رواية وعصفت بنا الاقدار الفصل الثامن وسبعون 78 - بقلم Rozaya1122

وعصفت بنا الاقدار... البارت الرابع والسبعون
للكاتبه زهراء ( روزايه)...

ولقد مرت عليّ ليالي ثقيلة من شدتها كُنت أبكي حتي تتورم عيناي ولا أشعر بنفسي عندما يأخذني النوم، والله إنني من ثقلتها كُنت أقول لنفسي لن يأتي الصباح إلا وانت بين يدي الله.
.....

لبابه.. طبيت لغرفه ماما وقفلتهه عليه شلون راح اتحمل
شلون اعيش بنصهم وين اروح اني واختي اذا طلعت
من هذا البيت وين اعيش راح تصير بوجهي ليل نهار
شتحمل بعد...

حجيت ويه نفسي ليش هيج جبانه وانهزمت لازم اواجه
حته انصدم واتقوه اكثر مسحت دموعي وكمت فتحت الباب صارن بوجهي كاعدات بالهول سهاد بنت خالي بس طعنتهه تكسر الظهر ...

عبرتهن ورحت للمطبخ اسمع صوتهن ويتعمدن يحجن
بصوت عالي وهي دكول لعمتي طفلهه نازل والطبيبه
كالت لازم ترتاح واحنه كاعدين بغرفه تبهذلت بنتي بعد
على شنو ضامين السر هي لبابه واطلگت

ام جراح.. انه مااجيت خطبتهه منج ولا كعدت على فراشج انه ماعندي جنه غير وحده وماعندي بنات غير بنات ساهره وبنتي واذا جراح دز عليجن هو يدبرلجن مكان

سهاد.. عيوني وين غرفته تصعد ترتاح شنو تظل بنتي
هيج شوفي بطنهه شكبرهه
ام جراح.. تعذريني خابرته هسه وكال غرفتي مقفوله
ومحد يطبلهه وحته مايقبل ترى موغرفته هاي غرفه
لبابه لسه ماشالتهه وكال كعديهه بغرفه ابرار وهم تعذريني غرفه بنتي من راحت ماخليت واحد يفوتلهه

سهاد.. لعد وين تنام بالحديقه هاي عود انتو الشيوخ
هيج تعاملكم ترى مكبرين الموضوع اول واحد اخر واحد
يتزوج لبابه اطلكت مومعناتهه بنتي تعيش بتعاسه ولله
شنو مرته الاولى اطلكت لاعيوني ام جراح اذا هيج
الحجي اني مره واكعد ويه شيخكم بنات الناس لعبه ...

فجر.. بنات الناس التنخطب كدام العالم ومشيه وتروح ام الولد تخطبهه موبنات الناس اليبيعوهه بفلوس لاتمثلين براسنه وتسوي كتل روحه عليهه نعرف دروبكم حسام النسخه مالتج دينه ومذهبه الفلوس باعهه بدولارات بله اسألج سؤال  انطاهه مهر لو اشترالهه غرفه نوم؟؟؟

سهاد.. والله وكبرتي فجر وتحجين بوجهنه شنو هاي معقوله عمتي ماربتكم زين ؟؟
فجر..للاسف ربتنه احسن تربيه ولو عدنه شويه من وقاحتج انتي وبناتج جان هسه صوتنه للشارع ومسويج فرجه

سهاد.. تحترمين نفسج وتسكتين لا.....
فجر.. قاطعتهه لاا شنو تهددين بشنو باصلج لو بخالج لو باخوج السگط لو بمنو؟؟ اسمعي سهاد انتي وبنتج ولو ماعندجن كرامه بس لعلى وعسى باقيه ذره ولاتشوفنه وجهجن المشيطن...

ام جراح ... يمه فجر اسكتي ماينفع الحجي تعالن وياي
وكامت وعافتهن اجت للمطبخ تحاجيني لبابه يابعد اهلي
لاتنقهرين هاي فضالتج شوفيهه حته كرامه ماعدهه

لبابه.. عمه مااريد اعيش هنا مااتحمل اشوفهه
ام جراح.. امشي يم عقيق اخذيهه فجر مااكدر اعوفهن
لبابه ... طلعت من المطبخ الزم الحايط وامشي الدنيا تفتر بيه من القهر دكينه الباب كسرناه يله كعدت

