وحوش بشريه الفصل الخامس وأربعون 45 - بقلم Rozaya

#البارت الثالث والأربعون
#وحوش بشريه
#روزايه

شكد كبرنه...
وااخ منج ياطفولتنا ويازغرنه..
ويالعبنه ويافرحنه وين راحت برائتنا..
قبل مانعرف نحايل..
هسه بكلشي حتى وي اهلنه ..
شكد كبرنه ومن كبرنه ماضل النه بس ملامحنه شكد ترف ضحكات اهلنه وجمعت اقاربنه...
هسه ماكو كلمن بعالم ..
وضلت بس صورنه ..
اخ منج ياصورنه
ارد احلفك ياعمرنه...
بهيده من تمشي بلكت يلتم شملنه
...

شمه: صحت بصوت عالي شنو هاي شجاي اتسون؟؟

سناء: سدي حلكج لا يكعدون كلشي ما انسوي امشي اطلعي برا..

شمه: سناء جايبه بناتج وبلائج على هاي العائله وكاعده اتسوين سحر وتهدمينهه ..

ياناكره الجميل ابشع من الحيوان انتي اكرهج اطلعي منا لا الم الناس عليج بالصياح..

شروق: نصي صوتج يا.... يمه سحليهه خلي انأدبهه زين الظاهر شايله راسهه بالدكتور...

شمه: جانت بصفه دولكه كزاز شمرتهه عليهن وشكو شي كدامي كمت اشمره واعيط بعلو صوتي فقدت انتهيت ...

واني اشوفهن كاعدات ومخليات مبخره كدامهن ويحركن ويقرن وكومه شغلات عجيبه غريبه يمهن بسامير وشعر ..

بلحظته مو بوعي صار بيه حيل عشر ارجال يريد يلزمني مايكدرن ماكو شي ماكسرته وشمرته عليهن ...

على صوتي كلهه اجت تتراكض لزمتني وقار وشهد بس دفعتهن بكل قوتي وركضت عليهن جان من ظمن المعدات سجينه وريش ...

جريت السجينه بدون وعي اريد اضرب شكو كدامي بلحظتهه لو اكطعهن وصله وصله مايشفى كلبي...

سناء وبناتهه يصيحن مخبله شبيكم صافنين عليهه اخذوهه لاتسوي جريمه لكينهه تسوي سحر وتخبلت علينه لان كشفناهه...

شتريدون من عندي يعني بدقايق عدهن قدره يجذبن ويلفنهه عليه صدك انهاريت ركضت على سناء اريد اضربهه بالسجين...

حسيت على ايد قيصر لزمتني ولوه ايدي واخذهه مني اعيط بعلوا صوتي احس اوتاري الصوتيه بدت تتكطع ما اعرف شجنت احس بلحظتهه...

الم يمزق صدري واحس نار وتسري بكل جسمي اريد افرغ طاقتي بأي شي مستعده اكتل واشوف دم كدامي بس ارتاح...

طلعني قيصر من الغرفه وهو لازمني من اثنين اديه ومخلي ايده على اكتافي ...

الولد صافنين على الوضعيه شجاي يصير وشبينه شمه اتخبلت تصرفات وحده مجنونه ...

عمه فضه خلت ايدهه على راسي وبدت تقره ايات على راسي واني انتفض بحضن قيصر ..

صوت البجي مالتي عالي واصيح طلعوهن برا ما اريد اشوفهن ..

فضه: انطلعهن بنيتي اسم الله الرحمن لاتخافين هاي انتي بنصنه وبين احضانه

شمه: ما اريدهن طلعوهن قبل ما اكتل نفسي...

قيصر: اهدي حبيبتي هسه اطلعهن بس اهدي كلبج راح يوكف ...

حسام اخذهن منا وين ماتاخذهن اخذهن وباجر اني اشوفلهن حل ...

شمه: تعبانه عمه جسمي يوجعني كلبي ينبض سريع...

فضه: يابعد عمتج واهلهه انطيج من حيلي يابعد كلبي الرحمن يحفظج لاتخافين هاي انتي بحضن قيصرج بعد ليش تعبانه..

شمه: انتبهت على نفسي لازمه تشيرت قيصر حيل حسيته راح يتمزق بأيدي وراسي على صدره وهو مخلي ايده على راسي ويحرك بيهه والثانيه لازم ايدي الي لازمه تشيرته بيهه..

قيصر: كومي حبيبتي نامي بغرفه امي واني راح اضل يمج ..

شمه: ما اريد انام ما اريد..

قيصر: ابويه انتي اذا ضليتي هيج تنهارين كومي خلي انطيج مهدء حتلوا متنامين بس هدي حالج..

