رواية نوارس مهاجره الفصل الخامس عشر 15 - بقلم zeanab_almusawi

هذا البارت (فصل )
عشائري على السمايل الموجود بالغلط في القصه
حبابين لاتزعلون ...
انتم صوتوا. لان البارت القادم في حدث منتظريه
🍀🍀🍀🍀🍀🍀🍀🍀

#نوارس_مهاجره14
#زينب_الموسوي

رعد

باتصال مع ملاك وعدتني توصل لروان للمعهد
ومن روائع الصدف جابتها قبل عشر دقايق وقبل وصول بقية الطلاب
نزلوا امام المعهد شفتهم من الزجاج
ملاك لابسه كوت طويل ازرق
وملاك جاكيت قصير اسود
ومن مشيهم باين عليهم البرد
طلعت اسلم عليهم

: ياهلا بيكم تفضلوا

دخلت ملاك ... وروان خلفها واگفه

: شلونك استاذ
هذي روان يمك واني عندي شغل ويه ايه فد ساعه ونص ونمر عليها

: على راحتج شوكت مترجعين

: يله روان انتبهي على الاستاذ وصيري شاطره

ردت على اختها بكلمة ( اوكي )

طلعت اختها وهيه تودعني بابتسامه ونظره اطمئنان اخيره ل روان
صعدت السياره وراحت
روان بقت واگفه بوسط القاعه

رعد تعالي روان اگعدي اهنا
اشرتلها على كرسي بالامام

گعدت واني سحبت كرسي وگعدت قريب منها
ودار بينا حديث بيه حاولت اختبر. شنو اعنيلها. واوصللها شتعنيلي

: راح تستفادين هوايه من المعهد.... وفي طلاب عندي اكبر من عمرج... وفي اصغر
اني اقسمكم مجموعات

: مستر اني افتهم الي يگولوه ومرات اعرف الجواب لكن اخجل اجاوب اخاف غلط

: حتى لو غلط جاوبي
والامريكان عدهم طبع ابد ميضحكون على شخص يغلط لان يشجعوه يتعلم

روان : صحيح اني شفت مدرسين ابد ميعترضون حتى لو نحجي غلط
وانت منهم اصلا انت تختلف عن الكل
جملتها الاخيره شجعتني

: شلون اختلف يعني افضل ...لو اسوء

بلا تردد وعفويه تامه ردت

: انت افضل منهم كلهم
مستر باول مكروه... ومستر عزيز ميتحاجى... ومس مون عصبيه بس حبابه

ضحكت على حجيها عن المدرسين

: هاي شنو صفيتي المدرسين كلهم

سكتت واني سكتت اتاملها وانتظر منو راح يحجي الجمله القادمه
باوعت الساعه .. الوقت يقترب
والطلاب على وصول
حجيت اني وهالمره بعيدا عن التدريس

:تعرفين في بينا شي مشترك

: شنو هوه

قدمت اديه گدامها واني قابضهم

افتحي ايدي وتعرفين

ترددت تمد ايدها... وضحكت ...
رجعت شعرها ليورى
وحاولت تفتح ايدي باصابعها

رجعت اديه ورا ضهري
وطلعت ايد وحده

: هذي الايد
تعبت وهيه تحاول تفتح

: لا عفيه گولي شنو بيها ايدك

فتحت ايدي فيها دبوس يحمل حرف R

رعد : اثنينا اسمائنا تبدي R

: اي والله ماانتبهت

: وهذا الدبوس حرف R
البسيه
خطفته من ايدي

وحاولت تخليه بالجاكيت
ايديها ترجف

اخذته منها

: اني اخليه

اخذت الدبوس وخليته قريب من گلبها.... اكاد اسمع دگاته ...
وخجلها من ملامسه اصابعي ثيابها...
جعلها كشمعه موقده تشع ضوء وتذوب حراره
باوعت عليه ودنگت وهيه بين الفرح والخجل
صوتها اجاني يرجف وخايف وسوالها ينم عن ذكاء

