رواية نصف شهر عسل الفصل السادس 6 - بقلم غزل الحجامية

.
.
.
.
.

🌸🎬
واضحــك لليــشبـهك
واصــفن شگــد بي
حتــى الــبي شــبه منــك ولا يــنمل

رجعنه واني بنفسي مارجع حتئ ماشوف اسد علي بس

شسوي نزلت من السيارة اني وابويه ومشينه للبيت فتح الباب بالمفتاح بيدة ادري اذا احجي دكولون جاي تبالغين بس احس حتئ الهوة الي بالخارج

احسن من الهوة الي بالبيت لانو اسد علي بالبيت وبهاي الطلعه اني وابويه قررت منا وهيج اواجه وماخلي اي شخص يتحكم بيه بعد او يهددني

وقررت اتاكد منو السبب بوفاة نبراس واذا طلع اسد علي اني اندمه مو الشرطه

صحيت من صفنتي ع ايد ابويه

فارس ها بنيتي وين رحتي

ريحانه ها لا بابا سلامتك

شذئ ها اجيتو

ريحانه شجاي تشوفين 😊

فارس اني تعبت راح ارتاح بالغرفه وين امج

شذئ هستوها طبت للغرفه

ريحانه اني هميين تعبانه راح اصعد ارتاح اشويه

شذئ جايه وياج

ريحانه ليش

شذئ رايدتج بشي

ريحانه خير ياستار شكو احجي

شذئ شبيج هسه اني شكايله كتلج رايدتج بشي امشي يله اصعدي كدامي

ريحانه هاي هاي انوب تتئامر وخري عدي رجل واصعد

صعدت وهيه اجتي ورايه كعدت ع الجربايه وباوعتلها رفعتلها حاجبي

ريحانه ها خير شصاير

شذئ خطيبي

ريحانه شبي

شذئ رايد نطلع سوة

ريحانه اي وشنو يعني

شذئ اسد علي مموافق ابد مايقبل

ريحانه ليش

شذئ ماعرف يكول مو هسه اذا تردون اطلعون روحو اتزوجو واشبعو طلعات

ريحانه بس انتو مصارلكم اهواي من نخطبتو

شذئ وهو حسين هم هيج يكول ليش نستعجل خلي فترة الخطوبه تصير حلوة طلعات شي
بس انتي جاي تشوفين اسد علي ميقبل ابد نطلع

ريحانه زين اذا اسد علي ميقبل شتتوقعين مني اسوي قابل اذا حجيت ويا راح يقتنع

شذئ طبعا لا بس اذا كنالهم انتي ترحين ويانه يوافق

ريحانه خاب انتي الج خلك مشوفيني اشلوني مابيه اشيل روحي انوب اطلع وياكم

شذئ واحنه ميتين ع طلعتج قابل اني وحسوتشي تفقنه نكول انتي ترحين ويانه ونعوفج بمكان واني ويا نتونس براحتنه

ريحانه هلو هلو انوب تعوفوني بمكان اي وين ناوين تعوفوني بشروني بالسوك لو ع الشارع العام اكعد علي الرصيف انتضر سعادتكم لحد متجون موو

شذئ لج لا نعوفج بحديقه بمطعم بكيفج

ريحانه شذئ كومي مني احسلج لا والله اني اطلعج بيدي

شذئ الله عليج ريحانه شبيج والله ضايجه واريد اطلع اشويه ويا غير خطيبي الله عليج اني مثل اختج

ريحانه شذئ اسكتي مني اسكتي شايفه اذا دره اسد علي يلعب بيج لعب واني مالي خلك صياحه ومابيه حيل اداهرة

شذئ اشلون يدري اذا محد بينه دكوله الله عليج والله مايدري نطلع ونجي سوة

ريحانه مادري زين اشوكت تريدون ترحون

شذئ بعد يومين يعني يوم الخميس

ريحانه وبيش الساعه

شذئ عصريات

ريحانه ماشي بس اني ماحجي وي اسد علي معليه انتي قنعي واني موافقه

شذئ يمه فديتج ماكو مثلج والله

ريحانه اي ادري

وهيه تحجي دك التليفون مالتها

شذئ الوو ها حسوتشي .. اي محد يمي .. ليش وين تريد ... ها اي حبيبي يوم النه .. اي حبيبي قنعتها وافقت .. اي اي قنعت اني احجي وي اسد .. اي

