رواية نوارس مهاجره الفصل الحادي والأربعون 41 - بقلم zeanab_almusawi

#نوارس_مهاجره37
#زينب_الموسوي
الجزء الثاني

ايه
مااعرف كيف خلص الغدا ..
وكيف تحملت
ودي. اصرخ من القهر.. ودي اغرز  اضافري  بصدري.. واقتلع گلبي ..واطلع. طلال  منه

ضحكه  وسوالفه  توصلني للمطبخ
ويه ضحكه.
عزت  الكلمات  عليه  تعبر عن حزني  بقت  دموعي وسيله للاعتراض على وئد كرامتي

اداري دموعي الي مااعرف تنزل  الم  على  نفسي.. لو من الم سني
ورفقه  صوتها  .. وضحكها  حاصرني  ... وسلب تفكيري

دخلت وفاء ومرت حماها  للمطبخ  شافوني ابجي
مسحت دموعي بسرعه

: شبيج تبجين 

: عفيه توصليني للبيت سني راح يموتني

: هسه ضهريه  واخاف طلال ميقبل تطلعين 

. اني طالعه بكيفج  تروحين وياي لو لا

؛ جايه  وياج

وهيه  تحضر  نفسها  للطلعه 
واني اسمع   ضحكه المستمر
تركت  البيت قبلها.  ومشيت سريع
وهيه  تصيح عليه ( ايه اوكفي طلال ميقبل تطلعين )
ماهتميت  الها  وطلعت اركض
ماوگفت

بقيت اركض.. وطلعت على الشارع العام.. بلحظتها  كنت اريد اطلق سراح نفسي  من حب دمر  عمري 
اتصور كل  مااسرعت  الخطى كل مانقذت  نفسي اسرع
وصلت للباب.. وظليت يم الباب واگفه  ماعندي  مفتاح لحد
اجى  طلال بسيارته... وياه امه
خفت من شفته..  ليضربني.
خليت ايدي على خدي وهو يگلي
: تطلعين. بلا متگولين

: سني  يوجعني. والبنات  كل شويه يسالوني  ليش تبجين

: دفوتي جوى 

صوته تغيير ت نبرته. والنظره بعينه مليانه شر

صعدت  للغرفه. وشربت حبوب  للالم
ودخلت الفراش
وبديت  ... انحل  واغمض

طلال
وصلت مع امي للبيت
دگ تلفوني  .. اثنين من اصدقائي والدي   جايين  يسلمون عليه

: هلا بيكم
اني راح اطلع للباب اتلگاكم
اخاف متندلون البيت

وكفت. انتظرهم ... واني
الم راسي. مدمرني ومتحمل گوه  ومااريد اشرب الادويه وانام ...  ومنظر  ايه وهيه تركض مهزومه مني
خلاني  ارجف من العصبيه
وصلوا  بسياره  بيضه
واحد  اسمه  امجد والثاني .. حسين
تلگيتهم  سلام  ... واحضان

واثنينهم نفس الحجايه گالوا
(صاير اطول )
ضحكوا  وفوتتهم للصاله

طلعت اوصي امي على جاي

ملگيتها  بالمطبخ ... نايمه بغرفتها
رفقه ماموجوده بقت بيت وفاء

صعدت  لغرفة ايه
نايمه

: گومي بدلي ملابسج
وسوي جاي

: سني مااگدر. اريد انام

: گومي احسلج .. ترى مناسي الي سويتي وحسابج. بعدين بس
يرحون  الخطار
انزلي  ومتصدين اهنا الا بامري
فتهمتي ؟

گامت من الفراش بلا متحجي

رحت يم الولد والدي كان گاعد يمهم ...  سوالف.. ومواضيع عديده ... عن  السياسه .. الحكومه ... داعش
اندگت الباب ...
انطتني الصينيه  ،،من ورى الباب

