رواية نصف شهر عسل الفصل الخامس 5 - بقلم غزل الحجامية

نصيحه بنات اذا ناسيات الاحداث ارجعن اقرنها من البدايه احسللجن والي مناسيه تكمل تقرة

•┈┈┈┈• ๑▒๑๑▒๑ •┈┈┈┈•
وعندما رفعت صوتها وقالت: ليس لي أحد يا اللّه!
رُفع الأذان قائلًا :" اللّٰه أكبرّ" ✨🎋

   OZ___3
↵ ⁽💛⁾

•┈┈┈┈• ๑▒๑▒๑ •┈┈┈┈•

ريحانه بقيت طول الوقت والايام افكر بنبراس وينج وين رحتي اخابر عليها مغلق وماكو منها اخبار وين رحتي ولج والله خبلتيني

الامتحانات خلصت وهيه ماكو وبيوم رحت للكليه اول مانزلت تعبانه وضايجه نزلت من السيارة وشفت شي اول ماشفته وكعت بالكاع

ورقه جبيرة ومكتوب عليه انتقلت الى رحمه الله الطالبه نبراس ......

من قريتها وكعت بالكاع وصرخت

ريحانه نبرررااااسسسس 😭😭😭😭😭😭😭😱😱😱😱

الطلاب كلها جتمعت يمي البنات لزمني
وكفني من الكاع

واني ابجي ومامصدكه معقوله صديقتي ماتت توفت زين اشلون وليش اشلون ماتتت اخذني البنات لغرفه العميد وكعدني وطلعن واني مامصدكه بس ابجي

الاستاذ بنتي اعرف الخبر صادم الج بس هذا قدر ربج والله يرحمها

ريحانه اشلون استاذ اشلون ماتت

الاستاذ لحد هسه مانعرف بس اجانه خبر انو هيه توفت

ريحانه استاذ اريد اي معلومه عنها حتئ لو رقم احد من اهلها او عنوان بيتها

الاستاذ انتي تعرفين انو هل شي مامسموح

ريحانه شكرا استاذ مرخصتك

الاستاذ العفو تفضلي واذا تردين ارتاحي اليوم

ريحانه انشاءالله

طلعت من الاستاذ رحت بالحديقه بالمكان الي جنه نكعد بي اني وياها وبقيت ابجي واتذكر حجيها من تتعصب ومن تجوع

من تريد تحجي ويايه بشي ومستحيه من جانت تحشش ويايه من نسولف ياربي بقيت بوقتها ابجي بسكوت دموعي تنزل عبالك عمري كله ماباجيه

نبراس ريحانه شوفي هاي البنيه

ريحانه شبيها

نبراس شبيها قوس قزح عبالك كل هاي الوان

ريحانه هههههههه عود منسقه الالوان

نبراس شمنسقه رحمه لامج شوفي الحذاء من باب الشرجي

ريحانه اوووف منج ولا اتوبين بابا حرام

نبراس ولج تدرين اني اول الناس بجهنم من اموت

ريحانه ليش هههه

نبراس ولج من كد ماحجي علئ الناس حسناتي خلصن وهنه اصلا قليل

ريحانه ههههه لا بالجنه بس ماتموتين انتي

نبراس ليش ماخذه عقد من عزرائيل

ريحانه احجي بس عيب هههه

نبراس كولي عار متموتين كولي هههههه

ريحانه عفيه لكفتيها

نبراس شوفي علئ هاي حجايتج كومي جيبيلي اكل

ريحانه تدرين انتي بس اكل شبيج مضيعه فلوسج هيج هههههه

نبراس ولج اني شعليه اني تجيني الفلوس منا اركض علئ الاكل منا يله كومي

حسيت كلبي يوجعني غصه جبيرة بس ماعرف وين مكانها كمت اباوع لمكان الي جانت

تكعد بي واتخيلها وابجي شنو الي صار يانبراس شنو الي صار ليش عفتيني ليش

بقيت اكثر من ساعتين ابجي بدون صوت حتئ المحاضرات مادخلت بيهن والطلاب يرحون ويجون يشوفوني بس لانو ماعرف احد ماحد اجه وسالني بس كلهم عرفو

