رواية نوارس مهاجره الفصل الثامن عشر 18 - بقلم zeanab_almusawi

هلووووو
البارت  اليوم قصير 
لان البارتات متطلع عندي
وتنشر. اكثر من مره
وتفاعلكم. قليل وخاصة بالوتباد

وفي شي مهم القصه اسمها نوارس مهاجره تتناول الاخوات تلاثتهن مو  وحده
ميصير. اركز على وحده واترك  وحده
بلا تعليقات سلبيه ارجوكم
واتركوا. الاحداث تاخذ مجراها

#نوارس_مهاجره19
#زينب_الموسوي
طلال

راقبت مغادرتها للباركنگ... من خلف ستار غرفتي ...
خطواتها تعني. الخيبه ...
والخذلان ...
منها ايقنت اني ميت ...بكل تفاصيل الكلمه وحذافيرها

تحركت سيارتها ونظرت لشقتي نظره اخيره... من الزجاج
راحت من يمي ...
تحمل الم...  في يوم ما  عاهدتها مااكون سبب بالمها
ساعات بعد رحيلها واني حبيس شقتي ...
صوتها بعده موجود ...
ورجفتها مازالت عالقه امامي ...

دموعها ...سلبتني اخر امل عندي بنفسي ارجع بشر  في يوم ما

الساعه تسعه الصبح  طلعت قاصد
مكان  اخدع بيه. نفسي
واسمح ل (شاكر ). صاحب معرض السيارات المحتال يقنعني بصفقه تبادل سياره

وصلت اهناك افتريت بين السيارات المعروضه
محاوله مني بترك التفكير ....
هوه شافني من زجاج  مكتبه ...
ترك عمله واجى وهو يفرك ايد
بايد ...استعداد لقبض فلوس مني ...
بصفقه اعرف ضمنا راح يخدعني بيها

: نورت المعرض طلال عزيزي

بلا اي اهتمام وعيني على السيارات سالته

: شنو السيارات الجديده

انبرى امامي يعرض البضاعه
بكلمات مشجعه للشراء

: اعرف طلبك سيارة العضلات والي تبرز الجانب الرجولي
أربطلنا مستر تي
تفضل ويايه

مثل كل مره يخدعني بسياره وهالمره سيارة سباق ...
اول ماوصلنا يمها انطاني المفتاح وهو يشجعني اجربها

: شنو رائيك تجربها  سياره سريعه  ...محرك قوي ...
لون اسود اسود

صعدت بيها ....
عجبتني...
ماصاعد  سيارة سباق
قبل  هالمره
سالتها اذا ممكن اخذها تراي

انحنى براسه وهو  ويگلي :

:اكيد السياره والمعرض بامرك

اخذت السياره وطلعت بيها من المعرض ...
سلكت طريق حافه  وادي مفتوحه ...
بكل سرعتي. اسابق الريح ...
واشق هدوء المكان المهجور بصوت محرك مسموع ...

. السكوت داخلي  يتمنى
يصرخ ... يتمنى يشكي
وممنوع عليه ...
منو يسمع شكوى رجال ...
رجال لازم ميشكي... ميبجي
لازم ميعترف بالصار... بالخوف بالهوان ...

بكل كبتي قدت السياره نحو الهاويه ....
نحو حافة وادي سحيق  وتقدمت ....اسرع... واسرع
اريد اقابل الموت .... اريد اساله
منو الاهون  عليه ؟ انت ....
لو الصار بيه .... لو دموع ايه ....

صرت على بعد سنتمترات من الهاويه
ورن تلفوني ( امي )
وفرملت باخر المطاف 
ومجاوبت الاتصال
ونزلت امام الوادي
وصرخت بكل صوتي

اااااااااااااااااااااااااااه

اه على عمري ...
اه على حبيبتي ....على امي
اه على ضياعي

ما جاوبني غير  الصدى ....ودموع   حاره

صعدت السياره  ورجعت بطريقي
اتمم صفقه اعرف اني بيها مخدوع

———————————
ملاك

مستمر سوء الطالع ...بحياتنا
مو غريبه الي صار ويه ايه ...
الدنيا عبالك  تطلبنا ثار
ومنعرف شوكت يخلص هالثار

