رواية نصف شهر عسل الفصل السابع والعشرون 27 - بقلم غزل الحجامية

حــاچـیـنـي...

یـالــمـسودنـي  لــو  عـشـگـک  یـضـر دیــنـي...

اعــوف الـديـن  و اتــبـاهـه  بـسـواديـنـي!

..
غزل الحجامية

منير طبي جوة بسرعه

راح يفتح الباب وشكله هستوه كاعد يعني فز مثلنه فتح الباب طبت ابنيه من شعرها ودشداشتها عرفتها بنيه

وكعت بيد منير ومنير ماعرف اصلا شيسوي

منير ريحانه ريحانه

رحتله ركض باوعت البنيه زهرة ومبينه مضروبه ماعرفت شكو بوقتها هستوني كاعده وماعرف شنو اسوي بقيت صافنه عليها شسويلها

منير اخذيها خلي اصيح اهلها بسرعه

زهرة لا لا منير لاتصيحهم همه همه سوو هيج بيه

منير شنو شنو السبب

زهرة لا تخليهم يجون بروح مبراس بروح اخوك لاتخليهم يجون

سد الباب ولزمها من ايدها وطببها للبيت

منير غسليلها وخلي اروح افتهم منهم

زهرة لا منير لا تروحلهم اذا درو بيه هنا يكتلوني

وهيه تحجي ندك الباب هيه كمزت

زهرة لا تفتح الباب لا تفتحه

منير اش اهدي وخلي نفتهم شكوو لا ومحمد ادميج اشش

ريحانه خليني اني افتح الباب واذا سئلو عليك اكللهم نايم مو احسن

زهرة اي اي هيج احسن حتى ميطبون

منير امشي روحي

رحت للباب بس خايفه شويه ندك فتحته سعد واخو

ريحانه ها ابو محمد خير اكو شي صاير شي

سعد لا مصاير شي بس بس منير وين

ريحانه نايم فوك ليش  صاير شي

سعد لا خويه خير ماكو شي بس محتاجهين جنه بشغله

ريحانه اكعده الك يعني

سعد لا لا عوفي نايم خطيه نجي الصبح

ريحانه هله بيكم

سديت الباب وطبيت

ريحانه كومي غسلي

منير غسليها وجيبيها نفتهم منها شصاير

كامت غسلت هيه طبعا سعد مكلي شصاير عود اني غريبه ومايريد يفضح بيته كدامي

غسلت هيه واني طبيت يم الحجيه

الحجيه منو

ريحانه اني خاله

الحجيه شكو يمه كلبي وكف تره شصار

ريحانه ماكو شي خاله بس زهرة اجتي كاتلها اخوها يمكن مافهمت شكو شصاير

الحجيه يا يمه شكو بهل اليل شصاير شمسويه اخاف متعاركه وي الجناين

ريحانه يا خاله وين اكو جناين هسه يتعاركن يعني

الحجيه وينها هيه هسه

ريحانه راحت تغسل

الحجيه دروحي افهمي منها قبل لا يجون اخوانها

ريحانه لا اجوي واني طلعتلهم سئو على منير كتلهم نايم وراحو

الحجيه ومكالولج شصاير

ريحانه لا

الحجيه دروحي افهمي

عفت الحجيه وطلعت لكيت منير واكف بالباب وهيه بالحمام تغسل

طلعت

منير تعاي وراي فهميني شصاير

طب للاستقبال واني بقيت واكفه بالباب وهيه طبت

باوعتلي

زهرة ممكن تعوفينه وحدنه

باوعتله ردت اكللها حتى وانتي مكتوله عينج صلفه

منير ماكو داعي فضيني احجي خلي اروح لاخوتج اكللهم انتي هنا

زهرة لا منير لا دكللهم يكتلوني

منير لا تصيرين رعنه احجي بسرعه اكللهم يمنه ولا اسكت هسه شعبالهم وين رحتي احجي بسرعه

زهرة منير انته تعرف منى وانتي مثل اخوها

منير اي شبيها

زهرة منى عدها عدها علاقه بولد هو يحبها وهيه همين بس مايكدر يتقدملها هسه لانو وضعه مايكدر

منير اي وانتي شدخلج وشنو هل استهتار هذا الي عدجن

زهرة مو هيه حبته وماعرفت شسوي بعد وجابت تليفون تحجي ويا

منير عفيه عفيه ابنات عمتي عفيه الي يسمعج هسه شيكول بنات شوارعع

زهرة لا منير مسوت شي غلط هيه حبته ومنى جبيرة مو صغيرة

منير هسه احجي البنيه سوو بيها شي لو لا

زهرة لا هيه جانت تحجي ويا بالتليفون واطياف جابت سعد واجتي واني خفت عليها اخذت التليفون منها وطب سعد شافه بيدي

