رواية وحوش بشريه الفصل التاسع عشر 19 - بقلم Rozaya1122

البارت العشرون
#وحوش بشريه
#روزايه

حبايب الي يكولون البارت يطلع مو كامل احذفي القصه ورجعي ضيفيهه لان الخلل من الواتباد

حلات الجرح من يزهك إعلى السچين
تتگسر أبدمه وينگطع كُل شد
حلات أدموع تالي الليل
من يذكر حبيبه ومايشوف أحد
حلاتك يانهر ، عمرك سفر تمشيه
لا ترتاح لا تگعد لا تمتد....

رافد: شمه!!!مبروك النجاح
شمه: الله يبارك بيك

رافد: شلونج مرتاحه ان شاء الله؟؟
شمه: الحمدلله مرتاحه يم بيت عمي ...

رافد: اي ليش ماترتاحين مو قريبه على حبج الاول
بعد اكثر من هاي شتريدين

شمه: الزم حدودك رافد ولا تتجاوز وخلي يكون بعلمك من يوم حادثه اختك الموقره وقيصر مسافر
لذلك لاتجاوز بالكلام ...

رافد: ولج ضبي السانج لا اجي اكصه الج ما الج رداد انتي .

شمه: من رخصتك ما بيه حيل انطي وواخد وياك بالكلام ودائما بنظرك ونظر غيرك اني كلامي غلط وبي تجاوز ..

رافد: اي روحي مبين عليج مرتاحه ومتونسه وانتي قريبه على الدكتور

شمه: اي حيل مرتاحه لان بعيده عنكم وما اشوف ابوك وامك واختك المريضه من رخصتك حضره الظابط...

عفته ورجعت ركض للبيت ما اريد حتى اشوف شكله فوكاهه جاي يشمر بالحجي السم صح قهرني بس ما اهتميت هوايه...

ويه طبتي تلكاني ضرغام يريد يروح يتشمى بالبستان كال تعالي وياي ...

شمه: طلعت هسه اشتم هوه وتلكاني رافد

ضرغام: اكول اجيتي تركضين جنج فرس هايجه

شمه: سمعني كلام يسم البدن ويكولي مرتاحه يم الدكتور...

ضرغام: اوكفي شجاب الدكتور بالنص  وشمدري بقيصر يولي بسلا افترقتوا من ورا هاي السالفه...

شمه: اي ضرغام ماردت احجي لان عيب وزحمه وخاف تسمع عمه فضه واستحي منهه

ضرغام: لعد اني عمه فضه مثلا ماحجيتيلي هاي وحده وياج ياغمه ...

شمه: ماحجيت غير بس لاسماء ماكدرت اعذرني

ضرغام: وهسه ماناويه تحجيلي؟؟
شمه: لا راح احجيلك وشوف استاهل يتخلى عني لولا؟؟

بديت احجي لضرغام بالتفصيل واشوفه كلما اذكر شهد عينه تلمع

ضرغام: والله هاي شهد مال الزمهه واملص اذاناتهه شحصلت من حجت وشجاب قيصر بالنص

شهد: لاخطيه مالهه ذنب حجت وتورطت شمدريهه باخوهه يسوي هيج ويسمعنه وهو رادهه حجه

ماكو انسان ماعنده ماضي واني لا اختليت بي ولاعندي علاقه وحته مايدري بيه احبه ...

ضرغام: من فسختوا كتلج لو بي خير الج جان ما افترقتوا كولشي بي صالح

انتي عبرتي النهر مدامه ضيك احسن من تتورطين بزواج وجهال وتالي حالتج مثل امج تطلكين وبركبتج طفل

شمه: ضرغام موبيدي بديت احب رافد واتعلق بي ليش سوه هيج بيه؟ حتى ما انطاني مجال ادافع عن نفسي ولا سمع من عندي

ضرغام: انتي ماتعلقتي بي انتي تعودتي لاتزعلين شمه بس انتي تحبين قيصر حب حقيقي والحب الحقيقي ما نكدر نتجاوزه لو مهما يكون

نكدر نعيش ونكمل ونمارس حياه طبيعيه بس اقل موقف نتذكر الحب الاول

الحب الاول لعنه وبصعوبه ننسى بس رافد اجاج منقفذ بيوقت جنتي مجروحه وادورين اهتمام لذلك تعلقتي بي ...

