.
اريـدگ واستحـي
مـن عيونـي المدمعـات
واحـب صوتـکْ بعدنـي
بهمسـةّ وصيآحـة💔
..
غزل الحجامية
اسد علي شوفي الاسبوع الي يجي ياخذج وتزوجون بس لا تحلمين تعيشين ويا بسعاده وتشوفين وكولي اخويه كال بس تحلمين ترجعين هنا انتي الي قررتي وتبقين يمهم ولا تحلمين تجين زعلانه
لان وكق الكفل زينب ماستقبلج بهل بيت ياشذئ لو تطلعين بنت الله
تفوو عليج
وعافنه وطلع
اسد علي بيوم الي جنه كاعدين ع الغدة والبنات فتحن موضوع حسين يريد يطلع ويا شذئ اني جنت رافض هل فكرة اعرف حسين شنو واعرف سوالفه وحتئ لو خطيبته ماريد يصير شي تتندم عليه شذئ
ومن حجت اني عصبت ومن كالت ريحانه تروح ويانه عصبت اكثر شنو هل كواد يريد ياخذهن ثنينهن وماوفقت وصيحت عليهن بس شفت شذئ ضاجت كلت خطيه وهو خطيبها خليهم ومادام ريحانه وياهم عادي ولو هيه ثوله
بس عاد وياهم احد وصدك كمت رحت لشذئ لكيتها بغرفتها كاعده
اسد علي احمم
شذئ ها اسد رايد شي
اسد علي لا بس كلت اذا اطلعين وي حسوتشج شتلبسين
شذئ شنوو
اسد علي ها بدينه ثول بكيفج لا ترحين
شذئ هههه حبيبييي
كمزت عليه وحضنتني
اسد علي شبيج خبله اثكلي بس شذئ ريحانه تروح وياكم واذا اسمع صاير شي ماتلومين اله نفسج وماريد تسوين شي اتخليني اكرهج بي
شذئ لا ع بختك خويه شبيك قابل شسوي وهو خطيبي
اسد علي حتئ لو خطيبج ماريد يصير شي تتندمين عليه انتي بعدج ماتعرفين حسين
شذئ دمشي نكول لريحانه
وصدك طلعنه لكينه ريحانه تسوي جاي بالمطبخ وامي يمها وكتلهن عفتهن وطلعت
فريد شنوو وينك اليوم
اسد علي مالي خلك اطلع اليوم
فريد ليش خير شكوو
اسد علي لا ماكو شي بس راسي يوجعني
فريد ديله اني طالع يم الولد اذا غيرت رئيك تعال
اسد علي لا يمعود راح الف راسي وانام
فريد يله بكيفك
سديته من فريد
خابرت رقيه
اسد علي ها وينج
رقيه ها حبيبي موجودة انته وينك اشو اتاخرت
اسد علي جايج بالطريق
رقيه اي تمام
اسد علي محد بالبيت غير
رقيه اي والله مو كتلك
اسد علي يله لعد اني جاي
سديته من رقيه ورحت بدلت وطلعت رحتلها بالبيت وصدك مجان احد يمها رجعت باليل نمت بدون ماحس مرة اليوم عادي الخميس كاعد بالمحل. جانت عندي بضاعه واطريت افتح المحل مرة ثانيه كاعد واجاني صديقي
مروان ها حجي شلونك
اسد علي هله هله مروان الحمداللة
مروان اليوم هنا شعجب
اسد علي وين اروح قابل
مروان ماعندك طلعه منا منا
اسد علي لا شعندي وين اروح
مروان مو كرايبك اجاني
اسد علي منو. واني احجي وي مروان دك تليفوني
اسد علي لحضه مروان هسه اجيك مو تروح اشرب جاي .