شمه: اخذتني عمه فضه ونومتني على الجربايه وقيصر كعد يمي وخله ايده جوه راسي عيوني كوه افتحهن احسهن ثكيلات..

جسمي نحلان وعبالك ماشيه اسبوع انطاني حبايه مهدء دقايق ونمت ما ادري بنفسي بعد

غفيت وغطيت بالنوم ما ادري بنفسي من اخذت الحبايه فزيت الصبح الساعه ب8 ...

كوه رفعت نفسي من الفراش ليش هيج جسمي نحلان اتذكرت البارحه وشصار رجعت ذاكرتي واني اشوف نفسي مثل المجنونه اعيط واصيح ومتخبله ...

استغفرت ربي ونزلت تلكتني وقار لزمتني من ايدي دحكت عليهه

شمه: مابيه شي وقار..

وقار: شوفي وجهج كركم شلون مبيج شي تعالي اكعدي اتريكي...

شمه:كعدت بالمطبخ اجت عمه فضه سألتني شلون صرت ..

فضه: والله خوفتيني يا حبيبتي..

شمه: وين راحن..

فضه: خابروا على خالج نعمان واجه اخذهن بليل حسام وداهن يم اسماء والصبح خالج ماخذهن..

شمه: همزين ما اشوفهن بعد..

فضه: حبيبه شبيج احجيلي ليش انهاريتي..

شمه: نزلت جوا والكل نايم واسمعهن يسولفن بشعوذه وسحر فتحت الباب وجان الكاهن كاعدات ومسويات دائره ونار كدامهن بمنقله فاتحات ...

ويقرن ويرشن وبس الريش والبسامير وشعر كومه ...

من شافني فزن وضلن يهددن بيه بس اني انفعلت وصار الي صار..

فضه: زين لاتسوي شر ما يجبك فتحتلهن بيتي كلت تابت سناء بس غايتهه تهدم بيتي مسلمتهه بيد الله..

شمه: عمه تعبانه حيل احس نفسي مريضه ..

دا احجي لعمه فززني صوت قيصر..

قيصر: اخذج اسويلج فحوصات كامله خاف عندج فقر دم..

شمه: انتبهت على نفسي اني زعلانه مو يستغل الوضع ويحاجيني..

شكرا مايحتاج واذا اريد اني عندي رجلين واروك انت التهي بخطيبتك...

قيصر: استغفر الله عقلج بي شي هي كلهه اسبوع واطلكهه شبيج تخبلتي..

شمه: قيصر البيه مكفيني وهاي كدام عمه فضه ما اريد تحجي وياي ولا اريد اتناقش حل مشكلتك وتعال...

قيصر: ترى زودتيهه هوايه كتلج مجرد ورقه لا اكثر وراح تخلص بعد هالحجي الزايد شنو؟؟

شمه: مدامني احجي زايد لاتحجي ويايه

التفتت على عمه فضه وكتلهه عمه راح اصعد تعبانه اذا احتاجيتي شي صيحيلي...

صعدت فوك والتعب ماخذ حيلي حته ماافكر ولا اريد يجي شي ابالي...

ثاني يوم داومت ويومي هادئ بس اني موطبيعيه كل اعظائي احسهه تجيهه ساعات تصير في حاله فوضى اكوم ارجف لو اعرك...

مرات اختنك واركض للحمامات افتح قميصي واغسل بمي ثلج واحس الحراره براكين وتطلع مني ....

اول مره امر بهيج حاله معقوله سناء مسويتلي سحر اني بنتهه قطعه منهه ما اذيتهه وماسويتلهه شي ليش هيج تعاملني ياربي احفظني من امي واخواتي...

شكد صعبه ادعي هيج دعوه المفروض التجأ لحضنهه واشكيلهه من جور الايام الصبر يالله الصبر...

صرت عباره عن وحده معقده متكأبه حابسه نفسي ما اريد اشوف اي بشر حته دوامي كمت اتهرب منه ما اريد اداوم ...

مرات اصير طبيعيه وانزل ويه البنات اسولف واضحك ومرات تجيني حالات افقد احس اكو طاقه بداخلي اريد اتخلص منهه..

وصلت لمرحله كمت انبت اضافيري بجسمي يطلع الدم وما احس ...

بهاي الفتره الوضع بالبيت متأزم وضرغام ليل نهار يتعارك وشهد تريده يرجع طبيعي ومافاد..

قيصر نهائيا ماله علاقه بيه مجرد السلام ..

بيوم كاعدين ورا العشا وكلنه مجتمعين احس نفسي زينه اليوم اجه ضرغام كعد...

ضرغام: مدامكم مجتمعين اريد احجي وياكم بموضوع...

