رواية نيران أبو ذيبه الفصل العشرون 20 - بقلم علي العراقي

"نيـران أبو ذيبـة "

بـقلم , نبـأ السلطان

الحلـقه الـ ١٨....

اعتـذر حيل منكم يا بنات كلش خجلانه بس اتمنى تعذروني لان عندي فاتحه والله العظيم حتى ما الحك افتح جهازي

..............................

غضب : دروح يخوي هي بقت عليك
عايد : هههه اگلك هذا همام ما مرتاحلة

غضب : ما مجبور ترتاحلة

عايد : لا والله صدك يعني حتى مدري شلونه

غضب : المطلوب

عايد : وشبيك هيج ترى ما اخذت نص منه
غضب : ما احب واحد يحجي على واحد وهوه ما شايف شي منه
عايد : مو شرط اشوف مرات الله يخلي عدنه بصيرة
غضب : البصيرة هي انك تحس وتعرف الاشياء مو تكول فلان ما مرتاحلة لو علتان مدري شلونه هاي غيبة يالاثول
عايد : خوش يلا كوم اتريك
غضب : گمت طلعت وسديت المضيف
حياة : يلا اكعدوا تريكوا
كعدنه كلنه نتريك وكعد حسن
غضب : اسفرت وانورت
حسن : اليوم مزاج عالي
غضب : اغشك اني ابيعك بايت مثلا
حسن : لا حشاك ما تغش
حياة : يلا يمة تعال اتريك
حسن : لا يمة اريد اسبح
غضب : نايم وي مرتك حتى تسبح
حسن : شني الا نايم وي مرتي واحد ما يسبح الا اكو انَ بالموضوع
غضب : اسبح يلا اسبح
رن موبايلي طلع عمي امير جاي يتصل

امير : غضب الحگني تعال لبيتي

غضب : فزعنه لبيت عمي امير

هاا عمي شبيك
امير : اسمعني كلش زين سليمان واعمامك صايرين شلون العصابة ومساع جنت طالع للشغل لحگني واحد من زلم سلمان

غضب : لحگك وبعدين شسوة

امير : وكف يمي وگال اتلاحگ نفسك

مسلم : سليمان يريد يسويله ملوية عليك درة بفلوس خيون يمك انته وعثمان ويدفع ويضخ فلوس لاخوانك
امير : شمدريك
مسلم : مو مهم بس المهم وصلتك السالفة ومروتك لا تحجي لاحد اني كتلك وهاا خيون فيارة ( كتاله) سلمان وسيد ضاحي همه الكتلوا خيون بشهادة وبليلتها همه للصبح يحضرون تفكهم بس ما اكدر احجي هددني بفروخي
امير : عيوني حمرن
خوش مشكور خوية مسلم واعتبر هالكلام بـ بير ما لك علاقة
مسلم : يلا اني اروح لا احد يشوفني
امير : مودع بالله
رجعت للبيت وخابرت غضب يجيني

غضب : بعد ما حجالي عمي شنو وصل له عيوني صارن بگصتي رحت ركض للبيت اخذت مسدسي
بالعباسس ابو فاضلل اليوم الطخ دمه بايدية
حياة : يمةةة مروتك يممه مالنه غيرك استهدى بالرحمن
غضب : وخريي عنييي يمه خليني اشفي گلبي بي
امير : يمعووودد استر علينه شتستفاد
غضب : ما اريد ااتسفاد بس اريد انعل والدي واشلع عرجه

امير : ضربت غضب راشدي ولأول مرة اضربه هوه ابن واخ وابن اخ وصديق واكثر من هذني

غضب : تمون امير تمون بس وخر عني

قسمة : شو وخروا وخروا شنو ولك انت ما تختشي ما تستحي ولك تريد تسوينه فرجه كدام اليسوى والما يسوى ولكك الله اكبر عليك

اكعد يمه اكعد تضيع نفسك والله
غضب : اللله اكبر عليكم انتم ولكمم ابووي تدرون شنو ابويي ولكم قطعة من روحي واشوف كتاله كدامي كتال ابويي ياكل ويشرب كتاللل ابوي مسوي المثالية كتالل ابوي يشم الهوى حبوبة ابوس ايدج والله وروح ابوي نارر تطحن بية حبوبة انه احسب ساعة ساعة حبووبة كمت حضنت امي
وعيونج البجن راح اخليهن يبجن فرح وروح ابوي