السبب الي يخليني ابجي لحد ماجه كرم

كرم البقيه بحياتج

باوعتله وساكته

كرم ادري صدمه الخبر هذا شنسوي ربج

ريحانه ونعم بالله

كرم الصراحه اني مصدكت من كالو ماتت مجان بيها شي

زدت البجي اني

كرم لا تسوين بنفسج هيج يامعوده الدموع ماترجعها انتي ليش بعدج هنا كومي ارجعي للبيت

ريحانه ماكدر كرم ممصدكه معقوله ماتت عافتني وراحت ليش
منو اليه غيرها بس هيه صديقتي

كرم كلنه يمج احنه اصدقائج وخواتج كومي هسه ارتاحي كومي

كمت ويا لازم ايدي ونمشي ودموعي تنزل بدون وعي مني طلعنه من الكليه بقينه نمشي علئ الشارع العام

كرم وين بيتكم انتي

ريحانه ليش

كرم حتئ اوكفلج تكسي

ريحانه بيتنه بشارع ...... ممكن اسالك سوال

كرم تفضلي

ريحانه شنو سبب وفاته احد عرف

كرم لا اني حتئ خالي من سالته مقبل يحجي

ريحانه ليش

كرم يكول سبب عادي مامحددين

ريحانه الله يرحمها

راح كرم
وكف تكسي واجاني

كرم يله ريحانه

صعدت اليورة وكرم صعد كدام

ريحانه كرم ماكو داعي تكدر ترجع

كرم لا شتحجين انزلج علئ الشارع عود

طول الطريق اتخيل بنبراس  صح احنه صداقتنه مطولت

بس بسرعه تاقلمنه سوة تفاهمنه وحسيتها اختي الي امي مجايبتها اليه

وكف التكسي يم فرعنه

ريحانه هنا

كرم يمك اهنا عمي

وكفت نزلت

كرم حجي انتضرني هنا

السايق تدلل

كرم يله عيني محتاجه شي

ريحانه لا سلامتك

كرم باجر لا تجين اذا بقيتي هيج ارتاحي

ريحانه انشاءالله

كرم يله مع سلامه

ريحانه عفته ومشيت بالفرع ماصدكت وصلت اول مافتحت الباب شفت هبه ردت اي شخص اي شخص احضنه وابجي دموعي احسها تغص بيه من تنزل

ركضت علئ هبه وابجي

هبه يا دهر صابج شكو شبيج

واني بس ابجي

هبه احجي ولج شكو ليش جايه من وقت اشصار احجي احد سوالج شي احجي

واني بس ابجي ما سكتت اخذتني للاستقبال كعدتني علئ القنفه وتحجي ويايه

هبه احجي ولج لا تخلصينها بجي شكووو شذئ شذئئئئ

اجتي شذئ تركض

شذئ شكووو شنو هاي شبيها تبجي

هبه مادري خابري الحجي خلي يجي

راحت شذئ خابرت ابويه بهاي الاثناء هبه وشذئ بس يريدن يعرفن شكوو اني من وصلت للبيت  زاد بجيي بوقتها اتذكرت امي ونبراس وكل المصايب الي مريت بيها بحياتي

اشويه ودخلو ابويه واسد مصدومين من شافوني ابجي وساكته واذا احجي اعيط من البجي

فارس شكوو خيرها شصاير

هبه والله ياحجي مادري من اجتي لحد هسه تبجي

فارس ليش جايه من وقت هسه شكوو ريحانه بنتي احجي شكوو

ريحانه 😭😭😭😭😭😭😭😭😭

اسد علي اخاف احد مسويلها شي

اجه بابا واسد كعدو يمي

فارس بس فهميني صاير شي

اسد احجي احد سوالج شي

ريحانه درت وجهي عليه واتذكرت الحبوب الي نطاهن اليه يارب مايكونن هنه السبب بموت نبراس يارب

بقيت اباوعله هو همين

اسد علي صار شي بخصوص ذاك الموضوع (حجاها بدون ماحد يسمعه)

