه كلش..

صقر...سمعت كلامها انسطرت!!!
حتى ماشتهيت اطلع بعد نزلت جوا للمطبخ كعدت شوي...
نزل شاهين كاشخ وعطره سابقه..
_شاهين ماناوي تعقل وتفكر بعائلتك!!!
_صقر حاليا مستعجل حبي اشوفك بعدين...
طلع ضليت كاعد افكر ...
يعني شكد اهلها ظالميها بحيث تتحمل عشره شاهين...
افكو لو عندي اخت او بنت وشاهين هيج يسوي وياها..
يمكن امحي من الوجود اضيعه..

زينه ..طلع شاهين رجعت للغرفه ونمت ماردت افكر بشي...
ورا يومين اجه شاهين بس قافل كلش وحتى الفون تاركه ع جهة بس يصفن..
ماحاجيته لان بس احاجي يكفخني...
اخذ صقر بيده ونزل..

صقر..جنت كاعد يم ابوي وامي جوا..
ونزل شاهين بيده ابنه..
كعد يمنا يسولف ..
امي اخذت منه ابنه وابوي كام لان ميحاجي شاهين..
شوي ونام صعدته لامه بقينا وحدنا..

صقر..شبيك شاهين متضايق..

شاهين..صقر راح اطلك زينة!!!!

للحكاية مفاجآت..
للكاتبه شقراء(قمر كانون)