نقيب قلبي الفصل الثامن عشر 18 - بقلم شقراء

نقيب_قلبي

رفعت راسي مخترعه شفت ايات..
دخلت بلا مدك الباب!!وكالت..
_ياا هذا ابنج شكد يرضع ..
اكلج هو هذا منو منهم؟
_هذا صقر..
اممم ماعرف ليش خالتي سمته صقر وعدنا صقر قحط اسماء...
_يستاهل صقر وردة ..يستاهل اسمي ع اسمه...
_هه شدعوه يمعوده انت مشايفة منه شي بعدج جديدة..
فد واحد متكبر ومستعبد الناس كلها ابوه يخاف منه!!!
_عيب هالحجي ايات ..
ماشفت منه الا كل خير وبنظرج الي تحترمه اهله وتحسبله حساب هدا مستعبدهم..
رجاءً ..لتحجين على احد منهم كدامي ..
اني احبهم مثل اهلي وميستحقون واحد يحجي عليهم..
وخصوصاً هو ماقصر وياي وويا اولاد اخو..

_اي اي عشتو اكلج ذاك ليش نايم خل اكعده..
_لا يمعوده اريد ارتاح هسه نام مابيه بعد..
صدك راحت لجربايته ومدري شسوتله ضل يصرخ حيل وصقر توه بادي ينام سمع صوت ضرغام وفز..
وضلو ثنينهم يعيطون وبصوت عالي اني اخترعت من شفت ضرغام مثل المخترع..
هي كالت اوي شهالدوخه طلعت وعافت الباب مفتوح...

صقر..جنت صاعد الدرج واسمع زينه تصيح يمه ابني والجهال اصواتهم عاليه...
بدون وعي ركضت للغرفه..
خفت احد منهم متأذي..
لكيت الباب مفتوح فتت اخذت صقر جان يبجي..
وهي لكيتها تبجي وشايله ضرغام وتبجي وتدعي شكلها مخروع...
_صقر فدوه اروحلك مدري شبي رح يموت..
ولك سويله شي..
_لتخافين رح اخذ صقر واخذي رضعي...
من يشم ريحتج يسكن ويهدأ..
وانت هدي لان الطفل يحس بابتوتر...
باوعتلها استغفرت ربي ..درت وجهي زينه انستري ولو اني طالع رضعي ضرغام انت..
_التفت لنفسي صخااام..
مخلعة وماحاسه ع نفسي شكد عيب..
اخاف هو مماخذ نظره عني ..
هسه لا كملت بعد..
خليت ضرغام ع صدري وقريت عليه هدا وغفى..
خليته بفراشه ولبست وكعدت استحي اطلع..
بس حقدت ع ايات الخبيثه الله ياخذها خرعت ابني..

اتصلت ع لواء..
_الو لواء وينك؟
_ها ام صقر موجود بالصالة الفوك توة صعدت امري..
_مايأمرك ظالم فدوة ..
ابو جهل جان يمي وخرع الاطفال..
_ههههه خرب يومج وتالي..
بعد الله الوالي..بس شوفلي صقر اخذه عمه صقر يسكته شوف اخاف ضوجه جيبه الي..
_تدللي هسه...
_الو...زينه الصقرين غافين وحاضنين بعض هههه..
_ها اوكي مشكور تسلم..هلا بيج..

تمددت شوي وصعدتلي ام فهد..
_ها يمه سلامات ..
اول مادخلت كلتلي تالا العنونين يبجون هم وامهم..اخترعت صعدتلج كبل..
_ع كيفج يمه هاج شربي ماي ماكو شي ..
بس ضرغام مدري شبي..
ضل يعيط يمكن مخترع ونيمته وصقر اخذه عمه...
_الحمدلله يمه كلبي راح من حجت..
نزلت ام فهد خطيه انهبطت واني ضليت بالغرفه صليت ونزلت ع مود العشا..
لكيت جيان مسويه تشريب جانت تحمس بيها وايات كاعده بالمطبخ تاكل رمان هي وبتها..

جيان..هلا زيون فكدتج ماكو شلون صرتي..
زينة..لا الحمدلله احسن شنو نسوي وي التشريب..
جيان ..رح نكلي كبة وبتيته..
-اوكي اساعدج لعد..
_لا يمعوده توج وكفتي ع حيلج كعدي يمنا نسولف..
تالا..خاله وين عنونين ..
نايمين خاله فوك..
ايات..شكد ينامون...
_منيلهم شكد ينامون هسه يلا غفو شويه. .
ضرغام من فززتي وهو مخترع بالكوه سكت ونام..
وصقر اخذه عمه يمه خطيه..
_اي خوش صقر صاير ماما انيسة هه...
_صقر حنين عليهم الله يحفظه..مو مثل غيره..
جيان..صقر كلش يحب الاطفال..
جنة وحور متعودات عليه..
وين ميروح يجيبلهن شي وياه..
باوعت ايات معجبها الوضع..
طلعت ..
ضليت صافنه شبيها هاي مريضه...
سالتني جيان..

