نقيب قلبي الفصل الرابع والعشرون 24 - بقلم شقراء

الجزء الرابع والعشرين
#نقيب_قلبي

صقر..شوكت عرفتي؟؟
حلى..امس حللت وعرفت..
_اهاا..يعني ماكدامنا حل غير نتزوج..
بسيطة..هسه تعالي يمي وباجر نتفاهم..
بقيت يمها طلعت حركتي بيها..
تالي لبست ورجعت للبيت..

يوم ثاني اجيت عليها كتلها امشي وياي ..
اخذتها ورحت للمستشفى ..
حلى..صقر..ليش جايبني هنا؟؟؟
صقر..تعالي ليش خايفه محرد تحليل بسيط..

سويتلها تحليل لان اصلا متاكد ماكو هيج حجي..
ماخذ احتياطي ومستحيل اسوي هيج..
طلعت النتيجه سلبية...
_ها ست حلى..
مو يكولون الحك العيار لباب الدار..
وهاي احنا لحكناج..
لو رجال جان عرفت شغلي وياج..
بس مرة متسوى انزل لمستواج..
ولو انت صفر بسوك النسوان..

وصلتها وكتلها بعد ماريد اشوف وجهج ..
رجعت للبيت بس متضايق كلش..

زينة.. شاهين حلق شعره زيرو..
اجه دخل سويت نفسي نايمه خفت..

ماحسيت الا سحب الغطا مني..
وكعد يمي...
ضل يتلمس بجسمي...
_شبيك ..شنو هالتصرفات؟؟
مو كلت مثل اختك شبيييييك...

شاهين..هههه اي تردين مثل اختي ..
حتى تروحين لصقر يريحج مو؟؟؟
واني اكول ليش هالدفاع المستميت!!!
طلعتوا صنف ..

زينة ..ضليت كوة ابلع الريك ومباوعت بوجهه...
كال ..من عرفت تندمت..
كلت اطلكج حتى لا اظلم اخوي..
ورجعوج اهلج الفكور عليه..
وهذا فوك ما انقهرت عليه..
جاي يدافع عنج بكل صلافه..

لزمني من ركبتي..
ويكلي احجي شكو بينكم..
بعدكم علاقه؟؟
ثنينكم ببيت واحد احجي شمسوين من وراي...
خلصت نفسي منه كوة..
_لك مابينا شي من يوم خطبتني...
انتهينا واني هسه زوجتك ..
لتتهم بكيفك حرام عليك.

شاهين..يعني صقر ملازمج ممتقربلج؟؟
من اطلع متاخذون راحتكم؟؟
تريد تقنعيني انت باقية بلا رجال هيج..
اني ماتقربلج وراضية؟؟
لج الجهال يشبهوه!!!
معقوله ولده مو ولدي..
اي اي مو ولدي ..
اني تقربتلج مرة وحده..
واصلا ماخذتج يعني مو اني؟؟؟؟

_لك خلاااااااص ...
حرام عليك ..حراااام
وين صايره اني ع ذمتك ..
وعندي علاقة باخوك..
لا واخلف منه...
شنو جبتني من بيت دعارة...
الله ياخذني ويخلصك مني...
وذوله ولدك كدامك ..
اخذهم بيدك وحللهم دي ان اي..
واذا طلعو مو ولدك ساعتها اذبحني واذبحهم...
حسبي الله ونعم الوكيل بيك من بشر...
شيطان مو انسان انت شيطااان...
ضل هو يباوع ..
اني طفرت بسرعه فتحت الباب لاكتني ايات..
تفاجأت هم غرفتهم جوا..
وصاعده بالروب متستحي !!
والبيت كله رياجيل..
ابتسمت صفح ونزلت..
نزلت اني رحت للمطبخ الجوا..
ماردت احد يشوفني كاعده ..
اكيد حيعرفون مشكلة..

لكيت كم ماعون غسلتهم وسويتلي كوب هوت جوكليت ..
كاعده اشرب وفات صقر..
بس مو طبيعي ..
اول مرة اشوف صقر هيج...
جان شكله مخربط حتى نص الدكم مفتوحه..
كلت بقلبي مابيكم واحد بي خير...
واحد اضرب من لاخ..

صقر..رجعت بس حنت مثكل شوي بالشرب ..
ومالي خلك حتى دكمت كوا..
لكيتها كاعده..
سالتها اذا شاهين اذاها..
كالت لا..
وهي صافنه ع وضعي..
خجلت من نفسي عفتها وصعدت..

زينة..ضليت كاعده بالمطبخ ..
لشوي دخل مقدام...
يغني ويلعب بالسويج...

اخذ الحلوة ونام براحة..
شفة كريزة وخد تفا...
شافني بالمطبخ انصدم..

مقدام..شعجب زيونه كاعده بالمطبخ..
نزلت سويتلي هوت جوكلت وجاي اشرب ..
مجايلي نوم..

_شوي وحسيت ايات واكفه بالباب..
ايات.. شنو كاعدين تسولفون نص الليل؟؟
من شوكت اجيت مقدام..
_هسه دخلت شعنج كاعده..
يوميه بسابع نومة..
_اممم منتظرتك اليوم مشتاقتلك..

اجت جلبت بركبته عود تغيضني..
نزل ايدها هو واخذها وراح..

صفنت..بعد شحجي..
ههههه صدك عيش هواي..
شوف هواي..
اشو احنا عشنا شوي ..
شفنا العجب

صعدت نمت شاهين جان نايم ..

يوم ثاني اجت عمتهم تعزمنا ع خطوبة جواد..
واجت وياها بتها ..
مترتاحلي مطلقاً..

ام عبدالله...يوم لصقر ولواء..
يتزوجون ونفرح بيهم..

لواء..عمه ادعيلي اخذ الابالي وغمزلي..
ام عبدالله...ها ولك امبين منيشن ع وحده..
ام صقر مدام غمزلج..
معناها تعرفيها..
_ههه لا متعرفون لواء وسوالفه..

بله لواء بعده بس انت صقر..
شوكت ناوي تعرس بله..
مو طبيت ب٣٠...

صقر..عمتي حاليا الفكرة مو بالبال..
من الكى التناسبني يلا اتزوج..
ماريد اخذ تقليدي..
تعرفين طبعي صعب ولازم مرة تفهمني...
باوعت لوسن انطحنت ضلت تنفخ..

صارت الخطوبه ورحنا ..
واول ماشفت مينا صبت دموعي...
اوووف لج مشتاقتلج ميته ميته...

مينا..اااخ يا زوين انكطع قلبي عليج..
لج ممصدكة الي صارلج ..
جواد يسولفلي واني اقهر بنفسي..
تعرفين بشاهين كلشي يحجيله..
اي صح ..
لج صدمتي متنوصف من عرفته اخوه..
مينا..مو كتلج معذور ..
_جنتي تعرفين؟؟
_مو هسه لازم نكعد نسولف..
عندي هواي حجي..
اني اخلي جواد يجيبني الكم..
ضليت اسولف وياها حد مارجعنا..

يوم ثاني جنا نسوي الغدا..
اني بالمطبخ اغسل الخضورات ..
واجتلي ايات ضربتني ع ظهري حيل..
لج ساقطة شعدج البارحه وي مقدام بالمطبخ؟؟؟

للحكاية بقية..
للكاتبه شقراء (قمر كانون)