رواية وحوش بشريه الفصل الثامن عشر 18 - بقلم Rozaya1122

#البارت التاسع عشر
#وحوش بشريه
#روزايه

يجي وكت العتب واتعاتب وياك
واخليهن بديك ذنوبك وياي
انا الشلتك جمر تحرك بالجفوف
واظل خايف عليك يلوحك الماي
اثر سهم المضة منك اداويه
ومحضرلك مكان لسهمك الجاي
اتلكة الحزن منك واهم بيك
ويا ملكة اليسرك مثل ملكاي
مثل صبير اموت من العطش موت
اشرب دمعتي وما خسرك الماي
وكل روحي صبر واتحمل جروح
اجرح لا تخاف اتحمل هواي
صبيرة وصديقي العطش يفلان
حسبالك اذل من تكطع الماي
هينة شما شفت منك اجازيك
اردهة ضعاف الك دكاتك وياي
شجرة اني واكيد تردلي فد يوم
تكلك الشمس وتدور فياي
تاخذ يسرتي ساعتهة يفلان
كل زين الألك منطيتة يمناي
نتحاسب اني وياك الجرح بثنين
اعوف الراح الك بس اخذ الجاي
....

فضه: ها يمه بشر ناجحه لولا؟؟؟
ضرغام: اي ناجحه مبروك شمامه البطله معدلج88

فضه: يا بنيتي يافرحتج شكبرهه مبروك حبيبتي ربي يوفقج ويعوضج وما يشمت بيج اعدائج..

شمه: مخليه راسي على الكاونتر واسمع ضرغام اي فرحه بداخلي ماكو اي ردة فعل ماكو

حققت حلم وخسرت حلم ثاني حققت نجاحي وخسرت رافد بسبب طيش مراهقه...

بس الدموع تنزل من عيني اتذكرت رافد
من كال ارفعي راسي وادرسي ولا تخليهم يشمتون بيه ...

اتذكرت من كال الج هديه مامتوقعتهه

اي صدوك ماتوقعت هديتك وهي طلاقي يافرحتي الناقصه ليش مامكتوبلي الفرحه كامله

باركتلي عمه وضرغام واني اي شعور ماعندي بس امسح بدموعي

عبالهم دموع الفرح مايدرون بالغصه الي بكلبي

اتمنى اشوف حال رافد وهو يسمع نتيجتي
بنظره اني فاشله وحته ما اصلح اكون اسره

كال عليه متوحشه شلون تربي جهالي وشلون يأمن على بيته ويروح ...

عمه فضه بيومهه سوت عشا ووزعت لعلاهن وشكم بيت بالقريه كالت هذا شكر لوجه الله على نجاحج

حسيتهم عائلتي الحقيقيه والفرحه واضحه عليهم

بليل اجتي علاهن عبالي تريد تبارك وفرحانه بيه

تالي طلعت جايه تهدد خاف اكمل دراسه وصوتهه شعلوه حته مابيه حيل اجاوبهه ولاعندي طاقه اتعارك

جانوا الولد طالعين وبس اني وعمه فضه واكلتنه حاصل فاصل بلسانهه وراحت

ما اهتميت لكلامهه لان مستحيل اخلي احد يوكف بطريقي ويكسروني مره ثانيه

ادافع عن مستقبلي بكل ما املك قوه ولو اعرف يتبرون مني ولا اسمحلهم يذبحون حلمي.....

ثاني يوم كعدت وتقريبا اكو فرحه او مرتاحه نوعا ما لان حققت شي قليل من حلمي وكدرت اسكت الشمات

بس بعديش بعد ما كسرني رافد وعافني بنص الطريق

تقريبا صارت الساعه ب11 الظهر اندك الباب طلعت اسماء لان عمه فضه من وفاه عمي حسين ماتطلع ابد

اجت اسماء كالت هذا نوفل ويكول ابوي الشيخ دزني على شمه سمعنه بيهه ناجحه وسوالهه غده وعازم امهه واخواتهه وينتظروهه

اتفاجأت حيل  حته عمه فضه كالت شعجب تطلع منه هيج بلأول ماردت اروح

بس عمه فضه لحت وكالت روحي وشوفي شكو وشيريد واذا ماعجبج الحجي تعالي ولاتحجين وسوي نفسج طبيعيه حتى اذا غثوج بحجايه اسمعي واسكتي ...

ردت اطلع بملابسي بس اسماء سحبتني للغرفه ما اعرف شتريد ...