جانت اكو بضاعه جايه وجان لازم اروح اني استلمهن وصدك رحت مطولت نص ساعه ورجعت
لكيت مروان هو ولد صديقي كاعدين يسولفون
اسد علي ها عيني
مروان ديله مادامك اجيت اروح اني
اسد علي اوكف خلي اعزل ونطلع سوة
مروان يله
سديت المحل ورجعت سوة وي مروان
اسد علي صدك قبل شويه كلت كرايبي جايك منو
مروان اي حسين
اسد علي اي شراد منك
مروان مو مني من ولد صديقي راد مفتاح مالت الشقه مالته
اسد علي هاي شوكت
مروان البارحه باليل
اسد علي ورجعه
مروان لا كال عندي شغله اليوم الضهر وباليل يرجعه
اسد علي شنوو يعني اليوم رايده
مروان اي اني حسبالي راح يعزمك لانو مبين جايب نسوان نبه ع الولد مايوصلون للشقه اليوم
اسد علي زين هاي الشقه وين
مروان والله مادري
اسد علي زين الولد عندك رقمه
مروان اي شسوي بي
اسد علي هيج اكول اعرفه لا
مروان ماعتقد تعرفه
اسد علي دخابرة واعرف وين الشقه
مروان لو تفجر البيت ميكعد اليل يسهر وهيج وقت تلكي حتئ التليفون قافله
اسد علي دجرب بلكي موجود
طلع تليفونه وصار يدك عليه ماكو الولد
مروان مو كتلك نايم تلكي هسه
اسد علي امشي نروح لبيته
مروان ع بختك شكو شبيك حجي وين نروح
اسد علي اوكف مروان لحضه
طلعت تليفوني خابرت علئ ابو ريحانه
اسد علي ها حجي انته وين
فارس بالبيت جبيت البضاعه
اسد علي اي جبيتها اكلك وين البنات
فارس طلعن وي حسين ليش
اسد علي شوكت
فارس مادري والله بس صارلهم هواي
اسد علي يله حجي الله وياك سديته منه
اسد علي مروان جرب خابر ع الولد
مروان ياخويه غير دكول شكوو
اسد علي حسين خطيب اختي واني جنت شاك بيه يخون اختي وهسه اتاكدت
مروان ع بختك هيج راح تصير مشكله بسببي
اسد علي لا يمعود هيه البنيه مارايدته وهاي الشغله اجتي من الله
مروان حجي ترة بدون قصد حجيت اني بيناتنه العباس
اسد علي يمعود معليك من الله رايدينها
بقه هو يدك ع الولد والولد ميجاوب
اسد علي دعوفه اني اعرف شسوي
مروان ديله خويه اني رايح واذا حتاجيت شي خابرني
اسد علي الله وياك
طلعت التليفون ودكيت علئ حسين مفتوح تليفونه بقيت ادك عليه ميجاوب دكيت علئ شذئ وهم متجاوب شفت الله بعيني معقوله ماخذ شذئ لهيج مكان زين شلون وحتئ ريحانه
رايحه وياهم بقيت ادك وماكو دكيت علئ ريحانه هم متجاوب خفت عليها اكثر شنو يعني رايحه وياهم شنوو بقيت الح بالمخابرات عليها دزيتلها رساله فتحت خط
كالت احنه بالزوراء رحتلها ركض اريد بس اتاكد هيه وين وصدك من دخلت خابرتها كتلها انتي وين بالضبط شرحتلي المكان رحتلها شفتها كاعده بس شذئ وحسين ماكو معناتها ماخذها للشقه ومبقين ريحانه هنا
اسد علي وين شذئ وحسين
ريحانه صاعدين بذيج وهمه مخطوبين عفتهم ع راحتهم