قدمت الجاي .. وگعدنا .. بنفس المواضيع نحجي
وتغيير سير الحديث  بسؤال
حسين

: طلال بيا سجن كنت

باوعته  ومااعرف شنو الغايه من هذا السؤال
: بسجن امريكي مااتذكر اسمه

كمل بحديثه ومعاه والدي شارك بالحديث
: يمعود. احمد ربك ... تدري سجناء ابو غريب .. شنو من عذاب شافوا ...  اني شفت الفديوات  تخبلت

عرگت ... وضاقت جدران الغرفه بيه
والدي يگلهم

: الله يساعدهم .. حتى يحجون عن حالات اغتصاب ... وبيع اعضاء بشريه
وكلاب تنهش باجسادهم ... اني هم شفت الصور ... وتذكرت طلال

بلا وعي صيحت
: كافي .. كافي

دنگت واني لازم راسي
والدي يسالني

: شبيك ابني طلال

ردت اهرب من كل الي سمعته
وجع  يضرب راسي بالف  ويل ..
رفعت راسي يباعوني
: اسف ياجماعه راسي ياذيني

گمت اطلع ... صاحني  حسين

: وين رايح دتعال  اراويك فديوات عن ابو  غريب

:اجيبلكم جايات  وارجع

اخذت الصينيه وطلعت
جدران البيت شفتها تتهاوى امامي
وضحكات  عسكر ... ومجندات
واجساد عاريه ... تصرخ

دخلت للمطبخ  ماموجوده بيه ايه
شمرت الصينيه على الارض وصعدت للغرفه ركض
نقطة  عقل ماباقيه عندي
كلام والدي براسي
يمكن يعرف ... يمكن ديلمح

ايه
انفتح باب الغرفه.. ودخل طلال
ظليت نايمه  واسمعه يحاجيني

: اعرف ليش تتصرفين. هالتصرفات
تتصورين اني مو رجال
اني اعرف شلون اكسر كبريائج
هذا

هذي اخر جمله سمعتها.
قبل ليتحول وحش  ويستفرد بفريسه بيوم ما  تمنت تكون اله زوجه

: طلال شبيك   ..انت ليش خليت اليه كبرياء داخل انت وبنت عمك  تهينوني واني ساكته

: غصبن عليج
مستحقرتني حضرتج  واتوسل بيج وترفضين ... وتطلعين تركضين بالشوارع
منو انتي. على شنو شايفه نفسج

: هذا الي قاهرك ... لا تعصب هاي اني گدامك

غمضت عيوني....
مجرد الاستماع  لصوته وهو يوصفني بكلمات  جارحه.. ارعبني
وقررت احتفظ بهدوئي  .. افضل مايضربني
وهو يمزق ثيابي  ..ويحكم قبضة ايده على رگبتي.  ادركت تماما الي ويايه مو طلال
انما. مجند  بسجن ابو غريب يحاول يذلني  ويكسرني
اختفت  الصور  بعيني  وبقى صوت كلمات السب الي يسمعني ياها وبالانگليزي

اديه على رگبتي ويخنگني

: طلال راح اموت ايديك خنگتني

مااگدر ت  احجي  ولا اصرخ
حاولت ادفعه  باديه  اثنينهن
رفعني من رگبتي  وضرب راسي السرير

نزلت   من السرير  ..هاربه منه  ركضت.، وهو ورايه ... وگعني بالارض على وجهي
داس على ظهري برجله.. وركلني من الالم ضليت اتلوى بالارض  ودنگ عليه
وبايده   ابعد  اخر قطعة ثياب عني
اهنا مگدرت  اسكت 
استنفذت  كل قواي  بالدفاع  عن صورة حب حلمت  اعيشها بهذي الغرفه

وهو  يحاول  يعتلي جسمي ويرفع  اديهه  .. ويحاول يربطها بثيابي الممزقه
ملخت باضافري  رگبته
صاح اخ   ..ورد عليه بضربة بقبضة  ايده على صدري. وبكل المي   صرخت 
( موتتني طلال )
الضربه اذتني .. وابتعد عني