حياة : حضنت غضب وابجي يمهه حكك يرجع بس لا تضيع نفسك وتضيعنه والله نضيع
غضب : فتت لغرفتي واني حيلي مهدوم
حسن : غضب
غضب : هااا
حسن : بدموع حضنت غضب وبجينه سوية
مسحت دموعي. يلا لا تبجي جا اذا اني اشوفك تبجي شلون اصير ريال
غضب : زلمتي انت حبيبي
حسن :نكبر وناخذ ثار ابونه هسة نضيع نفسنا
غضب : الله كريم الله كريم
دخل علية عمي امير
امير : تعال غضب
غضب : كمت لعمي
حسن : والمسدس رجعة
غضب : لا تخاف ما اسوي شي
امير : شتسوي بي رجعة
غضب : عمي وين نروح
امير : لعثمان امشينه
غضب : خوش يلا سرينه
امير : والمسدس
غضب : عوفه وياي نطلع بدون اسلاح وبيني وبينك اني بطني تويعني (توجعني)
امير : بطنك؟؟؟
غضب : اي انه من انوي على شي اذا بطني اذتني اخذ حذري منه واذا لا اتوكل على الله
امير : دخيلك ودخيل بختك سيد غضب والله جاي اشك احنه سادة شو ابوك ابوي يشور وابوك هم يشور. بقت عليك
غضب : ههههه ما نغش
يلا سرينه
امير : يلا
حياة : وين تريدون دية
امير : راح نروح لعثمان
حياة : دية فدوة اغديلك جا غضب شيسوي بالمسدس
امير : والله جناب السيد غضب يكول بطني تويعني وناخذه للحذر خاف يصير شي
حياة : يااا صخام بويهي ولك غضب تريد تموتني اليوم
غضب : لا تخافين يمه ماكو شي
يلا رايحين
حياة : طلع غضب واني گلبي يمهم متاكدة راح يصير شي هاي مو اول مرة غضب من يضيك خلكة من شي او بطنه تأذي لابد يصير مكروه
رشيت وراهم ماي ودعيت الله يحفظهم

امير : غضب بوية تدري عندي نص حلال ابوك وعد عثمان هم كذلك
غضب : عمي حلالكم هذا بيكم الخير والبركة

امير : فدوة رحتلك بس شوف انت بعد صرت زلمه وعمرك جبير دخلت السن القانوني لازم نحول الحلال باسمك
غضب : بس عمي اني ناوي من اخلص دراسة حتى افرغ لهالامور
امير : لا بعد عمك خلي نسوي السالفة كرطة ملح والجماعة محضريلهم سالفة وخاف يصير علية شي لو على عمك عثمان شي لا سامح الله اقلها انت طالع من الحمرة
غضب : الله كريم عمي شور الله وشوركم
باثناء ما نحجي طلعوا اثنين ازلام من البستان
امير : لا اله الا الله نزل راسكك غضب
غضب : طلعت مسدسي وسحبت قسام
عممييي اطلع كبل حتى لو يرمون
امير : اي اي
رموا اتجاه السيارة صارت الطلقات بالتاير
غضب : طلعت ايدي من الجامة رميتهم
امير : للككك لا يكتلونك
غضب : انزللل انزلل
امير : شردوا
غضب : ركضت وراهم راحوا صوب البساتين
اركض وارمي وراهم
غضب : عمييي شبيك
امير : ما بيه شي انه بخير تعال ضل راحوا
غضب : لا عمي واحد منهم تصوب هسة اجيك
شفت اثار دم
اركض ورى الاثر
طلعوا صوب الشارع واخذتهم سيارة
رجعت ركض لعمي
شكيت دشداشته اصابته بالجتف
امير : فاجآوني طلعوا وغضب رماهم

من نزلنا لاحتني طلقة بجتفي بس ما اهتميت لان بالي يم غضب خاف يصيبه شي
شردوا همه ورحنا وراهم بس ما كدرت اركض بعد
رجع علية غضب

