الكاتبة:غزل الحجامية
عنوان القصه ;نصف شهر عسل
كرامتي كَافئني بِرحيلك .. وسَـ اُكافئك بنسيانٍ يجعل منكَ شيئاً لا يُذكر ..
...
ريحانه من كبر ابو النسوان شكبرك تصير هوب هوب ريحانه شنو شكبرة مو مو اكبر منج بهواي ترة انجبي بعدكم اصغار
هو اسد علي زين بس سوالفه الله مطيح حضه بيها يريد يدمر نفسه بس مايعرف اشلون بس ليش هيج يسوي هو مناقصه شي امه واخته وشغله وابويه ممقصر ويا
ليش هيج يسوي شنو الي يخلي هيج يسوي ماذكر بيوم راد شي وكولنه اله لا شبي لعد
المهم نامي هسه باجر عندج دوام
بعد اربع ايام تقريبن
...
نبراس اليوم المحاضرات ملل بملل
ريحانه فهمتي شي انتي
نبراس لا
ريحانه حتئ اني وهذا يثبت شكد غبيات اني وياج ههههه
نبراس لا لا حبيبتي مو غبيات ذكيات بس الاستاذ طريقته غبيه بالشرح
ريحانه اووو اي صح هو شرحه دقه قديمه
نبراس بابا احنه من ذكائنه المفروض يسوون النه تماثيل اباب الحرم الجامعي
ريحانه ههههههه كبرت منج هاي نبراس
نبراس اليوم حمايه يمكن مايجي
ريحانه ليش
نبراس عنده شغل كال اذا اتاخرت ارجعي انتي
ريحانه اكلج صدك هو حماج شنو يشتغل
نبراس عنده اسواق علئ الشارع العام مالتنه بس جبيرة كلش تكدرين تكولين سوبر ماركت
ريحانه الله يحفضه يارب تدرين من كد ماتحجين بي اتشوقت اشوفه
نبراس تسلمين هههه تدرين يشبه منو
ريحانه اي يشبه منو
نبراس يشبه عدي ابن صدام حسين
ريحانه لا جذب
نبراس والله طويل واسمراني بس عصبي لدرجه تخوف مرات بس هو كلبه طيب
ريحانه عصبي وكلبه طيب اشلون
نبراس يعني من مات زوجي لحد هسه مامسمعني حجايه مو حلوة ويكلي انتي مثل اطياف اختي
ريحانه صدك زين ليش ماتزوجج من مات زوجج
نبراس اكللها مثل اخته تكلي اتزوجي اشلون ريحانه تره اليوم الغباء فوللل صاعد عندج
ريحانه ههههه لج لا مو دائما اسمع الي يموت زوجها حماها يزوجها
نبراس لا اني حمايه مامفكر بهيج موضوع وحتئ اني ممفكرة بي هو مثل اخويه
ريحانه زين معقوله ماعندج اي احد من اهل امج اهل ابوج
نبراس كلهم من شافو زوجي مات كطو ويايه لحد ما عمتي قررت ابقه عدهم وماطلع منهم وحمايه همين
هسه عوفينه من هل سوالف مو كلتي عدنه خطبه
ريحانه شبسرعه سويتيها خطبه يمعودة بس حجي انشوف يمكن اخت هبه اليوم تجي تحجي وي اسد
نبراس هذا اسد اسمه غريب وهو اغرب هسه موزين اجوي خطابه علئ اختك المحتركه دوافق وفضنه
ريحانه ههههه ولج صارلها سبوع تسوي خلطات استغفر الله ماشايفه بنيه بسمارها عبالك من افريقيا جايه
نبراس كليلها ياخيه اكعدي واسكتي قالبج اسود ماتصيرله جارة لا خلطات ولا صخام
ريحانه ولج هيه لونها غامق والبارحه شفتها مخليه بياض رقمه ماموافق لدرجه وجه وتشوفينها صايرة زراق علئ سمائي
نبراس ههههههه كوليلها من يوزعون طحين اكعدي بالكونيه لا تطلعين منها لحد ما يجون الناس هههه
ريحانه لج خطيه هيه مدري عليمن طالعه هيج سمرة يكولون اهل ابوها هيج سمر بس اسد طالع علئ امه سمارة زين
نبراس وشتكولين اليوم يقنع بيها حوتشي
ريحانه ههههه ماتنسين كبر ولج خابصتنه حسوتشي حسوتشي ماعدجن مثل حسوتشي
