رواية نصف شهر عسل الفصل السابع 7 - بقلم غزل الحجامية

.

لگيتك ضاملي الشينة.

ويم غيري تذب هناك كل زينك !

شبعد ويغزّر بعينك....؟!

...

ريحانه دخلت للبيت تلكتني شذئ

شذئ دهر صابج وين جنتي

ريحانه ها خير شكو شصار

شذئ ولج بعد ساعه ونص ويجي حسونتي واياخذنه

ريحانه خاب دولي والله الج خلك وخري وخري

ذبيت الجنطه ودخلت للمطبخ

اكل

شذئ ولج كومي كمليني بسرعه

ريحانه شذئ جوعانه وتعبانه روحي بدلي ع ما اجيج

شذئ ديله بسرعه كملي

طلعت هيه ودخلت هبه

ريحانه ها ام شذئ الله ساعدج

هبه ويساعدج ولج اشلون تجين واسد علي راحلج

ريحانه ماردت اتعبه وكدرت ارجع

هبه انوب عاف التليفون البيت

ريحانه يله هسه مايلكيني يرجع

هبه اي استعجلن مابقه شي ويجي حسين

ريحانه هسه بس اكمل اروح امكيجها واصعد ابدل

هبه اي

ريحانه لعد بابا وين

هبه نام اشويه

ريحانه كملت غسلت ورحت وشذئ كل اشويه تصيحني طبين لكيتها لابسه

ريحانه يله تعاي كعدت مكيجتها وهيه كل اشويه وكالت لا ريحانه خلي هيج لا ريحانه خلي هيج

ريحانه شذ اسكتي شبيج ماتثقين بيه

شذئ دخلي حمرة غيرها

ريحانه والله تصيرين لعبان نفس شبيج

شذئ دكومي كوممي مابقه شي

ريحانه بس ارتب وجهي

صعدت واسد علي بعدة مجاي مهتميت

رتبت وجهي بسرعه لبست ملابسي اول مكملت اجه حسين وماقبل يدخل كال ابو السيارة منتضرني بالركن

وشذئ نخبصت هبه كالت اهدي انتي وياها واطلعن نزلت طلعت شذئ واني وراها

بقه يسولف هو وياها واني ساكته بس سلمت عليه

صعدنه اني وشذئ ورة وحسين كدام يم الرجال وشذئ بس تغمزلي ممصدكه ههههه انوب كام حسين يباوع عليها بالمرايه وهيه همين جان تغمزله هههه يبو حسين مات من الضحك وهيه خجلت

هو بقه بس يضحك واني مادري شصار جان السايق صديق حسين

كله ضحكنه وياك

حسين ههههه والله ياعلاوي اذكرت نكته بس كلش قويه

علاوي احجيها خلينه نضحك وياك

حسين لا خويه الكاع محضورة

ريحانه شكو شذئ شصار

شذئ لج يباوعلي بالمرايه واني همين بالاخير غمزتلة

اني كالت غمزتله لو مدري شصار بيه متت ضحك

وكلها نتبهت عليه

ريحانه عزة العزاج انوب انتي تغمزين غير هوة

شذئ لج شفته لا نفع ولا دفع كلت خلي اهجم اني

ريحانه يااا ولج بس موهيج شبيج هههههه

شذئ ههههه يله صارت بعد

ريحانه هسه شنو وين راح نروح

شذئ للزوراء

ريحانه كبر مالكيتو غير هل مكان

شذئ وسم علمود تبقين كاعده حسين كال عيب نبقيها وحدها بمطعم

ريحانه وانتو وين ترحون

شذئ منتاخر فد ساعتين ونجي

ريحانه ادري وين

شذئ لا تسائلين نرجع بسرعه

ريحانه شذئ ديري بالج ع نفسج

شذئ يا غير خطيبي

ريحانه حتئ لو

وصلنه نزلنه كتلهم انتو تبقون بنفس المكان لو تغيرونه

شذئ لا بسرعه نجي

ريحانه لعد لا تدخلون ويايه روحو

حسين لا شلون يصير

ريحانه لا روحو والله ماله داعي

شذئ باعي اذا خابروج كوليلهم صاعدين لعبه ومايسمعون تليفونهم

ريحانه تمام

اشتريت تذكرة الدخول دخلت اكو كراسي مقابيل مطعم صغير وماكو هواي يمهن رحت وكعدت

بس ناس هواي واكثرهم شباب

بقيت كاعدة. والانضار كلهن عليه لانو وحدي كاعدة دكيت عليها ماكو شذئ متجاوب دزيتلها رساله هم ماكو ياربي كمت ادعي بس يجون من وقت ماكو دك عليه اسد علي يمه كلبي كام يدك بسرعه

