رواية وجوه مختلفه الفصل الحادي عشر 11 - بقلم دانيا

رواية وجوه مختلفه

الفصل الحادي عشر11

بقلم دانيا

فتحت الخط قبل اقول الوو سمعت صوت ايوب قال لي ياعدن م تمشي شركة الإتصالات ولو انتي في الجامعه ارجعي البيت فوراً ،، صدمني بكلامه وكمان صوتو كان م طبيعي قمت قلت ليهو ايوب انت وين والحاصل شنو ؟ قال لي مافي وقت للشرح انتي وين ارجعي البيت سريع وم تطلعي منو قلت ليهو انا قدام شركة الإتصالات .

حسيتو ارتبك لمن قلت ليهو كدا قال لي ارجعي البيت وقبل يتم كلامه الخط قطع ،، بقيت مخلوعه م فاهمه شيء رجعت في رقمو كم مره بديني قافل جسمي كله بقى يرجف قلت ياربي الحاصل شنو ؟ قاطع تفكيري صوت بتاع العربيه قال لي جاهزة للرحله قلت ليهو رحلة شنو؟ عاين لي وابتسم وساق العربيه بسرعه كبيرة في الظلط دا .

اتصدمت من تصرفو قلت ليهو سوق براحه انت ليه سايق بالسرعه دي وبعدين انا هسي زاتو م وريتك ماشه وين ؟ قال لي بنبره حاده " كل البركبوا معاي انا البقرر اوصلهم وين " وبقى يضحك قلت ليهو نزلني يامريض نزلني بسرعه كيف يعني بتقرر عنهم نزلني وإلا والله اتصل للشرطه واندمك .

على كلامي دا كبس فرمله لمن شنطتى وقعت مني تعحت الكراسي ،، مد يدو شال الشنطه وطلع منها التلفون قال لي كدا تاني ح تتصلي ؟ اتصلي يلا حاولت افتح الباب طلع قافل البيبان كلهن ، تاني دور العربيه ورجع يسوق بسرعه قمت قلت ليهو انت منو زاتك وداير مني شنو؟

قال لي انا انا عزرائيل وبقى يضحك قلت ليهو خلينا نتفاهم عاوز مني شنو انت ؟ قال لي احسن ليكي تسكتي وم تضيعي طاقتك في الكلام يمكن تحتاجيها بعدين ،، فجأة حسيت بحاجه جنب رجلي طلعت رجلي من الحزاء وبقيت اتحسس الحاجه دي شنو ؟ اتلفت عاين لي قال لي شاطره بتسمعي الكلام م اشتغلت بيهو لسه كنت مركزه مع الحاجه التحت دي شنو.

هبشتها برجلي قلت معقولة يكون تلفون ، دنقرت براها شلتها قلت دا تلفون ابوي ،، اتزكرت إنو الزول دا طلع تلفون واحد من الشنطه قلت في نفسي نسيت ما انا لمن رجعت شلت التلفون من مكتب عمو عادل م دخلتو في الشنطه الحمد لله....هسي اطلب المساعده من منو ؟ قمت رسلت رساله ل حسام استلم لكن م قرأ طوالي العربيه وقفت .

عاينت برا قلت انا وين؟ كانت الدنيا قريب للمغرب بعد وقف العربيه طلع برا مسك تلفونو اتصل وبعدها جاء فتح لي الباب ،، اول مافتح لي الباب ضربتو برجليني لمن وقع قلت ليهو انا وين وليه جبتني هنا ؟ قام بسرعه مسك يدي قال لي طولي بالك كدا كدا وصلتي وح تعرفي

الفصل الثاني عشر من هنا

اضغط