نبراس عاد حسوتشي حلو لو لا
ريحانه ملطلط جنه كرم اربعه وعشرين ساعه يصجم
نبراس صدك ماكتلج قبل كم يوم سئلني عليج من رحتي للمغاسل
ريحانه وشكتيله
نبراس كتلهة مطلقه مرتين ههههه
ريحانه ههههه جذابه
نبراس وروح زوجي وانصدم بس اني قنعته
ريحانه لج اكول الولد اشبي ساحب بوش مني صارله كم يوم والشباب كلهم يباوعولي
نبراس اي شوفي اشلون شردتهم
ريحانه قصدج فضحتيني هههه
نبراس المهم بعد مايحجي وياج
ريحانه دمشي خلي ناكل
نبراس يله
ريحانه بس لحضه اطلع افلوس روحي انتي جيبي اكل هل مرة
نبراس اجيب وبعدين نطيني
ريحانه ماشي
راحت نبراس فتحت الجنطه طلعت افلوس وبقيت اباوع بالجنطه اذكرت الشريط كلت خلي اشوفه وين بقيت ادور عليه بالجنطه ماكو ياربي وين راح معقوله واني افرغ بغراضي ونقلتهن بهاي الجنطه وكعته بالكاع
اي يمكن بس اني صارلي يومين ماشوفه واليوم انطي الفلوس الباقيه لاسد يعني لازم الكي حتئ اذبه
نبراس ها شدورين
ريحانه لا هيج
نبراس شبيج وجهج نكلب لعد ضايع شي
ريحانه الشريط مالت ابويه ماكو جبته قبل كم يوم احتياط وعفته بالجنطه بس ماكو
نبراس ها اي يمكن واكع منج
ريحانه لا ماعتقد مافاتحه الجنطه اني بمكان بس يمكن من حولت غراضي بهاي الجنطه واكعه بالغرفه
نبراس ها اي اي يمكن صدك هسه عوفي هاج اكلي
ريحانه مشكورة
كعدنه ناكل وراها بساعه تقريبن خلص دوامنه طلعت لكيت ابو الخط واكف
ريحانه هسه شراح تسوين
نبراس اصعد تكسي اكيد
ريحانه ديله حبيبتي ديري بالج علئ نفسج
نبراس ريحانه ردت اكولج شي
ريحانه اي كولي
نبراس لا موهسه تتاخرين بعدين نحجي
ريحانه ماشي حبي مع سلامه
نبراس الله وياج
....
ريحانه السلام وعليكم اشلونج خاله
جنان اخت هبه جبيرة بالعمر اكبر من هبه
جنان وعليكم السلام هله اشلونج
ريحانه بخير انتي اشلونج منورة اليوم
جنان منور بصحبانه اجينه نقنع هذا المخبل
ريحانه ههه يصير خير ام اسد وين
جنان بالمطبخ
ريحانه يله مرخصتج
رحت للمطبخ لكيت ام اسد اتعزل بالماعين حتئ تصب غده وشذئ واكفه يمها تساعدها
ريحانه سلام وعليكم
هبه هله بدلي بسرعه ونزلي
ريحانه ليش شكو
هبه حتئ تتغدين ياعيني يله بسرعه
ريحانه اليوم شذئ منور وجهه شكوو 😉😉😉
شذئ صدك عليج الله
ريحانه والله وجهج مبين مرتاح اليوم
شذئ اي خليت اله كريم البارحه
ريحانه هههه ديله بسرعه انزل
صعدت ماسبحت بس بدلت لبست دشداشه ورديه مخصرة ورفعت شعري وماغسلت المكياج بس رتبته خليت عطر ونزلت
لكيت شذئ ترتب بالاكل ساعدتها اشويه واجوي بابا ورائ اسد
بابا السلام وعليكم
جنان هله هله اشلونك حجي
فارس الحمدالله انتي اشلونج شخبارج
جنان والله بخير علئ اللهو
فارس منورتنه اليوم صارلج شكد ماكو
جنان والله الدنيا ياحجي وماعندي وقت تدري انته
فارس الله يساعدكم ادري بيكم
جنان واجيت اقنع المخبل بالخطبه مالت ابني وشذئ
ريحانه شفت اسد علي اجه بقه يباوعلي وجنان جانت تحجي بي
ريحانه المخبل اجه
اسد علي شنوو
ريحانه لا هيج ماكو شي يله بابا غسل وتعالو نتغده وانته اسد يله
كعدنه تغدينه