بقيت وياها احاول اواسيها
مع ان اني نفسي مامقتنعه بالي اگوله الها

: يجوز  من المفاجاءه معرف شيگول

وهيه تلجا لفراشها  وتحاول تنام
جاوبتني

: مو بس كلامه
هو كله مو نفسه
جسمه والاثار بوجهه
نظرته اليه بارده
وشقته رغم اثاثها عبالك مهجوره

: ليش متتصلين باهله وتشوفين شنو قصته

: عيب الحجي يوصل اله
وهسه يگول عانس وتريدني كوه

: ايباه انتي عانس وهو شنو اشو انتوا نفس العمر

: خليني ارتاح فدوه عشر ساعات اسوق تعبت

: على راحتج حبيبتي نامي

غطيتها وطلعت

وسديت الباب عليها حتى تنام

بالصاله روان وماما  يتناقشون والتلفزيون صوته عالي

: نصوا التلفزيون خطيه تريد. تنام
نصته ماما وسالتني

: ها شلون صارت

: نامت المسكينه بعد هذا الصبر
يطلع عايش وميريدها

: وشنو السبب

: السبب واضح
امريكيات داير مدايره  ...وفلوس
وشهره... شيسووي بهذي المگروده

هدت ماما وهيه تاخذ التلفون بايدها

: انطيني رقمه احاجيه
لعد بنتي ضاع عمرها على شنو

لزمت ايدها. ... ومنعتها تتصل بيه
وهيه تتدافع ويايه
اخذت التلفون  واني اقنعها تگعد
:  ماما  اني هم ودي اتصل بيه وارزله ...ماكسرت خاطره من شافها جايه بتراك والليل كله تسوق ...
شبيها الزلم تحولوا بلا احساس ...
بس لازمه نفسي مااريد انزل اختي اله

دخلت ماما تسولف مع ايه

وبقينا اني وروان الي مبينه
تريد تحجي شي

ماعندي واهس اسمع طلباتها
وهيه ظلت  يمي وتتلوگ

كل شويه سالتني
: اسويلج جاي  حبيبتي
: لا مااريد

غيرت  مكانها يمي
واني شبه متمدده وراسي على  دچة القنفه
خلت اصابعها على شعري وتلعب بخصله

: هنيالج على هالشعر. يخبل ...سرح.. لا كسره ..لا نفشه
لا رطوبه ويطفر ..

: وبشنو فادني الشعر. يمكن لو گرعه حضي گعد
ضحكت وردت

: اريد اطلب طلب واخاف متقبلين

: شعندج گولي  بعد هالواكه عليمن

: اني وصديقاتي نريد نروح للسينما العصر فدوه ملاك خليني اروح وياهم

؛ انوب سينما طلعتلي ... الطلب مرفوض

: والله فلم نظيف مابيه شي
وكل البنات رايحين  ومستر. رعد ياخذنا
هو عازمنا لان ناجحين

(عازم الاطفال ...لعد شبيه ميعزمني .... ) خطر ابالي فكره

: اي ساعه يبدي الفلم

: سبعه يبدي

: اني اروح وياج ... هم اتونس وهم عندي موضوع ويه رعد

سكتت  وحسيت ظامه شي

: اشو مانطيتي فرح. وصدعتي روسنا مثل كل مره

صار وجها احمر ونطقت الكلمات بخوف

: ملاك صح اني ازغر منج ويمكن تتصورين ماافتهم بس اريد انطيج رائي  بموضوع رعد

حسيتها تريد تكول شي مااعرفه
كملت بلا ماگلها احجي

: ملاك رعد طبيعته يجامل هوايه.... يمدح الالوان والملابس ...
وحتى مدرساتنا يعرف طبيعته ...ومرات يگللها بطل مجامله وخاصة الامريكيات  يگلله كاذب ...
عادي عدهم

عدلت گعدتي. وانطيت اهتمام لكلامها  وسالتها
: وضحيلي شلون يعني .... اني يگلي ملاكي  معقوله مجامله

ردت بخوف مني
:مس مون يگلها ( ماي مون ) يعني قمري
والكاتبه الافريقيه بالاوفس يصحيلها( بروان شگر. ) سكر اسمر
وانتي قيسي