اسماء: الله عليج رايحه بهذا الشكل جنج وحده ميت رجلهه

شمه: شبيج اسماء نسيتي حالتي وقبل مده اطلكت شتريدني اهلهل واركص

اسماء: يعني اذا اطلكتي معناتهه متي يولي اصحي محد يفيدج اهم شي نفسج وكرامتج

من تشوفج سعاد وبتهه لو امج واخواتج راح يفرحن لان يشوفن حالتج هيج وكدرن يحققن غايتهن ومحن ضحكتج وسيطر الحزن عليج...

شمه: عوفيني اسماء نوفل ينتظر خطيه خلي اروح اشوف شعنده وما اتأخر حتى ما اضل للغده بس اشوف سلمان شعنده...

اسماء: والله ما اطلعين اليوم وانتي بهذا الشكل كومي البسي هذا الفستان وهذا الشال بلونه وتعالي اخليلج شويه مكياج

شمه: انتي تحجين صدك يولي ما الي نفس حته بنجاحي مافرحانه وانتي تريديني اتمكيج كل عقلج...

اسماء:  حلفت والله ما اخليج اطلعين بسرعه كومي على السريع

ولاتخلين براء تشمت بيج واخواتج يبيعن فيكات براسج وعلى اساسات مثقفات ويحجن بالموديلات

بس اسمعي حجايتي مره وحده وبطلي هالعناد والراس اليابس ...

انتي هسه حققتي انجاز الكل يحسدج علي والكل تتمنى تصير بمكانج

الحياه مو بس رجال وحب وعلاقة هسه راح تنتقلين لحياة ثانيه وهاي كلهه تصير سوالف

راح تشوفين عالم ثاني وبمرور الايام تنقهرين على هاي الايام الي عشتيهه بوسط القهر والحزن

يله شمه لخاطري اذا تحبيني من صدوك خليني اشوف ضحكتج والقوه مالتج الي جنت احسدج عليهه

شمه: يله بسرعه راح ابدل حته بس تخليلي مكياج واريد اشوف وين اوصل بالتمثيل واني بهاي حالتي..
.....

لبست فستان سمائي فاتح لونه يدل على الحيويه والنشاط وشال مشجر بي ورده زغيره سمائي

لبست حذاء كعب نوعا ما اسماء خلتلي مسكاره وكحل خفيف واني بشرتي بيضه

دحكت على نفسي صدك طلعت حلوه وتغير شكلي
بس خدودي ذبلانه وضعفانه حيل..

رغم الحزن مسيطر عليه بس كلام اسماء براسي لازم ابين على نفسي قويه وافرح بنجاحي

طلعت لكيت نوفل واكف اول ماشافني كام يصوفر...

نوفل: يول ياب هاي شنو شمه مبين عليج النجاح

شمه: شلونك ولك اليوم ابوك شعجب ذاكرني خاف ورا مصيبه

نوفل: والله حالي من حالج اجيت لكيت هوسه وعزيمه كال روح جيب شمه مسويلهه غده لان ناجحه

شمه: يله اروح واشوف شكو؟؟

وصلت قريب على البيت اجت عيني على بيتي الي المفروض اني هسه عروسه وبهذا البيت

بعده على حاله مضروب قفل وحتى التراب مغطي الكاشي مبين محد يفوتله

خنكتني العبره ماردت توكع دموعي ويخرب كولشي تماسكت كوه

شلون راح اشوف هاي الوجوه وشلون اسلم وخاف ورا جمعتهم هاي مصيبه ثانيه

دخلت للبيت تلكتني الجهال تلعب والي تتعارك
واني امشي بكل هداوه لان لابسه كعب

دخلت للمطبخ لكيت بنات خالي نعمان وخالاتي سلمت عليهن باركلي على نجاحي

سويت نفسي حيل فرحانه وعاديه اضحك واسولف ...

اجتني شهد تركض صحتهه صايره زينه بوستهه وباركتلي

وصلت للصاله لكيت الكل متجمع خالاتي وبناتهن وامي واخواتي ...

اول ما اجتي عيني على بيبي نوريه من شافتني هلهلت وكامت تصفك بأديهه التعبانه من الكبر...