ريحانه اشرتله براسي اي

اسد علي يمه صعدي ريحانه خلي ترتاح وبعدين نفتهم السالفه

صعدتني هبه فوك بقيت بس ابجي مادريت بنفسي اشوكت نمت بس انام واكعد حسيت جسمي موويايه

معقوله نبراس ماتت بسبب الحبوب بس اني مجان قصدي اصلا منطيتها منهن معقوله هيه ماخذتهن بدون مادري معقوله ماضاعن هيه ماخذتهن

كم مره اجتي هبه وابويه وشذئ يشوفوني شبيه ويحاولون يحجون ويايه بس اني ساكته بالاخير قفلت الباب وكعدت علئ الجربايه طلعت تليفوني وبقيت اباوع علئ رسائلنه اني وياها القديمه

نبراس اكلج ريحانه

ريحانه كولي

نبراس اليوم حمايه كال لا تتقربين من الثلاجه تنتلين

ريحانه اي وبعدين

نبراس طبعا اني اعاند فاتقربت

ريحانه وانتلتي

نبراس اكيد ههههه

ريحانه ليش تقربتي لعد وسم مو حذرج

نبراس هو حذرني واني اتاكدت

ريحانه ههههه وارتاحيتي

نبراس بصراحه ركصت ركص مدته 4 ثواني

ريحانه هههههه كبر شكد تافها

نبراس كلهم هيج يكولولي

ريحانه اممم منو يعني يكلج تافها غيري

نبراس واحد

ريحانه ادري واحد منو يعني

نبراس انجبي عيب

ريحانه هسه اني شكايله جاي اسئلج منو الواحد

نبراس يله اني اروح هسه بعدين نحجي

....

بديت اطلع صوري اني وياها واباوع بيهن ماعندي بس صورتين النه وثنينهن ناكل بيها

الوقت يمر واني ابجي بدون صوت احساسي يكولي نبراس ماتت بسببي بس اكو شي يكلي اتاكدي يله

الوقت يمر بسرعه والدنيا بدت اتضلم بدلت بدون خلك شمرت نفسي علئ الجربايه وابجي ماتت وره عشر ايام من غابت من الكليه الله يرحمج نبراس

نمت من البجي بدون ماحس فزيت علئ صوت الباب

كمت فتحته بدون وعي بس من فتحته وعيت علئ نفسي

ريحانه الله لا ينطيك لا يخليك حقير

اسد علي هاااي انتي انجبي واحجي عدل شكو شصاير

ريحانه ماتت ماتتت

اسد علي منيه الي ماتت

ريحانه صديقتي ماتت بسببك

اسدعلي واني شعليه

ريحانه اكيد ماتت بسبب الحبوب اكيد

اسد علي شكم حبايه بعتيها الها

ريحانه مبعتلها بس هيه مره شربت منهن والحبوب اصلا اني مبعتهن اني نطيتك فلوسهن مني وردت اذبهن بس مالكيتهن بجنطتي وجان حسبالي ضاعن لو وكعن مني

بس اكيد هيه شاربتهن

اسد علي مخبله انتي مخبله لو غبيه شنو اكيد اذا انتي ممنطيتها منو الي نطاها منو كلج ماتت بسبب الحبوب

ريحانه محد بس هيه ختفت واليوم شفت كاتبين انو هيه ماتت

اسد علي ريحانه لا تصيرين غبيه اتاكدي يله

ريحانه متاكده اني بس ميخالف لازم اتاكد وراها وبعدين محد يخلصك مني يااسد اذا انته السبب وروح امي اروح للشرطه واكللهم علئ كلشي حتئ لو انسجن وياك

لزمني من وجهي بيد وشعري بيده الثانيه
اسد علي اسمعي لج ساكتلج واكول خطيه حالتها ماتسمح بس اتادبي احسن مو اني الي تهدديني سمعتيني مو اني

بقيت مغمضه وابجي دفعني ونزل اني سديت الباب ونمت ورا الباب ابجي عليها

///

اسد علي رجعت من الشغل اني والحجي واشوف ريحانه حاضنه امي وتبجي ركضت عليه بس اريد افهم شكو شصاير ليش هيجي تبجي هيه ساكته بس دموع كعدناها وهيه بس بجي وتباوعلي حسيت الموضوع اله علاقه بالحبوب

