رواية نصف شهر عسل الفصل الثالث 3 - بقلم غزل الحجامية

#تـدري شلـون ﺎدخـن⁉️🚬
 هـاﺂي #ﺄلايــــام ☹️
ﺄسـحب #ذگـرياتـڰہ💢🔚
 وﺄﺄنــفـخ #ودﺂﺂﺂع 😔✋

غزل الحجاميه
     نصف شهر عسل

...

ريحانه بقيت ادك عليها ماكو كلش خفت عليها امشي بالكليه واحس كلهم يباوعون

عليه وماعرف احد بقيت بالمحاضرات وبالي مو وياهم كل اشويه اباوع

علئ جنطتي واحس كلهم يباوعون عليها حسيت برتباك وخوف والطلاب كل واحد مندمج بشي البنات يسولفن لو منتبهات للاستاذ من يشرح

والشباب لو يسولفون لو يغمزون للبنات صديقاتهم والاستاذ يقرة الكتاب الي بيدة

ماصدكت خلصت المحاضره
طلعت من القسم طلعت تليفوني وخابرت علئ نبراس مغلق خفت اكثر

طلعت كعدت بالكافتريه جبت جاي لانو حسيت راسي راح ينفجر

كرم اممم نكول هلو

ريحانه صافنه ومانتبهت اله

كرم الوو خاله وين شارده

ريحانه شنو

كرم هلاو

ريحانه هلاوات اكو شي

كرم اله اكو شي يله نسلم علئ بعض المفروض احنه زملاء

ريحانه اهلا

كرم امم اهلا شنو ماراح اقبل اذا ماتعزميني علئ جاي بس لانو عيب زحمه اول مرة راح اعزمج اني

ريحانه مشكور كاعده اشرب جاي

كرم كلت اعزمج مو شرط اشربج اشرب اني عادي

ريحانه عفته وسكتت كام جاب جاي وكعد يشرب ويباوعلي

ريحانه مضيع شي بوجهي 

كرم اي والله مضيع خمسميه مالت الجاي

ريحانه انته عزمت نفسك اني ماعزمتك

كرم يمه شبيج جلفه

ريحانه عن اذنك

كرم بس

ريحانه عفته يحجي وكمت دخلت للمحاضرة الاخيرة ماصدكت خلصت المحاضرات

رجعت للبيت اول ماطبيت شفت شذئ

شذئ اي عمي اشوكت نصير بالكليه ونخلي هلكد مكياج

ريحانه شتخلين هو انتي ضلمه  شينشاف منج

شذئ شنو شنو ترحين فدوة اني سمرة اجنن مو مثلج بيضه وماصخه

ريحانه مني مني الماصخه شو تعاي شوفي عندي الكهرباء مشتغله وعندج محتركه من قرن ونص

شذئ مكهورة مني ادري بيج الخوثه العوبه ترحيلي فدوة

ريحانه ديله وخري مني مالي خلكج

شذئ اصعدي اصعدي لا تبجين

ريحانه اكلج اخوج وين

اول ماحجيت سمعت صوت ورايه

اسد علي شتردين من اخوها

ريحانه درت وجهي عليه . شريد يعني مجرد سوال

اسد علي راح اسبح صبولي غدة

ريحانه عفتهم ورحت للمطبخ شفت هبه جاي تطبخ

ريحانه ها كملتي

هبه اي اصعدي بدلي شمنتضرة

صعدت ذبيت مي ع جسمي ورفعت شعري وبدلت بقيت ادك علئ نبراس ماكو نغلق ومانفتح بعد

نزلت لكيتها تصب الغدة وبابا كاعد بست راس ابويه

ريحانه الله يساعدك حبيبي

فارس هله بنيتي ويساعدج

ريحانه اشلونك اليوم ماشفتك الصبح

فارس انتي طلعتي من وقت ماشفتج

ريحانه اي ابو الخط اجه من وقت

اسد علي عوفي السوالف وجيبي الاكل وي امي

ريحانه باوعتله بدون هتمام ورحت جبت الاماعين وكعدت بالنص وبديت اكل ومحد حجه واني بالي يم البنيه الي راح يضيع مستقبلها بسببي

