تحميل رواية وقعت في غرامها بقلم نونا pdf

رواية وقعت في غرامها الفصل الحادي عشر

في اليوم التالي

عند ديچا و جاسر

ديچا طلعت من بيتها وقفلت الباب ف نفس الوقت ال جاسر كان بينزل فيه ع السلم

ديچا بابتسامه/صباح الخير

جاسر ابتسم/صباح الفل

ديچا/رايح فين كدة

جاسر/رايح الشركه ال حمزه بيه سايبها فوق دماغي و هو عايش حياته مع مراته..بس يلا مش مشكله اهم حاجه انهم مبسوطين

ديچا ابتسمت/اه فرحت اوي لان خلاص هيفضلو سوا طول العمر

.هما يستاهلو بعض بصراحه

جاسر بص ف عنيها/وانتي برضو تستاهلي حد يكون بيحبك بجد

ديچا/انا؟ لاء انت عارف ان انا شايله الموضوع دا من دماغي .انت لسه عارفني امبارح ولا اي

جاسر/لاء بس يعني عندي يقين ان ممكن تغيري رايك ..ان شاءالله تغيري رايك

ديچا ابتسمت/اوك هروح شغلي انا بقي

جاسر/تحبي اوصلك

ديچا/لا ميرسي معايا عربيتي

جاسر ابتسم/اوك متنسيش بقي عزومه زوزو علشان متقتلناش

ديچا ضحكت/لا طبعا مقدرش انسي

ومشيت وجاسر بصلها

جاسر/ااه ياني ..تاعبني وبرضو عاجبني..مش هفقد الأمل برضو ي ديچا

ومشي

في فيلا حمزه

ف المضبخ بيعمل فطار وهو مبسوط وبيدندن اغاني

عائشه نزلت من فوق بعد ما اخدت شاور وغيرت هدومها

عائشه بابتسامه/صباح الخير

حمزه قرب منها/صباح الفل والياسمين وال ورد

وباسها

عائشه ابتسمت/اعملك قهوه معايا؟

حمزه قرب منها اكتر/لالا مفيش قهوه الا لما تفطري ..هعملك احلي فطار دلوقتى

عائشه بابتسامه/طب ما يلا اعملو

حمزه وهو باصص ف عنيها/منتي مجننه امي طول ما انتي جمبي مش هعرف اركز

عائشه حاوطت رقبته ب دراعها

عائشه/اساعدك طيب

حمزه حاوط وسطها وشالها وقعدها ع الرخامه

حمزه/لاء خليكي جمبي بس

وبعد عنها وبدأ يكمل الفطار

عائشه/هو انت هتروح الشغل النهارده؟

حمزه بخبث/اممم ..سهيله السكرتيره كلمتني وقالت لازم تيجي الشركه ضروري

عائشه بغضب/سهيله اه افتكرتها ..وهي مالها تطلب من تيجي لي هو مين شغال عند مين

حمزه بخبث/لاء هي شغاله عندي بس اكيد في شغل كتير علشان كدة بتطلب مني اجي..والا هيكون السبب اي

عائشه بغضب مسكت السكينه/والله العظيم ي حمزه اقتلك واقتلها ..انا مبهزرش انا اصلا مش مرتحالها من بدري

حمزه ابتسم ومسك ايدها ال فيها السكينه/ لا اعقل في اي انا بهزر

عائشه نزلت من الرخامة بغيظ/

ونا مبهزرش..عايز تروح الشغل روح …براحتك ..افطر مع نفسك بقي انا مش جايلي نفسك

وكانت هتمشي حمزه مسكها من وسطها وقربها منه

حمزه ابتسم /والله العظيم انا كنت بهزر .كنت عايزه اشوف غيرتك الحلوه دي

عائشه/

حمزه رجع شعرها ورا ودنها وباسها من خدها

حمزه/ انا اصلا واخد اجازه من الشغل .. انا وانتي مش هنتحرك من البيت دا اسبوع ..هحبسك جمبي ..وبعدين نطلع شهر عسل سوا ف المكان ال تختاريه

عائشه ابتسمت/بجد

حمزه ابتسم/اه بجد

عائشه بابتسامه حضنته وحمزه ابتسم وحضنها بقوه

عند سما و إياد

في الشارع وقفين جمب العربيه وفارشين الاكل ع شنطه العربيه وبياكلو شاورما

سما/وفي بعد يومين عيد ميلاد ساره صحبتي ..وهتيجي معايا

إياد وهو بياكل/في بنات حلوه؟

سما ضربته ل صدره/إياد اتلم

إياد ضحك/اي ي ستي ما تسبيني اعيش حياتي الاه . (وابتسم بخبث)وبعدين اكيد هيجي اليوم ال الاقيه في البنت ال بتمناها يعني

سما بغيظ/وانت مستعجل اوي

اياد/ايوا يعني لازم يكون في واحده ف حياتي و جمبي ..اشاركها كل حاجه

اخرج معاها .نتغدا سوا ..ناكل شاورما زي دلوقتي كدا

سما/لي هو انا مش ماليه عينك ولا اي .منا صحبتك بعمل نفس الحجات ال انت بتقول عليها دي

إياد ابتسم وقرص خدودها/انت انا مقدرش اعيش من غيرك ..وبعدين الشاورما دي اكلتنا انا وانتي بس مش هنشارك حد فيها

سما ابتسمت

إياد/اطلب لك شاورما تاني؟

سما مسكت بطنها/لا خلاص كدا انا مبقتش قادره اتنفس..بس بجد عم جابر بيعمل شاورما تحفه

إياد ضحك

بعد عده ساعات في الشغل عند ديچا

قاعده ف مكتبها بتشتغل وفجأه سرحت ف جاسر و ف ضحكته و عينه و ف كل الحجات ال حلوه ال بيعملها علشانها .واهتمامه بيها وبكل تفصيله تخصها صغيره او كبيره ..اهتمامه ب انها بتحب اي ويعمله وبتكره اي ويبعد عنه

وابتسمت وبعدين تداركت نفسها وحاولت تنفض الأفكار دي من دماغها

ديچا/ لالالا اكيد لاء ..اي ال انا بعمله دا ..ديچا ركزي ..من امتي ونتي بتفكري ف حجات غير الشغل

وتليفونها رن وكان جاسر

ديچا ابتسمت وردت

ديچا/الو

جاسر/يلا اجهزي هاجي اخدك ونروح ل ماما مفيش وقت للتفسير اتصلت بيا وبتقولي إياك تتاخرو

ديچا قامت/طب جاسر هروح البيت اغير هدومي بس وبعدين نروح

جاسر/مينفعش والله هنتأخر عليها وهنتهزأ .وبعدين انتي حلوه ف كل حلاتك مش مستاهله

ديچا ابتسمت

جاسر تدارك هو قال اي /احم ..مكنش قصدي يعني اقول بالضبط كدا بس ا

ديچا /فاهمه قصدك بس برضو مينفعش اقابل مامتك ل اول مره وانا مرهقه من الشغل ..هروح البيت اخد شاور واغير هدومي وتاخدني من هناك

جاسر/ماشي بس متتاخريش

ديچا ابتسمت/اوك

وبدأت تلم حاجتها علشان تروح البيت

في فيلا حمزه

في الغرفه حمزه نايم ف حضن عائشه وعائشه بتلعب له ف شعره

عائشه ابتسمت/انت هتفضل نايم كدا كتير؟ مش هنعمل الغدا ؟ انا جعت بصراحه

حمزه حضنها اكتر/انا مستعد افضل كدا طول حياتي..انتي مش متخيله حضنك دا بيعافيني و يريحني ازاي

عائشه ابتسمت/حمزه هو انت حبتني امتي؟

حمزه بصلها/اي السؤال الغريب دا

عائشه /لا ابدا مش غريب خالص .انا وانت اتجوزنا ف نفس اللحظه ال شفنا بعضها فيها ومكنش عندنا اي مشاعر اتجاه بعض .. وكنا مبنعملش اي حاجه غير اننا نتخانق ..ف بسأل يعني ف وسط كل المشاكل دي حبتني امتي

حمزه/من اول لحظه شفتك فيها وانتي عجبتيني.. كنت شايفك زي القمر وبعد فتره صغيره بدون اي مقدمات لقيت نفسي بحبك .. عايش طول حياتي لوحدي ف البيت دا وهو ضلمه و بارد ..ولما انتي جيتي حتي وانتي مش طيقاني نورتيه ومليتيه دفي.. وبقت بتتعبني فكره اني ارجع البيت ملقيكيش .. وتتعبني فكره انك ممكن تسبيني ..لاني خلاص مبقتش اقدر اعيش من غيرك . ولما قلنا هنتطلق قلبي كان هيطلع من مكانه اليوم دا ومنمتش من كتر التفكير.. تخيلي واحد عايش سنين من غير اهله ومن غير عيله ..فجأه ربنا بعتك ليا ..ف بقيتي انتي عيلتي الوحيده ..وبعدها اتأكد اني بعشقك مش حب بس..بعشق ضحكتك وبعشق عينك ال بتوهه فيها ونا ببصلها .وبعشق عصبيتك وبضايقك قصدا علشان اشوفها .. انتي عوض كبير ليا من ربنا .وعمري ما افرط فيكي ابدا

عائشه بابتسامه/اعتقد ان محدش ف حياتي حبني قدك ي حمزه

حمزه ابتسم وباس رقبتها وخدها

ونام ف حضنها تاني

حمزه/ وانتي ..حبتيني امتي .. ع حد علمي مكنتيش طيقاني غالبا

عائشه /ايوا مكنتش طيقاك ف الاول وانت عارف لي.. كنت شيفاك مغرور ومستفز وبتنجح تعصبني .. كان بابا وكل ال حواليا بيقولو قد اي انت كويس وكلك مميزات بس انا برضو كنت مصره ع الطلاق ..بس بعد كدة قدرت اشوف الحلو ال فيك ..وقدرت اشوف قد اي انت حنين وبتخاف عليا من اقل حاجه ..وبتغير عليا من اقل حاجه ..وبتقدر تمتص غضبي وتصالحني حتي لو انا الغلطانه.. كفايه انك اتحملتني واتحملت عصبيتي ومزهقتش مني ..كل الحجات دي خلتني احبك ..بابا طيب وحنين وبحبه اوي بس طول الوقت مشغول عني ف انت الوحيد ال قدرت تغرقني الحنيه والحب دة كله.. ويوم ما قلنا هنتطلق انا كمان قلبي وجعني ومعرفتش انام طول الليل حتي انا تعبت وجبتلي الدكتوره لسبب دا .. ولو كنا اطلقنا مستحيل كنت اقدر اعيش من غيرك.. ف انت ازاي بعد كل دا مش عايزني احبك

حمزه ابتسم وطلع من حضنها وقرب منها وباسها من شفايفها بكل حب وسرحو في عالمهم الخاص

اخر النهار

عند سما

صاحبتها سايقه و سما راكبه جمبها

ريم/مش انتي كنتي هتصالحيني ع احمد ي قذره .الواد مش معبرني برن عليه مبيردش

سما/احم ..ما انا كنت هعمل كدا already بس إياد قفش عليا ف مرحتش قابلته الصراحه

ريم /نعم يختي؟ ويقفش عليكي لي ..هو ال boy friend بتاعك؟ انتي مش قلتي لي أن انتو صحاب وبس؟

سما/ايوا ع فكره احنا صحاب وبس..مفيش اي حاجه من ال ف دماغك

ريم/لا واضح .

والعربيه فجأه وقفت

سما/اي وقفتي لي

ريم/I don’t know(مش عارفه ) وقفت لوحدها

وحاولت تدور العربيه ومشتغلتش

سما/ينهار ابيض هي جايه تقف ف نص الطريق..الشارع فاضي ومفيش حد .

ريم بتوتر/احم ..تقريبا كدا البنزين خلص

سما بعصبيه/نعم يختي؟ انتي ازاي تطلعي بينا من غير ما تتأكدي البنزين كامل ولا لا

ريم/اعمل اي طيب مخدتش بالي

ونزلوا من العربيه

ريم /هنتصرف ازاي دلوقتي ..الطريق فاضي تماما..ولو رنيت ع احمد مش هيعبرني

ورنت عليه وفعلا مردش

ريم/ماشي ي احمد ..ان ما وريتك

سما اول حد جه ف بالها إياد

ورنت عليه بسرعه

إياد رد/ايوا ي برنسيسه عامله اي

سما بتوتر/إياد انا كنت مع ريم صحبتي ف العربيه والبنزين خلص وحنا ف نص الطريق ومفيش اي حد الطريق فاضي..انا خايفه

اياد قام/طب اهدي متخافيش ..انتو خليكم ف العربية متطلعوش منها ابدا واقفلو الباب عليكم بالقفل ومتفتحوش مهما حصل ..وابعتي اللوكيشن انا دقايق وهكون عندك

سما هزت راسها بموافقة/ اوك

وقفلت وبعتت له اللوكيشن

سما/متقلقيش إياد جاي ..وقال لنا اركبوا العربيه واقفلو ع نفسكم ومتفتحوش مهما حصل

ريم/ي ماما انتو بتوتروني لي ..هيحصل اي يعني لو مقفلناش الباب

سما بعصبيه/والله بصي حواليكي ي هانم الطريق مقطوع اغلب الوقت ومفيش حد زي ما انتي شايفه والدنيا هتليل .ومنطقه مفهاش صريخ ابن يومين يعني لو حد اتعرضلنا وصوتنا من هنا ل بكره ابقي قابليني لو حد لحقنا

ريم /خلاص خلاص اهدي فهمت ..انا اسفه كله بسببي اصلا.

وركبو العربيه وقفلو ع نفسهم

عند ديچا و جاسر

وصلو بيت عيله جاسر

ونزلوا من العربيه

جاسر ابتسم/تعالي اتفضلي

ديچا ابتسمت

ودخلو البيت وكان في استقبالهم زينب الام و الاب محمد

محمد/اهلا وسهلا اتفضلو

زينب بابتسامه/اهلا بيكو ي حبايبي

جاسر ابتسم/دي ماما زينب ..ودي ديچا ي ماما

ديچا بابتسامه/ازي حضرتك ي طنط

زينب بابتسامه سلمت عليها وحضنتها/ اهلا بيكي ي حبيبه قلبي..زي القمر مشاء الله

ديچا ابتسمت

جاسر/و دة بابا محمد

ديچا بابتسامه سلمت عليه/ازي حضرتك

محمد ابتسم/زي الفل ي بنتي ..انتي عامله اي

ديچا/الحمد لله

جاسر/وحشاني ي زوزو والله انتي وبابا

زينب/لو كنت بتيجي تشوفنا ي اخويا مكناش وحشناك . دا انت حسابك معايا بعدين

جاسر/ها تحبي تهزأيني اكتر من كدا قدام ديچا ولا كفايه كدا النهارده

ديچا ضحكت

زينب ابتسمت/لا خلاص كفايه علشان خاطر ديچا بس

محمد/تعالو نقعد واقفين لي

زينب/لا نقعد اي يلا ع السفره الاكل جاهز ..دا انا عملتلك شويه اكل ي ديچا تاكلي صوابعك وراهم

ديچا ابتسمت/انا مكنتش عايزه اتعب حضرتك بس

زينب/تعبك راحه ي روح قلبي

جاسر ابتسم

وراحو عند السفره وكان عليها جميع انواع المحاشي ولحمه وفراخ

جاسر/الله الله اي كل الاكل الجامد دا ..والله اكلك وحشني ي زوزو

وبدأ ياكل

زينب/ما انت خاسس ي حبه عيني.. من وقت ما سكنت بعيد عني وانت متغير ..طبعا منت مقضيها زفت دلفري

محمد/امك مش هتسيبك هتطلع عليك القديم والجديد..ع عينها سيباك تسكن بعيد عنها اصلا

زينب/ايوة طبعا ..يرضيكي ي ديچا يسيب حضن امه حبيبته ويروح يسكن ف بيت تاني. دا مكنش بيجب كوبايه المايه لنفسه . بياكل ويشرب ازاي

ديچا/والله ي طنط انا لحد دلوقتي مش فهماه ..لي سايب اهله وجاي يسكن هنا

محمد بص ل جاسر وغمز له/بس انا عارف

جاسر شرق وكح

زينب صبتله مايه بسرعه /ي حبيبي .خد خد اشرب

ديچا/انت كويس؟

وشرب مايه

جاسر/احم . اه اه كويس ..انت بقي عارف اي ي حج

محمد/عارف لي سبتنا وسكنت بعيد …بس متقلقش عمري ما اروح اقول

جاسر /اه الله يسترك استر عليا

زينب ل ديچا/ كلي ي حبيبتي متتكسفيش ..انا عامله كل الاكل دا علشانك..دا انتي طلعتي زي القمر ..لعلمك جاسر حكالي عنك كتير

ديچا ابتسمت/بجد

جاسر /ايوا ايوا يعني انتي عامله كل الاكل دا علشانها وانا مليش لازمه جاي عياقه وخلاص

زينب ابتسمت/ يواد دا انا مقدرش اعيش من غيرك

جاسر باس خدها

محمد/ايوا ايوا مبتقدريش تعيشي من غيره ونا كيس جوافه قاعد مليش لازمه

جاسر/ياربي هيولع من الغيره

محمد/اتلم ياض

زينب ل محمد/ انت ملكش لازمه ؟ دة انت من غيرك البيت دة ميسواش ..انا نفسي مسواش حاجه من غيرك

محمد ابتسم وباس ايدها

جاسر/الله الله ع الرومانسيه ..شكلي لما مشيت عملت لكم خدمه كبيره وسبت لكم برااح

محمد /اه بصراحه

جاسر ضحك

وديچا بصت لهم وابتسمت ..عمرها ما حست بجو العيله الحلو اوي دا

ديچا/ربنا يخليكم لبعض يارب

زينب ابتسمت/ تسلميلي ي حبيبتي ..يلا كلي اكلي معجبكيش ولا اي

ديچا/ابدا والله دا تحفه تسلم ايدك ..تعرفي انا مكلتش محشي من زمان

محمد/اي دة .لي كدة مبتحبوش ولا اي

ديچا/لا بالعكس بحبه جدا بس ماما مش من النوع ال بيحب يتعب نفسه ف تنضيف وطبيخ .بالنسبه لها كلام فارغ .ف كانت بتعمل لنا اكل سريع بس ولما كبرت شويه بابا توفي وهي اتجوزت واحد تاني وسافرو ف قعدت لوحدي. ولما اشتغلت مكنش عندي وقت ابدا اقعد اعمل محشي وكدة ف مكنتش باكله ..مع اني بفتقد بابا الله يرحمه وامي ال شبهه مش ف حياتي ..بس بصراحه اونكل سالم وهدي ام عائشه عوضوني كتير اوي عنهم ..بعتبرهم عيلتي التانيه

زينب/اولا ربنا يرحم بباكي يارب ..ثانيا بقي انا من هنا ورايح مامتك التانيه و اي وقت تحتاجي حاجه تجيلي فورا ولو نفسك ف المحشي اي وقت تيجي تطلبيه مني واعملهولك من عنيا

محمد/اعتبرينا عيلتك من هنا واريح. انا كمان هزعل اوي لو عرفت انك احتاجتي حاجه ومجتيش لينا اول ناس

ديچا ابتسمت/ربنا يخليكم بجد انا مش عارفه اقولكم اي ..شكرا

جاسر بص ل ديچا ف عينها وابتسم

و زينب ومحمد ملاحظين نظراته وليها وبصو ل بعض وابتسمو

محمد بصوت واطي/ابنك مفضوح

زينب ابتسمت/خدت بالي..يارب يحقق لك ال ف بالك ي ابني ي نور عيني يارب

عند حمزه وعائشه

ف المضبخ بيجهزو الاكل

حمزه بيضبخ وعائشه واقفه جمبه بتساعده

حمزه وهو مشغول بتجهيز الاكل/هاتي خيار وقطعيه

عائشه /اووك

وجابت خيار من التلاجه وغسلته وبدأت تقطع فيه

عائشه /احم حبيبي

حمزه ابتسم/نعم ي روح قلبي

عائشه/ما تحكيلي عن ايكساتك كدا ..البنات ال ارتبطت بيهم قبل ما تعرفني

حمزه /احم..اي ال جاب الموضوع ف بالك فجأه

عائشه وهي بتقطع الخيار /لاء مش فجأه ولا حاجه ..انا بس جالي فضول اعرف بس ..ونا مش هزعل ولا حاجه صدقني

حمزه/ما بلاش ي عائشه ..مش عارف لي قلقان منك

عائشه بصت له وابتسمت /صدقني مش هزعل ..وبعدين احنا لازم نعود بعض ع اننا نبقي صحاب قبل ما نبقي متجوزين..ف يلا احكي انا سمعاك

حمزه/عايزه تعرفي انهي واحده فيهم

عائشه/هما كتير !!! كام ايكس يعني

حمزه/مش فاكر بصراحه

عائشه بغيظ/ من كثرهم طبعا مش فاكر..اممم كمل..احكيلي عن اخر واحده مثلا

حمزه/هما كلهم كانو مجرد تسليه مش أكتر يعني عمري ما شفت واحده فيهم تستاهل تبقي مراتي .. واخرهم واحده اسمها مي . انفصلنا من سنه

عائشه بغيره/ميي ..وفاكر اسمها كمان ..مشاء الله منستهاش يعني

حمزه/عائشه انا قلت لك بلاش وانتي مصره تعرفي ..بلاش احسن خلينا نكمل عمايل الاكل لأنك زمانك جعتي ..يلا ي حبيبتي

عائشه بجديه/حمزه كمل ..سبتو بعض ليه

حمزه قرب من عائشه/منا قلت لك ملقتش واحده حلوه تخطف قلبي زيك

عائشه من غير ما تبص له/بس انت لسه فاكر اسمها ولسه فاكر انفصلتو امتي ..يعني هي ف بالك

حمزه /ارفعي راسك بس وريني عينك الحلوه دي

عائشه بصت له

حمزه/انا افتكرت اسمها بالصدفه كدة والتاريخ قلته تقريبا مش فاكر امتي بالضبط..لان هي ولا ف بالي ولا اي بنت تقدر تشغل تفكيري غيرك ..انا بفكر فيكي انتي وبس وبعشقك انتي بس ومبقدرش اعيش من غيرك ..و اي بنت دخلت حياتي كان مجرد تسليه. انا عمري ما حبيتها ولا عمري حبيت ولا هحب حد قدك

عائشه ابتسمت/بجد

حمزه ابتسم/بجد

عائشه باسته من خده وحضنته

حمزه حضنها بقوه وابتسم

حمزه /ويكون ف علمك انا مش هقع ف الفخ دة تاني ..انك تقنعيني احكيلك عن ايكس من اكساتي وان انتي مش هتزعلي وكل الكلام دة..ضحكتي عليا مره ومش هتكرر تاني.

عائشه ضحكت وطلعت من حضنه

حمزه/يلا نحط الاكل

وبدأو يحطو الاكل ع السفره

عند سما و ريم

ف العربيه

ريم بعصبيه ف الموبايل/انا بجد مش مصدقاك ..مبتردش عليا كل دة افرض واقعه ف مصيبه ..بقي سما واياد صحاب بس مجرد صحاب واول ما يعرف انها محتاجاه يسيب ال ف ايده ويجيلها جري ..ونا وانت مخطوبين .وارن عليك كل دا متعبرنيش

احمد/خلاص قلت انا ف الطريق وجايلك اهو .

