نقيب قلبي الفصل الخامس 5 - بقلم شقراء

#نقيب_قلبي

الجزء الخامس

باوعت بوجهه بتعجب هو غمزلي وعض شفته يبووو ..عزااا شيحجي هذا صخااام....بعد ماتحمل احس نار بداخلي خجلت وكرهته ماعرف شلون اتصرف..

زينة..نزلني خلاص عفيه نزلني كافي..

صقر ..يلا روحي اني وراج ...ماله داعي شكراً...روحي وبلا لسان ...اوكي شكراًً...

زينة ..رجعت للبيت واني اصفن شنو هالدوامه شبي هذا اففف ..شكد جريء بس بصراحه فرحت تمنيت صدك اصير اله..

رانيا..زنزون رايدتج بخدمة

زينة..عيوني بس امري..

_رح يجون ناس يخطبوني واريد مساعدتج...

_اوكي شلون يعني..

_اريد تكولين الولد اقارب مينا..

_امممم بسيطة تدللين اروح احاجي امي واكلها اقارب مينا يريد يخطب وامهدلها الج بس انطيني معلومات...

_اروح فدوات لهالعيون الشفافة..

_خرب لتذكريني عابت اكره هالكلمة..هههه

زينة ..ماميتي عندي سالفه وياج..

امي..كولي يمه شصاير..

زينة ..صديقتي مينا اقاربها شايف رانيا ويانه بصور الكلية من اجتلي فد مرة وعاجبته ويردون يخطبوها...

امي..ياحلت بركة ياريت يايمة اتمنى منين هم شنو شغله...

زينة..يمه الولد متخرج كلية تربية رياضية بس مامتوظف لان حالتهم زينة يشتغل وي ابو عدهم محلات مال مواد انشائية...

امي ..خوش حجي يمه زين اخلاقه عايلته،،

تطمني ناس والنعم منهم وهو مختارها من بين البنات يعني امني...بسيطة انطيني العنوان نسأل حتى يجون ..

رانيا..هاااا لج كلبي طك شصااار؟؟؟

زينة...تطمني ان شاء الله خير رح تشورهم ويسألون ويصير خير...

حجت امي وي الولد...

واستبشروا من عرفو وضعه بسسس...

مرت احمد كالت ليش مو اخوي احسن من الغريب وتنطوه؟؟؟

احمد..لا اخوج عاطل وياخذ مصرفه من ابوج ومدلل هذا الولد معتمد ع نفسه...

حسيت مرت احمد حقدت وكرصني كلبي...

زينة..رانيا دربالج من هند(مرت احمد) ...

ترى حطت بالها وياج اياج تسمع تعرفي ترى تخرب كلشي...

رانيا..ختطير الزركة اخت الازرك شكد ثقيلين ..احسهم دهون مضره يشبهون الكوليسترول..

ههههههههههه لج ضحكتيني...

هند...ضحكونا وياكم يا حلوات شكو...

زينة ..هند رانيا تكول رح ابدي ارشق حتى اتخلص من الكولسترول...

هند..هه ليش هي منيلها اشو تريد تنكطم ..

_يخبل جسمها غصن بان احسن من الطبقات والكتل هههه...

راحت هند غضبانه..

سألوا الولد وكلشي عجبهم..

لان الولد طلع توب واهله خوش ناس ..

وعنده بس اخو واحد ..

واخت متزوجة ..

وهو صغير اهله اسمه عمار ..

اتفقوا يجون الجمعة العصر حتى يتفاهمون..

رانيا..زينة شنو هالعياط ولج باد حيلي بس لا احد مات وتخرب خطبتي...

زينة..بعدني ماحاجيه واندفر الباب واجه احمد ومازن يركضون جروا رانيا وشبعوها تكفخ...

ركضت سارة تفك بيهم انا خابرت علي اجه يركض وياسر وباقر مو هنا..

وزيد دومه ببيت عمي ..

زيد يحب بت عمي وساكنهم دوم..

صارت هوسه والولد يتحلفون ..

شكو شصار فضو شويه ..

كال علي بس نفتهم شمسويه ؟؟

مازن..لك حيوانه حطت راسنا بالوحل هذا الجايبته طلعت لاعبه لعب وياه وتتوسل بي يسترها!!!!!

علي..شنوووو؟؟؟مازن ذني تربية ايدنا شبيك تخربط ..رانيا احجي!!!

رانيا..خوية ماكو هيج شي وغلاتك عندي ..

مو صح..كذب..

زينة ..اقارب صديقتي شبيكم...

انتو اذا تردون هسة اتصل بيها وسألوها...

طفر احمد كال ..جيبي فونج..جبت الفون واتصلت بمينا طبعا كلشي احجيلها ..

عدها خلفيه عن عمار...

مينا..الو زوز ياساتر ب١١ ونص شبيج ولج؟؟؟فاتحه سبيكر وهوسة...

الحمدلله مينا لكفت السالفه ..وعرفت مفتوح سبيكر ..رديت بصوت مخنوك لج مينا اسئلج وجاوبيني عفيه..

اسئلي شبيييج؟؟؟

زينة ...مينا عمار منوووو..

مينا ..ياعمار!!!ابن عم امي ؟؟ شبي ولج شصايرله يمه لحكي ..لج الولد فرحان باجر مشيته شصار ؟؟؟

اروح اكول لابوي الحك شبي الولد؟؟؟؟

مازن..خلاص سدي الموضوع ماكو شي..

زينة ..كتلها لا شبي يمعوده بس ردت اعرف شيصيرلج نسيت هي مفتهمة السالفه عدها باص عن عقد اخواني وهمجيتهىم..

عاد نهيت المكالمة ..وشوي هدى الجو وشفنا احمد سحل هند..

احمد..شلون تكليلي صديقها وسمعتيها تخابره وتتوسل واصلا مينا متعرفه...

هند ..ايي سمعتها تحاجي هي جابته مينا شعرفها بييي...

زينة ..عاد صدك احمد هي مرتكبة ع رانيا وضربها وفكوهم وشوي هدى البيت صارت بالوحده ونص يلا هدى الجو....

سارة...اف نجينا باعجوبة الحمدلله..اروح اصلي صلاة الليل ..

رانيا..صح انقهرت بس فرحت من شبعها تكفخ هالصخلة..

زينة ..ولج انا انقهرت عليج وانت تحششين انام احسنلي ولي يلا هههه...

صار يوم ثاني ...

واجو يخطبون واحنا طايرين فرح..

ومرت الايام وصار مهر رانيا بس قبله بيوم خال الولد جابو شهيد...

للحكاية بقية

بقلم الكاتبه شقراء.(قمر كانون)