وبالشيطان الي كاعد يمي

كملو واحد وره الخ كامو كمت اني خليت الجاي ع النار وغسلت الاماعين

ريحانه اليوم اسوي حمله علئ البيت انضفه كله

هبه شذكرج صارلج شكد ممسويه تنضيف شامل

ريحانه هسه موزين اريد انضفه ادري بيجن ماتنضفن اذا مو اني

هبه عوزها والله هم تنضيف وهم اطبخ شصير اني رجل الي

ريحانه علئ كيفج هنه مركه وتمن كليوميه لو فاصوليه لو تبسي واذا حبيتي تعبين تسوين دولمه

هبه اااا والله وتاكلين سم انشاءالله واذا معاجبج سوي انتي الاكل مو بكليتج من الصبح للضهر ومن تجين تشرطين عليه

ريحانه سم ابطن الحجه واني مجاي احجي شي غلط هذا الصحيح واذا علئ كليتي هاي بنتج مو هم من الصبح للضهر مدرسه ويارت فالحه وتنجح

هبه ولج اشوو تعلين بصوتج عليه وانتي شعليج ابنتي ترحين فدوة الهالا عبالج مكلتلي علئ الحجي الي حجيتي الها اعرف بيج تغارين منها

ريحانه شنو شنو اغار منها علئ شنو علئ زراكه لو علئ عيونها عبالك استكان جاي ثلاثي الابعاد طالعات مترة كدام

هبه ولج والعباس ابو فاضل اكوملج اكسرج لو اكلج انتي دواج اسد علي
يمه تعاااال

ريحانه خاب امداني هو هذا هم حضي وخري مني شو وخري حتئ الجاي احترك

فارس انتو اشلون وياكم الواحد ميكدر يعوفكم اشويه مايكدر يصلي يدعي ربه لازم تكبن

اسد علي شكو خير حجي اشصاير

هبه اووف يايمه مو بنيه موتتني بس اداهر بيه تتعارك وي ذبان وجه اليوم تكول لشذئ الزركه وتعيب عليها وهسه تحجي وتغلط عليه هو هذا قدري عدكم تخلون الزعطوطه تغلط عليه

اسد علي ماعاش الي يحجي عليج وانتي هييي اشوكت تعقلين

ريحانه عندي اسم شنو هي وانته امك مكهربه بس تسمع شي تكب عليه علئ اقل شي

اسد علي وتتحملينها غصبن ما عليج فهمتي لو لا

ريحانه عشتووو انوب يهدد وانته شعليك اسوالف نسوان تدخل بيها شكووو

فارس اشووو انتو ماتحترمون اسمعن انتن وانتي شذئ اذا سمعت الجن صوت مرة الخ ماتلومن اله نفسجن سمعتن لو لا

الكل ساكت

فارس جاي احجييي فهمتن لو لا

هبه تدلل حجي من عيوني تدري بيه احبها بس هيه حجي اداهر بيه مادري شمالها

فارس هذا هو نسد الموضوع

كلها طلعت من المطبخ بقيت بس اني واسد علي
واني متعصبه ردت اشيل القوري ابراسه

ريحانه خير ياستار ماتلحكهم

اسد علي لحد اي والله لحد  غمه ماتصيرلج جارة

طلع من المطبخ شلت القوري وهو حار وركعته بالكاع  بالمطبخ كله نترس جاي
هبه كامت تصيح من الاستقبال

هبه هااااا نهجمنه بشروننني

ريحانه لا بعد هجمكم العباس انشاءالله

هبه شوف حجي اشلون تدعي علينه

ريحانه هسه اني فاكه حلكي اسكتي مني خلي انضف

ريحانه طنشتها ورفعت دشداشتي ولبست طاك وبديت انضف بديت بالمطبخ وطلعت للهول وللغرف وبعدين للاستقبال وهمه كاعدين يباوعون عليه واني انضف ويتفرجون تلفزيون

ولا وحدة منهن عرفت تكلي اساعدج من كبر

كملت تنضيف صعدت كبل سبحت وبدلت وكعدت اقرة اشويه جريت تليفوني لكيت نبراس مخابره عليه