صعد ضغطي وعقلي ماستوعب الي گالته  واني اسمع كلامها
وكل متحجي شي توضح اليه امور اكثر

جزء من عقلي رافض يصدگ حجيه
لذلك رحت لغرفتي واتصلت برعد  الي مااتصل بيه من بداية العطله
جاوبني  باسلوب رسمي يختلف عن كل مره

: اهلا ملاك شلونكم

استغربت الرد بس لازم اشوف النهايه
: هلو استاذ رعد ... ملاك گالت اليوم تاخذهم للسينما صح لو لا

: صحيح ... كل طلابي دعيتهم للسينما 

: اني اخاف على روان يصير اجي وياها .... لو الدعوه خاصه

الكلمه الي گالها اخر شي خلتني اشك بحجي. روان

: هلا بيج اخت ملاك

( اخت ملاك )!!!!!
انهيت الاتصال وشلت من بالي اروح وياهم
وگعد اربط بين حجي روان والتغيير المفاجيء باسلوبه
معقوله تكون روان حاجيتله عني
اذا صدوك اذبحها غير

بعجله فتحت باب غرفتي ...وصعدت لغرفتها ركض على الدرج ...
  وهيه تتظف ..
بالارضيه للغرفه من صبغ الاظافر  المتبدي

فزت من شافتني عبالها احاسبها عل الصبغ

: اسفه ملاك وگع من ايدي هسه انظفه

سيطرت على غضبي
وكتلها. اتركيه بعدين نظفيه
واحجيلي الصراحه
حاجيه شي عني لرعد 
لاتكذبين عليه

بقت تنظف بالارضيه.... وهيه مدنگه ...وبچت الخوف  واضح عليها. ومتگدر ترد
بقيت انتظر ردها 
اقتربت منها ورفعت وجهها
وسالتها. مره ثانيه

: حاجيه شي گولي

هزت راسها. لا

ماعرفت جوابها. كذب ام صدگ
واشفقت عليها من كثر خوفها مني
واني اطلع حاجيتها

:

:  اني اوصلج للسينما  واطلع للشغل  وبالتسعه تكونين بالبيت سمعتي

: صار  والله انتي احسن اخت بالدنيا

نزلت الدرج  كل حيل مابيه  ...
وبقيت طول فترة الظهر افكر بكلامها... وبسبب خوفها مني

لحد العصر بدلت وانتظرتها تنزل ...
نزلت    خاله حمره... وشعرها مكسرته كسرات ناعمه... والكعب  عالي... والفستان مورد  مجسم عليها

كبرت ...وشفتها عبالك اول مره اشوفها... واحسها شابه
ويمكن غرت منها. ومن شبابها المتفتح
وگفت تفرجني الفستان

: متشوفين الفستان ضيق شويه

: اذا تحبين اغيره

: لا مبقى وكت  المره الجايه انتبهي على ملابسج

بالسياره انتبهت تراسل اكثر من اللازم

: منو ديراسلج
براءه  وعفويه  راوتني المراسله
وهيه تضحك
: شوفي  تحسين المخبل

: من شوكت يراسلج تحسين

: من زمان  لاتاخذيها بغير شي
ترى عادي يراسلني... ويراسل مروه ...احنا اخوان
شوفي حجينا ضحك واحد ناصب على الثاني

وحاصرتها بالاسئله وهيه تجاوب رغم  مللها

: تحسين راح يجي للسينما وياكم

: لا خطيه وين ديشتغل ويجمع فلوس سياره

: اها واكيد راح تكمزين على راسي انتي هم لحد اشتريلج سياره

: لا مااريد سياره اريد اتعلم اسوق بس ممكن

: والله خايفه لا تگوليلي فد يوم اريد اتزوج

گلتها بالشقى بس هيه اخذتها جديات

: وشكو بيها. قابل حرام لو عيب ماما عمرها ١٧ وتزوجت
وبابا اكبر منها بعشر سنوات

فزعني ردها. المحضرته
 
: صدوك تحجين واكيد العريس تحسين ها

ضحكت وهيه ترد عليه

: شلحيتي على تحسين والله ماعندي شي وياه وروح بابا الغالي

كلامها خوفني الظاهر الجيل تغيير
او يجوز مجرد جمله گالتها

تركتها باب السينما بعد ماتاكدت عدها فلوس...
الطريق كله وقت العمل كله افكر بحجيها

—————————

رعد :
وصلت للسينما اول مدخلت الطلاب  ينتظروني ومنهم روان

جذبني الشكل ااجديد الها
زايدها انوثه.. وجاذبيه ...
وفي شباب يبوعوها
كانت گاعده من شافتني وگفت  