اسد علي شعجب ماجبتي البنات وياج
جنان كلمن بمدرستها وهنه مايحبن يطلعن
اسد علي ادري بيهن معدلات بس صار هواي مشايفيهن اشتاقيت الهن
جنان يالبذات اذا تشتاق الهن ليش ماتجينه
اسد علي شوفي هستوني اجيت من الشغل سديت المحل واجيت
جنان ماتشوفلي تليفون منك اليه ولك
اسد علي تدللين بس فرغي جنطتج
جنان ليش افرغها ولك
اسدعلي تردين التليفون ابلاش ياخاله
جنان يا ادفع خالتك
هبه دعوفو هاي السوالف واكلو
كملنه اكل كمت غسلت الماعين اني وشذئ
شذئ شتتوقعين يقبل اسد علي
ريحانه هو ليش رافضه لابن خالتج هيج
شذئ اندري يكول ابو نسوان بس هو مامبين عليه حباب وكلبه طيب
ريحانه يجوز صدك ولج عنده هيج سوالف انتي شدراج
شذئ لا لا ماعنده قابل ماعرفه اني
ريحانه شذئ احجي انتي وي اخوج واتاكدي منه ليش بعدين تتندمين
شذئ يمعوده حتئ اذا عنده هيج سوالف اني ورة الزواج اغيرة ماخلي يسوي هيج بعد
ريحانه شوف التفكير كبر لو فالحه بدراستج مو احسلج شسوين بالرجال وشلعان الكلب
شذئ ليش شلعان كلب اتزوج واصير عند رجال يدلعني يطلعني
ريحانه مو هذا ابويه واخوج وكليلهم يطلعوج
شذئ تفرق عند الرجال ولج
ريحانه كبر عقلج ماتصيرله جارة
شذئ انتي ضلي بس بالدراسه عود صدك ماتفكيرن بالزواج ابد
ريحانه شسوي بالزواج اذا ماشخص احبه واقنع بي ميه بالميه وكون المواصفات فول
شذئ تردينه عنده فلوس يعني
ريحانه مو افلوس لج ماكو واحد ماعنده فلوس هسه بس الشخصيه اهم شي يحبني ويحترمني ومايذلني
اسد علي ابدال هاي السوالف الطايح حضها والحجي الماصخ سون جاي
ريحانه شبيج اسد تكمز الواحد كوة وهذا الجاي هسه نجيبه
عافنه وطلع
شذئ ولج بس لا سمع حجينه
ريحانه طبعا سمعه ماسمعتي يكول سوالف ماصخه وطايح حضها
شذئ ولج بس لا يعاند بالزايد
ريحانه دمشي امشي نوديلهم الجاي
شذئ اي انتي فوتي بالبدايه
ريحانه ليش
شذئ حتئ نشوف ردت فعل اسد اذا متعصب ماطب
ريحانه دمشي امشي
رحنه طبينه سوة واسد علي يخزر بيه كل اشويه ومن احجي وي شذئ يعدل بكعدته متعصب وخالته تحجي ويا
جنان ياخاله غير نعرف شنو السبب الي يخليك ترفض ابني
اسد علي مو رافض ابنج مابي قصور وخوش ولد بس اختي مازوجها
جنان يايمه هيه موافقه
اسد علي ماتعرف مصلحتها وين
هبه واني شنو هم ماعرف مصلحتها اني موافقه علي
اسد علي هذا هو كلكم وافقتو بس اني لا
جنان مو هيج القصد بس يايمه انته تشوف البنات والي جاي يسونه حتئ الي تدرس تلعب لعب من ورة اهلها واني ادري بشذئ زينه وماعدها هيج سوالف
بس يايمه الناس ماترحم احد وانته تشوف كدامك اهل الله ويحجون حجي باطل علئ الناس ويغلطون علئ هاي وذيج
اسد علي مايهمني حجي الناس همه علئ الزهراء حجو بقت علئ اختي مايحجون
جنان يميه باجر عكبه انته تزوج
ريحانه من كالت تزوج ضحكت هههه باوعتلهم كلهم يباوعولي بنضرة مستغربين
ريحانه والله ياشذئ ولا اتوبين
حاولت انقذ الموقف صار ساعه مصبرة نفسي ماضحك انوب ام الولد جايه تتسول باهل البنيه الحمدالله والشكر صدك الزركه يركض وراها ابو عيون الخضر ولو حسين عيونه عمص مو خضر بس المهم الفكرة