ريم/ان شاءالله عنك ما جيت اصلا إياد جاي ياخدنا

احمد/ا

ريم قفلت ف وشه

سما/سمعتي الراجل مرشح ربع ساعه

ريم/يستاهل اكتر من كدا دا مستفززز . افرض كنت مخطوفه يعني ميردش علشان متزفتين متخانقين

سما/وجهه نظر

وحد خبط ع ازاز العربيه سما و ريم اتخضو

سما/ي ماما

اياد/افتحو دا انا

سما /إياد

ونزلوا من العربيه

سما/اخيرا جيت

إياد مسك ايدها/انتي كويسه ..حد جه ناحيه العربيه؟

سما/متقلقش ..انا كويسه ومحدش جه جنبنا الحمد لله

إياد بص ل ريم/اعتقد انتي ريم ..انتي كويسه؟

ريم بابتسامه سلمت عليه/ايوا انا ريم

إياد ساب ايد سما وسلم عليها

اياد/ونا اياد

ريم ابتسمت/اه عارفه..سما حكيت لنا عنك كتير

ريم همست ل سما/دا زي القمر يخربيته

سما ب نفس الهمس/طب اخرسي هيسمعنا

ريم بنفس الهمس/شفتيه خاف عليكي ازاي..دا جمال وحلاوه دا لقطه ي بنتي

اياد/ لو خلصتو همس ..يلا علشان اوصلكم

ريم/انا احمد جاي ياخدني

واحمد جه ونزل من العربيه

ريم/اهو شرف

احمد /انتو كويسين ي ريم انني وسما

ريم /اه ي بيه إياد صاحب سما جه قبلك

سما /احم . دا احمد ي إياد هو وريم صحابي من زمان و دا إياد ي احمد صاحبي برضو

احمد سلم عليه/اهلا وسهلا

سما/مجاش فرصه اعرفكم ع إياد بس ف عيد ميلاد ساره هنتقابل واعرفه ع الباقيين

إياد خمن أن دا احمد ال كانت راحه تقابله/اهلا بيك

اياد/يلا ي سما اوصلك

سما/اه يلا

وخدت شنطتها من عربيه ريم

سما/باي ي جماعه

ريم/باي

وركبو العربيه ومشيو

ريم/وانت ..توصلني وملكش دعوه بيا تاني

احمد/لا والله ؟

ريم/ايوا..اعتبرني ميته دلوقتي

.لاني كان ممكن كنت بموت ومتصله بيك تنقذني وانت مردتش عليا

احمد/ديما اوفر كدا ديما اوفر..يلا نمشي

ريم خدت شنطتها وقفلت ال عربيه كويس وركبو عربيه احمد ومشيو

عند سما واياد ف العربيه

إياد وهو سايق/احم دا احمد ال جبتي سيرته قدامي قبل كدا

سما/ اه هو

اياد/اممم

سما/و دي ريم خطيبته

إياد بخبث/يااه يخساره ..ريم طلعت مرتبطه..اصلها عسوله اوي

سما بغيظ/اه معلش حطمنا طموحك طلعت مرتبطه

اياد حب يختبر غيرتها/يخساره ..خلاص ف عيد ميلاد ساره ان شاءالله اكيد عندك صحاب بنات حلوين كدة..صحبك برضو سنجل المفروض تساعديه يلاقي حب عمره

سما بغيره حاولت اخفائها/عيني حاضر

إياد /يعني مش هتغيري عليا؟

سما/لا طبعا احنا صحاب اغير لي؟

اياد/بقي كدة؟ طب تمام اوي طالما احنا صحاب يبقي تمام

رواية وقعت في غرامها الفصل الثاني عشر

عند ديچا وجاسر

ف الصالون

الام والاب وجاسر قاعدين ف الصالون و ديچا كانت ف الحمام

زينب/ بس يواد انت ..عرفت تختار ديچا باين عليها بنت ناس وزي القمر

محمد/اه بصراحه

جاسر/جبتو الكلام دة منين ي جدعان احنا صحاب ..صحاب بس

محمد/ع مين ياض الكلام دة..شايف قدامك عيال صغيره؟ ..احنا نقدر نفهم ابننا من قبل ما يتكلم حتي .وعينك فضحاك اصلا..ونا متأكد مليون ف الميه انك اجرت الشقه ال قاعد فيها دلوقتى علشان تفضل جمبك

زينب ابتسمت/والله لو عمل كدة عاشان خاطرها انا موافقه .اصل هي دخلت قلبي بسرعه

محمد/شفت اهي كسبت ام مفيش منها .ولا ليها ف شغل الحموات والكلام دا

زينب ابتسمت/ حموات اي دا انا اشيلهاله ف عنيا

جاسر/بس هي شيفانا بس صحاب

زينب ابتسمت/ انا عندي امل..ان شاءالله تبقو لبعض

جاسر/يسمع من بوقك ربنا ي امي.. (وباس ايدها )وعلشان الدعوه الحلوه دي هقوم اعمل لكم شاي بنفسي

محمد/ايوا كدا دلعنا

جاسر/اهو قلت اعطف عليكم يوم وارجع بيتي تاني

زينب/ماشي ي جزمه

جاسر ضحك ودخل المضبخ

وديچا طلعت من الحمام وبصت ع المضبخ لقت جاسر واقف بيعمل شاي

ديچا ابتسمت/اساعدك؟

جاسر بصلها وابتسم/لا ابدا خليكي مرتاحه انا هعملهم بسرعه

ديچا/لو تعرف قد اي انا حبيت اهلك ..فيهم حنيه الدنيا كلها ..ف الحبه ال قعدت معاهم فيها حسيت اني وسط عيلتي بجد ..شكرا ي جاسر انك جبتني هنا..كنت محتاجه ل دة

جاسر /وهما كمان حبوكي اوي اوي..وزي ما هما قالو لك ..من هنا ورايح دول عيلتك ..تشوفيهم وقت ما تحبي وتكلميهم وقت ما تحبي ..اتفقنا؟

ديچا ابتمست/اتفقنا

ف نهايه اليوم قبل منتصف الليل

في فيلا حمزه

الشباب متجمعين وسهرانين عند حمزه و عائشه

(إياد وسما وجاسر وديچا و عائشه وحمزه)

قاعدين ف الصالون

وعائشه طلعت من المضبخ وشايله عصير وحطته ع الطربيزه وقعدت جمب حمزه وحمزه خدها ف حضنه

اياد/لالا كدا كتير ي عائشه والله اكل وشرب ومقبلات وعصاير. بنيجي هنا بتدلعينا

عائشه/بالهنا والشفا ..بس يعني سمعاك ونا ف المطبخ بتتكلم عن إنجازات حمزه ف شقط البنات ياريت تكمل

جاسر/اوبااا انت جاي تخرب عليهم ولا اي ي إياد

اياد/لا ي حبيبي دا ماضي ولازم مراته تكون عرفاه ..حاضر ي عائشه هكملك

حمزه/انت لو فتحت بوقك ب حرف هدفنك مكانك

ديچا وسما ضحكو

عائشه بصت له/لي انت عامل اي مخليك خايف اوي كدا

حمزه/انا ؟ لا ابدا انا كنت محترم جدا انتي عرفاني

إياد/اه محترم الا ربع ..دا كان كل ربع ساعه نلاقيه معاه واحده شكل

عائشه بصت ل حمزه

حمزه/احم .ط طب ما انت كمان ي واطي طول فتره الجامعه كنت شاقط بنات .

سما بصت له

اياد/احم انا ؟

حمزه/اه انت

سما/يااه ي حمزه فعلا؟ اصل كان قايلي ان عمره ما ارتبط

حمزه/دا نصاب كبير دا

جاسر ضحك / مره إياد كان ايام الجامعه معجب ب بنتين ف نفس الوقت ومكنش عارف يختار مين ف قال يجرب حظه وقابل كل واحده ف يوم واعترف بحبه ..توقع بقي واحده ترفض ف يكمل مع التانيه ماشي بمبدأ ال يجيبه ربنا كويس ..ف للأسف الاتنين وافقو وقالو انهم بيحبوه من زمان

عائشه ضحكت/ينهار ابيض

ديچا/وبعدين اي الحصل

اياد/ي جدعان بقي متطلعوش أسراري بره الله..

سما /اسرارك صح .دا انت حسابك معايا بعدين

حمزه/ف يعيني مقدرش يسيب واحده فيهم مهو البيه حنين ..ف ارتبط ب الاتنين ف نفس الوقت ..يبعت بقي ورد للاتنين من نفس المكان يوفر مجهود. ويجيب لهم كل واحد هديه ويبعتهم لكل واحده ع بيتها والموضوع مشي زي الفل ..معاه بنتين بيحبوه ومغفلين ميعرفوش انه مرتبط بيهم هما الاتنين

سما بغيظ/اتمني يكونو عرفو وموتوه من الضرب

اياد بصلها/اراكي يعني مبسوطه ف صاحبك اوي ؟..دا انا صحبك ي متخلفه يعني هما يجو عليا.. انتي تدافعي عني

جاسر/للاسف ي سما هذا حصل .. ف عيد الحب اتصل ب محل الورد وطلب ٢ بوكيه ورد

واحد ب اسم يارا وواحد ب اسم هناء

قام صحاب ال محل اتلغبط وبعت ل هناء الورد بتاع يارا .والعكس..وطبعا مش محتاج اكمل البنتين عملو فيه اي

حمزه ضحك/ايون

عائشه بضحك/مش مصدقاك ي إياد بجد

ديچا ضحكت/انت ازاي متاخدش بالك من حاجه زي دي

اياد/مهو اعمل اي ي ديچا. صاحب المحل غبي اعمل اي انا مليش زنب

سما ضحكت وهزت راسها بمعني مفيش فايده

وكملو ال سهره ف ضحك وهزار لحد ما الوقت اتاخر وكل واحد روح ع بيته

ف الصالون عائشه بتدخل الأطباق والاكواب المضبخ وحمزه بيساعدها

عائشه دخلت ل حمزه المضبخ وهي شايله اطباخ

ووضعتها ف الحوض

عائشه /ماما اتصلت وبتسلم عليك ..وبتقول شوفو يوم فاضيين فيه تعزمنا ع الغذا

حمزه/ماشي مفيش مشكله ..اكل مامتك بحبه اوي الصراحه ..كان المعلم سالم بيجبلي منه ونا صغير لما كنت عايش ف الورشه

عائشه بحزن حضنته

وحمزه ابتسم وحضنها بقوه وباس رقبتها

عائشه/انا بحبك اوي

حمزه ابتسم/ونا بموت فيكي

عائشه طلعت من حضنه/بس معدتش حوار ال بنات ال كنت بتشقطها ف الجامعه ال إياد حكالي عنهم

حمزه/والله العظيم كنت حاسس ..اياد دة حسابه معايا انا

عائشه/يعني بجد انا لو عديت البنات ال كانت ف حياتك هيبقوا ٣ الاف بنت اكيد

حمزه قربها منه وحاوط وسطها/بس المهم ان انا سبتهم كلهم واختارتك انتي

عائشه ابتسمت/اممم يسلام كدا بتثبتني يعني

حمزه وهو باصص ف عنيها/ بحاول

عائشه باسته من خده/طب يلا عاشان ننام ..وبكره هتعزمني ع العشا زي ما وعدتني

حمزه /بس كدة..من عنيا

عائشه ابتسمت وطلعو غرفتهم

عند سما واياد

إياد سايق وسما جمبه

اياد/وبس ي ستي بكره بقي عندي شغل كتير اوي ف الاستديو

إياد بص ل سما لقاها نامت

إياد بصوت عالي/نهار ابوكي اسود انتي نمتي

سما صحيت بخضه

وضربته/حرام عليك ي متخلف خضتني

إياد ضحك/انا اسف ..وبعدين مش انتي ال عايزه تسمعي ورايا اي بكره

سما /بعيدا عن ال وراك بكره متنساش عيد ميلاد ساره ..هعدي عليك نروح المول نجيب لها هديه بعدين نروح العيد ميلاد

إياد/ماشي طالما عيد ميلاد ساره منقدرش نقول لاء..هي حلوه؟

سما بغيظ /اه حلوه

اياد/طب الحمد لله

سما/الحمد لله اي..اكيد مش هتشقطها هي كمان

إياد/والله لو صحبتي القمر دي ساعدتني

وقرص خدودها

اياد/هعرف اشقطها اكيد…هتساعديني صح؟

سما/دا بعينك ان شاءالله. بقولك صحبتي انت مبتفهمش ..هساعدك تشقط صحبتي؟

اياد/ايوا اي المشكله..وبكره تشوفي هتقع ف حبي من غير مساعدتك اصلا

سما بغيظ وغييره/ إياد انا هنام ومش عايزه اسمع صوتك لحد ما نوصل ..تمام؟

اياد ابتسم/ طب خلاص اهدي متعصبه لي كدة

سما سندت ضهرها وغمضت عينها

سما بتريقه/هتقع ف حبي من غير ما اعمل حاجه ..قاعده مع تامر حسني انا

اياد ضحك وبعد شويه راحت ف النوم

إياد بصلها وابتسم

ووقف العربيه ف جمب

و جاب جاكيته من ورا وغطاها بيه

اياد بصلها وابتسم/انا بحبك ي متخلفه وانتي ولا دريانه ..وعارف انك بتحبيني بس مفيش ع لسانك غير احنا صحاب ..بس هندمك ع الجمله ال عماله تقوليها وتضايقيني بيها دي

وشغل العربيه وساق تاني

في اليوم التالي

في منتصف اليوم عند ديچا

طلعت من شقتها وهي شايله صينيه اكل صغيره وطلعت شقه جاسر

ورنت الجرز محدش رد

ورنت تاني وجاسر فتح الباب بعد ما صحي من النوم وهو بيمسح وشه ب ايده

ديچا بصت له وقالت ف سرها/شكلهو حلو اوي وهو لسه صاحي من النوم..احم اي ال انا بقوله دة

جاسر ابتسم/ديچا

ديچا/انت كنت نايم ؟ اسفه صحيتك

جاسر/لا ابدا عادي انا رجعت من الشغل مقتول ونمت شويه

ديچا ابتسمت/انا عارفه انك لسه مكلتش ف عملت لك اكل

جاسر ابتسم/عملتي اكل ليا انا؟ب نفسك؟

ديچا/ايوا مستغرب لي ..وبعدين مش علشانك ع فكره عاشان مامتك .. لو فضلت تاكل اكل من بره كل يوم كدة هتتعب .وبعدها زوزو هتزعل

جاسر خد منها صينيه الاكل بابتسامه/ يعني عملتي الاكل بنفسك وجبتهولي ..مش عارف اقولك اي ..تعبتك معايا

دي ابتسمت/ولا تعب ولا حاجه ..يلا انا هنزل انا بقي

جاسر/انتي كلتي؟

ديچا/لاء جبت لك اكلك الأول وبعدين هنزل انا اكل

جاسر/لاء تعالي كلي معايا ..انتي جيبالي اكل كتير اوي مش هقدر اخلصه لوحدي

ديچا/بس ا

جاسر بمقاطعه/يلا ي ديچا ادخلي مش عايز اعتراض

دي ابتسمت/اوك

ودخلو البيت وجاسر حط الاكل ع الطربيزه ودخل المضبخ يجيب عصير وخرج ل ديچا

وقعد بابتسامه

جاسر/الأكل من ريحته باين انه عظمه

ديچا/دوق وقولي رايك

جاسر بدأ ياكل وهو مبسوط

حبيبته جيباله اكل لحد عنده وطبخاه ب ايدها وبتاكل معاه كمان

ديچا/حلو ؟ هو اكيد مش هيجي ربع حلاوه اكل زوزو بس ا

جاسر ابتسم/الاكل تحفه

ديچا ابتسمت/بجد؟

جاسر مسك ايدها وباسها/تسلم ايدك

ديچا ابتسمت بخجل وتوتر وسحبت ايدها من ايده

ديچا/أ .. ي يلا نكمل اكل؟ لان انا جعانه بصراحه

جاسر ضحك/يلا

وديچا بصتله وابتسمت وبدأت تاكل هي كمان

عند سما واياد ف المول بيختارو هديه مناسبه ل ساره

اياد باصص ع علبه برفان

اياد/برنسيسه تعالي كدة

سما كانت بتدور ف قسم الاكسسوارات وراحت ل إياد

سما/نعم

إياد/اي رايك نجبلها علبه برفان

سما/فكره مش بطاله بس لازم نختار ريحه حلوه ونوع كويس ودة صعب .انت مش شايف ان في ٣ الاف نوع ازاي

إياد/ولا صعب ولا حاجه ..انا عارف البنات بتفكر ف ماركات اي ..هنشم ٢ او ٣ ونختار منهم

سما بغيظ وغضب/اه طبعا من ناحيه عارف البنات بتفكر ازاي ف انت عارف ..من كتر البنات ال كانت ف حياتك ..يكون ف علمك منستش كذبك عليا لما قلت لي عمرك ما ارتطبت..وعمر ما بنت مسكت ايدك

إياد /دا انتي قلبك اسود اوي . وبعدين انا عمري ما كذبت عليكي غير ف الموضوعين دول

سما/وبتكذب لي من الاول مش فاهمه

إياد/ خلاص بقي ي برنسيسه عديها وانتي حلوه وزي القمر كدة ..هتبقي اجمد واحده ف العيد ميلاد انا متاكد

سما ابتسمت

اياد خد علبه برفان /ناخد لها دي وننجز ؟انا تعبت حرفيا من اللف لو عيد ميلاد بنت خالتي مش هلف لها كدة

سما خدت منه البرفان وشمته

/ريحته مش باينه لي

إياد/لاء دي مبنشمهاش كدة

سما/امال ازاي

إياد خد منها العلبه ومسك ايد سما وكان هيرش ع معصمها بس قبل ما يرش شم البرفان ال سما حطاه وغمض عينه وابتسم

سما ابتسمت

إياد فتح عينه و بص ف عينها/مفيش احلي من ريحتك انتي

سما سحبت ايدها بخجل

واياد رجع ل وعيه

اياد/احم

سما/خ خلاص غيرت رأيي مش هنجيب برفان..في انسيال وساعه عجبوني هنجبهولها

اياد مرر ايدهف شعره/تمام ال يريحك

وراحو عند الكاشير وسما كانت عايزه تدفع

اياد/انتي عبيطه؟ ماشيه مع سوسن

وطلع الفيزا واعطاها للكاشير

وسما ابتسمت وحاسبو ع الهديه ومشيت

مساءا عند حمزه وعائشه

دخلو مطعم شكله تحففه شموع وورد وموسيقى. وكان مليان كابلز

حمزه شد ل عائشه كرسي تقعد

وقعدت وحمزه قعد قصادها

حمزه/المكان عجبك؟

عائشه /مبدأيا المكان دا تحفهه ..واول مره اسمع عنه وادخله ..ف انت ياريت تقولي جيت المكان دا مع مين وامتي ي حمزه بيه

حمزه ضحك

عائشه/لاء يعني زي ما انت شايف كل الحوالينا ي مرتبطين ي متجوزين والمكان غايه ف الرومانسيه ..اكيد مجتش هنا مع جاسر و اياد

حمزه مسك ايدها/لاء انا مجتش هنا مع واحده متقلقيش.. جيت بالصدفه مقابله شغل والمكان عجبني جدا ووقتها قلت لما الاقي الانسانه المناسبه ال بحبها..هجيبها ع هنا

عائشه ابتسمت/اممم اذا كان كدة ماشي

حمزه ابتسم وباس ايدها

حمزه/تصدقي انا كل مره بندم ان بخرج معاكي عاشان بتبقي حلوووه اوي ونا مش عايز اي حد ف الدنيا عينه تيجي عليكي غيري

عائشه ابتسمت/ ونا كل مره بحمد ربنا ع وجودك ف حياتي

حمزه/مبلاش الكلام البيخليني عايز اقوم ابوسك والناس قاعده ميصحش

عائشه ضحكت

والجرسونه جت حطت المنيو قدامهم وكانت بتبص ل حمزه ب نظرات بجحه و اعجاب واضح وحمزه لاحظ دة ومعيرهاش اهتمام

الجرسونه بابتسامه ل حمزه/حضرتكو تطلبو اي؟

عائشه لاحظت نظارتها ل حمزه واتنفست بغضب

حمزه/تطلبي اي ي حبيبتي

عائشه بتحاول الهدوء/اطلب لي انت انا معنديش مشكله ..اطلب اي حاجه

حمزه طلب والبنت كتبت ف النوت ولسه بصاله بابتسامه

البنت/حاجه تانيه ؟

عائشه صبرها نفذ /انتي مغيبه ولا اي ي ماما؟ انا مش ماليه عينك ؟احترمي نفسك بدل ما اجي امسح بكرامتك بلاط المكان

البنت/في اي حضرتك انتي بتكلميني ب الأسلوب دا ازاي

عائشه كانت هترد بغضب بس حمزه منعها

حمزه بجديه/اتفضلي هاتي ال طلبناه منك

البنت ابتسمت/تمام

ومشيت

حمزه حب يغير الموضوع/بس المطعم حلو اوي صح ؟

عائشه بغضب/انت بتستهبل ؟ انت عايز تقنعني ان مش واخد بالك من نظراتها البجحه دي ليك …انا كان هاين عليا اقوم اعرفها مقامها لولا انك منعتني

حمزه /لاء مش واخد بالي من نظراتها علشان انا مش مركز الا مع عيونك انتي

عائشه/

حمزه/هتخلي واحده زي دي تبوظ علينا يومنا وحنا مبسوطين؟

عائشه/م انت شايف ي حمزه هي ب

حمزه بمقاطعه مسك ايدها/عارف وفاهم.. وبحب غيرتك عليا..بس مش عايزين حاجه تافهه زي دي تبوظ علينا يومنا ..ماشي؟

عائشه ابتسمت/اوك

وبعد شويه الجرسونه جت ب الاكل ال حمزه طلبه

وبدأت تحط الاكل ع الطربيزه وبتبص ل حمزه بطرف عينها

وحطت الاكل

عائشه صبرها نفذ وقامت وقفت قصادها

عائشه خبطتها ف كتفها/انا سكتلك كتير اوي

حمزه/ع عائشه ..عائشه اهدي

البنت بوجع/انتي مجنونه ؟ في اي انا جيت جمبك

عائشه بغضب/عينك هتطلع ع جوزي ومراته ال قاعده جمبه مش ماليه عينك ي بجحه ..