عدها تصرفات تخليني احس لحد الان ممتجاوزه اني استاذها

تجمعوا الاولاد حولي  وهمه يحاولون يقنعوني ندخل
فلم اسمه ( امريكان ريونين )

واني مقبلت

: هذا الفلم مو الكم ياحلويين

انتبهت روان على الكلمه ونظرتني
تذكرت لازم ابطل اجامل

اخترت فلم عائلي مناسب لعمرهم
دخلنا صالة العرض

الاولاد راحوا بجنب بعض والبنات
تلاثه فقط
گعدت قريب من روان بحجة اترجملها  لان لغتها مو قويه
وانتظرنا يبدي الفلم

مااگدر احجي وياها  ولو صوت الاعلانات الي تسبق الفلم عاليه

اقتربت منها  وبصوت همس
حجيت وياها

: طالعه كلش حلوه اليوم

ابتسمت و دنگت و ردت برساله تكتبها واقراها
تخاف يسمعون

: ادري بنفسي حلوه... اصلا اني لو اطلع تلكه الناس واكفه سرى بابنا...
رديت برساله

: واكيد اني واحد من هاي الناس
السوال شنو مقياس الي راح تختارين بيه واحد من هاي الناس

: انت گول شنو الي راح يخليني اختارك من دون الناس

: خليني افكر
اولا احبج....
  وثانيا داخاطر بكل شي حتى اثبتلج حبي ...
وثالثا احس نفسي مسوول عن سعادتج ...
ورابعا بداخلي اتمنى نعيش سوا للابد ...
سدت التلفون وهيه تنبهني

: بدا الفلم
نظرت الشاشه
  واضافت  بالكلام

( لاتقلق اختارتك  انت من دون الناس )

الي تابع الفلم هيه اني تابعتها الها ...
يمكن حتى كم مره خلت ايدها على شعرها حسبتها ...
كم مره ضحكت على مشهد
وضحكت وياها ..
كم مره سحبت فستانها للاسفل
تغطي رجليها ...

الكل مشغول بالفلم الا اني مشغول بيها
نزلت راسي يم اذنها وهمست

: ماسالتي شنو الهديه

: والله نسيت

تعالي نطلع برى بحجة نجيب  شراب للكل وانتي تساعديني
ترددت 
طلعت قبلها 
بعد دقايق جتي بعدي  وهيه تتلفت  تخاف احد يشوفها

وصلت يمي

راويتها حلقه بايدي

خافت اكثر

: شنو هاي

: هذي حلقة خطوبه لحد يصير عمرج ١٨ نتزوج

: مااگدر البسها بقيها عندك 

: مااقصد تلبسيها  ردت تعرفين
اريد اخطبج من والدتج
ومن يصير عمرج ١٨ نتزوج

ردت :
لا لا
ودفعت ايدي الي بيها الحلقه ...ودخلت جوى للقاعه  ...

حز بنفسي. هروبها من امامي

اشتريت عصير للاولاد
ورجعت لمكاني
بدون كلام لحد خلص الفلم

طلعنا كلنا اطمئنيت الاولاد  كلهم صعدوا سيارات اهلهم ....وبعضهم يسوقون سياراتهم بنفسهم

روان  رادت تصعد مع مروه
لكن اني طلبت  منها اوصلها اني

وصعدت  وهيه ممقتنعه وطلبت

انزلها بعيد عن البيت

: بهالليل اعوفج تمشين
راح اوصلج للباب

صعدت. واتصلت بملاك

استمعت للمكالمه

: مستر رعد  راح يوصلني

صار اگله 
باي
انهت المكالمه   بلا متگلي شصار
لحد اني سالتها

: شگالت  ملاك 

: خايفه عليه  وصتني اگلك تبقى  تنتظر بالباب لحد ادخل

سكتنا اثنينا

ونكسر هالسكوت وهيه تبررلي رفضها للخطوبه

: اعرف متضايق علمود الحلقه

: لا على راحتج اني استعجلت

: صدكني ملاك   راح تتاذى هوايه  يعني شوف الساعه تسعه وهيه بالشغل  كل هاي التعبدوالتضحيه لخاطري