عقيق.. شبيج لبابه ليش تبجين
فجر.. نعاله بنت النعال اجت
عقيق.. منو نوال
فجر.. شكد فطيغه انتي نوال فلتت وذبت الزباله الثانيه علينه
عقيق.. مروه عززه شجابهه وجراح وين
فجر.. جايه تعيش هنا واحنه وين انروح مولبابه الماتتحمل اني مااتحمل اعيش وياهه

عقيق.. شنو وين تروحن لعد هذا البيت المن ازعل عليجن والله اذا سكنت مروه هنا هسه تجيبن الغراض والغرفه الثانيه فارغه ونعيش سوه

فجر.. والسبع
عقيق.. شبي السبع هو اصلا مايقبل يخليكم وحدكم
فجر.. مو تاخذون راحتكم!!
عقيق.. اسكتي عدنه غرفه وناخذ راحتنه

فجر.. صايره متكلمه عقيق افندي
عقيق.. ولي مزاعلتج
فجر.. عليمن بسلا على الصبح شمدغيني بيج
عقيق.. انتي خبيثه تدرين

لبابه.. شمسويتلهه
فجر..والله ماادغي جغيت الكغسي وهي تغيد
تكعد ووكعت بالكاع همزين محد اكو بس بنات
عقيق.. رضيني..

فجر.. شوفي احنه مسوين مفاجئه وخغبتهه انعاله
بس غاح اكلج اليوم مسويلج عيد ميلاد وهسه
نكمل كيكتنه مو لبابه

لبابه.. هزيت راسي يحاولن يتشافن ويطلعني من الحاله البيهه بس نار ومشتعله بصدري هسه بليل تصعد بغرفتي
تنام بمكاني .. راح تنام بحضنه .. راح اطخ بي..
راح يجي تعبان ومثل قبل من يجيني يشمر نفسه على رجلي..

فجر..لاتصفنين وتحبسين دمعتج اذا بجيتي مايفيد
واذا لطمتي مايفيد كلشي مايفيد غير نفسج اتخذي
مبدأ بحياتج نفسي ثم نفسي ثم نفسي محد يفيدج
بعدج باول العمر

ولادكولين ماعندي سند عدنه السبع الله يخلي
وماراح يقصر ويانه لبابه الضعف مايفيد تظلين
ادورين بحلقه مغلقه مااطلعين منهه كلشي يبدي جبير
وبعدين يصغر المشكله تكبر وتوصل الى حل ...

انتي هسه بحاله صدمه وراح تبجين وتنقهرين ابجي
لاتضمين بداخلج كلشي طلعي من كلبج وره هاي المرحله
تصيرين مثل المجنونه تحاولين تثبتين نفسج وتكومين تصرفين تصرفات جنونيه حته تلفتين انتباهه وعود اني ممهتمه بس بالحقيقه انتي جاي تأذين نفسج
وبعد هاي المرحله اذا ساعدتي روحج توصلين الى مرحله
الاستيعاب وتفكرين بنفسج وقارني سلبياته بايجابياته
وراح تكرهي بمرور الوقت لان تلگين نفسج المضحيه
دائما وانخذلتي وساعتهه تتندمين على كل دمعه وكعت منج ...

شبيج فاتحه حلگج عقيق
عقيق.. عجبني كلامج صايره تصدمين يوم عن يوم
فجر.. من ضيم كلبي يعلم على الصلاه ومايصلي
ابو اذان ااااخ يا ابو اذان الحلوه

عقيق.. هم رجعنه
فجر.. متزوج غوسيه ابن ياسين
عقيق.. منو كال يجوز بس علمود الجنسيه
فجر.. اي وغاح يدخلهه الاسلام اااوف ياخويه يالسبع..

لبابه.. تحبي؟
عقيق.. اموت علي..
فجر.. ماتت عليج حيه منو يمج انتي ؟؟
عقيق.. عبالي عليه لان كلتي السبع اني اجاوب
بمكانهه اي تحبه وميته علي بس تجذب...

فجر... يله كومن نكمل الكيك اروح اجيب المواد
واجي عفتهن وطلعت للبيت سياره بالمطبخ واسمع
صوت سهاد تتعارك ويه ام جراح ودكلهه والله اخزيج والعب بيج لعب اذا ماعفتي حال بنتي

وعمتي فقيره دكلهه الله يهديج ركضت للبيت عقيق
ردتهه فازوعه وياي اسحب بيهه ودكلي خلي البس
نعالي لابسه مكلوبه صوت سهاد شعلوه ودكلهه هسه
تنطيني المفتاح مال الغرفه البيت بيت بنتي وخلي
يجي ابنج واحجيله عن سوالفجن ...