دكيت عليها بسرعه

ريحانه الووو

نبراس هلو حياتي اشلونج

ريحانه بخير كلبي شنو اشوو ماكو اليوم

نبراس مريضه والله راسي راح ينفجر وغلقت التليفون 

ريِحًاَْنَهً خيرج شكو

نبراس ولج مادري بس صخنت واهلوس اهواي ومن صحيت ماتذكرت شي

ريحانه ها سلامتج حبي ماتشوفين شر باجر تجين مو

نبراس اي اكيد اجي

ريحانه ولج لو تشوفيني اليوم عبالك مطلكه وماخذين جهالها بس ادور عليج وصافنه واتعارك وي ذبان وجهي

نبراس هههههه ليش ولج

ريحانه لج غير انتي ماكو وماعرف احد هناك وهذا البلوة كرم لزكلي لزكه اليوم

نبراس هههه صدك شسوة

ريحانه لج عزم نفسه علئ جاي يمي ويكلي مضيع خمسميه بوجهج

نبراس هههههه شكد فاهي يعزم ويريد افلوس العزيمه

ريحانه لج لزكه والله بالاخير عفته وكمت

نبراس يله باجر نعوضها

ريحانه ولج نهد حيلي جنت انضف يمكن باجر ماجي

نبراس جذابه

ريحانه لعد شعبالج بس انتي ماتجين اني هم ماجي

نبراس انجبي باجر نلتقي

ريحانه انشاءالله حبي

نبراس يله حبي اني اروح اشوف عمتي

ريحانه ميخالف حياتي  مع سلامه

نبراس باي

...

سديته منها وبقيت صافنه ع التليفون يارب مايصير بيها شي الله لا ينطيك اسد علي

شسويت بيه

ريحانه مابقه شي للامتحانات ولازم انتبه هل فترة ومعليه باسد علي واذا حجه ويايه اكول لابويه عليه واشوفه الشريط اكيد يصدكني

انتي تضحكين علئ نفسج اكيد مايصدكني ويصدك حجي مرته وابنها واني شسوي بهاي الحاله ريحانه هو شريط احجي وي اسد علي بس هل شريط وبعد كافي وبيعي بس اي اي

بس اسئله بالبدايه شنو مفعولهن واذا كلش كلش انطي افلوسهن اني واذبه للشريط اي خوش فكرة ترة اليوم انزله واحجي ويا

باوعت ع الساعه 8 ونص كلت خلي انزل اكل جعت وكملت قرايه

نزلت لكيت هبه وشذئ يتفرجن تلفزيون

ريحانه لعد ابويه وين

هبه طلع

ريحانه مو من عوايده شعجب

هبه بكيفه

ريحانه احسله بلكي يخلص اشويه

هبه شنو شكلتي شو علي صوتج

ريحانه هسه اني حاجيه شي كايله شسالفه بسرعه تكبين عليه يووو

هبه شو روحي روحي مالي خلكج

ريحانه ع اساس اني الي خلكج

عفته وطبيت للمطبخ مرت ابويه زينه مو مثل البقيه وماتعرف تتعصب ع شخص اهواي هنه كلمتين تحجيهن وتسكت واذا والشخص اجه وحجه وياها هيه هم تحجي هيه اصلها من الحله من نسوان قبل بس ابنها وبتها يدفعونها عليه

سويتلي لفه اكلتها واني واكفه غسلت كم ماعون بسرعه وخليت الجاي

ريحانه اكلج اكلج ام اسودي اشربين جاي

هبه لا ماريد

ريحانه خدرت جديد خلي اصبلج ويايه

هبه اي عود صبيلي

ريحانه تدللين

صدك صبيت الجاي ورحت كعدت يمهم يباوعون تلفزيون جان طالع فلم بقينه نباوع شذئ شافتني كعدت كامت

ريحانه شخبارج اليوم اشلون صرتي

هبه زينه الحمدالله بس يارويحه لو تشوفين رجليه صايرة زركه حتئ ابوج يكلي

ريحانه اخاف مورمه

هبه اي يمكن كل اثر هاكبرة

ريحانه شنو رئيج باجر من اجي من الكليه نروح لدكتورة موجوده ع الشارع العام يكولون زينه