: خلص انسي ماكو داعي للتبرير
اني فعلا  غلطت بحقها
واكون اناني اذا فكرت بينا وبس
لازم اشوف حل

: ياريت والله. وهسه الوضع بالبيت ميتحمل خطوبه لان حتى ايه
زوجها   طلع عايش واحتمال يطلكها.  وملاك ماادري شكلك

: اعرف الي راح تكوليه
ملاك مهتمه بيه 

: صحيح وحتى ماما متامله تخطبها لذلك الافضل تصلح الموقف مع ملاك

: ان شاء الله  مثل مااني كنت السبب  بهذي المشكله لازم اني احلها

—————————-
ملاك
رجعت للبيت
ايه  تدرس للامتحان النهائيه
وعين بالكتاب وعين على التلفون
تتامل يتصل بيها
اول شي سألت  عنه روان رجعت لو بعدها

: رجعت من زمان شبيج مثل المخبله

گعدت  احجيلها. على السمعته من روان
وهيه تحضر السفره للعشى

: لج صدوك راح اتخبل لج اليوم تگلي شكو بيها اذا تزوجت

:   صدوك والله شكو بيها يعني اذا احنا  عنسنا مو شرط هيه تعنس

: صدوك انتي بلا گلب لج هذي مريضه
وطفله ماتفكرين اذا تزوجت صارت حامل علاجها شلون

ضحكت.
: على شنو تضحكين

تضحك وتحجي

:داتخيل المنظر. روان حامل هههه واحنا  عوانس

ارتفع ضغطي من برودها. وعدم اكتراثها. وبديت افقد اعصابي بالكلام وياها

: صوجي اني احجيلج لج هذي مريضه افتهمي

عبالك كلامها  محضر وتريد تقنعني بزواج ايه

: دكولي ياالله ياما بنات مرضى وبعد الزواج شفن... وياما حيلهن يهد جبال اتزوجن راح الحيل والصحه

: تعاي اگلج شنو  مخططه للموضوع انتي وياها داحس اكو مخطط بالموضوع

لا مخطط ولاغيره داحجي وجهه نظري
لو اجتها قسمه زينه خليها تتزوج... بدل متكبر.. وتحب وتتعذب... وبختها يميل مثلنا
شوفي البنات بديربون اكثريتها تتزوج بهذا العمر رغم ممنوع
العرب مشينها عقد شيخ لحد تكبر البنت وترى مشيكان تسمح بزواج القاصر بشرط موافقة ولي الامر

: هلا هلا دارسه الموضوع من كل الجوانب

كملت تقديم الاكل ... وگعدت
تقنعني  بكلامها

: ميحتاج دراسه يابه دشوفي البنات المتزوجه بهذا العمر كومه

بعد هذا اليوم
ظليت اركز على روان... واراقب تصرفاتها... تروح للشغل تخلي ميكب ...وعطر...
لكن من نروح للمستشفى متهتم ...
التلفون خلت بيه. رقم سري ...وبصمه ...
وتسهر الليل كله تراسل ...
والصبح من اطلب تلفونها ...اشوفه مافي مراسلات ممسوحه ...
فقط مراسلاتها مع صديقاتها او مع تحسين... وبتواريخ قديمه يعني مو بالليل
من ضمن الاصدقاء... استاذ رعد
لكن مافي اي مراسله معاه
-

—————————

ايه

بعد يومين من لقائي  بطلال ...
بالليل دگ موبايلي  مكتوب طلال
شعور  غير  قابل للوصف ...لمن اسم شخص  ينور شاشة تلفونك...
كنت تعتقد مستحيل يتصل بيك

اخذت الموبايل... وطلعت للحديقه... لان الكل نايمين

گعدت على كرسي في الحديقه ...

