رواية نيران أبو ذيبه الفصل الرابع 4 - بقلم علي العراقي

"نـيران أبـو ذيـبة "

بقلم : نبـأ الـسـلطان

الحـلقـه الـ ٣

خيون : يبا كركان هندامك(هدومك) ليش هيج عليك عندك ملابس لو لا

كركان : اي عمي عندي

غضب : لا يبُا وعلي يجذب مساع حشرت براسه الدشداشة عبن راسة جبير ومربع

خيون: انجب وليدي الصبح نروح للخياط نفصلك دشداشتين ونحلق شعرك ماشي بوية صير ذيب

غضب : الا ذيب
خيون : هاا ابو لسان جا شني كلكم انتم ذيابتي وسباع وتاخذون حكم من حلك السبع

غضب : فرخ دياي هواي عليه

خيون : هههههه لا عيب اخوك هذا لا تصير سوقي (طايح حظ)
غضب : بوية ما شايفة انت شلون يبجي جنه دياية وعلي ذبح روحه مساع

كعد الشيخ خيون والتموا حواليه اولادة

غضب وحسن وكركان : كعدنا يمه كلنا ونستمع له

خيون: قال تعالى ( بشر الصابرين الذين اذا اصابتهم مصيبة قالوا انا لله وانا اليه راجعون) 
بوية كلامي الك انت كركان حبيبي كول الحمدلله انت سبع

وابن ابوك الله يرحمه حاليا اني ابوك  وسندك واليمسك معناته مسني  هسة انتة صـرت ابـن الشيـخ خيـون وهذولي اخيوانك انت
الله ابتلاك وميزك عن غيرك صير مؤمن بالله وحباب حتى الله

يبارك بيك وينور طريقك وصدكني يا بوية انت سبع وكفو وامك الله يصلحها لا تشيل بگلبك عليها هي تحبك بس
انجبرت يا بوية هذولي اخيوانك وصيروا اسباع ادري بيكم
ترفعون راسي واملي بيكم جبير بوية انه الاريدنه منكم بس تنتبهون على دراستكم ما اريد تفكرون بغير شي ولدي

غضب :بوية مو انه اريد نشتغل مثل ربعنا الي بلمدرسة

خيون :اذا على الشغل سهلة ابني باجر من الصبح تطلعون للبستان تساعدون ابو حميد

غضب:لا اريد شي اصعب من الصعب يعني مثل الرياضيات الي ضليت بية خمس ساعات وحليت المسأله كامله مكملة صارت دفتر

حسن :جذب ،والله ،لا بوية نطلع للبستان ونساعد ابو حميد خطية هم يتعب ونريد نساعدة

غضب وحسن وكركان : كمنا بسنة راسة
غضب : احبك بوية
خيون : وانتم روحي من الدنيا

خيون : يلا ناموا حتى تكعدون من الصبح
الكل: صار بوية

......
في صباح اليوم التالي..

غضب : كعدت بالخمسة الصبح لكيت حبوبتي كاعدة
غضب: ها الحلوة
قسمة : هههههه ولك بعدك كطمة وطايح حظك سوالف ويمته تبطلها
غضب: افا عليج حبوبة ذيب ابوي اني
قسمة : دفوت يمه غسل ويهك وهاي حليبة بالطاسة النايلون سويها ما بيه حيل اكوم رجلية ما يعينني

غضب : ينرادلج شايب ، معدل شماغه صفح ودشداشته بيها بكع

حسن :عيب ولك لا تحجي على حبوبتي

قسمة : دفوت فوت غسل ابو عيون، تعال لية يمه حسوني بس انته احبنك

غضب : هاااا شبيهن عيوني
قسمة: يبوووو والله يلح دروح امي بساعة
غضب :اووفففف. غسلت واجيت شغلت الجولة حبوبة شسوي
قسمة : مو فطحة هي حليبة بس حميها

غضب : خوش خوش ، شغلت الجولة وحطيت الطاسة النايلون البيها الحليب على النار ما اشوف الا الطاسة ماعت والمطبخ صار دخانه تخنك خنك من الريحه اباوع على الجولة محتركه والمطبخ ريحته تكتل
قسمة : ولك حركتنا شسويت يااا يااا امداني هاي شني جا غير تخلي الحليب بطاسة وتحطة علطباخ النوب على الجوله مخليها جيرة بكصتك يا حبوبة

