نقيب قلبي الفصل الرابع 4 - بقلم شقراء

#نقيب_قلبي

الجزء الرابع

ضلت تمشي السيارةحد ما نزلت بعد مانتبهت الها..

وصلت لبيتنا لكيت اخواتي عدنا..

بوست هبة ورنين واطفالهم وكعدنا نسولف..

هبة..لج رانيا جبتلج خوشعريس ناس مرتاحةويدللون المرة..

رانيا ..لااا ماريد اتزوج حاليا خليني عفيه..لج عوبة انت ناس يدللوج تفتكين من فكر ابوج..

لاا عفيه كافي سدي الموضوع عفية..

باوعت لرنين تتهرب هي اعرف عدها علاقة بشاب بس تفاصيل ماعرف ابد...

زينة..خلاص هبة اني اقبل رانيا شايله مصرفها اني احتاج مسؤولية ياريت تكليلهم عليه..

حاجت امي واتفقوا يجون واجو وطلعنا استقبلناهم..

طبعا ممسموح نبدل او نحط مكياج ابد...

زينة..السلام عليكم .. وعليكم السلام اهلا هاي العروس؟؟؟

جانو نسوان ثنين امه وخالته ووياهم اخته..

امه..شلونج بالكلية درجاتج ..زينه الحمدلله..هااا اكول لتزعلين مني بس شعجب بالكلية ومو مرتبة مثل بنات الجامعة!!!!

هنا صرت بنص هدومي من الفشله والقهر سارة باوعتلي غضبت بس ساكته لخاطر امي..

كالت خالته..

لا شحلاتها تنكرط ع الطبيعة احلى

امي كالت اي احنا مانحب نغش نطلع بناتنا ع الطبيعة..حاولت تلزكها شلون ماجان..

امه..ها اي بس وليد يحب النزاكة والبرستيج يعني ماعرف شكول اذا انت طالعة بدشداشة يعني ...اله بشنو تطلعين بعاية راس؟؟؟

سارة.. عيني شنو السالفة قابل طلعت الكم وصخه لو مكفشة احنا ناس بسطاء احترموا بساطتنا...

كبت بوجها اخته وضلت تعيط شنو انتوا تهينون اليجيكم وماعدكم ذوق فوك بهذلتكم تحجووون...

صوتها رج البيت صفنا احنا وامه ضلت تحجي ترخصو وكامو...

هبة..لج سارة ليش هيج طفشتي النااس...

سارة .. دطيري انت والناس سوونا وصلة مسح ..

اجت امي وضلت تدردم علينا وسمعت مرت مازن ومرت احمد ولليل عرفو الولد وصار نقاش بس سارة تعرف تحجي وشخصيتها قوية حجت واقتنعوا وانسد الموضوع ...

مرت ايام واني اداوم ولاحظت صقر يتردد ع الكليه وصديقاتي ثلاثتهم عرفوا وضلو يتشاوقن وياي ويداهرني...

واستمرت السيارة اشوفها ويانا تمشي واتمنى اصعد سيارة مضللة..واو شنو الشعور..

بيوم هم تأخرنا بالمحاضرة ومالكيت سيارات بس رجعت عليه الاحداث وكلشش خفت وانقهرت ضليت اباوع الطلاب تصعد خطوطها اختنكت بعبرتي...

ضليت واكفه يم الباب...

الطلاب تروح وشكد حاولت وياي مينا اروح وياها كتلها مترهم..

بقيت واكفه يم الباب ودموعي تنزل لعل وعسى احصل تكسي كلت اوكف بمكاني لو للخمسه ميخالف..

لا بد وتمر سيارة منا ممعقولة..خابرت سارة كتلها حتى ليقلقون ...

بقيت واكفة والدموع كد ماقوية متنزل ع خدي لا مباشرةً للارض...

سمعت صوت خشن اخاف منه واعرفه..

صقر..ليش واكفة هنا ست زينة؟؟؟

زينة.. التفتت عليه حسيت غرگانة ونقذني بس تفشلت من دموعي..

طلع كلينكس وانطاني ..مسحي دموعج وتعالي اوصلج...

زينة..لا انتظر تكسي
..ماكو تكسي هسه الجامعة فرغت لتتعرضين لتحرش امشي اوصلج...

زينة ..ماكدر عفيه اتركني..احاجيه ومدنكة وارجف..

صقر ..ماشي اوصلج للشارع وصعدي كيات وروحي..هاا اوكي..

زينة صعدت ويا شفت نفسها السيارة المظللة بداخلي فرحت كلش عرفت يلحكني معناها هم مهتم بيه...

كعدت وخليت فوني بحضني اخذه من ايدي خطف وفتحه ..

زينة..شنوو شبيك جيبه عفيه...

صقر ..لحظة شوي ..

_خليني انزل عفيه..

_هاج اخذي وضلي وين نازلة...

رجعلي فوني فتحته لكيته مخابر ع رقم عرفت اخذ رقمي..

ليش اخذت رقمي يعني مابيكم شريف!!!حاميها حراميها!!! وكف السيارة فجأة يمه وكف كلبي...

صقر ..لج ادبسزززز شنو هالحجايه الاكبر من راسج؟؟؟

زينة ..بطني ضلت توجعني وحيلي باد دخيلك ربي ...ا..اي ليش تاخذه..تقرب مني وعصر وجهي وتقرب مني ماكدر احط عيني بعينه ...

بقيت مغمضه بس ارجف رجفة لو صقيع يمي مو هيج ارجف ..

ماحسيت الا خله شفتة ع شفتي وجر شفتي بكل قوته...

زينة..اااخ ..وضليت ابجي هو بسرعة ضربني ع خدي خفيف وابتعد..

صقر..حتى متطاولين مرة ثانية ..لزمي لسانج كل متغلطين بعد هيج يكون عقابج...

زينة ..ماعرف مشاعري شنو كانت بالضبط خوف صح وفرح صح ومااعرف كل الاحاسيس اجت ببالي ...

لزمت شفتي حسيت شفتي حارة وتنمل بس استحيت اباوع بمراية..

صقر..شفتج انجرحت شوي ..هاج مسحيها وانطيني الچفية...

زينة باوعت لكيت شفتي معضوضة ومنفوخة من جهة اليمين...

طلع چفية رصاصي من جيبه كال امسحي شفتج..مسحتها كتلها اخذها اغسلها ..جرها من ايدي وكال

صقر..لا لا هاي متنغسل للابد ..وحاط عينه بعيني ..هالمرة خليتج انت تمسحين الدم لان قلييل وميأذي..

بس المرة الجايه لا..رح تكونين موجوعة اني امسحه الج واحتفظ بيها للابد وغمزلي...

للحكاية بقية

بقلم الكاتبه شقراء(قمر كانون)