اسد علي هيه تحجي واني ادري بيها تجذب كعدت يمها دارت وجه ودزت رساله لشذئ حسبالها مشفتها بقت كاعده فترة واني ادك علئ شذئ وحسين وماكو لحد ما شفتها كامت
اسد علي وينن
كالت رايحه اجيب من المحل موطه
اسد علي احنه وين وهيه وين اني دمي فاير وهاي ادور موطه
بقيت اباوعلها راحت تجيب اجوي ولد يمها وبقو يذبون حجي اني بيا حاله كمت لزمتها من ايدها وخصرها جريتها وكفتها ورايه جابت الموطه ورجعنه شمرتها ع الكرسي واني متعصب
وهيه ولا جنها طلعت الموطه وتاكل احساس ماكو بس ادري بيها خايفه وتريد تضم موفتها بهاي السوالف المهم كملت الموطه كتلها كومي
شفتها الوجه صار اصفرر
ادري بشذئ وحسين ماراح يجون كلت بالبيت اعرف اصرف
وصدك كامت ونمشي سوة جان الوضع هوسه والشباب يركصون ومعزوفات وهيه تباوع لزمتها وكفتها كبالي ومشينه هم كامت تباوع وهم حتئ محد يلزمها طلعنه وحسيت بيها مرتبكه بقيت منتضر سيارة تجي وكفت سيارة واتقصدت اتاخر شويه عسا ولعل يجون وصدك وي ماردنه نصعد نزلت شذئ وحسين من سيارة رحتلهم كبل
حسين ها اسد انته هنا
اسد وين جنت
حسين ها ماجنه بس شذئ رادت كم شغله كلت اجيبهن الها
اسد وينهن مجاي اشوفهن
حسين ها
شذئ مو معجبني شي
اسد علي جريت شذئ من ايدها ودفعت حسين
اسد علي اليوم لو اطير اجيبك حسابك يمي رجعت صعدت البنات بالسيارة
واشوفهن خايفات كلش واني دمي فاير ويتبسبسن بيناتهن اليوم احير شسوي بيها
شويه وشفتها تراسل هله هله انوب بكل عين صلفه تراسله اني اعلمها درت وجهي واخذت التليفون اول ماوصلنه طبينه شذئ لغرفتها رحت وراها
اسد علي فهميني وين جنتو
شذئ شنو اسد مو تدري مو كتلك وانته وافقت
اسد علي اي ادري وافقت بس وين جنتو احجي
شذئ ها بالزوراء قابل وين
اسد علي شذئ شوفي جاي اشوف اشياء هسه كبالي ماريدج تشوفينها فاحجي احسن بسرعه
شذئ يا شبيك اسد قابل متصدك خابر حسين وشوفه بس اني من حنت بالزوراء راسي وجعني انوب حسين كال اخاف تتخربطين خلي نروح للصيدلسه نجيب حبوب خاف عليه
اسد علي اي ادري بي خاف عليج حنين خطيه حسين زين وين الحبوب
شذئ ها يم يم حسين بقن
اسد علي يم حسين بقن زين انزعي الحجاب
شذئ هاا ليش
اسد علي انزعي الحجاب شذئ
شذئ اسد ترة مالي خلك اطلع خلي ارتاح
كمتلها جريت الحجاب وصدك ركبتها كلها حمرة واصلا هيه وضعها مو طبيعي
اوماشفت ركبتها ماحسيت بيدي كبل كمت اضربها
ماحسيت اله امي توخرني منها وريحانه تجادل وعلي ردت الزمها وياها بس هاي اذا طنكر بعد هايهيه بقيت فاير واحجي لحد ماجه الحجي وحجيت ويا واجوي اهل حسين وردت اتعارك وياهم مره ثاني والحجي يهدي بينه واني اتعارك وياهم وهمه ساكتين لحد ما حجه الحجي
كال الخميس العرس واذا ماصر اسد علي يتصرف وي حسين بقو يحجون اشلون ومانلحك من شافوني قافل كالو ميخالف واعتذرو منه وطلعو
..