وخبطتها ف كتفها تاني

عائشه /لو شفتك قدام عيني تاني هعلي صوتي قدام كل الموجودين دول واقول ان عينك منزلتش من ع جوزي وتطلعي من هنا خسرانه شغلك وبفضيحه ..ف يلا امشي من وشي..حالا

البنت مشيت ودخلت المضبخ

وعائشه قعدت تانيه وعدلت شعرها بابتسامه

عائشه/كنا بنقول اي ي حبيبي

حمزه ضحك/لا دا انتي اتجننتي رسمي

عائشه/امال كنت عايزني اعمل اي ونا شايفه واحده عماله تبص ل جوزي..اسكتلها؟ تبقي بتحلم..كان لازم اوقفها عند حدها

حمزه ابتسم/ماشي ي عم الجامد .انت تعمل ال انت عايزه

عائشه ابتسمت/يلا ناكل

وبدأو ياكلو

رواية وقعت في غرامها الفصل الثالث عشر

مساءا عند اياد وسما

نزلو من العربيه وبتجاههم ل الفيلا ال فيها العيد ميلاد

اياد/بس انا توقعت ان معندكيش صحاب غير عائشه وديچا

سما/ايوا طبعا دول اخواتي واصحابي من ايام الطفوله ومليش غيرهم ..بس ساره وريم والناس دي .مش صحاب اوي .اعرفهم مؤخرا بس

إياد/امم اوك فهمتك

ودخلو وكان الحفله متزينه للعيد ميلاد و بنات وشباب كتير اوي موجودين وفي اغاني شغاله

ساره اول ما شافت سما واياد راحت لهم بسرعه

ساره بابتسامه سلمت ع سما وحضنتها

سما بابتسامه / happy birthday ي قلبي

ساره طلعت من حضنها/ميرسي اوي انك جيتي

وبصت ع اياد/وانت اكيد إياد..سما حكيت لنا عنك كتير..انا ساره

إياد ابتسم و سلم عليها /ايوا فعلا انا إياد ..كل سنه وانتي طيبه

ساره بابتسامه/ميرسي وانت طيب

سما اعطتها الهديه/هديتك ..مني انا واياد

ساره ابتسمت/ تعبتم نفسكم

اياد/ولا تعب ولا حاجه

ساره/تعالو نروح ل بقيت الشله

وراحو ل ريم واحمد

وسلمو ع بعض

ساره بهمس/بس صاحبك إياد طلع اي ..مز يخربيته

ريم/مش انا قلت لكم ..مفهوش غلطه

ساره بصاله ب اعجاب/لو مش محتاجاه ف حاجه ي سما انا ممكن اخده

سما بغيره/اي ال انتو بتقولو دا هو ازازه برفان هتنقلوها لبعض ..الله الله

ساره/وانتي متضايقه لي كدة في بينكم حاجه؟

سما/لا مفيش بينا حاجه

ريم/ونا مش مصدقاكي ..البت دي باين عليها بتحبه بس بتنكر

ساره /الكلام دة بجد ي سما؟

سما بتوتر/احم ..لا طبعا مش بجد ..حتي لو ي ساره معجبه بيه انا ممكن اتكلم معاه ف الموضوع

ساره ابتسمت/تبقي عملتي فيا جميله والله العظيم

احمد/انتو بتتهامسو ف اي بقالكم ساعه

ساره/احم لا ابدا مفيش..( وابتسمت ل اياد) تحب اجبلك تشرب اي ،

إياد ابتسم/اي حاجه مش فارقه

ساره/تمام..اجبلك ي سما ؟

سما /لا شكرا

ساره مشيت

واحمد كان مشغول مع ريم

واياد راح وقف جمب سما

اياد/مالك ؟ حد ضايقك ف حاجه

سما/لا ابدا انا كويسه..مفيش اي حاجه

اياد ابتسم/تمام

سما/اي رايك ف ساره عجبتك؟

إياد/يعني اي مش فاهم

سما بغيره/شيفاها يعني معجبه بيك وانت برضو شكلها عجبتك ومن وقت ما عرفت ان احنا هنروح عيد ميلاد ساره وانت بتطلب مني لو حلوه اظبطهالك

اياد/بس انا كنت بهزر ..طول ما انتي معايا عيني مستحيل تيجي ع اي بنت تانيه

سما/وحنا زي ما قلت لك صحاب ومش هتضايق لو بصيت ل اي بنت تانيه..حتي لو عايز ترتبط ب ساره انا معنديش مشكله عادي

سما كانت غيرانه متعصبه ومش عارفه هي بتقول اي من غيرتها .. فكره ان ساره معجبه ب اياد ومنزلتش عينها من عليه من وقت ما دخلو مجنناها

اياد بجديه/تمام ..طالما انتي شايفه كدة ..انتي عندك حق ..هدي ل نفسي فرصه احب.. وصحبتك زي القمر تستاهل يعني

سما /

ساره راحت لهم و ف ايدها عصير

ساره بابتسامه/جبت لك عصير .اتفضل…. في اي مالكم انتو كويسين؟

اياد ابتسم وخد منها العصير

اياد/اه مفيش حاجه ..بس انتي نجمه الحفله النهارده مشاء الله زي القمر وفستانك حلو اوي

ساره ابتسمت/بجد؟

اياد /ايوا طبعا

سما خدت شنطتها من ع الطربيزه بغضب /انا هروح اسلم ع نها

ومشيت واياد كان عينه وعليها وهي بتمشي

ساره/فرحت اوي ان الفستان عجبك

اياد انتبه/اه ..حلو اوي

ساره/وانت كمان شكلك حلو اوي

اياد ابتسم بمجامله

في البيت عند جاسر

بص من الشباك لقي ديچا قاعده ف الجنينه ع الطربيزه

جاسر ابتسم وعمل فنجانين حاجه دافيه وخد شال ونزل ل ديچا

حط الكوبايتين ع الطربيزه وغطي ديچا بالشال

ديچا ابتسمت ومسحت دموعها/شكرا

جاسر قعد جمبها/انتي ..انتي بتعيطي؟ اي الحصل انتي كويسه؟

ديچا/اهدي ..انا كويسه . انا بس كلمت ماما من شويه و ك العاده عيزاني اروح لها ولما رفضت قالت عني انانيه ..هو انا فعلا ممكن اكون انانيه ي جاسر؟ بس انا مش هبقي مبسوطه لو رحت ..هي بس ال هتكسب ..جوزها وحياتها وشغلها وبنتها ..ونا هخسر شغلي وحياتي و بيتي وصحابي ال اكتر من اخواتي ..كدة مين فينا الاناني؟

ودمعت

جاسر مسك ايدها/لالالاء..متعيطيش عاشان خاطري ..انتي مش مضطره تضحي بكل دا علشانها وهي مضحتش ب ولا حاجه علشانك …انتي مش انانيه ابدا صدقيني …وبعدين انتي ممكن تاخدي اجازه من شغلك اسبوعين بس وتروحي لها وترجعي هنا تاني ..وبكده هتكونو شبعتو من بعض ولو حتي شويه

ديچا ابتسمت/ممكن صح؟

جاسر ابتسم/ايوا طبعا كل ما ف الموضوع اجازه اسبوعين وتذكره طيران .ولو عايزاني اجي معاكي انا ممكن اسيب ال ورايا وال قدامي واجي.

ديچا ابتسمت

جاسر ابتسم/أمسحي دموعك

ديچا مسحت دموعها/شكرا ي جاسر

جاسر /ع اي

ديچا/ع اي حاجه بتعملها علشاني حتي لو صغيره

جاسر ابتسم

في العيد ميلاد عند إياد وسما

ساره واقفه مع إياد وبيتكلمو

وسما واقفه بعيد عنهم

واياد بيبصلها وسما كمان

ساره/إياد انت مركز معايا ؟

إياد انتبه/قلتي حاجه ؟

ساره ابتسمت/قلت بتحبها صح؟

اياد/احم.. تقصدي مين

ساره /سما ..منزلتش عينك من عليها من وقت ما وصلنا وهي كمان برضو..مع ان هي بتنكر طول الوقت انها بتحبك وبتقنع نفسها ان انتو أصحاب..و ان مفيش اي حاجه بتحسها نحيتك

إياد/ايوا عاشان عنيده

ساره ابتسمت/بص سما دي أطيب واجمل واحده شلتنا عرفتها .وأطيب واحده ف صحابنا ..مفيش مره احتجانا لها فيها ومكنتش موجوده ..لو حد احتاج لها لحظات وبتبقي جمبه …حد احتاج حاجه ف ثانيه والحاجة دي تبقي موجوده..جدعه بمعني الكلمة …وعايزه مصلحتنا كلنا فعلا..طيبه ل درجه انها بتثق ف اي حد ولو حب حد ممكن تفديه بروحه..ونا لاحظت انها بتحبك لان دا باين جدا هتموت من الغيره من وقت ما سلمت عليا لحد اللحظه دي ..وريم برضو قالت لي ان سما بتحبك ..ف انا اكيد مش هبص ل واحد صحبتي بتحبه وبالاخص سما

إياد ابتسم/مش سهله انتي برضو ي ساره

ساره ضحكت/عيب عليك ..وهساعدك كمان

اياد/ازاي بقي

ساره/ يعني انا نبهت لها ان انا معجبه بيك عاشان تغيير عليك..وأعتقد الخطه نجحت ..ف هنخليها تغير اكتر ..يعني مثلا لو سمحت لي أرقص معاك دلوقتي

اياد/ يعني لو سما مش هتضربنا بالنار..انا معنديش مشكله

عند سما واقفه مع ريم واحمد وهتموت من الغيظ

سما/هما عمالين يضحكو لي كدة اي ال بيضحك مش فاهمه

ريم بخبث/وانتي مضايقه لي

سما رجعت شعرها لورا/انا اضايق ؟ لا طبعا

وبعدين شهقت

ريم واحمد اتخضو

احمد/في اي الله يخربيتك

سما/هما هيرقصو مع بعض

ريم واحمد بصو عليهم/اه تقريبا

سما بغضب/ماشي ي إياد..طبعا. مهو ما صدق

ريم بصت ل ساره واياد ال بيرقصو وساره غمزت لها وريم ابتسمت

ساره بغيظ/احمد ارقص معايا

احمد/ي سلام ؟ هو انا أطول..يلا نرقص ..مع اني عارف انك عايزه تستخدميني ك اداه تخلي اياد يغير .

سما بغضب/اي عندك مشكله؟ مش واجب الصحاب يقفو جمب بعض

احمد/لا معنديش مشكله .. يلا نرقص

ريم/لا طبعا ترقصو فين ..دا عمل مشكله معاها عاشان كانت راحه تقابلك تصالحنا ع بعض ..مبالك بقي لو رقصتو سوا دة ممكن يضربك ..انا مش مستغنيه ع خطيبي ..سوري

سما /والله؟

ريم/ايوا ..يلا ي بيبي نرقص انا وانت

احمد/يلا ي حبيبتي

وراحو يرقصو

سما/اه ي كلاب

وبصت ع اياد وسما وبعدين بصت بعيد

عند ساره وياد وهما بيرقصو

ساره/I think ان الخطه ماشيه كويس

اياد بص ع سما/مش هاين عليا اشوفها مضايقه اوي كدة ..وكمان بسببي

ساره/يعني اتحمل شويه لحد ما سما توصل للقوام المظبوط

وقربت منه وهمست ف ودنه ساره /ووقتها هتدعيلي .

عند سما لما شافت قربهم الزايد مقدرتش تتحمل ودمعت وخدت شنطتها وخرجت بره المكان

اياد لما شافها مشيت

اياد/انا اسف مضطر امشي

ساره ابتسمت/اوك

وطلع بره المكان وراح ورا سما بسرعه

اياد/سما ..سما اقفي

ومسكها من دراعها وقفها

سما بعصبيه/ في اي ي إياد ..سبني

اياد/اي مالك مضايقه لي

سما بغضب/لا ابدا ونا هتضايق لي ..روح انت كمل العيد ميلاد مع ساره مينفعش تسيبها لوحدها ف يوم زي دا ..وابعد عني

وسحبت دراعها من ايده ومشيت

اياد/سما بطلي جنان راحه فين ف طريق فاضي بليل كدة

سما بصت له بعصبيه/ملكش دعوه

اياد راح وراها ومسكها من دراعها وقفها

اياد/مش انتي ال طول الوقت بتقولي لي احنا مجرد صحاب..وقلت لي معنديش مشكله اظبلك ساره ومعنديش مشكله ترتبط.. وانتي زي الهبله مش شايفه قد اي انا بحبك

سما ابتسمت بفرحه

اياد ساب دراعها/ايوا ي متخلفه بحبك وانتي ولا هنا

سما/لا انت كداب ..لو بتحبني بجد مكنتش قربت من ساره بالطريقه دي ورقصت معاها

اياد /مهو كل دة انا وساره عملناه عاشان نشوفك هتغيري عليا ولا لا

سما ضربته ف صدره/ايوا وخطتكم نجحت وكنت هموت من الغيره و عصبتني وعيطتني علشان انا كمان بحبك ي متخلف

اياد ابتسم ومسح لها دموعها/ بتحبيني بجد؟

سما ابتسمت/ايوا

اياد باس ايدها/ ونا كمان بموت فيكي والله العظيم

وباس راسها وسما ابتسمت

بعد كام يوم في فيلا سالم وهدي

حمزه قاعد مع سالم بيتكلمو ف الصالون وعائشه بتساعد هدي ف تحضير الغذا

عند عائشه وهدي ف المضبخ

هدي /مبسوطه مع حمزه ي حبيبتي

عائشه هزت راسها بابتسامه/مبسوطه معاه لدرجه اني مش متخيله حياتي من غيره

عائشه ابتسمت وحضنتها/ربنا يسعدك يارب قلبي .. انا وبباكي مبسوطين طول ما انتي مبسوطه

عائشه ابتسمت

في الصالون عند سالم وحمزه

سالم/واخبار شغلك اي

حمزه/ ماشي كويس الحمد لله.. كنت ف اجازه ولسه راجع من يومين ..لان قبلها لو فكرت اروح الشغل عائشه هتنكد عليا حبه حلوين

سالم ضحك/ربنا يخليكم لبعض يارب

حمزه ابتسم/يارب

عائشه طلعت من المضبخ وقعدت جمب سالم

عائشه بابتسامه/وحشتني اوي ي بابا

سالم باسها من خدها/وانتي كمان وحشتيني اوي ي روح قلب ابوكي ..البيت وحش اوي من غيرك

عائشه ابتسمت

وهدي طلعت من المضبخ

هدي بابتسامه/يلا الغذا جاهز ..وانت ي حمزه عملت لك كل الاكل ال بتحبه ال طلبته مني

حمزه ابتسم/ياااه ربنا يخليكي ليا ي هدهد والله..اكلك دة مفيش زيه

هدي ابتسمت/الف هنا ي حبيبي

عائشه/ايوا يعني عملتي ل حمزه كل الاكل ال بيحبه ونا عادي كدا مليش لازمه

حمزه/ياااه ربي ع الحقد

سالم ضحك

هدي ابتسمت/ونا اقدر برضو ؟ دة انا عملتلك ال مكرونه بشاميل ال انتي بتحبيه

عائشه /اه اذا كان كدا ماشي

سالم/يلا يلا ع السفرا

وقامو ياكلو

عند سما

راحت الاستديو ل اياد

ودخلت وكانت مي ع مكتبها و إياد بيسجل اغنيه جوه مع مغني

سما/هاي مي

مي ابتسمت/ازيك ي سما هانم

سما/هانم اي احنا مفيش بينا الكلام دا ي مي ي حبيبتي..امال إياد فين

مي/بيسجل اغنيه جوه

سما/امم مع حد مشهور؟

مي/اه دا مغني الكاريكو اكرم العناني .. اكيد انتي عرفاه

سما بفرحه/wow بتهزري ..دا انا بحبه اوي .

مي ابتسمت بهيام/ومين مبيحبوش ..دا مز و زي القمر

سما /ايوا ..بس للأسف مينفعش اقول كدا لان انا واياد ف relationship (علاقه حب)

إياد وأكرم طلعو من الغرفه بعد ما سجلو الاغنيه

اكرم سلم ع إياد بابتسامه/اتشرفت اوي ب الشغل معاك

إياد ابتسم/انا اكتر

اكرم جاله مكالمه/عن اذنك ثانيه واحده

وراح يرد بعيد

سما راحت ل اياد

سما بابتسامة/هاي..عامل اي

اياد ابتسم/كنت مرهق طول اليوم ف الشغل اول ما شفت الابتسامه دي نسيت كل حاجه

سما ابتسمت

اياد ابتسم/انتي عامله اي

سما /كويسه ..بقولك صحيح هو دا اكرم العناني بجد

اياد/ايوا هوا

سما بفرحه/ انت متعرفش انا معجبه بيه ازاي

اياد بغيره/معجبه ب مين ي بت ما تتلمي

سما/ايوا معجبه بيه ..أغانيه حلوه اي المشكله

اياد/يبقي تقولي معجبه ب صوته ب حنجرته ..إنما مش بيه هو

سما ابتسمت /انت غيران عليا للدرجه دي

اياد/احم ..مفيش الكلام دا .ونا هغير منه لي أن شاء الله

سما ابتسمت/أيوا ايوا خدت بالي

اكرم خلص المكالمه وراح لهم

سما بابتسامه/هاي ..انا بحب اغاني حضرتك اوي بليز ممكن ناخد صوره ؟

اياد/دي سما خطيبتي

اكرم ابتسم وسلم عليها/اهلا وسهلا

سما سلمت عليه واياد شال ايدها من ايد اكرم بسرعه

اياد /م ما تيجو اصوركم بسرعه يلا ..علشان ي سما استاذ اكرم زمانه مشغول دلوقتي

اكرم/لا ابدا عندي وقت

اياد خد موبايل سما وصورهم صوره ف ثانيه الا ثانيه

اياد/بس خلاص خلصت

اكرم ابتسم/تمام انا مضطر امشي .. فرصه سعيده ي سما

سما ابتسمت/ انا اسعد

ومشي

اياد بتريقه/انا اسعد

سما /ايوا واضح واضح انك مش غيران

اياد قرب منها ومسك ايدها/ايوا مش غيران عاشان عارفه انك بتحبيني انا بس ..وعينك ما بتشوفش الا انا بس ..صح ولا اي

سما ابتسمت/واثق من نفسك اوي

اياد رجع خصله من شعرها ورا ودنها

إياد ابتسم/ايوا ..وبحبك

سما بابتسامه/ونا كمان بحبك

مي خبطت ع المكتب

مي/ي مغيبين انا لسه موجوده.راعو شعور السناجل شويه

اياد بصلها بغضب/خليكي ف حالك ي فصيله انتي

سما ضحكت

اياد/يلا تعالي هعزمك ع الغذا

سما ابتسمت/اوك يلا

مساءا عند جاسر

نزل من شقته وهو نازل شاف ديچا نازله من عربيه مازن بعد ما وصلها

جاسر بغضب/الزفت دا تاني

مازن سلم ع ديچا بابتسامه ومشي

وديچا دخلت الجنينه وجاسر راح لها بغضب

ديچا ابتسمت/جاسر ازيك

جاسر بغضب/ممكن تفهميني البني آدم دا عايز منك اي ..تاني مره يوصلك والعشم واخده اوي

ديچا/اي ال انت بتقوله دا ..قلت لك قبل كدة زميل ليا ف الشغل .. ثم اي الأسلوب ال بتتكلم معايا بيه دة مش فاهمه

جاسر بغييره/ لاء والله نظراته وحركاته بتقول غير كدة

ديچا بغضب/وانت مالك اصلا ..حتي لو في بينا حاجه دة ميخصكش ف حاجه..عن اذنك

وكانت هتمشي جاسر ومسكها من دراعها وقفها

جاسر/لاء ي ديچا يخصني ..يخصني لاني بحبك وخلاص مبقتش قادر اخبي اكتر من كدا

ديچا/اي؟

رواية وقعت في غرامها الفصل الرابع عشر

في الجنينه عند ديچا وجاسر

جاسر/انا بحبك وخلاص مبقتش قادر اخبي اكتر من كدا

ديچا/ا اي؟

جاسر/ايوا ي ديچا بحبك..انا كنت بخلق صدف علشان ابقي قريب منك طول الوقت .. عرفت عنوان بيتك و أجرت شقه فوقيكي علشان ابقي جمبك . عرفت عنوان شغلك علشان اجيلك عليه بحجه اني جيت صدفه ..كسرت الكريديت كارد علشان اجيلك الشغل تعملي لي واحده جديده ونشرب قهوه سوا.. بتعمد اروح ل حمزه وعائشه البيت وبدعي الاقيكي مع عائشه هناك.. بنزل كل يوم ف نفس معاد شغلك عاشان اقابلك ع السلم واقولك صباح الخير .مع اني انا مدير ف الشركه اقدر اروح ف المعاد ال يناسبني .. كنت بخلق ١٠٠ صدفه علشان اقرب منك وانتي كل مره بتبعدي ونا مبستسلمش و بحاول علشان انتي تستاهلي اني احاول علشانك ..انا بحبك ومش هقدر استحمل لو بعدتي عني

ديچا مكنتش مصدقه ان في حد عمل كل الحجات دي علشانها ..علشان يبقي قريب منها علشان بيحبها ..بس كانت مشاعرها متلغبطه مش عارفه هي مبسوطه ولا خايفه

قلبها مبوسط من اعتراف جاسر وعقلها رافض ياخد خطوه زي دي ولو قلبها اتكسر بسبب الحب مش هتقدر تقف ع رجلها تاني ..وللأسف عقلها ال قرر ف النهايه

ديچا /انا..انا اسفه ي جاسر..بس انا مش موافقه ..هبقي مبسوطه اكتر لو فضلنا صحاب

ومشيت من قدامه ودمعت وطلعت المفتاح من شنطتها ودخلت شقتها

وجاسر غمض عينه بغضب وخبط برجله ع الارض بعصبيه وركب عربيه ومشي

بعد شويه وقت عند ديچا

قاعده ع الكنبه بتعيط وسما و إياد وصلو البيت بعد ما ديچا طلبت منها تيجي

وسما راحت شقه ديچا واياد طلع ل جاسر

سما دخلت البيت بعد ما ديچا فتحت لها

سما حضنت ديچا وديچا عيطت

سما/متعيطيش ي روح قلبي عاشان خاطري ..متعيطيش

ديچا طلعت من حضنها/انا مكنتش عايزه اكسر قلب جاسر بالشكل دة .بس انا مكنتش هقدر ..انا مش مستعده و محتاجه حد يفهمني

سما/فهماكي والله ي حبيبتي. انا فهماكي ..تعالي بس نقعد واحكيلي ال حصل

وقعدو ع الكنبه

وديچا مسحت دموعها وحكت لها

سما/وانتي ؟ مبتحبهوش بجد؟

ديچا/بحبه ..المصيبه ان انا بحبه بس مش قادره اخد خطوه زي دي دلوقتي لاني خايفه وقلقانه علاقتنا متنجحش..ازاي بس محبوش دا من اول ما ظهر ف حياتي هو ديما واقف جمبي وكل ما احتاجه ف حاجه بلاقيه. وديما بيدعمني .هو فاكر اني مبخدش بالي وهو بيبصلي بحب بس انا ببقي واخده بالي من كل حركه بيعملها.وهو بيبصلي ..وهو مركز ف تفاصيلي .وهو بيدور ع اي حجه علشان يبقي جمبي ويفرحني ..جاسر دة عوض من ربنا ليا ع الوحش ال شفته

سما ابتسمت/طب ما قلتيش الكلام دة ل جاسر ليه .اكيد كان هيتفهم

ديچا بتمسح دموعها/علشان ميفضلش مستنيني وقت طويل ويفضل متعلق بيا..صدقيني كدة احسن

سما مسكت ايدها/تمام ..خشي غيري هدومك وخدي شاور وهدي أعصابك..ونا موجود جمبك..مش همشي .هبات معاكي النهارده.