: مستر انت ويه كل الطالبات هيج لو بس ويايه

السوال معناه حست مهتم بيها
وبنفس الوقت تتصور هذا اسلوب اتبعه ويه الكل

: بعمري كله ماحاولت اكون قريب من طالب او طالبه الا بقدر المساعده
لكن وياج احس كولشي تغيير احسج تنتميلي شي يخصني يعود اليه اتصورج( Mybaby)
ماي بيبي طفلتي

فرحت بالكلمه وسالتني

: طيب ليش هوايه تجامل وتتشاقى

: هذي كلمات نگولها رفع المعنويات وطبع اخذته من الامريكان

: اني اضوج مااحب تحجي ويه البنات وحتى اختي ملاك هوايه تجاملها

اعترافها صريح بالغيره

: تضوجين لو تغارين

خبت وجهها ب خصل شعرها
النازله وردت

: ماادري

انتبهت سيارات الطلاب وگفت بالباركنگ
تركت الكرسي وگفت

: نكمل حديثنا بوقت ثاني
ولاتنسين هذا السر الثالث بينا

: قصدك الحرف والدبوس

: لا قصدي الحديث بينا

: اوكي يبقى سر

وصلوا الطلاب وبديت اشرح وانطي واجبات
ويحلون

مجرد وجودها قربي انطاني احساس بالفرح
بالطفوله عدت اعيشها
باحلام اتمنى احلمها من جديد وياها
يمكن احلامي غير مشروعه
وتخطت مدى المسموح
ويمكن روان مجرد طفله او مراهقه متدرك الفرق بين الحب والاعجاب
كل هذا ممكن
والاكيد وغير قابل للشك.
هو حبي الها

خلص اليوم الاول بالمعهد وجتي ملاك تاخذها
وهيه تعتذر على التاخير

:اسفه اذا تاخرت تعرف الطريق بعيد وازدحام

: اي حقج الطريق بعيد
اذا تگدرين تجيبيها باجر

: احنا اتفقنا يوم بالاسبوع لان عدها دروس ومواعيد علاج

: اني اساعدها بالواجبات و
لو يصير اني اوصلها بس تعرفين الناس وحجيهم واني استاذها

: متقصر. واحاول باجر اوصلها

——————-

ايه

بليلتها كلنا مشفنا النوم من القهر .....
العصر رحنا للصايغ اني وملاك وام كوثر
عرض يشتريه ٢٤٠٠
ام كوثر تعرفه فهي ناقشته بالسعر

: الله يخليك مو هيجي ترى يسوى اكثر

رجع الصايغ وزنه مره ثانيه وباوعه وهز براسه ومقبل يزيد اكثر

:الصايغ الذهب موديله قديم ...ومطعج ...وملبوس هوايه
منو راح يشتريه
اخذه منكم راسا احوله ذهب
وانتو بكيفكم

: نرجعلك خبر باجر
تركنا المحل
ورحنا على محل ثاني وثالث
بعضهم اصلا رفض يشتريه
وفهمونه الذهب جائز يكون مشتريه من امريكي اسود سارقه

: نروح للشيخ يحجي وياه هذا نصب واحتيال

: لا نرجع للبيت وخلي ابو كوثر عليه و الشيخ
حرام عليه

وفعلا ودينا ناس مرتين وتلاثه
مفاد وياه وكل مره يزيد المبلغ

والكلام الي كانت امه تنشره بين البيوت العراقيه .....
عن سمعتنا..... وعن كونا مهزومات من عمامنا بالعراق

فلوس البيت بالعراق بعدها ماواصله والمحامي بالعراق ميكدر يحولنا الفلوس مره وحده
لان مسووليه علينا الحكومه راح تسالنا منين هذي الفلوس

على العشى خليت الاكل على الميز
وردت اروح انام ....
ملاك مقبلت انهزم بالنوم واصرت اگعد اكل وياهم گعدت
وهيه تساندني بحجيها

: ايه لا تهتمين.
فلوس البيت بس توصل ننطيه الي يريده

ونخلص من هال وسخ

: واني انتظر لحد توصل الفلوس
وج لعبانه نفسي من نفسي لان فكرت اقبل بيه

: زين اخذ فلوس الكردت عندي بحدود 1000 دولار
ونتفق وياه نسويها دفعات

: لا مااريد دفعات
ابيع السياره مالتي وبيع الذهب
ويه والكردت الي عندج
واتداين واشتغل شغلين وانطيه الفلوس
و الا اخبر عليه الحكومه يگطعون المساعدات اتصالاته عندي وهو يعترف مابيه شي نفسي بس يريد ياخذ تقاعد