هبه والله مادري تدرين بيه ماعندي وقت اطلع

ريحانه بكلبها هجم بيتج الي يسمعج يكون كالبه البيت كلاب

ريحانه اي شوفي فاباجر من اجي الكيج جاهزة نروح اني وياج وهم ناكل موطه

هبه انتي مو عليه ع الموطه ادري بيج

ريحانه ههههه لا والله بس اشوفج تعبانه ومتغيرة بطريقنه نمر للمركز الصحي نسوي تحاليل اخاف فقر دم شي لا سامح الله

هبه هم فكرت بيها ميخالف باجر نروح

ريحانه صدك شذئ شلونها بالسادس

هبه مثل ماشوفينها تقرة وتكول نسيت

ريحانه هيه عقلها فارغ مخلصتها نوم وهذا الشي غلط ميصير خلي ابويه يحجي وياها

هبه ولج يحجي وكلشي ماكو بالاخير ادري بيها تزوج وتكعد

ريحانه صدك مو كلتي جايينها خطابه شصار بالموضوع

هبه هو ابن خالتها زين ورايدها بس نقنع اخوها اذا عليها هيه توافق عادي

ريحانه اي احجي وي اسد علي وبس هل سنه اذا مافلحت بالدراسه زوجيها عاد تضمن شي

هبه الله كريم

ريحانه اسد علي وينه ماشوفه

هبه طلع كشخ وطلع كال صيحيها علئ العشه بس شذئ تعاجزت تصعدلج اني ماكدر ابوج كال عوفوها هيه من تجوع تنزل

ريحانه اي وجنت اقرة اني

فارس ها السلام وعليكم

هبه وعليكم السلام

ريحانه وعليكم السلام اليوم طالع شنو رجعنه شباب

فارس من زمان شباب اني ولج بس جان صاحبي ابنه يزوج وعزمني رحتله

وبقينه نسولف

ريحانه ايووا انوب عرس شتكول نسوي عرس هنا

فارس واله ياريت افكر اني بهل شي بس عندج وحده اليه

هبه ها حجي تريد تبدلني

ريحانه لا يابه لا مامرجيه منك هايه اني جان قصدي نزوج اسد علي هههه

فارس اي اني هيج جان قصدي ولج

ريحانه ها ها اشوفك سحبت كلامك

فارس لا هيه ام اسد تتبدل

هبه اكعد عيني ليش واكف

فارس لا اروح للغرفه ارتاح اشويه

هبه براحتك

فارس يله بابا تصبحين علئ خير

ريحانه وانته بخير

هبه واني اخذني وياك

ريحانه مو تنسين باجر اجي الكيج جاهزة

هبه اي انشاءالله

ريحانه دخلو همه للغرفه اني بقيت كاعده اباوع علئ التلفزيون اشويه واجتي شذئ

شذئ اكلج ريحانه اشرحيلي هذا الرياضيات ترة كلشي ماجاي استوعب

ريحانه شو نطيني امممم سهل هسه اشرحه الج

شذئ يله

ريحانه شرحتلها الماده

ها فهمتي

شذئ اي فهمت

ريحانه عندج شي ثاني

شذئ لا بس هذا مالي خلك اقرة بعد

ريحانه شدي حيلج وبس هل سنه هيه

شذئ يمعوده مالي خلك الدراسه

ريحانه زين شنو رئيج بابن خالتج الي متقدم الج

شذئ اي ماما كالت الي ماعندي مانع شكو بيها موزين خطابتي هواي

ريحانه ماكتلج خطابتج هواي كتلج شنو رئيج بالفكرة عادي تتزوجين عاجبج يعني

شذئ اي حسين زين حلو وفقير يعني امشي بكيفي واهم شي عنده

ريحانه لج فكري بحياتج تكدرين تتعايشين ويا

شذئ اي هو قابل شنو احتاج

ريحانه ودراستج شسوين بيها

شذئ مو جاي تشوفين بعينج اقرة وماستوعب  ليش مادري

ريحانه اتزوجي احسلج

شذئ اي بس خلي نقنع اسد علي وانشاءالله انتي هم تزوجين وتفرحين ولو ماتكلين مثل حسوتشي