جنان مثل ماكتلك يايمه باجر عكبه انته تزوج وتشوف حياتك لازم اختك تزوج وريحانه هم انشالله نشوفلها ابن حلال
اسد علي خاله عوفي ريحانه هسه واني مازوج اله اشوف اختي مزوجه ومرتاحه ابيتها
جنان اي يايمه ومنو كلك ماراح ترتاح عدنه اشو حسين فارشلها الارض ورد يايمه
اسد علي شذئ انتي شتكولين
شذئ ها مادري خويه انته شنو رئيك اني وياك
اسد علي يصير خير خاله اني موافق
ريحانه مبروك ولج راح اهلهل بس خلي تطلع خالتج
شذئ ولج اني اهلهل بس خلي تطلع ههه
ريحانه ملكوفه وعلي
ورة اشويه طلعت جنان
هبه الله وياج خيه منتضرينج باجر انتي وحسين
جنان اي باجر يمج احنه مع سلامه
شذئ الله وياج خاله مع سلامه سلميلي
ريحانه احم اتسلملج علئ حسوتشي
شذئ صوتج ولج
ريحانه محد يسمع
طبينه للاستقبال اسد علي راح للمطبخ وشذئ هلهلت
شذئ كلللاووووووووووششووتييي
ريحانه ههههههههه كبر شبيج ولج اني الي لازم اهلهل مو العروس
هبه بنتي مخبله ياربي يوم الي الج ريحانه
ريحانه تسلمين ام اسد
دخل اسد علينه شبيجن فرحانات هيج ممصدكات
شذئ اني معليه ريحانه هلهلت
ريحانه هاا
اسد علي اي مبينه صوت ريحانه الي هلهلت
هبه عوفنه من التهلهل باجر يجون خالتك وابنها ورجل خالتك وبناتها تعال من وقت من الشغل
اسد علي ابيش الساعه يجون
هبه 3 ونص
اسد علي اي بلغي الحجي واني موجود
هبه اي هسه اصعدله واكوله
شذئ ريحانه تعاي
ريحانه شتردين
شذئ اريدج بشغله تعاي
ريحانه اي
رحت وراها دخلنه لغرفتها
شذئ ساعديني شلبس باجر
ريحانه لاتلبسين غوامق تضلمين بالزايد
شذئ شنوو
ريحانه اتشاقه وياج والله شوفي عند اتراك بيجي البسي يصير حلو عليج واني من اجي امكيج الج مكياج بسيط وحلو يصير علئ بشرتج
شذئ لا اني امكيج
ريحانه دخيلج لا مثل ذيج المرة من مكيجتي طلعتي لون ازرق سماوي
شذئ وسم الكريم مو لوجهي جان
ريحانه اي عوفي مكياجج عليه
شذئ ميخالف
ريحانه يله اني رايحه
صعدت فوك غسلت وجهي وبدلت لبست تراكسود مريح عريض بس حلو وكعدت اشوف غراضي اتذكرت الشريط كمت دورته مالكيته كلبت الغرفه كلاب ماكو
اوووف وين راح لعد وين وله معقوله احد ماخذه من جنطتي
لا منو يسويها ماعتقد يمكن طايح بالشارع
اووف بقيت ادور عليه ماكو دنيا عصر
ساعه تقريبن 5 ونص ندك الباب
ريحانه منوو
اسد علي اني
ريحانه لحضه
طلعت الفلوس من الجنطه قسم عندي وقسم اخذتهن من ابويه حتئ ملازم ماشتريت هل اسبوع من ورة اسد علي فتحت الباب
ريحانه عبالي باليل تاخذهن
اسد علي لا رايدهن هسه اريد اطلع
ريحانه اي هاي هنه
اسد علي مافكرتي تعيدينها مرة ثانيه
ريحانه لا احنه اتفقنه
اسد علي بكيفج بس همه الطلاب الي بعتي الهم الحبوب راح يطلبوهن منج مرة ثانيه
ريحانه اي عود من يطلبون اكلك يله عندي دروس اكلك وين راحت تروح
اسد علي رفع حاجبه مستغرب .ليش تسالين
ريحانه اريد موطه جيبلي وياك اذا ماتتاخر
اسد علي اذا فتت من يمه اجيبلج
راح سديت الباب اني وكعدت ارتب الغراض بلكي الكي الشريط مالكيته ضاع ياربي يكون واكع بالشارع ومحد شايفه عندي
...
