نقيب قلبي الفصل السابع 7 - بقلم شقراء

الجزء السابع

#نقيب_قلبي

شاهين..رح تشوفين السكير شيسوي...عافنا اني وفراس واكفين وراح...

فراس..لا زينة انت مؤدبة..مو طبعج هيج

زينة.. انقهرت كلش منه ليش هيج يستهزأ شايفني ماده ايدي اله؟

بعدين شبينه فكر الحمدلله مناقصنا شي..

فراس..خلاص هو هذا ميعرف يحجي اني اعرف شلون اادبه يولي...

_مصار شي اني اروح احسن مع السلامة
...حياج الله زينه مسحيها بلحيتي..

رجعت للبيت ضايجه بعد ماودعت البنات وشفت صقر واكفلي يم السيارة مشيت سريع خفت يصعدني غصب ويتكرر الي صار شفته ضل يخزر.. صعدت بالسياره وانتظره تقبط..

دزلي نزلي اريد احاجيج بموضوع..

كتله ماصعد وياك بعد اخاف...

وغلقت الفون ودنكت ضليت ادعي بسرعة تقبط ونطلع..حد ماطلعت هو يمشي ورانا..

رجعت نمت ومشى اليوم للمغرب كعدت..

صليت وخلصنا هوسه العشا..

تذكرت فوني فتحته...

يبووووو مسجات متواصله ....

سارة...زينة شسالفة شنو صار احتركنا هههه...

زينه.. هاا لا جنت مطفية الشبكة وهسه فتحتها
.. اهااا!!

ضل يدك ماكدر اجاوب ..

ضل يرسلي اصوات ..كمت خليت الهيدفون وسمعت يبووو...

_لج صار شكد اخابر وانت مغلق ..
جاوبي بسرعة...
غبية جااااوبي ...
جاوبيني لا احركج حرك...
بتلللل اني الج اعرف شلون اعاقبج...
جاوبته ماكدر يمي اختي..
كال ...موضوع ضروري بسررررررعة
....كتله اوكي

زينة..حطيته ع اذني كتله الوو بالجذب ع اساس مينا وكمت صعدت بالسطح ...

صقر..واخيرا جاوبتي لج لو يمي اااخ..
تعرفين جان كسرت راسج...
_ع فكرة لسانك ينكط عسل...
_لتعصبيني حتى لتشوفين هالعسل...

_تعرف انت تتجاوز عليه هواي؟؟؟
_صيري حبابه وطيعيني.. سمعيني هسه بالاول...
اريد انطيج خبر بس...
اريد اجيب اهلي واجي الجمعة التجي اوكي!!!

_هه يعني انت تسألني لو تنطيني خبر؟؟؟

_لا انطيج خبر لان انت مالتي...
وشحدج ترفضين اخطفج اخليج بجنطة واجيبج ببيتنا ...

_ههه اوكي مثل متريد بس هسه كافي اذا سمعوني معناها باجر اصبح بالنجف...

_يخسي اليلمسج فراشتي...
اخذي راحتج وديربالج ع نفسج...
وانطي اهلج خبر ...انتظر توافيني بأي شي يصير...

زينة ..سديته ونزلت ركض حضنت سارة ونمت بحضنها ضلت صافنه ههه....

سارة .. ها زيونه امبين المكالمه الاجتج خلتج فوك النخل...

_هههه سارة راح اكلج شي..

_كولي ؟؟؟

_رح يجون يخطبوني الجمعه التجي...

_اممم متوقعه هالفرحه وراها سر ههه ...

ياعمري تتهنين بس احجيلي..

وماريد اقارب فلانة..لو علانه ترى اعرف رايدته ...

_هههه لا ولد نقيب بأمن الجامعة اسمه صقر...

_الله يتمم ع خير..بس شنو حتكولين ؟؟

_ماعرف شتكولين؟؟

_تردين نصيحتي خليها مفاجأة ...
اذا عرفو اخوانج انت جايبته مينطوج اله...
حتى لو تكليلهم اقارب وحدة...
مدام بالجامعة حيكولون تعرفي...

_اوكي حكولة مراح اكلهم حتى يصير عنده علم..
انتظرته دز مسج ودزيتله فهمته كال مثل ماتردين اكول شفتج بالجامعه وعجبتيني..

رحت خابرت مينا طلعلي مشغول...
دزيتلها مسج ..الجمعة حضري نفسج حعرس...

هههه شوي وخابرت ..
حجيتلها وكالت حكول لجواد حتى يسمع شاهين..
ويفك منج ..