ريحانه شبسرعه صار حسوتشج دخل تصير

شذئ تصير تصير

ريحانه الله يوفقج المهم اذا مارايده شي بعد من تطلعين سدي الضوة

شذئ اي

طلعت وطفته للضوة من كبر اي والله كبر خايبه الزركه حسوتشي ماتلكين مثل حسوتشي والله لو تدرين شكم مرة حسوتشج حاول ويايه وراد يرقمني ويجيبلي تليفون هو واني ماقبلت الزركه

هم شايفه نفسها بنيه

هوو واني اشبيه مضوجه نفسي طبها سم خلي اباوع علئ التلفزيون قبل لا يشفر

واني اباوع علئ التلفزيون غفيت بدون مادري اول مانمت نفتح الضوة فزيت

اسد علي شسوين هنا

ريحانه شبيك هيج تكمز الواحد

اسد علي شعليه انتي نايمه هنا واني عايف غراضي هنا

ريحانه المهم جنت منتضرتك

اسد علي اجه وكعد يمي خير شرايده

ريحانه اسد علي الله عليك اني مثل اختك كولي شنو اضرار الشريط

اسد علي صدك بعتي لا

ريحانه كولي يله

اسد علي مابي اي اضرار عادي بس بالبدايه احساس غريب بعدين عادي

ريحانه اسد علي مو تجذب عليه

اسد علي اهووو مالي خلكج باجر اخر شي تسعين الف تجيبيهن اليه فهمتي

ريحانه اي اكلك ليش هيج غاليات عود

اسد علي هنه سعرهن هيج من برة جايات غاليات

ريحانه اممم

اسد علي يله اصعدي لغرفتج

عفته وكمت صعدت هو كام سد الباب ورايه

...

اسد علي مر الوقت ورة ماخابرتني ريحانه عادي بعدين رجعت واني اخابر بصديقي اول مطبيت سمعت ريحانة تتعارك هيه وشذئ ولا يتوبن ذني واني هم ماتوب

احب اشوفهن يتعاركن شكلهن يضحك يصير المهم من خلصن عرك سمعت ريحانه تسال عليه جاوبتها حسيت بيها رايده شي بس ماحجت

طبيت سبحت وطلعت تتعارك هيه وامي هههههه ذني اليوم ماراح يخلصنها عرفت ريحانه متعصبه اكيد صاير شي طبيتلها تحجي من ورة خشمها يعني صاير شي الحجي سد العركه طلعت وهاي بقت صافنه

غميتها وطلعت وكلبت قوري الجاي هههههه يله هيه الي تنضفه وصدك بقت ادردم وتنضف البيت كل اشويه المحها اشلون تنضف بعدين شفتها ورجلها كلها طالعه خزرتها ماحست عفتهم وطلعت وي اصدقائي رجعت باليل شفتها نايمه بقيت اباوع عليها بس نايمه نومه مو

قانونيه فتحت الضوة فزت عرفتها منتضرتني تحجي وياي كعدت يمها وصافن علئ حركاتها وخوفها

صعدت نامت اني بقيت اشويه كاعد ونمت 

....

صعدت نمت اني بسرعه كعدت ساعه 6 ونص سبحت وبدلت رتبت نفسي وقررت اني انطي افلوسهن اليوم حتئ لو نصهن والباقيات من ادبر الفلوس انطيهن اله

نزلت لكيت ابويه واسد علي كاعدين

ريحانه صباح الورد

فارس صباح النور باباتي

ريحانه اسويلكم ريوك بسرعه 

فارس اي استعجلي هسه يجي ابو الخط مالتج

ريحانه اي

سويتلهم ريوك هستوني خليته وكعدت اكل اجه ابو الخط

فارس ههه مامقسوملج تتريكين

ريحانه ابو الخط مصيبه

يله مع سلامه

..