فضه: خير يمه شكو؟؟؟

ضرغام: اني اريد اتزوج وباجر روحي اخطبيلي وحده وياي بالدوام...

فضه: عزا العزاني منين جبت هاي السالفه..

ضرغام: شنو مو من حقي الله محلا واريد اتزوج...

شمه: ادحك على شهد ايدهه ترجف وتفرك بيهه وعيونهه انترست ادموع...

قيصر: لا حقك بس الله من حلل الزواج الا بسبب مو شوكت مايعجبك تظلم بنت الناس شنو قصورهه...

ضرغام: مابيهه قصور بس اريد اتزوج...

شمه: جان يحجي ومدنك مارافع راسه كلنه موجهين انظارنه على شهد لان حالتهه ماتسر..

قيصر: حجيت هذا الشي لمرتك بلاول واخذت رايهه لو من راسك..

شمه: هاي حجيت هسه مو اليوم باجر اتزوج هي الهه مكانتهه معززه مكرمه وتجيهه كامل حقوقهه...

قيصر: ضرغام لاتستعجل وتظلم شهد اكثر انت من اختاريتهه ونقذتهه من ظلم ابوهه موتعيد نفس جور سلمان عليهه ..

ضرغام: حسستوني مسوي جريمه باجر اخطب يعني اخطب وشهد هنا مكانهه وتضل كاعده ..

فضه: اتعوذ من الشيطان يايمه شلك على هاي اليتيمه جابت عمرهه شوغات وما ارتاحت...

شمه: دحكت على شهد منزله راسهه ودموعهه توكع بأيديهه ما اتحملت بسرعه كامت لغرفتهه...

شمه: ضرغام لاتعاقبهه هيج ترى مظلومه شهد

ضرغام: بشنو اعاقبهه اريد اتزوج ماطلبت غير حقي ترى لا اول وحده ولا اخر وحده تصير عدهه ضره..

قيصر: كومي شمه شوفي شهد وانت تعال وياي

شمه: صعدت ورا شهد لكيتهه كاعده تبجي بسكوت حته صوت ما يطلع منهه بس دموعهه تجري ..

على كيفج شهوده هذا يحاول يغيضج مامعقوله ضرغام هيج..

شهد: شمه ما الومه ابد ما ارتاح ويايه حته حب وحنان مثل الناس ماحسسته ما اعرف حته اعبر عن مشاعري..

شمه: اسكتي هسه قيصر يحجي ويا ولا تستلمين دافعي عن بيتج..

شهد: اااخ يا امي ليش مامتت وياج بنفس اليوم ماشفت راحه ابد ..

شمه انذليت هوايه احس نفسي مو مثل البنات اني مكسوره من الداخل اني متحطمه ..

اشمئز من نفسي من ادحك على جسمي واثر الحرك واضح شلون تريدين ضرغام يتقبلني ..

شمه: كافي حبيبتي هدي حالج وان شاء الله خير...

ضليت يمهه اهدي بيهه بس شيفيد الحجي والنار تسعر بالكلب مابيدنه شي وخاصه ضرغام مقرر وباجر هم..

هاي الليله شكد صعبه شكد حاول قيصر ويه ضرغام ومافاد جان مصر ع الزواج حته شهد ما عبرهه ولا اهتملهه ابد ...

عمه فضه رفضت تروح تخطبله كالتله لو على موتي ما اروح اخطب وحده فوك شهد ...

وهو اخذ خواله وخالته وراحوا خطب وتمت الخطبه كلشي صار بصوره سريعه.....

شهد انطوت على نفسهه دخلت بعالم ثاني لا اتسولف ولا تضحك وضرغام مامهتملهه ابد...

شكد حجت عمه فضه علي حته زعلت ويا بس مافاد يكول تعبت منهه...

كولشي غريب يصير معقوله ضرغام بسهوله يتخلى عن حبيبته شهد الي شكد حارب علمودهه..

البنيه الي خطبهه موضفه ويا وكايلتله حته مستعده اعوف وضيفتي الظاهر الاخت تحبه ..

ماشفناهه ولا انريد انشوفهه بده يحضر بالغرفه الثانيه واخر موديل وشهد ادحك بعيونهه حته ما انكسر خاطره عليهه ...

شكد شايل بكلبه قساوه معقوله لان ماتخلي يتقرب هيج سوه والله مصدومه بي...

كال ما اسوي عرس ولاعزيمه مجرد ياخذهه ويروح للفندق...

بيوم عرسه نزل لابس قاط وهيبه والطول نزل سلم على امه وباس راسهه بس دفعته وطبت لغرفتهه ماحاجته...