كلبي مفرفح صدك الفقير مايعيش طلعت بره جبت
المكناسه الطويله ام العوده و صرت نار وطبيت عليهه
شايلتهه انتي ام الوسخ الزباله التدورين صيدات تعيطين
على عمتي التسوه راسج واشيل العوده واضربهه بيهه

مروه ادنت بعيد تخاف على بطنهه واني اضرب بسهاد كلما ترفع ايدهه اضربهه بس قويه لزمت العوده ولوتهه
بيدي حسيت كتفي انخلع من قوتهه وام جراح تفك بينه

ماسيطرت دفعتني حيل وكعتني بالكاع ونامت على صدري وتسحل بشعري ومااحس غير سعاد صاحت
اااااخ يابه ووكعت على جهه واشوف عقيق بيدهه
اليده مال الهاون وضاربتهه براسهه خلتهه لا ايد ولارجل...

كمت نفضت نفسي ودفرتهه فاقده وام جراح تصيح ماتت
عزه بعينجن ماتت ومروه تكعد بيهه وتصيح ماما
اكعدي اليوم اله اشتكي عليجن حقيرات..

سهاد الموتت خالي وباكت فلوسه هيج كلبي نار وانتي
ام الزلم الي تراسلين بتوالي الليل ونزلتي ضره على اختي
انتي عار وهو هم عار رحت للمطبخ ترست سطل مي
بارد وجبته شمرته على سهاد وعفتهه مجطوله وطلعت

برد كلبي عساهه بالموت ولو هي عار ماتموت
كعدنه نحجي للبابه وهاي كلساع وكالت خاف ماتت
ظلينه انراقب من الشباك شفت عمتي طلعت تركض
دبرت سياره وطلعتهه تسحل بيهه فاقده واخذوهه
للمستشفى..

عقيق خافت وتفرك بايدهه راحت خابرت السبع
ودكله كتلت سهاد ماتت تعال لاتجي الشرطه
تاخذني وهو يكلهه انتي منو عقيق ؟؟

نص ساعه واجه السبع يركض انباوعله من الصاله يگلب
بعقيق وهي ترجف لازم ايدهه ويكلهه بيج شي
وهي دكله صرت مجرمه خله ايده على كتفهه وطببهه
جوه شافنه كال شصاير ؟؟

فجر.. اجت مروه وامهه وعفناهن وطلعنه اجينه يم عقيق
ورحت اجيب غراضنه واسمعهه تتعارك ويه عمتي
ودكلهه اخزيج وعوزهه تكتلهه مااتحملت وهديت عليهه
بالعوده ورادت تكتلني خنكتني وعقيق ضربتهه بيده الهاون

السبع.. ماتت؟؟
فجر.. ماادري اخذتهه خالتي للمستشفى
السبع.. وانتن شنو هالوكاحه شو صايرن ماينكدرلجن
شفتنهه عرمه وطالعه من الطريق شكو تحتكن بيهه
انوب بيده الهاون عقيق ماعرفتج هيج وكحه

عقيق.. تريد تموت فجر موزين ماضربتهه بالسجينه
السبع.. لاعمي زين انعل صفحتك جبار الزارع بيج
يافجر هذا الرس مال الوكاحه
فجر.. شعليه اني بس كتلتهه تتأدب وبس تصحه اكتلهه

السبع.. تعاي عقيق وانتن اقفلن الباب واكعدن هسه
يجينه اخوهه النشمي
فجر.. خلي يجي ووروح ماما اطلعله هالمره بالسلاح
السبع.. فجرررر !!!

