رواية وجوه مختلفه الفصل الثالث عشر 13 - بقلم دانيا

رواية وجوه مختلفه

الفصل الثالث عشر13

بقلم دانيا

اثناء ما انا واقفه سمعت صوت خطوات ماشه على خطوات لحاجه كبيره المره ما كشكشه حشرات في العشب ،، وقفت في زهول بقيت افتش في مصدر الصوت لمن بقى قريب مني اكتشفت إنو جاي من قدامي الصوت دا في حاجه هاجمه علي من قدام.....بخطوات مسرعه واقدام مثقله درت للخلف وبديت اجري بالإتجاه المعاكس فجأة سمعت صوت كان قريب مني على بعد كم خطوه قال " اقيفي " .

اول ما سمعت الصوت دا الخوف اتملك كل جسمي اتزكرت كلام الزول الرماني في الغابه ومشى خلاني ، وقت قال لي انتي ممكن تتكلمي بس م مع إنسان بس ممكن تتكلمي مع جن ،، من اتزكرت العباره دي قلبي بقى يدق بسرعه وما وقفت بالعكس زدت السرعه في الجري ؛ من الخوف حسيت رجليني بقن يتلخبطن مع بعض واثناء ما انا جاريه بقيت اسمع اصوات عاليه كأنها لحيوانات مفترسه جايه من قدامي .

اتخلعت وم عرفت اعمل شنو لفيت عاوزة اغير الإتجاه حسيت بحاجه ضخمه اعترضت رجلي ،، وم وعين نفسي غير وقعت في الأرض عاينت جنب رجلي سريع لمحت حاجه سودا مع سواد الليل دا واقعه جنب رجلي دي الحاجه العترت لي....من الخوف والخلعه بقيت اصرخ بأعلى صوت فجأة لمحت حاجه واقفه فوق لي .

بهناك ايوب بعد اتكلم معاي وقال لي ارجعي البيت سريع ،، هو زاتو رجع وقعد انتظرني مسافه لمن م جيت مسك التلفون وبقى يتصل لي التلفون بطلع قافل حاول كم مره لسه قافل وآخر مره قبل يحاول يتصل جاتو مكالمه من حسام ،، في البدايه استغرب بس بعدين اتفائل قال يمكن تكون عدن مشت ليهم في البيت رد عليهو قبل يسلم عليهو قال ليهو قول لي عدن معاكم.....طوالي حسام رد ليهو قال ليهو هسي انا متصل ليك عشان اسألك منها لأنو رسلت لي رساله م مفهومه وبعدها حاولت اتصل ليها تلفونها مقفول.

ايوب خاف واتوتر عقب كان قاعد قام وقف على حيلو قال ليهو رسالة شنو؟ حسام قال ليهو قبل نجي لموضوع الرساله الحاصل شنو مع عدن وهي قاعده معاكم كيف يعني للساعه عشره مساء م جات وم عارفين محلها ؟ ايوب سكت وم قدر يقول اي كلمه من شدة خوفو بكون حاصل شنو ل عدن للحظه حس بالذنب لأنو خلاني امشي شركة الإتصالات براي ،، قال ل حسام م معاي وقت للشرح تعالني جنب شركة الإتصالات ضروري وهناك بنتفاهم.

انهى المكالمه وطلع بسرعه صادف عمي قاعد برا في الحوش سألو قال ليهو ماشي وين ووين عدن الليله؟ رد عليهو وهو ماشي على الباب من غير ما يقيف يصغي للكلام معاهو قال ليهو ماشي ل منيب برا هنا وجاي وعدن في بيت خالها وطلع طوالي عشان م يكتر عليهو الأسئله ،، عمي قال الجيل دا كله م عندو إحساس بالمسؤليه ليه م قالت لي ماشه خلتني اقلق عليها من قبيل .