هسه شيخلصني منه هذا مجاوبته مرتين يدك وماجاوب بالاخير دز رساله افتحي خط بسرعه

دك فتحت خط

اسد علي انتي وينجج متجاوبن هاا وينجن

ريحانه شنو شبيك موتدري راح نطلع وي خطيب اختك

اسد وين شذئ نطينياها

ريحانه اني هستوني نزلت من العب وشذئ وحسين بعدهم

اسد انتو وين

ريحانه ليش

اسد علي لا تكفريني انتووو وين

ريحانه هاي شبيك ترة مالي خلكك لا تصيح

اسد علي اليوم احركجن ثنينجن انتن وين

ريحانه شفته تعصب ماعرفت شسوي

احنه بالزوراء هسه راح نجي
سدة بوجهي بقيت ادك علئ شذة ماكو صار من راحت ساعه وربع يعني حتئ الطريق مو ازدحام ليش اتاخرو مادري

بقيت ادك عليها انوب ماعندي رقم حسين حتئ ادك عليه وهاي الزركه مجاوب

نص ساعه ضبط ودك اسد عليه جاوبته

اسد علي انتن وين

ريحانه شنو وين مو كتلك بالزوراء

اسد علي ادري بالزوراء وين بالضبط

ريحانه ها ليش تسال

اسد علي احجي ريحانه بسرعه

ريحانه اني كدام مطعم ...

سدة بوجهي يمه عزة العزاج ريحانه هسه يجيج ويعرف شذئ وحسين مو هنا يربي شسوي احسن شي اختفي ماخلي يشوفني ولج انتي غبيه واذا دك عليج اشلون خرب بالحظ هسه شسوي ياربي شسوي

كمت وكفت صدك ردت اروح اختفي ماخلي يشوفني واغلق الجهاز هستوني ردت اتحرك سمعت صوته

اسد علي وينن

ريحانه بلعت ريكي واني خايفه درت وجهي عليه

ريحانه ها مرايحه مكان

اسد علي وين شذئ

ريحانه ها هنا هسه تجي

اسد علي وين يعني

ريحانه اني جنت صاعدة وياهم ب سكت الموت ومن نزلت دخت فاكتلهم راح اكعد هنا وانتو كملو ع راحتكم

اسد علي وليش متجاوب لا هيه ولا حسين ع الخط

ريحانه والله مادري يمكن مايسمعون

اسد علي ريحانه متاكدة همه هنا

ريحانه ها اي ليش هيج تسال

اسد علي يعني انتضرهم لو اروحلهم

ريحانه لا انتضر هنا وهسه همه يجون

ريحانه ردت اشغله بي شي بس شسوي يعني خرب ضميرج شذئ درت وجهي واني وجهي

صار الوان من الخوف شسوي مادري واذا درة بيه اجذب يحركني حرك والله وانوب هو اصلا مايطيقني خوب حضي بس للمشاكل يوديني

رجعت كعدت لمكاني هو اجه كعد يمي ويباوع ع الناس وع الشباب الي يباوعون النه وع الولد كلمن لازم حبيبته ويمشي ويضحكون واني كلبي صار تنور طين
دزيت رساله لشذئ بدون مايحس

ولج اسد علي اجه هنا وكتله انتو جاي تتمشون تعالو بسرعه والنبي راح اموت بسرعه تعالوو

بقيت اباوع ع اسد علي واشلون متعصب خليه ايده ع رجله وكاعد بعصبيه اشويه وصلتني رساله من شذئ

اي جايين بس الطريق ازدحام لا دكوليله طلعنه

سديت التليفون ورجعته للجنطه اسد علي طلع تليفونه ودك ع شذئ

وبعدين دك ع حسين

ليش ميردوون

ريحانه مادري شدراني

اسد علي شوفي اخر فرصه الج كولي همه هنا لو لا

ريحانه يا شبيك اسد واللة دخت كتلك هنا يعني هنا

ودرت وجهي منه ادري بيه تعصب مني بالزايد بس ناس منا ممعقوله يسوي شي واني عصبيه شفت بصف المطعم واحد يبيع موطه وبصفه واحد يبيع ورد وكذا اني الكل يعرفني الموطه فاكمت حتئ اشتري

اسد علي وينن انتي همين

ريحانه اشتري شبيك هاي كدامك

عفته قبل لا يجاوب ورحت اشتري وكفت واكو قليل واكفين يمه وكفت اشتري وسمعت شباب يسمعوني حجي بقيت اتحرك كل اشويه والرجال يحضر بالموطه

ريحانه عمو استعجل عفيه

وبقو الولد يحجون اشويه واجه واحد لزمني من خصري خفت درت وجهي اسد علي بحركه بسيطه فرني وخلاني وره ضهرة وهو اشترة باوع للولد بنضرة وحدة نزلو عيونهم وتحركو اخذ الموطه ونطه الفلوس ودار وجه عليه فهمت من نضرته اتحركي لا احركج ههههه