انتي حبيتي اهتمام رافد وخوفه عليج ودفاعه عنج بس كلبج ما امتلكه هو كلبج بعده اسير قيصر...

والدليل هاي انتي طبيعيه رغم فسخت خطوبتج بس من خطب قيصر انهاريتي ...

ما اريد اذكرج بهذيج الايام بس هذا الحق واتمنى ماترجعين تضعفين وتحبين قيصر لان صعب حيل ...

شمه: عوفني هسه لاقيصر ولا رافد ولابطيخ لو اموت بعد ما احب ولا اتعلق اريد انتبه على نفسي ودراستي...

بس صدوك  هو ليش فسخ؟؟

ضرغام: ايبااا هسه كلتي ماريد وبطيخ وهسه تسألين على الاسباب

المهم كوتلج قيصر صعب ويكدر يتخلى بسهوله
صح هو انعجب بالبنيه وحبهه ...

بس ماحبهه ذاك الحب القوي الي يخلي يتجاوز اخطاءهه وعيوبهه  بسبيل حبه

هو ماعنده علاقه بيهه سابقه يكول مجرد بنيه حلوه ونازكه واكو مشاعر بداخلي اتجاهه

من محاجيهه طلعت هي هم تحبهه وجانت سافره وحاجيلهه عن وضعنه وماعدنه وحده بدون حجاب

لذلك هي ثبتت لقيصر حبهه ولبست حجاب وغيرت تصرفاتهه

يكوا جنت فرحان بوقتهه شلون التزمت بسبيل حبهه وهذا الشي هو الي خلاني اتمسك بيهه

بس كل هذا وهو ماعنده علاقه بالتليفون وياهه ولا بالكليه مجرد زملاء وحالهه حال البقيه

كل حياتنه ووضعنه مخليهن كدامهه وهي قبلت
بعد الخطوبه الله يستر عليهه البنيه...

يوميه مشكله واقل شي ترجع تتعارك والا بيت ببغداد يكول شويه شويه كامت تتمادى

وقيصر مايصرف عنده هذا الحجي ولاتنسين هو ربا جدي الله يرحمه

حته تشوفي يختلف عنه جذريا وعنده اهم شي كاعه وعاداته وتقاليده ولوما وضعه ودراسته من زمان تلكي شيخ

المهم يكول اني ما حجيت وياهه قبل وتعمقت بعلاقتنه من انخطبنه يله عررفت اسلوبهه

مرات المظاهر خداعه واكو انسان بمكان العمل شكل ومن ينتهي العمل تشوفي شكل ثاني...

وهي البنيه والله بوقتهه انقهرت عليهه حته خابرتني تبجي دكول احبه والله مستعده اعيش بغرفه وحده ويااا

ومن حجيت لقيصر كال لو تصير ذهب ما اتقبلهه بعد والسبب الرئيسي مو تصرفاتهه...

اكدر بمرور الوقت اغيرهه بس هو ضال على الخط وعبالهه ساده التليفون وسامعهه

تحجي على امي واسماء حته مقلده على امي وبعد حجي ماقبل يحجي...

وقيصر امي عنده بالمرتبه الاولى مستعد يتخلى عن عشيره كامله ولا تنزل دمعه من امي

شمه: اي اتذكر من تعارك ويه علاهن وضرب عمي محسن؟؟

ضرغام: اي بوقتهه صارت هوسه جنت زغير واتذكر السالفه وعلاهن محد يخوفهه بس هو

شمه: ضرغام التوبه بعد اذا حبيت لو انعجبت ..

ضرغام: اي عفيه خليني بس اني احب وانحب ..

شمه: ضرغام تعال احجيلك عن شهد اكو شي ماتعرف بي ولازم احجي الك

ضرغام: خير ان شاء الله ترى كلبي رهيف مايتحمل اسم شهد على كيفج وياي..