حسام وصل قدام شركة الإتصالات واتصل لأيوب وين انت انا وصلت ،، ايوب قال ليهو جنبك وشايفك طوالي اتلفت شافو وقفل الخط لوح ليهو بأيدو واول ما جاء عليهو ايوب قال ليهو قبل اشرح ليك اي شيء وريني الرساله وكانت ملامحو كلها خوف وتوتر ، حسام عاين ليهو مسافه وبعدها فتح تلفونو ووراهو الرساله الكان مصمونها " ساعدني انا اتخطفت بإتجاه الوادي " بعد ايوب قرأ الرساله بقى يرجف وعاين ل حسام طوالي حسام شال منو التلفون قال ليهو الحاصل شنو يلا اشرح لي قصدها شنو ؟ انا من جاتني الرساله دي ركبت إلا العربيه وبأقصى سرعه مشيت بإتجاه الوادي وجيتي دي من هناك للآن لمن الظلام سد حتى رجعت وحاولت اتواصل معاك هناك كان مافي شبكه بس كمان م لقيت ليها اثر.

ايوب زح منو ودار ضهرو وشبك يدينو في راسو وبنبره كلها اسف قال كلو بسببي ،، حسام مسكو من يدو وقال ليهو قصدك شنو؟ قال ليهو ورح مشى معاهو مسافه وبعدها وقف وبقى يحكي ليهو بالحاصل ، حسام وقف مصدوم وم مصدق وبدأت في وشو ملامح الغضب وفجأة إنفعل في ايوب قال ليهو دا كله حاصل وانت م بتكلمنا غبي انت دي امانه عارف يعني شنو امانه لو م اتلقت انا م ح اريحك ،، وقام ماشي منو بإتجاه شركة الإتصالات ايوب بقى يعاين ليهو ومشى وراهو بسرعه ومسكو من يدو وقفو قال ليهو ماشي وين انت ؟

قال ليهو زح مني عاوز امشي اسأل الحيوان الإسمو عادل دا عن عدن ،، وانت اوعك تتبعني عشان م اتفش فيك بنبرة غضب ايوب قال ليهو حيوان انت دا يعني انت مفتكر الزول دا ح يجاوبك ويقول ليك ااي والله خطفتها ووديتها الغابه ؟ كون منطقي يارجُل ، بقى يعاين ليهو بغضب قال ليهو قصدك نعمل شنو نرجع البيت نتقطى وننوم وكأنو مافي حاجه؟ قال ليهو اهدأ م كدا بتتحل الأمور ،، في رقم كان في تلفون ابوها مسجل نفسه بلغب الشبح دا الجاب ليها كل المصائب دي انا شلتو وبحاول من قبيل اتواصل معاهو عشان اعرف منو معلومات.

اثناء ما هم واقفين جات رساله في تلفون ايوب فتح التلفون لقى نفس الرقم مرسل رساله مضمونها " ابعدو من شركة الإتصالات انتوا عاوزين تموتو ؟ " ايوب من قرأ الرساله ملامحو اتغيرت ، حسام سألو في شنو م قدر ينطق بحرف ومد ليهو التلفون وبقى يتلفت يمين وشمال الشارع كان مليان ناس ح يعرفو كيف وهو م حصل شافو ،، حسام طوالي قال ليهو اتصل في الرقم ياايوب عشان نقدر نعرف دا منو وكيف مترقب كل تحركاتنا وليه وقع عدن في المصيبه دي ووين عدن حالياً؟.

قبل ايوب يتصل تاني جات رساله مكتوب فيها " حتى لو اتصلتو م ح تستفيدوا وانتوا ليه لسه واقفين اتحركوا " وقبل يتحركوا فجأه جات رصاصه من حيس لا يحتسبوا وضربت جنبهم لمن اتخلعوا وبقوا يعاينو حواليهم عشان يعرفوا المصدر ، وكل الفي الشارع اتهجموا وبقوا يتجاروا في الشارع والمكان بقى عباره عن ناس جاريه هاربه كأنهم هاربين من الموت.

انا رفعت راسي عاينت لقيت حاجه واقفه فوق راسي عاوزة اصرخ سمعت صوت قال اهدئي يابتي ،، اتهجمت وعاينت بسرعه فوق لوجههو لقيت عمك عجوز واقف قدامي حسيت كأنو حركة جسمي كلها اتشلت قلت في نفسي دا جن متنكر ؟

الفصل الرابع عشر من هنا

اضغط