رواية نيران أبو ذيبه الفصل الخامس 5 - بقلم علي العراقي

"نيران أبو ذيبـة "

نـبـأ الـسلطان

الحلقه الـ ٤

بعد ما راح سلمان والشيـخ خيـون بقـى متحيـر  لونه مخطوف يدري بيهم مو كفو ولا بيهم سند الكل طمعان بليشخـه
يروح ويفتر ويفر بسبحتـه ،صـاح على غضـب

خيون : غضب بوية روح لعمك صيحة اريدنه بشغيلة ؟

غضب : رحت لعمي ركض عمي لحد ما صرت الهث لان ما اريد اتأخر على ابوي من اشوفه ضايج وحاير انه هم اضوج  ،  ..عمي ابوي يصيحك

أمير : شبيك بوية شبي ابوك خوب مما صاير شي

غضب : سليمان اجه ويريد ياخذ الشيخة وهدد ابوي

امير: لا اله الا الله شلون سالفة هاي
اجه وياي عمـي مسرع  وصلنا لأبوي
أمير : ها بوية شبيك شصاير وياك ؟

خيون : سلمان كالعادة بدال ما يصيرلي اب وسند اجه كالعادة ونفس السالفة الهتلي

امير: اهدئ يخوي افا عليك على كص ركبتي وداعتك وانا اخوك

خيـون : ذيبي انت عتبي على اخيواني ذليت روحي يبن امي مشوا بشور نسوانهم وكلمن غرب وجهة عني بس الله كريم انتم تكفون وتوفون الدنيا دوارة

غضب : كل ذرة حقد زرعوها اعمامي واذيتهم لأبوي حفرت گلبي حفر وخلت گلبي يوم عن يوم يزيد بنارة وحقده صغير بس بعگل شايب عايشين بين الطلايب والحزن بعد عدة أشهر من التعب

يوم عن يوم گلبي يقسى  على كل واحد يضوج من ابوي وامي رغم ابوي جان كلش ومنبهني من هذا الشي لكن جمرة حقد وجاي تشتعل للأسف ابوي حنين هواي وحنيته عمت على عيونه ولهذا السبب ابوي يسميني ذيبي ذيب وليدي

خيون : ذييب. وليـدي
غضب : ها بوية هاا اجيتك

خـيون : شلونك بدراستك وليدي؟؟اهم شي بحياتك دراستك لا تفكير بغير شـي ؟

غضب: زين كلش واليوم ست وجدان ام العربية كالت لي انت سبع وكلش شاطر وحتى خلتني بصف الشطار وخلتني مراقب على الصف ونسيت اگلك بوية اليوم انباك دفتري ولكيته عد فرخ وصفكتـة طراك فريت اذانه فـر

خيون : هههههههه عفية وليدي
غضب : ذيبك اني وحسن وكركان صاكرهم يخافون مني
خيون : هههههه لا اخيوانك وانت الجبير صير حباب ودير بالك عليهم
حياة : غضبان يمه.   هااا يمه
حياة : تعال عيني بعد امك شيل هاي الدبة وياي ( قنينة)
غضب : رحتلها شلت الدبة وياها
حياة  : عفية وليدي ذيب صاير خشنن
غضب : جيبيلي اخو يعيني
حياة : حجايته غزت بگلبي ودمعت عيني يمهه شنو هالبشر ولا جنه صغير
حياة : اي يمه تدلل بعد عيني ايبلك ( اجيبلك) اثنين اخيوان
غضب : هههههه وبنات اربعة
حياة : ياااا شني اخذك الواهس
غضب : كون عشيرة
حياة : اي يمه تدلل ههههههه

غضب ملاحظته يوم عن يوم جاي ييبهرني بكلامه ويكبر يوم عن يوم وحجايته حفرت گلبي حفر تنخيت ابو فاضل

حياة : بدمعة حارة بجاهك يبو فاضل انت المركض الخيل والكافل زينب اكفلني بجاهك عند الله اريدك تريح گلبي وهالوحيد العندي اريد اخيوان يشدون ضهرة.

حياة : وكلت امري لله وابو فاضل ومشت حياتنا طبيعية عايشين على حب الله وگلب على گلب

وامير بعد عيني عينه ما عايف الشيـخ  خيون ساعة وحتى مشاكله ويا مرته ( احلام) بسبب هذا الشي لأنه يم خيون وواكفله بكل شدة وصاير سند اله

غضب : حبوبة الحلوة
قسمة : هلا يبعد عيني شلونك يمه
غضب : تعبان يا يمه تعبان ،،اجيت وخليت راسي
قسمة : يمه ابني شبيك حبوبة
غضب : اريد مرة
قسمة : هههههههه امداني اي والله شوف حضي شيريد
حياة : صاير هتلي ولك
كاعدين بالحديقة العصر وقت ربيع والجو يخبل
ما اشوف الا وامي نبزت تتقيء
قسمة : گللللللللليييشششش

غضب : ما فاهم شي بس اصيح شكو وامي تتقيء وتضحك وحبوبتي تضحك هم

قسمة : ههههه ولك امك حبلة ( حامل) 

غضـب :من فرحتي كمت اهوس وافزع اجه ابوي مسرع

گال خيـون :  هاا هاا شبيكم فضحتونه كدام العالم تسمعكم بوية

قسمة:  مبارك يمه مبارك مريتك حامل.
خيـون:  عيونه سبقن كلامه اول مرة انشوفه يبجي وفرحان ولمعة عينه تشع ،