فتحت الخط ومابيه حيل اگول حتى الووووو
هو الي حجى

: دتسمعيني 
اخاف نايمه اتصل بعدين

: منايمه بس سكتت  اتاكد اخاف متوهم بالرقم

الضجر والملل واضح ...هو سبب المكالمه ومع ذلك راضيه باي سبب يخليه يتصل بيه
رد
: لا ممتوهم
نسيت اسالج كيف وصلتي ل امريكا ...واهلج وياج

تركت  ل اقدامي التعبانه من العمل  الحق في ان تتمدد على سور الحديقه الواطي
وجريت الحسرات حتى اجاوبه

: تريد القصه باختصار لو كل التفاصيل

: احجيلي بالتفصيل

وبديت احجيله عن وضعنا ...بالعراق  ...وبتركيا وشغل المطاعم ..
والتعب اول دخولنا ل امريكا ...مرض روان ...ومحاولة
خطوبتي  الفاشله

سمع القصه بتفاصيلها وتحول حديثه لمحاوله التخلص من ذنبي

: وحاليا بعدج تشتغلين بمطعم

:  لا تركته تعبت  اشتغل بمحل تاتو وادرس

: شنو تدرسين

: رسم خرائط هندسه
بعدها ممكن اعمل بشركة مقاولات  اصمم خرائط منازل او محلات
انت احجيلي كيف وصلت ل امريكا

بجواب مقتضب وسريع

: تعويض عن سنين السجن

: شمعنى انت

: لاتسالين افضل
تاخر الوقت وعندي مباراة بكرى لازم انام

: مااصدك انت تضرب انسان

بكل عصبيه ورغبه بالعنف جاوب
: لو يمي انتي هسه جان ضربتج حتى تصدگين
مع السلامه

انهى الاتصال حتى بدون ميسمع مني مع السلامه
وارسلي بعد دقيقتين
فديو... اله وهو يضرب بمبارة ...
والشخص الي وياه وجهه مدمى ...وهو يركله برجله

مستحيل هذا طلال

بديت اتعايش مع الم جديد
الم داخلي ان طلال الي حزنت عليه سنين طويله
عايش ورافضني  وميريدني بحياته واني  الي  اوقفت عمري كله اله
كنت عاتبه وهو ميت كيف تركني ؟
وصرت اعاتبه هسه  لان رافضني

مراقبتي للموبايل... ليل ..ونهار على امل يتصل ...
تفكيري بيه... وبحياته
دعائي اله  ...وخوفي عليه من الرسلنگ

بنفس الوقت تابعت القناه الي تبث رسلنك... ليل ونهار على امل اشوفه ...
وسط استغرابي من كمية العنف الموجوده باللعبه... واتسال شنو السبب الي خلاه يميل للعنف
اكيد في سبب

اتصلت بعادل صديقه يمكن يعرف شي واجابته حيرتني اكثر

: مااعرف السبب
واحيانا اتصل بيه ميرد.. والده يشكو من القطيعه...  ومن خشيته عليه لياذي نفسه بالرسلنك

: لازم في سر ورا هروبه من حياته السابقه

: اني الي عرفته ان المعتقلين عند الامريكان تعرضوا... للتعذيب ...والاهانات ...والضرب

: امنا بالله 
اهله ليش ديعاقبهم... اصدقائه
اني
قابل كنا السبب باعتقاله وتعذيبه
وبعدين  هوه مكان  بسجن ابو غريب

عادل : شي محير
والده ماعنده اجابه
انتي اتصلتي بأهله ...
خطيه شگد فرحوا من عرفوا التقيتوا سوا ...
وعدهم امل تغييريه ويرجع طلال مثل ماكان ...
اتصلي بيهم ايه والله ناس طيبه
ويحبوج

: انطيني الرقم اني هم مشتاقتلهم

اخذت الرقم وانتظرت يصير الصبح بالعراق يله اتصل قبلها

اتصل طلال بيه الساعه ١٢ باليل
واكيد جاوبت من اول رنه

: شلونج

: بخير انت شلونك

اريد اسالج كم سوال

:جواب تفضل

: ليش  ماتزوجتي ...والكل يتصور اني ميت

: ماكان عندي شعور انت ميت
وبالحلم. كنت اشوف بابا ومااشوفك يمه 

: وصدگتي الحلم وبقيتي تنتظرين

غرضه من المكالمه يوصلني لقناعه. ان انتظاري غلط
وبنفس الوقت يخلص من ملامة اهله وتعذيب ضميره
حبيت انهي هالمحاوله بصراحه تامه

