نقيب قلبي الفصل السادس 6 - بقلم شقراء

#نقيب_قلبي

الجزء السادس

رانيا وعمار ماسوو حفله خطيه ...

بس عقدوا وقرروا ورا السنة يتزوجون وفرحانين ثنينهم جانو..

بالهالفترة ضل يراسلني صقر وماجاوبه..

بس فهمته اهلي اخاف يشكون وفوني دومه بيدهم ..

تقريبا اقتنع بس...ضل يدز شعر اغنية ..تقريبا استمر هالشي اسبوع..

اجت الامتحانات وباول يوم ورا الامتحان..

كاعدين نحل بالكافتريا ...

مينا..اكلكم متت حر حكوم اجيب موطا منو تريد..

زينة.. لتجيبيلي ماريد(لان ماعدي مصرف قليل ماكدر ابذر).
..امشي انتي تحبين الموطا حجيبلج
..كتلج ماشتهي تعبانه
..طيري..

البنات هم رادو ..

اجت مينا جايبه الموطا وتصادمت وي ثنين لابسين عسكري...

البنات من الفشلة سوو نفسهم ميعرفوها ههههه...

كمت رحت يمها ..

واحد منهم رتبته ملازم نجمة وحدة..

الثاني نجمتين ملازم اول..

الحمدلله ما متلفة ملابسهم بس وكعت الموطه بالارض واجه واحد من اهل الكافتريا كال فدوة عادي..

وكفت مينا تتعذر منهم وهم كذلك اجيتلها كالت لج انحمست ومادة نصي بالفريز حتى اطلعلج ام العود تالي انمردت...

غبية الولد ضلو يباعون واني دنكت الم براغي وجهي بصراحة..هههههههه....

ترخصنا ورجعنا..

مينا..لج زوينه شفتيييي!!!

زينة..شكووو؟؟؟

_لج ابو عيون كحيلة الطويل يجننن صفن بوجهي اخ كلبي...

_ههههه يااا لج غير حب هذا من اول موطا...

_ههههه دمشي مو صوجج ..بس شفت صديقة هذا ابو نجمتين اكلج بعيونه...

_هذا الاملح عيونه تلعب مارتاحيتله وانت بس تجفصين بالحجي ..

_خليج انت ع جيمس بوند عبالك ارمل دومه لابس اسود ..

_يجنن احلى من هذا شعره لو تحطين عليه سمچة تتكلى وعيونه تكمز منا ومنا ...

_لج ملازم اول نجمتين ...

_مو مال نجمتين شكله ملطلط مال خيوط مثل شلتاغ ...هههههههههاي

زينة ..انتبهنا هم يمنا جايبين موطا...

يبووو عزاااا امبينين سامعين لان طكني خزرة ..

يبس دمي من الاحراج..

راحو كعدو شوي عنا ويتبصبصون...

لطشنا الموطا ع سريع اني ما اكلت البنات خلصو وكمنا...

جواد..انسة مينا بلا زحمة شوي...(ابو نجمة وحدة اسمه جواد ولطش لمينا عجبه ثولها من جفصت بي هي وموطتها)...

بلا زحمه اني عندي معاملة هنا وبصراحه ماندل اذا اطلب منج كم شغلة تسويها؟؟

مينا..اي تدلل تفضل..

_عندي معامله بالعمادة واحتاج كم سؤال ممكن رقمج ونتفاهم(هو زحفلها بس بطريقة علمية) ههههه....

-اوكي..

تبادلو الارقام وسولفت مينا واحنا نصبنا عليها.. تالي عرفنا هم ضباط ثنينهم ذاك ابن عمته واسمه شاهين..

ولاحظنا مينا كنكت وي جواد وماشية الامور ..

مينا..زوين عندي سالفه وياج..

زينة..مدام زوين معناها سالفتج داجة كولي خية نطقي..

_شاهين صديق جواد يريد يسوي وياج علاقة...

_شنووو؟؟وشكتيله ولج...

_كتله طبعا متقبل لأن هي تحب..

_صخااام ولج شلون تحجين هيج ليروح يشوه سمعتي..

_لا شسالفة ولج جواد حيل يحترمج ميخليه هيج يسوي ..

زينة ..خلال هالفترة صقر متنقطع مسجاته ويوميه يتبعني حد ما اوصل للبيت ..

اليوم اخير امتحان اففف شكد كآبة رح نكعد ببوكا لحد الدوام..

مينا ...هههه لج انتو بيتكم صدك بوكا..وغسان آمر السجن هههه..

مازن السجان الظالم هههه..

زينة ..انلصمي عاد ماناقصة كآبة..

مينا.. اويلي دخت .. ذبت شوف منو اجه...

زينة.. باوعت شفت شاهين وجواد جايين ..كلت للبنات خلنروح خليهم وحدهم ..

كايمين واجو علينا وكفو سلمو وحجو..تالي...

شاهين..زينة اريدج بموضوع ..

زينة ..تفضل..

_لا لوحدنا افضل..

_لا ماضم شي ع البنات اني كول..

_شي يخص اهلج ماكدر!!!!

_تفضل اوكي..

_زينة اعتقد عرفتي من مينا اني حاب اتعرف عليج...

_شاهين شنو هالحيلة يعني كذبت وكلت يخص اهلي تالي طلعت تحجي بنفس الموضوع؟؟

_اي اريد افتهم منج ليش رافضه..

_شوف شاهين...انا اهلي تعبانين علي وماريد اسوي علاقه والكل تعرفني اليريدني يجيني من الباب..

_اي بس غير بالاول نتعرف نشوف نتفاهم لا...

_شاهين بكل الحالات ماريد ارتبط هسه...واذا فكرت ارتبط مو انت الشخص المناسب..

-اهااااا!!!! ليش ممكن اعرف...

_اول سبب هو انت تشرب وهالشي مستحيل اتقبله وثانيا اني ببالي شخص ثاني..

_هههه بسيطة زينه ..شوفي ترى اذا ما ندمتج ع هالحجاية..واصلا منو ياخذج انت بيتكم ١٠٠ متر واخوانج جيش روسي ..ترى مو عبالج الحاطته جواج يخطبج لااا.. خليها بأذنج ترجية..

بت الفكر ماتنخطب بس للعب ...

زينة ..مالحكت اجاوبه ومشى ..او بالاحرى لساني نربط ..ليش الناس تشوف الي حالتهم بسيطه لعبة سهلة ليش الي حالته زينة يتبطر ع غيره...

رجعت امشي شافني فراس طالب ويانا ..

فراس..خيرج زينة شبيج وجهج مخطوف ..

زينة ..لا فراس بس متضايقه شوي...

_ضايقج ملازم شاهين؟؟؟

_تعرفه انت!

_اي اعرفه هو واخوانه معرفة قديمه اهلهم واهلنا..

_خوش حكولك ش....

شاهين..ها ابو الفوارس امبين علاقات هالايام....

فراس..ههه زيونة اخيتي ..

صرت ع جهة ماريد اشوف جهرته..

بس اسمع حجيهم..

شاهين..مدام هيج اني دخيل يمك تتوسطلي!!!

فراس..ها قررت تزوج لك..

_لاا بعدني اريد اتعرف بالاول مو الزواج قناعة؟؟

_لعد ابتعد عن زينة بنيه جوهرة مو مال لعب..

_ابو الفوارس هسه هي بت قاضي ..بت وزير..اشو خلگ بت فگر...

اني جنت ع جهة ..سمعته هيج درت عليه ..

بت فكر ولا اقبل بحشرة مثلك سكييير؟؟؟؟

للحكاية بقية

للكاتبه شقراء(قمر كانون)