هبه كومي انتي اصعدي لغرفتج كمت اني صعدت ركض لغرفتي
بقيت كاعده بغرفتي وخايفه ومستحيه هسه بابا شيكول عليه ياربي اني امشي ورة حجي شذئ بعد هاي تالي هاي الزركه المضلمه توكعني هيج
يمه عزةة هسه شسوي اذا بابا حاجاني ابجي بسرعه اكله مالي دخل هيه عافتني وراحت يا يعني اجذب اي اي اجذب عادي شسوي قابل اوكع همين انوب شذئ تزوج عادي اني ابقه يمهم لحد مازوج
حجايه منا وحجايه منا واسد حقير ميصدك يلزم سالفه ادري بي
ريحانه كاعدة وندك الباب
ريحانه منوو
هبه اني
ريحانه تفضلي ام اسد ادخلي
اجتي وكعدت يمي
هبه اكلج ريحانه خابرتني اختي دكول باجر نروح نشوف الغرفه ونشتري الذهب وشكم شغله
ريحانه اي لازم تروحون لانو الوقت مو بصالحكم
هبه زين ترحين ويانه من نشتري الابدلات لو من نشتري الملابس
ريحانه زين ليش تسوونهن معجزة هو بيوم واحد روحن باجر اشترن الذهب والعصر اني وشذئ وشوف منو يريد يروح ويانه
ونحجز بدلات ونشتري الملابس وحتئ لو نتاخر عادي
هبه اي هم صدك لانو بعد صالون ونعزم ونجهزها واحنه هم لازم نجهز
ريحانه اي والله هيج احسن وهو بس سبوع شنلحك بي
هبه اي راح اخابر اختي واكللها وحتئ لو ادز افلوس الجهاز واحنه نشتري
ريحانه بعد احسن بس احنه نروح حتئ ناخذ راحتنه
هبه ديله جهزي نفسج وانزلي لشذئ ترة ماكلت اي شي
ريحانه اي هسه راح انزل بس وينه
هبه منوو
ريحانه اسد
هبه طلع
ريحانه اي راح انزل وياج
وصدك نزلت وياها هيه راحت لغرفتها تخابر اختها واني طبيت لشذئ بدون مادك الباب
لكيتها لازم كيك وتاكل وتحجي بالتليفون اول مشافتني شمرتهن وسوت روحها تتاذة
هههههههههه صدك تحجين الي مثلج هسه تنتحر
شذئ وسم شبيج غير ادكين الباب
ريحانه عبالنه مقهورة وماتاكلين وتريدين تنتحرين كلنه خلي ننزللها ونقنعها تاكل والدنيا ماتسوة هيج تسوين بنفسج طلعتي تاكلين وتحجين بالتليفون
شذئ يا غير عرسي مبقاله شي تريديني اذبل
ريحانه كبر اكلج باجر يجيبون الذهب الصبح والضهر نروح اني وياج ونشوف منو بعد نحجز البدلات ونشوف الملابس
والاشياء الي تحتاجينها
شذئ ادري كال حسين ع الذهب بس مكلي ع الملابس هم باجر
ريحانه اني كلت لامج خلينه نستعجل ماعدنه وقت
شذئ اي هم صدك وقبلت امي
ريحانه اي وراحت تحجي وي خالتج ونشوف شيكولون
شذئ اسد طلع
ريحانه اي امج دكول طلع
شذئ دهر صابه غير موتني
ريحانه طبج سم شمصخمه انتي وخطيبج
شذئ انتي كلتيها خطيبي
ريحانه يااا انوب تحجيها ولج عيب مو لهل درجه
شذئ خايبه اسكتي غير متت
ريحانه طبج سم تستاهلين
شذئ مو من ضرب اسد
ريحانه لعد منين
شذئ من حسين
ريحانه شنو ضربج
شذئ لا ولج هههههه
ريحانه شكد طايحه حض مو صوجج صوجي
شذئ وسم شنلبس باجر
ريحانه هسه اني اشوف شطلعلج اكلج ملاحضه انتي بس بسالفه البس والمكياج تذكريني وبس المصايب من وراج شوفي شذئ طلعيني من الموضوع اذا بابا حجه ويايه افضحج والله اكله انتي اني معليه اني شدخلني اني مالي دخل