نزلت بمستواهه حضنتهه وبوستهه شكد مشتاقتلهه ولحنيتهه

كمت من بيبي افتريت اسلم على الكل من ضمنهن امي سلمت من ورا خشمهه هي واخواتي حته ماباركت

عادي ما اهتميت لان البيه مكفيني كعدت بصف بييي واني ادحك على هاي اللمه شنووو؟؟

شعدهم والكل تباركلي ومبينين فرحانين والمعجبني اكثر خالي شلون يدز عليه واني الي قتلت براء ...

شهد تحوم فوكاي تريد تسولف مبينه واني هم محتاجه احجي وياهه...

كمت للغرفه اجت تركض وراي شمرت نفسهه بحضني وتصيح اسفه...

شمه: شبيج يولي خنكتيني

شهد: اسفه شمه اني الي حجيت ورافد سمعنه اني السبب بفراكم

شمه: انتي شعليج اخوج يدور حجه ولكاهه وطلع هذا السبب لاتهتمين والله حته ما افكر بهذا الشي...

شهد: والله شمه تأنيب الظمير موتني اني هدمت حياتج من ورا الساني

شمه: كافي عاد جايه تذكريني بالصار احجيلي شكو ماكو

شهد: ماكو شي ورا ما رحتي وصارت السالفه رافد ماشفنا بعد وماقبل واحد يحجي بالموضوع والكل يسأل عم السبب بس هو كال شمه ماتقبل وطلبت الطلاك من ورا الصار...

شمه: ليش وين راح ؟؟

شهد: كال راح التحق واتأخر واندك علي صار شكد يطلع مغلق لحد البارحه يله جاوب كال زين بس ما انزل هنا يم صديقي بكركوك عندي شغل

شمه: اكيد سعوده فرحت هي وبلاء من اطلكنه

شهد: صح فرحت بس خبر نجاحج ضوجهن وفرحتهن ماتمت بكل الطرق رادن يشوفنج مذلوله

شمه: شعنده ابوج مسوي عشا وعازم هاي الناس على نجاح شمه منه من الشيطان فهميني
وشلون سعوده قبلت يسوي هيج ...

شهد: والله ياشمه ما اعرف حتى احنه تفاجأنه وسعاد تعاركت ويا وكالتله نسيت شسوت شمه بعزيزتك براء وانت هسه جاي تسوي عزيمه لنجاحهه

بس ابوي سكتهه وكالهه مالج علاقه شمه بنتي واني ربيتهه ونجحت ورفعت راسي والناس تباركلي عليهه

بس بيني وبينج ياشمه جذاب ابوي اكو شي براسه لان وراهه سمعته يحجي ويه سعاد يكولهه...

لاتتهورين واتصرفي طبيعيه هذا الي اسوي الي غايه بي وشمه ورقه ربحت بالنسبه الي...

ياشمه ديري بالج من ابوي مايسوي شي لله اذا ماعنده شي وهو اكثر واحد حاقد عليج

وانتي تعرفي شلون هد عليج بوقتهه يعني شنو الي خلا هيج يسوي اكيد عنده شي

شمه: اسمع كلام شهد واني مصدومه يعني هذا الرجال الله من يا طينه خالقه وشنو الغايه الي عنده شمه شعدهه ويكول ورقه رابحه

ضلينه نسولف اني وشهد واكثر سوالفنه على ضرغام شكد تعذبوا هذوله الاثنين ...

كلما يجي طاري رافد اغير الموضوع ما اريد حتى افكر بي

لان بس يجي ابالي واتذكر سوالفه وحنيته وخوفه عليه اختنك والغصه توكف ابلعومي...

بعدنه انسولف انفتح الباب امي واخواتي وخالتي ام فيصل ...

كعدن يمنه بلأول خالتي ام فيصل تسولف وتشاقه واني اضحك وياهه

نبهني صوت اختي شروق ..

شروق: شمه اشو فرحانه ولا كأنما صاير شي

شمه: ليش ما افرح فرحه نجاحي جبيره اكو غيري يتحسرن عليهه ومحد حقق نجاح

بهاي القريه بس حفيدات علاهن اسماء واني

شروق: لا مو نجاحج احجي على طلاكج ..

شمه: والله يا عيني الي مايريدني ربح ما اريده خساره

شروق: والله السانج محد يلحك بي وراح تضليت هيج طول عمرج السانج متبري منج..

شمه: اعتقد من اتزوجتي انتي واختج وامج جان عمري 9 سنوات وما طولت الساني عليجن ولا غلطت

ولاحتى هسه اتجاوزت عليج او قللت من احترامج بعد شبي الساني

امي: انجبي عرمه كولي امي شو ماعندج احترام
بنت الكلب..

