رواية وجوه مختلفه الفصل الخامس 5 - بقلم دانيا

رواية وجوه مختلفه

الفصل الخامس5

بقلم دانيا

انتي عاوزة مني شنو يابت وتخوفيني كيف يعني ؟ هسي طلعتي انتي ورا البحصل لي دا كله ؟ فجأة نطت قالت لي لا والله ياعدن انا م لي علاقه بالبحصل ليكي دا انا بس سمعت إنك اليومين دي قاعده تتخلعي بالليل عشان كدا قلت دي فرصه اخوفك عشان تطلعي من هنا وتمشي بيت عمك لأنو انا م عاوزاكي تقعدي هنا خايفه حسام يغير رايو فيني لبعدين ويخليني عشانك ودنقرت راسها بأسف.

خالي قال ليها مجنونه انتي يابت حسام يغير رايو فيكي في شنو يعني وانت دايره شنو من حسام؟ طوالي حسام اتدخل وقال انتي يابت هبله امشي قدامي يلا على بيتكم سريع ،، تاني لو شفتك حايمه بالليل ولو بالغلط م تلومي إلا نفسك جراها من يدها ومشى وخلانا نحن هنا محتارين ياداب مرت خالي اتكلمت قالت لي انا آسفه يابتي عن الحصل بت اخوي دي طايشه شويه م تآخذيها .

خالي عاين ليها عين حاره قال ليها خلي اخوانك يضبو بناتهم يا سميه اخير ليهم ،، دا تصرف يطلع من بت اصول ومشى دخل جوا ، عاينت ليها مسكت يدها قلت ليها ولا يهمك البت صغيره وجاهله لسه م تشيلي هم الموضوع وقمت دخلت جوا....الصباح اول ما طلعت ماشه الجامعه وصلتني رساله من نفس الرقم الأمس مكتوب فيها حضرنا ولم مدنجدكم ،، امس مالك م جيتي م عاوزة تعرفي الحصل مع اهلك والكوابيس دي من شنو ؟.

عاينت للتلفون بخلعه قرب يقع مني حسام قال لي في شنو ياعدن اتوترتي الرساله دي من منو؟ قلت ليهو لالا م من زول قصدي دا م تلفوني دا تلفون ابوي الله يرحمه يمكن دا واحد من ناسو البتعاملو معاهو م عارف قدار ابوي اتوفى الله يرحمه....قال لي ايواه انتي الحق عليكي المفروض تعملي اعلان عشان الناس تعرف قلت ليهو تمام.

قال لي يلا اركبي ورح اوصلك اتأخرنا ركبت في العربيه واثناء ما ماشين في الطريق فتحت التلفون ورديت على الرساله قلت ليهو انت منو وداير شنو؟ رد سريع قال لي لو مهتمه كان جيتي ،، قلت في نفسي دا منو الغبي دا كمان تاني جات رساله من نفس الرقم كاتب هسي م فات شيء لو عاوزة تعرفي اهلك ماتو كيف والسبب ورا كوابيسك تعالي المساء بعد المغيب ورا المشغل حقكم وم تكلمي زول وم تجيبي معاكي زول.

قريت الرساله وطنشت وصلت الجامعه نزلت من العربيه حسام قال لي بعدين اجي اسوقك؟ قلت ليهو لالا الليله يمكن اطلع متأخره وعاوزة امر على بيت عمي قال لي تمام ودور مشى ... قبل ادخل الجامعه اتصل لي ايوب كنت بتكلم

اضغط