عقيق.. صاح بيهه وطبينه للغرفه سد الباب وكال
تخبلتي ولج جنتي رجل الدجاجه ماتحليهه
هسه اطلع الكاج مسويه مصيبه

عقيق..  جمره رادت تخنك فجر اكلك خاف تموت؟؟
السبع.. اكيد اذا بالهاون وكعتي دماغهه هسه تموت
وياخذوج للسجن وبصماتج موجوده على اليده
حته ماترهم اشيلهه عنج

عقيق.. صدك جمره لاتخوفني الله عليك خابرهم
والله اعتذر منهه بس اطيب
السبع.. ابوي جان يكول من تضرب اوجع وانتي خوش
مسويه بيهه

كلشي مابيهه منتبهه ومضمدين راسهه والله ياعقيق
خوفي بعد سنه مااكدرلج مو هيج ادافعين وتفزعين
ضربيهه بخفيف ربج ستر والضربه مو بنص راسهه

عقيق.. طبهه طوب قهرتني غير لومامروه حامل
اله اموتهه حقيرات
السبع.. اول مره اشوفج عصبيه شو بعد عصبي
عقيق.. جمرررره وخر عني لاتلزمني..

السبع.. بس بوسه وحده
عقيق.. رفعت راسي وهو حاضني من ظهري وباسني
من ركبتي وكال بس منا وباسني من كتفي
وظل بس هاي وبس منا واني اضحك..

عقيق.. جمره شو ساكت اكلك مروه هنا
السبع... چاا شسويلهه اولهه وتاليتهه تجي هنا
هسه تروحن اتجيبن غراض البنات ويجن يمي ومن باجر
اعزل بسياج عن البيت وابنيلهن غرفه فوك وحدهن

عقيق..يااااااا وتشوف جراح يوميه
السبع.. لادكولين ياااا وسحب شفتي الجوه بأيده
عقيق.. مزاعلتك
السبع.. ليش عليمن عايل بيج؟؟

عقيق.. عيد ميلادي اليوم وماجبتلي هديه
السبع.. موصلح ويه التواريخ بس ماتزعل نسمتي
هسه تبدلن واخذجن تتعشن بره
عقيق.. ومن نرجع انسولف عندي سالفه وياك

السبع.. ضحك بصوت عالي خاف مثل سالفتج مال ذاك اليوم وكلبج عطل وخربتي ابو السالفه
عقيق.. لا هالمره ضابطتهه سالفتي
السبع.. انشوف بس انه مامسوؤل عن المخلفات التصير
عقيق.. جمررررره لاتصير منحرف عيب

السبع.. وين اضمج عقيقي كل سنه تكبريهه تتربعين
بگلبي اكثر انتي الدنيا كلهه الي شوفة ضحكتج
اكبر امنيه عندي ..

عقيق.. خاف تطلع متزوج عليه
السبع.. انجبي وكومي حته اذا موانتي بحياتي هم
مااسويهه هي نفسيات وكل واحد ونفسيته يعني
هسه انتي عندي ورغم وضعج الصحي بس
لو يخلولي كدامي مونسوان ماتدني نفسي عليهن
الحمدلله مقتنع ومكتفي

عقيق.. شكد تحبني؟
السبع.. والله راح اكوم اكتلج كومي بسرعه
عقيق.. بسرعه كمت واني اضحك يتنرفز من هذا
السؤال طلعت كلت للبنات يتحضرن...

هو طلع بره واحنه بدلنه قفلنه البيت ورحنه
تعشينه بره وافترينه واشترينه ملابس كل وحده
اخذتلهه قطعتين حته لبابه شويه ارتاحت فجر كامت
تصيح انريد موطه بس لبابه مااكلت...

من رجعنه ناكل موطه بالسياره واسمع صوت
تناشغ مال بجي التفتت اشوف لبابه تبجي وفجر
تاكل الموطه ومبرطمه بس مايهون عليهه تذبهه..

فجر.. ليش بجيتي بالسياره
لبابه.. تذكرت كلما نطلع يشتريلي موطه
ويجيب الطريق كله يتغزل بيه ويتشاقه اخر مره
طلعنه كلساع يبوس ايدي

فجر.. وراح تظلين هيج تذكري بكلشي
لبابه.. موبيدي شكد مامحمله حقد بداخلي
شكد مايقابله حنين كسرتني كسره ياجراح ماابريك
الذمه للموت..

عقيق.. السبع  طلع بليل من رجعنه واحنه كاعدين
كامت فجر كالت انروح انجيب ملابسنه والتحجي
نهد عليهه رحنه تلاثتنه لبابه كوه اخذناهه بس كلساع
وكالتلهه فجر المواجهه تقويج...

طبينه انصيح عمه جاوبتنه هله ببنياتي ولجن
طلعتن وماكلتن عمتي
فجر.. زنوب شلون ننساج جبتلج هاي وطلعت حجاب
واني جبتلهه شحاطه ولبابه جبه بوستنه وهي
تدعيلنه ...