شذئ اي اي اهدي اذا حجه اكله مالها دخل بس تدرين هسه امي تحجي ويا وتفهمه
ريحانه اي انتي شعليج مرتاحه
شذئ دكومي كومي
ريحانه اكلج ليش نطلع ملابس هسه هو احنه نروح باجر الضهر بقيهن ع باجر اني من الهبطه الضغط صار بيه خلي اروح اشوف ملح شويه
شذئ كبر اني ام الانه ماخفت وانتي تخافين
ريحانه ولج ياماخفت غير كلبي كام يدك طبببل متت كلت اليوم امووت لا محال واسد علي متعصب يبووو كلت رحت بيها
شذئ دكومي خلي احجي وي خطيبي
ريحانه خاب كبر خلي اولي احسن
رحت للمطبخ احس هبوط اكلت وصعدت كبل نمت كعدت ع صوت الباب فزيت فتحت الباب بدون منتبه شلابسه
ريحانه ها صباح الخير
هبه هله صباح النور انزلي اني رايحه وي ام حسين اجيب الذهب وكم شغله انتي كومي
سوي ريوك وحضرن روحجن اجيب فلوس البدلات ويايه تروحن تحجزن وتاخذنها تحف وتميش
ريحانه ماشي يله
هبه وين هيج تنزلين
ريحانه اي شكو بيها
بعدين باوعت لبسي ياا هاي شلابسه ملابس نوم
ريحانه ههههه خبال اي والله اعذرينه روحي ابدل وانزل اني
نزلت هيه طبيت اني شمرت روحي كملت نومتي بسرعه شويه واحس واحد ع راسي
ريحانه خيررر شكووو هسه همين
شذئ كومي ولج اليوم نحجز البدلات كووومي
ريحانه الخاطر محمد شبيج وياي مخلفتج وناسيتج خليني انام
شذئ ولج كومي شتستفادين من النوم كومي
ريحانه وشستفاد منج وليي
شذئ شوفي اسد كال هاي شعدها نايمه بسرعه خلي تنزل
ريحانه لا بالله وهو شعلي ولي انتي ويا
شذئ وابوج سئل عليج
ريحانه كبل فزيت
هاا يريد يرزلني مووو الله لا ينطيج ياشذئ راح اترزل من وراج د
شذئ اني شعليه لج لا تدعين
ريحانه اي اي طلعي نفسج من الموضوع وذبي بيه اي
شذئ ديله يله هسه اني شمسويه
ريحانه ولج كووولي شنو الي مسويتي دهر صابج البارحه كسرج واليوم ترديني تاجرسن البدلات ولج صدك يابدلات اليوم نشتري ملابس فقط البدلات ع غير يوم الحجز ميصير اليوم لحد الخميس شكوو
شذئ لعد شلون
ريحانه اي نجيب بس الملابس والمكياج هنه بس ذني شكد يحتاج وقت
شذئ اي صدك ميخالف لعد نجيب بس الملابس ويله نزلي وحدي بالبيت كاعده
ريحانه يااا راح تخبليني مو كلتي ابويه يريدني
شذئ يا ولج ابوج طالع من الصبح اضحك عليج
ريحانه شذئ انزلي لا اشمرج من الدرج ولي
شذئ دكومي كومي
كمت كمتتتتت غسلت وبدلت ملابس ونزلت رتبت المطبخ الماعين هاي شنو
شذئ مالت الريوك
ريحانه اندري مالت الريوك هيج صايرات واذا انتي كاعدة ليش مغسلتيهن
شذئ ريحانه مبقه شي لعرسي نطيني راحه حبابه
ريحانه ع اساس مكطعتها انتي البيت يشتكي من شغلج
شذئ ريحانه لا تكبين باخر لحضه هسه تجي امي
ريحانه دوخري وخري
غسلت الاماعين وادردم بس ادري بروحي ادردم من خجلي من بابا مو علمود الاماعين
كملتهن ورتبت المطبخ وسويت ريوك اليه جاي اتريك وسمعت الباب يندك
رحت فتحته
ريحانه منوو
حسين اني حسين
ريحانه ياا عزة شجابك شتريد
حسين فتحي ريحانه احجي قابل من ورة الباب
ريحانه حسين روحح احسن لا وروحها لامي خابر اسد علي