منير والله عمي بنات الشوارع استر منجن بيت ابوجن واخوانجن وهيج اتسوون بي بعد شنريد منجن اكثر من هيج لعبت فلك

زهرة منير اني مالي ذنب انته تعرفني كلش زين وتعرف اني شنو واني من خوفي على اختي هيج سويت

منير اي عفيه عليج مو هيج اتريديني اكول من البدايه وشفتي اختج هيج سوت ماعرفتي اتمنعيها

بقت زهرة ساكته ماحجت شي مادري ليش بوقتها مصدكت الي حجته يعني هيه شدراها باطياف بهل لحضه راح تجيب سعد واخذت التليفون من منى

وزهرة مو ذيج الحنيه عدها ع كولت مريم حتى هيج سوي لاختها

ريحانه دكوم روح لاخوتها قبل لا يصير شي

منير رايح جيبيلي ملابسي وانتي كومي اكعدي يم امي

بقت هيه كاعده اني صعدت جبت ملابس منير ونزلت

نزلت لكيتها بعدها كاعده

زهرة منير الله يخليك لا دكول للولد على منى خطيه بعدها صغيرة يعني اني وياها ننضلم ماتستاهل

منير فهميني شكول الهم

زهرة مادري منير انته شوف شتكللهم

منير دكومي كومي الله ياخذجن

نطيته الملابس لبس وطلع وهيه بقت كاعده بمكانها

ريحانه تنامين لو تبقين كاعده

زهرة لا مانام

عفتها بالاستقبال ورحت يم الحجيه

الحجيه ها يمه خير ياستار شصار

ريحانه والله خاله ماعرف شكلج بس هاي زهرة دكول اختي تحب واحد

الحجيه يادهر منيه منهن

ريحانه منى

الحجيه اي وشصار لكفوها اخوتها

ريحانه دكول اي واني من شفت سعد واطياف اجوي جريت التليفون من منى وطاحت براسي السالفه

الحجيه يمه وهيه وين هسه

ريحانه بقت بالاستقبال ومنير راح يروح لاخوانهن

الحجيه شيسوي

ريحانه يفهمهم انو هيه يمنه خو ما يبقون يدورون

الحجيه الله يستر الله يستر

ريحانه والله خاله اني الشغله مدخلتي عقلي هيج زهرة حنينه وتوكع روحها بمصيبه علمود اختها

الحجيه استغفر الله من ذنبهن والله مادري يايمه يجوز

ريحانه الله يستر درجعي نامي انتي ارجعي

الحجيه الله كريم

بقيت اني كاعدة يم الحجيه شويه بعدين اذكرت غرفتي كلت خلي اصعد اسدها خاف زهرة لها نيه تصعد فوك

كمت على كيف علمود الحجيه خطيه انهبطت قبل شويه انوب هسه هم تفز طلعت

لكيت زهرة واكفه على الدرج وشكلها تريد تصعد

استغفر الله ولا اتوب هاي البنيه يعني انتي هستوج مكتوله انوب هيج تفكرين

ريحانه ها زهرة محتاجه شي

زهرة لا بس ضجت

ريحانه والله شكلج الي مكتوله مثل كتلج كون تبقه كاعده وساكته ماتفتر كل شويه بمكان

زهرة ليش قابل اني وين مفترة

ريحانه لا عيني ممفترة لاي مكان المهم روحي ناميلج شويه واذا ضجت تعاي لغرفه الحجيه فوك ماكو شي بس غرفتي

زهرة وانتي تنامين يم الحجيه

ريحانه اي عندج مانع

زهرة ومنير  منو ينام يمه

ريحانه انتي وهاي الاسئله شنو شعليج بهيج سوالف

زهرة لا اني شعليه المهم تصبحين على خير

راحت هيه للاستقبال واني هزيت ايدي وصعدت فوك ردت اسدها للغرفه بس كلت لا خلي انام بيها وبطني اذتني هل ايام هامله نفسي اني نمت على الجربايه وغفيت محسيت على نفسي

دقايق معدودة وسمعت عيطه بالبيت مالت زلم وزهرة
نهبطت هبطه وكع كلبي بيها

كمت بسرعه باوعت من ع الدرج سسعد لازمها من شعرها ومنير يجر بيه واخوان سعد يجرون بمنير