حاجيتها بصوت ناصي وصدك طلع بخصوص الحبوب خليتهم يصعدونها للغرفه بس بالي كله بقه يمها معقوله عرفو وطردوها من الكليه لا ممعقوله بقيت بالبست وكل اشويه اخاي امي لو شذئ يصعدن الها وماتفتح الباب لحد ما الك نام وصعدتلها

وصدك طلع بخصوص الحبوب وصديقتها ماتت بس ممعقوله تموت بسبب حبوب مخدرة وبهل سرعه

وريحانه كامت تهدد بيه لزمتها من شعرها وشفتها شلون غمضت وتبجي حسيت بسها اشلون ضايجه تمنيت احضنها هيه تربت ويايه من الصغر ماردت هيج اسوي بيها بس صارت بعد عفتها ونزلت

ثاني يوم مارحت للكليه جنت دايخه وضايجه وشبعانه بجي نزلت الضهر

هبه ها عيني اشلون صرتي

ريحانه بخير

هبه ماناويه تحجين اليه شصار

ريحانه صديقتي ماتت

هبه شنوو

ريحانه مثل ماسمعتي

هبه وكل هذا البجي علئ صديقتج

ريحانه ام اسد تره مالي خلك راسي يوجعني

شذئ ها كعدت الخاتون

ريحانه اي اجه دوري هسه

شذئ دورج عليمن هو اني الي مدري شبيه البارحه شبيج بس تبجين

هبه ههههه صديقتها ماتت

شذئ وكل هل بجي علئ صديقتها والله بنات عيارة

ريحانه اهوووو هستوني كاعده ومالي خلكجن اثنينجن اسكتن مني لا وروح امي احركجن مخبله ترة اني

هبه تحركنه هيه امشي بابا امشي هم شايفه روحها مرة

ريحانه لا بس انتي مره بهل بيت كلهنه زلم والله يالله هم نزل وهم يدبجن علئ السطح  موزين مستحمله كعدتكم ابيت ابويه انتي وبنتج وابنج

اول ماحجيت هيج شخص لزمني من جتفي وضربني راشدي وكعت بالكاع

رفعت راسي اسد علي بقيت اباوعله اني اصلا مالي خلك ودايخه والراشدي دوخني اكثر

اسد علي هذا حتئ تعرفين اشلون تحجين وي امي واختي فهمتي

هبه بنات بدون تربيه

اسد علي كومي يله لغرفتج واني عندي حجي ثاني وي ابوج من يجي

ريحانه كمت بس ماشوف كدامي حسيت الضغط فوول عندي راسي يدك طبله موتني ماشوف كدامي وكفت بقيت اباوعلهم

اوووف يله ماعندج ام تنذلين وبسكته

عفتهم وصعدت اول بايتين بالكوة كملت الدرج اخر بايه ردت اصعدها ماتحملت وكعت كبل من الدرج ماحسيت علئ نفسي له واني بالمستشفئ ومسويلي ايدي

وابويه يمي واسد علي بالباب واكف يدخن جكاير

فارس ها بابا اشلون صرتي

ريحانه شنو هاي شصار

فارس وكعتي من الدرج اي يابابه غير تنتبهين وانتي مماكله نطوج مغذي

ريحانه مادري بابا دخت فجاءة

فارس علئ العموم نص ساعه يخلص المغذي ونطلع

درت وجهي علئ اسد علي واكف من الله ياخذك باوعلي ودار وجه مني من كبر اي والله كبر حيوان

خلص المغذي رجعني بابا واسد بتكسي اول مارجعت مشفت ولا وحده منهن

اسد علي شذئ شذئئئئ

شذئ ها ها اجيتك

اسد علي سوي شوربه لريحانه

شذئ شنووو

اسد علي وشناوه شنو شنوو امشي يله

فارس ارتاحي انتي بابا

ريحانه لا يابه مالي خلك خليني اصعد فوك ارتاح

فارس براحتج

اسد علي اكلي يله تصعدين

مهتميت لحجيه صعدت كبل فوك طبعا ايدي مشدوده وي ركبتي ماكدر اتحرك بسهوله

تمددت علئ الجربايه وغمضت عيوني احس جسمي نحلان بقيت افكر بالانسانه الي ماتت بسببي
معقوله صدك ماتت بسبب الحبوب لا ياربي لا تحملني هيج ذنب شلت التليفون واباوع ع صورتها وابجي ماعرف شنو سبب بجي