شذئ منو
ريحانه المصخم مالج هسه اذا اجه احد وشافه شنحجي شنكووول نطلع من مصيبه نطيح بمصيبه
شذئ دوخر وخري فتحت الباب واني طبيت للمطبخ وهيه تتمضحك ويا
ريحانه اطكطك باصابيعي واهز برجليه واتخيل اذا اجه هسه اسد علي شكله اكله ماكمل البارحه اجه اليوم يكمل
يمه يمه ريكي نشف وهمه ولا جنهم الله لا ينطيج شذئ ولو هو شمنطيج حسين من طاح حضه ياربي سترك
واني ادعي دخلت شذئ
شذئ ها ولج شبيج
ريحانه شبيه اني نابيه شي عيني اصلا الوضع طبيعي وماكو اي شي يستدعي انو ارتبك لو اخاف
شذئ يمعوده مو هل راح ومحد درة بي بعد ع شنو الحجي
ريحانه كعدت ع الكرسي بدون حجي كبل نفتح الباب
فزيت من مكاني
شذئ اهدي اهدي
طب اسد علي وكفت استعداد اني وهو حس اكو شي بقه يباوعلي
ريحانه ها ليش اجيت
اسد علي وانتي شعليج
ريحانه يااا هذا شبي
بقيت اباوعله وهو طب اخذ مي من الثلاجه
اسد علي منو جان هنا
ريحانه ها ها شدراني محد محد اجانه محد
اسد علي شبييج منو من خالاتي اجني وي ام احسين
ريحان مادري جنت نايمه نايمه
اسد علي دوخري وخري فاهيه
طلع واني كعدت يمه يمه يمه استرني استرني ترة شذئ موتي ع ايدها اني ادري بروحي
شذئ ريحانه كومي كومي
ريحانه وين شذئ ترة دخت
شذئ ولج طلعيلي ملابس
كمت وياها طلعت ملابس
ريحانه منو ياخذنه
شذئ حسين يجي ياخذنه
ريحانه شنووو لو تموتين ماطلع وياكم بعد
شذئ دسكتي اسكتي شبينه عيني
ريحانه يا شبيكم تخبللللون مابيكم شي وين اكو مثلكم
شوفي شذئ والله اذا صدك يجي ويانه ماروح يعني ماروح
شذئ ليش ولج شبيج
ريحانه انوب تسالين ليش ولج اذا لزمونه ننذبح ع القبله
شذئ ماشي ماشي ماخلي يجي
هبه ولجن انتن لشوكت هيج تبقننن
ريحانه اااااه يمه شبيج ام اسد كمزتيني
هبه صار ساعه ادك الباب
شذئ جبتن ذهب
هبه صبر صبرر
ريحانه ام اسد ماتاخرتي شعجب
هبه اي مو بسرعه بسرعه وام حسين كالت نريد نجيب نصبغ الغرفه اليوم
ريحانه اي حقهم همه الوقت مو بصالحهم
هبه شنسوي لو ماسوايتجن جان ع راحتنه مو هسه كل شويه نذكر شي
شذئ 😏😏🙄
هبه ها ولج عاوجه خلقتج شكووو
شذئ يله نريد نروك للسوك نجيب الغراض
هبه اي كولن لاد علي هو ياخذجن اني ماكدر هسه
ريحانه لا ام اسد عليج الله مو اسد انروح وحدنه احسن
هبه دسكتن اسكتن خابرني واني اجيب الذهب كتله وحدجن بالبيت لو تخبل كام يصيح وكال اذا الكيهن طالعات احرك البيت ع روسجن
ريحانه اي صح هو اجه وشكله مو علئ بعضه
شذئ اكول صدك منو يروح ويانه نجيب الملابس
هبه خالتي ساميه راح تجي هيه تفتهم بهيج سوالف
ريحانه اي بعد احسن بس نسوان ع راحتنه
هبه ريحانه جيبي ملابس حلوات ومكياج وملابس نوم وكل المستلزمات حتئ الفرشه مالت العرس جيبيها والبدلات بس شوفنها وعود بعدين نحجز
ريحانه ام اسد اني الملابس الدخليه معليه بيها خلي ساميه تجيبهن
هبه اي بس انتي وياهن
ريحانه اي
شذئ يله كومي ريحانه
كمت اول مطلعت صار بوجهي اسد علي باوعلي بخزرة ودخل