شمه: اكول جايات تباركلي لو ترزلني لو مشمتات

ممكن تحددن موقفج شنو من الحبايب لو من العقارب

وانتي يا امي اني ماعندي لا ام ولا اخوات لذلك لاتمثلن هذا الدور براسي

ولاتغلطين ترى علاهن بعدهه بحيلهه اذا اكلهه سبيتيني ماكو داعي اكولج شتسوي...

امي:  تهدديني ولج حرامات التعب بيج ياصلفه نسيتي تعبي وارباي بس كبرتي وصارلج ذيل

نسيتي اني امج ياما سهرت يم راسج غيرتج علاهن وزرعت الحقد بكلبج..

شمه: وينه تعبج ممكن تذكريني بي قصدج تعبج من جنتي يم علاهن ترى هذا واجبج محد كالج خلفي

انتي ام وواجبج تبدلين وتغسلين وتسهرين ماطلبت منج هذا الشي

لو قصدج تعبج بعد ما اتزوجتي وخطيه سوده عليه كلما تجين العلاليك محمله وماتخلين شي يعتب عليج اذا ماتجيبي وياج

وكل مصيبه اوكع بيهه الكاج يمي وادافعين عني مثل مدافعين عن بنت رجلج وجهالج

المهم ماعلينه اني راح اروح لان عمه فضه وحدهه
اذا جايات تباركن فشكرا واذا مشمتات هم شكرا

المهم شفتكم وشكرا على دعوتك الحلوه الي مثلكم...

عفتهن وطلعت واني اعصاب من احجايتهن وشلون مشمتات ذيل الجلب اعوج ماينعدل  .....

سلمت على بيبي وبوستهه كلتلهه راح اروح وماقبلت خطيه بس وعدتهه امر عليهه ....

مدام سلمان عنده نوايا خفيه معناهه راح اشوفه هوايه واكيد يدز عليه بعد...

طلعت وشهد تمشي وراي واكلت راسي بضرغام ويه طلعتي صار سلمان بوجهي هو نوفل

سلمان: يابويه ياشمه عفيه بسباعيه رفعتي راسي بارك الله بيج

شمه: شكرا خالي

سلمان : وين رايحه واني مسوي هاي العزيمه على مودج

شمه: مشكور خالي ماتقصر بس ما اكدر اتأخر لان كلتلهم ارجع وصلت عزيمتك مشكور

سلمان: يابويه احنه غربه نجاحج رفع راسنه رغم السويتي بس مسامحج لان اعرفج عصبيه وماتقبلين واحد يغلط عليج

وبراء اعرف غلطانه عليج وانتي ما تحملتي

شمه: لا اني ما احب الظلم وما اسكت عن الحق واني اخذت حق اليتيمه

وترى براء موجديده على الغلط دائما تغلط المهم خالي راح اروح وشكرا مره ثانيه

طلعت من يمهم واني كوه كاتمه انفاسي ما اتحمل بعد مثلت هوايه وفاض صبري

مشيت بطريقنه وعيوني تجري دموع واني اتذكر هذا الطريق شكم مره مشينه اني ورافد ايد بايد

شكم مره غازلني هنا ووعدني يخليني اسعد انسانه

شكد حمل هذا الدرب وعود وطلعت كلهه جذب وبأول محطه نزلوني

ليش تخليت عني يارافد واني تعلقت بيك وحبيتك من كلبي والله نسيت قيصر واريد ابدي حياه جديده وياك...

اخذت نفس قوي واحس مايملي صدري اجيت من عالم الوحوش وما اعرف السر الي عدهم وشنو مخططين لان جمعتهم ماتبشر بخير...

اجت عيني على بيت علاهن وهذا البيت الثاني الي اسراره خفيه ويجوز يطلع بي بلاوي بس ما مختلطه بي هوايه

اتذكرت علاهن مابين موقفهه ولاحجت على سالفه براء وهدت خالي علينه وطبت كاعهه وهم مايتحاجون شعجب سكتت وحتى ماشفتهه ابد...

كولشي بهاي القريه غامض واكو اسرار خفيه لازم يجي يوم وتنكشف...