وعافتني وطلعت من الغرفه بدلت وبقيت العب بالتليفون وحضرت نفسي للكليه لانو قررت اروح وصدك كعدت الصبح ورحت للكليه صح مالها طعم بدون نبراس بس شسوي لازم اروح وارجع ثقتي بنفسي

من دخلت اكو طلاب بقو يباوعولي وطالبات ابتسمن اليه بس اني مهتميت رحت كعدت بالكافتريا وطلعت الفون سويت نفسي العب بي واني اصلا بالي بنبراس واشلون جنه نكعد سوة ونشاقه الئ ان اجه وقت المحاضرة ضميت الفون بالجنطه وشلت غراضي ومشيت

دخلت للقاعه الكل باوعلي صح ضجت من نضراتهم بس شسوي بيهم بقه يباوع ويحجي وبيهم بقه يباوعلي وساكت وبيهم الي ابتسم

طنشت الكل ورحت كعدت بنفس مكاني الي جنت اكعد بي وي نبراس وخليت جنطتي ع مقعد نبراس عيوني دمعت ردت ابجي بس سيطرت ع نفسي رفعت عيني دخل الاستاذ نسيت كلشي وخليت بالي يمه

ماريد افكر بي شي هسه لازم تصير قويه وصدك نتبهت للاستاذ وكمت اناقشه منه يحجي وطلاب يباوعولي

خلصت اول محاضرة وثاني محاضرة واني احاول اشغل نفسي بي شي حتئ ماذكر نبراس خلص الدوام ورجعت للبيت اول مدخلت شفت اسد علي كبالي طنشته ومشيت اليوم مرايح لشغله يمكن هو بقه يباوعلي يريدني احجي ماكو عفته ومشيت دخلت للمطبخ

ريحانه السلام وعليكم

هبه وعليكم السلام ها جيتي
ريحانه اي شمسويه غدة

هبه اصعدي بدلي ونزلي نصب سوة الغدة جاهزة

وصدك اني مجذبت خبر صعدت بدلت ورتبت وجهي نزلت لكيت بابا جاي يغسل

ريحانه السلام وعليكم حجي

فارس هله هله بنيتي اشلونج اليوم

ريحانه اخبل 😂

فارس دائما تخبلين واني اشهد

ريحانه فدوة رحتلك

دخلت لهبه ساعدتها بالغدة بس حضرت الاماعين وصبينه

هبه ريحانه بس كعدي شذئ بعدها نايمه

ريحانه اي

فتت طلع اسد علي من الحمام بقه يباوعلي اني مهتميت فتت كبل طبيت لغرفه شذئ

ريحانه شذئ شذئئئ كومي يله يمعودة

شذئ بس اشويه اشويه

ريحانه لج كومي وين اكو وحدة نايمه لحد هسه وجهج صاير اصفر كومي

شذئ اي اي بيش الساعه

ريحانه كومي عيني دنيه ضهر ح نتغدة

شذئ هسه اجي وراج

طلعت وعفتها رحت كعدت يمهم نتغدة سوة والتليفون بجيبي اشويه وطلعت شذئ غسلت وكعدت بصفي
وكرصتني

ريحانه اهااا

فارس ها سلامتج

ريحانه اباوع للكل يباوعلي وصافن

ريحانه لا بابا سلامتك بس معدتي تاذيني اشوية

فارس سلامتج يمكن لان ماماكله

ريحانه اي يمكن

شذئ يله ولج احجي بالموضوع

ريحانه ياموضوع

شذئ يا مالت حسوني

ريحانه واني شعليه احجي انتي

شذئ الله عليج احجي ترة هسه يكمل ويطلع هذا لو ينام

ريحانه شحجي مثلا فهميني

شذئ كولي لماما وهو يسمع

ريحانه اي احاجيج يابنتي واسمعج ياجنتي موو

شذئ اي يله

فارس اشوو تشاورن شكوو

ريحانه لا بابا سلامتك بس حسين رايد يطلع وي شذئ وشذئ خجلانه تفتح الموضوع وياك

فارس لا بابا شكو بيها عادي بس تبقه السالفه يم اسد علي

اسد علي ماكو طلعه تردون اطلعون اتزوجو واطلعو

هبه والله يايمه مابيها شي اذا يردون يطلعون واني وياهم

شذئ هو كال جيبي ريحانه وياج اذا محد قبل نطلع سوة وحدنه

اسد علي هيه هاي العايزة انوب ريحانه تطلع وياكم شكوو شوفي يمه هذا ابن اختج كليله يكبر ويعقل لا ومحمد افصخ الخطوبه وطبها سم هيه ويا