اعترضت ماما على جملتي الاخيره
: لاتسووين مشاكل انطيه فلوسه وخلص

بعت الذهب ٢٥٠٠ وبعت سيارتي ١١٠٠ وداينت من ساره وام كوثر وسلمت الفلوس
ل ابو كوثر الي اصر
ينطيهم اله امام شهود عراقيين
اخاف هم ينكر

غيمه سوده وانزاحت من حياتي
وظليت نهار كامل ادعي عليه
وماما. تعترض

: الله لايوفقك ياموفق تصرفهن على عافيتك ياكلب

: لاتدعين عليه بناته خطيه

: والله بناته يخلصن من هيج اب حقير افضل ميبقن عده

ورجعت اشتغل بالمحل للتاتو الصبح للاربعه العصر اشتغل بمطعم عربي ارجع ب ١١ بالليل
مرات امشي مشي اذا مافي ثلج ومرات العمال يوصلوني

——————————
رعد
انتظرت العصر بالمعهد ثاني يوم
تجي
عيني على الساعه
واعد الدقايق .... قرب الطلاب يوصلون ....
وبعضهم وصل ...
ومستغربين مارحبت بيهم مثل كل مره
مشغول اراقب الباركنگ يمكن توصل سيارة ملاك
مااگدر اتصل بملاك واگلها جيبيها
اخاف تتسأل عن سبب الالحاح

والخوف الاكبر ....
من. نفسي الي فقدت القدره على كبح جماح اندفاعها ....واستسلامها لمشاعري

عذاب مخيف عندما تحب
الممنوع. ...وتتمنى المحظور ...
تفكر فيه وبداخلك احساس
الجرم ....
جزء من روحك يسقط فيها
وجزء اخر يحاول ينتشلك ويمنع سقوطك السريع ...

اكتمل عدد الطلاب .... الا هيه
مااجت
اشرحلهم وبالي مو يمهم

اكيد هذا جنون اكيد فقدت عقلي

مامعروف عني متهور وخاصة بالمشاعر

كيف تركت قلبي
لطفله ....
تدور الاسئله براسي
وتخيفني من نفسي.... وتحذرني ...
وتذكرني بالقانون اهنا ...
ومع ذلك كملت المسير
اميال واميال في طريق التيهان فيها ...
احساس اكبر من الاهتمام...
واكبر من الخوف ...
وتخطى الحذر ...

بالمدرسه

دورتها بالكفتريا جالسه مع مروه.... ومعاهم شاب ...
تركت كلشي واجيت عليهم

—————————

روان

الشي الي يهون عليه صعوبه الدراسه اهنا هو وجود رعد ...
وصديقتي مروه
صح انتقلت لغير صفوف لكن بقت تساعدني خاصة باستراحه الغدى
اخواتي مشغولات ملاك بالعمل ...
وايه عصبيه.... ودائما اما تطبخ او نايمه ....
ماما مهمومه بلا متشكي

احتاج شخص يفهمني مشاعري
يگولي اني صح ام خطا
فكرت احجي لمروه عن رعد وحجينا سوا
واخاف الحجي يوصل للاداره
ويتاذى لذلك سكتت

صعب اميز منو هو رعد بحياتي ....
احبه الصبح بالمدرسه وهو يجهد نفسه حتى يوصلنا لمستوى اعلى باللغه .....
واخجل منه لمن نكون لوحدنا

جمعت كل شجاعتي وقررت احجي لمروه يمكن تنصحني

واحنا

جالسين اني ومروه بالكفتريا

واقترب شاب جدبتني تسريحة شعره ذكرتني ب دميه عندي گصيت شعرها وصار نفس المضله
سالم علينا وسمح لنفسه يگعد

:هاي بنات
ردينا اثنينا

:هاي
حجى مع مروه وسماها بالاسم

: شلونج مروه منو صديقتج عرفينا عليها

باوعته مروه وردت عليه مزعوجه من وجوده

: هذي روان
روان هذا مصطفى من ( المين ستريم) ( يعني طلاب الي لغتهم انگليزيه ممتازه )
سلمت بلاداهتمام