شمه: عيني الرهيف اسمع الي احجي لعد  ...

بديت احجيله كولشي من يوم الي اعترف الهه لحد هاي اللحظه وهو ساكت ماحجه اي شي بس يسمع

ضرغام شبيك ساكت ماتحجي؟؟

ضرغام: شحجي وشكول ابجي لو اضحك براء هاي الدبه الي كلما تشوفني ماكو حجاره ماتشمرهه عليه

طلعت تحبني هنيال حضك ياضرغام وهاي شهد الغبيه الجبانه ماحجتلي بساعتهه شلون سكتت وتخاف من براء

تلوميني بيهه والله لو الزمهه ما اخلي عظمه صاحيه بيهه خلتني ماعتبت دربهم بعد واني عبالي بيهه شي لو ماتحبني

ااااخ يابه كون يمي هسه الا اشعل سلمان شعل...

شمه: ههههه شجاك يمعود خطيه شهودده والله فقيره وتحبك بس هي تخاف من خالي...

ضرغام: اااخ كلبي يولي كومي منا احترك خالج

شمه: من يروح رافد اروح لبيبي نوريه واخليك تشوفهه يم شجره التين واحجي وياهه اعرفك مشتاقلهه...

ضرغام: شمه غمه بلوه كومي منا وبوجهج للبيت واياج تندارين عليه بسرعه..

شمه: شفته تخربط ووجهه صار احمر هههه والله يضحك ضرغام بسرعه كمت وخفت التفتت بوجهي للبيت مثل ماكال

اول ماوصلت لزمتني اسماء وودك رزايل عبالك مدفع اريد افتهم شكو ..

شمه: شبيج ولج انهديتي؟؟؟

اسماء: اسمعي ياغمه اذا طلعتي مره ثانيه اني اكتلج ييدي واخلي دمج بطولج..

ولج صيري انثى بمعنى الكلمه وين موليه تفترين بالبستان جنج محيسن المخبل مايخلي شارع يعتب علي

صيري عزيزه والي يريدج هو يجيج وين رحتي جنج غراب يحوم...

شمه: عابتلج هاي اني جني محيسن والله اليوم انتف شعراتج وحده وحده هديت عليهه واجر بشعرهه وهي تصيح يمه الحكيلي ...

اجت عمه فضه فكتنه ووجوهنه حمر وشعرنه مكفوش واسماء مقهوره وترزل بيه لان طلعت...

فضه: والله بس يجي قيصر الا اخلي يشوفلجن صرفه ماتستحن الي بكدجن ولدهن بالمدرسه وانتن مناكر 

وصوتجن واصل لبيت سلمان العتب وحده صيدلانيه والثانيه راح تصير مهندسه

اسماء: ماما تدرين بيه ما اسوي مشاكل بس هاي الكدامج راس البله علاهن بعينهه . .

شمه: هيييي اسماء احترمي نفسج  لا هسه انعل علاهن وابو علاهن....

ساعه السوده من كلت هيج وما احس غير هادم اللذات فوك راسي واني قطره دم مابقت بيه....

علاهن: ولج تسبين علاهن بنت ام الرجوله اليوم ابوج اسمطه اني علاهن تسبين ابوي الشيخ وانتي بكد الفصمه 

بيدهه عصا وكعتلي دك بيهه وعمه فضه تريد تحاميني وماكدرت اذتني حيل بالضرب واني اتوسل تعوفني

اخر ضربه اجت على رجلي بس حيل خلتني اوكع بالكاع وهي فوكي جنهه ابليس

اليوم ناويه اطلع روحي يله تعوفني وما احس غير
صوت صاح بيهه يله شالت العصا من عندي...

ادحك علي قيصر وجنطته بيده ولابس بنطرون وتشيرت بيجي وسويج السياره بيده

قيصر: علاهن وتالي وياج شكم مره محذرج ما تمدين ايدج على عائلتي تريدين اكسرهه الج يلع اتوبين

علاهن: احترم نفسك موشايف حالك دكتور وتجاوز ماعندي واحد جبير هنا كلكم ادوس عليكم...