فارس اهدة اسد شنو هاي شبيك السالفه موجبيرة ترة

ريحانه سدي للموضوع شذئ تدرين انتي عندج مجرم مايصير اطلعين وي خطيبج حرام وغير سوالف مو حرام 😒😒😒

اسد علي احجي عدل انتي هاييي

ريحانه حجي عدل و موزون وماحجيت وياك حجيت وي اختك

فارس بس شنو هاي اشبيكم انتو الاثنين صايرين نار وحطب شكوو

ريحانه اني مابيه شي بس شوفه هو نار كاب ماعرف شبي

اسد علي والنار شيكببها غير الحطب ست ريحانه

هبه بس كافييي خلونه ناكل بهدوء وانتي شذئ تردين اطلعين اني احجي وي خالتج واخليها تقدم الزواج

شذئ عافت الاكل وكامت واني همين

طبيت للمطبخ خليت الجاي ع النار كملو شلت الاكل وطبيت للمطبخ اجتي هبه

ولج موهيج تدرين ب. اسد علي عنودي وموهيج ينحجي ويا

ريحانه يمه مدري اشلون تحملتي ابطنج تسع اشهر ماينبلع دقيقه وحدة اشلون تحملتي

هبه ههههه يمه اسودي فرحت عيوني هذا ماكو منه بس هو مكسور والدنيا ماماشيه ويا عدل

ريحانه لا ام اسد لا جذبتي اسد علي ماكو منه كولي غيرها

هبه والله يا ريحانه ماحد يعرفه مثلي ادري بي مكسور وكسرته جبيرة

ريحانه ام اسد اني ماعندي شي ويا بس شذئ هم خطيه هيه اجتني البارحه وكالت اريد اطلع ويا نعيش خطوبتنه عدل ومابيها شي ترة

هبه ادري بس هيه تعرف اخوها كلش زين المفروض هيه الي تفتح الموضوع

ريحانه والله كتلها كالت استحي اني احجي انتي

هبه اني احجي ويا اذا ماقنع شنسوي امرنه الله

شذئ ههههه الي انته تختارهن

ريحانه درت وجهي لكيت اسد مخلي ايده ع شذئ وطبو للمطبخ

هبه ها ولج شنو الي هو يختارهن

اسد علي نسوان اختارهن واتزوجهن انشاء الله

هبه يوم عيد يايمه وافرح بيك

اسد علي هذا العيد بعيد يايمه ويمكن مايجي ههههه

شذئ لا خويه البنات هواي وداعتك

اسد علي الله كريم المهم لا تتاخرين باجر ومثل ماوصيتج

هبه وين تتاخر

شذئ وي حسوني باجر اطلع

هبه ها قنعت

اسد علي شعندي غيرها لعد

ريحانه كلت بكلبي لعد ع شنو ترفض من اني احجي من كبر اي والله كبر

هبه الله يهديكم ومنو يروح وياج

شذئ ريحانه

هبه خير انشاء الله تعاي صبي الجاي ع ما تكمل ريحانه الاماعين

شذئ صار

اجتي وكفت يمي

كملي وتعاي نشوف ملابس شلبس باجر

ريحانه ميخالف بس خليها باليل حتئ ع راحتنه

شذئ تمام

كملتهن بقيت اشوية نسولف وي هبه وبعدين صعدت اول مطبيت نمت حتئ ماقريت

كعدت المغرب ع صوت شذئ

ريحانه ها شكوو

شذئ ولج كومي نتعشه

ريحانه شسالفه بس اكل ونوم

شذئ لعد شنسوي كومي كومي

ريحانه والله مو علمودي علمود الملابس كعدتيني

شذئ ها لعد شعبالج هههه

ريحانه ديله امشي هسه اجيج

فتحت تليفوني لكيت جايتني رساله مهتميت شمرت عدلت وجهي ونزلت

تعشينه ونضفنه وطبينه للغرفه اني وشذئ ختارينه ملابس تلبسهن باجر واكيد المكياج عليه اني اسوي الها

ورة اشويه صعدت فوك قريت اشويه ورتبت اموري واخذت التليفون فتحت الرساله وهنا نصدمت صدمت عمري 😐

رساله من نبراس دخت حسيت روحي بحلم شنو هاي اشلون

كاتبه السلام وعليكم

جاوبت بسرعه وعليكم السلام منوو نبراسس

بقيت منتضرة ياعلي دخيلك ياعلي يله يله ماكو ورة 11 دقيقه نبراس تكتب

.. لا مو نبراس

ريحانه لعد منوو

.. اني اطياف اخت زوجها لنبراس الله يرحمها

ريحانه ها اهلا حبيبتي البقيه بحياتج

اطياف حياتج الباقيه
شفت نبراس مراسلتج كلت اكيد انتي صديقتها المقربه الي جانت تحجي عنج

ريحانه نبراس اختي جانت لحد هسه ممصدكه راحت وعافتنه

اطياف كلنه هيج.