ابجي لانو خسرتها لو ابجي لانو جاي احس اني السبب بموتها بقيت صافنه ع صورتها لحد ما نمت

ريحانه نبراس نبررراس الله عليج اوكفي نبراس

نبراس ريحانه هو هو السبب

ريحانه ادري ادري سامحيني سامحيني نبراس

نبراس انتي كلشي متدرين كلشي متدرين

ريحانه ادري اسد علي سبب موتج ادري

نبراس اصحي ريحانه احصي

ريحانه بقيت ابجي لحد ماصحيت من الحلم وابجي ساعه 4 ونص الفجر كمت بالكوة من الفراش

جسمي احسه كله ذبلان ومابيه اتحرك وجوعانه

فتحت الباب ونزلت غسلت وجهي بهمال. ومابيه امشي احس الدنيا تفتر ورحت للمطبخ بالكوة

فتحت الثلاجه بعدني مفاتحتها حسيت هايهيا الدنيا فترت بيه من صدك وكعت بدون ماحس
...
كعدت الضهر لكيت نفسي بفراشي اشلون مادري وهبه ع راسي
كلت اكيد حلم لعد

هبه يله عيني كومي اكلي شي وجهج ذبلان

ريحانه تعبانه كلش مابيه اتحرك

هبه شو بله اخاف مصخنه.

اي ولج يمعزايه مصخنه كلش هاي لان مخصتها بجي ونوم وماتاكلين لازم هيج يصير امشي تحركي

ريحانه خليني اسبح بالبدايه

هبه ديله اسبحي بس اسبحي جوة لا توكعين ومحد يحس بيج

ريحانه تمام

اخت ملابسي ونزلت اني وياها دخلت للحمام وهيه راحت اصب اكل سبحت وطلعت انشف بشعري

وكفت كدام المرايه حتئ امشط بس ماكدرت سمعت صوت بابا واسد علي دخلو

فارس السلام وعليكم
هبه وعليكم السلام الله يساعدكم

فارس وين ريحانه

هبه تسبح

اسد علي اشلون صارت

هبه زينه نزلتها تاكل

ريحانه سمعت حجيهم طلعتلهم بالهول

ريحانه ها بابا الله يساعدك

فارس هله هله ببنيتي ويساعدج اشلون صرتي

ريحانه بخير

فارس خوفتينه عليج يابويه شجاج

ريحانه اسفه بابا موقصدي

فارس دتعاي نكعد سوة واذا تردين نطلع العصر اني وياج تغيرين جو

ريحانه لا بابا مالي خلك

فارس لا اشو اله نطلع سوة وبس اني وياج 😂

ريحانه تدلل لعد

شافتني هبه لازمه المشط

هبه شنو ماتكدرين تمشطين

ريحانه لا ايدي تاذيني

هبه تعاي اكعدي خلي اطفي الغدة واجيج امشطلج

ريحانه ماشي

ريحانه امشي واتحرك ومامعبرة اسد علي عبالك ماموجود اصلا يمي

كعدت اجتي هبه مشطت شعري ولفته وكمنه ساعدتها اشويه وصبينه الغدة

كعدنه ناكل وبقينه نسولف واني ممعبرة اسد حاول يحجي بس اني منطيته مجال وشذئ نايمه عيني مخلصتها حجي وي حسوتشي

اشويه وبابا كال كومي بدلي يله

ريحانه وين نروح

فارس مكان مرايحته قبل

ريحانه اممم انشوف

وصدك كمت بدلت ومكيجت مكياج خفيف ونزلت طلعنه سوة رحنه بطريق من سم الاعضميه كتله بابا وين رايحين

فارس هسه اكلج

نزلنه الجسر مالت الامام الكاضم كتله بابا راح نروح للكاضم رايحتله ترة 😂
فارس اوكفي ولج