جان ذاك الخبـر بشهر الواحد خبر فرح قلوبنا بسنة الـ ١٩٩٩ يعني شكد جان الشيخ خيون ضايج ومكتئب بسبب سلمان بس من سمع بلخبر لا تغير نوعه

واحلى شي جانوا حسن وكركان فرحانين ويهوسون ويدبجون ويا غضـب فرحوا على فرحتـة

حياة: حضنت وليداتي حسن وغضب وكركان يمة راح يجيكم وليد بعد عيني

قسمه:يمه حياة لا تشيلين هاي القنينه مو زين عليج

غضب :جيبيها اني اشيلها مكانج

حياة:واكفيلي مثل العصاة بخاصرتي خلوني اشتغل براحتي ما بية شي والله

قسمه:لا يبعد روحي لا يصيبج شي ويرحن يشمتن بيه

غضب:اي يمة ،وعلي اموتن ولا يتشمتن بيج 

....

حياة : غضب يمه ولك غضباان

حسن : ها يمه هاا كوم ولك امي تصيحك

حياة : لحد يجي بس غضب
غضب : ها يمه شبيج.  تعاال صير كدامي اشوف ويهك
اجيت شوفيني يلا افتحي عيونج
قربت عليه وباستني بكصتي هذا هو يمه روح
غضب : مثل الاطرش بالزفة ما فاهم شي
يمه عود شني هاي

حياة : بعد اميمتك اشوف الهلال بصكتك لأن گصتك كصة خير علينة حبيبي

غضب : فرحت حيل. هاي عادات وتقاليد عند اهلنا واحد من العائلة يصير وجهة وجه خير على العائلة

مرت الاشهر بين الطلايب والفرح والحزن وسلمان ما مل وامي يوم عن يوم تكبر بطنها زيادة عن اللزوم صارت جبيرة حيل

قسمة : يمة بيج توم انتي وعلي

حياة: خالة اني هم حاسة بهيج شي جاي اكل هواي زيادة وبطني ثكيلة حيل
غضب : لا لا شمدريج يجوز واحد راسة جبير  ومربع مثل كركان
قسمة : هههههه الغسل لهالحلك ولك ..؟

حيـاة : تعال يمه كركوني بحضيني بعد حيلي هذا يمسلت يروحلك سبع فدوات

غضب : كوم كوم افري شعري حبوبة راسي يويعني ( يوجعني)
خليت راسي بحضن حبوبتي وبدت تفري بشعري ما احس الا واني نايم

حياة : خيون ماي عيوني شبيك

خيون : تعبت حويتي تعبت
حياة : يمة اسم الله عليك من حيلي على حيلك

خيون : الكاتلني اخوتي بس بالضاهر همه ولا غيرهم

حياة : الله كريم يماي عيني كل شي اله وقته لا تقهر نفسك النوب يصيبك مكروه لا سامح الله ياهو النة احنه

خيون : الله كريم بوية

حياة:  گام من يمي واني گلبي يمه الله يعينة شكد شال حمل
واني دخلت السابع وبطني تكبر زايد
كل ما احط عيني على بطني ابجي ما قصر ابو فاضل
دخلت الثامن واني النفس صرت كوه اخذه
احسب يوم يوم للولادة مرت الايام وقرب موعد الولادة
والحمدلله ولدت اثنين وليدات وكالعادة ابوهم ذبح عجل لأبو فاضل وعزم الوادم گلها

والفرحة ما سايعته واحد سماه خيون بأسم ( عباس)  والثاني سماه غضب بأسم ( جلال)  طايرين بيهم ويخبلون

وبعد سنتين الله رزقني بـ بنية من طلب غضب وبعد سنة الله رزقني بنية غضب صار زلمه شكله جبير عكس عمرة يوم عن يوم اشوف وليداتي يكبرون كبال عيني صاروا روحي من الدنيا وبنياتي مدللات ابوهن يحبهن حيل

حياة : غضبباان
غضب : شببيجج يمه فززتيني نعلة على الشيطان

هاااا ما تملين من سوالفج يمه شوكت باوعتي بويهي وصار علينا خير

حياة : هههههه امشي يلا يمه صلي واخيوانك خلي يصلون
اي صار،،

دخلت للغرفه اريد اخذه السجادة شفت خيون كاعد رحت يمه وخليت راسه على كتفي

حجه هو،
خيـون:يظـحكة بيتي انتي،

حيـاة: يابعد روحي كون تعبك بية يندار

خيـون:لا يروحي ،انتي يحلاوة العمر واحلى شي صار بحياتي
انـه لحد هذا يومي احاول افض شغلي وطلايب العشيرة حتى ارجع للبيت واشوفنجن

حيـاة:جنت مفكرة اذا ما صار عدنا اطفال تزوج علية بس ثبتت العكس الي

خيـون:انه ما يهمني بشر ،وتعرفيني اعرف شنو اسوي كلها كالت الي مرتك ومرتك عاجر لاتضوجين حبيبتي بس انه وعلي لو بس نفس وتبقين يمي هم ميخالف راضي بيج ما يهمني حجي البشر الباقين

حيـاة:الحمدلله والشكر من بعد صبرنا صارت عائلتنا جبيرة

خيـون:تدرين ليش

حياة:ليش؟

خيـون:لأن انتي حنينه على هذول الوليدات اليتامه

حيـاة:لا تكول عنهم هيج وليداتي مو يتامه

خيـون: جـا، شكول انه طيبة گلبج الله رزقج واختبر صبرج يبعد عافيتي

حياة:....

يتبع ..

نبأ السلطان ❤️