: شوف طلال راح احجيلك
مشاعري لان اني اعتبر نفسي مازلت زوجتك حتى لو انت ناكر هالشي ...
الاوقات الحميمه الي صار بينا بعد العقد...  من بديت تبوسني
وتحضني...
خلتني مااگدر اتصور رجال ثاني يحل محلك ..
شگد حاولت اقنع نفسي ...مااگدرت دائما اتصورك انت ...حبيبي ...وزوجي

اجاني جوابه باستهزاء.

:  وراح تبقين بلا زواج  والله لان بستج وحضنتج كم مره ...
اي واحد راح ياخذج راح تعيشين نفس المشاعر وياه

: ها  ليش انت جربت غيري وعشت نفس المشاعر الي عشتها ويايه

: طبعا. الف مره مو مره وحده

: هنيالك  لعد. لگيت الي ينسيك
ولو اني متاكده دتكذب
انت كاره البشر كلهم حتى اهلك

: شنو  الي مخليج متاكده اني اكذب

:  الدليل موجود
  دتتصل بيه ساعه ١٢  وربع باليل ...الي مثلك افلوس وشهره وفانز ...شگر وصفر...  هسه غاط ويه وحده بالعسل... مو يضيع وقته ويه وحده عبرها الزمن وتعدى ...
وشي ثاني اني اعرفك متعرف تكذب

على صوته واختفت من نبرته اي حنيه

: يمعوده دروحي لحگي على عمرج بدل ماظاله تحلمين
بماضي راح وانتهى

: ضارتك بشي  احلامي وبكيفي

طلال : مااريد اشيل ذنبج

ايه : لاتشيل ذنبي اني داكلك انت مالك ذنب  واحب اكون واضحه وياك 
مهمها تحاول توصلني للياس
مراح اتركك  ومستحيل اتزوج غيرك
وانت براحتك

حول الاسئله  لملاك بعد ماسكت ثواني

: اختج ملاك ليش متزوجه

: التهت تشتغل ...وتبني حياتنا اهنا ...ودرست ...واثثت البيت

: مشيگان مليانه شباب عرب شجعب بقيتوا بلا زواج

: شنو قصتك اليوم شويه تسالني امج ليش ماتزوجت

: ههههه 
ضحك

ضحكته محت كل الالامي ومرت على اذني واستقرت بگلبي

هدات نبراته صوته... وبقت حسراته ويه كل جمله ينطقها ..حسيت شكواه متكسره بداخله  ويصعب عليه يشكيها

: تدرين شگد صار مضاحك

: ليش متضحك شنو حرام

: نسيت الضحك (ايوته )
لو تعرفين العذاب المر عليه

: ياعيون ايوته وحياتها
بعدك تتذكر الاسم ...
احجيلي عن عذابك... والله متلكه غيري يسمعك... ويشيل همك
خليني اشاركك بالدمعه والاه يمكن ترتاح ..

: مامستعد احجي واتذكر

: على راحتك على العموم  شوكت متكون مستعد تشكي اني موجوده
بس دگ التلفون

————————

واثق

كم يوم مضى. ...
عدت بيها تفكيري  ...
وحاولت اترك احلامي بيها
وارجع .. افكر بيها ... واشوفها راهمه ويه كل احلامي

وبدون مااعرفها ... وجدت مبررات  ال اعجابها ب رعد
( بنت بعمرها وغربه  ....اهتمت برعد ... صعب عليه اگول حبته
يعني لو  وجدت الاهتمام  الحقيقي ... وزوج. واطفال وبيت  اكيد.  اهتمامها برعد. يصبح ماضي )
وهذي التبريرات شجعتني  انتظر شوفتها...  واحسسها بوجودي ...
اليوم الاثنين راح اشوفها تجي
عادة توصل الساعه تسعه ...
قررت اليوم اثير انتباهها
واذا في تجاوب. ..اعرفها على نفسي

انتظرت ... وكنت حريص ميشغلني شي من تدخل ...
وافتعل اي عذر يأ خرها...
وانتظرت... وماجتي