غضب : كطعت الدم واتصلت على عمي عثمان
يجينه
شلت عمي جسمة خدر وصار ثكيل
عممي فدوة بس عين نفسك هانت هذا عثمان اجانه
امير : ااخخخ يمةة
غضب : كعدته ومددته بالنهر
طلعت للشارع اجه عمي عثمان وابنه
عثمان : امييرر غضبب شبيك ولك شصاير
غضب : مو مال شرح اركضوا عمي هذاك طايح
عثمان : ياا بوووية
ركضت. لامير لكيته بالنهر غارك بدمه شلناه وحطيناه بالسيارة
غضبب سووق
غضب : اخذت السيارة ورحنا للمستشفى عيوني صارن بگصتي وجهي انطعن طعن متت خاف اخسر عمي مرتين ردنا نندعم بسبب السرعة
عثمان : اسرع يخوووي
غضب : وصلنا وصلنا.
بسرعة دخلنا للمستشفى
نزلت من السيارة ونزلنا عمي
دخلناه للمستشفى
اخذوه الدكاترة وطلعونه خارج قاعة العمليات
جان نازف دم هواي
طلع الدكتور
الدكتور : المصاب نازف دم هواي نريد واحد منكم يتبرع له دم
عثمان : اي انه
غضب : لا عمي انته ضل هنا انه اروح اتبرع بالدم
رحت ويا الدكتور وكملنا الأجرائات وسحبوا مني دم كل شي يتعوض ويهون بس خلي يطلع سالم
اخذوا بطل مني
اني دخت بس كمت على حيلي
غضب : ها عمي
عثمان : هلا بالذيب اكعد ريح
هاك بوية هاي فلوس روح جيب عصير زبيب طبيعي
غضب : ما اريد شي بس اريد عمي يطلع
عثمان : يطلع يطلع لا تخاف
سلمان : السلام عليكم شكووو شبيكم وينه امير
غضب : ...
سلمان : عثمان شبيكم امير شبي
غضب : امير الوديتهم علي صوبوه واني صوبت واحد منهم
سلمان : شبيك شتحجي انته هييي
غضب : هيي بعينك مو ابنك الصغير اني ولا واحد من الحبربشية (اللوگية) مالاتك وجاي تطبقهن براسي
سليمان اسمعني زين عبالك انه ما ادري وروح ابوي وروح ابوي اضيع مشرادك
عثمان : يمعووودد استر علينه منا عالم
سلمان : لا لا عوفه خلي يحجي بس العتب علية انه اجيت اركض ومفزوع
غضب : ههههه من شوكت صار العتب عليك وبعدين تعال احنه محد يدري بينه ياهو وصلك الخبر
سلمان : هااا خابروني انه ما ادري حتى عفت العالم واجيت مسرع
غضب : سبحانك الهي اكوول راويني عرض جتافك گبل لا اسدحك يم عمي امير
سلمان : تطردني وولكك
غضب : اطردك ياهو انته مثلا جبير ابوك روح دام النفس طيبة عليك يلاا كبل لا احط عگالك برگبتك
سلمان : تسمع يعثمان شلون يحجي ويا عمه وتاج راسة هيج
غضب : تاج راس غير شي حبيبي يلا اتوكل

طلع سليمان واني دخت حيل وكعدت حتى ما بيه احجي
شوية واجه ابن عثمان انطاني العصير شربته كله

حياة : طلع غضب وامير وانه بالي يمهم حسيت اكو شي كلبي ناغزني من هالطلعة مالتهم بس ما ينكدر الهم فززني من صفنتي دكت الباب حيل
ركضت للباب افتحه يمه انخمش كلبي.

اي اي منو
مسلم : ام غضب انه مسلم ابن حجي محمد
خوية فدوة لا تخلين غضب وامير يطلعون سليمان ودالة اثنين يوكفولهم بالشارع يريدون يكتلون امير
حياة : يمممةةة صخام بويهي منيلك هالحجي
مسلم : وحق هذا البخت وروح ابوي انه ادري بيهم وسمعتهم ترس اذني
حياة :  يييمه راح وليدي يمةة خاللة
ركضت لخالتي
قسمة : هاا يمة شبيج
حياة : خاالة سلمان راح يكتل غضب وامير
قسمة : يااااعع يمة سودة بويهي منيلج هالحجي
حياة : هذا ابن حجي محمد بالباب
طلعنه للزلمه
قسمة : خاللةة فدوة اغديلك شني صدك
مسلم : خالة وروح ابووي صدك انه يلا رايح لا يشوفني واحد

حياة : كمت ادك والطم يمةة اذا صار بيهم شي ياهو اليضل النا
اطحن بروحي طحنن
عايد : عمة نروح وراهم
حياة : لا يمه اكعدوا اكعدوا هسة ان شاء الله ما بيهم شي

عثمان : بوية غضب هسة اهلك مرعوبين اكي وصل الهم خبر كوم روح لاهلك
غضب : لا عمي خليني ما اكدر اتحرك
اثير : انه اوصلك واحنا نضل يم امير
غضب : لا خليني شوية واروح
عثمان : والله يعاند دكوووم لا تلح كوم بدل ملابسك وطمن اهلك
يلا اثير بوية وصله وتعال
غضب كمت طلعنا اني واثير ابن عثمان وصلني للبيت
يلا استريح
اثير : تسلم رايح ابوي متانيني ودك على ابوي اذا تريد شي
غضب : تمام حياك الله
دكيت الباب واني كوه شايل نفسي