اسد علي يمه منو يروح هسه
هبه يمه شذئ وريحانه وساميه خالتك
اسد علي وانتي
هبه لا يمه ماروح وياهن
اسد علي خلي يكملن وينزلن اني اخذهن اصدقائي هناك يساعدوهن
هبه اي يمه بكيفك خلي يكملن وينزلن
اني بعدني واكفه بالباب ياا شنو يروح ويانه شيسوي بس احسن حتئ حسين ميجي طلع مباوعلي كبل طب للحمام ودفر الباب
صعدت بدلت ورتبت وجهي سمعت صوت هلاهل جوة نزلت
ساميه مبرووك مبروك حبيبه يوم لاسد ونفرح بيه
هبه الله يبارك بيج فوتي اشوو مجايبه احد وياج ليش
ساميه يا خيه شتريدين لعد اجيب فروخي وياي واجي لا لا اخلص اطلع وحدي احسن مو طفل ويخبصني
كعدت واني نزلت جبت مي ودخلتلها
ريحانه السلام وعليكم اشلونج خاله
ساميه هله هله قد ضهر القمر اشلونج رويحانه
ريحانه الحمدالله بخير انتي اشلونج
ساميه بخير الحمدالله اشلونج بالكليه
ريحانه الحمدالله تمام
ساميه يله من هسه اكلج محجوزة لابني ضرغام من هسه
ريحانه هههههه ميخالف مو تبدلين
اسد علي ها ام علاوي اشلونج
ساميه هله هله بحبيب خالته اشلونك ابو حسين شخبارك
اسد علي بخير الحمدالله انتي اشلونج الولد الحجي
ساميه دومك يمه بخير الحمدالله شبيك بذات لا تجي لا تسال
اسد علي وداعتج شغل فوك راسي ماخلص وهسه سديت المحل واجيتج والمحل الثاني بقيت صديقي بي
ساميه الله يساعدك وانته هم ع كيفك نريد نزوجك
هبه اي قنعي مواكله اريد ازوجك افرح بيك مايقبل
اسد علي كومي ريحانه جيبي جاي شي
ريحانه اي
كمت للمطبخ ودخلت شذئ
ريحانه يا يا يا هاي شمسويه ولج امسحي امسحي اسد يروح ويانه
شذئ هاااا شيسوي
ريحانه اندري هو كال اوصلهن اصدقائي يساعدونهن
شذئ اي خلي امسح وادز رساله لحسين
ريحانه يمه كلبي
سويت الجاي وطبيت
ساميه عمي معدله هنيال ابني عليج
ريحانه هههههه تسلمين
اسد علي امشي صيحي شذئ يله
صحت شذئ وطلعنه بالسيارة بقت ساميه طول الطريق تحشش وي اسد علي وهو منطلق وكل ماحجي يخزرني بالمرايه خاب ومرض كون شبيك واكفلي ع الحجايه
ساميه اي شذئ شنو شعورج هسه
شذئ ماكو شعور خاله
ساميه يعني مخايفه من الزواج
شذئ يا ليش اخاف
ساميه والله يا خاله احنه من اتزوجنه خفنه واحنه تزوجنه صغار كللش ومن نسمع طاري الرجال نرجف
اسد علي شبيج خاله هسه هنه يروحن يخطبن هاج شوفي هاي هاج
باوعنه من المرايه ع ابنيه تاشر لاسد علي هههههه اتاشرله بالتليفون وهم يكول شوفن وانوب هيه متستحي شافتنه نباوع وزادت بالنضر
ساميه ولج يالعوبه خطيبته كاعدة ورا هههههههه
هيه سمعت ساميه هيج حجت عوجت حاجبها وطلعت
ساميه يمه بنات موراحه الله يساعد الي يربيهن
اسد علي اكلج خاله وين خطيبتي سويتيني مخطوب
ساميه موزين بلكي فال حلو بس مو لريحانه ريحانه محجوزة
اسد علي لا خاله لا تبدلين انتي كلتي خطيبتي كاعدة ورايه وريحانه كاعدة ورايه
ساميه ههههههه جنك عجبتك السالفه ابن هبه
اسد علي يله انزلن وعوفن هاي السوالف نزلنه
