نقيب قلبي الفصل الثاني والعشرون 22 - بقلم شقراء

الجزء الثاني والعشرين
#نقيب_قلبي

ام فهد.. عذرونا على جيتنا بهيج وقت ومستحين منكم احنا ولله..
بس بعد تعرفون شباب وكلشي يصير بينهم بداية الزواج..
وشاهين عصبي ومامقدر نعمته..
العنده مثل زينه وهالطيور الذهب يفكر بغيرهم..
لو يفكر يعوفهم..

صقر..احنا اجينا نعتذر بالنيابة عن شاهين...
وزينة منا وبينا وام اطفالنا..
وهو راد يجي بس مستحي..
كلنا اله احنا نجيبهم...

اباوع لوجوهم من كتلهم هيج استبشروا وكامت امها اخذت الاطفال ..
كالت فرفحت عليهم امهم..

زينة..اندكت الباب وكالت امي اجت عمتج وحماج..
حسيت ماي بارد نزل ع قلبي..
مجلبه بسارة وارجف..

سارة..بعد شتردين جابهم صقر واجه..
ارتاحي شوي انت فقدتي دم..
واطفالج محتاجيج..

_لج سارة ماتحمل ابعد عنهم ماكدر..
صدري ضل يصب ..
ضليت ابجي بحضنها حيل..
شوي ودخلت امي بيدها ولدي ..
اخذتهم شميت ريحتهم..
ااااوف يا ريحة الجنة..
انتو جنتي ياماما..

صقر..من بعد گولك عمي احنا جايين ناخذ
ام صقر..
شتكول ومابعد كولك كول..
باوعت لاخوانها بنص عين..
ولو بيدي الا اكوم انتف شواربهم..
جنهم سيت جواريب..

كال ابو زينة..تدللون وجيتكم ع عينا وراسنا ..
واحنا نعتذر منكم ان غلطت بحق ابنكم..
لو بحقكم..

ام فهد..زينة من دخلت لبيتنا لليوم ماطلع منها العيب..
والعنده بنيه مثل زينة يصبها ذهب..
من رخصتج خيه انطيها خبر..
تجهز نفسها حتى نترخص..

زينة..لبست وامي اخذت الولد وسلمت على البنات..
دخلت ومدنكه ..
بوست ام فهد..
وسلمت ع صقر وطلعنا كبل ..
كوة امشي..
اجيت اصعد باوعلي صقر..
انصدم!!!
صعدنا وحرك باوعلي بالجامه..

صقر ..شكد صار عندي امل بزينه ..
وكلت حتتطلك..
بس بعد الصار والسمعته..
سعادتها اولى من سعادتي..
وقرار امي بترجيعها صائب..

_شبي وجهج زينه ؟؟
ضربوج؟؟
_اا لا ..
ام فهد ..يووومه هذا وجهج مصلوخ ولج..
اثر اظافر هذا؟؟؟

زينة..بقلبي كلت بعدكم مشايفين شي ..
لو تشوفون راسي..
واصلا وجهي مجنت اعرف شبي..
حسيت يحركني ..
بس مادري مشفته..

صقر..زينة انضربتي وانهتني..
وبسبب شاهين..
بس بسيطة ..
الا ارجع ازوعه الحليب الرضعه...

_صار عصبي نار وامه خطيه انصدمت ..
من شافتني هيج..
وصلنا وصعدت لغرفتي ..
بست ام فهد براسها وتشكرتها ..
وتشكرت من صقر..

دخلت لغرفتي..رضعت الولد وبدلت ..
باوعت لوجهي بيها ثلاث خراميش الاظفر منبت باللحم..
بحيث هيج محفور..
نزلت جبت يود وقطن نظفته وحطيتله عصارة ..
وجنت دايخه كلش..
ضربتي براسي..
احس عيوني كوة مفتوحه..
وزين مشافو راسي..
جنت لابسه عباية..
شكد عيب باجر لو شافوه..
انوب ايات تلكالها شي تشمت بي..
نمت بسرعة فزيت نص الليل رضعت الجهال ورجعت نمت..
بس شاهين مو بالغرفة!!
هه شيهمه هو..
اكيد عنده سهرة..
رجعت نمت..
كعدت الصبح هم مموجود!!
غريبة..
نزلت ونزلت الاطفال..
وراسي مشدود شلون شسوي.. لبست كلاو ..

زينة..صباح الخير..
ام فهد وجيان وايات..صباح النور..

ام فهد ..انطيني الجهال وتريكي براحتج..

_بس ضلت صافنه عليه.. ليش لابسه كلاو..
بس ماحرجتني كدامهم..
كملنا ريوك وحضرنا للغدا..
صعدت صليت ونومت الجهال..
بس ماسالت ع شاهين..

اجو من الشغل وتغدوا ..
شاهين كال اريد احاجيج..

شاهين..زينة احنا بعد مالنا عيشة..
ماكدر اتقبلج مرة الي..
واهلج ميقبلون اطلكج..
وامي حجتلي الي صار البارحه..
تردين تبقين ع ذمتي؟؟
بس حاسبج حسبة اختي..
تردين اطلكج ماعندي مانع..

زينة..انصدمت من حجي شاهين!!
هذا شبي هيج كارهني..
ولك شنو عدوتك انا..
هسه صح هو يحب الحرام..
بس ممعقوله كدامه مرة وبس اله..
وهيج ميريدها..
ع العموم بعد احسن..
_اوكي شاهين..من اليوم احسبني اختك..
رح اضل اهتم بلبسك واكلك بس كأخت مو غير شي..
_ماشي..بس اذا ردت اتزوج اني حر...!!!
_براحتك هاي حياتك..

بالليل لواء يمي يسولف..
لواء..لج شنو لابسة كلاو..
بس لا شعرج عطب..
وخدج شبي؟؟

_ااا لا حلو عجبني ..
خدي البارحه تعرض لاصابة من خوال الولد..

_ههه خبال ..هذا شاهين خبلج رسمي ههههه..
خلاج حتى بالاصابة تتباهين هههه..

_امشي عابت..حسيته حاول يلطف الجو..
وانحرج ..بس انا كلشي احجي كدامه عادي..

نزلنا ..اني بيدي صقر..
ولواء بيده ضرغام..
جاي احاجي مقدام ..
انتبه لخدي حسيته ..
بس ماحجه ..
الظاهر فاهم الشغلة..
جان يحاجيني يريد اسويله تراب الملوك يحبها من اسويها..
وصقر يلعب براسي وجر الكلاو!!!

جان شعري من جهة الخياط....محلقي!!!!

للحكايه ....حكايه .