قيصر: لمي السانج لا وروح ابوي اخليج خايسه بالسجن منا لمن تموتين ...

ويله اطلعي برا واذا مره ثانيه شفتج كدامي اشيلج منا وكولي قيصر ما كال...

طلعت علاهن تسب وتغلط واني واكعه بالكاع اجتي اسماء كومتني

دفعتهه ما اريدهه كله من وراهه بجيت على الموقف الزباله والضربه توجع

قيصر: شبيجن وجوهجن مكلوبه وصوتجن واصل للشارع

فضه: ماعليك بيهن يمه يبعد بيتي شو ماكلت راح اجي تعال ابوسك

دنك على عمه فضه وباسهه من راسهه وحضنهه

قيصر: جنت منتظر حجز الطياره وكلت خاف ما احصل بس الله سهلهه

شمه: دخلنه جوه وقيصر كاعد وعمه فضه الفرحه مالامتهه بجيه قيصر وكلساع تخزرنه ومانعرف شكو...

تالي صعد قيصر لغرفته ولزمته اثنينه جرتنه من اذاناتنه ولوتهه

والله اذا شفتجن تعاركتن مره لخ اغضب عليجن صيرن اخوات وكلب على كلب مو وحده تتعارك ويه الثانيه وعبالك عدوتهه ...

هدت اذانه حمر من الجره طلعت هالفضه مو هينه
...

مر اليوم واني واسماء وحده تخزر بالثانيه ورا العشا كاعدين وحدنه الولد طلعوا وقيصر من رجع ماشفنا بغرفته....

جان طالع مسلسل فريحه وكاعدين نشوفه نزل قيصر هادئ حيل حته بمشيته ماحسينه بي غير فوك روسنه...

فضه: ها يمه صح النوم  اسويلك عشا

قيصر: لا يمه ما اشتهي من رجعت اكلت بمطعم بس اريد جاي...

فضه: بالعافيه حبيبي كومي اسماء سوي جاي لاخوج

قيصر: شلونج شمه مبروك نجاحج وقبولج
شمه: الله يبارك بيك شكرا

قيصر: شعدهه علاهن هاده عليج وتضرب بيج وانتي ساكته؟؟

فضه: تعاركت هي واسماء عبالك ضراير والله يسلمهه شمه جابت طاري علاهن ومانحسهه غير فوك راسنه...

قيصر: شوكت تزوجين شو طولت خطوبتكم؟؟

فضه: قيصر شمه فسخت خطبتهه من رافد

شمه: اني مدنكه وافرك بيدي انتبهت على قيصر متفاجأ اكيد راح يسأل السبب شنو شحجي لان عرف احبك مثلا...

قيصر: ليش شنو السبب شمه جاوبيني ترى واكفه حضرته يفسخ وهو صارله فوك السنتين خاطب

شمه: ما متلائمين ومن صارت سالفه اخته تغير...

قيصر: الله يعوضج بلاحسن انتبهي على دراستج وهو الي خسران

شمه: اي ان شاء الله

قيصر: لاتروحيلهم بعد وابقي هنا حته لعلاهن لا اطلعين

فضه: يمه بيبيتهه نوريه متعلقه بيهه لازم تشوفهه وهي مره جبيره

قيصر: الولد موجودين يرحون وياهه ماتروح وحدهه ماتعرفين سلمان على شنو يحفر

شمه: قيصر من نجحت سوه غده وعزمني وشهد كالت سمعته يكول شمه ورقه ربح

من حجيت هيج جان قيصر يشرب جاي نزل الاستكان على الطبله ورجع نفسه ليورا شكد مغرور وشايف نفسه...

قيصر: هااا هنا الحجي هذا سلمان عمره ماراح يتعدل اسمعي شمه ...

انتي كبرتي ولازم تعرفين عدوج من صديقج وهذوله كلهم اعداءج من سلمان لعلاهن لامج لاخواتج

انتبهي وياي وهذا الحجي مايطلع منا...
خالج سلمان طمعان بكاع ابوج عباله يضغط عليج ويحصلهه

شمه: بس اني مالي علاقه علاهن ميته عليه تنطيني حصه...