اسد علي اني لحد هسه مموافق ع حسين ابن خالتي لانو اعرف سوالفه كلش زين وهو اصلا ماراح يسعد اختي ومن طبيت للييت وشفت خالتي حسيت بالنكرة
شذئ جاي تنخدع بحسين حسين واحد سرسري ومن حجت خالتي عفتها وكمت
خاله اجيب الجاي اشوف البنات وين راحن
صدك كمت سمعتهن بالمطبخ اشلون يحجن والله وكبرن ضح مابيناتنه هواي بس احسهن كبرن مو مثل قبل ومن سمعت حجيهن ماعرف ليش اتعصبت كبيت نار رزلتهن ورحت كعدت وبالي يمهن اني اعلمهن وهنه حسن بيه ضجت
من طبن وحدة ورة الخ يتختلن كعدن وخالتي وامي صارن يحجن بالموضوع اني ادري ب شذئ موافقه انوب خالتي كامت تجيب وتخلي باجر انته تزوج وباجر ريحانه تزوج
خاب هاي شبيها ماعرف شلون وافقت واتفقنه باجر يجون يقرون الفاتحه طلعت خالتي واسمعهن يهلهلن عرفت سوالف شذئ هاي
اووف ياخويه ترجعين ندمانه اني ادري بيج
رحت لغرفتي نمت شويه كعدت وصعدت جبت الفلوس من ريحانه
وطلعت يم اصدقائي
مروان يعني قنعت ببن خالتك
فريد ولك شعجب مو ع اساس حاجزها اليه
اسد علي ههههههه كل تبن اشوفلك غيرها ههههه
فريد لا خويه ع بختك واني محاجي امي خاااب كومممم مصدك عندة اخت ويجونها خطابه
اسد علي ليش ضايج لانو ماعندك خواات
فريد يله خواتك خواتي.....
......
ثاني يوم بالكليه مابقه غير اسبوع للامتحانات خلصت محاضرات اني ونبراس وسوالف مثل كل يوم
رجعت للبيت
شذئ خايبه تاخرتي
ريحانه شسالفه ساعه 2 اله ربع
شذئ اي غير تجين من وقت
ريحانه امشي مني تره جوعانه
شذئ هو نتغده بسرعه وامشي لغرفتي مو كلتي امكيج الج
ريحانه اي وين امج
شذئ بالمطبخ
رحتلها كاعده تكلب كدر الدولمه
ريحانه ها ام اسودي اليوم دولمه
هبه اي ابوج مشتهيها
ريحانه واني هم والله اغسل واجي بسرعه
هبه ديله
شذئ لا تتاخرين
ريحانه فهمت والله
صعدت شمرت غراضي وبدلت تراك رمادي وغسلت وجهي ونزلت لكيت بابا واسد علي وكلهم كاعدين علئ الاكل
ريحانه ها الله يساعدكم
فارس ويساعدج بنيتي يله اكعدي اتاخرتي فوك
ريحانه مو جنت ابدل شنو رئيك بيه
فارس تخبلين كمر
اسد علي دكعدي عاد اكلي
ريحانه هفف
كملنه بسرعه غسلت الماعين وشذئ تساعد بيه حتئ نكمل بسرعه صبينه الهم جاي ورحنه للغرفه بسرعه لبست الاتراك بسرعه واني رحت نزلت مكياجي
هيه سمره مايصير نخلي الها كريم ابيض لازم افتح من بشرتها بدرجه وحده رتبت الكريم وسويتلها عيونها ورتبت حواجبها وخليتلها ملمع لشفايفها
شذئ هاي حمرة سحري خليلي منها
ريحانه لا ولج موزينه تنشف الشفايف وتكبرهن
شذئ لا دائما اخلي منها
ريحانه اي شوفي شفتج اشلون لونها صاير من وراها لا تستخدمينها بعد
شوفي مكياجج بسيط وحلو هيج
شذئ صدك حلو صار عاشت ايدج
ريحانه وايدج يله اني صاعده انام ماكدر اتحمل بعد
صعدت فوك نمت اول ماطبيت وراها بساعتين تقريبن سمعت هلاهل جوة
نزلت
ريحانه ها شصار بصوت نعسان وكفشتي واني
شذئ قرينه الفاتحه والاسبوع الجاي نعقد عقد سيد ونفس اليوم محكمه
ريحانه صدك الف مبروك تتهنين انشالله بس مكدرتي اتاجلين هلاهلج جنت نايمه
شذئ كبر ابدال ماتهلهلين ويايه شكد تغارين لعد
ريحانه يا عزة ولج شغار مو اني مكيجت الج بيدي
شذئ لعد شبيج ضجتي من كتلج قرينه فاتحه
ريحانه من كبر لهيج عقل اي والله اتريدين اهلهل تدللين كلللللللللوووووووششششششش