ركضنه على شهد انشوف حالتهه خاف متخربطه مالكيناهه بالغرفه اتخبلنه اني ووقار اندور عليهه شفنه باب السطح مفتوح..

ركضنه للسطح لكيناهه كاعده مخليه راسهه بين رجليهه كعدنه كدامهه نبجي على بجيهه وعبالك مصابنه واحد ...

ساعه تاخذهه وقار بحضنهه وساعه اضمهه لصدري بس شيفيد كلهه ماتكدر تهدي حالهه ...

وهي تشوف حبيبهه وابو بيتهه يطلع بقاط العرس وينزف لغيرهه الله يساعد كلبج ياشهد..

اني مجرد ماسمعت بسالفه الخطبه مال قيصر ورغم الضروف الي فهمني عليهه بس احس نار وتسعر بداخلي ..

كاعدين كدامهه ونهدي بيهه نبهنه صوت عمه فضه وهي تصعد خطيه هي مودائما تصعد فوك...

فضه: كومي شهد ما اريد اشوف دمعتج على واحد مايستاهلج كومي اريد اشوف طولج..

ضرغام مااله مكان يمي خلي ياخذهه ويطلع وانتي تضلين هنا...

شهد: لاعمه مابيه شي حركه كلب وهسه اتعود

فضه: كومي يابنيتي اريد اشوفج انتي سيده بهذا البيت ما اريد تجي الضره واتشوفج هيج مكسوره..

شهد: الله يخليج الي ياعمه هسه انزل..

شمه: من كلام عمه فضه حسيت شهد هدءت نزلنه جوه وحاولنه بكل الطرق انغير الجو بس شيفيد...

كلساع واشوفهه صافنه ومن اسألهه دكول هسه حضنهه هسه باسهه هسه كالهه احبج ...

وتنهار من البجي وترجع لنفس المنوال شكول عليك ضرغام ابيش طالبهه...

بليل حطينالهه منوم بالعصير حته تنام لان حالتهه تبجي من صدك للعدوا ماتتمناهه...

ثاني يوم كعدنه ننتظر جيه العرسان تفاجانه بشهد وهي تنزل لاول مره انشوفهه بهذا الشكل...

لابسه قفطان مغربي بسيط ومخليه مكياج نازك ولافه الشال بطريقه حلو ولابسه ذهبهه صدك طالعه حلوه ...

فضه: صلوات على محمد ادري كمر اروح فدوه لبنياتي يخبلن...

شمه: الله لايحرمنه منج ياعمه يا احسن ام بالدنيا...

فضه: شو كومن بدلن وخلن مكياج خلي انخبل ضرغام عباله نكعد نبجي على سوايته السوده...

شمه: صعدنه بدلنه وتحضرنه وجوهنه فرحانه بالمكياج بس النار تسعر بالكلب ...

صارت الساعه ب11 سمعنه هورن السياره اجه وسام يصيح...

وسام: اجه العريس والكذله تهفيله مدري شكالج وانتي غمزتيله...

فضه: انزول عليك احنه بياحال مثل السمج المزوهر بالعيهه وساكتين...

وسام: يولي شهد هو الخسران والله يجي يوم يتوسلج بس حته يشوف نظره منج..

فضه: امشي يمصخم جيب المسواك الساعه ب12 شوكت انسوي الغده...

شمه: طب ضرغام والعروس تمشي بصفه شكلهه زين لابسه بنطرون وستره سلمنه عليهه ...

حته شهد سلمت بوجه ضاحك ضرغام من شاف شهد وكف واتصنم مانزل عينه عنهه ابد سلمت علي وراحت للمطبخ...

وعينه تفتر وراهه حته العروس انتبهت وضاجت والله سرهم عجيب...

رحت ورا شهد لكيتهه الدموع عشره عشره وحابسه نفسهه بين الكاونتر والثلاجه مثل الطفل واخذوا لعبه منه وزعلان ...

واكفه اهدء بيهه بس صوت وسام اجاني وهو يهديهه..

وسام: شهد والله مايستاهل دمعه وحده من عندك مامقدر النعمه الي عنده...

شهد: هو مالتي وراح مني بعد مايحبني

وسام: لايحبج خلي ابالج كرامتج وعزة نفسج اهم من الرجال...

شهد: الله عليك لادكول اني بجيت..

وسام: بله هاي شتحطلهه واطيب امسحي ادموعج واطلعي منا ...

شمه: مسحت دموعهه وغسلت وضلت ويانه سوينه غده تريد تلتهي بأي شي حته ما اتفكر ...

تغدينه وورا الغده اندك الباب راح يشوفه وسام اجه كال هاي خطيبه قيصر اجت...

من كال هيج كلبي اوجعني ضليت ساكته واترقب شعدهه جايه...

#يتبببع