ساميه خلي نشوف ملابس البيت بالبدايه وصدك اشترينه تراكات هوااي ودشادشات الوان هواي واسد كلها تسلم عليه وين ماندخل ينزلون من السعر واخذنه مكياج وشالات انوب شذئ متعب ذوقي يعجبها وساميه
هماتين ذوقها كلش حلو واسد علي يوكف يم الولد واحنه نختار بعدين اشترينه ملابس طلعه بس اشترينه هووواي
ريحانه اكلج خاله شكد نطتج ام اسد
ساميه نطتني 850 الف كالت حتئ الفرشه اجيبها
ريحانه اي زين
ساميه شبيج الملابس رخيصه شفتيهن بعد بس ملابس النووم
ريحانه كبل عيوني راحت ع اسد علي شفته يباوعلي ويضحك يا هذا شبي
ريحانه خاله ترة اني معليه انتن فوتن واني ابقه برة معليه بهاي السوالف
ساميه اي دجيبي هاي العلاكه
ريحانه ثكال والله
نطيتها العلاليك
ساميه اسد تعال اخذ ذني
اسد علي اي
اجه ردت انطيهن اله بس وكعن مني كم وحدة
اسد علي ها يالفاهيه منو راح يلمهن هسه
ريحانه الي راد يشيلهن
وعفته وطلعت من المحل اجه يباوعلي برود
اسد علي ها كملتن
ساميه اي بس بعد الفرشه وبعدين ملابس النوم
اسد علي انتضرجن بالسيارة
ساميه لا انته وريحانه روحو اختارو الفرشه واني وشذئ نروح نكمل
اسد علي تعالن هذا محل السيد بي ملابس مرتبه ادخلن بي واني وريحانه نروح.
السيد هله هله بالحجي
اسد علي هله سيد اشلونك احوالك
السيد زينين شنو مو ع اساس بالمحل
اسد علي لا كم شغله محتاجين واجيت وياهم
السيد اي تدللون
اسد علي دير بالك ع خالتي ع ما نروح ونجي بسرعه
نطته الفلوس مالت الفرشه واني بعدني واكفه
ساميه يله ريحانه روحي ويا
ريحانه اني شعندي اروح شسوي
ساميه مو كلتي معليه بهاي السوالف روحي اختاري الفرشه ع ذوقج
اسد علي يله
مشيت ويا بالبدايه امسي وراه بعدين وكفني يمه ومشينه دخلني لمحل فراشات يجننن شي احلئ من شي والالوان خيال
ابو المحل انتو اي لون رايدين
اسد علي بكيف البنيه يالون انتي رايده
ريحانه لو بيضه لو ذهبيه مو
اسد علي شوفني الذهبيات
ابو المحل تدلل واكو موديل اجه الاسبوع الفات يخبل تركي نفخ بس ويا اكثر من قطعه
صدك جاب اكثر من موديل يجنن عجبتني ذهبيه نفخ عبالك ثلاثيه الابعاد بيها شغل طالع ليبرة وتنزل من الجربايه لانو كلش جبيرة تجنن
ريحانه اسد هاي كلش حلوة
ابو المحل اي صح هاي اليي كتلكم عليها ذوق مرتك كلش حلو
ريحانه كبل باوعت لاسد علي شنوو وهو هم باوعلي وضحك وحجه وي الولد
دفع الافلوس واخذها ورجعنه وهنه بعدهن طبعا كلللش اتاخرنه بالغراض بس جبنه كلشي
مبقينه محل يعتب علينه وشذئ مبينه فرحانه ياربي بقيت واكفه يم المحل وذني يختارن وساميه تصيح اريد بي فتحه من الضهر واحمرر وتحجي كله بالقلم العريض
اني احس وجهي صار مو طماطه جحيم
اسد اخذ الغراض وراح للسيارة ومبين متعصب هذا شماله
دخلت للمحل وياريت مطبيت نسيت المحل بي ولد مو بنيه وهو يشوفهن بلعت ريكي
ساميه ها كملتو
ريحانه اي خاله راح نروح ننتضركم بالسيارة
ساميه اي منطول احنه
..
هنا وخلص البارت
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!