نقيب قلبي الفصل الثالث والعشرون 23 - بقلم شقراء

الجزء الثالث والعشرين
#نقيب_قلبي

مقدام...شبي راسج زينة!؟؟!!
اشو اشوف..
زينة...التمو عليه كلهم..
ونظراتهم بيها صدمه..
سالوني وكتلهم البارحه انشك وخيطو الي..
بس مسيطرت ع دموعي..
حيل انهضمت ..
شكل شعري وراسي مخيط..
اخذتني ام فهد بحضنها لغرفتها..
حجيتلها الصار..
وكتلها ع قرار شاهين..

ام فهد..يا زينه شاهين محيرني..
والمحيرني اكثر ريسان..
جان داك رجل ميطلكج ...
وكال لو سواها اتبرى منه..
بس ورا ماحجه وياه ..
يكلي مدام ممتفاهمين خيطلكون..
ليش يعلك البنية ..
ويعلك نفسه..
لحيت عليه اعرف السبب ماقبل يكول..
_ع راحته يمه..
المهم عندي مافارك جهالي ومافارككم..
انتو صرتو اهلي ومالي غيركم..

بعدين رحت اسوي لمقدام تراب الملوك..
بالمطبخ ونسمع العياط ..
ركضنا اني وجيان ..
وكدامنا صعدوا مقدام وفهد وامه..!!!

صقر لازم شاهين مجتفه من ايديه ويكص بشعره!!!!
صدك انصدمت وقتها..
هو جان واكف وشاف شعري..
وفعلا كال اخذ حقج منه..

هالحجي شاهين وجهه مورم وخده مشكوك ..
طبعاً من شافو ركضو عليه..
جرو شاهين من عنده..
وشاهين يسب بصقر ويغلط..
لان شعره كلش حلو جان..
عالي وحيل سرح..
بس صقر مسوي خريطة..
خاول يهدون عليهم..
ولواء لازم صقر هو وفهد ..
ومقدام وامي لازمين شاهين ويهدون بيهم ..
وهم واحد يرد ع الثاني..

شاهين..هدني مقدام خل انكلع هدنييي..
مقدام ..شاهين اكسر الشر واطلع ..
كافي مشاكل ترى كرهتونا بعيشتنا..

اني كلش استحيت خليت ونزلت ..

صقر..من شفت راس زينة وشعرها..
ضاك بيه النفس ..
شلون شعر يخبل..
ومحلوق من نص راسها..
نار صارت تسري بيه..
مو لان زينة عزيزة..
بس شاهين تمادى هواي..
وهو سلمها لاهلها..
ويعرفهم اوباش..
صعدتله شبعته بوكسات ورفس..
ولزمت شعره اكصه..
وطلع ولحكته..
من صعدو..
وفكونه وضل يعيط يريد ينزل..
عافه مقدام ..
كال عندي كلمه وياك صقر..
ضلو يحجون ويصيحون كافي عقلو انتو كبار..
كال وداعه امي حجايتين..
بس بحدنا..
كتلهم عوفوني هذا هو..
مااذي بعد انطيت كلمة..
راحو نزلوا..

لواء..تعالو بغرفتي احسن..
حتى لا واحد يغدر الثاني..
_اوكي امشي..
شاهين جان متحلف وعصبي..
لواء راد يدخل ويانه شاهين منعه..
كله شي ميخصك..
دخلنا للغرفه..

شاهين..شوف هاي اخير مرة تمد ايدك..
واذا قبل جنت اكول فركتكم..
وعبالي انت شريف ومسويها لله..
هسه لا...
مو عبالك تلعبون من وراي ثنينكم ..
وربك اذا مادمرها دمار ..
ماطلع شاهين..

صقر..ضليت صافن..هذا شيحجي...
يعني عرف اني جنت احب زينة..
صفنت واني كدامه..
حتى احس نفسي دخت..
جاوبته..
لك ساقط هاي عرضك..
ومن يوم صارت عرضك حسبتها اختي..
مو دون مثلك واحط عيني...........👁
على حلال غيري..
واي وحده مكانها ادافعلها..
وقسماً عظماً اذا اذيتها امحيك..
فتحت الباب وطلعت ..
اخذت السويج واني نارر..

رحت يم حلى بلكي انسى شوي..
شربت وهم مانسيت..
ضليت دايخ شمدري هذا..
لا اخاف يضر زينة ..
لا لا بعد معليه بيها..
هو بس حجي..
حاجتني حلى..
_صقر حكولك شي..
بس معليه اني مو بيدي...
انت السبب..!!
كولي شكو شبيج ترى روحي طالعه..
_ااا ..اني حامل...

للحكاية بقية....
للكاتبه شقراء(قمر كانون)