: هاي شلونك

وسالني ليش اني ب ( باي لانگول ) يعني الطلاب الي لغتهم. ضعيفه
جاوبته مع احساسي بانه يستهزء بينا

ر : بلي. مصار هوايه من دخلت امريكا سنتين
وتاخرت باللغه

: تحبين اساعدج اني والشله
كلنا مجموعه شباب طراف حبابين وشطار

: اي صف انت

: ١٢ وفي معانا بنات بال ١٠ و ١١ يساعدوج اذا تحبين

رديت بسرعه بكلمة ( نشوف )
حتى ينصرف

:

واصل الحديث واخذ كرسي وغير مكانه اقرب منه
وظل يسولف
الى ان وصل مستر رعد
الي واضح عليه الانزعاج من كلامه مع مصطفى

: اليوم مصطفى مشرف اهنا
وهو ارتبك من شافه

: اهلا مستر رعد

سحبه من ذراعه على كيف وهو يطلب منه يتركنا

: يله گوم هذي المنطقه محضوره عليك

گام وهو يحاول يبرر. وجوده

: ترى جاي اتعرف على روان مسويت شي

جاوبه مستر. رعد بنوع من الغضب

: مكفاك البنات الي تعرفهن جاي على روان ومروه
روح منا
هذولي اقاربي ومااسمحلك تقترب منهن

ترك المكان وهو يحاول يبرر لمستر رعد

: فهمت غلط مستر مجرد تعارف وحبيت اساعدها

: يله مشكور. باي

راح مصطفى بعيد عنا
وجلس بمكانه مستر رعد
وعتلت ملامح وجهه تعابير زعل مني وهو يوجه كلامه لمروه

: هاي شنو مروه ليش انتي متعرفين مصطفى

وهيه دافعت عن نفسه من كلامه الي يحمل اتهام

: هو اجى وسلم
وگلت بس يروح انبه روان منه

اشوفهم يتناقشون واني خارج قوس دخلت بالحديث

: ليش شبيه هو وتنبهوني منه

باوعني رغم هو حاول مينضرلي
طول ماهو يحجي ويه مروه
وحتى سوالي وجهه لمروه

: احجيلها مروه فهميها منو مصطفى

جاوبت ومااهتميت بجوابها بگد مااهتميت لمحاولته تجاهلي

: هذا واحد مغرور. ويمشي ويه البنيه يومين تلاثه.... بعدين يضل يألف روايات سخيفه عنهن لحد يشوه سمعتها ....
في بنت تركت الدراسه من وراه ...
وحده انقلت لغير مدرسه

انتظرت ردة فعله واني اوجه السوال الثاني

: وليش المدرسه متفصله

جاوبني وهو يسلم على طلاب من اخر الكفتريا بالاشاره

: ممسوي مخالفه قانونيه ....
ديصادقهم والاشاعات يبثها بالانستگرام
وبالمواجهه ينكر.

: الله لاينطيه مبين من شكله خبيث
: مستر تحب اجيبلك گهوه

: لا مافي داعي

ترك الكرسي وهو يروح
باوعنا اثنينا وابتعد وهو ينبهنا
(انتبهوا على نفسكم )

مرات اخاف منه ....
ومرات اتذكر الاغاني العراقيه الي يحولها للانگليزي... واضحك مع نفسي

ومرات من اسمعه يگول بابا
اندار عليه ادور على ملامح بابا بوجهه
الگه نظره حنيه وعطف
فقدتها من موت بابا

بقينا بالكفتريا اني ومروه
واني سرحانه
ضربت على ايديه بالملعقه البلاستك
: وين سرحتي

ترددت اسالها لكن عندي حاجه احجي لصديقتي حتى لو فقط اسألها عن رائيها بيه

: شتعرفين عن مستر رعد

ردت بنفس الصفات الي المدرسه كلها ترددها

: محبوب ويحب الناس
ويساعد الكل
كل العوائل العراقيه الي اجوي جديد يعرفوه ..
ليش تسالين ؟