اسد علي اي عفيه هلهلن هلهلن مامصدكات
شذئ هل مرة هيه والله
ريحانه ولج موانتي كلتي
شذئ يا اني شعليه
ريحانه مو صوجج صوجي عفت نومتي ونزلت يمج
اصعد انام احسن
من ردت اصعد اتذكرت الموطه اشو مجابلي
اكلك البارحه مو وصيتك علئ موطه
اسد علي جبتها وصعدتها الج انتي نايمه مافتحتي الباب
ريحانه وين وديتها
اسد علي اكلتها
ريحانه 😒😒😒 عفتهم وصعدت هم زاعجيني وكعدوني من نومتي وهم ماكلين موطتي
نمت مرت الايام عاديه بس نبراس ماعاجبتني ابد تغيرت وجهه مكلوب وتصفن اهواي وتتعصب علئ اقل شي
ريحانه شبيج نبراس صاير شي بالبيت والله شكلج مو طبيعي
نبراس لا مبيه شي بس تعبانه
ريحانه ولج وجهج صاير اصفر مكلوب كلاب شبيج
نبراس اهووو كتلج مابيه شي ريحانه لا تلحين
ريحانه شبيج نبراس اهدي
نبراس اسفه بس راسي يوجعني وكتلج مابيه شي
ريحانه براحتج بس اذا حتاجيتي شي مني كولي
نبراس اي اكلج صدك ماعندج من الحبوب الي مرة اخذتهن منج
ريحانه ياحبوب
نبراس مالت ابوج
ريحانه لاومعندي ليش
نبراس هنه من اخذهن راسي ماياذيني ارتاح
ريحانه وانتي شكم مرة اخذتي هنه بس مرة
نبراس ها اي بس ارتاحيت الهن صدك شنو اسمهن هنه اشو ممكتوب عليهن اسم معين
ريحانه ها ليش تسالين
نبراس اجيب عليهن دورت عليهن بالصيدليه ماكو
ريحانه ها اي ماينطوهن لاي احد اله بوصفه طبيب لانو بيهن نسبه منوم عاليه
نبراس اي من تجيبيهن لابوج ديبيلي منهن باجر ريحانه
ريحانه لا نبراس شسوين بيهن
نبراس راسي اكلج راح ينفجر حتئ المحاضرات مجاي انتبه عليهن
ريحانه عوفي هاي السالفه وركزي بعد يومين للامتحانات وباجر جمعه خطبت
شذئ تجين موو
نبراس مادري ريحانه اشوف
ريحانه شنو اتشوفين لازم تجين
نبراس مو كتلج مادري
ريحانه لا انتي هل ايام عصبيه كلش شبيج كومي كومي
طلعنه اني صعدت بالخط وهيه تمشت لحد مايجي حماها اني ابو الخط حءك السيارة
طبيت للبيت لكيت ابويه واسد علي واصلين قبلي
ريحانه مساء الخير
فارس مساء النور اتاخرتي اليوم
ريحانه اي والله المحاضرات واخر محاضرة الاستاذ مجاي فابقينه اني وصديقتي نسولف ونسينه الوقت
هبه ها جيتي
ريحانه اي
هبه دروحي بدلي وتعاي ورة الغده نروح للسوك تجين ويانه
ريحانه شسون
هبه نشتري كم شغله وشذئ هم محتاجه كم شغله وانتي اشتريلج فستان
ريحانه ماشي
صعجت بدلت بسرعه ونزلت اتغدينه اخذت الاماعين اغسلهن وخليت الجاي كملت وديت الجاي الهم
بس اسد وبابا كاعدين
ريحانه وين ام اسد
فارس تبدل وانتي همين اصعدي بدلي حتئ ترحين
وهاج هاي افلوس تشترين بيهن شوفيهن كافيات لو تردين بعد
ريحانه الله لا يحرمني منك ياعمري لا كافيات يله اني صاعده
صعدا بدلت بسرعه ورتبت وجهي ونزلت لكيت هبه وشذئ منتضراتني
شذئ ها خلصت الخاتون
ريحانه اي خلصت ست شذئ يله امشن
طلعنه للسوك المحلات كلها دخلنه بيها
شذئ شتكولين هذئ يصير حلو عليه
ريحانه لج اشتري شي طويل وبي ردان والله احسن الج حتئ بس شال تخلين عليج من يدخل السيد ماحاجه عبايه واذا كلش اخذي الضهر مفتوح يصير حلو
ومايبين
هبه اي اسمعي كلامها
شذئ ديله وينه اختاريلي انتي
ريحانه شوفي هذا التفاحي لونه حلو ورداناته تور يصير حلوو
شذئ اي حلو
اخذنه لشذئ فستان وردي طويل مخصر من فوك وعريض من جوة والصدر تور والردن هماتين وضهره بي فتحه علئ شكل قلب واني اخذت فستان سمائي مشجر ورد ابيض اصغار بس كلش حلو ونازك