وگفت راسا وفتحت الباب
اسرع عليه.. وجرني من شعري

: طلال  تريد تصير مغتصب
تريد تصير  جيرالد لك اني ايه

طلال : قتلتوني ... اني بريء
بريء ... افتحوا الزنزانه .
اني رجال .. غصبن عليكم
حقراء ... كلاب ... قذرين

يكولها  ويركلني  بكل. مكان
تكورت على نفسي خايفه يضربني  بگلبي
الركله الاخيره جتى على وجهي ..
انفجر الدم  من خشمي..  وحلگي
وسمعت صوت امه ..وابوه
وهمه يبعدونه عني

: لك انت مخبل. شدتسوي

: يمه طلال كتلت  مرتك
ولك وخر عنها  ..
البنيه متتنفس

طلال
انسلخت عن ذاتي  من اول مشفتها تركض بالشارع مهزومه مني نفس المكان الي ركضت بيه من الامريكان..  ومن سماعي حديث عن ابو غريب

گبال عيني انرسمت  زنزانه سجن
غمضت عيني لحظات ..حتى تختفي الصور...القديمه فتحت عيني   وجدت نفس  السجن
سمعت
صراخ... ودموع.. وتوسلات  مااختفت هذي الصور الا
امامي ايه واگعه. عباره عن قطعة دم
بلا ثياب  امام والدي.. وامي ورفقه 
مااتذكر. كيف وصلت  للغرفه 

اغمض عيوني.. وافتحها اريد اصدگ.. اني سويت هالعنف كله
الصداع.. ودوخه.. ومنظر ايه افقدني الصواب
امي غطتها  بفرشة السرير   واخذتها  بحضنها والدي  وگف گبالي  وضربني على وجهي

: ياابن الكلب تسترجل على مره
اطلع برى. حيوان

: اني ضربت ايه ؟
واگف بنص الغرفه  ومحتار  اجيت عليها بحضن ماما على الارض

:اني  صدك ايه
تسمعيني ايه  احجي الله يخليج
اقتربت منها. ودنكت عليها
اخذتها من امي
بعدت  نفسها عني وهيه ترجف وتنزف  من وجهها 
وتشهك  بالبجي

صرخت امي بوجهي

: اطلع عنها.  روح شوف  دكتور مضمد  البنيه تنزف

رفقه روحي جيبي القطن والمطهر

وكفت بعيد  ..ومامصدك
اتصورت حلم  واني بنفس الزنزانه ودافعت عن نفسي

هذا الي شفته.
اخذت امي  شرشف من السرير ونظفت وجهها من الدم 

طلعت  روحي  غادرتني.. واني اشوف الدم كل ميمسحوه ينزف

هذا الي كنت خايف منه يصير
كل الي سووه ويايه..  طلع ب ايه

نزلت  على الدرج  شفت رفقه بيدها  ادويه
انتبهت على نفسي بلا بنطلون 

  :  رفقه جيبي ملابسي من الغرفه بسرعه ركض

راحت تجيب الملابس
نزعت قميصي
وبالسنك بالمطبخ غسلت وجهي 
جابت رفقه ملابس وانطتني وهيه تسالني
: شصار بينكم ليش ضربتها

عطت بيها
: معليج انتي

طلعت  من البيت  بلا تفكير وين  اروح  ..اخذت السياره 
عيوني تزغلل..  وراسي الصداع ..بيه عبالك قسمه بالنص
وگفت السياره وخليت راسي على الاستيرن  وبجيت دموع  وندم

ايه

كم  مره لازم انهان. وينداس عليه
واتحمل.. واتغاضى..  واداري  هواني بكلمة احبه

ياحب هذا   الي يخليني مضروبه.. مهانه.. عاريه.. امام اهله  طلال الي حبيته مات.. فقد انسانيته 

امدده بحضن امه   والالم ماينحمل

: حجيه اخذيني للمستشفى
ظهري عبالك مكسور
وجهي احسه  انفخ .. وسني  موتني

. يمه اهناك يفتحون تحقيق. شنگلهم
هسه اخابرلج  مضمده تجي تشوفج

: حجيه الله يخليج خابريها بسرعه
جسمي كله مكسر

طلعت تلفونها واتصلت ببنيه اسمها نرجس

: هسه تجي 
خلي اجيبلج ملابس  تلبسين

: مااگدر احرك جسمي والله خاله

: سوده عليه يمه
هو ليش ضربج.