غضب : يبووو ششفتيني طباخ شعرف اني.. انوب المطبخ صارت ريحته تذبح المطي؟
قسمة : ثوول يا حبوبة
غضب:هـاي شبيج لا تصيحين قابل احترك البيت

قسمه:انجب ولك حركنا ويكول لا تصيحين ،،،يماااا سوودة بوحهي كبينا احترك المطبخ ،يبووو

كعدت حياة على الصياح مال قسمه وغضب

حياة : يا شني هاي ولك شمسوي حركتنا خاايب
قسمة : تعاي يمه شوفي هذا الهتلي مخلي الطاسة النايلون على الجوله عبنه اثول
حياة : هههههههه ولك جا هيج هية واحد يحمي ،اووف ياربي يله بهاي ولا بغيرها يمه ميخالف

قسمه:هاا هم صدك ،جا لو صاير غير شي ياااع ويحترك البيت ،لو المضيف يمه صخاام عزا يلا همزين حركت نايلون

غضب:هااا شفتي عبن طردت الشر من البيت

قسمه:دكم لا بارك الله بيك ولك اسكت

غضب : يلا ترى ما صار شي هي طاسة وماعت فدوة الي ،،

خيون :صبحكم الله بلخير بوية

غضب :هلا بلشيخ خيون تعال تعال تفضل للمضيف

عكد حاجبه وباوع علية بنضرات عدم فهم
خيون:شنهو الدخانه بلمطبخ؟

قسمه :هذا التكول عنه ذيب حركنا المطبخ وهسه يريد يلوف السالفه عليك ؟

حياة:اي يريدك ما تعرف خاطر ما يترزل منك هههههه!..؟

راح وكف بصفه حسن هستوه كاعدة يفرك بعيونه .
حسن:هاي شسويت خرب يومك

غضب:وقزالقرط شسويت انه هو نايلون مابية حظ يشهد الله بس حطيتها ماعت

حجـه الشيخ بنتر
خيـون: غضـب،جـا اطلعني حتى ما اعرف عملتك موو؟.

اتعلثم بكلامه
غضـب :لا حبيبي بوية ماردت تعرف لانو ماردت تغتاض مني؟

خيون:انه اكره الي يضم عنني سالفه حتى لو جانت ما تسوة ، انه ما راح اطكك بس احجيلي وانحلها

دنـك راسـه‍ وحجـه ؛
غضب :صـار بويـة ما تنعاد ..كعدنـا تريگـنا وطلعـنا ويا الشيخ. للبستان ..

خيون : يلا بوية ،، هذا الكرك اخذوا وابدو بلشغل

غضـب:اخذنا الكرك وضلينا نحرث بلسواجي بلبستان لحد ما تعبنا

حسـن:غضب ايدي كامت توجعني

كركان:وانـه ايدي ورمت ولكم اخخ

غضب:جـا ،شسويلكم ماضل ونخلصهن ونمش للبيت

كركان:والله كلـه بسببك انتة بس تريدنا نشتغل نشتغل وهاي نتائجها؟

غضب:ذاك بيتنا وروح ارجع ولا ضل تنك فوك راسي يله

حسـن:هاي شبيكم رويسيه،،

لهناك واجاهم ولد عم غضـب دخلوا للبستان وشافوهم يشتغلون بكل همه

_-ها ابن العاجر هم صرت تشتغل

غضب:تروح منا ،لا بهذا الكرك شايفه انجشخه ابطنك وابطن امك

'-بيـك حـظ تعال يلـة

_-لزمه غضب وطاح بية جنزة من الكتل اجنز وذاك يغلط ويسب بأامه

كام من عنده غضب يلهث تفل علية كاله:
غضب:لو بيك خير ما تمشي بحجي نسوان ،بس. شعتب عليك هو انته مراه دكم لالك عار

_-كام ابن عمه من مكانه مدمى وهدومه متربة شدها بركضه راح لللبيت يبجي ويصرخ

اجاهم الشيـخ خيـون حجولة السالفه بما أنزلت وغضب لسه يكول

غضب:ماخذيت حيفي منه يبـا ، انه يغلط على امي

خيـون:اتركه وليدي انه اعلمه سهلة

....
مرت الأيام بين الفرح والحزن والمصايب جانوا يلقبوني ابن العاجر

ما يعرفون العاجر تسوى راسهم وراس اباهتم

غضب : كاعدين اني وحسن وكركان يم المضيف واجه سلمان عم ابوي
ووياه اثنين ازلام
سلمان : ها ولك وين ابوك
غضب : وعليكم السلام