: مااعرف مرات اسال شدعوه هالگد مهتم بالطلبه
وحتى مياخذ اجر
وفاتح معهد لعد وعائلته شوكت يهتم بيهم

: هو عايش الوحده وعائلته بكليفورنيا هو حجى لبابا قصته

استخدمت المكر حتى اسمع منها اكثر
: ها يعني مرته واطفاله بكليفورنيا

ضحكت وهيه تگلي

: هاي شبيج ....اهله امه وابوه واخوانه هو ممتزوج

: واني شمدريني عبالي متزوج

كلمة مامتزوج انطتني دافع اترك الكفتريا واورح ادور عليه

:يله مروه اني اروح للصف

تركت الكرسي وگفت ومشيت سريع وصاحتني وگفت

: انتظريني بنهايه الدوام توصليني
اليوم ماما متجي عليه

جاوبتها بعجل واني امشي

: صار انتظرج بين متجي ملاك توصلنا

مشيت بالممر. اعرف المكان الي يوگف بيه بغرفه الجم

وصلت عند الغرفه فتحت الباب اتفرج ....
كان يلعبون كرة سلة
سرحت واني اتفرج على القفز العالي للاعبين ...
اتمنى اصير مثلهم
مثل الي يطيرون بالهوا ويحطون بالارض
نسيت الوقت واني اتفرج
لحد مستر رعد انتبه عليها

واني واگفه بزاويه
وصل يمي وبيده الكره يطبطب بالارض
ونفسه مگطوع. وتشيرت الرياضي مغير. شكله
ومنطيه صورة الرياضي بالجسم
والتعب

: راح تتاخرين على الدرس

واني صافنه عليه جاوبت جواب غبي

: راح اسوي ( سكب ) ( تتغيب عن الدرس ) وابقى اتفرج عليك

شمر الكره للشباب الي يصيحون عليه
وضحك على جوابي

: هلو عيني تعلمتي السكب
الا اگل لملاك

: لا مستر الله يخليك
خلص رايحه

تحركت اروح مقبل

: بعد ميفيد كنتي ناويه تسووين سكب

: خلص رايحه

: داتشاقى. ابقي تفرجي وراح اخذلج اذن من المدرسه
لان يتصلون بولي الامر ويخبروه

ومره ثانيه جاوبت بغباء

: لا ميتصلون البنات علموني احضر رقم المدرسه
من تلفون ملاك

: هاي هيه لعد مدام تعلمتي تحضرين الارقام
صرتي طالبه من هاي الاعداديه

: مستر حلوه كرة سله ياريت العبها

: وليش متلعببها

: غير ملاك تذبحني تگلي انتي مريضه

: اصلا الرياضه تقاوم المرض
تعالي اخذي كره والعبي وياهم

اخذ بطل مي يشرب وهو يشجعني بكلمة تعالي

واني جامده بمكاني اخذ صور بعيني واحفظها بگلبي

: لا شنو العب
ذولي محترفين اصلا يشبعون ضحك عليه

: انتي لازم تتخذين هوايه
وبما ان لغتج ضعيفه
فحاولي... الغناءوالعزف.... تنطيج الجراءه بالحديث

: ماعندي وقت اتعلم. عزف يادوب ملحگه على دروسي

خفظ صوته. وركز نظره عليه بنظره افتقاد

: بلا اعذار ليش مااجيتي البارحه انتظرتج

: ماادري ليش مااجيت اريد وقت افكر

: تعالي اليوم ونفكر سوا
اذا مااجيتي افتن
على السكب

ضحك بحذر وهو يراقب عيون الاخرين
واني مو بس وجهي ضحك كل ذره عايشه بيه ضحكت

: ههههه
اوكي اجي ان شاء الله

انشغل بمراقبة الطلاب يلعبون مع مدربهم ومرات ياخذ الكره ويلعب وياهم
واني اتفرج عليهم

واندماجه مع اللعب خلاني اشوف انسان ثاني
بسيط. حيوي . مهتم بالكل
عنده صفات من بابا خاصة
تعليقاته على اللعبه ذكرتني بابا من يشوف لعبه وينفعل ويظل يعلق من خلف الشاشه