منير سعد كتلك انته فاهم غلط خليني اشرحلك

سعد اسكت منير شضحكت عليك هل ساقطه شكلتلك كلتلك مو صاحبي مو اني الي جنت احجي ويا ..سعد واطياف يريدون يوكعوني بمصيبه ..مو هيج كلتلك

منير لا سعد مو هيج خليني افهمك

زهرة والله فاهم غلط سعد والله

سعد اي فاهم غلط واني الي راح اكلج الصح

اني واكفه من ع الدرج واباوع عليهم دهر صابكم وقت هيج سوالف كلهم يصيرون شرفاء وهمه اسقط من الساقطين

جر زهرة من شعرها وراد يطلعها اني نزلت من الدرج  باوعت عليهم هو يجر بيها من شعرها وهيه تبجي وتبوس بيده وهنا حجت حجايه زهرة غيرت حياتي من اسوئ الا اسوئ من الاسوئ

زهرة منير احجي احجي لا تبقه ساكت

باوعت على منير ساكت ميحجي شي

زهرة سعد اني جنت احجي وي منير بالتليفون وي منير

هنا كلها وكفت اني بقيت صافنه نصدمت بحجيها اشلون جانت تحجي ويا وهو اصلا جان نايم

حتى منير جان يدفع بفواد اخو سعد من حجت هيج زهرة بقه واكف ويباوع بالوجوة

سعد شنو انتي شجاي تحجين

زهرة اي اني جنت احجي وي منير منير يريد يخطبني وهو جابلي التليفون حتى يقنعني

منير شبيج زهرة شجاي تحجين انتي

زهرة منير احجي لا تبقه ساكت واني اروح بيها احجي حياتي بين اديك هسه احجي

سعد هاي شجاي تحجي

فواد احجي منير فهمنه صدك جاي تحجي هاي

منير اني اني اني مجان قصدي هيج اسوي زهرة

سعد شنو مجان قصدك سعني الي تحجي زهرة صدك

فواد وانته تساله يعني لو مو صدك ليش جابها لبيته واجه يفهم من عدنه شصار ماكدرت اتفكر بيها

سعد يعني منير اطب بيتي وتنكسه بيدك وتسوي هيج وي اختي مو هيه هاي اختي االي فصخت خطوبتك منها ورحت اتزوجت ثانيه وهسه جاي تضحك عليها بكلمه وكلمتين

بلحضه وحده هجم سعد على منير بوكسات بقه يضرب بيه وفواد فوكا همين يعني يمكن دقيقه وحده وجه منير كله دم صار

وزهرة واكفه وتبجي

رخت اني ركض
ماعرفت شنو اسوي اني ادري بحجي زهرة جذب كل الي حجيته جذب بقيت ادفع بفواد وبسعد من منير كمت اصيح

ريحانه انته ابدال ماتضرب رجلي لم اختك هيه لو مامنطيته مجال يكدر هو ينطيها تليفون لم اختك يله تحجي

زهرة انتي هييي اني اشرف منج لاتحجين عليه

ريحانه مبينه شريفه كلش الي اذب مصايبها ع شخص ثاني شريفه كلش

سعد هييي لا تدخلين انتي غريبه منه مو من حقج تحجين اصلا وخري

ريحانه لا مو غريبه وترة هسه السوالف كلها تطلع بدون مطرود اطلعو من بيتي بسرعه لم اختك وبسرعه روحو يله

منير ريحانه بسس

سعد شوف يامنير اختي يمي اليوم اذا ماجيت وفهمتني شصار والي صار كله موتك انته وياها على ايدي مو اني الي تستغفلوني فهمت مو اني

جر اخته وطلع وفواد طلع وراهم

باوعت لمنير وجه كله دم

ريحانه وانته ماحجيت شي ماكلت هيه شكلتلك بقيت ساكت شبيك

منير وخري مني مالي خلكج

بقيت واكفه وهو كام راح للحمام يغسل وجه اني طبيت يم الحجيه نايمه بعدها خطيه وهيه مريضه منا همزين مافزت

بقيت كاعده يم الحجيه لحد ماطب هوة  وبقه يباوعلي

منير هم حجيتي شي لامي

ريحانه مثل شنو

منير ع زهرة هم كتيلها شي

ريحانه لا

منير متاكده

ريحانه اي مشوفها نايمه بس كتلها مدافعه لاختها وطايحه براسها السالفه

بقه يباوعلي وسكت

ريحانه شراح تسوي بالمصيبه الي ذبتها عليك هسه

منير اندري شسوي

ريحانه شنو اندري روح وفهمهم الصدك لانوب تصير مصيبه محد كدها

منير ويصدكون ماشفتيهم اشلون صدكوها وضربوني لو مضاربيني جان كلنه مصدكو بس مبين مصدكين