فجر.. عمه اجينه ناخذ ملابسنه نكعد يم مرت السبع
عقيق.. ولج عندي اسم
فجر.. انتي ام البيت داده مايصير نكول اسمج
ام جراح... انجبن واسكتن

لبابه.. لا عمه مااكدر اظل اذا تحبيني ماتزعلين
وهاي احنه بصفج بس تعرفين وضعي
ام جراح.. انه هم اطلع من البيت
فجر.. حته تعوفي الهه لا عمه احنه بصفج من يطلع جراح
نهجم عليج

لبابه.. كاعدين انسولف ونزلت مروه اطك بنعالهه
مال العرايس لابسه روب ومطلعه زنودهه وبطنهه
حيل جبيره فاتت من يمنه وراحت للمطبخ
دنكت راسي مااتحمل سالت عمتي كتلهه هو هنا؟؟

ام جراح.. اي اجه
لبابه.. ووين كعدهه؟
ام جراح.. بغرفتي ماقبل يفتح غرفتكم هذا مفتاح
غرفتج وغرفه ابرار
لبابه.. موغرفتي مالي شي بعد يمه

ام جراح.. والله من اجه تخبل عليهن اول مره اشوف
هيج بشر ينهان ويسكت جايات بدون علمه جايبهن
حسام موصلهن ورايحات وجذبن من كالن هو كايلهه
وهاي بعد مادري شلون تصفه

لبابه.. كمنه لمينه غراضنه ملابسي اغلبهه فوك
وماريد اصعد واشتم عطره بالغرفه من طلعنه
صار بوجهي بسرعه مشيت صاح وراي لبابه
كمت اركض اريد اوصل البيت بس مالحكت
لزمني من ايدي يم بيت ضرغام..

لبابه... وخر ايدك لاتشوفني وجهك
جراح.. خلي احاجيك الله عليج لبابه بس احاجيج
لبابه.. وخر ايدك واحجي وشتريد تحجي هاي جبتهه
يمي وطلعتلك من البيت لبابه طلعت كلشي ماكو
هي ام الولد وهي ام البيت واني شنوو؟؟

جراح.. حقج بكلشي والله لو اعتذرلج عمر مااستاهل
تسامحيني بس والله ماردت هيج اعيشج وماادري
شلون غلطت هيج غلطه لبابه انطيني فرصه ..

لبابه.. شايف هاي النجوم اقربلك من لبابه لو تموت
ياجراح مايرفلي كلب عليك هيج نار نار بكلبي مايخمدهه
اعتذارك روح لمرتك وانصحك تنساني لان انت انتهيت
بالنسبه الي...

عفته ورحت اركض بسرعه للبيت ماكدرت امشي كعدت
يالكاع وكمت ابجي ابيتي كعدت وحامل بابنه واني
شجنيت شحصلت يا امي شحصلت ..

كومني من الكاع وطبيت بجيت لحدماكلبي كال
كافي ارحميني خلينه غراضنه بالغرفه ونمت
اتصنع النوم حته لا احد يشوف عيوني
ويكولون تبجي علي...

رانيا... شدسوي؟؟
ضرغام.. ششوفين اتملعب
رانيا.. شتعلب؟.
ضرغام.. سويلي كهوه وتعاي العبي وياي

رانيا.. ماالعب ماتقشمرني
ضرغام.. رانيااا كومي سويلي كهوه ولو تطلع
نخلتين براسج سوالف الدلع ماتمشي اليوم
رانيا.. ظهري يوجعني
ضرغام.. هسه اطيبج..

رانيا.. كمت سويتله كهوه وهو كاعد يشتغل باوراق
كعدت يمه دك تليفونه ادنيت اشوف منو لزمني من فكي
ويخابر ويباوعلي ادفع بايده وهو لازمني حيل

يسولف ويحرك اصبعه على شفتي ذاك مدري شكاله
رد علي اخذوهه لقسم المكافحه وهي تعترف للصبح
تحجيهن كلهن عدكم ادله عليهه هي ارهابيه بس لازم
ادليكم بمكانهم سلموهه للجنه وهي تعترف...