ديچا مسحت دموعها/اوك

ودخلت وسما طلعت من الشقه وطلعت ل جاسر فوق وخبطت واياد فتح لها

سما/جاسر فين

إياد اتنهد/بيلم هدومه وماشي

سما / oh my God لاء مينفعش يمشي

ودخلت البيت وجاسر طلع من الاوضه و ف ايده شنطته

سما/ انت رايح فين ي جاسر

جاسر/راجع بيتي ي سما ..خلاص الحاجه ال كنت قاعد علشانها مبقتش موجوده. هقعد اعمل اي؟ أعذب قلبي؟

سما/جاسر اسمعني please ..دلوقتي انت مفكر أن ديچا مبتحبكش بس العكس تماما والله وانت فاهم غلط

جاسر/العكس تماما ازاي ؟ بعد ما اعترفت لها بحبي وبكل حاجه جوايا بحسها نحيتها قالت خلينا صحاب افضل ..يبقي فاهم غلط ازاي

سما/هي متوتره وقلقانه بس انا متأكده انها بتحبك … ما انت من اول ما عرفتها وانت عارف انها رافضه الارتباط تماما ..عاشان هي خايفه الحب يضعفا وقلبها يتكسر ..هي أساسا طلعت من صدمه موت بباها ل صدمه جواز مامتها ال سابتها لوحدها ومشيت ووقفت ع رجلها بصعوبه ..خايفه تحب تقع تاني

جاسر/بس انا مستحيل أأذيها

سما /وهي اكيد عارفه دة بس غصب عنها خايفه حاول تفهمها .. بص انا هعملك خطه هخليها ف ظرف كام يوم تيجي تقولك بحبك

اياد/ازاي بقي ي عم الجامد انت

سما/تعالو نقعد بس الاول ونا اقول لكم

وقعدو ع الكنب

سما/انت اهم حاجه بس تفضل هنا ومتمشيش

جاسر/لو في امل ديچا تبقي ليا انا مستحيل امشي

سما ابتسمت/حلو اوي..بص الخطه ك الاتي ..انت هتبين لها انك متأثرتش برفضها تماما ..ولا اكنك زعلت ..وقتها هتستغرب ..معقوله بيتعامل عادي ولا أكن حاجه حصلت ؟..بعدين هتبدأ تهيأ لها ان في بنت ف حياتك ..وقتها هتموت من الغيره … وياه بقي لو ظبطنا مع اي بنت مثلا موظفه عندك تطلع لك الشقه تعطيك ملف او حاجه..وقتها اضمن لك ان ديچا هتبقي ليك

إياد صفق ببطء

سما رجعت شعرها لورا بثقه/ميرسي

اياد بصلها وابتسم/مسمتكيش برنسيسه من فراغ انا

سما ابتسمت/شكرا ي حبيبي

وبصت ل جاسر/ها ي جاسر اتفقنا ؟

جاسر اتنهد/اتفقنا

في فيلا حمزه

حمزه وعائشه دخلو البيت بعد ما رجعو من الخروجه و عائشه بتكلم سما ف الموبايل

عائشه/يارتني اعرف اروح لها دلوقتي زمانها زعلانه اوي

سما/متخافيش انا بايته معاها وهي بقت احسن ..صحيح من بعد ال حصل وهي قاعده ساكته وسرحانه بس انا هظبط الدنيا متقلقيش

عائشه اتنهدت/ماشي ..ونا هجيلك لكم بكره

سما/ماشي ي قلبي تصبحي ع خير

وقفلو

حمزه بيخلع جاكيته/في حاجة ولا اي

عائشه ابتسمت/تقريبا كدا الاتنين السنجل الوحيدين ال ف الشله هيرتبطو

حمزه ابتسم/ااه جاسر وديچا..باين عليه انه بيحبها المفضوح دة

عائشه بابتسامه/ايوا فعلا

حمزه/يلا بقي عاشان نطلع ننام لاني هصحي بكره بدري اروح الشركه

عائشه/هو مش بكره الجمعه واجازه

حمزه/اولا صاحب الشغل مينفعش ياخد اجازه لان لازم يبقي عيني عليهم ديما ..ثانيا بقي في ورق كتير لازم يتوقع وصفقات ابص عليها اتعملت ونا مش موجود عاشان كنت واخد اجازه وقاعد مع حضرتك

عائشه بحزن/ايوا روح انت شغلك كل يوم وسبني قاعده لوحدي ف البيت

حمزه مسك وشها ب ايده وابتسم/والله لو روح قلبي هتزعل انا مستعد اقعد جمبك واسيب شغلي بقي يولع ..بس وقتها لما ابننا لما يجي ونخلف ان شاءالله. مش هعرف اعيشه ف مستوي حلو و ألبي طلباته وطلباتك

عائشه ابتسمت /اممم اذا كان كدا ماشي

حمزه باسها من خدها وطلعو فوق

في اليوم التالي

عند ديچا وجاسر

ديچا قاعده ف الصاله ع الكنبه وسرحانه

وفجأه سمعت صوت باب شقه جاسر بيتقفل وجاسر نازل ع السلم

ديچا راحت فتحت الباب

جاسر كان عامل نفسه مش شايفها

ديچا/جاسر

جاسر وقف/اه ديچا

ديچا/احم عامل اي

جاسر /انا زي الفل ..انتي عامله اي

ديچا/اتمني ال حصل امبارح ميخربش علاقتنا ونفضل صحاب زي ما كنا …وياريت متزعلش مني

جاسر ابتسم/اه اه طبعا من غير ما تقولي ال حصل امبارح نسيته تماما ..ومش زعلان منك ابدا

ديچا/بجد؟

جاسر موبايله رن وكان موظفه عنده حب يستغل الموقف ويعمل زي ما سما قالت

جاسر بص ع الموبايل وابتسم

جاسر رد/ألوو ..عامله اي..انا كويس الحمد لله …وانتي

ديچا بغييره ف سرها /بيكلم مين وهو مبسوط كدا

جاسر خلص كلام مع البنت وقفل

ديچا/احم ..مين ال كان بيكلمك

جاسر/لاء متاخديش ف بالك ..المهم كنتي بتقولي اي

ديچا/ك كنت بقولك رايح فين وانت متشيك كدا ..النهارده الجمعه يعني مفيش شغل

جاسر جاتله ماسدج ف بص ع الموبايل وابتسم

ديچا بغيره وغضب/يعني لو مشغول اوي كدة اتفضل شكلي معطلاك عن حاجة ..عن اذنك

ودخلت البيت ورزعت الباب بغضب

وجاسر ابتسم

ومشي ركب عربيته ورايح الشركه لان حمزه طلب منه يتقابلو

ديچا من الداخل

ديچا راحه جايه بغضب/اه تقريبا بقي ما صدق ..قلت له خلينا صحاب ..هيبدأ بقي عينه تزوغ ع بنات تانيه ..ماشي ي جاسر

سما طلعت من المضبخ بعد ما عملت قهوه

سما/في اي بتتخانقي مع دبان وشك ليه

ديچا بغيظ/البيه ال كان لسه امبارح بيقول انه بيحبني..دلوقتي لابس ومتشيك ورايح يقابل واحده اكيد.

سما ابتسمت بخبث/وانتي اي ال عرفك

ديچا/عماله .تبعت له ف مسدجات وهي يبتسم ويضحك ومبسوط وبيرد عليها وهو واقف جمبي ولا اكني موجوده

سما قعدت ع الكنبه/مهو بصراحه بقي ي ديچا الراجل ليه حق يحب بعد ما رفضتي حبكم..يعمل اي يعني يفضل سنجل

ديچا/والله؟

سما ابتسمت/ايوا يعني قالك بحبك وانتي موافقتيش ..حياته تقف يعني ؟شاب حلو زي جاسر ..وشغال شغلانه حلوه .وعربيه ومنصب وبتاع ..اكيد في بنات كتير عينها عليه

ديچا قعدت ع الكنبه وهي بتفكر ف كلام سما وهتموت من الغيظ والغيره

سما ابتسمت بخبث وشربت شويه من القهوه

عند عائشه طلعت من باب الفيلا وبتكلم حمزه ف الموبايل

وراحه بتجاه عربيتها

عائشه/انا رايحه الهايبر ال جمبنا اجيب شويه حجات ناقصه للتلاجه..وبعدين هعدي ع ديچا

حمزه/كنتي اطلبي من البودي جارد ال بره بدل ما تتعبي نفسك

عائشه ركبت العربيه/منا قلت اروح انا وبالمرة اشم شويه هوا

حمزه/ماشي ي حبيبي خلي بالك من نفسك

عائشه ابتسمت/اوك باي

وقفلت المكالمه وساقت بتجاه الهايبر وبعد شويه وصلت ونزلت من العربيه ودخلت الهايبر

وخدت عربيه للحجات ال هتشتريها وهي ماشيه بنت راحت لها

البنت/مش معقول، آش؟

عائشه ابتسمت/يارا انتي عامله اي

يارا بابتسامه/بجد وحشتيني اوي بقالي كتير مشفتكيش

عائشه سلمت عليها/الحمد لله يحبيتي انتي عامله اي

يارا /انا بخير انتي عامله اي .. اتخطبتي اتجوزتي حياتك ماشيه ازاي

عائشه ابتسمت/اه اتجوزت حمزه من كام شهر

يارا ابتسمت/بجد فرحت لك ..انا بقي ي ستي لسه متجوزتش بس بشتغل..انتي بتشغلي فين

عائشه/لاء انا بصراحه مشتغلتش

يارا/ازاي بس ي آش دا انتي متخرجه بتقدير امتياز وكنتي شاطره ف دراستك جدا.. وواخده كورسات .اكيد اكيد لو بعتي ال cv بتاعك ل احسن الشركات هيقبلوكي فورا

عائشه/انا بصراحه مفكرتش ف موضوع الشغل دة خالص

يارا بخبث/لا غلطانه بصراحه ..دة انا شغاله ف شركه محترمه جدا وكبيره وليها سمعتها ..وباخد مرتب كويس جدا ..و ع فكره محتاجين موظفه ل position مديره علاقات عامه ..متخيله المنصب؟ اي رايك تقدمي واكيد هتتقبلي

عائشه /انتي فاجأتيني بصراحه الموضوع مكنش ع باي

يارا/لاء فكري ي آش بجد ..منصب زي دا هيتعملك الف حساب ف الشركه وهي ليكي كيانك كمان وانتي شخصيتك قويه ومثقفه ومعاكي لغات

عائشه/شركه اي دي

يارا ابتسمت بخبث/شركه ***

عائشه/اي دة؟ دا كريم لي اسهم ف الشركه دي

يارا /طب و اي المشكله..اااه كريم دا ال ex بتاعك .ال كان خطيبك

عائشه/ايوا

يارا/لا من ناحيه الموضوع دا اطمني خالص .كريم بيه مبيجيش الشركه ولا لي اي علاقه بيها الشركه ليها مدراء تانين .هو بس مجرد لي اسهم ف الشركه

عائشه/

يارا ابتسمت/ فكري ف الموضوع ي عائشه ..وافقي بس وهتنبسطي بالشغلانه ..وبعدين اكيد انتي قاعده ف البيت زهقانه وجوزك ف الشغل طول اليوم ف اكيد يعيني يومك بيضيع ف ولا حاجه..يلا هسيبك تكملي shopping وهمشي انا

عائشه وهي سرحانه وبتفكر/اوك باي

يارا ابتسمت/ باي

يارا طلعت من الهايبر وكلمت كريم ف الموبايل

كريم/ها

يارا/زرعت ف دماغها فكره الشغل عندك ف الشركه و متأكده انها هتقبل

كريم ابتسم/حلو اوي ..ولو دا حصل ..هتترقي ف الشركه ومرتبك هيذيد زي ما طلبتي

يارا ابتسمت

في منتصف اليوم عند بيت ديچا و جاسر

سما واياد قاعدين ف الجنينه

اياد/تفتكري خطتنا هتنجح؟

سما ابتسمت بثقه/طبعا هتنجح دا ديچا جوه مبطلتش تفكير

اياد/لاء و جاسر مش قليل ..لبس واتشيك وحط برفان قد كدا ولا اكنه رايح يقابل ..و ف الاخر رايح الشركه عادي

سما ضحكت

إياد ابتسم/انا رأيي نفضل بايتين هنا كمان كام يوم

سما /ولي بقي

اياد ابتسمت ومسك ايدها/علشان ساكنه جمبي يعني يعتبر ف نفس البيت بصحي اشوفك وقبل ما انام اشوفك..يعني هعوز اي من الدنيا اكتر من كدة

سما ابتسمت /انتو رومانسي اوي بجد

وبعدين سحبت ايدها من ايده

سما بغضب/بس قولي بقي قلت الكلام دا ل كام واحده قبلي

اياد بيكلم نفسه/اهو الجنان بدأ

سما /سمعتك ع فكره

اياد/انا عملت اي طيب دلوقتي قولي ي حبيبتي

سما بغيظ/دخلت ع اكونت الانسجرام بتاعك لقيت ٣٠٠ بنت عاملين لك فولو ..ممكن افهم لي

اياد/اديكي قلتي ..هما عاملين لي فولو..انا عامل فولو باك ؟ الاجابه لاء ..عاشان انا من وقت ما حبيتك ونا مسكتهم واحده واحده كدا وحزفتهم من عندي

سما ابتسمت/بجد

اياد/ايوا بجد

سما /طب انا بحبك اوي

اياد/بتحبيني بجد ولا هرومانتك هتطفح عليا تاني؟

سما ضربته/لا بقولك بحبك بجد انت مفيش دم

اياد ابتسم ومسك ايدها وباسها/ونا بموت فيكي

جاسر دخل البيت وهو معاه بنت جامده جدا

سما قامت/oh my God

اياد قام/ oh my God فعلا

سما ضربته

اياد /احم ..اقصد مين دي ي جاسر

جاسر ابتسم/اعرفكم ب نانسي ..نانسي دول صحابي سما واياد

نانسي بابتسامه/عاملين اي

اياد/زي الفل والله وانتي

سما بصت ل اياد بغضب

اياد/ احم ..بتسلم علينا مسلمش يعني

سما شدت جاسر ف جنب

سما/مين دي ي جاسر

جاسر/مش انتي قلتي اجيب بنت علشان ديچا تغيير .دي موظفه عندي ف الشركه ومبنشتغل ع مشروع ولما قلت لها نشتغل من البيت عندي وافقت فورا لانها زي ما انتو شايفين معجبه بيا..وبعدين مالك مش انتي ال قايله لي كدا

سما بصت ل نانسي/للاسف انا ال قلت

جاسر/احم..يلا ي نانسي نطلع نشتغل

نانسي ابتسمت/يلا

وطلعو فوق

وديچا بصت من الشباك وشافت جاسر وهو طالع بيها البيت وديچا فتحت فمها بصدمه

وطلعت ل إياد وسما بسرعه

ديچا/هو ..احم ..هو جاسر معاه مين دي .قريبته؟

سما ابتسمت بخبث/لاء ..موظفه ف الشركه بس تقريبا كدة عينها منه ..لانها عرضت عليه يشتغلو من البيت بدل الشركه وماصدقت

اياد/بس بنت جااامده

سما ضربته /لم نفسك

إياد ضحك بوجع/اااه ي بنتي ارحميني

سما بغضب/ما انت ال عمال تدلع فيها قدامي متخلنيش اطلع اجيبها من شعرها

إياد بصوت واطي/يسطا دا لذوم الخطه ..أما أنا عيني متقدرش تشوف بنت غيرك

سما ابتسمت ورجعت شعرها لورا/احم ..آه اذا كان كدا ماشي

ديچا/انا طالعه لهم

سما /لي ها؟ ما تسيبي الراجل يحب ويتحب ..مش انتي رفضتيه

اياد/وبعدين مش انتو صحاب وبس ؟ مضايقه لي أن معاه واحده فوق

ديچا بتوتر/ا .ما انا فعلا مش فارق معايا ..يعرف بنت يعرف ١٠ براحته يعني..بس برضو هطلع لهم

وطلعت

سما واياد ضربو كف ل بعض

ديچا خبطت بغضب

وجاسر راح يفتح

جاسر/في اي بتخبطي جامد زي ما يكون سالف منك فلوس

ديچا حطت ايدها ف وسطها

ديچا/وانت مش عايزني اخبط لي؟ معاك حد

وبصت جوه البيت

جاسر ابتسم/اه ..في حاجه؟

ديچا/لاء مفيش حاجه .بس يعني جالي فضول اعرف هي مين .وبعدين احنا بيت محترم مينفعش تروح تجيب اي واحده كدة وتقعدو لوحدكم

جاسر ابتسم/فعلا؟..طب اتفضلي ادخلي

ديچا دخلت وجاسر ابتسم وقفل الباب

ونانسي كانت قاعده ف الصالون

نانسي لما شافت ديچا قامت

ديچا ف سرها/دي جامده اوي فعلا .ماشي ي جاسر حسابك معايا

ديچا /احم ..مش هتعرفني ي جاسر

جاسر/اه ..دي نانسي موظفتي وبنشتغل حاليا ..و دي ي نانسي ديچا..جارتي

ديچا/جارتك؟

جاسر /اه في حاجه ولا اي

ديچا بغيظ/لا ابدا

وسلمت ع نانسي/اهلا وسهلا

نانسي ابتسمت/اهلا بيكي

جاسر ابتسم ل نانسي/اعملك حاجه تشربيها ي نانسي؟

نانسي ابتسمت له بدلع/مش عايزه اتعبك ي جاسر والله

ديچا بصدمه/جاسر؟ مش هي موظفه عندك ولا انا فاهمه غلط ..بتندهك ب اسمك عادي؟

جاسر ابتسم/اه ..ما انا طلبت منها ميكنش في رسميات بينا

نانسي ابتسم/ايوا

ديچا بغضب وغيره/فعلا؟

جاسر/ايوا

نانسي/بس مكنتش اعرف انك قريب من جيرانك يعني ي جاسر للدرجه دي

ديچا بغيظ/لا ي حبيبتي احنا مش بس جيران احنا صحاب ..واهدي كدة وخفي مياعه ها؟

نانسي بصت ل جاسر و ابتسمت بدلع

ديچا بغضب/صبرني يااارب .

ومشيت بغضب ورزعت الباب وراها بقوه

وجاسر ابتسم

عند ديچا نازله من بيت جاسر بغضب

وسما واياد راحو لها

ديچا بغضب/ قمه قله الذوق ..دي بنت مشفتش ربع ساعه تربيه

سما ابتسمت بخبث/حصل حاجه؟

ديچا/لا ابدا ناقص بس اجيب لهم اتنين لمون

عائشه نزلت من عربيتها ودخلت الجنينه وراحت لهم

عائشه/هاي ي جماعه عاملين اي

إياد/ازيك ي عائشه

سما/هاي آش

ديچا كانت واقفه وباين عليها الغضب

عائشه/في اي

سما همست ل عائشه/الخطه ال قلت لك عليها مفعولها بدأ

عائشه ابتسمت

ديچا /انا داخله جوه

ودخلت

عائشه/مالك ي ديچا بس في اي

وراحت وراها

إياد/ادخلي انتي ونا هطلع ل جاسر احاول اخلعه من نانسي دي

سما رفعت صباعها بتحذير/ لو عرفت انك قربت من نانسي دي شبر واحد ..هيبقي ليا تصرف تاني

إياد باس صباعها/مقدرش

سما ابتسمت ودخلت البيت

واياد طلع ل جاسر

ف منزل ديچا

قاعده ع الكنبه وجمبها عائشه وسما

ديچا بغيظ/انا مشفتش بجاحه كدة ف حياتي ..مطلعها بيته وقاعدين فوق ع اساس بيتشغلو وهما الله اعلم بيهببو اي

عائشه ابتسمت/وانتي جاسر فارق معاكي ؟

ديچا /احم ..يفرق معايا لي..انا قلت له خلينا صحاب وهو عادي يعني مش فارق معايا

عائشه/بس ضيعتي جاسر من ايدك يعني كان مستعد يجبلك نجمه من السما

سما بخبث/دلوقتي بقي هيجيب ل نانسي نجمه من السما

ديچا بعصبيه/متحرضونيش هطلع اجيبها من شعرها والله العظيم

سما وعائشه ضحكو

عائشه/الوحيده ال كانت هاديه فينا اتحولت خلاص

سما/الحب بيعمل اكتر من كدة ي آش وحياتك

ديچا بصت لهم بغضب

سما وعائشه/احم ..سكتنا

رواية وقعت في غرامها الفصل الخامس عشر

مساءا

في فيلا حمزه عائشه بتحط الاكل ال عملته بنفسها ع السفرا

وحمزه دخل البيت بعد رجع من الشركه وخلع جاكيته

عائشه بابتسامه/حمد لله على السلامة

حمزه ابتسم /الله يسلمك ي عيوشه

وراح لها وباسها من خدها

عائشه حاوطت رقبته ب دراعها/وحشتني اوي

حمزه باصص ف عنيها /امال انا اقول اي ..طول منا ف الشغل ببقي عايز اخلص يومي ف اسرع وقت علشان ارجع البيت ول حضنك

عائشه ابتسمت وباسته

عائشه/بص انا عملت لك اكل النهارده بنفسي

وبعدت عنه

حمزه بص للاكل وبص لها باستغراب/دة انتي ال عملتيه؟

عائشه بابتسامه/اها

حمزه /ولوحدك؟

عائشه ابتسمت/ايوا ..دوق وقولي رأيك.

حمزه باس ايدها / والله لو سم هاكله من ايدك …بس اشمعنا قررتي تطبخي النهارده

عائشه ابتسمت/قررت اتعلم علشانك .. لانك بترجع من الشغل تعبان بس مع ذلك بتعمل لنا اكل .او تطلب من بره . ف انا قررت . هفضل اجرب كل يوم لحد ما الاكل يطلع مني حلو اوي .

حمزه ابتسم/بتعملي كدا علشاني ؟

عائشه ابتسمت/ايوا طبعا

حمزه قرب منها وحاوط وسطها ب ايده/والله بعد الكلمتين الحلوين دول بلاها اكل ونشوف مواضيع تانيه اهم

عائشه ابتسمت/زي اي مثلا

حمزه وهو باصص ف عنيها/زي اني لما ببص ف عينك بتوهه ف عالم تاني

عائشه ابتسمت

حمزه قرب اكتر وباس رقبتها/وممكن نكمل بقيت المواضيع فوق

عائشه ابتسمت وبعدت عنه/انا تعبت ف الاكل وعايزه رايك+ ان انا جعانه اوي

حمزه اتنهد/ماشي ..هروح اغير هدومي

عائشه ابتسمت/اوك

وحمزه طلع وعائشه اتنهدت بابتسامه وقررت تتكلم معاه ف موضوع الشغل

بعد شويه حمزه نزل من فوق بعد ما غير وقعدو ع السفره

حمزه بص ع الاكل/انا مش مصدق اني هاكل من ايدك بعد كل العذاب دا

عائشه/يعني بلاش افوره لو حابب

حمزه ضحك/يلا يلا ندوق

عائشه رفعت ايدها وبتدعي/يارب انا خايفه الاكل ميبقاش حلو ..انا تعبت فيه اوي .يارب يطلع حلو..ان شاءالله هيطلع حلو

حمزه ضحك وبدأ يدوق

عائشه/ها ؟ حلو ؟..حمزه …قول انه حلو عاشان خاطري.. حلو صح؟ وحش؟

حمزه قرب منها/اديني فرصه ارد

عائشه /منا خايفه يطلع وحش اعمل اي

حمزه ابتسم/لا والله الأكل حلو اوي

عائشه بفرحه/بجد

حمزه باس ايدها /تسلم ايد روحي قلبي ال تعبت وعملت الاكل الحلو دا

عائشه ابتسمت /فرحت اوي انه عجبك

حمزه كمل اكل/تحفه تسلم ايدك

عائشه ابتسمت/الف هنا

وحمزه بدأ يقطع لها اللحمه بالسكينه واكلها بالشوكه

عند ديچا وجاسر

جاسر قاعد ف الجنينه وسرحان

وديچا كانت بتقفل الستاير وفجأه شافته وهو قاعد

ديجا ابتسمت

ودخلت المضبخ عملت فنجانين حاجه دافيه وطلعت له

وجاسر حس بيها وطلع الموبايل بسرعه وعمل نفسه بيكلم نانسي

جاسر ضحك/بجد ؟ لالا متهزريش

ديچا واقفه وراه بغيظ وماسكه الفنجانين

جاسر/ايوا طبعا نتقابل بكره ..تعالي لي البيت

ديچا بغضب قربت منه وحطت الفنجانين ع الطربيزه بغضب

جاسر ابتسم

جاسر/تمام يلا نتكلم بعدين

وقفل

ديچا/جبت لك حاجه دافيه تشربها ..عاشان قاعد ف البرد وكدة

جاسر ابتسم/متشكر

ديچا قعدت/احم ..كنت بتكلم مين

جاسر ابتسم/وانتي مالك

ديچا/ونا مالي؟

جاسر /ايوا يعني بتسالي لي

ديچا رجعت شعرها لورا بتوتر/احم ..عادي يعني فضول

جاسر/ونا متأكد انه فضول ..ع العموم دي كانت نانسي

ديچا بغيره /اممم نانسي

جاسر ابتسم/في حاجة؟

ديچا وهي باصه للفنجان ال ف ايدها /لا ابدا

ديچا بصتله/بس شكلها معجبه بيك نانسي

جاسر/والله مش هقول لاء ..يعني واحده حلوه وشاطره وبتشغل عندي ..هقول لاء لي

ديچا من غير ما تبصله /ايوا عندك حق هتقول لاء لي..المهم عن اذنك انا هدخل انام

جاسر هز راسه/تصبحي ع خير

ديچا قامت ودخلت البيت

وجاسر اتنهد

عند حمزه و عائشه

حمزه قاعد ف الصالون بيتفرج ع التلفزيون وعائشه راحت قعدت جمبه

عائشه /حمزه ..عايزه اتكلم معاك ف موضوع

حمزه وهو باصص ف التلفزيون/موضوع اي

عائشه/موضوع مهم

حمزه ركز معاها وطفي التلفزيون

حمزه/اي في اي

عائشه /مش احنا اتفقنا منخبيش حاجه عن بعض؟ ونا وعدتك ب كدا؟

حمزه/مظبوط

عائشه/انت هتمانع لو اشتغلت ؟

حمزه ابتسم/انتي عايزه تشتغلي؟

عائشه/ايوا بصراحه…لان اولا انت بتبقي طول اليوم ف الشغل ونا ببقي لوحدي ف بزهق ..ثانيا انا خدت كورسات كتير اوي ايام الجامعه وجبت تقديرات كويسه ف مش حابه كل دا يروح ف الارض

حمزه/انا اكيد مش همانع انك تشتغلي لو انتي حابه دا ..صحيح انا مش عايز اي حد يجي عينه عليكي غيري او يبصل ل عيونك الحلوه دي غيري بس لو الشغل حاجه هتبسطتك انا معنديش مشكله تشتغلي

عائشه ابتسمت /بجد؟

حمزه/بس دة طبعا بعد ما اعمل تحريات عن الشركه ال عايزه تشتغلي فيها اشوف محترمه ولا لا . سمعتها حلوه ولا لا .هبقي مطمن عليكي وانتي هناك ولا لا

عائشه/مهو انا قابلت واحده صحبتي مشفتهاش من فتره ..وقالت لي أن الشركه ال شغاله فيها محتاجه مدير علاقات عامه .وان انا لو قدمت هيقبلوني فورا بسبب ال cv بتاعي

حمزه ابتسم /طب حلو اوي .اسمها اي الشركه دي

عائشه /احم ..اسمها *** و دي كريم ليه اسهم فيها

حمزه/اي؟

عائشه مسكت ايده/بس ي حمزه اسمعني هي قالت لي انه ملوش علاقه بالشركه مبيروحهاش خالص هو مجرد ليه اسهم بس

حمزه سحب ايده من ايدها/مستحيل تشتغلي هناك ..انسي

عائشه /ليي ي حمزه .