طبك السيارة ونزلنه جوة من يم الشط بالبدايه اكو بيوت بعدين الشط

وكعدنه

الجو جان مغربيه يعني بي ضوة شويه

فارس شنو رئيج بالمكان

ريحانه كلش حلو والهوة يجنن

فارس هنا قليل يجون هيج وقت تكعدين وتنسين الدنيا بالمنظر

ريحانه محتاجه انسه كلشي اني بابا

فارس ريحانه بابا ادري بيج تعبانه هل فترة ومتاجتني يمج وتدرين بيه يمج دائما صح مرات تاخذني الحياة منج بس تبقين ابالي

ريحانه اكيد يابه ادري بيك ومامقصر انته ويايه بالعكس

فارس يعني اذا يصير شي تحجيلي

ريحانه اكيد اطمئن

حضني وبقينه اشويه واني ع جتفه بجيت الهوة يضرب وجهي واني ابجي بهدوء حس بيه بس سكت بقيت اشويه اباوع للمي اشلون يتحرك من البلم (السفينه) تمشي بي والطيور الزرع القليل الي داير مدايرة الجسر الي يمشون عليه الناس

الماي يضحك من تشك صدره السفن

فارس ها نكوم نتعشه

ريحانه اي يله

كمنه اني ويا خله ايده ع جتفي وحضني ونمشي صعدنه السيارة

ورحنه مطعم تعشينه ونسولف صح خفف عليه اشويه نسيت همومي
كملنه رجعنه وتمنيت مانرجع واشوف اسد علي كبالي

...
اسد علي من سمعت هيه طالع وي ابوها متت شعدها طالعه لا انوب تاخرت

هبه اليوم مطالع شكو

اسد علي يعني اشلون نبقه مايعجب نطلع مايعجب

هبه يا شبيك هيج كبيت هو اني شحجيت يايمه

اسد علي يمه راسي يوجعني صبيلي جاي

هبه شذذئ ولج شذئ

جيبي جاي لاخوج

اسد علي طلعت التليفون والعب بي

الجاي ويينن

هبه هاي اختك فاهيه

اسد علي وذيج وين ولت

هبه دعوفها يمه تطلع تتونس وي ابوك انته لا بالكليه راضي ولا بطلعتها وي ابوها راضي

اسد علي يمه اني لو عليه حتئ الكليه ابطلها شنو تطلع كل يوميه

هبه يايمه انته تعرف ريحانه اشلون وتعرف تصرفاتها  ومايحتاج احد يخاف عليها

اسد علي ادري بيها بس الدنيا مو امانه والبنات يلعبن شقه شبر

هبه اني لو ماعرفها هم جان حجيت بس ريحانه فاهيه شتحجي وياها وكالتلك هاا وهل شفتها اشلون تبجي ع صديقتها

اسد علي اي يمه يله ولججج الجاي

اشويه وطبت هيه وابوها اباوعلها بس سلمت علئ امي وصعدت فوك كبل ولا كانو اني موجود ولا عبرتني اني اعلمج ريحانه قابل كلمن ابيت وهيج ولا كانو شايفتني

شذئ اسد اليوم ماتطلع

اسد علي زاعجكم شنو

شذئ لا خويه مو قصدي بس اريد كم شغله

اسد علي مو هسه فد شويه اطلع

فارس عود جيب موطه وياك لريحانه

اسد علي تدلل حجي

هبه اشلون صارت حجي

فارس زينه الحمدالله غيرت جو اشويه

هبه اي احسن الواحد لازم يغير بين فترة وفترة

شذئ جا اني شبيه محد يغيرلي جوي

اسد علي البنيه تعبانه انتي شعندج

شذئ عمت عيني عليج ياشذئ محد مساندج

اسد علي لا تلطمين اتزوجي واطلعي براحتج

هبه يايمه احنه جنه قبل ولا نكول طلعونه تزوجنه وماعرفنه الشارع شنوو

شذئ اي ماتشوفين ابويه طلكج كل مايجي من الشغل يلكاج مسيرة عد وحده من حبايبج

هبه يااا هاي اني

اسد علي دكافي بس بهاي شاطرة حضرتج

......

سوري ادري جاي اتاخر