رجعت لمكاني وهو ورايه يمشي بعدين وكف بصفي ومشينه كعدت بنفس المكان شمر الموطه ع الكرسي وبقه واكف

والنبي اليوم جنازتي اني ادري بيها هيه كوه اليوم راح اشوف ملك الموت من ورة شذئ الله لا ينطيج

طلع جكاير وكام يدخن ويابوعلي ويباوع للناس اني طلعت الموطه واكلتها قابل اخليها تموع هههه

وهو يباوعلي اني اكل ممهتمه ديله هيه رزاله رزاله واذا بيها روحه للنجف عادي اروح هههه

خلص الجكارة وكال كومي

ريحانه وين

اسد علي كتلج كومي

كمت ويا رتبت ملابسي وامشي وهو عين عليه وعين ع الطريق مقابيلنه شباب يركصون ومعزوفه فاني بقيت اباوع الهم هو جرني من ايدي وكفني مقابيله بس ايدة تحرك الناس مني

طلعنه من الزوراء وكف وكال اصعدي اني صعدت بدون صوت اول مالسيارة تحركت وكفت سيارة مقابيلنه نزلت شذئ وحسين منها اني نخيت 100 امام مايشوفهم بس مافاد شافهم ونزل الهم

تني نزلت ويا ابو السيارة بقه واكف ماسمعتهم شحجو بس اسد علي جر شذئ من ايدها ودفع حسين واجه وشايف الدنيا والشياطين كلهن بعينه صعدت بالسيارة وشذئ صعدت بصفي وجه منطي الوان نكزتها بيدها

ريحانه شكوو ولج وين جنتو

شذئ من هسه اقري الفاتحه

ريحانه لج شكو لا تخوفيني دار وجه اسد علي علينه وعيونه عبالك مدري شنو درت وجهي ع المرايه وشذئ دنكت واني ادعي ميت امام ها يام البنين اوكفي وياي هو اني شسويت والله كلشي ممسويه

وادعي واطكطك باصابيعي واهز برجلي وخايفه يبوو شراح يصير ويايه هسه انوب الشارع ازدحام والسيارات واكفه وشذئ طلعت تليفونها واشوفها تكتب رسائل لحسين خفت بالزايد شافها اسد علي بالمرايه دار وجه عليها

نطيني التليفون هيه بقت صافنه وهو يباوعلها نطته التليفون

واني خفت اكثر كام يكلب بي وهيه تباوع عليه وهو يكلب بي شفته طفه شحن يمه ردت ابوس التليفون لانو اكيد لو مطافي جان شاف الرساله مالتي

ضم التليفون بجيبه والسيارة مشت وشذئ تباوعلي حجيت بصوت ناصي لاتخافين نقفل التليفون مابي شحن هيه تنفست

وصلنه نزلنه مقابيل البيت كبل نزلنه اني وشذئ واسد علي ورانه حاسب الرجال واجه ورانه

اول مطبيه شفنه هبه

هبه ها ولجن شبيجن

شذئ يمه اسد علي الحكيلي

هبه يمه ابني شبيي

اسد علي شذئ لغرفتج بسرعه وانتي بسرعه اصعدي

شذئ طبت لغرفتها واني همين رحت لغرفتي واشر لهبه انو اسد علي عصبي طبيت للغرفه غيرت ملابسي بسرعه ورتبت شعري ومتوترة اريد اعرف شراح يسوي الدقايق يمرن بسرعه شويه ونفتح الباب

كلبي وكف بمكانه طبت هبه

رحتلها ركض ولج ام اسد الحكيلنه

هبه شكو احجي اشوو اسد طب يم شذئ وسد الباب ومايقبل يحجي شكو شسويتن

ريحانه والله ام اسد معليه اني مالي دخل هيه كالت اريد اطلع وي حسوني وهو خطيبي عادي بس اسد علي ميقبل

هبه ولج مو طلعتن

ريحانه اي همه بقوني بالزوراء وراحت هيه ويا ماعرف وين واسد علي حس بالسالفه ودك عليه كال ليش مجاوب ومن شافني مامني امل اجه للزوراء وبقينه منتضريهم بس اني مكتله انو هيه طلعت ويا لا كتله انو

همه دايتمشون بنفس المكان بس همه تاخرو

هبه عزة العزاجن ولج مو بنات كحاب شسويتن

ريحانه مو هنا المصيبه المصيبه كال كومي نروح ومن طلعنه شذئ وحسين اجوي بالسيارة مقابيلنه نزلوو واسد دفع حسين واجينه