رجعنه ميتات تعب مبل نمت اني بس تعشيت ونمت
كعدنه ثاني يوم رتبنه البيت
اسد علي اشوكت ترحن للصالون
هبه بعد عدنه شغل بالبيت
اسد علي روحن انتن واني ارتب البيت
هبه لا يمه هسه اني اكمله وي البنات
ريحانه اذا نبقه نرتب بي مانلحك علئ الصالون خلي نروح وهت واصدقائه يكملونه هو بس ترتيب
شذئ اي يمه خلي نروح
وصدك رحنه شذئ رتبوها طلعوها حلوة ومكياجها حلو
ام الصالون وانتي شتحبين تمكيجين
ريحانه اريد مكياج خفيف بس تبرزين عيوني اريدج وارفعيلي شعري حتئ يبرز وجهي ولاتخلين الوان غامق
...شنو رئيج بعدسات
ريحانه لا محاجه عيوني حلوات
...براحتج
مكيجتني طلعت فد شي وسوت شعري رفعته دخلت للحمام لبست الفستان وطلعت كلها صفنت بوقتها وشذئ شعوطت نار صارت
ريحانه ها شنو رئيج
هبه اي حلو عليج
شذئ لا موحلو مطلعج سمينه
ريحانه هو الاحسن مدبدبه
شفتها ضايجه ماحبيت اخليها ضايجه بهيج يوم
ريحانه طبعا اليوم خطبت الكمر والوردة مالتنه ولحد هسه اني ما مهلهله فاعذرني كلوووووووووشششششش الف الصلاة والسلام عليك ياحبيب الله محمد وحده وحده وحده شذؤاوي احله وحده كلللوووش
شذئ هههه الخبله بالبيت مو هنا
ريحانه هنا وبالبيت شعندي غيرج اهللهل الج حتئ بعرسي ترديهن
هبه اني اردهن الج بعرسج
ريحانه اذا تزوجت هههه
جانت اكو وحده جايه وي عروسه بقت صافنه عليه وتبتسم اني ابتسمت الها وسكتت ورة شويه اشوو كعدت يم هبه وكامن يحجن ويباوعلي وطلعت ورقه كتبت بيها ونطتها لهبه وهبه تضحكلي
اشويه ودك اسد علي
ريحانه الوو
اسد علي يله اني بالباب
ريحانه طالعات
يله اسد علي بالباب يكول وينجن
كمنه اني لبست فوك الفستان وشذئ همين وهبه لبست عبايه وطلعنه اني وشذئ وهبه كعدنه ورة واسد والسايق كدام
وصلنه اول مطبينه اني لازمه شذئ نزعتها واني هم نزعت واسد علي وهبه ورانه نداريت نطيت لهبه الغراض واخذت شذئ كعدتها وبديت اهلهل
النسوان كلهن يباوعلي خوات هبه ونسوان اخوها كلهن جايات بس جنان بعدها والببنات يركصن ويهلهلن
ريحانه اي عمي منو كدج اليوم
شذئ طالعه حلوة
ريحانه تخبلين والله
شذئ شغلي اغنيه خلي اركص
ريحانه ههههه لا مايصير من يرحون اني وياج نركص هسه عيب
شذئ ماتحمل والله كوميني اركص
ريحانه ولج عيب بس تشوفج امج تموتج اسمعي من يجي حسين اخلي يكومج ويركصج
شذئ اي عليج الله
ريحانه عوفيني هسه خلي اخذ راحتي كلووووششش يله بنات شنو السالفه وين الركص
كليتنه كمنه نركص اشويه وكالو اجت جنان وابنها وبناتها وعمام احسين ورجلها اول مطبن هلهلن
جنان كلللووووشششش كلشششوووو
خلصنها هلاهل وركص
اسد علي ريحانههه
ريحانه جنت واكفه يم شذئ وسمعت اسد يصيحني رحتله
ريحانه هاا
اسد علي حسين والسيد راح يدخلون طلعي الكل ولبسيها شي وانتي البسي شي
ريحانه تمام
يله ام اسد السيد راح يجي واسد كال الكل يطلع يله بنات بسرعه
طلعن كلهن بقيت اني وشذئ وهبه لبست شذئ شال واني لبست همين وكعدت وراها
ريحانه شذئ لا تجاوبين من البدايه عيب
شذئ هسه هو خلي يجي وبعدين اجاوب
ريحانه فضحيتينه ههههه
هبه يله يمه اسد فوتو
دخل السيد هو وحسين وابو وابويه واسد علي