ريحانه وطبهم سم اختك وين خلي تحجي وهيه هاي ماستحت على روحها من ذبت مصيبتها عليك

منير اني اعلمهم بس خلي اشوفلي حل واني اعلمها

ريحانه لا حل ولا شي روح وفهمهم وهيه مو دكول حبيب منى يريدها كللهم بتكم هيج وهيج والولد رايدها وخلي يجي يتقدملها وزهرة هيج سوت لانو خايفه جانت على ختها وعلى نفسها

منير وهيج يصدكون راح بس احجي يصدكوني

ريحانه والله اني ممصدكه اي حجايه من حجي زهرة مبينه جذابه واذا صدك هيه شدراها بهذا

الوقت راح تجي اطياف وسعد واذا صدك انكول ورادت تضم لاختها ماضمت التليفون ماشمرته كسرته مو اله تاخذه وتسوي نفسها هيه تخابر بي

منير هسه اني خلي اروح ويحلها الحلال

صدك طلع مني وراح بقيت اني كاعده مجاني نوم يمه شني هاي البنات يذبن مصايب على الناس بدون تفكير
بقيت كاعده ابد منمت لحد ماكعدت الحجيه

حجيتلها كلشي وكعت فوك ماهيه واكعه بهل اثناء
طب منير وجه ينطي الوان ..

الحجيه ها يمه شكو خير ياستار

ريحانه شصار منير

منير مصار شي كومي جيبيلي مي

كمت اجيبله مي وسمعته يحجي وي الحجيه

الحجيه شكللولك يمه

منير شكالو يمه اختها وياها دكول اني اسمع منير من يحجي وي زهرة كل يوميه

الحجيه يمه اني امك انته مسويها صدك

منير شهل حجي يوم شتدىين بيه اسوي هيج سالفه اني وي منو وي زهرة لو رايدها ليش فصخت خطوبتي

الحجيه ادري بيك يمه زين وهسه شصار

منير هيه واختها حجو وكدام ابوهن واخوتهن والحجي تعصب ومصر على زواجي من زهرة

الحجيه يايمه شيحجي هذا انته مزوج

منير مايهمه يمه يكول لو تزوج زهرة لو اختك ترجعلكم وتحلم بينه بعد

الحجيه لا يمه مايسوونها اطياف ام احفادهم اكعد انته واني احجي وياهم وسوء تفاهم هذا

منير هسه انتي اسكتي يايمه ولا تجيبين سيرة لريحانه

الحجيه لا يمه خطيه شذنبها هيه همين حامل وكل يوميه مصيبه على راسها من ورانه زين اختك شنو فلمها شحجت شكالت

منير اختي اختي تريد مصلحتها مادام زواجي من زهرة راح يخلصها منها فعادي عدها كلشي

الحجيه اوف ياطياف ماعرفت اربي حنيه ماعدها على اهلها حنيتها كلها لرجلها ولاهله

ريحانه من سمعتهم مانصدمت اصلا عندي عادي لانو زهرة كلشي يطلع من عدها بس ماتوقعت تكلب صدك ويزوجها لزهرة

جبت المي وطبيت كانو ماكو شي همه هم سكتو

كمت سويت ريوك للحجيه ونطيتها علاجها وسويت لمنير ريوك كال اليوم مايطلع للشغل فاني كمت انضف البيت وارتبه ومنير بقه كاعد يم الحجيه يسولفون

ادري بيهم يسولفون بنفس السالفه بس اني مدخلت لحد ماجاي اسوي بالغده وطبت اطياف تبجي

اطياف وين وينه اخوي وينه الي يريد يهجم بيتي وينه

ريحانه شكو ياستار اليوم كل شويه واحد جاي يصيح خير

اطياف وينه رجلج صدك لو كالو الاخ اخو امريته مو اخو اخته

ريحانه شهل حجي اطياف شكو احجي شصاير

بهل اثناء طلع منير

منير شكو شهل حجي والصوت العالي شصاير

اطياف ليش هيج خويه ليش تريد تهجم بيتي جهالي وين يروحون اذا انته تريد تهجم بيتهم

منير شهجم اطياف انتي واني والكل يعرف الحقيقه محاجه احجي

اطياف والحقيقه ماراح تنقص منك شي خويه وافق واتزوجها انته مو ردت تحجي وشفت اشلون ثبتنها عليك