هبه يمه ابني اليوم شيسوي بيجن طبجن سم تستاهلن بنات تلعبن بكيفجن

ريحانه يا ام اسد ع بختج لا تكولين هيج كدامه هو متعصب انوب يسمعج هيج تحجين زين هو ليش طب يم شذئ لا يسوي بيها شي

هبه لا يمكن يحجي وياها يشوفها وين جانت

هستوني ردت احجي وسمعت عيطه من شذئ نزلنه ركض سمعنه صياح بغرفه شذئ وابويه مو هنا طالع عرس ابن صديقه واحنه ندفع الباب وشذئ تصيح واسد علي يفشر عليها ويضرب بيها

بقينه ندفع الباب وهبه تصيح يمه اختك علئ كيفك وياها يمه خبله ماتفتهم ندفع الباب طبينه لكينه شذئ بالكاع واسد علي يضرب بيها ويغلط عليها اني ركضت دفعته وجريت شذئ وهبه لزمته

اسد علي كحاب ساقطات بنات اليل ميسون هيج ولج كحبه

هبه اي يمه كحاب اكحاب معليك بيهن اهدة اهدة فدوة اروحلك

وشذئ متروس وجه دم وهو يغلط اني اعلمجن ويدفع بامه

ريحانه شتعلمنه هو احنه شسوينه هنا هو غير خطيبه شهل تخلف مو انته وافقت

اسد علي لج قندرة وافقت ايطلعون مكان عام وانتي وياهم مو ياخذها للشقه الي جنه نجيب بيها كحاب جان ستحه ومحمد اليوم ادميجن وادمي

اني من حجه هيج بين الخجلت وبين الخفت بقيت صافنه ماعرف شسوي

هبه دهر صابج ياشذئ الله ياخذج ياشذئ عساها بحضجن وبختجن شسويتن ولج دهر صابجن شسويتن واسد علي متعصب هبه طلعت اسد علي وبقيت اني يم شذئ وشذئ تبجي وتون من الوجع اول مطلعو دفعت شذئ مني

ريحانه والله طبج سممم عساج ابو زايد شمسويه ولج شمصخمه شوداج للشقه

وهيه ساكته متاذيه متكدر تحجي كعدت يمها جريت وصله ومسحت الدم من حلكها وعيونها ومادري شلون اجت عيني ع ركبتها شفتها زركه عرف اسد علي منتبه من ركبتها

امسح بالدم واسمع اسد علي يصيح

ومحمد اليوم احركهم ومحمد اله اتخبل واحركم كلكم عائله ساقطه بنات محد لامهن كحاب ويغلط ويفشر وعصبي وهبه دك وتلطم اشويه ودخل بابا

فارس شنو هل عصبيه شكوو شصاير

اسد علي شووف اليوم ادكم يعني ادكهم سمعتني تخابرهم دكوللهم لا يبقون بالبيت اليوم احسن

فارس شكو ولك منو همه احجي شصاير هبه شصاير فهموني

بقه اسد يحجي لابويه وابويه يسمع بدون حجي كمت اباوعلهم من الباب شفت بابا طلع تليفونه وكام يخابر واسد علي يتمشه ومبين عليه عصبي

اشويه ورجع بابا

فارس هسه ابو حسين راح يجي

اسد علي لا يجي ومحمد اليوم احركهم حرك واذا اجه حسين وياهم احركهم كلهم وانعل

ابوهم لابو العرفني بيهم. كله منج انتي كتلج لا ننطيها الهم ذوله ساقطين لا بنتي تحبه بنتي تريده بنتج كحبه طلعت

وهبه ادك وتلطم بدون صوت بس تحرك راسها وابويه كعد ع الكرسي وساكت واسد علي ساعه يسكت وساعه يغلط ويتوعد الهم

اشويه وندك الباب طلع ابويه دخلهم وراحلهم اسد علي

شوف ابو حسين ابنك اريد دمه موته علئ ايدي

ابو حسين ابني اهده شهل حجي اني حسين سولفلي يكول ردنه نزور الامام وردت بس اني وياها نروح خلينه ريحانه وطلعنه بس اني وياها

اسد شهل حجي المصفط هذا لا الحجي هذا مو صح اختي كالت هو وين ماخذها وعلئ شنو جابرها همين

فارس اسد علي ابني اسكت
شوف ابو حسين الزواج هذا الخميس لو هيج لو اسد علي هو يتصرف وي ابنك

حجايه منا ع عتذار منهم النه منا وافقو وطلعو هدو اشويه ودخلت هبه

دهر صابجن اي والله الله يحرك كلبجن مثل ماحركتن كلب الزلم

شذئ ساكته واني بس اباوع

شويه ودخل اسد علي

.....

هنا وخلص البارت اتمنئ ماتزعلن مني سوري جاي اتاخر بالنشر بس انتن مجاي تدعلي انشر بسرعه