مااعرف السبب الي خلاها متجي
ولو اشك بحضي العاثر  هو السبب

رجعت لمزرعتي. واني على وشك انهي هالنزاع داخلي
واتوقف عن محاولتي الاقتراب منها
لكن اتصال رعد  اعادلي الامل
—————————

رعد
شغلني التفكير  بطريقه
اصلح الموقف مع ملاك  وابعدها عن الجرح

فكرت بواثق ... اعرفه من سنين
شاب طموح ... خلوق ..
من عائلة موصليه معروفه ...دارس
وغريب ويبحث عن زوجه
كل مواصفاتها موجوده بملاك

وسط هالتحليل والتفكير
اكتشفت شي مهم ياغبي يارعد
حرف M  ...ومختبر تحليلات ...وعراقيه ...

واثق يوم نقل الاغراض
انسحب بهدوء. ..،والحزن ماليه

يعني اني السبب
خربت على ملاك وعلى صديقي

اوووف  شاسوي هسه حتى  اصلح غلطتي
واجمعهم اثنينهم

اتصلت بواثق

جاوب وهو مهموم

: هلو. واثق ...  وينك اشو متسأل

: هلووو رعد  مشغول شويه بالمزرعه

: الله يعينك

استعديت للكلام الجاي بالسكته والتركيز  بكل كلمه

: اگلك واثق  في بنت عراقيه ادب ...
واخلاق ..وشرف ..وكفاح 
وكل المواصفات الي تدور عليها
بيها ... يعني اذا محظوظ تصير من نصيبك

ضحك وعلق
: لعد متصير. مدام الشغله بيها حظوظ

: هسه غير تعرفها منو 

: گول منو
خفت اگول اسمها  بس هو لح

: دگول شبيك ساكت

: ملاك البنيه الي نقلت الاغراض لبيتهم

تنهد. وسكت
: اشو سكتت
اعترف  بحزن وخيبة امل سببها اني

: ملاك هيه نفسها البنت الي حجيتلك عليها اريدها

: هاي هيه لعد. ... توكل بالله البنيه من عائله محترمه وهيه انسانه واعيه مثقفه
قاطعني واني اعدد صفاتها

: رعد. خلينا صريحين.
واتذكر الي گلته عنها  ( معجبه بيك )

ضاع الكلام ومالگيت غير  اتحمل مسؤوليتي ثرثرتي الفارغه

: شوف واثق انت صديقي وانسان واعي. وتفتهم
وتعرفني كلش زين
احب اجامل ومرات اتجاوز حدود المجامله لدرجة البعض يتصور  داتغزل
هذا الي صار مع ملاك .. صدگني قسم  بكل المعتقدات
البنيه متنطي مجال  ل اي شخص
لكن دخلتي لبيتهم. ولغوتي الزايده خلتها تتوهم  اهتمامي بيها

كانما غرگان  وفجاءه وجد قارب نجاة ينقذه وهو يسمعني ويسالني

: شتقصد... اشرحلي ...فهمني

: باختصار البنيه لو ما لغوتي الزايده ماتعبرني ...
لكن والله  ابد متجاوزت ويايه حدود الادب

: اي صح هيه ثگيله حيل  وحتى متباوع

: وشي لاخ  لازم تعرفه

: گول الله يخليك كل الي تعرفه بلا متشلع گلبي

: ترى اني مشايفها غير بالاوفس مال المدرسه
من تسال على اختها وبجود مدراسات
او من ازورهم للبيت ادرس روان

انتبه على كلامي كلمه.. كلمه وبدا يسالني عنها ... عن حياتهم

: شتعرف عنهم كعائله

: اعرف والد البنات انقتل بالطائفيه. وهاجرن لتركيا وبعدين اهنا
بنات مكافحات... صبورات
يعني مزرعتك بسنه وحده تخليها
ملاك  المزرعه الاولى بامريكا
ها شگلت

: لك هو اني الي اگول غير هيه تنتبه عليه...  تشوفني.. توافق

: يعني اتوسط بينكم  واسطه خير

: خليني اول اروح لعملها واحجي وياها اني  ...

: اوكي هيه تشتغل  بمختبر على فورد رود وبمستشفى هسه انطيك العنوان