حمزه بغضب/هو اي ال لي؟ بتقولي لي كريم بيه ليه اسهم ف الشركه يعني مدير فيها يعني هيبقي معاكي ف نفس المكان ونفس الشركه وعيزاني أوافق؟

عائشه /بس انا بقولك صحبتي يارا بتشتغل هناك وأكدت لي انه مبيروحش الشركه

حمزه/عائشه انسي الشغل هناك قلت لك ..وبعدين ما تشتغلي ف شركه من شركاتي او شركه بباكي ..لي اصلا تشتغلي ف شركه غريبه

عائشه /لاء طبعا مجال شغلكم بعيد اوي عن ال انا درست فيه وبفهم فيه ..وبعدين الكل هيقول مشغلني واسطه ونا عايزه اشتغل بمجهودي

حمزه/خلاص شوفي اي شركه تانيه بس انسي الشركه دي بالذات

عائشه قامت بغضب/انت مينفعش ترفض كدة وخلاص لمجرد ان كريم كان خطيبي ..وحتي لو هقابله هناك

.اي المشكله انت مش واثق فيا؟

حمزه قام /بطلي كلام ملوش معني انا اكيد واثق فيكي ..بس مش واثق من الحيوان دا ال حاول يخرب علاقتنا اكتر من مره

عائشه بعصبيه/حمزه انا مليش دعوه بكل الكلام دا انا عايزه اشتغل .وف الشركه دي بالذات ..وبعدين انا اخترت اني اقولك ومكذبش عليك ..يعني كان ممكن مقولكش ان كريم ف الصوره بس انا أخترت اني اقول

حمزه بعصبيه/ لاء انتي اصلا لو كنتي فكرتي تكدبي وقتها مكنش هيحصل خير ابدا ..و وطي صوتك وانتي بتتكلمي معايا ومفيش شغل ف ام الشركه دي مش هكرر كلامي تاني ..متفتحيش معايا الموضوع دا تاني

عائشه بصت له ودمعت وطلعت غرفتها وحمزه اتنفس وحاول يهدي ومسح وشه ب ايده

عند سما واياد

إياد بيوصل سما ل بيتها

ووصلو ونزلوا من العربيه

سما ابتسمت/ thanks

إياد بص ع بيتهم/بقولك اي ما تيجي ندخل ل بباكي ونقوله اننا بنحب بعض واتعرف عليه بقي وكدا

سما /اي دا بطل جنان ي إياد

اياد/هو اي ال بطل جنان هو انا بقولك نتجوز عرفي

سما ضحكت

اياد قرب منها/مش عايز علاقتنا تبقي من غير اسم كدا ..عايز اقوله اني بحبك وبموت فيكي ونتجوز ع طول

سما ابتسمت/ماشي ي حبيبي انا معنديش اي مشكله بس مينفعش نقول ل بابي الموضوع بسرعه كدا لازم امهد له الموضوع واحده واحده

اياد اتنهد/ماشي ..نصبر شويه وماله

سما ابتسمت/انا بحبك اوي

إياد ابتسم وباس ايدها/ونا بموت فيكي

سما ابتسمت/يلا انا هدخل البيت ..باي

اياد/مع السلامه

ومشيت

واياد استناها لما دخلت البيت وركب عربيته ومشي

في فيلا حمزه

حمزه دخل غرفته هو وعائشه ودخل لقي عائشه نايمه ومتغطيه ومدياه ضهرها بس كانت لسه صاحيه

حمزه قرب منها ونام جنبها وحضنها من ضهرها

حمزه/عائشه

عائشه/

حمزه باس كتفها/انا اسف حقك عليا

عائشه /حمزه انا عايزه انام ومش عايزه اتكلم دلوقتي

حمزه/لاء مش هينفع تنامي وانتي زعلانه مني..

عائشه/

حمزه/ بصيلي طيب

عائشه /لاء

حمزه /عائشه بقولك بصيلي

عائشه بصتله /بتزعق لي كمان .يعني مزعلني وكمان بتزعق ما تضربني بالمره

حمزه باس راسها/مقدرش ..حقك عليا والله .. انا مكنش قصدي اتعصب عليكي وازعلك مني

عائشه /بس زعلتني

حمزه باسها/ونا ميهونش عليا والله العظيم .

عائشه/طب وموضوع الشغل؟

حمزه/مفيش شغل مع الحيوان دة

عائشه بغضب/ ا

حمزه بمقاطعه/ هنكمل كلامنا ف الموضوع دا بكره.. بس دلوقتي انا محتاج انام ف حضنك

عائشه بغضب/لاء ..و متتكلمش معايا علشان انا زعلانه منك

حمزه/طب خلاص انا روح اشوف لي اي واحده تانيه انام ف حضنها..البنات كتير انتي عارفه

عائشه بغضب/جرب كدا اعملها ونا اقتلك انت وهي

حمزه نام ف حضنها /ونا مستحيل افكر اعمل حاجه زي دي اصلا

عائشه ابتسمت /بجد؟

حمزه /مش بجد اوي يعني ممكن افكر

عائشه بغيظ/حمزه

حمزه ضحك وحضنها اكتر ونام

وعائشه حضنته وابتسمت ونامت هي كمان

في اليوم التالي

عند جاسر وديچا

طلعو من البيت ف نفس اللحظه وديچا ابتسمت لما شافته نازل من فوق

جاسر بيحاول يتماسك قدام ضحكتها وعنيها و جمالها ..و بيحاول يعمل الخطه ال اتفق عليها هو وسما و إياد

جاسر وقف قصادها

ديچا ابتسمت/صباح الخير

جاسر/صباح النور

ديچا/رايح الشركه؟

جاسر/لاء ..انتي رايحه البنك ؟

ديچا/احم اه ..انت بقي مش رايح الشركه لي

جاسر/هعدي ع نانسي الاول ونروح الشركه سوا .

ديچا بغيظ/لي هي اتكسحت ولا اي مبتعرفش تروح شغلها لوحدها

جاسر ابتسم/لاء بس كلمتني وقالت لي انها مش ف المود مش قادره تسوق ف انا هروح اخدها

ديچا/مش ف المود اه ..لا طبعا

طالما مش ف المود يبقي لازم تاخدها من بيتها

جاسر ابتسم

ديچا حطت ايدها ع راسها/ااه تصدق انا عندي صداع رهيب .مش قادره اسوق يعني ممكن لو سوقت اعمل حادثه ل قدر الله ..ممكن توصلني البنك الأول ف طريقك؟

جاسر ابتسم لانه عارف انها بتعمل كدا عاشان ميروحش ياخد نانسي من بيتها

ديچا/ها هتوصلني ؟

جاسر/ اه وماله اوصلك بس لان بيت نانسي ف طريق شغلك ف هنتضطر نقف ناخدها وبعدين اوصلك وبعدين احنا نروح الشركه

ديچا بصوت واطي /الله يخربيت نانسي وسنينها..ماشي ي جاسر

جاسر/قلتي حاجه؟

ديچا/ احم لا ابدا..بقول موافقه ناخد نانسي هانم ف طريقنا

جاسر ابتسم/اوك يلا

وركبو العربيه و لان جاسر كان مخترع قصه انه رايح ياخد نانسي من بيتها ومعملش حسابه ان ديچا تبقي معاه ..بعت ل رساله ل نانسي ف الخباثه انه يروح ياخدها وهي طبعا فرحت اوي

عند حمزه وعائشه

حمزه ف الصالون بيجهز الاب توب والملف علشان يروح الشركه

عند عائشه بعد ما صحيت من النوم وغيرت هدومها ..تليفونها رن وكانت يارا

عائشه /الو ي يارا ازيك

يارا ابتسمت/آش عامله اي

عائشه ابتسمت/الحمد لله ..انتي عامله اي

يارا/انا تمام .ها هتيجي الشركه النهارده وتجيبي ال cv بتاعك وتشتغل ع طول؟ قبل ما المنصب يروح ل حد تاني

عائشه/ مش عارفه.. لسه مأقنعتش حمزه . معتقدش اصلا انه يوافق بصراحه

يارا/لالا لازم تقنعيه ب اي شكل ي آش .هتضيعي فرصه زي دي من ايدك،

عائشه اتنهدت/تمام هشوف الموضوع دا واكلمك

يارا ابتسمت /اوك باي

وقفلت

عند يارا كريم قاعد ع الكرسي بابتسامه

كريم/وافقت ؟

يارا/بتقول لسه هتقنع جوزها ..اعتقد هتقدر تقنعه

كريم ابتسم بخبث

عند عائشه نزلت من غرفتها وراحت ل حمزه

حمزه ابتسم/صباح الفل ..اي مصحيكي بدري

عائشه اتنهدت/مش عارفه يمكن علشان نمت بدري ..انت رايح الشركه؟

حمزه بص ف الساعه/اه حتي اني اتاخرت اوي

عائشه/طب فطرت ولا اعملك فطار

حمزه مسك جاكيته وموبايله/لا ي حبيبتي متأخر اوي هبقي اكل اي حاجه هناك

عائشه/استني ..احنا لسه متكلمناش ف موضوع الشغل

حمزه اتنهد/مش احنا قفلنا الموضوع دا امبارح ي عائشه؟

عائشه/لا مقفلنهوش ..انت قلت لك هنكمل كلامنا بكره

حمزه حط الجاكيت وموبايله ع الكنبه /ماشي ونا هقولك كلامي الاخير ..شغل مع الزفت دا لاء .عايزه تشتغلي ف اي شركه تانيه ماشي عايزه تشتغلي ف شركتي او شركه بباكي برضو ماشي ..أما دي بالذات لاء

عائشه بغضب/ بس انت مينفعش ترفض كدا وخلاص ي حمزه .

حمزه بيحاول يهدي/لا انا مبرفضش وخلاص .وقلت لك قبل كدا ميت مره متعليش صوتك قدامي .

عائشه بعصبيه/لا بترفض وخلاص ..لما اكون انا نفسي اشتغل ونفسي أحقق ذاتي بدل منا قاعده ف البيت طول النهارده كدا وخلاص وانت ترفض علشان بس انت غيران من كريم يبقي دي انانيه كبيره منك

حمزه/

عائشه تداركت هي قالت اي وقت عصبيتها

حمزه خد جاكيته وموبايله وكان هيمشي

عائشه مسكت ايده/ح حمزه انا . مكنش قصدي اقول كدا ..انا

حمزه سحب ايده من ايدها وطلع بره البيت بغضب ورزع الباب وراه

عائشه/ي حمزه

عائشه اضايقت اوي من نفسها علشان زعلته و خبطت راسها ب ايدها/عائشه الغبيه ..عائشه الغبيه

ويارا رنت عليها

يارا/ها عملتي ا

عائشه بمقاطعه/يارا انا مش عايزه اشتغل وياريت متفتحيش موضوع الشغل دا معايا تاني بعد اذنك

وقفلت

عند يارا وكريم ف المكتب ف الشركه

كريم/يعني اي يعني رفضت؟

يارا/معرفش قالت متفتحيش الموضوع معايا تاني انا مش عايزه اشتغل

كريم بغضب/طب اطلعي انتي

يارا طلعت من المكتب وكريم خبط ع الطربيزه بغضب

كريم/ماشي ي عائشه ..هبعدكم عن بعض بكل الطرق وهتبقى بتاعتي

والمدير ال له النصيب الأكبر ف الشركه دخل المكتب

المدير/كريم بيه اي الاخبار

كريم قام /احم الحمد لله ي حازم بيه انا زي الفل

حازم قعد/كنت عايز اتكلم معاك ف موضوع

كريم قعد قصاده

كريم/خير موضوع اي

حازم/الشركه ال ف الامارات. المدير بتاعها عنده شغل هنا ف مصر وهينزل .وانت ال هتمسك الشركه هناك

كريم /اي ؟ هتنقلني الامارات؟

حازم/اه عندك مشكله؟

كريم/مش فاهم اي سر القرار المفاجئ دا..في حاجة معينه حصلت؟

عند حازم فلاش باك امبارح

موبايله رن

حازم بابتسامه/اهلا اهلا حمزه بيه .اي الاخبار

حمزه ابتسم/اهلا بحضرتك ..كنت طالب خدمه بس اتمني مكنش اتصلت ف وقت متاخر

حازم/لا ابدا اتفضل. دا انت جمايلك علينا كتير .ياريت نعرف نرد اي حاجه

حمزه بدأ يتكلم معاه ع ان وجود شريكه كريم ف مصر مسببله مشاكل وياريت لو يفضل برا مصر أطول فتره ممكنه

باااك

حازم/لا ابدا مفيش سبب معين.زي ما قلت الظروف حكمت لما مدير فرع الامارات قرر ينزل مصر

كريم اتنهد بغضب

عند ديچا وجاسر

جاسر سايق وديچا قاعده جمبه وبتجاههم ل بيت نانسي

ديچا طول الطريق كانت مربعه ايدها بغضب ومبتتكلمش

جاسر /هتفضلي قالبه وشك قدامي كدا كتير ؟ ما تضربيني بالنار احسن

ديچا/لا انا هقلب وشي لي ..انا بس زي ما قلت لك مصدعه شويه

جاسر ابتسم/لا الف سلامه عليكي

ديچا/وانت كمان مشاء الله عارف بيت نانسي هانم كمان .شكلك بتروح لها كتير

جاسر ابتسم/وانتي بتسالي لي ..ليكون فضول ؟

ديچا/ايوا فضول

جاسر هز راسه بمعني مفيش فايده ووقف قدام بيت نانسي

ونانسي طلعت من البيت وراحت لهم بابتسامه

جاسر/ لو ينفع يعني تقعدي ورا علشان نانسي تقعد جمبي قدام

ديچا فتحت بوقها بصدمه/الكلام دا ليا؟

جاسر /اه

ديچا بغضب/لاء بقي مش هتحرك من مكاني ..هي عايزه تقعد ورا اهلا وسهلا مش عايزه تقعد ان شاءالله ما قعدت في ٣٠٠ تاكسي ف الشارع اهم يوصلوها

جاسر/خلاص اهدي ..اصلا اخاف اقعدها قدام تقتليها ولا حاجه

ونزل من العربيه

ديچا بغضب/اللهم طولك ي روح

وفتح الباب ال ورا ل نانسي ونانسي ركبت

وجاسر ركب

نانسي/اه ديچا انتي هنا..عامله اي

ديچا بابتسامه صفرا/بخير ي حبيبتي وانتي

نانسي /انا تمام .

نانسي بابتسامه حطت ايدها ع كتف جاسر/ميرسي اوي ي جاسر انك هتوصلني هتعبك معايا

جاسر ابتسم وبصلها ف المرايا/لا تعب ولا حاجه كدا كدا احنا بنشتغل ف نفس المكان

ديچا بتحاول الهدوء وقالت بغيظ/احم مش هنطلع ولا اي .انا ورايا شغل ومتاخره

جاسر ابتسم وشغل العربيه ومشيو

عند سما

بترن ع إياد كتير اوي مبتردش

سما /مش فاهمه يعني في اي مهم بيعملو لدرجه ارن كل دا وميردش ..بيقلقني ليه

ورنت عليه تاني مبيردش

ورنت ع رنا سكرتيرته مردتش برضو

وبعد رنات كتير اوي إياد رد

اياد/في اي ي سما المكالمات دي كلها خضتيني ..انتي كويسه؟

سما /ممكن افهم انت مبتردش عليا كل دا لي ؟

اياد/علشان ف الشغل وفي زفت مشكله

سما/والله؟ وانت لما بتكون ف الشغل بترد عليا برضو ع فكره

اياد بعصبيه/في اي ي سما ..ونا هكذب عليكي لي انا فعلا ف الشغل. اي كل ال شك دة

سما/انت بتتعصب عليا ي اياد؟يعني انا غلطانه اني بطمن عليك ؟رنيت عليك كتير اوي ولما مردتش قلقت ل يكون حصلك حاجه وخفت عليك

إياد اتنهد/انا اسف ي روح قلبي انا بس بسبب المشكله ال ف الشغل طلعت كل العصبيه فيكي.

سما قفلت المكالمه واياد اتنهد

رواية وقعت في غرامها الفصل السادس عشر

مساءا عند عائشه

ف المضبخ رنت ع حمزه كتير اوي من اول اليوم بس هو مكنش بيرد

عائشه اتنهدت

وشالت اطباق الاكل وحطتها ع السفرا

وقاعده ع الكنبه مستنيه حمزه

حمزه فتح الباب بالمفتاح وعائشه ابتسمت وقامت

عائشه /حمد لله ع السلامة…اتاخرت لي كل دا انت بترجع من الشغل بدري عن كدا

حمزه خلع الجاكيت وحط المفاتيح ع الطربيزه من غير ولا كلمه وكان هيطلع الاوضه

عائشه مسكت ايده/حمزه استني ..لو سمحت اسمعني انا ا

حمزه بمقاطعه سحب ايده من ايدها/انا مش عايز اتكلم ف اي مواضيع

عائشه/طب . مش هتاكل؟ انا عملت الأكل وقاعده مستنياك ناكل سوا

حمزه/لا مش هاكل .كلي انتي

عائشه/بس ي حمزه ا

حمزه بصلها بغضب وعائشه سكتت

وحمزه طلع الغرفه

وعائشه زعلانه اوي من نفسها علشان زعلته ..مبتحبش تشوفه زعلان منها ..واتنهدت وخدت الأكل دخلته المضبخ تاني

وبعد شويه حمزه قاعد ف الصالون بيبعت ايميل مهم ع اللابتوب

وعائشه طلعت من المضبخ بابتسامه وهي ماسكه طبق حلويات وقعدت جمب حمزه

عائشه/بص عملت لك اي ..الحلويات المفضله عندك..شفت وصفتها ع النت وقلت لازم اعملهالك ..عاشان لاحظت ان كل ما بناكل بره بتطلب الحلويات دي ..خد دوق وقولي رأيك

حمزه وهو مركز مع الاب توب/مش عايز

عائشه حطت الطبق ع الطربيزه وقربت منه

عائشه/حمزه متعملش كدا عاشان خاطري ..انا اسفه والله العظيم ..مكنش قصدي اقول الكلام ال قلته دا ..انا بس كان نفسي اشتغل ووقت عصبيه قلت كلام ملوش معني ..وخلاص انا مش عايزه اشتغل غيرت رأيي..كلمت يارا وقلت لها مش عايزه اشتغل ..متزعلش مني لو سمحت

حمزه/

عائشه/وبعدين زي ما انت بتقولي (ميهنش عليا زعلك ي عائشه)

انا كمان مبيهونش عليا زعلك

حمزه بصلها/بس هان

عائشه /والله العظيم ي حمزه انا اسفه. مكنش قصدي اضايقك وازعلك مني والله .

حمزه/ونا قلت لك مش عايز اتكلم ف الموضوع دا

عائشه/طب انا عايزه اخرج اتمشي

حمزه/مفيش خروج من البيت

عائشه قامت /لاء فيه .وانت هتيجي معايا ..يلا انا لابسه اهو

حمزه بص للبس البيت ال هي لبساه

حمزه بغضب/ا

عائشه بمقاطعه/من قبل ما تتعصب ..انا هلبس البالطو وهو طويل و الشال و مش هعرف اتنفس اصلا لان بره برد

حمزه قفل الاب توب/اطلعي غيري ي عائشه

عائشه ابتسمت/طيب اوك مش هتاخر

وطلعت الاوضه بسرعه

حمزه ابتسم واتنهد

عند بيت زوزو ام جاسر

ف المضبخ ديچا واقفه مع زوزو ال بتعمل قهوه

زوزو /قولي لي بقي لي قبل ما تيجي قولي لو جاسر موجود انا مش هاجي

ديچا بغضب/متجبليش سيرته علشان انا مش طيقاه

زوزو ابتسمت/لي عملك اي الواد دا

ديچا بغيظ/في واحده اسمها نانسي مورهوش غير سيرتها ..نانسي عايزه نانسي راحه نانسي جايه ..مش فاهمه ع اي كل دا

زوزو ابتسمت/اممم وانتي بقي غيرانه

ديچا بتوتر/احم ..ا اي ي زوزو ونا هغير لي .

زوزو/ايوا ايوا طبعا هتغيري لي

ديچا/تخيلي كان عايزه يركبني ورا ف العربيه علشان هي تركب جمبه قدام !!