ريحانه زين ماعرفتو شنو سبب موتها

اطياف السبب عرفنا بس لحد هسه معرفنه منو مشاها بهذا الطريق

ريحانه شنو قصدج

اطياف قصدي نبراس ضاحكين عليها وميته

ريحانه اشلون يعني

اطياف اني هسه عندي شغل بعدين اراسلج

ريحانه ماشي

اطياف انتي هذا رقمج ماتغيرينه موو

ريحانه لا ماغيرة

اطياف يله تصبحين ع خير

ريحانه وانتي بخير

.. ريحانه بقيت صافنه شنو قصدها معقوله صح سبب موتها الحبوب معقوله عرفو اني السبب لا لا لو عرفو جان كالو جان اجوي لا لا ماعتقد

بقيت افكر لحد مانمت

ثاني يوم كعدت رحت للكليه بس احس اكو شي احس اكو شخص يراقبني ادير وجهي ماكو احد احساس انو

اكو واحد يباوعلي منتضر مني احجي بس اباوع داير مدايري محد موجود شنو السالفه ياربي مافهمت بالمحاضرة الثانيه خلصت طلعت وشفت كرم بوجهي

كرم ها ريحانه شلونج

ريحانه تمام بخير

كرم صايرين منشوفج واذا نشوفج تغلسين وتمشين

ريحانه لا مو غلس بس مالي خلك والله تدري بيه ماحب احجي

كرم اي ندري بيج بس غاليه ونحب نسال عليج دائما

ريحانه تسلم

كرم عازمج ع ريوك اكيد بعدج ممتريكة

ريحانه لا اشكرك هسه اتريك اني

كرم لا لا شنو السالفه وين اكو وحدة بالجامعه ترد العزيمه مايصير يله امشي

ريحانه بقيت واكفه بعدين كلت ديله عادي هو زميلي مابيها شي

مشيت ويا كعدنه جاب الريوك والجاي وناكل ويحجي يمه كرم من يحجي محد يلحكه مايسد حلكه

كرم صدك ريحانه شنو سبب طلاقج انتي

ريحانه احممم احمم شنوو

كرم اسم الله ولت ولت شبيج غصيتي

ريحانه لا مابيه شي شكرا بس شكلت

كرم سبب طلاقج

ريحانه ومنو كلك اني متزوجه حتئ اطلق

كرم لا صدك جديات

ريحانه والله ممتزوجه

كرم الله يرحمها هيه كالت ريحانه مطلقه ويمكن كالت مرتين همين

ريحانه الله يرحمها يمكن جانت تشاقه وياك

كرم يعني انتي ممتزوجه

ريحانه لا

كرم ههههه تدرين الكليه كلها درت بيج متزوجه ومطلقه حتئ اكو واحد من جماعتنه ميت عليج وكل يويمه يكول ح اصارحها اليوم ومن درة بيج متزوجه مرتين ومطلقه كال لا ماتفيد

ريحانه ليش شبيها المطلقه هم بشر

كرم ع راسي

ريحانه ههههه

كرم بس تدرين قليلات الي مثلجن هنا

ريحانة اشلون يعني

كرم يعني قليلات الي ميختلطن بالبقية ويسولفن

ريحانه ليش

كرم يعني احنه هنا زملاء بينه شقه حجي سوالف انتن جنتن كلشي ماكو بس بيناتجن ماتحجن وي احد

ريحانه اني طبعي هيج وهيه هماتين هيج جان طبعها

كرم يله بلكي تتغيرين

ريحانه ماعتقد

كرم هههه قافله يعني

ريحانه موقافله بس اني ماعتقد مسويه شي غريب اني ماحب احجي هواي وي اشخاص غير اهلي

كرم صدك انتي اهلج شكد

ريحانه بس اني ومرت ابويه وابنها وبنتها وابويه الله يحفضه

كرم اهاا الله يحفضه اني بس اني عند اهلي عندي اخت وحدة بس متوفيه واباقي بس اني لاهلي