كتلها بس لتحجين بتفاصيله ميقبل...
مرت يومين ..
كاعدين العصر ..نسولف اندك الباب طفرنا للغرفة راحت امي فتحته سمعنا صوت نسوان.....

امي..كومي صيحي زيد خل يجيب عصير وحضري صينية الكيك..

زينة ..حضرنا اني وسارة وجاب زيد عصير وكملنا ..

شوي واجت امي كنالها شنو كالت خطابه عليج...
يمه منو منو منين هذا ..

_واحد ضابط شايفج بالكلية وعاجبته وسائل عنج..
اهاااا وشتكولين انت؟

_يصير خير ناس امبينين درة وامه شلون مرة الله يحفظها ويديمها ع هالاسلوب وماتكلب ..

بعدين احاجي ابوج واخوانج...
ويسألون حتى انطيهم خبر.. كالت لتتأخرون..
ابنها الثاني هم يريد يخطب كالت اذا رهمت يسووها سوا...

بس كتلهم انت مموجودة..
_ليش يمه يعني ماطلع...

_لا احسن كتلهم راحت وي مرت اخوها واخوها للدكتور ..
طلعيلهم المرة الجاية حضريلج لبس وترتبي مو هسه..
حتى ليصير بينا مثل المرة الفاتت ونتفشل..

راحت امي وضلينا اني وسارة نسولف...
طبعا رانيا طالعة وي خطيبها ..
من انخطبت لهسه لو طالعين لو تحجي ويا..
صارت متنشاف خطيه يعوضون..
لان خطوبتهم مطولة..

علي ..بنات منو عدنا؟
سارة..خطابه جايين لزيونه ..

_فدوة لعينج منو هذا شنو وضعه ترى ما انطيج لأي واحد انت الغالية...

زينة..ماعرف اسأل امي ههه خجلتني..
ضل علي يسولف يمنا واجه زيد..
كال اذا عرستي اذبح بزون..
_ههههه عابت لان اكرهه تريد تذبحها..
ههه لا لان كلش مأيس منج ..

ضلينا كاعدين ندردش ونضحك سمعناهم طلعوا ..واجت امي..
امي.. ها يمه انتو هنا لعد خل اروح لابوكم انطي خبر وانت زيد روح صيح لمازن واحمد وتعالوا انت وعلي للصالة...

حجت امي وياهم وكالتلهم الولد ضابط واهله بيتهم بالبراضعية ...
عنده اربعة اخوان ٣ اكبر منه هم ضباط وابوهم عميد متقاعد..
واخوه اصغر منه معهد طبي ..
انطتهم العنوان وكالو يسألون ..

راسلت مينا كتلها اجو اهله وتفاجئت هي ..
كتلها يمكن مسويلي مفاجأة لان حتى ماكال...
سألتها شنو كال شاهين من عرف..
كالت من حاجاه جواد كال.. هه الله يوفقها وابتسم وبس...

ابد ماعنده رد فعل..
كتلها بس بوخة يولي..
انتظرت صقر يراسل وماراسلني..
كلت يجوز مشغول انا لحد هسه ولا مرة مراسلته لو مخابرته..

مرت يومين واهلي سألوا عنه وتونسوا بيهم كلش لان خوش ناس ومعروفين وكل الناس شهدولهم بالطيب ...

رجعولهم خبر ويوم ثاني اجو يتفقون ع التجهيزات مدام الطرفين موافقين..

واصلا اهلي اشوفهم مستعجلين..
كأنه حيطير منهم...
اجت امه العصر ..
لبست قميص مقفل وردي وابيض ..
وتنورة كابوي ثلجي ..
وسويت شعري ظفيرة وفتت سلمت وكعدت..

ام فهد(امه)... ماشاء الله بنتي الله يحرسج..
يازين مااختار ولله ..تعالي يمي..
زينة.. ضلت تسولف وياي ع الدوام وعن بيتهم ...
وانعجبت بشعري كلش ...
كالت بس شعرج يسوا مهر لوحده...
ترخصت تالي وكمت..

بالليل كالوا اتفقوا ٢٠ مقدم و٢٠ مؤخر..اني انصدمت كلت شدعوه ..

بس عرفت هم اهله كايلين هيج احنا ماشارطين..
كالت امي حددوا الخطوبة والعقد ويردوها بقاعة..
كتلها ماما شنلحك بعد ٣ ايام؟؟؟

للحكاية بقية..

للكاتبه شقراء(قمر كانون)