قيصر: غصبا عنهه اخذتهه وهاي الكاع علاهن ماتملك شبر بيهه غير بس بيتهه الكاعده بي

ابوي الله يرحمه اشترى حصتج من زمان وجنتي قاصر بوقتهه واني اخذتهه ...

هسه اجه الوقت الي احولهه الج جانت امانه عندي وكاع ابوج صارت عليهه مشاكل كلمن يكول الي

ومكانهه حلوه الحد الفاصل بين علاهن وبين سلمان لذلك خالج سلمان يريد يفوتلج بغير درب وياخذهه

الاسبوع الجاي احولهه باسمج وانتي اياج تخضعين لتهديد حيوان منهم كولشي تسمعي تعالي احجيلي ما موجود اني احجي لضرغام

لايغرج منظرهم والسانهم ترى داخلهم معبى كره وحقد وعدهم الدم لاشي

ما اريد تتأذين منهم وانتي ماعندي احد لذلك يابويه اسمعي الكلمه وتبطلين العناد وهذا السانج شويه قلبي مو تبلعي فد مره...

شمه: شكرا قيصر الك ولعمه ولاسماء وكلكم ماقصرتوا

قيصر: لاتشكرينه انتي ضحيه زواج فاشل ماالج ذنب بشي

شمه راح ادخلين جامعه اريدج مثل اسماء ما اريد تجي احجايه عليج وصيري سباعيه

شمه: ان شاء الله

قيصر: يمه راح اطلع اني ومن يجي ضرغام كوليله ينتظرني لا ينام مشتاقله

فضه: روح يمه ربي يحفظك

شمه: ادحك عليهم شكد حلوين وعبالك مو اخوهم ابوهم ومحتويهم

شكد حلوه الاخ من يشتاق لاخوا وشكد حلوه من حضن اسماء وباسهه من راسهه

كلهن هذني محرومه منهن يجوز لو عندي ااخ ماصار بيه هيج ....

ضليت طوا الليل اتحسر والحسره تاخذني لحدما غفيت من تعب التفكير....

ثاني يوم كعدت ب9 صبحا على عمه وضرغام كاعد يتصفح بتليفونه

ضرغام: يله شمه اوديج لبيت خالج الحجيه دازن عليج

شمه: عقدت حواجبي هاي شوكت

ضرغام: هسه تلكاني ابن خالج وكتله اني اجيبهه وغمزلي بطرف حاجبه الايسر عرفته حجه حته يشوف شهد...

شمه: طلعنه من البيت واني اداهر بي
صاير تعرف تكذب سيد ضرغام..

ضرغام: هاي كذبه بيضه
شمه: اوكف يم التين واني اروح اجيبهه سحل واجيك

ضرغام: ديري بالج واحد يشوفكم لو هاي براء الخبله

شمه: رحت ركض سلمت على بيبي وجبت شهد اجر بيهه البيت فارغ اعرف بهذا الوقت محد اكو كلهه تطلع للزرع....

شهد: يولي وين موديتني
شمه: ضرغام يريد يشوفج يم التينه

شهد: لا يمعزايه لا تشوفني براس هاي المره تموتني من صدك

شمه: امشي وسدي حلكج لا طولين هي دقايق

شهد: امشي واتعثر وكلبي يركض قبلي راح اشوف ضرغام واني صار اشهر ماشايفته

وصلت قريب على التينه وادحك ع طولو يابعد اهلي وناسي اروح فدوه لهالطول الحلو

جان لابس تراك نيلي وهو بشرته حنطاويه ومحدد االلحيه انعل حضج براء حرمتيني منه جان هسه مرته

وصلنه اني وشمه وهي وكفت بعيد عنه واني احس اعظائي كلهه تتراجف واني اشوفو بهيبتوا وعيونه الي سلبت راحتي...