وصلنه للكليه نزلت شفت نبراس اجتي يمي حضنتها

نبراس اشلونج اشتاقيتلج ولج

ريحانه اني اكثر والله اشلون صرتي هسه

نبراس زينه الحمداله بخير

دخلنه وبس سوالف محاضرتين مادخلنه الها دك سوالف

نبراس ولج لو تشوفيني اهلوس واحجي حجي مامفهوم حمايه ميت ضحك  عليه

ريحانه ههه واشلون صحيتي

نبراس حمايه يكول نمت وكعدت زينه  بس تدرين من كعدت كلشي ماتذكرت
ههه

ريحانه هاي يمكن افلاونزه لو راسج

نبراس اي يمكن

ريحانه الله لا ينطيك اسد علي ولو هو شمنطيك بقينه نسولف اني ونبراس

نبراس ولج تدرين هذا كرم طلع ابن اخت العميد

ريحانه من كلج

نبراس قبل فتره سمعت بنات يحجن بي

ريحانه يمعودة شعلينه

نبراس اي انتي شكو ماكو

ريحانه علئ حطت ايدج بس اليوم اريد اخذ هبه للمستشفئ

نبراس خير شبيها

ريحانه تعبانه كلش

نبراس اكلج صدك الحبوب الي ذيج المرة شربت منهن الها لو لابوج

ريحانه ها اي هنه لابويه بس مرات هيه تشرب منهن

نبراس وليش انتي تجيبيهن الها

ريحانه مو الصيدليه علئ طريقي فاعادي

نبراس ودائما تجيبيهن

ريحانه اي ومرات ابنها يجيبهن

نبراس اني جعت كومي

ريحانه ام بطن كومي نكعد بالكافتريا وناكل

نبراس لا لا هنا شنسوي هناك هوسه

ريحانه ماشي

نبراس هاج جيبيلي لفه وعصير بارد

ريحانه ماشي

ريحانه رحت جبتهن ورجعتلها اكلنه وكملنه الدوام عادي

نبراس حاجيني اليوم

ريحانه ماشي من ارجع من الدكتورة اراسلج

نبراس ماشي يله باي

ريحانه مع سلامه

صعدت بالسيارة وصلت للبيت طبيت لكيت هبه جاي تبدل

ريحانه سلام وعليكم ها كملتي

هبه اي بس جواريب

ريحانه يله علئ ما ارتب وجهي اشويه
اجه بابا لو بعده

هبه لا بعدة عود من يجي شذئ هنا

ريحانه اي يله

طلعنه بالكريق ونسولف وهيه تمشي بس علئ كيف

وصلنه للدكتورة سوتلها تحاليل كالتلها عندج نسبه الدم كلش عاليا وهشاشه بالعضام نطتها علاج وابر

ريحانه انشاءالله علئ العلاج تتحسنين

هبه يمعوده كلاوات بكلاوات وداعتج

ريحانه لا انشاءالله خير بس ترة اتاخرنه

هبه اذا هواي عليها

ريحانه اي ساعه 5 ونص

هبه ديبه ناخذلج موطه ونروح

ريحانه ماشي

صدك اخذنه موطات ورجعنه للبيت لكينه بابا نايم واسد علس كاعد بالاستقبال

اني كبل خليت الموطات بالثلاجه وصعدت فوك

جان عندي 45 الف كلت انطيه 40 واكله كم يوم وابيع الباقيات

وصدك بيومها نطيته الفلوس باليل

اسد علي شنو هاي بس ذني

ريحانه اي بس اربعه وبلكوة كم يوم واشوف البقيه بس اسد احنه متفقين اول واخر مرة بداعت امك

اسد علي اهوو شلزكتي مو كلنه اي يله روحي لا يجي احد

ريحانه اي

ريحانه ردت اكوم اجتي عيوني علئ ركبته حمرة كل اثر شكبرة هو نتبه

اسد علي ها خير شبيج

ريحانه ها مابيه شي

اسد علي ديله روحي ولاتركزين علئ سوالف ماتخصج

ريحانه يا عشتوو

عفته ورحت هم شراب عرك وهم مخدرات وهم نسوان شمخلي للشيطان

...

ادري البارت قصير بس يله عادي ادري انتن ماتزعلن مني فديت ☺😍 بس ترة 2470 كلمه يعني مو كلش قصير زين