سلمان : هههههه والله وصايرلك لسان ابن العاجر

غضب : جـا ،شتشوفني كدامك ابن الشيخ واخوتي كدامك

سلمان : ازلف يلا وجفت دخل الباب يصيح

سلمان : خيون خيوون وينك بوية تعال اجاك خطار

خيون : حي الله تفضلوا يابة حياكم
سلمان : عدنا سالفة وياك
خيون : آمر
سلمان : كلنا نعرف انت من بعد ابوك الشيخ وبيك الخير والبركة
خيون : ما عليك زود

سلمان : يابة تدري بعد وفاة ابوك شنو صار وكملن يحجي بكيفة انه عمك مثل ابوك وسندك الشيخة ترجع لهلها

خيون : ههههه بعد هالكليشة طلع المضموم

سلمان : لا عمي بس اني احق بيها منك عبن اني عمك

خيون : عمي على عيني وراسي بس شلون ترهم بوية هاي خاجية ابوي والبخت هاي نقطة النقطة الثانية انت وين جنت صارلي اسنين وهذا ابني زلمة ما اجيت قبل وكلت هذا الكلام
شلون انت احق بالشيخة غير اني الأبن الوريث وورثت هذا البخت من اجدادي وتدرون كلش زين من كامت عصاة موسى احنا اهل بخت أب عن جد

سلمان : شقصدك؟

خيون : عمي هذا الكلام مرفوض جيبلي دليل انك انت الوريث واني من اليوم البسك عكالي كدام الديرة واخلي الناس تشهد اني باطل والأفهمة من كلامك اني مغتصب الشيخة وهاي عيبة بحقي يا عمي

سلمان:  خيون احترم نفسك يعني اني جذاب

خيون : شتريد تكول كول هذا مو لعب فروخ وحتى انزع خاجيت ابوي والبخت كله وكل هالعالم تشهد ووصية ابوي موجودة عمي وهاي الشجرة كدامك ما الك إي حق يمي
وعلى إي اساس جاي تطالبني
عممي خلي النفس طيبة ترى زودتوها
وروح ابوي اسوي مشرادكم ما له والي

سلمان : تهدد عمك ولك
خيون : اعتبره تهديد عمي ومالك إي حق يمي حياكم الله

سلمان : أيا ابن اللذين اني اعلمك هين شوف
خيون : الله كريم

غضب : سمعـت الحجي كلـه بس ادري اذا حجيت ابوي ما يقبل علية رحت لامي وحبوبتي

حياة: هلا يمه شبيك؟؟

غضب : سلمان الأثول اجه لأبوي

حياة : هذولي ما يتوبون استغفر الله
شوية واجه خيون وجهة مطعون وبس يزامخ

حياة: ها عيوني شبيك گلبي اهدئ كول يا الله
خيون : گلنه يا الله شوكت ارتاح جعلها زقنبوت مو شيخة
الله اكبر منين ما ادير ويهي ( وجهي) الگة الباطل كدامي
حياة: لا اله الا الله الحمدلله عيوني انته بس اهدئ يغدولك عشر فدوات سلمان وربعة

اذا خسرت صحتك ياهو يفيدك خيون
خيون : هههههه وعلي .. احبج

غضب : احممم الله بالخير

حياة : دهر فرك ولك جنك جني بسرعة تنبز
غضب : ههههه

يتبـع

لازم تقرو...❤️

القصه تفاعلها ميسوي واهس للنشر ولا للكتابه يعني مدتصعد أبـد ليـش؟

واكو البعض يكول انو القصه مو حقيقه ،،احب اكلج لا حياتي حقيقه وميه على ميه

ومره نشرت حساب البطل وهو اصلا متابع التعليقات كلها تمام

واذا ضلت القصه ما تصعد اني احذفها والسببب البلاغات على حسابي يعني انشر بارت ما يطلع عند البنات ويراسلوني ليش ما يطلع عدنا اي صحيح لان ديصير عليها بلاغات فـ ياريت تتفاعلون وتشاركون القصه عند اصدقائكم