حياة : فززنه دگت الباب اعرفها هاي دكه غضب
ركضنا للباب واني اشوف وليدي ملطخ دم ومسدسة بايدي
يمممةةة صخامم
ولككك شبيك
غضب : صوتج يمه بعد عيني ما بيه شي والله ماكو شي
قسمة : يمةةة صخام بويهي شبيك يمهه غضب
غضب : من طلعنا لاكونه ازلام ورمونه واجت طلقة جتف عمي امير
قسمة : يممممةة ابني ولكك وين هسة
غضب : ما بي ششي والله بالمستشفى ويمه عمي عثمان واني بس اسبح وابدل وارجع الهم
قسمة : يممةة ابني ولجج عصيمة يبيلي عبايتي
حياة : انه ارووحح
غضب : شكو بوية فزعة المن رايحات اولا هسة ما يدخلونجن لان بالعمليات ثاني شي ما يصحى للعصر عود العصر اجي اخذجن
قسمة : لا لا انه اروح.

غضب : حبوبه تروحين شكو مثلا هسة ماكو شي والله لا تشوفينه ولا يشوفج لان فاقد العصر والله انه اخذجن
قسمة : يمهه ولك ابني بين الحياة بالموت تريد تجلطني انته
غضب : هذا هو تروحين تروحين ويمه العصر اخذج
دخلت سبحت وطلعت اخذت سويج السيارة ورحنا اني وحبوبتي وعايد للمستشفى
لكيت اعمامي هناك
غضب : استلم هذولي الأحنان
عايد : مالنا علاقة بيهم
اجوا علينه
جميل : ها يمه شلونج
قسمة : ولي لا بارك الله بيك ماني امك
جميل : تمونين حجية
قسمة : ها يمه شلونك وينه اخيك
عثمان : هلا بعد عيني لا يمه زين كلش طلعوا الطلقة منه بس فاقد بعدة ما كاعد
قسمة : اريد اشوفة يمه گلبي يرفرف على بنيي
عثمان : صحت الدكتور وكوه دخلها بس هي
قسمة : يمةة امير اكعد يبعد اميمتك اكعد يبعد طوايف هلي اوووف ييمة ولك لا تشل حالي ما بيه حيل ويعة يممة اموري يمة يالولد يبو طول الحلو..خمس دقايق وطلعوني وانه روحي ضلت يمه
غضب : طلعت حبوبتي منتهية من البجي ما تنلام والله
قسمة : ما يخلوني اشبع منه يمه ما يخلوني
ما يخلوني يم الحنين ولكم
جميل : استهدي بالله يمة ما بي شي
غضب : يرحم والديك ما عايزين ما لك علاقة
جميل : هااا ولك اني عمك احترم
غضب : ما عندي اعمام تريد تضل هنا ضل واسكت اما ما تسكت اطلع وتسوي فضل صدك
جميل : هينن
غضب : طلعوا  ابو حسن وجميل
شياطين اشووفهم مو اعمام
قسمة : همه ذولي اويلادي سودة بويهي اي والله
غضب : احنا ولدج يمه ما عليج منهم يلا كومي امشينه اخذج ترتاحين
قسمة : لا يمة لا خليني يم بنيي ما يرتاح گلبي الا اشوفه فك عينه
غضب : خوش براحتج بعد عيني

حياة : امير يعجز الوصف عنه مديت مصلايتي وبديت اصلي وادعي الله يكومه بالسلامه
سمعت الصياح برة
احلام : وينجج حووية اطلعي ام السحورة اطلعي
حياة : طلعت الها الله يستر شبيج فضحتينه
احلام : شبببييه هااا ريلي ميت وانتن تطمطمن وما تكللي
حياة : واحنا شمدرينه فزعنه ما ندري
احلام : وين غضيبيب اطلع ولك ادري انته الكتلته
حياة : يااا ولج ليش تضلمين بختج غضب هوه الأخذه للمستشفى هسة شرايدة فضحتينه
كركان : انتي هيي هيي صوتج