: ماادري والله ماادري

: هاي عين صابتكم
والله طلال يضرب  وهيج بهالوحشيه  مستحيل
هاي عين لو عمل.

استمرت تحلل الامور وتفتر بالغرفه تدور على اثار للسحر
واني اون من الالم. الي بدا يتحول
الى حراره..  وزراگ بكل مكان
الى ان وصلت المضمده
اني واصله للهذيان
سلمت علينا. مااكدرت ارد ولا اشوفها عيوني بدت تصغر. وتنتفخ... غمضتها.. وبقى بس النفس ..والصوت يربطني بالحياة
حسيت ضربتني ابرتين
وتحجي ويه خالتي

: هذي مسؤوليه عليكم اذا صار بيها شي
حتى ضهرها مضروب متخافون تنشل

. اسم الله  الرحمن
ساعديني نگومها

: لاحجيه  خليها  بمكانها احتمال  تاذيها  اذا  حركتيها  وراح  اروح  اجيبلها  مغذي  حتى  اخلي  الدوى  وياه
هذا  ابنج  همجي. عايش بامريكا  وهيج  يتصرف.
والله  اني  لو منها  اسافر  واخبر عليه

: دكافي  كافي  من  هالحجي انتن  النسوان  من تحجن تسوون نفسجن  محد  يلحگجن بالبطوله  وانتن  شابعات  مغمه

سرى مفعول الابره بجسمي
وبديت افقد الاحساس بكلشي
نمت

طلال

: اخذتني حيرتي وضياعي
لمرقد الامام
وگفت بابه ابجي وابتهل لربي
( ياربي تعبت  ...
حياتي وحياتها ضاعت 
لامرتاحين بالبعد ولا مرتاحين سوا
يارب ارشدني اهديني اعفو عني )
بقيت واگف وادعي  دخلت للضريح  لحد وصلت الشباك
لزمته وتمسكت بيه بكل قوتي
ابجي وادعي( غفرانك ياالله )
مرت دقايق لحد الازدحام اخذني  ودفعني  بعيد
عطر  الضريح  بقى بايدي  اشتميته  بقوه
واني  مغمض  عيوني سمعت صوت  امريه
من الجانب الثاني  تصيح ايه ماما  ايه
فتحت عيني  تصورت اشوفها
اثاري دتصيح على طفله
طلعت گعدت بالصحن  وصليت وقريت قران
ويه كل ركعه  وسوره  طلبت 
من ربي الحل. طلبت استعيد حياتي واطلع من اسوار السجن داخل نفسي
دعيت ايه متضيع مني وتكون ضحيتي الوحيده..  وتدفع ثمن  عقد اعانيها  مازلت
وفشلت اتخلص منها
دعيت نكون زوجين  ونكون اب وام
قادر على كل شيء
حاشى تتخلى  عنا  وبقدرتك جمعتنا وبقدرتك اشفيني من بلائي

بقيت ست ساعات بين دعاء وصلاه
ردت اطلع  اخذت تلفوني من الامانات  ..لگيت مكالمه من امي
ومكالمه من وفاء

اتصلت بامي اسالها عن ايه

: وينك انت متجي تشوف مرتك  شصاير بيها يعني كسرتها وانهزمت

.يمه كوليلي شلون صارت

. شتريدني اگلك 
البنيه مكسره  متگدر تكوم ولاتكعد وجهها  مينعرف شبيه

: مااكدر اجي للبيت  واشوفها مااتحمل
. الي يسمعك  يكول خطيه محروك گلبه عليها

. يمه  حقج  متدرين  بنار الجوايه
يمه ديري بالج عليها. اني  اليوم مااجي  باقي  بالفندق
سديت  التلفون  ورحت على اقرب  صيدليه  اشتري العلاج لان الم راسي بعد مااتحمله
وصلت  للصيدليه وراويت الشخص  الموجود  صور  العلاج بتلفوني
انطاني  علاج  مقارب  اله  اخذته
وصلت  فندق
اجرت غرفه بالفندق  واخذت الدوى
وبديت اتصارع مع افكاري
الغريب  ان الدوى المنوم  بتلك الليله  ماگدر  ينومني