زوزو ضحكت

ف الصالون محمد قاعد وفجأه الجرز رن والخادمه فتحت ل جاسر

جاسر دخل/اي ي محمد بيه مساء ال فل

محمد /اي قلبك ال جابك هنا ولا اي

جاسر/ تقصد اي ..انا قلت اعدي عليكم بعد الشغل

محمد ابتسم/اصل ديچا واقفه مع مامتك جو ف المضبخ

جاسر ابتسم/فعلا؟

محمد/ايوا ي واقع

جاسر دخل لهم المضبخ وديچا اول ما شافته همست ل زوزو

ديچا/مش انتي قلتي لي انه مش هيجي

زوزو/انا معرفش انه جاي والله ي بنتي

ديچا/احم

جاسر/عاملين اي

زوزو ابتسمت/الحمد لله ي حبيبي اخبارك اي

جاسر بص ل ديچا/انا كويس

زوزو ابتسمت/هروح اطلع القهوه ل بباك

وطلعت من المضبخ

جاسر/مقلتليش يعني أنك جايه ل ماما

ديچا/جت صدفه بعد ما خلصت شغل حسيت اني محتاجه اتكلم معاها ..وبعدين مرضتش اقولك ل تكون مع نانسي ولا حاجه

جاسر ابتسم/حاسك محبتيش نانسي ..لي دي حتي طيبه اوي

ديچا بغيره/فعلا ؟اه مش مهم انا احبها كفايه انك حبيبها

وكانت هتمشي جاسر مسك ايدها وقرب منها

جاسر/متضايقه اوي كدا وغيرانه ومتعصبه لي ..مش انا قلت لك اني بحبك ومبقدرش اعيش من غيرك ومبقدرش اتخيل حياتي من غيرك وانتي رفضتي

ديچا/تقوم من تاني يوم تشوفلك اي واحده تاني ..بالسهوله دي

جاسر/هعمل اي ..لازم حد يداوي الجرح ال انتي سببتهولي

ديچا/خلاص خلي نانسي تعمل كدا بقي ..شكلها شاطره ف الحجات دي

وفلتت ايدها من ايده

وطلعت بره ال مضبخ

محمد/تعالي اشربي قهوتك ي حبيبتي

ديچا ابتسمت/لا ي اونكل اتاخرت ومضطره امشي

جاسر طلع من المضبخ

زوزو/لي ي حبيبتي ما تفضلي شويه كمان

ديچا/هجيلك تاني اكيد ي زوزو

جاسر/تعالي انا هوصلك

ديچا/لا شكرا هاخد تاكسي

جاسر/يلا ي ديچا قلت هوصلك ..عن اذنكم

زوزو ومحمد ابتسمو/مع السلامه

وديچا وجاسر طلعو من البيت وركبو العربيه

وبعد شويه وصلو البيت وديچا متكلمتش ولا كلمه طول الطريق

ديچا نزلت من العربيه وجاسر نزل ونانسي رنت عليه لأنه كان طالب منها تتاكد معاد صفقه مهمه

ديچا/احم..مين بيتصل

جاسر/دي نانسي

ديچا بغيظ بصوت واطي/اه وبترن بيه كمان ف وقت زي دا

جاسر قرر يستغل الفرصه

جاسر فلاش باك

سما/حاول كمان تبص ل اي بنت نفس النظره ال انت بتبصها ل ديچا

جاسر/مقدرش ابص ل اي واحده زي ما ببص ل ديچا

سما/حاول بس ..حاول

باك

جاسر/الو ي نانسي

وهو بيكلمها حاول يبتسم ويببص لها نفس نظره الحب ال بيبصها ل ديچا

ديچا لاحظت دا وخلاص مبقتش قادره تستحمل وكانت هتدخل البيت بغضب وجاسر قفل الخط ومسك ايد ديچا بسرعه

ديچا/ممكن تسيب ايدي؟

جاسر/لي؟

ديچا بعصبيه و دموع/ع اساس بتحبني ؟ع اساس مبتقدرش تعيش من غيري ؟ها؟ ال شيفاه غير كدا..بعد ما قلت لي بحبك كنت هموت واقولك ونا كمان بحبك لاني بحبك بجد ..بس مخاوفي من ان حبنا يفشل او انك تسبني زي ما بابا وماما عملو .هي ال اتغلبت عليا..وانت من تاني يوم رحت قابلت ورحت ضحكت وانبسطت واعجبت ب نانسي..وناقص تحب حد غيري ..ولا اكنك لقيت بديل غيري ..لاء وكمان بتبص لها نفس النظره ال كنت بتبصهالي ديما وال انا كنت بحبها

جاسر ابتسم/يعني انتي بتحبيني زي ما انا بحبك

ديچا ضربته بغيظ/ايوا بحبك

جاسر بابتسامه/ونا كمان بموت فيكي

ديچا سابت ايده وبعدت عنه/ايوا واضح ..ب اماره نانسي

جاسر/..نانسي وكل الكلام دا كان خطه علشان اخليكي تعترفي اتك بتحبيني

ديچا بعدم فهم/ازاي يعني

جاسر حكي لها كل حاجه من البدايه

ديچا بعدم تصديق /ينهاركم ابيض ..انتو عملتو كل دا ونا ولا هنا

جاسر/حتي نانسي انا قايل لها اني بحب واحده علشان متتعلقش بيا .

ديچا/والله العظيم سما دي حسابها معايا انا

جاسر ابتسم ومسك ايدها وقرب منها/لي دي هي السبب ف اننا نكون ل بعض..من بعد ما رفضتيني ونا الدنيا اسودت ف وشي وكنت هلم هدومي وارجع بيتي تاني .

ديچا/انا اسفه ..مكنش قصدي اضايقك او اجرحك انا بس كنت خايفه ..غصب عني خفت

جاسر ابتسم/عارف وحاسس ب كل قلقك وخوفك..واوعدك اننا هنتغلب ع خوفك دا سوا وهوريكي قد اي انا بحبك وان عمري ما هسيبك مهما حصل

ديچا ابتسمت/ونا موافقه

جاسر باس ايدها

عند إياد وصل عند بيت سما

ونزل من العربيه

اياد/طبعا مش هينفع ادخل من الباب زي البني ادمين علشان بباها هيحبسني .محدش بيقتحم بيت حد نص الليل …ف هضطر ادخل زي الحراميه

وقرب من البيت واوضه سما كانت من عند الجنينه من ورا

ولأن في حراس عند البوابه

إياد لف ونط من ع السور و راح عند اوضه سما

وخبطت ع الباب الازاز

سما كانت قاعده ع السرير بتقرا كتاب وفجأه لما سمعت خبط اتخضت

سما/في اي

وبصت ع الازاز لقت إياد

سما بصدمه/إياد

إياد شاور لها تفتح

سما راحت تفتح الباب

سما/انت بتعمل اي هنا

إياد /منا برن عليكي من اول اليوم مبترديش عليا

سما بصت يمين وشمال

سما/الامن لو شافوك هتبقي مصيبه ..ادخل

ودخلته وقفلت الباب

سما/انت عايز اي

إياد مسك ايدها /عايزك تسامحيني ..مش هينفع تنامي وانتي زعلانه مني

سما سحبت ايدها من ايده/لاء

اياد قرب منها/انا اسف حقك عليا والله ي برنسيسه. كان في مشكله ف الشغل زي ما قلت وخناقه مع شغل مغني و الموضوع كبر ..ف لما اتصلتي كل عصبيتي طلعت فيكي ..حقك عليا

سما/

اياد رجع خصله من شعرها ورا ودنها/برنسيسه..والله ما هعرف انام وانت زعلان مني كدا

سما ابتسمت/خلاص مسمحاك ..جيت لحد هنا علشان خاطري ف سامحتك خلاص

إياد ابتسم وباس ايدها

سما/يلا بقي امشي بسرعه بدل ما بابي يلاحظ وجودك

اياد/لي ما خلينا قاعدين شويه ..وانتي حلوه و زي القمر ب البجامه

سما ضحكت/بطل جنان ي إياد يلا امشي

اياد/طب هاتي بوسه

سما/اه دا ف احلامك ان شاءالله

اياد/ماشي ..كدا كدا ببوسك ف أحلامي كل يوم

سما ضحكت وضربته/طيب بطل قله ادب وامشي

إياد قرب منها وباس راسها وسما ابتسمت

اياد/تصبحي ع خير

سما ابتسمت/وانت من اهله

واياد مشي

وسما قفلت باب البلكونه ورا واتنهدت بابتسامه

عند حمزه و عائشه بعد منتصف الليل

بيتمشو ومفيش اي حد ف الشوارع لان الوقت اتاخر

عائشه/تعالي نقعد

وقعدو

عائشه فركت ايدها من البرد

حمزه/بردتي طبعا ..مهو جنان ان ننزل نتمشي الساعه ٢ بليل ف البرد دا

عائشه ابتسمت/اه بردت شويه. بس انا بحب اتمشي ف الوقت دا. برتاح وبعدين الجو مبقاش يبرد زي الاول الشتا بيخلص اهو

حمزه مسك ايدها يدفيها وعائشه ابتسمت ونامت ف حضنه وحطت وشها ف رقبته

وحمزه ابتسم وخدها ف حضنه

عائشه/لسه زعلان مني؟

حمزه/انا زعلت منك اوي ي عائشه ..ترجمتي حبي ليكي وخوفكي عليكي ..انانيه وغيره من خطيبك القديم… ال حاول يخرب علاقتنا اكتر من مره .

عائشه طلعت من حضنه ودمعت

عائشه/انا اسفه

حمزه مسح لها دموعها وباس راسها/خلاص متعيطيش..انا مش زعلان

عائشه بدموع/والله ي حمزه مكنتش اقصد.متزعلش مني ..مبقدرش اتحمل لو زعلت مني

حمزه باس ايدها/خلاص ي روح قلبي انا مش زعلان.

عائشه /بجد مش زعلان؟ احلف

حمزه ابتسم وخدها ف حضنه/اه والله مش زعلان ..حصل خير

عائشه ابتسمت وحضنته بقوه وحمزه باس راسها

عائشه/ربنا يخليك ليا يارب

حمزه ابتسم وباس راسها

حمزه/تعالي امشيكي شويه واجبلك ايس كريم وبعدين نروح البيت ادوق الحلويات الحلوه ال انتي عملاها دي..كان عيني منها الصراحه

عائشه ضحكت وطلعت من حضنه وباست خده/يلا بينا

حمزه ابتسم وقامو ومشيو

في اليوم التالي

في فيلا حمزه

في الغرفه عائشه نايمه وحمزه نايم ف حضنها

عائشه بتلعب ف شعره بابتسامه وباست راسه

وموبايلها رن

وكان مكالمه جماعيه بين ديچا وسما

عائشه ردت بصوت واطي علشان حمزه ميصحاش

عائشه /الو

سما بنعاس/متصلين بيا لي بدري كدا حرام عليكم

ديچا بابتسامه وفرحه/انا بصراحه مش قادره اتحمل و اخبي عليكم اكتر من كدا

عائشه /خير يارب

ديچا بابتسامه/انا وجاسر بقينا سوا ..اعترفت له اني بحبه امبارح بليل وبقينا سوااااا

عائشه ابتسمت/واخيرا

سما نطت من ع السرير بفرحه/اخيرررا

ديچا ابتسمت/ايوا انا كنت طايره من الفرحه ..ودا طبعا بفضلك بعد ربنا ي سما .جاسر حكالي ع كل حاجه.

عائشه/سما مش سهله برضو.. ع رأي إياد برنسيسه

سما ابتسمت/ي جماعه متحرجونيش بقي الله

عائشه بابتسامه/ع العموم فرحتينا اوي ي ديچا بس هنجيلك بقي النهارده تحكيلنا كل حاجه بالتفصيل

ديچا ابتسمت/ماشي هستناكو

وقفلو

عند عائشه

كانت هتسيب حمزه وتقوم بس حمزه حاضنها جامد

حمزه وهو مغمض/تؤ مش هتروحي ف مكان

عائشه ابتسمت وباست خده/هعملك فطار علشان تروح الشغل

حمزه دفن وشه ف رقبتها/خليني نايم شويه

حمزه موبايله رن وعائشه بصت جمبها ع الموبايل لقت الاسم سهيله(موظفه عند حمزه)

عائشه بغيظ/سهيله هانم ..بتتصل بيك ف وقت زي دا لي؟

حمزه وهو نايم/هتلاقي حاجه بخصوص الشغل.كنسلي

عائشه كنسلت

وسهيله رنت تاني

عائشه ردت

سهيله بدلع/ألوو

عائشه بغضب/مالك ؟

سهيله/اي دا ..امال فين حمزه بيه..وانتي مين

عائشه بغيظ/انا مراته ي روح قلبي..متصله علشان حاجه؟

سهيله/الله؟! هو متجوز؟

عائشه/وانتي عاميه مش واخده بالك من الدبله ال ف ايده

سهيله بدلع/لا لا مخدتش بالي خالص .بصراحه انصدمت

عائشه بغضب/الله ما طولك ي روح .

سهيله/خلاص كدا كدا هشوفه ف الشركه النهارده ..لأنها حجات خاصه الصراحه مينفعش اقولها ل اي حد .يلا باي

وقفلت

عائشه بصدمه/دا بجد؟

حمزه ف سره/شكلي هيتنكد عليا

وعمل نفسه نايم

عائشه بغضب/حمزه رد عليا ..لا متعملش نفسك نايم..قوم كلمني

حمزه صحي وطلع من حضنها و بصلها/في اي ي حبيبي

عائشه بغضب/هو اي ال في ي حمزه؟أنت مش سامع بتدلع ازاي.انا اصلا كنت شاكه فيها من الاول انها عينها عليك ..والله لو وقعت تحت ايدي ل هوريها

حمزه/مفيش حاجه من ال ف دماغك دي .هي طريقه كلامها كدا مع اي حد

عائشه/و اي الحاجه الخاصه ال هتقولهالك دي؟

حمزه/كنت طالب منها تجيب ملف قديم من الأرشيف يمكن قصدها ع دا

وقام وباس عائشه من خدها

حمزه/هقوم البس علشان متأخر ع الشغل+هدور ع شغاله تساعدك ف البيت ..هبعتهالك النهارده

ودخل الحمام

عائشه/ ونا مش مرتاحه للزفته دي

عند ديچا طلعت من البيت راحه الشغل لقت جاسر ف الجنينه بيتكلم ف الموبايل

ديچا ابتسمت وراحت له

جاسر لما لقاها جايه عليه ابتسم

جاسر/طب تمام انا كدا كدا جاي الشركه وهنتكلم ف الموضوع دا

وقفل المكالمه

جاسر بابتسامه/صباح الفل

ديچا ابتسمت/صباح الخير. انا قلت زمانك ف الشركه

جاسر مسك ايدها/مهو بصراحه مكنتش هقدر اروح الشغل من غير ما اشوف الابتسامة والعيون الحلوه دي

ديچا ابتسمت/ي سلام

جاسر/اه والله .مش مصدقاني؟

انا بتوهه فيهم اصلا ونا واقف جمبك

ديچا ابتسمت/لا مصدقاك

جاسر باس ايدها

جاسر/تحبي اوصلك قبل ما اروح الشركه

ديچا بغيظ/اه الشركه ال فيها نانسي.انا البنت دي مش مرتاحه لها اصلا ..وواضح جدا انها معجبه بيك

جاسر/الله ..ما انتي عرفتي ان كل دا كان فيلم عاملينه

ديچا بغيره/بس مشاعرها اتجاهك كانت حقيقيه مش فيلم

جاسر قرب منها/ والله انا ميهمنيش الا مشاعرك انتي ..مش عايز منك اي حاجه غير انك تحبيني وتفضلي جمبي..ومتمشيش

ديچا ابتسمت/معنديش اي نيه اني امشي اساسا

جاسر ابتسم

عند سما

قاعده ف جنينه الفيلا بتاعتها بتشرب قهوه

واياد رن ع سما

سما ردت ب ابتسامه/الو

اياد ابتسم/البرنسيسه بتاعتي لسه زعلانه مني؟

سما بابتسامه/لاء مش زعلانه

إياد/طب اطلعي انا بره البيت مستنيكي

سما قامت/ازاي يعني..انت بره بجد ؟

اياد/اه اطلعي

سما /انت مجنون بجد افرض بابي شافك ..هو لسه طالع حالا رايح الشغل

اياد/اه منا خدت بالي شفته من بعيد

سما/والله؟ انت بتستهبل اكيد بابا لو كشفنا هتبقي مشكله

إياد/منا قلت لك اتكلم معاه قلتي لاء مش دلوقتي ..وبعدين اطلعي بقي الشمسه ضربت نفوخي

سما طلعت وراحت له

إياد قدام الفيلا ساند ع عربيته

إياد بابتسامه/صباح الفل

سما ابتسمت/ي اهلا ..جاي لي بقي

إياد مسك ايدها/طب قول صباح الخير الأول..مفيش بوسه الصبح؟

سما/لاء في ضربه الصبح..تحب تجربها؟

اياد/اي حاجه منك حلوه

سما ضحكت /يارب صبرني

اياد/يلا اركبي هنفطر سوا وبعدين هعلمك السواقه

سما/اي ؟

إياد مسك ايدها الاتنين/مش انتي بتثقي فيا؟

سما /ايوا بس ا

اياد بمقاطعه/مفيش بس ..انا بس عايزك تثقي فيا وتتاكدي اني جنبك والباقي عليا

سما/

اياد/موافقه؟

سما اتنفست وابتسمت/موافقه

إياد ابتسم/ يلا

في منتصف اليوم

عند عائشه

لبست وبتجهز شنطتها وبتكلم ديچا وسما وفاتحه السبيكر

ديچا/انا ف الشركه هخلص شغل واعدي عليكي

سما ابتسمت/ونا مع إياد هيعلمني السواقه

عائشه ابتسمت/اي دا بجد

ديچا/بتتكلمي جد؟ هتتعلمي

سما اتنفست وابتسمت /الموضوع صعب شويه بس طول ما إياد جمبي انا مطمنه

ديچا وعائشه ابتسمو

ديچا/وانتي عندك دوشه كدا ي آش بتعملي اي

عائشه/لبست ورايحه ل حمزه الشركه

سما/اي دا لي؟

عائشه بغضب/لان عنده سكرتيره قليله الذوق والادب وبت مايصه كدا .مشفتش ربع ساعه تربيه ..ونا مش مرتحالها وعينها ع حمزه ١٠٠ ف الميه

سما بغضب/ كلامك دا لو مظبوط انا وأنتي نجيبها من شعرها نوريها مقامها

عائشه/دا ال شكلي هعمله

ديچا/بطلو جنان ي بت انتي وهي ..دي سكرتيره اكيد محور علاقتهم شغل وبس ..بلاش تعملي مشكله ي آش

عائشه بغضب/ونا محتاجه اتاكد بنفسي..يلا ي بنات سلام

وقفلت والجرز رن وعائشه راحت تفتحت لقت سيده ف حدود ال ٣٠ سنه

الست/السلام عليكم

عائشه/وعليكم السلام مين حضرتك

الست/انا ناديه ي مدام بعتني حمزه بيه اساعد حضرتك ف البيت وكدا ..هاجي كل يوم الصبح بدري وهمشي بليل أن شاءالله بعد ما اخلص كل ال ورايا

عائشه ابتسمت/اه حمزه كان قايلي ..اهلا وسهلا اتفضلي

ناديه دخلت/يزيد فضلك

عائشه بابتسامه/انا عائشه والرسيبشن اهو ممكن ترتاحي من المشوار وبعدين تبدأي تروقي المضبخ مكان الفطار ..ونا كام ساعه وجايه

ناديه /من عيوني ..اتفضلي انتي ي هانم متشليش هم حاجه

عائشه /اوك

وطلعت من البيت وبتجاهه ل شركه حمزه

عند حمزه ف الشركه

قاعد ف مكتبه بيشتغل و سهيله خبطت ودخلت

سهيله بابتسامه/حمزه بيه في ورق عيزاك تمضيه

حمزه وهو عينه ع الملف ال قدامه /تعالي

سهيله راحت له ووقفت جمبه بمياعه

وحمزه بيمضي ع الورق سهيله بتبص له ب اعجاب

سهيله ف سرها/يربي حتي وهو بيتشغل زي القمر..اي دا

وغمضت عينها وبتشم ريحه البيرفيوم بتاعته

حمزه/فين ملف ٢٠١٨ ال طلبته منك؟

سهيله ب سرحان/اي؟

حمزه بصلها بغضب

سهيله/ااه الملف هجبهولك حالا ..أنا بس قلت استني حضرتك تمضي الورق وهجيب الملف ع طول

حمزه حط الورق قدامها/ مهو لو تركزي ف شغلك زي ما انتي بتبحلقي فيا كدا كنتي بقيتي ف حته تانيه خالص

سهيله قربت منه تاخد الورق بابتسامه/مهو بصراحه حضرتك بتبقي حلو اوي يعني بيبقي غصب عني

عائشه فتحت الباب ودخلت

حمزه/عائشه؟ انتي بتعملي اي هنا

وقام

عائشه كانت هتجنن لما شافتها واقفه بمياصه كدة وقريبه منه وبتضحك بدلع

عائشه بغضب/مين الحلوه ؟ استني خليني اخمن ..سهيله

عائشه/عائشه اهدي

سهيله ابتسمت بدلع/هو حضرتك يعني معلموكيش تخبطي الباب قبل ما تدخلي

عائشه بعصبيه/لا ي حلوه علموني …الدور وال باقي عليكي ال معلموكيش ف بيتك الادب وال تربيه

حمزه بص لها وقال بغضب/عائشه اهدي ومتكبريش الموضوع ..احنا كنا بنشتغل

عائشه بغضب/لا والله هو الموضوع كبير ل وحده ..دا غير أن انا مش شايفه اي شغل خالص ..انا شايفه مياصه وقله ادب

سهيله/لا حضرتك انا مسمحلكيش تتكلمي معايا ب الاسلوب دا

عائشه قربت منها بغضب وحمزه منعها

حمزه/اطلعي بره ي سهيله

سهيله/حاضر ي حمزه بيه

عائشه/لا متطلعش تطلع لي..انا ال هطلع

حمزه بعصبيه/عائشه

سهيله طلعت وقفلت الباب وراها

عائشه/ بتطلعها لي خليكوا انتو enjoy مع بعض انا ال همشي

وكانت هتمشي حمزه مسكها من ايدها

حمزه بعصبيه/بطلي جنان ..حصل اي لكل دا

عائشه فلتت ايدها من ايده وقالت بعصبيه/انت بتسألني انا حصل اي ؟انا ال المفروض افهم اي الوضع ال انا شفته دا ..واقفه قريبه منك بمياصه وقله ادب و بتضحك وبتهزر والعشم واخدها ..وبترن عليك ف اوقات غير مناسبه وبتقولي شغل

حمزه بغضب/اه شغل ..ووطي ام صوتك ..انا بتزفت اشتغل ..دخلتي عليا المكتب كنت بوقع ورق زي ما شفتي ..هي بقي بتتكلم بمايصه ب قله ادب دي حاجه متخصنيش انا كل ال يهمني الشغل ال بتعملهولي وبس

عائشه دمعت/تمام ..انا اصلا غلطانه اني جيت..اشتغل زي ما انت عايز واعمل كل ال انت عايزه ..لاء وكمان بتتعصب عليا قدامها..انا همشي

وكانت هتمشي حمزه قربها منه ومسح دموعها

حمزه / تعالي…انا اسف

وخدها ف حضنه وباس راسها

عائشه /اوعي ي حمزه انا عايزه امشي

حمزه بيملس ع شعرها / حصل اي لكل دا ي حبيبتي ..ها؟ انتي شفتيني بعمل اي حاجه غير اني بشتغل؟

عائشه /لاء ..بس هي ا

حمزه بمقاطعه مسح لها دموعها /انا مليش دعوه بيها ..مش انتي عارفه اني بحبك و بموت فيكي و مبشوفش غيرك؟ حتي لو جمبي ٢٠ بنت انا مبفكرش الا فيكي انتي وبس

عائشه ابتسمت/بجد؟

حمزه ابتسم وطلعها من حضنه وباسها وباس ايدها

حمزه/اه والله العظيم .