انتبه عليه اتفرج عليه
وممنتبها على اللعبه

رجع يمي وهو يمسح جبينه بساعده

: عاى شنو تتفرجين

: ماكو شي اني رايحه للصف

طلعت امشي سريع الوم بنفسي
( يمكن انتبه عليه اباوع عليه )

حسيته ديمشي خلفي
انداريت

: انتظري اروح وياج اتاكد المدرسه تقبل تفوتين

: اوكي
الممر طويل وبعده درج
احس بالاحراج واني امشي وياه
وعندي شعور ان يريد يعرف ليش اباوعه
بس لا يسالني
سالني بس عن شي ثاني

: راون عندج موبايل

: بلي عندي

: انطيني رقمه يمكن احتاجه

روان نطيته الرقم
وصلت الصف
دگيت الباب
ودخلت هو ويايه

اول مفتحت الباب المدرسه مقبلت ادخل
: متاخره انسه روان

دخل يمها هو

: اسمحيلها هالمره كانت مشغوله بالجم

: تفضلي مدام مستر رعد يعرف وين كنتي

ومستر. رعد ماصدگ قدرته لازم يجاملها

: دائما احس وجودك بالمدرسه من حسن حظنا مس

فرحت وهيه فخوره بجملته
وردت عليه

: مستر رعد ومجاملاته الي متنتهي
على العموم شكرا

———————————

رعد

بحياتي كلها
ماكنت محط شك بنواياي امام الناس ......
او امام نفسي
طول حياتي اعرف وين رايح ...
وقراراتي ليست كلها صائبه
لكن معظمها تنبع من تفكير وارداك ...
اما بوجود روان
فكل مابداخلي يهفو عليها
وينحني امامها ...
ويجعلني ابدوا طفل طائش ...
او شاب مراهق
يمكن الحنين للحب افتقد
وجوده في حياتي ....
يمكن اشوف بروان تفاصيل اتمنى يرجع الزمن واعيشها من جديد ...
حيرتي هيه
السبب الي خلاني اتصل بيها
الساعه ١١ بالليل

جاوبت اختها ملاك

: اهلا استاذ رعد

: هلووو ملاك هذا تلفون روان صح

: بلي واني مااسمحلها تستخدمه ايام الدراسه
بنهايه الاسبوع انطهياه واخذه بالعشره بالليل منها

: اها
المهم حبيت اگلها متنسى تكتب الهوم ورك الي انطيته اليوم

: ليش هيه ناسيته قبل
اني هالايام مااتابعها لان اعمل عملين
: الله يساعدج
ولاتخافين اني متابعها

ملاك : متقصر ربي يرضى عليك

سكتت ورادت جواب لسوالها عن سبب اتصالي برقم روان مو رقمها

: بصراحه روان هوايه تخاف منج. ...
لذلك خفت اتصل عليج وتسويلها مشكله

دافعت عن اسلوبها مع روان وهيه نوع ما كئيبه بكلماتها

: لا يااستاذ. اني اخاف عليها
مو اخوفها. هاي مصورتني الك شريره

صار لازم اوضح الصوره الها تجنبا لغضبها من روان

: هاي طفله متعرف تعبر
واني اشوفج اسم على مسمى ملاك ...
يكفي تضحيتج وتعبج على امج واخواتج

: اشكرك

: مع السلامه

ملاك : مع السلامه

ملاك مهتمه بيه
هذا واضح من اسالتها
مشكله كبيره اذا حست اهتمامي بروان مو بيها

سهرت افكر. وبيدي العود ادندن
واضحك من نفسي من ادرك سبب سهري
طفله تخجل لمجرد انظر الها

مثل كل يوم انتظرها
الصبح
مجرد اشوفها
احيانا نتبادل الحديث كلمات
قليله تنعش يومي كله

اليوم الي بعده اجتي عليه للاوفس
وهيه تبدو اكثر حماس وسعاده للدراسه

: انسه روان تفضلي

روان : عندي sat. عن كتاب لازم اختاره واقراه واكتب عنه
ومااعرف اكتب ممكن اذا عندك وقت تساعدني