ايه
كعدت  بنص الليل 
شبه مخدره  وعيوني يادوب افتحهم
يمي ام طلال.. ورفقه نايمات
احتاج اروح للحمام. ومااگدر اكوم
كلشي بيه وارم.
: رفقه رفقه اگعدي الله يخليج

. ها محتاجه شي

: اريد اروح للحمام واخاف اتحرك  ينكسر ضهري
گعدت ام طلال على صوتي

. نسند چ  اني ورفقه

اول محاولت تكومني ..
صرخت من الم ضهري ..
شلت المغذي من ايدي

: حاولي  تمسكين  السرير وتگومين  شويه  شويه
تحركت يم السرير
ومسكت  برفقه  حتى اگوم. وبعدها  سندوني  اثنينهن
لحد  وصلت  للحمام 
باوعت  على نفسي  مااتذكر  منو لبسني ملابس

ورجعوني بنفس الطريقه

: نخليج  بالسرير افضل على الاقل  تكدرين  تتسندين

: ياريت  والله الگاع  كسرت ضهري
خلوني  بالسرير  
وام طلال نزلت بقت  رفقه  يمي
هيه  وابنها

: نامي ارتاحي  والصبح
وفاء  تجي  تاخذج  للمستشفى
ترى طلال اتصل سال عليج
ومقبل يجي للبيت  ماله عين يشوفج

: اه. الالم رجع  من جديد
جسمي وسني 

: سلامتج حبيبتي متشوفين شر

اليوم البعده الصبح اجتي وفاء تاخذني لمستوصف قريب
من اثر الضرب مااكدرت انزل الدرج الا واني گاعده.. درجه درجه انزلها

: هذا اخاف كاسرلج  فقره

: وج عيني ضهري  احسه راح ينقسم من الالم

:هسه اني من اخذج شگلهم. منو ضربها  يابه  لازم تروح ويايه

: طبعا اروح  وياكم راح اطلع اجيب تكسي

: وفاء خلي البس نقاب  حتى ميشوفون وجهي وندخل تحقيق

: هسه اجيبلج من غرفة امي

لبستني نقاب  ..وصعدنا مع ابو طلال.. تكسي
تمددت بالخلف بحضن وفاء
دگ  تلفونها  بهالاثناء  وگالت

: طلال ديتصل اجاوبه يابه

: خلي يولي لاتردين
اني اتفاهم وياه بعدين

وصلنا المستوصف  گعدت على كرسي  وابو طلال اخذ  باص
دخلوني  على دكتوره  شابه
ويايه  وفاء  والحجي

: دكتوره هذي مرت اخوي البارحه تعرضت لحادث  وظهرها  مااذيها

: خليها ترفع ثيابها اشوفها
وحجي اطلع انت
رفعت وفاء ملابسي وانداريت تشوف ضهري

: ياحادث الله يخليج هذي مضروبه

واندارت تشوفني من الامام

:شوفي  صدرها. زنودها
كلها زرگه.
منو ضربها 

جاوبتها بكلمات خطرت على بالي

: مانضربت انهزمت  من شخص حاول يخطفني

مااعرف اقتنعت بجوابي او لا
داست على الفقرات بايدها
واني اتالم ويه دوستها

: اكتبلها مسكنات.. وابر
اشتروها من برى
وخلي  تاخذ اشعه  تتاكد من الفقرات  اخاف صار  بيهن فطر