وصلت للبيت لكيت اسماء وعمه تنتظرني كعدت حجيتلهن الوضع

اسماء: اااووف هاي الناس شنو من طينه الله خالقهم

فضه: يا امي هذوله من زغرهم رابين على الدم واكل الحرام بطونهم اتشبعت بالحرام وصار كولشي عادي عدهم

جان ابوج الله يرحمه يكول اطلع واحجي ويه سلمان بس لو اموت ما اشرب مي منه لو اكل من زاده لان

معيش هاي العوائل كلهه بالحرام وخطيه ذنبهم بركبته مع العلم ابنه رافد مايستاهل هيج اب ولابد يجي يوم ويكشف ابو على حقيقته....

شمه: عمه عجل ليش علاهن سكتت من هد خالي وسمعت بسالفه براء وماحجت شي

فضه: والله يا بنيتي ما ادري اني هم تفاجات هي تريد تشوف الناس متذابحه فلا تستغربين منهه

يجوز فرحت من صار هيج حته اقل غلطه من سلمان تسويهه ثارات...

شمه: ليش تكره بيت نوريه واكو عداوه بينهن وهي اخذت امي جنه الهه...

فضه: سالفه طويله هاي تعالي احجيلج بس مايطلع الحجي ابد لان هذا سر ومضموم ومحد يسولف بي

شمه: لا عمه مستحيل احجي

فضه: اني من اتزوجت هنا جنت الجنه الوحيده هنا شفت اشكال والوان من العذاب من علاهن وبناتهه

جانت اكو علاقه قويه بين العائلتين وكل عداوه ماكو ...

اتذكر جنت حامل بقيصر وصارت هاي السالفه ...

جانت عندج خاله زغيره عمرهه 7 سنوات تلعب ليل نهار هنااا يم بيت علاهن بحكم العائلتين حبايب

هاي البنيه يوم منهن ضاعت دورو عليهه 3 ايام ضبط ومالكوهه ماخلو مكان مادور بي حته بالشط
وماكو اي اثر الهه...

بعد هاي 3 ايام والناس مكلوبه وادور اكو كلاب تكرمون نابشات مكان بالبستان وطالعه بس ايدهه

اجو بركضون لكوا هاي الطفله مقتوله ومدفونه وببستان علاهن

من هاي الحادثه صارت العداوه هم يكولون انتو كتلتوهه وعلاهن دكول شلون اكتلهه وهي طفله

علاهن حشمت خوالج لان تهموهه وصارت كعده وهم اهل ادخلت الناس يله هدو الوضع

وراح دم هاي الطفله ومحد عرف شكو ومنو السوه هيج...

شمه: ما اشتكوا عليهم وقدموا بلاغ شي

فضه: الشيخ ظاهر جدج ابو امج ماقبل كال راح اسكت علمود سمعه اخوي الشيخ حبيب

وهذاك يوم وهذا يوم والحقد انزرع بين العائلتين ومنو السبب والسوه هيج محد عرف 

شمه: الله يكفينه الشر من علاهن وسلمان
عجل شلون ابوي تزوج امي واكو عداوه...

فضه: بعد مرور سنين ادخلت شيوخ وكالو حته تنتهي العداوه خلي يزوجون ولدهم

وامج جانت زغيره شلون اخواتج وتحب ابن خالهه وابوهه زوجهه غصب عنهه علمود تنتهي العداوه وتزيد المحبه

بس زادت العداوه ماقلت وصار الحقد اكثر من قبل
....

مر شكم يوم واني ساعه افكر بكلام فضه وساعه بسالفه سلمان

واكثر شي ماخذ طاقتي هو رافد تعبني حيل يوميه اتذكر ايامي الحلوه واستهظم ليش هيج سوه بيه

قدمت استماره مال قبولات والحمدلله بيومهه اجه وسام كال طالع قبولج هندسه جامعه الانبار

وشكد فرحت وبديت احضر لبدايه عام دراسي جديد وحياه ثانيه

اخذتنه عمه فضه اني واسماء واشترتلي ملابس حالي حال اسماء ما قصرت عني بكد الشعره

بيوم منهن شويه مختنكه لان ما اطلع واني متعلمه اتمشى يوميه

قررت اطلع اشتم هوه مشيت شويه نزلت بستان خوالي

واني ادحك على الورود والفراشات الطايره وتنتقل من زهره لزهره ثانيه الجو حلو

امشي واقطف ازهار زغيره واشم بيهه

اشتميت عطر موغريب عليه ياما وياما ملئ صدري وغفيت علي

رفعت راسي واجت عيني بعينه  ضليت واكفه واني اشوف هاي العيون شكد نمت واني افكر بيهه.......

#يتببببع