: شوكت لازم تسلميه

: الخميس

: تعالي ويايه للمكتبه نختار كتاب

: اوكي

مشينا سوا كانت تحاول تبعد خطواتها عني
متريد احد يعرف دتمشي ويايه

: ليش تخافين تمشين ويايه

: مااخاف منو گال خايفه

: اذا مخايفه هدي بالمشي
لا تركضين

: باقي عشر دقايق على الجرس لازم نسرع

فتحت باب المكتبه
مافي طلاب فقط الموظفه

: تعالي مو تگولين مستعجله
دخلنا بالرفرف الي عليها الكتب

وبدت تختار كتب تباوع على الغلاف وترجعه او تحمله بين اديها
لحد صارت ست كتب بايدها
وهيه تحاول تختار واحد منهن

: راح اختار كتاب صغير حتى الحك اقراه .......

باوعت على الرفوف واختاريت اني كتاب
اخذت الكتبه الباقيه من ايدها رجعتهم ....

: هذا الكتاب قصه تحولت فلم
اسمه (لوليتا )
راح نقراه اني وياج سوا

: اخاف ميصير عندك وقت

: معقوله الج ماالگه وقت
: اجي عليكم للبيت اليوم واساعدج

: لازم اخذ راي ملاك

: اوكي اساليها وردي الخبر

: اوكي
سالت عن مضمون الكتاب

: قصه جريئه

نظرتني نظرات استغراب
وكملت احجيلها عن الكتاب

: القصه تتحدث عن رجال يحب بنت عمرها ١٤ سنه

نزلت نظرها للارض وجهها التهب خجل
تركت موضوع الكتاب وقررت اشرحلها عن معنى الحب
بلحظة خيال غطت كل عقل عندي

: (بيبي ) الحب ميعرف عمر ..،
ولاشكل... ولا اي فارق

والي يحب مسكين موبيده ياخذ قرار يتوقف عن حب شخص
قلبه اختاره ....

واني مركز كل نظري عليها
سالتها

:صح حجي لو لا

الخجل دفع حروف الكلمه الي گالتها بطء وخوف

: ماادري
تاخرت لازم اروح

ماسمحتلها تنهزم وتتركني غرگان بين عقلي ....وجنوني

وضعت اديه على اكتافها امنعها

: لاتنهزمين
لسه في وقت ابقي واگفه گبالي
اتاملج ....

بقت واگفه بدون حركه ....
ومافي اي دليل هيه على قيد الحياة فقط النفس...
اصابعها ترجف ...وهيه تمسك بقلم واوراق وتحاول تدعي الانشغال بترتبيها

اخذت القلم من اصابعها فقط حتى ترفع عينها
وياريت مارفعتها
گلبي صاح قبل صوتي ( احبج )
واني اشوف اجمل عيون دامعه
اقتربت منها
وامسحت دموعها باثنين اديه
ماتركت وجهها رغم الحراره الي حسيتها بخدودها
نظراتها تحمل الف سوال

اقتربت اكثر ولمست شفاهي شفاها الطفوليه
ماحسيت الا تركض بكل سرعتها

صحيت على نفسي
اكيد اني انجنيت
هذا تحرش ...
مستحيل هذا اني ...اكيد تحولت وحش
بقيت متسمر بمكاني
لو في شخص شايفنا
اكيد اروح السجن
لو في كاميرا اني والاداره كلها نروح سجن
وهذي الطفله. كيف سمحت لنفسي. انتهك براءتها بالشكل الدنيء....

ماگدرت اطلع من المكتبه
انتبهت الكتاب مشمور على الارض
اخذته وطلعت
——————————-
روان

اركض بالممر واسمع الجرس يدك
دخلت الحمامات
باوعت نفسي بالمرايا. وجهي احمر ...وكلي ارجف ...
گعدت بالارض ...
دموعي تنزل بلا عدد
شنو الصار ؟
مستر. رعد حباب ليش هيج سوا ؟
يمكن اني مبين عليه احبه ؟
منو گال اني احبه ؟
شنو هو الحب ؟
وگفت وفتحت الحنفيات
المي الحار صحاني
غسلت وجهي ....وركزت على وجهي بالمرايا.... رديت غسلته

اخاف اطلع للممر واشوفه ...
ابقى بالحمامات لحد يخلص الدرس الاول... ويه طلعت الطلاب يصير ازدحام اطلع لصفي ...