جيان..زينة شبي ضرغام شلون فززته؟؟
_حجيتلها كلشي وانا احجي صاح لواء ضرغام كعد..
صعدت فوك اخذته رضعته وغسلتله ..
وشوي ولواء دك الباب..
_هذا صقر كاعد..
_اي فدوة خل ارضعه ..
اعتقد مشربه صقر ممه..
تسلم تعبتك يوم عرسك..
_ههه يا زينه كرهت العرس والنسوان وداعتج...
_ليشششش؟؟؟
بلا ليش ههه عوفيني..
_تعال اكعد الا اعرف..
اخاف ضاربيك بوري..
ههه وهاي كعدت ..
شوفي زينة..
بصراحه ..جاي اشوف مقدام زواجه فااااشل ..
يعني الي ميعوف الصياعه ويكمل دينه بزواجه...
هذا المن متزوج ؟؟
حتى تزيد ذنوبه..
لوشاهين بعد انت اعرف..
ميفوت للبيت الا الفجر..
ومعيشج اسوء عيشة...
بس فهد اشوفه متوالم وي جيان..
يمكن لان تزوجوا عن حب...
_اي حب انت تالي تزوج منو لازمك..
_اي اني احب بس خايف اخطي هالخطوة..
احب بت عمي..
بس متردد من الزواج..
حيره هو الاعزب ممرتاح والمتزوج ممرتاح..

دشوفين صقر ممرتاح بحياته..
تشوفينه حنين ع الكل صح نخاف منه..
وشوي قاسي..
بس صقر نعتبره جبيرنا مو فهد..

بس زينة صقر مكسور هواي...
_ليش!!!شبي
_حسب مافهمت جان يحب بنيه وطبعا انصدمت ..
لان صقر مو اي وحده تجيب راسه ..
واصلا استغربت..
لان مايوم عجبته وحده ..
لو كال ع بنيه حلوة...
المهم..
الي عرفته ..هي خاينته يمكن مدري متزوجه..
هيج فهمت..
لان اتذكر مرة رجع للبيت سكران قبل لا تتزوجون...
مو عوايده صقر هالشي ..
لان هو ميشرب..
وانصدمت من شفته هيج بس بقيت يمه لان وضعه قهرني..
وهم خفت الوالد يشوفه..
صعدته لغرفته...
سويت كهوة وكتله احجيلي شبيك..

ضل يسولف ويبجي لك حبييييتها..
لك ردت اكمل حياتي وياها ..
ردتها مرتي وام بيتي ..
تروح تتزوج هذا السكط ليييش..
جنت اكدر اسوي اي شي..
بس ماكدر اضرها..

تالي طلع جفية وبي دم قديم اثر قليل ..
كال..هذا الشي الوحيد الي حصلته منها..

وضل يشم بيها ..
من وكتها دايخ بالشغلة..
مافهمت يعني ماخذها هو!!وهذا نيشانها محتفظ بي ؟
بس اذا ماخذها شلون تتزوج غيره..
واصلا صقر ميسوي هالشي..
لو يلعب بعرض اعرفه..

زينه.. من حجالي مانتبهت لنفسي باجيه ...
تعجب لواء من كلي هلكد انقهرتي عليه؟؟؟وبجيتي...
كتله اي خطيه حاولت اغير الموضوع...
ضل كلامه ابالي شكد خطه تعذب بسببي..

اجه شاهين بالليل متأخر وريحه النسوان تفوح منه...
كأنه ميشوفني لف راسه ونام..

يوم ثاني ام فهد رزلت ايات كدامي وكلت لمقدام عليها..
جيان مسولفه كلشي عن الحادثه ..
ام فهد تثق بجيان هواي ومخليته ع ايات لان ايات متنترك..
عمي سمع ومسح بايات البيت ههه...
لان كلش يحب الاطفال..
ودائما ينامون عنده..
ضلت ايات شادة وياي كلش..
بس اني من تطك روحي اردها ومرات هواي البسها..
وشاهين يجي اني نايمه ويطلع بلا ميحجي حرف..
ابقى كاعده وي الولد بالصالة الفوك نباوع فلم لو نسولف..
حتى مقدام وفهد مرات يصعدون يمنا بس اكثر المرات بس صقر ولواء...
وصقر مرات يطلع بالليل ..
نبقى اني ولواء..
يحجيلي ويسولف سوالفه تونس وكلش احبه يذكرني بزيد..
نفس العمر فرق قليل..
واذا شاهين موجود ابقى يمه بالغرفه ..
مرة كاعدين بالغرفة ساعة ١١ وام فهد وابوه جوا نايمين..
بس الشباب بالصالة الفوك...
جان ابني صقر يبجي يريد يبقى بحضني..
وضرغام هم وثنينهم يعوصون...

شاهين...اووووووووف خرب بيج وبجهالج صرعتونيييييي...
اريد افهم شي ماكو..
_يعني شسوي مثلا صير مثل الناس ولاعبهم شوي حاجيهم..
فارغ بس للساقطات ملاتك..

شاهين ...لج بت الفكووور اكص لسانج اذا جبتي سيرتهن ..
احسن منج يعرفن يريحن ..
مو مثلج معوقة وشمروج عليه الله يعلم...!!
زينة...كلش انقهرت من حجايته قصده لان ماكدر ياخذني..
_هه اي مو متعود ع الساقطات سفرتح..
تحب اليزيد من غيرك دائما مثل الجلب دومه يدور باليبقى من غيره...

اجاني لزمني من شعري شنوووو كلتييي بتللل ..
ماريد اشوف جهرتج يلا براا..
لو ما مشغول الا اربيج..
فتح الباب ودفعني برا..

للحكاية بقية..
للكاتبه شقراء(قمر كانون)...