كمل مكالمته كتله عوف فكي سحبني علي
اكثر كال شنو رايج اخذج للمكافحه الفوك
رانيا.. كوه ساده حلكي من الابتسامه واكله عوفني
ورفعت حاجبي

ضرغام.. والله انتي شاعله عشيرتي بسوالفج
وباسني حيل من شفايفي وابتعد باسني من
وره اذني وهمس بيهه تمردي اكثر...

رانيا.. لزمته من ركبته وبسته شمر القلم من ايده
واطشرت الاوراق كلهه نايمه واخذني من الصاله
للغرفه الفوك وهو يبوس بيه وكلساع اريد
اعثر ويلزمني...

رانيا.. نايمه على صدره وهو يلعب بشعري
كتله اريد طفل
ضرغام.. منين اجيبلج
رانيا.. اخذني لاربيل مدرسه وياي كالت اكو
دكتوره باربيل زينه
ضرغام.. ادللي اخذ اجازه واخذج ...

لبابه.. السبع طلع عمال بنه سياج وباب صرنه معزولين بس صوت مروه شعلوه يوترني تطلع بالحديقه وتتعمد تسمعنه صوتهه

مر اقل من شهر تقريبا وجانت عصريه ونسمع
عياط مروه عدهه ولادهه امهه يمهه اخذوهه
هي وعمتي واني بالسطح ابجي جان مثل عند
امي يامن تعب يامن شگه يامن على الحاضر لگه ...

لليل وجابوهه جايبه طبيعي وتوم ولد وماكالت
بيه توم وهنا حسيت الدنيا صندوق وانسدت عليه
بجيت وندبت حظي واتذكرت ايامي وخسارتي
لطفلي لو من وصلت الموت باخر مره ...

اللهم لاتجعلني من الحاسدين بس ليش هيج
صار بيه ليش مواني مستقره وعندي طفل
ليش خسرت كلشي وصفيت بجسد خاوي؟؟

طلعت الاربعين ورجعت امهه واختهه وهي صارت
الزوجه المعززه المكرمه الباب ماتوصله كل خطار يجي
يكول شكد حلوه مرت جراح وفعلا حلوه طويله ورشيقه
وبيضه والعيون كبار وشفايف عبالك نفخ ومعتنيه
بنفسهه حيل ...

جنت واكفه على الشارع مال الجامعه انتظر الخط
ومرت سياره دكتور ويانه ماصار فتره من داوم
ازدحام واني متعلمه اعبر السير للجهه الثانيه للخط
صارت وكفته كدامي جنت دايره وجهي التفتت شفته
يباوعلي مااهتميت ...

بوقتهه امتحانات نصف السنه وجنت امتحن وهو اجه
يفتر على القاعات مخلي رئيس قسم حجه ويه الاساتذه
ووكف يم راسي كال شنو اسمج الكامل؟؟

رفعت راسي كتله اسمي ابتسم وكال موفقه وراح
مع العلم مايدخل النه بس اشوفه يوميه لان رئيس قسم
بس هم ماظل ابالي ابد والبيه كافي لا فكرت ولا استغليت فرصه حته ارتبط اقتنعت بحياتي وكرهت
جنس ادم ..

بيوم منهن كاعدين نقره والسبع طالع ونسمع صوت عمه
تصيح ركضنه عليهه تصرخ بعلو صوتهه وتصيح ابوس
راسك يمه راح تموت انفتح باب المطبخ واشوف جراح
ينزف من خشمه يخلي ايده على خشمه مثل البوري
وايده ترعش مثل حالته السابقه واكثر

مروه وراه تركض وتبجي وعمتي من جهه واحنه واكفين
نتفرج مدنك راسه بالمغسله حمره صارت ويضرب
ايده بالحايط بس يريدهه توكف من الرعشه مايسيطر

اعرف حالته واعرف شسويله الوحيده الي اكدر اسيطر
على حالته رجل تتقدم ورجل ترجع ليوره وعمتي تتوسل
بيه عاف خشمه والنزف بس يريد ايده توكف عبالك بيهه
صرع جنت قبل من تجي الحاله احضنهه واضم راسه على صدري واظل ابوس بايده واحجي وياه ويهدء ...

غمضت عيني واني اعيش حالته ماادري شلون
تقدمت وشلون اخذتني رجله اله واعبر الحديقه
واريد اساعده ومااحس غير الدفعه من كتفه وتشمرني
على درجات الحديقه احس ظهري انقسم بالنص
وهي دكلي لاتتقربين كله من وراج....

.
.
.
يتببببببببع........ متابعه شيقه