اخذنا الوصفه والعلاج من برى
ورحنا على الاشعه
طلعت النتيجه (رضوض) من طلعنا  ابو طلال  كان يحجي  ويه طلال

: عيب عليك السويته
لك ٤٣ سنه متزوج امك مامديت ايدي عليها
وانت حضرتك  تضربها وتهينها
وهيه خطار بيت ابوك
متگلي شبيك شغير طبعك
وين طلال  ابني الربيته

الحجي سد التلفون بوجهه وطلال اتصل بوفاء
وسالها عني جاوبته ( متاذيه كلش )

رجعنا  للبيت  والطريق خلص بمكالمات  طلال.. مره ل ابوه ..ومره ل وفاء

من وصلنا  كانت السياره موجوده
يعني موجود داخل البيت
تملكني الخوف. من اشوفه
انداريت على ابوه

؛ حجي الله يخليك اروح عند وفاء
لحد اطيب واسافر

: لا بنتي فوتي جوى  البيت بيتج. وشحده يتعرضلج

: مااريد تصير  مشاكل 

: ماكو  مشاكل انتي  فوتي ومعليج  بيه

دخلت حايطتني وفاء  بايدها ومسندتني
بقيت النقاب على وجهي
خوف  وخشية  منه

طلال :
وصلت لبيت اهلي  بعد مكالمات مع والدي ... امي مابطلت  تلومني  وتحاول تعرف شنو الصار
انتظرتهم  ..يرجعون 
بس انفتح  الباب الخارجي طلعت
شفتها  مسندتها  وفاء.
رحت  عليها  واخذتها من ايدين وفاء ..
خليتها بين اديه وضميتها لصدري حيل
عاطت من الم 
والدي سد الباب

: فوت جوى  وتفاهم ويه مرتك

: فوتوا انتم  اني ماافوت الا ايه تگلي
تحسرت  ورفعت النقاب
حتى تراويني  وجهها
ضاعت الكلمات.. وصغر الاعتذار ..
والاسف  ماله قيمه

: شوكت  اخلص  منك وتخلص مني ونرتاح

: مااريد اخلص منج  ومااعرف  شلون احتفظ بيج

: تعبت طلال انهت  ..وتعذبت
كافي خلي نترك بعض افضل ..
احنا  باقيين..  نمجد حب مات ..وقرينا عليه الفاتحه

: ايه انتي متزوجه مريض نفسي 
وكل اعراض المرض طلعت بيج

: وخر ايدك عني دتاذيني

: تعالي جوى 
سندتها بايد حايطه كتفها وايد لازمه ايدها

دخلنا. امي رادت تساعدها

: لايمه اني  لازمها
گعدت بالصاله  تمسح دموعها

: اريد  انام.حجيه بغرفتج  مااگدر اصعد درج

ماقبلت تنام بغرفة امي

. اني اصعدج  بغرفتج ترتاحين اكثر

: خليها تنام بغرفتي

: يمه گتلج  اني  اصعدها 

تعالي ايه   اشيلج اصعدج الدرج

: تشيلني شنو
بس سندني  واصعد

: يعني  الا تعاندين.
سمعتني  گلت  هالجمله  خافت تتصور تعصبت.. فتحت عيونها الوارمه
وتلفتت على كل الي بالغرفه
خايفه  وخجلانه

: مااگدر  اخليك تشيلني. ظهري يوجعني

: اوكي انطيني  ايدج بس

وهيه مغمضه عيونها.  انطتني ايدها... وباعده نفسها  بالقدر الي تگدرله   عني  ... صعدتها درجه .. درجه
وصلتها  الغرفه
الباب مفتوح   ..دخلت وتركت ايدي

راحت   للسرير
تمددت  ..ودارت وجها  عني
تتالم بكل حركه  تتحركها
حذائها  باقي برجلها.
تحرك  رجليها  تحاول تنزعه
جيت  يم رجليها 
فزت بس لمست رجلها.

