نقيب قلبي الفصل التاسع 9 - بقلم شقراء

الجزء التاسع
#نقيب قلبي

احترم نفسك خليني ساكته...
ترى احجي لاهلي عن مضايقاتك كلها وسوالفك التعبانة...
_انلصمي انت واهلج هه مخوفتني باهلها..
_شاهين ترى رح اكلهم وافسخ مو عبالك ابقى وياك..
_هههههه ...ليش تفسخين حتى ترجعين لحبيب القلب...
_لك انت شنو من ملة ..
تعرف بيه احب غيرك واخذتني ؟؟؟شنو من نفسية..
_شوفي سدي حلكج لا اجي افركه ...
واللعب والصياعة اطلعها من عيونج...
وحضري نفسج نهاية الشهر الزواج...
_هذا حلمك..ماصيرلك مرة لو تموت...
_نشوف بلة منو كلامة يمشي؟؟؟
اذا ماخليت العرس بنهاية هالشهر ...
اني مو ابن ابوي....

حجيت لسارة ورانيا وضليت ابجي..
وهم ضلو يبجون وياي ومحتارين..
كالو صبري والله كريم...

مر اليوم وصقر هم ماكو رجعت دزيتله رسالة..
اذا صدك حبيتني بيوم والي خاطر يمك؟؟؟
بس جاوبني...
شوي واجاني جواب منه...
الله يوفقج زينه..
تدرين بيه زلم تتراجف مني...
ومحد يكدر يخدعني..
بس للاسف وحده رخيصة مثلج لعبت بيه...
بأمكاني اندمج واكسرج كسره عمرج..
بسسس..
لخاطر اخوي سكتت مهما حيكون هو حابج ..
وباجر حتصيرين مرته!!!!!!!

شنوووو!!!!
اتصلت عليه ماجاوب ..
دزيتله بس جاوب فدوة انطاني حضر...
ساعتها حسيت انتهى كلشي..
بعدني ممستوعبة شلون !؟؟
شنو الصار وليش....
حجيت لسارة انصدمت اكثر مني..
سارة..لج زينة هذا رح يطين عيشتج اذا صرتي كدامه...
بس لا يحجي لاخو عليج ولج...
_هه صفنت تذكرت صقر وكلشي صار..
لا لا سارة ميحجي صقر اكبر من هالشي...

ضليت طول اليوم كئيبة وتوقعت مينا عرفت وماكلتلي ..
لان مقصد كلامها بيوم المهر هسه وضح...

نمت من وكت لان طالعة الدنيا من عيني..
فزيت ع
رفسة...
فكيت عيوني والعياط والاصوات ومازن يهد عليه ..
احمد ويا وامي وبارق وعلي يجرون بيهم..
وابوي يصيح خل نفتهم...
استلموني ضرب وشعري صار نصه بيدهم...
كوة خلصني ياسر من مازن ضليت اباوع بوجههم وفقدت...
بعدين كعدت..
لكيت امي حاطتني بحضنها وتبجي وسارة ترزل بيهم..
الكل ملتم بالغرفة ..
كعدت بس ايدي بيه الم فظيع..
ولساني ماحس بي...
يحاجوني بس اباوع..
لزمتني امي من ايدي ..ضليت اصرخ..
كال مازن وبعد الا احركج...
عاط بي علي..
كال حضروها خل اخذها للمستشفى...
رحنا وطلعن ايدي ثنينهم مكسرات..
لان من ضربوني خليتهم ع وجهي من الخوف..
وكصتي مشكوكة خيطوها...
عالجوني ورجعنا للبيت..
كال ابوي تعالي للصالة والكل كاعدة..

ابوي.. اريد هسه افتهم الي صار وبلا ماتجذبين بحرف..
زينة ..كلشي ماعرف ولا مسوية شي..

احمد ..من رخصتك يابه انيي احجيي...

خابرني شاهين كال خوية اني دخيل يمك!!!
كتلة كول ركبتي الك..
كال زينة خابرتني ورزلتني متريدني...
كتله شنو هالحجي بس احنا ماغصبناها...
كال تكول باجر تجي ونفسخ...
لان احب غيرك..
اني حبيت افتهم منكم اذا مجبورة خطية..
اني حاضر من باجر ننهي كلشي!!!!!
ودزلي صوره شلون غالطة عليه....

ابوي... زينة هالكلام صح لو غلط!؟؟
زينة.. مو مثل ما وصلت الكم الشغلة بس صدك اني ماريدة(كلت مدام صارت هوسه واجت منهم بلكي اخلص منه)...

ابوي.. كومي من كدامي وماريد اشوف وجهج بعد..

مازن..يابه شمقرر؟؟؟
علي..انتو ليش تصيرون اوباش يعني هي طفلة؟؟؟جبيرة وتعرف وين مصلحتها...
احمد..لو تموت ماتفسخ ومثل ماراد الولد عرسهم بنهاية الشهر...
بعد ماريدها بالبيت ..

اتفقو الكل عليه رغم علي وبارق وياسر جانو معارضين وتعاركوا وصارت بلبلة..
بس الاتفاق الاخير..
يتم عرسي...
ضليت بالبيت وشاهين ميراسلني...
من يوم الصارت بي العركة...
اخواتي وامي يبجن لحالي..
هبة ورنين يجن يحاولن يضحكني يسولفن..
بس انا ضليت جسد بلا روح..
وما مستوعبة لهسه ..
شاهين طلع اخو صقر..

للحكاية بقية...
بقلم شقراء(قمر كانون)