كعدو وحسين كعد يم شذئ وبعده السيد يعقد الهم كمل وكلهم طلعو واني همين بقينه شذئ وحسين اشويه وحدهم بس اسد تعصب ماعرف ليش دخلت هبه الهم وهلهلت وكلهم دخلو وراها اني دخلت بالاخير
البنات يركصن ويهلهلن اخذو صور وطلع حسين والبنات ركصهن مامتوقف وشذئ همين اشويه ودخل اسد علي والبنات التمن دايرة ويركصن ويا وهو لازم شذئ ويركص اشويه وجرني وياهم لزمني من ايدي وشذئ من ايدها ويركص بينه
طبعا بدون حجي ذبينه لحم اني وياهم البنات كعدن بعدين لزمت هبه وركصتها ودخل ابويه صارت تجننن بيومها اشويه اشويه بدت تخف وكلها تروح رتبنه البيت وغسلته
وشذئ لازمه تليفونها الي جابه الها حسين وتلعب بي واني انضف بالبيت باوعت للساعه 9 ونص صعدت سبحت مشطت شعري ونزلت جوعانه شفت كيك اكلت اشويه بس مشبعت
طلعت طماطه وسويتلي بسرعه وكعدت اجتي
شذئ اي ولج ميته جوع
ريحانه حقج عيني تعاي هسه اسوي اكل
شذئ واسد همين جوعان
ريحانه اكلج شبي اسد متعصب
شذئ مادري
كملت الاكل واجه اسد كعدنه كلنه ناكل
ثاني يوم مر عادي الاحد
داومت جان عدنه متحان ونبراس ماكو
اخابر عليها ماكو مغلق
بقه بالي يمها ويم امتحاناتي مر اسبوع وهيه ماكو ورقمها مغلق ادك عليها ماكو والامتحانات فاتتها
اخر يوم بالامتحانات بقيت كاعده بالكليه ادك عليها ياربي شبيها هاي غير تفتح ماكوو
وبالبيت عاديين ابويه واسد بالشغل وشذئ بالتليفون وبالي يم نبراس
انوب نحرمت من الامتحانات خرب ضميرج نبراس وين رحتي لخاطر ربج مر اكثر من20 يوم لحد ما يوم اجيت للكليه الصبح واني ضايجه وخايفه عليها انوب ماندل بيتهم وماعرف احد بالكليه يعرفها
وشفت شي خلاني اوكع بمكاني من الخوف
...ثاني يوم جان عدهن شغل كومه اجوي وعقدو وصدك مجنت قانع اني ورة سبوع جان موعد السيد يجي يعقد الهم
وادري بيهن راح يتاخرن ع الصالون ومشاءالله بناتنه عبالك فاصوليه نكعهن اربع ساعات بالمكياج يله عوود يطلعن حلوات
قنعتهن يروحن للصالون واني واصدقائي نرتب البيت وصدك واحنه نرتب اشويه اشويه اجني كرايبنه كلللهم اصدقائي سلمو وراحو خليتهن هنه يكملهن وصعدت بدلت لبست بنطرون زيتوني وبدي اسود اخذت سيارة ورحتلهن للصالون طلعن مغطيات وجهن ماشفتهن نزلن ريحانه ساعدت شذئ وامي وراهن طبت شذئ وريحانه نزعن الجبب الي لابساتهن فوك الفستان
وندارت ريحانه عليه اني واكف ورة امي
شطالعه كمر هم قليل بحقها سمائي عبالك ملاك وشذئ طالعه تجنن كعدن واني واكف بالباب يم ابويه وعمامي ورة فترة اجوي حسين واهله طبيت شفت ريحانه والبنات بدون شي ع جسمهن تعصبت عليهن ولا جنهن بس ريحانه لبست وطلعت البنات
طبيت وي السيد وحسين لكيت ريحانه كاعدة ورة شذئ كمل السيد وطلع واحنه طلعنه واحد ورة الخ بعدين طبت امي وخالتي تهلهل وطبت ريحانه وياهم والكل بدة يركص ويهلهل
جرني البنات وطبيت اركص وي شذئ بستها من راسها وركصت امي بعدين انتبهت البنات كلهن يركصن وياي بس ريحانه ماكو شفتها واكفه يم الباب جريتها وركصت وياها هيه هم ماصدكت ركصت بسرعه ويانه وطب الحجي هم بقه حاضن ريحانه اني جريتا منه خليتها ورايه
وكامت تركص وي البنات واني اركص وي الحجي مر اليوم لحد ماكامت الناس تخف
..هنا وخلص البارت وصدك اشلونها الدراسه ادري بيجن ادرسن لهاذا مجاي انشر دائما .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!