: لاتخافين ايه الي كان وياج البارحه مو طلال. احلفلج بكل غالي عندي وانت اولهم مدريت بالي سويته
رفضج الي مرتين وتلاثه  خلاني اعتقد الرفض سببه الي اني وانتي نعرفه 
كبتت بنفسي وحاولت اثير غيرتج. برفقه اتعمدت كل الي سويته من دخلت وياها وانتي موجوده
شفتج مامهتمه وطلعتي تركضين تصورت هاي النهايه خلص بعد مترجعين اليه
والخطار ثاروا موضوع السجن ومأسيه
بعدها مادريت الصار

ايه

كلام هوايه  ملى الغرفه وتعدى
مارديت عليه
خايفه  ليتكرر  الصار
ميتحمل  الرفض  مرتين ..
ليش ميحسب كم مره انرفضت اني
اسمع حچيه . وابحث اله  عن مبررات  داخل نفسي واعاتب نفسي ليش تبررله

( ليش دائما نبرر افعال الي نحبه
شمدرينا   بنيته
غباء  من  عدنا ؟  لونحب.  نخدع  نفسنا ؟
اذا العين  شافته.. وهو يضرب ويمتهن.. ويجرح
ليش  گلوبنا  تعاند  ؟وتگول غلطه  ممكن ننساها

مهما تكون اجابتي على الاسئله
هذي
فگلبي  برر  لطلال 
مجرد اخذني  بحضنه وهو بالباب  الرئيسي

: اريد انام. ممكن تطلع

: تنامين  بالصايه
خليني اساعدج. تنزعيها

: طلال اتاذى  مااگدر  ارفع ايدي

: اوكي  لعد  اوخر  الحجاب
وخر الحجاب   ..ورجع راسي على الوساده
وندار بجهتي 
ونام  يمي  ويمكن  نام  قبلي
وماصحينا  الا على  باب  الغرفه تندك
راح  فتح  الباب  كانت  رفقه وبيدها  صينيه  ..اخذها  طلال منها
مدت راسها وسالتني

: ها شلون صرتي

: زينه. بس احس الالم بظهري ديزيد
فاتت للغرفه

: عمي عنده بالغرفه دهن اعصاب اجيبله الج

: لا اضوج من ريحته 

: دروحي  جيبيه معليج  منها

هيه سمعت هذي الحجايه من طلال

اندارت بسرعه وطلعت

ردت انزل من السرير. حتى اكل لان جوعانه حيل

: خليج  لاتتحركين  اني اجيبلج الاكل للسرير

: لا يصير بيه ريحة  اكل  ويتوسخ
بس  انطيني مخاديد اخليهم لظهري

: صار.

گعدنا نتغدى الم سني  مااگدرت اكل

. ها بعده سنج

: خبلني  عبالك ديگ براسي

: حاولي تاكلين والعصر اخذج للدكتور اقلعيه واخلصي

: اخاف من القلع. مااروح

جتي رفقه. وياها العصاره
كانت تتصور  .. هوه الي يخلي العصاره ... انطته العصاره ورادت تروح

صحت وراها ..
: رفقه تعالي انتي خليلي
طلال ايده ثگيله 

اجتي  وهو طلع ويسمعني

:  كل هذا الضرب  مفاد وياج

ضحكت رفقه عليه
بس سد الباب .. گتلها  عوفي الدهن .. مااحب ريحته

لحد الليل اشتد عليه الم سني
والحجيه مابقت دوى مانطتنياه
وطلال جاب من الصيدليه
علاج عبالك فلفل خليته بحلگي حركني

صارت ١٢ بالليل
انحرجت  من سهرهم  ويايه 
خاصة  الحجي  والحجيه
گتلهم  ( صرت  زينه  . الله يخليكم اليه  روحوا  ناموا )
بقينا اني  وطلال