منير لا انتي اتخبلتي

عافها وطب يم الحجيه وهيه طبت ورا اني هم رحت وراهم

الحجيه شصاير يمه شكو شبيها اختك

ريحانه ماكو شي خاله بس اطياف شويه جنها تخبلت كلش

اطياف اني انوب التخبلت يمه ابنج ايريد يهجم بيتي كليله يزوجها يمه اذا مازوجها يطلكني سعد يطلكني

الحجيه هو شنو يطلكج لعب جهال هوة وابني اني اعرفه لو مسويه جان هو الي راح وخطبها واخذها بس ابني مرايدها

اطياف يمه وهيه رايدته هيه تحبه من زمان وتريده

ريحانه اشو انتي ماتسحين اعذريني خاله بس بنتج ابيتي وكدامي ودكول لرجلي اتزوج حماتي شهل عيون الصلفه هاي

وبعدين انتي تدرين بزهرة هيه الي جانت تحجي بالتليفون مو منى اشلون تدرين بيها هيج وجايه تريدينها تاخذ اخوج

اطياف لا مو هيه خطيه منى جانت تحجي بالتليفون وطاحت براس زهرة

منير ها اشوف الحجي اتبدل مو جانت زهرة الي تحجي وكدام اخوتها لسانج ماسكت

اطياف لا خويه مو هيه حرام نضلم البنيه خويه البنيه لنت عمتك ورايدتك من زمان اخذها خويه والشرع محلل اربعه

ريحانه ومحلل الطلاك عادي اطلكي من رجلج وبيت اخوج مفتوح الج ولجهالج

اطياف ريحانه رجاء الحجي مو الج الحجي لاخويه لو اخوي منا وهيج النسوان تمشيك وتمشي حجيها عليك

منير شنو هل حجي هذا لمي السانج لا ومحمد اكوم اكصه الج زودتيها كلش ترة

اطياف خويه على بختك بيتي يخرب اخذها خويه اخذها وشهر وطلكها بس اتسكت اخوتها منها راح تموت بيدهم اخذها حتى بدون عرس بس اعقد عليها

منير واني شنو اتحمل شي اني ممسوي

اطياف خويه بروح نبراس حلفتك بالغاليه اني احجي وي زهرة واكللها شهر شهر واحد وتطلكين منه ماتبقين على ذمته واخليها

هيه الي تطلب الطلاك حتى ماشيدون ويايه اني همين

بقه منير ساكت

منير شتكولين حجيه

الحجيه لا يمه ومريتك خطيه حامل حرام تكسرها

اطياف ريحانه ماعدها مانع كلبها طيب وماتريد تهجم بيوت وداعتج يمه اني احجي وي زهرة شهر واحد وماخليها تندك بريحانه البيت بيت ريحانه وبيتج ماخليها تدخل بشي بس المهم نخلص من السالفه

الححيه انتو مكبرينها السالفه يايمه هنه اول بنات قابل حابات

اطياف يايمه موتدرين بسعد حيوان وتفكيرة هيج اني عفته يصيح اذا ماخذها من وجهي هذا الاسبوع ثنينهم كتلهم خلاص على ايدي

منير اني اجي واحجي ويا وانتي فهمي زهرة على كلشي

اطياف يعني هذا هو خويه اروح ومطمئنه

منير روحي فضيني

الحجيه شتحجي يمه شبيك تخبلت مريتك وين

ريحانه مريته شنو خاله اني ومنير عمرنه ماجنه رجال ومره خلي يزوج مايهمني اني كاعده هنا علمودج وعلمود ابني غير هل حجي ماعندي

الحجيه حجي السان ريحانه حجي السان يمه المره ويزوج عليها رجلها غير تتخبل وانتي ماتستاهلين هيج شي

اطياف شبيج يمه هسه البنيه وراضيه لاتدخلين بينهم هيه ورجلها يتفاهمون يله اني رايحه

كامت لبست عبايتها وطلعت واني بقيت كاعده

الحجيه يمه هو مخبل وحجه هيج حتى يسكتهم انتي شبيج غير انتي كون تعترضين

ريحانه شعترض خاله ماشفتي ابنج هو الي يريد يزوجها يعني اني شسوي

منير ها سويتيني اريد ازوجها

ريحانه مو هو هذا حجيك مو انته كلت لاطياف خلي تفهم زهرة على كلشي يعني شنو قصدك بهل حجي

الحجيه يمه حجي السان حتى يسكت اطياف  وهو يعرف يصرف

منير اني راح اروحلهم واحجي وياهم واعرف شكو وشصاير خو مابقه هيج اني

..

هنا وخلص البارت