احلام : عشتوا شووف منو يحجي بيك حض روح سكت امك ام الزلم شمرتك وراحت
كركان : حجاياتها اسهام بگلبي هجمت عليها اني وحسن وعباس وجلال دكيناها دگ
حياة : يمممة عزا بعيني انفضحنه عوفها ولكك اكعد گوة خلصتها منهم
احلام : انه اعلمكم
كركان : امشيي ولجج لا انعل ابوج
حياة : خفة حلكك دخلتهم للبيت وسديت الباب
حسن : تكول جلبة مو بشر عضتني
كركان : انه خرمشتني اهخخخ يمه هديني خل اعضها من خشمها هذا الجنه خشم گرطة
حياة : انجبب ولك اكعد عايزين مصايب فحضتونه خلي يجي غضب واخلي يعلمكم زين
قمر : انتي ضلي توكفين وياها هي غلطت عليج
حياة : ام لسان وعلي ايي اكص لسانج
جلال : ترى صدك والله كون ماعشها من اذنها
حياة :  كاافي ولكم هسة احنا بيا حال عمكم بين الحياة والموت

غضب : انتضرنا ساعتين على ما صحة وانتبه
اجوا الدكاترة شوية وطلع واحد منهم
الدكتور : غضب تعال
غضب : رحت ودخلت له لكيته صاحي وشوية منتبه ويصيح باسمي
امير : غضـب شلونك
غضب : دامك يمي اني بخير
امير : خوب ما بيك شي
غضب : هاي كدامك اني ذيبك ما اطيح دامك يمي
امير : عفيية ابو ذيبة
غضب : اخذت جف ايدة وبستها.
عمي حبوبتي هنا
امير : صيحها اريد اشوفها

طلعت صحت حبوبتي ودخلتها لعمي امير
قسمة : هلا يبعد امك هلا بريعان گلبي هلا بالحنين شلونك يمه
امير : بخير يمه
قسمة : اووفف ييمة ما يبرد كلبي الا اشوفك واكف علۍ حيلك
غضب : ترى طلقة مسدس مو هاون
قسمة : دفوت فوت
غضب :  هذا اكو شويب شتكولين اذا نزوجج اله

امير : ههه صح

قسمة : ياااا شمالني ألا تسودنت

عثمان : دخل غضب شوية وطلع واخذ امي لامير
احلام : هاااا عثمان ما تكلولي
عثمان : صوتج شوية منا عالم هذاياه زين وما بي شي
احلام : اريد افووت يمه
عثمان : هسة يطلعون وفوتي جوى
احلام : وانه انتضرهمم دروح عني
عثمان : يمة يمة البرابيك
امير :  ختولي عوفها
غضب : دخلت علينا احلام وسوت روحها الحنينة كلش
احلام : امييرر ابوو بييتي ما يگلولي عنك متصوب
غضب : ولازم نكول لجنابج الكريم جا مو عرفتي شني بعد هالحجي الزايد
احلام : كلةة منك انتَ يومية مدولبه
غضب : ثمني كلامج مو زعطوطة انتِ
احلام : سمعتي عمة
قسمة : عمى بعينج شني تتهمين بكيفج انت
امير : ما عايزين فضايح كافي
غضب : اترخص.
طلعت عنهم لأن بس ابقى تستفزني وامعشها من عطوبها
عثمان :  هاا طلعت
غضب : برآيك ليش
عثمان : غير الحر ابو كفشة اجه وما شاء الله اثنينكم واحد يموت على الثاني والله يسامحني على هالجذبة
غضب : هاي انتَ گلتها جذبة
عثمان : اخخخ يسلمان دخيل الله حتى ويهة بايل على شيطان
غضب : خسيس ما علي عتب
عثمان : الله كريم لازم نلگي طريقة نعرف بيها هذولة ياهم خوب ما نروح لسلمان نگلة انت فيار
غضب : موجود الطريق اليوصلنه لهذولة
عثمان : ياهو
غضب : مسلم ابن حجي محمد
عثمان : شلون وشمدريك
غضب : اليوم هوه حجة لعمي امير كال له سليمان راح يسويله لعبة هاي نقطة النقطة الثانية اجه للبيت مساع واحنا هنا بالمستشفى طلعت له امي وحجالها كل شي كال الها سليمان ودة اثنين ازلام حتى يكتلون امير
عثمان : استغفر الله يربي
غضب : المشكلة هذولة المدامغة اعمامي ما يدرون سليمان طامع وما يدرون جاي يلوف ويدور ويسوي كل شي وصدك بعدين يلبسها براسهم
عثمان : جا اكيد هاي نقطة راس سطر
غضب : الله كريم كل شي يبين ان شاء الله والا انعل والديهم
عثمان : تعجبني ابو ذيبة
غضب : حبيبي شيخ تاج راسي

يتبع
نبأ السلطان
البارت بدون تعديل كلش اسفه 💔💔💔