ريحانه الله يحفضهم الك

كرم يمعودة شيحفضهم امي اربعه وعشرين ساعه بندوات وسفرات علمود شغلها وابويه نفسها

ريحانه ليش شنو يشتغلون

كرم امي دكتورة والدي هماتين

ريحانه الله يحفضهم

بقينة نسولف لحد مكملنه كمت رحت للمحاضره

وجان امتحان بوقتها صح توترت بس الحمدالله الله نجدني

خلصت المحاضرات وطلعت ابو الخط خابر ابو الخط

ريحانه الو ها عموو وينك

... شنو البنات ماكللج ماراح اكدر ارجعجن اليوم اني بالمستشفئ

ريحانه سلامتك عمو بس مكللي

... ماعرف بعد بس اني صارتلي شغله وماراح اكدر اجي اليوم ارجعن انتن يله عمي مع سلامه

ريحانه مع سلامه .. كبر هسه شسوي ارجع وحدي لو اخابر بابا يجيني

طلعت رقم ابويه وخابرته اول شي مجاوبني
بعدين جاوب

ريحانه الو ها بابا الله يساعدك

فارس اهلا بابا ويساعدج خير صاير شي

ريحانه لا بابا بس ابو الخط عندة ضرف وماراح يجي تعالي انته

فارس اي بابا هستونه طبينه للبيت راح ادزلج اسد علي

ريحانه ها اي .. اكلك بابا لا لادزه اني راح اركب وارجع

فارس لا بابا راح يجيج اسد علي ترووح تجيب ريحانه .
اي ابو الخط مجاي ها اي يله

فارس يله بابا راح يطلعلج

ريحانه اي بابا

سديته من بابا خرببب اسد علي شنو واني هيج مخبله ارجع وي اسد علي هسه بابا مايكدر يجييني هو اله يدز اسد علي استغفر الله واني اكدر اكابل اسد علي لحد منرجع لا لا مستحيل واني احجي وكفت سيارة كدامي مالت كرم

كرم ها ريحانه اليوم هنا

ريحانه ابو الخط ماجاني اليوم

كرم اصعدي اني اوصلج

ريحانه لا شكرا روح انته هسه يجي ابن مرت ابويه

كرم دصعدي يمعودة يتاخر شايفه الازدحام

ريحانه لا عادي والله روح انته

كرم عفو عليج اني اعوفج هنا واروح وهسه طلاب المسائي ح يجون

ريحانه اي مابيها شي روح انته اني اشويه ويجيني

كرم ريحانه لا تعاندين اصعدي واوصلج ع الشارع مالتكم يله يمعودة

ريحانه ها .. يله شكرا

صعدت وهو حرك السيارة واني خابرت بابا

ريحانه الو ها بابا بابا لا تخلي اسد يجيني اني تصرفت ..ها اي يله منتضرتك.      الو ها  لا لا مادري يابابا شدراني اني لا تصرفت اي هسه اني بالطريق مادري عود هو يجي اوك يله ميخالف يله باي

كرم ها طمنتيهم

ريحانه اي يكول طالع. اسد وعايف التليفون بالبيت جايني يعني

كرم لا ننتضره من يجي

ريحانه لا يمعود شننتضرة ) بكلبي كتله هو اني مصدكت اخلص من هل حقنه

كرم هو شنو اسمه

ريحانه اسد علي

كرم اسمه غريب

ريحانه اي بس صدك كرم قبل فترة من وصلتني مجانت عندك هل سيارة مو رحنه بتكسي

كرم اي جانت عند صديقي طلع بيها ومجابها ومكدرت اوصلج بيها

ريحانه اي مو اكول

كرم صدك اشلونج بالامتحانات

ريحانه لا زينه الحمداللة وانته

كرم والله نص ونص

ريحانه لا نشاء الله خير

بقينه نسولف لحد ماوصلنه

كرم ها هنا لو ادخلج للفرع

ريحانه لا لا اني ادخل شكرا كرم تعبتك

كرم لا تحجين هيج ولج الاصدقاء شيفيدون اذا مو هسه

ريحانه هههه يله باي

كرم الله وياج

ريحانه نزلت فتت للفرع مالتنه واحنه بيتنه اخير شي يعني ركن امشي وفرعنه ماينسمع بي بس صوت الخواشيك والاماعين الناس تاكل وتسولف اول مطبيت للفرع جان جيرانه واكف صديق اسد علي وبقه يباوع

مهتميت فتت للبيت شفت شذئ

شذئ دهر صابج وين جنتي

ريحانه ها شكو شصار

شذئ ....

هنا وخلص البارت اتمنئ يكول عجبكم انتضروني بالجديد