حمزه رجع شعرها ورا ودنها وباس راسها

عائشه ابتسمت

عائشه/طيب انا عيزاك تمشيها من الشغل

حمزه/برضو؟

عائشه/ايوا علشان حتي لو انا واثقه فيك ف انا مش واثقه فيها هي ..انقلها اي مكان تاني وشوف اي سكرتيره تانيه

حمزه اتنهد/حاضر ..لو دا هيريحك هعمل كدا

عائشه ابتسمت وحضنته

حمزه ابتسم/يلا تعالي نروح نتغدا بره النهارده

عائشه بابتسامه طلعت من حضنه/يلا بينا

رواية وقعت في غرامها الفصل السابع عشر

عند سما واياد في منتصف اليوم

في عربيه اياد

سما راكبه مكان السائق واياد قاعد جمبها

سما بحماس/ها ابدا اعمل اي

اياد/اهم حاجه بس تهدي وانتي سايقه ومتتوتريش .تمام؟

سما اتنفست/تمام

سما/وانت متزعلش لو خبطت ف حاجه وبوظت لك العربيه

اياد/تغور العربيه اهم حاجه انتي متتأذيش ..خلي بالك بس وركزي

سما ابتسمت/اوك

إياد بدأ يعلمها الاساسيات واماكن الفرامل وهكذا

اياد/يلا سمي الله وشغلي العربيه

سما شغلت العربيه

وبدأ تمشي براحه وفجأه داست فرامل

اياد/دوستي فرامل لي؟

سما/مش عارفه هو انا المفروض مدوسش؟

اياد/انتي شايفه ان احنا وصلنا ؟

وبص حاوليه

سما/لاء

اياد بنفاذ صبر قرب منها/هتشليني

سما /اي في اي براحه انا لسه بتعلم..لا اله إلا الله

اياد/ماشي ي ستي حقك عليا ..دوسي بنزين وكملي يلا

سما بدأت تسوق تاني براحه

اياد/احودي يمين شويه

سما مركزه ف الطريق/حاضر اهو ..وبتحاول تشب وتشوف الطريق

سما /اي ي إياد الكورسي الواطي دا انا مش شايفه حاجه حضرتك ضهري اتكسر

اياد ضحك بمعني مفيش فايده وعدل لها الكرسي

وفضلت سايقه شويه

سما بفرحه ضحكت وبصتله/اياد انا سايقه بجد؟ انا سايقه مش مصدقه نفسي

اياد ابتسم/طب ركزي بس وبصي قدامك الاول

سما بصت قدامها بفرحه/انا بجد مش مصدقه ..اخير بتعلم السواقه

اياد/ولسه كمان كل يوم نتعلم شويه لحد ما اطمن عليكي واطمن انك تقدري تسوقي لوحدك خلاص

سما ابتسمت ومسكت ايده/انا بحبك اوي

اياد ابتسم وباس ايدها/ونا بموت فيكي

عند ديچا ف الشغل بتلم حاجتها علشان تمشي

وبعدين لاحظت ان جاسر مرنش عليها من اول اليوم ع غير عادته

ديچا قعدت ع كرسي مكتبها تاني وقالت بغيظ /اكيد نانسي موجوده معاه ف الشركه

وقررت ترن عليا

جاسر رد بابتسامه/وحشتيني

ديچا/امم واضح..مكلمتنيش من اول اليوم

جاسر/حقك عليا والله الشغل كتير اوي اليومين دول

ديچا/احم بتشتغل لوحدك؟

جاسر/بمعني؟

ديچا/اقصد يعني..اكيد حد بيساعدك ف الشغل دة..السكرتيره مثلا ..او ا

جاسر فهمها وابتسم/او نانسي؟

ديچا /احم ..مثلا

جاسر بابتسامه/هو مش انا قلت لك كل دا كان تمثيل قدامك بس علشان تعترفي انك بتحبيني ونبقي سوا؟ غيرانه عليا لي بقي منها

ديچا رجعت شعرها ورا ودنها بتوتر/واغير منها لي أن شاءالله ..مفيش الكلام دا بيتهيألك

جاسر/متأكده؟ مبتغيريش عليا خالص

ديچا/ايوا هغير لي … طالما انا واثقه انك بتحبني انا ومبتشوفش غيري..صح ؟

جاسر ابتسم/صح.. ومبقدرش اعيش من غيرك كمان

ديچا ابتسمت

جاسر/هتعملي اي بعد الشغل

ديچا/بلم حاجتي اهو ورايحه ل عائشه

جاسر/هو احنا ممكن نتفق ع حاجه؟

ديچا/حاجه اي

جاسر/انك قبل ما تروحي اي مكان تعرفيني الاول ..مش تحكم او رزاله مني والله ..بس علشان خايف عليكي..عايز اكون مطمن

ديچا ابتسمت/اوك

جاسر ابتسم

مساءا في نهايه اليوم

في فيلا حمزه

وعائشه و ديچا وسما قاعدين ف الصالون

وناديه طلعت من المضبخ وحطت قدامهم عصير ومقبلات

عائشه/ميرسي ي ناديه

ناديه بابتسامه/العفو ي هانم

ودخلت المضبخ تاني

سما /ها وبعدين اي الحصل؟

عائشه بغيظ/قالي ان هو مبيهتمش اذا كانت بتتمايص او بتدلع هو كل ال عايزه منها تعمل شغلها كويس و بس

سما بغضب/ايوا يعني اي تقعد تتمايص وتتدلع بسفاله وقله ادب كدا ويقولك شغل

عائشه بغضب/كان هاين عليا امسكها من شعرها الاصفر دا وامسح بيها بلاط الشركه

سما/حلال فيها والله

ديچا/ بطلو جنان شويه بقي ..مش هو قالك هينقلها ؟ خلاص الموضوع انتهي

عائشه/اه قالي هينقلها اي فرع تاني..بس لو شفتها قريبه منه تاني انا بقي هوريها مقامها

حمزه نزل من فوق بعد ما لبس واتشيك وراح لهم

حمزه بابتسامه /اي بنات عاملين اي

ديچا ابتسمت/الحمد لله

سما ابتسمت/الحمد لله وانت؟

حمزه/انا زي الفل..كنتو بتجيبو ف سيره مين النهارده؟

سما/لاء عيب عليك ي حمزه انت تعرف عننا كدا؟

حمزه/دا انتو ابو كدا

سما ضحكت

عائشه/ايه لابس كدا واريح ع فين

حمزه/هنسهر بره انا و جاسر و إياد.

سما همست ل ديچا/انا كنت مع اياد ومقاليش حاجه زي كدا

ديچا/ونا كلمت جاسر ومحكاليش

سما بغيظ/يبقي اكيد القعده فيها بنات وبيعملو حاجه غلط

عائشه ل حمزه/احم ..هتسهرو فين؟ ولوحدكم ولا معاكم حد

حمزه موبايله رن وكنسل

حمزه/انا اتاخرت ولازم امشي..يلا عايزه حاجه؟

عائشه/لاء بس متتاخرش

حمزه باس راس عائشه وطلع من البيت

عائشه وديچا وسما بصو لبعض بشك

عائشه/رايحين يسهرو ..تفتكروا هيروحو يسهرو فين؟ اكيد كافيه عادي صح؟

سما بغيظ/كافيه اي انتي كمان ..اكيد ف مكان مليان بنات ورقص و مشاريب وسهره رايقه

عائشه بصدمه/اي؟

ديچا بغيظ /كلمته ف التليفون ومجبليش سيره .ع اساس مبنخبيش حاجه ع بعض

عائشه بانكار/لالا ي جماعه اكيد هيسهرو ف مكان عادي ..وبعدين يعني محدش هيقرب من حمزه لان في دبله ف ايده بتدل ع انه متجوز

سما/والله؟ ع اساس متعرفيش ان في بنات بترمي نفسها ع الرجاله المتجوزه بالتحديد …وانت ي إياد ماشي اصبر عليا..انا هرن عليه

ناديه طلعت من المضبخ

ناديه/عائشه هانم انا خلصت المواعين وروقت المضبخ وهمشي..اي أوامر تانيه؟

عائشه سرحانه وبتفكر ف المكان ال حمزه فيه وف كلام سما

ناديه/عائشه هانم

عائشه انتبهت/ها؟ لا ي ناديه شكرا تقدري تمشي

ناديه ابتسمت/ماشي تصبحو ع خير

ومشيت

سما رنت ع إياد واياد مردش

سما بغضب/مردش عليا..آه طبعا ..مهو البنات الحلوين هناك كتير وزمانه هايص

عائشه/رني كدا ي ديچا ع جاسر

ديچا رنت

عند الشباب

في مكان للسهره

الشباب قاعدين وقدامهم شباب وبنات بيرقصو وفي ال واقفين بيتكلمو وفي ال عند ال بار بيشربو والاغاني شغاله بصوت عالي

اياد/بقالي كتير مسهرناش سهره حلوه زي دي ..بقيتو عيال كئيبه ..من وقت ما حمزه بيه اتجوز وهو انعزل عننا ..وجاسر بيه من وقت ما بقي هو وديچا سوا اختفي برضو

حمزه/يعم ولا انعزلت ولا حاجه منا معاكم اهو

جاسر/وبعدين اتكلم عن نفسك ما انت كل ما نكلمك نلاقيك ي اما بتوصل سما ي اما بتفطرو بتتغدو بتتعشو .ي اما ف مول ي اما ف مشوار بتجيب لها او بتعمل لها طلب. من أمتي وانت كدا دا انت كنت عايش ل نفسك وبس

اياد ابتسم/الاه مش حبيبتي؟

جاسر/ماشي يعم الله يسهلو

حمزه ابتسم

اياد/في واحده بتبص لك ي حمزه بقالها ٤٥ دقيقه بالضبط واخد بالك ولا عامل نفسك مش واخد بالك؟

حمزه شرب شويه من المشروب/لا مش عايز اخد بالي

اياد/حرام عليك البت جامده .

حمزه/يعم جامده جامده اعمل لها اي

اياد ل جاسر/بص؟ من وقت ما اتجوز عائشه وعمره ما بص بره بصه صغيره ..مع انه زمان مكنش كدا ..كان اي واحده تعجبه ميعديش دقيقه الا ومعاه رقمها

جاسر/اتعلم منه بقي ..علشان لو رحت قلت ل سما انك خدت بالك ان في واحده بتبص ل حمزه ..سما هتعمل معاك الصح

اياد/انت اكيد مش هتعمل كدا .. جاسر

جاسر سند ضهره ل ورا بثقه

اياد/انت لو عملت كدا سما هتطين عيشتي ..وبعدين انا معملتش حاجه انا قاعد ب احترامي اهو..انتو عايزين اتقتل بدري بدري ولا اي

جاسر ضحك/خلاص صعبت عليها مش هقول حاجه..انت فعلا قاعد محترم ع غير عادتك

حمزه ضحك/مسيطره جامد هي

اياد/لاء يعم هي بس مسيطره ع قلبي

حمزه وجاسر ضحكو

وتليفون جاسر رن وكان ديچا

جاسر راح يرد بعيد عن صوت الأغاني

جاسر ابتسم /الو

ديچا/احم ..الو ..انت فين

جاسر / سهران مع الشباب شويه .في حاجة ولا اي؟

ديچا لاحظت صوت اغاني ودوشه ف الخلفيه

ديچا/مقلتليش يعني.

جاسر ابتسم/هو انا لازم اقولك كل تحركاتي

ديچا/اه طبعا.. مش احنا سوا؟ لازم طبعا تقولي ع كل حاجه..اشمعنا عايزني انا اقولك كل حاجه وانت متقولش

جاسر ابتسم/ماشي ي ستي ..من عنيا..انتي وحشتيني ع فكره..ملحقتش أشوفك بعد شغلك لانك رحتي ل عائشه ع طول

ديچا ابتسمت بخجل

سما خبطتها ف كتفها

سما بصوت واطي/مش وقته

ديچا/احم اه ..انا سامعه صوت اغاني عندك كدا..اي السهره شكلها حلوه

جاسر/اه حلوه

ديچا/معاكم حد ..يعني انتو لوحدكم ولا معاكم حد

جاسر فهمها بس حب يعم مش فاهم/حد زي؟

ديچا رجعت شعرها ورا ودنها بتوتر/معرفش انت قول

جاسر ابتسم/بتسالي لي ..مش انتي مبتغيريش خالص؟..حتي لو في بنات ..انتي قلتي انك واثقه ان انا بحبك انتي وبس

ديچا بغضب/مفيش حاجه اسمها حتي لو في..المفروض تسهرو ف إمكان محترمه يعني

جاسر/ما براحتنا بقي طالما مبتغيريش

ديچا /قول الحقيقه …في ولا لا

جاسر محبش يريحها علشان تعترف انها بتغيير عليه

/ياااه الخط بيقطع انا مش سامع كويس

وقفل المكالمه

جاسر ابتسم وراح للشباب تاني

عند البنات

سما وعائشه /هااا

ديچا بغيظ/معرفتش برضو المكالمه فصلت

سما/اكيد في بنات موت ومش عايزين يقولو

عائشه هتصل ب حمزه

وراحت تكلمه بعيد

عند حمزه موبايله رن وكان هيروح يرد بعيد عن الدوشه

اياد/هما واخدينكم بالدور ولا اي

حمزه شاور ع تليفون اياد ال ع الطربيزه بيرن بس صامت

حمزه/طب خلي بالك من دورك ي ظريف علشان هيتنكد عليك

ومشي

اياد مسك تليفونه بسرعه/ينهار اسود ..رنت ٥ مرات ومخدتش بالي

جاسر ضحك/استلقي وعدك

عند حمزه

عائشه/الو ..حمزه

حمزه ابتسم/نعم ي حبيبتي

عائشه/احم ..انت عامل اي ..السهره حلوه؟

حمزه/اه ادينا قاعدين بنتسلي انا والشباب

عائشه/لوحدكم؟

حمزه/لوحدنا بمعني اي؟

عائشه/يعني معاكو بنات صحاب صحابكم او حاجه ..بسال عادي يعني متفهمش غلط

حمزه فهمها وابتسم /لا انا واياد وجاسر لوحدنا ممعناش حد من صحابنا..بس طبعا في بنات منعرفهاش. دا مكان للسهره. بس اتأكدي ان عمري ما ابص ل اي واحده حتي لو انتي مش معايا. لاني مبشوفش غيرك اصلا

عائشه ابتسم بحب ..بس افتكرت كلام سما ان في بنات غير موثوق بترمي نفسها ع الرجاله ف بتفكر ف طريقه ترجعه البيت بدري

عائشه/طب انت مش هتيجي بقي؟ انا هخاف افضل قاعده لوحدي

حمزه/هما البنات مشيو؟

عائشه بدلع مقصود/هيمشو كمان شويه وناديه مشيت ونا هفضل لوحدي..وحتي لو معايا ١٠٠ شخص انا مبحسش بالأمان غير وانت معايا

حمزه ابتسم/ما بلاش الكلام ال خليني اسيب آلدنيا تولع هنا واجيلك

عائشه ابتسمت/يعني هتيجي؟

حمزه/هقعد شويه صغيرين وهاجي..وانتي لو حسيتي انك عايزه تنامي نامي

عائشه ابتسمت /لاء مش هعرف انام الا ف حضنك ..متتأخرش ماشي؟

حمزه ابتسم /حاضر مش هتأخر ..وهاجي احاسبك ع الكلام ال حلو ال بتقوليه ونا بره البيت دا ..ال بيخليني عايزه اطير واجي انام ف حضنك

عائشه ابتسمت وفصلت المكالمه وراحت للبنات

سما/هااا

ديچا/معاهم حد؟

عائشه /اكيد يعني دا مكان سهره وفي بنات .

سما /ماشي ي إياد..والله ماشي

ديچا خدت شنطتها بغضب/يلا انا همشي

عائشه/مستعجلين لي

ديچا/لا كفايه أوي كدا الوقت اتاخر ..يلا ي سما اوصلك؟

سما /اه يلا بينا ..تصبحي ع خير ي عيوشه

وسلمو عليها

عائشه /وانتو من اهل الخير

ومشيو وعائشه قاعده ع الكنبه مستنيه حمزه

وبعد شويه وقت

حمزه دخل البيت وحط مفاتيحه ع الطربيزه وقرب من الصالون لقي عائشه نايمه ع الكنبه

حمزه ابتسمت وقعد ع ركبته وقرب منها

حمزه بابتسامه رجع شعرها ورا ودنها وباس رقبتها

حمزه/عائشه ..اي ال منيمك ف ال برد هنا ي حبيبتي

عائشه فتحت عينها بنعاس وابتسمت ونامت تاني وحمزه ابتسم وشالها

وطلعو اوضتهم

في اليوم التالي

عند جاسر وديچا

جاسر نزل من بيته وخبط ع شقه ديچا

ديچا فتحت الباب

جاسر بابتسامه/صباح الخير

ديچا/نعم؟

جاسر/نعم؟! دي مقابله تقابلي بيها حبيبك

ديچا بغضب/انت متتكلمش معايا اصلا بعد الحصل امبارح…طبعا رحت سهرت وانبسطت ورجعت ف نص الليل و البنات الحلوه هناك كانت ف كل حتي .

جاسر ابتسم/يعني بتغيري اهو

ديچا بغضب خبطته ف كتفه/ايوا بغير ولو عينك جت ع واحده تانيه او واحده تانيه فكرت تقرب منك هقتلكو انتو الاتنين

جاسر مسك ايدها/و انا عيني مبتشوفش غيرك ..مقدرش ابص ل اي واحده تانيه .. دا انا حتي ابقي حمار ..لما يكون معايا القمر دا هبص بره لي؟ هو انا كنت أطول اصلا؟

ديچا ابتسمت/بجد؟

جاسر ابتسم/ايوا

ديچا/ونا بحبك ..انت عوض كبير اوي ليا من ربنا ..من غيرك مقدرش اعيش اصلا .. كنت برفض علاقتنا لان انا عارفه اني بموت فيك ولا كسرتني وقتها هتدمر بجد ومش هعرف أقف ع رجلي تاني ..بس دلوقتي انا واثقه فيك ومتاكده ان عمرك ما هتجرحني ولا هتسبني لوحدي

جاسر باس ايدها بابتسامه

ديچا ابتسمت

عند حمزه و عائشه ف غرفتهم

حمزه نايم ع السرير و عائشه طلعت من الحمام بعد ما اخدت شاور ولابسه البورنص

عائشه /حمزه اصحي دا كله نوم ..هتتأخر ع الشغل

وحطت ايدها ف وسطها/ما طبعا السهره كانت حلوه امبارح

وجاتلها فكره علشان تصحيه وابتسمت وقربت منه وحطت شعرها المبلول ع وجهه ونقط مايه

حمزه ب انزعاج بدأ يصحي وفتح عينه

حمزه /اي دا في اي

عائشه وهي قريبه منه قالت بابتسامه/صباح الخير ي حبيبي..مفيش لقيتك نايم كل النوم دا قلت اصحيك بطريقتي

وقامت وبعدت عنه

حمزه ابتسم/والله؟ هي بقت كدا

عائشه/اها

حمزه قام من ع السرير وقرب منها وحاوط وسطها ب ايده وقربها منه

حمزه/هو انا مش حزرتك وقلت لك متقوليش ليا كلام حلو ف التليفون علشان ببقي عايز اسيب الدنيا تضرب تقلب واجيلك . اي بقي ال انتي عملتيه امبارح دا

عائشه بابتسامه /منا عملت كدا علشان تيجي ومتسبنيش لوحدي

حمزه قرب منها/ونا قلت لك امبارح لازم تتعاقبي

عائشه ابتسمت/هتعاقبني ازاي بقي

حمزه باس خدها و رقبتها

عائشه بابتسامه /هتتاخر ع الشغل

حمزه وهو باصص ف عنيها/يولع الشغل كله

وباسها من شفايفها وفك رباط البورنص

في منتصف اليوم عند سما

ف المول وعند محل الاكسسوارات بتشتري حاجات

إياد جه من وراها/برنسيسه قلبي

سما بخضه/خضتني ي إياد..انت جيت منين

إياد قرب منها/سلامتك من الخضه ي قلب اياد

سما بعدت عنه/انت عرفت منين ان انا هنا

إياد/كنتي قلتي لي امبارح الصبح انك رايحه النهارده المول

سما ربعت ايدها/بعد كدة انسي اني اقولك رايحه فين وجايه منين ..طالما انت مبتقوليش

اياد/اه هنبدأ الاستعباط اهو

سما بغضب/انت ال بتستعبط مش انا ..كنت معاك امبارح مجبتليش سيره انك نازل تسهر مع حمزه و جاسر ..ورنيت عليك ٢٠ مره مردتش عليا..اي البنات ال هناك للدرجه دي حلوه

اياد/والله ما سمعت الموبايل كان صامت ..بنات اي دي ال تشغلني عنك ..انا ولا بصيت عليهم حتي ولا قربت من اي واحده ..انتي بس ال ف قلبي ..عمر ما بنت تانيه تقدر تاخد مكانك ..ولما لاحظت انك اتصلتي ..رنيت عليكي كتير انتي مردتيش

سما/لا كتر خيرك ..انا ماشيه

وكانت هتمشي اياد مسك ايدها

اياد/خدي بس رايحه فين استني

سما/عايز اي

إياد طلع من جيبه خاتم

إياد/ ونا جايلك لقيت الخاتم دا ف محل عجبني قلت اجبهولك ..خليه معاكي والبسيه لحد ما نتخطب رسمي واجبلك احلي خاتم ف الدنيا

سما ابتسمت بفرحه

إياد ابتسم/عجبك؟

سما بابتسامه/دا سؤال؟ طبعا عجبني

إياد ابتسم ولبسهولها وسما بصت عليه وهو ف ايدها بابتسامه

اياد/لسه زعلانه مني طيب؟ انا بحبك ومقدرش ع زعلك والله

سما ابتسمت /خلاص مش زعلانه ..ونا كمان بحبك اوي

اياد ابتسم وباس ايدها

عند جاسر وديچا داخلين بيت محمد وزوزو لأنهم عازمينهم ع العشا

زوزو سلمت ع ديچا بفرحه وحضنتها/ي اهلا وسهلا نورتي ي حبيبه قلبي

ديچا بابتسامه/عامله اي ي زوزو

زوزو طلعتها من حضنها/انا زي الفل ي حبيبتي

وسلمت ع محمد

ديچا/ازي حضرتك ي اونكل

محمد بابتسامه/الحمد لله ي بنتي انا زي الفل ..متعرفيش احنا فرحنا قد اي لما جاسر قال ان انتو بقيتو مع بعض

ديچا ابتسمت

جاسر سلم ع زوزو و محمد/وحشتوني والله العظيم

زوزو بابتسامه/وانت كمان ي روح قلبي..ان شاءالله نفرح بيكم قريب ونشوفكم عريس وعروسه ف بيت واحد قادر ي كريم

ديچا ابتسمت/حبيبتي ي زوزو

جاسر/احلي دعوه والله سمعتها لحد دلوقتي

محمد/تعالو اقعدو

وقعدو ف الصالون والخادمه قدمت لهم قهوه

محمد شرب شويه قهوه/هتروح تتقدم لها امتي وتطلب ايدها

زوزو/ايوا ي واد متسبش علاقتكم من غير اسم كدا ..والله لو فكرت تزعلها او تيجي عليها انا و ابوك ال هنقف لك

محمد/يبقي يفكر يعملها كدا

جاسر/لا اله الا الله ونا هعمل كدا لي

ديچا ضحكت

جاسر مسك ايدها

جاسر/وبعدين انا بحبها و مستحيل ازعلها .اطلعو انتو منها

ديچا بصتله بخجل وابتسمت علشان يسيب ايدها وجاسر رفض

زوزو ابتسمت/ربنا يخليكم لبعض يارب

محمد/ماشي يعم الله يسهلو ..هتتقدم لها امتي برضو وتتجوزو

ديچا ابتسمت بحزن/انا مامي مش هنا ف مصر زي ما قلت لكم ..وجوزها انا مليش اي علاقه ليه..ف اظن جاسر مش مضطره يطلب ايدي من حد ونتجوز اول ما نلاقي ان الوقت مناسب

زوزو/لاء ميصحش برضو ي بنتي لازم مامتك تعرف

جاسر ضغط ع ايدها

جاسر/لاء احنا لما نكون مستعدين للخطوه دي هحجز تذكرتين ع دبي ونروح ل مامتها واتقدم لها ونقعد مع حماتي اسبوع كمان .وناخد اجازه من الشغل مش حوار يعني

ديچا بصت له بصدمه وبنفس الوقت فرحه وامتنان ع كل حاجه بيحاول يعملها يفرحها

محمد/طيب حلو اوي ..حل مناسب جدا

زوزو/ربنا يتمم لكم ع خير يارب ..يلا هقوم اخلي الخدم يسرعو ف عمايل الاكل

ومشيت ومحمد جاله تليفون وقام

ديچا بصت ل جاسر وابتسمت/انا مش عارفه اقولك اي بجد

جاسر ابتسم/متقوليش حاجه ..خليكي ديما جمبي بس ونا مش عايز اي حاجه من الدنيا

ديچا ابتسمت

رواية وقعت في غرامها الفصل الثامن عشر

عند فيلا حمزه مساءا

عائشه قاعده ف الصالون ع الكنبه بتتفرج ع التلفزيون

وحمزه فتح الباب ودخل وقرب من عائشه وباس راسها

حمزه قعد جمبها/وحشتيني

عائشه ابتسمت بفرحه /حمد لله ع السلامه

حمزه / الله يسلمك ي روح قلبي

عائشه نامت ف حضنه وحضنته بقوه /وانت كمان وحشتني اوي اوي اوي ..لو ينفع تقعد من الشغل وتفضل جمبي ٢٤ ساعه مش هقول لاء

حمزه ابتسم/مش هتزهقي مني؟

عائشه وهي لسه ف حضنه/مستحيل ازهق

وباست خده

حمزه ابتسم وباس ايدها

عائشه/احم ..نقلت سهيله؟

حمزه حضنها تاني/احم .ما تسيبك من مواضيع الشغل دي وتعالي ف حضني انا لسه مشبعتش منك

عائشه طلعت من حضنه/حمزه متغيرش الموضوع..سهيله اتنقلت ولا لا

حمزه/لسه

عائشه بغضب /ا

حمزه بمقاطعه مسك ايدها الاتنين /قبل ما تتخانقي معايا موضوع النقل دا بياخد وقت لحد ما اشوف لها مكان مناسب ف اي مكان تاني ..ولحد ما دا يحصل لازم تبقي ف الشركه ..بس وعد يومين بالكتير هتلاقيها مشيت

عائشه/انت وعدتني ي حمزه ..يومين بالكتير

حمزه ابتسم وخدها ف حضنه تاني/ايوا وعد

حمزه شم ريحتها بحب/اعمل معاكي اي بس قولي لي ..ونا ف الشغل بتوحشيني ببقي عايز اخلص شغل ف اسرع وقت علشان اجيلك .و ونا خارج مع صحابي بتوحشيني ..ونا سايق بتوحشيني ..اعمل اي ها؟

عائشه بابتسامة/انا بحبك

حمزه ابتسم /ونا بموت فيكي

والجرز رن

حمزه/انتي مستنيه حد؟

عائشه طلعت من حضنه/لاء

حمزه /ولا انا..ي تري مين

وقام يفتح

حمزه/عمتو ؟!