بس لازم اطلع عندي واجب لازم اسلمه ...
تلمست وجهي حرارتي مرتفعه ...
فتحت الباب الممر فارغ فقط الامن موجودين
ركضت على الصف دگيت الباب
مستر باول مدرس الرياضيات شديد وميتفاهم ...
راسا اشرلي برى
بدون ميحجي
دخلت اتوسل بيه

: مستر كنت في الحمامات عندي مغص ...
ضحكوا الطلاب عليه
وهو صيح عليهم هدوء

نطق بصوت قاسي

: روحي جيبي اذن من الاوفس
طلعت من الصف ركض بالممرات
الي احسها صارت طويله وضلمه
وعلى وشك يغمى عليه
دخلت للاوفس كان واگف مستر رعد ...شفته من الزجاج

فتحت الباب وبجيت ...
مس صعب وهو اجوي عليه من خلف الكاونتر ....
يريدون يعرفون سبب بكائي

——————————
رعد

بعد عشر دقايق دخلت روان للاوفس... تبجي وشبه منهاره ...

وگفت يمها... ومس صعب اخذتها من ايدها گعدتها وتريد تفتهم منها

؛ شنو صاير انسه روان

راسها للگاع وتبجي بحرگه

: مستر باول ميقبل ادخل للصف تاخرت بالحمامات

: انسه مو تعرفين موعد الدرس ليش تاخرتي ؟

: مريضه اريد اروح للبيت
بس اسلم الواجب

: اتصلي بعائلتج يجوون ياخذوج

لازم اعتذر منها وهذي الفرصه

: اني اوصلها.... العائلة اصدقائي واخواتها هسه بالعمل

: انسه روان تثقين بمستر رعد يوصلج

جاوبت وهيه مدنگه

: نعم

جوابها والحاله الي كانت بيها انطتني تاكيد ان اني اكبر انسان وضيع على وجهه الكره الارضيه

طلعت واجبها انطتنياه حتى اسلمه للمدرس

: اروح اسلمه لمستر باول واجي اخذج

تركت الاوفس امشي واحس حتى الجدران تلعني ....
واردد كلمة( اسف) ....
مااعتقد كلمه كافيه
حتى لو احبها وصلتلها حبي بطريقه خطأ..... هيه محتاج عطف ...وانسانيه
مو شهوة من شخص تعتبره ابوها

انطيت مستر باول الواجب
وخبرته الطالبه مريضه
ورجعت سريع عليها
كانت گاعده تنتظرني ومس صعب تحجي وياها

:يله انسه روان جاهزه

دنگت تشيل جنطتها
شلتها اني وفتحت الباب
اخذت ابعد مسافه عنها واني امشي وياها بالممر لحد السياره

اكيد بعد متحس بالامان ويايه
فتحت باب السياره الامامي
هيه فتحت الباب الخلفي وگعدت قريب من الباب
دخلت اني للسياره اسوق
عزت الكلمات عليه واني اراقب جلوسها بالسياره وهدوئها
اكيد تحتاج تبرير للصار الاحراج شل لساني وفكري

: روان اقصد انسه روان
اسف على الصار. واعرف هالكلمه مو كافيه امام قلة ادبي

وحتى لو اگلج المبرر الي خلاني ارتكب هذي الحماقه
هم مو كافي
اسمعيني روان اني

ترددت اگولها لكن لازم اگولها

(احبج
اووووف ياربي اني شداخربط )

: معليج مني اعتبريني مخبل ماافتهم
بس سامحيني الله يخليج
ارفعي عينج وگولي مسامحتك

دارت وجهها على زجاج النافذه
واني اراقبها

رعد : شتگولين عليه بداخلج اتمنى اعرف

اهذي بلا صحوه
وزادني سكوتها الم

وصلتها للبيت وهيه دتنزل
اخر جمله حجيتها وياها

رعد : اذا مسامحتني اتصلي بيه اساعدج بالكتابه
واذا صعب عليج السماح
اختفي نهائيا من حياتج حتى المدرسه اعتذر عن التطوع
اذا هذا يرضيج

سدت الباب ونزلت دخلت البيت