ضرغام: شلونج يبنت كلبي
شهد: زينه اذا انت زين

ضرغام: بشوفتج صرت زين صحتج شلونهه صرتي

شهد: الحمدلله  زينه بس بعد عندي جروح خفيفه...

ضرغام: ليش هيج يا شهد عمري ماحجيتيلي كل هاي المده

شهد: ماكدرت احجي ياضرغام لان كالت اتهمج ويه الحراس واخلي ابوي الشيخ يزوجج

ضرغام: تخسه هي وابوهه انتي الي لو اعرف اخليهه تصير دم

شهد اريد منج تصيرين قويه واذا شفتي ابوج يريد يزوجج تعالي كليلي وشوفي يا رجال ماياخذج من الصبح

ما اكدر اتقدملج هسه لان اعرف وضع ابوج شنو وعنده حسابات اباله واكيد راح يرفض

بس خلي يمر شكم شهر واجي اخطبج بس ياشهودتي توعديني تصيرين قويه وماتخلين براء تستغل ضعفج ...

شهد: اي اوعدك بس لاطول عليه ترى والله عايشه بجحيم من وراهه

ضرغام: اروح فدون لهاي الغمازه الي سبتني سبي وماخلتني اعرف ليلي من نهاري

شهد: نزلت راسي خجلت من كلامه

ضرغام: ارفعي راسج خليني اشبع شوف بهاي العيون الي يوميه مسهراتني للصبح

شهد: ضرغام هلكد تحبني

ضرغام: يولي اني مو احبج اني اعشكج عشك
وحق هو ربج اموت عليج واتمنى اليوم قبل باجر اضمج بحضني...

شهد: عززا ضرغام والله اخجل لاتحجي هيج

ضرغام: يول ياب ارحمي حالي لاتخليني هسه اصيح بنص القريه احبج واخليهه كله تشهد

شهد: ضرغام اني هم احبك

ضرغام: اوكفي عيدي شكلتي

شهد:ضرغام لا طول عليه راح ارجع لان ابوي هسه يجي ومايلكاني اني احبك 

وانهزمت ركض للبيت اسمع صوته يصيح على كيفج لاتوكعين حبيبتي...

شمه: ماتخاف ربك اني واكفه واسمع واحترك

ضرغام: ولي من وجهي هسه خليني مركز وي شهودتي

شمه: ضرغام امشي نرجع وضعك مايطمن ...

ضرغام: لج لوتعرفين شكد احبهه جان عذرتيني من هي صغيره وكصيبتهه وراهه وتجي تلعب وياج واني احبهه

انتظرتهه يوم يوم تكبر وتالي طلعتلي اختهه صفح

شمه: اني راح ارجع للبيت وانت ضل هنا اتمعن بشهودتك....

رجعت للبيت اشتغلت ويه عمه واسماء ونسولف ونضحك مرتاحه وياهم حيل ....

ورا يومين بدء الدوام واخذنه ضرغام اول يوم امشي واتلفت شنو هاي العالم وين عايشه

واني مقبوره بستان سلمان وعلاهن سوده بوجهج غمه هاي الحياه هنا وانتي تفكرين بفلان وفلتان...

سجلت مباشره واني راسي مثل النعامه يفتر بلحظه اسجل كومه مواقف واشوف اثنين كاعدين يتغزلون واثنين يتعاركون ....

رجعت للبيت واني هلكانه من التعب وراسي يريد ينفجر من التعب ومن كدما سجل مواقف....

نمت شويه وكعدت جوعانه لان ماتغديت البيت فارغ قيصر بالدوام وضرغام طالع  عمه واسماء نايمات

رحت للمطبخ لكيت عمتي ضامتلي من الغدا حميته وكعدت اكل كملت وعزلت المواعين وطلعت اريد اذب الزبل برا ....

ذبيت الزبل ورجعت وجان اشوف ضهر ولد تقربت شويه على السياج

وهنا جانت الصدمه واحد لازمله وحده ويبوس بيهه وهي مستمتعه ...

من ظهره عرفته موغريب عليه بس اندار فتحت عيوني على وسعهن من الصدمه...

#يتببببع