: انت هم نام  مبين عليك النعاس

: منتظر الوطني تطفى ويجي المولد

: عبالي سهران علمودي

: ليش  تتصورين  راح  اعوفج وانام 
انام  اثنينا  سوا

: لو اگدر انام نمت بس الوجع ديزيد

: ها انطفت الكهرباء

انتظرنا المولد ربع ساعه ..شغل
بهالاثناء كنت اهفي لحد تجي المولد

: طبعا محتره اذا انتي نايمه بالبيجاما وجماله سوده

: الله يرحم ناس كانت تنام يمي بالتراك

: انتي  سنج  وجهج مورم  وبيج حيل  تتناگرين
وتگولين  مااگدر  احرك  اديه وانزع
اشو  اني  انزعج

. وين طلال مال البارحه

: مااعرفه وبعد ميرجع اني طلال الي ياما  تحملتي علموده

صفنت  لثواني بعينه
وهو يبعد شعري الي على وجهي من الحر
وخلى راسي على ايده وباصابعه
يفرك سني
وكل مااكول اخ يبوسني

بطلت اگولها

: كولي اخ ليش نحسه

: طلال اني  بياحال  خو  مناوي تتزوجني  هالليله

طلال ليش متصدگين اريدج وخلينا  نحاول  نتمم زواجنا
اعتبريه  واجب  مو حقي

: هسه صار حقك ورفضك اليه سنتين  ونص  وذلي
وضربي
كل هذا لازم انساه  واهلل وارحب  بيك  باي وقت طخ مزاجك

: كنت مريض افتهمي. وشفيت بوجودج بحياتي
انهزمت من الدنيا كلها  وانتي الوحيده الي الي رفضتي انهزم
وبقيتي ويايه
اخلاصج خلاني  استعيد طلال
ليش هسه  اتركيني
ترضين اتركيني بنص طريق
تعبتي  وتاذيتي حتى توصليني اله
وهسه تتراجعين

: كل مره محاولاتك تنتهي بجرحي لحد  فقدت ثقتي بنفسي

:ايه  من تركت المصارعه وضربت جيرالد. حسيت رجعت لنفسي واول احساس حسيته هو الاشتياق الج 
واكتشفت مريض والادويه تعبتني وبس انام. وانتي بدل متكملين وياي تجاهلتيني

: شفت الادويه شبيك هالمره
: يعني ممصدكه مريض
افتحي تلفوني واقري الايميل بيني وبين الدكتور

. گلي انت شنو البيك

طلال

حجيتلها حالتي 

وهسه دتاخذ ادويه

: تركتها  مااريد ابقى نايم  ومن ارجع  اسوي  عمليه

: ليش تركتها  حتى متنام وتنحرم شوفة رفقه

: لا حتى ماانحرم شوفة ايوته

: خلي  عينك  بعيني وگلي اشفت  ليلة البارحه ... تدري كنت  تتصور  نفسك  بزنزانه وتضربني .، وتسب وتغلط بالانگليزي ... كلماتهم بعدها براسك مناسيها
احجيلي. الصدوك  هذا السبب الي يخليك كل مره تتحجج   وتتركني خايف  تضربني مثل مااسوو وياك

: البارحه كنتي  تركضين بنفس مكان  اعتقالي
جدد كل ذكرياتي ...  وضغط اهلي عليج وعليه بشغلة الحمل
وعنادج ويايه .. والم راسي ..، وحديث الخطار .. عن الفديوات  اتصورت من كانوا يصورون الامنا  . كلها اجتمعت عندي 
واتفجر كل حقدي عليهم بيج

: طلال صرت اخاف منك
: لا ايه الله يخليج  لاتخلين الخوف يبعدج  عني

. اقنعني  رايدني.
اقنعني بعدي بعينك  حبيبه
اختلق السبل الي توصلك اليه
بگد ما هدرت كرامتي..  ورفضتني
اشتري ودي  مثل مابعته

: تستاهلين   وراح اثبتلج
احبج. ولا لحظه بحياتي  اريدها تمر بدونج

: تصبح على خير

نامت هيه واني ظليت افكر  بطريقه اثبتلها  حبي
واراويها مكانها بكلبي
واقطع الها تذكره دخول بلا خروج في كل عمري
الخالي من كل النساء الا هيه
وتقترن روحي بروحها للابد