عائشه قامت/عمتك؟

واحده ف الأربعينات دخلت ومعاها شنطه وشايله طفل عمره سنه ونص ع ايدها

نجلاء ابتسمت/وحشتني اوي ي قلب عمتك .عامل اي

حمزه ابتسم/انا الحمد لله زي الفل تعالي اتفضلي

نجلاء رمت الشنطه ع الارض ودخلت البيت وقعدت ع الكنبه بتعب

وعائشه بصت ل حمزه بعدم فهم وحمزه هز راسه بمعني هفهمك ومسك ايدها وراحو ل نجلاء

نجلاء/متعرفش الطريق متعب قد اي ي واد ي حمزه لما بجيلك هنا روحي بتطلع ..لاء وكمان الواد دا تعبني

وبصت ع عائشه باستغراب

نجلاء/الا مقلتليش مين دي

حمزه ابتسم /دي عائشه مراتي ..ودي عمتي نجلاء ي عائشه

عائشه سلمت عليها بابتسامه/اتشرفت بحضرتك

نجلاء سلمت عليها من غير نفس/يوه انت اتجوزت ؟

حمزه ابتسم وبص ل عائشه/اه

نجلاء/مش كنت تسمع كلامي وتتجوز بنت عمتك ..ال هي مروه بنتي ..١٨ سنه وقمر

عائشه بصت له بمعني لا والله ؟!

حمزه بتوتر/احم .يعني اتجوز واحده أصغر مني ب ١٢ سنه لي عمتي هاخدها اربيها ؟

نجلاء/اه وماله

وقالت ف سرها/والنبي ل أطلقها منك واخليك تتجوز بنتي علشان البت تعيش ف العز دا كله

حمزه حب يغير الموضوع وبص ع الطفل ال ف ايدها /ابن مين دا

نجلاء/دا ابني حسن

حمزه/تاني ي عمتي؟ انتي مبتحرميش ..بتخلفي ل المره ال ٥

نجلاء / ما هعمل اي ي ابني نصيبنا

عائشه ابتسمت/ بس زي القمر مشاء الله

نجلاء بصت لها من فوق ل تحت /تسلمي يختي

عائشه /هروح اجيب ل حضرتك حاجه تشربيها

نجلاء/ياريت يعني

عائشه دخلت المضبخ

وحمزه راح وراها

عائشه بتصب العصير

عائشه/نطلب لها اكل ولا اعمل لها اكل ي تري

حمزه/لا ولا تتعبي نفسك هي كدا كدا هتاخد الفلوس ال محتجاها وتمشي

عائشه سابت العصير ال ف ايدها ووقفت قصاده/يعني اي

حمزه اتنهد/دي عمتي الوحيده معنديش قرايب غيرها و بابا معندوش اخوات غيرها .. هي اتجوزت من ٢٠ سنه وراحت الصعيد ومكنتش بتتصل ب ماما وبابا ال كل فين وفين وحتي لما بابا وماما ماتو معرفتش بموتهم الا بعدها ب سنه ..ومن بعد ما هي عرفت اني كبرت ف شغلي ومعايا فلوس بقت بتيجي كل فتره تاخد مني فلوس وترجع بلدها تاني ..بس انا عاذرها برضو ومش متضايق ..هي جوزها شغال شغلانه ع قده وعندها ٥ عيال زي ما سمعتي فلوسهم مبتكفهمش ف انا مبسوط انها بتيجي تطلب مني…(واتنهد) انا بس بتضايق انها مبتفتكرش ابن اخوها ولا بتسأل عليه غير لما بتكون محتاجه فلوس ..ونا حتي طلبت منهم يجو يعيشو ف مصر هكتب لهم بيت ب اسمهم واديهم مرتب كل شهر بس جوزها بيرفض لانه طيب وعنده عزه نفس ..ف انا لو اقدر اعمل لهم حاجه مش هتاخر والله

عائشه ابتسمت بحزن ومسكت وشه ب ايدها /انا كل يوم بتأكد ان انت مفيش منك ف الدنيا دي كلها وأن انا محظوظه بيك

حمزه ابتسم وحضنها

حمزه/يلا طلعي لها العصير عقبال ما اجيب لها فلوس من فوق

عائشه/اوك

وطلعت من حضنه وشالت صينيه العصير وراحت الصالون وقدمت لها العصير

نجلاء/تشكري يختي

عائشه ابتسمت و قعدت

نجلاء/متجوزه حمزه من امتي بقي ع كدا

عائشه ابتسمت/متجوزين بقالنا كذا شهر

نجلاء /اه الف مبروك

عائشه ابتسمت ل حسن ومسكت ايده/ابن حضرتك قمر مشاء الله ..عنده كام سنه

نجلاء/يجي سنه ونص كدا

عائشه ابتسمت

حمزه نزل من فوق بعد ما غير هدومه واعطي نجلاء الفلوس

حمزه/اتفضلي ي عمتي

نجلاء ابتسمت/متحرمش منك ي ابني ويخليك لينا يارب ..بسببك والله بعرف اودي العيال الدروس والاحق طلباتهم ال مبتخلصش.. بنتعبك معانا والله

حمزه ابتسم/لا ولا اي تعب

وقعد جنب عائشه

نجلاء خلصت العصير وحطته ع الطربيزه/بس انا يعني هتقل عليكم وهقعد معاكم كام يوم ..اصلي غضبانه ومتضايقه من ابو مروه جوزي ..لالا بجد يعني ي حمزه جوز عمتك بقي صعب ..عايزه اتطلق

حمزه/لي تتطلقي لي حصل اي لكل دا

حمزه/شغال شغلانه واحده مش عارفين نأكل بيها العيال .بقول له يتلحلح يتشغل شغلانه كمان وهو مفيش دم خالص .. قلت اعاقبه واسيبله العيال ع الاقل يحس بيا شويه هو بقي يأكلهم يحميهم يشربهم .انا معنتش قادره خلاص صحتي بتروح ..ف هتقل عليكم يومين تلاته كدا

حمزه/طبعا براحتك دا بيتك

نجلاء ابتسمت/دا العشم برضو

وحطت البيبي ال بيلعب ب لعبته ع رجل عائشه

نجلاء/خدي الواد دا لحد ما ادخل الحمام

ودخلت الحمام

حمزه/هتضايقي لو فضلت معانا هنا؟ دي عمتي ومقدرش اقول لها لاء

عائشه/اي ال انت بتقوله دا ي حمزه . عمتك هي عمتي ..معقوله اضايق من وجودها ؟

حمزه ابتسم وباس راسها

عائشه ابتسمت ل حسن ال ع رجلها/ي خراشي ع القمر .ايه القمر دا

حمزه ابتسم

عائشه ل حسن/ما تجيب بوسه يواد ي قمر انت

وكانت هتبوسه

حمزه /ايي اي هي هيصه هي ..مفيش الكلام دا

عائشه ضحكت/مفيش الكلام دا اي انا عايزه ابوسه

حمزه بغيظ/عائشه مبهزرش ..نزلي الواد يلعب ع الارض

عائشه ضحكت/انت بتغير من طفل عنده سنه ونص ؟

حمزه قرب منها/عنده سنه ونص عنده سنتين ميخصنيش .. انتي بتاعتي انا وبس

عائشه ضحكت وباست حمزه من خده وحمزه ابتسم

وحسن مسك عائشه من شعرها و شده جامد

عائشه بوجع/اااه حمزه شعري

حمزه ضحك وحاول يفك أيد حسن من شعرها ..وفكه

عائشه مسكت شعرها بوجع وضربت حمزه ف كتفه

عائشه بغيظ/انت بتضحك ع اي

وبصت ل حسن/ينفع كدا ي حسن ال انت عملته دا

حسن بصلها ببراءه وبعدين ضربها بالقلم

عائشه حطت ايدها ع خدها بصدمه

حمزه ضحك /ينهار اسود ..اي ال انت عملته دا ي حسن..انت عارفه عائشه ممكن تعمل فيك اي دلوقتي

عائشه ضربت حمزه/انت معندكش دم

عائشه حطت ايدها ع خدها بحزن/انت بتضحك وهو ضربني ..وجعتني ع فكره

حمزه قرب منها ومسك خدها مكان الضربه /وريني كدا ..وجعتك ؟

عائشه بحزن /ايوا

حمزه باس خدها

حمزه ابتسم/لسه بتوجعك؟

عائشه ابتسمت /انت بتعمل اي قدام الولد

حمزه قرب منها/استني ابوسها تاني علشان اتأكد انها مبتوجعكيش

عائشه ابتسمت وحمزه باسها

نجلاء من وراهم/ ينهاركم اسود ..انتو بتعملو اي قدام الواد

حمزه بعد عن عائشه بخضه

وعائشه نزلت حسن من ع رجلها بخجل

وحسن جري يلعب ف البيت

حمزه/جرا اي ي عمتي ..حد يخض حد كدا

نجلاء/اتلم يواد ووريني اوضتي ال هنام فيها خليني اغير هدومي وارتاح

عائشه /اوضه الضيوف تاني اوضه ع الشمال فوق ..ناديه لسه منضفاها امبارح

نجلاء/مين ناديه دي كمان ..يلا مش مهم

وخدت شنطتها /خلي بالكم من الواد لحد ما انزل ..هو خجول شويتين بس هيتعود ع المكان

حمزه بص ع حسن ال بيلعب ف الصالون وبيرمي المخدات ع الارض /لا هو خجول فعلا

عائشه خبطت حمزه ف كتفه

نجلاء/بتقول حاجه ي ابن اخويا؟

حمزه/لا ابدا ي عمتي خدي راحتك

نجلاء طلعت غرفتها

وعائشه بصت ع حسن لقته بيشد المفرش ال ع السفرا وهيوقع الفاظه والانتيكات ال عليها

عائشه جريت بسرعه ومسكتهم قبل ما يقعو

حمزه/ينهار اسود

وحسن جري للصالون وكان في فازه ع الكومود وقعها كسرها

عائشه/ينهار ابيض الفازه دي لسه شرياها

حسن كان هيوقع التلفزيون حمزه جري بسرعه لحقه ومسكه قبل ما يقع وعائشه شهقت بصدمه

حسن كان هيجري حمزه شاله بسرعه

حمزه/انت اي ياض ال انت بتعمله دا ..محدش عارف يلمك ولا اي

حسن بص له ببراءه/ا العب

حمزه/يعم العب براحتك مختلفناش بس بدون حوادث وخساير

عائشه/انا مش مصدقه بجد

.دا خطر يتساب ل وحده ..كان هيوقع الشاشه يكسرها نصين

نجلاء نزلت من فوق بعد ما غيرت هدومها

نجلاء/في اي مالكم..ومين كسر الازاز دا

حمزه اعطي حسن ل نجلاء/خدي ابنك الخجول دا ..كان هيطربق البيت فوق دماغنا

نجلاء/ي خبتكم .مش عارفين تسطيرو ع حتت عيل مكملش سنتين. امال لما تخلفو هتعملو اي ..يلا يواد ي حسن نطلع ننام

وطلعو الاوضه

حمزه اتنهد

عائشه قربت من ال فازه ال حسن كسرها وبصت ب حزن

عائشه/دي كنت لسه شرياها وكانت عجباني اوي

حمزه راح لها وباس راسها وخدها ف حضنه/معلش ..هشتريلك غيرها

عائشه اتنهدت

في منتصف الليل في غرفه نجلاء وحسن

نجلاء نايمه ع السرير وحسن قاعد جنبها بيبكي ب استمرار وبيصرخ

نجلاء ب انزعاج وهي مغمضه عينها/ي ابني بقي ناام دا انت رخم زي ابوك ..عايز اي تاني ..رضعتك و حميتك وغيرت لك عايز من امي اي تاني

حسن وهو بيعيط/م ماما .

نجلاء/ي اخي يلعن ماما وسنين ماما انت واخواتك هديتو حيلي

في غرفه عائشه وحمزه نايمين وحمزه حط المخده ع ودنه ب انزعاج من الصوت

وعائشه بتتقلب وهي نايمه ومنزعجه من الصوت

عائشه صحيت ب انزعاج/اوووف ي ربي مش عارفه انام

حمزه صحي هو كمان ب انزعاج

حمزه/يارب الصبر من عندك..بيعيط لي دا

عائشه/مش عارفه في اي

حمزه اتنهد

عائشه بصت ل حمزه/انا عايزه انام ومش عارفه

حمزه /تعالي

وخدها ف حضنه وملس ع شعرها

حمزه ابتسم/اعتبريه تدريب علشان لما نخلف ان شاءالله

عائشه ابتسمت/مش متخيله ان ممكن يكون في بيبي صغير مسؤول مننا وبيعيط وبيلعب زي حسن كدا

حمزه ابتسم وباس راسها

عائشه ابتسمت/تحب يكون عندنا بنت ولا ولد؟

حمزه /والله انا عايز نخلف ٤ او ٥ كدا. مش بنت او ولد واحد

عائشه بصدمه/٤ او ٥؟ انا ارنبه؟ شايفني ارنبه؟

حمزه /اه اي المشكله

عائشه خبطته ف كتفه

وحمزه ضحك

حمزه/بس يعني اول بيبي عايزه يكون بنت ..تكون نسخه عنك ف جنانك وحلاوتك وعنادك

عائشه بغيظ/ايوا علشان تحبها اكتر مني

حمزه ابتسم وباس خدها/لا مقدرش ..كل واحده فيكم هتبقي ليها غلاوه خاصه ..هتبقو حياتي كلها ومقدرش اعيش من غيركم

عائشه ابتسمت و حسن بطل عياط

حمزه/ي الله اخيرا ..هدووء ..يلا نلحق ننام بسرعه

عائشه ضحكت وحضنته اكتر ونامو

في اليوم التالي صباحا

عند حمزه ف الصالون لبس جاكيته وخد الموبايل والمفاتيح

نجلاء ال قاعده ع الكنبه/الواد حسن عيط طول الليل .اتمني ميكنش ازعجكم ولا حاجه

حمزه/ازعاج؟ عيب ي عمتي دا الواد نسمه..نمنا طول الليل بكل هدوء

نجلاء/اه ي اخويا اتريق اتريق

حمزه ضحك وحسن عيط ف الاوضه فوق

نجلاء/اهو صحي

وطلعت له

وعائشه طلعت من المضبخ وراحت ل حمزه بابتسامه

عائشه/متتأخرش النهارده .انا هطبخلك ب نفسي مش ناديه.

حمزه ابتسم/هتطبخيلي اي

عائشه عدت ع صوابعها/ محشي ورق عنب و مكرونه بشاميل .و فراخ ولسان عصفور وكل ال انت بتحبه

حمزه ابتسم وبص ف الصالون يتأكد ان مفيش حد جاي وشد عائشه من وسطها وسندت ع الحيطه

حمزه ابتسم /متعمليش فيا كدا والنبي ..انا بروح الشغل مبعملش اي حاجه غير اني مستني الشغل يخلص علشان اجيلك .

عائشه ابتسمت/بجد؟

حمزه باسها من شفايفها

وعائشه ابتسمت

حمزه ابتسم /همشي انا بقي علشان الشغل

عائشه بابتسامه/اوك مع السلامة

وباسته من خده وحمزه ابتسم وفتح الباب ومشي

عائشه موبايلها رن وكانت سما

سما/هالو

عائشه ابتسمت/صباح الخير

سما بابتسامه وفرحه/دا صباح الفل .. إياد جابلي خاتم مؤقتا لحد ما نتخطب ولازم اورهولك انتي وديچا فورا لان من وقت ما إياد لبسهولي ونا عماله ابص عليه زي المجنونه

عائشه ابتسمت/الله الله .و اي تاني حصل من ورانا ي هانم

سما/هو دا بس والله يعني للاسف متكلمتش مع بابي ف موضوعي انا و إياد لانه مشغول جدا جدا الفتره دي وبيفكر يسافر كمان

عائشه/تعالو لي البيت انتي وديچا ونتكلم بس ا

سما/بس اي

عائشه/عمة حمزه ..نجلاء ..موجوده معانا هنا اليومين دول

سما/عمة حمزه ؟!

عند ديچا و جاسر

في بيت ديچا قاعدين بيفطرو وبعد ما خلصو

ديچا صبت نسكافيه وطلعت من المضبخ

جاسر خد منها فنجانه

جاسر بابتسامه/تسلم ايدك

ديچا ابتسمت وقعدت جمبه

ديچا /متطلبش اكل من بره هضبخ لك انا

جاسر مسك ايدها وابتسم /يااه دا انا كدا هتعود ع الدلع دا ..فطار من ايدك وغدا من ايدك ..كدا كتير عليا

ديچا ابتسمت/لا اتعود براحتك انا مستعده اعمل كدا كل يوم من غير زهق

جاسر باس ايدها وموبايله رن

وديچا بصت وكانت نانسي

جاسر/احم

ديچا/احم اي..بترن لي نانسي بقي عايزه افهم.

جاسر/اكيد شغل امال هترن لي

ديچا/امم .طيب افتح بدل ما هي عماله ترن كدا ..وافتح ال سبيكر

جاسر/انعدام الثقه دا ع فكره ا

ديچا بمقاطعه/جاسر افتح

جاسر بصوت واطي/ربنا يستر

و فتح المكالمه

نانسي بابتسامه/جاسر ازيك

جاسر/احم انا تمام وانتي؟

نانسي/انا تمام ..بقالك يومين متجيش الشركه ف قلت اسال في اي .انت كويس ..مع ان حمزه بيه بيجي كل يوم

جاسر/اه اه كويس بس كنت مشغول ف كام حاجه تانيه كدة

نانسي/طيب ما تيجي النهارده دا الشركه وحشه من غيرك اوي

ديچا بصت ل جاسر بمعني والله؟

جاسر/احم ..آه هاجي ان شاءالله..يلا عن اذنك

وقفل

ديچا بغيظ/اي دا بقي ان شاءالله

جاسر/اي؟ انا عملت اي

ديچا بعصبيه/يعني اي بتقولك جاسر عادي وبتقول ل حمزه (بيه )..علاقتكم قريبه للدرجه دي؟ لا وبتقولك كمان الشركه وحشه من غيرك . انا اصلا كنت عارفه انها معجبه بيك من الاول

وقامت بعصبيه وخدت شنطتها /انا رايحه شغلي

جاسر قام بسرعه ومسك ايدها

جاسر/استني بس رايحه فين ..انتي فاهمه غلط والله

ديچا/ابعد ي جاسر بعد اذنك هروح شغلي

جاسر مسك وشها ب ايده /ي روح قلبي والله انتي فاهمه غلط..أنا علاقتي بيها سطحيه جدا ويمكن بتقولي جاسر بس علشان احنا بره الشغل بس ف المكتب بتنادي ب القاب عادي

ديچا ربعت ايدها بغضب/و دة ميمنعش انها ممكن تكون معجبه بيك

جاسر ساب وشها/مش ممكن دا اكيد

ديچا ضربته وجاسر ضحك

جاسر/والله لو الف واحده بتحبني انا مش شايف غيرك انتي.

ديچا ابتسمت

وجاسر مسك ايدها وباسها

رواية وقعت في غرامها الفصل التاسع عشر

في الفيلا عند عائشه في منتصف اليوم

ف المضبخ من اول اليوم بتضبخ ل حمزه الأكل ال بيحبه ..وكل ما تتعب تفتكر ضحكه حمزه ترجع لها الطاقه تاني وتبتسم

عائشه لفه اخر صباع محشي

وناديه خدت الحله وحطتها ع النار وحطت عليها شربه

ناديه/حضرتك ارتاحي انتي ..مرتاحتيش من صباحيه ربنا واقفه ف المضبخ. انا هكمل ال ناقص

عائشه ابتسمت/اوك ي ناديه

وغسلت ايدها ونشفتها وطلعت الصالون

ال كان في نجلاء بتتفرج ع التلفزيون وبتاكل لب ومندمجه مع المسلسل وحسن بيلعب وبلعبته ع الارض

نجلاء/تعالي ي عائشه تعالي ..دلوقتي البت هتدخل البيت هتكتشف خيانه جوزها دلوقتي. السافل الواطي..بقي دي تتخان؟

عائشه قعدت جمبها

نجلاء/نصيحه من عمتك نجلاء ..كل الرجاله خاينين مفيش راجل عدل

عائشه/لاء مش كلهم كدا اكيد

نجلاء/لي هو انتي حمزه مخانكيش قبل كدا؟

عائشه/لاء طبعا.

نجلاء/يختي يبقي هيخون ..كمنكم متجوزين من كام شهر بس ف لسه الحياه وردي ..لسه بقي لما تعدي اول سنه ولسه لما تخلفي هيمل وهيزق وهيبقي عايز يرفهه عن نفسه وهيعرف عليكي بنات تانيه

عائشه سرحت ف كلامها ومصدومه من ال نجلاء بتقوله هي عمرها ما فكرت ان حمزه ممكن يزهق ويمل منها ويبص بره

نجلاء بخبث/يعني انا مبقولش كدا علشان اضايقك لا سمح الله .أنا بس بفتح عينك ع الحقيقه

عائشه انتبهت/لالا انا متضايقتش ولا حاجه

والجرز رن

عائشه /دي اكيد سما هروح افتح لها

نجلاء/سما مين دي كمان

عائشه/صحبتي

وقامت تفتح لها وسلمت عليها

سما بابتسامه/عامله اي ي عيوشه

عائشه ابتسمت/الحمد لله ي روح قلبي. تعالي ادخلي . ديچا مجتش معاكي ؟

سما/لسه مخلصتش شغل .قالت لو معرفتش تيجي النهارده هتجيلك بكره

عائشه /اوك ..تعالي اعرفك ع نجلاء عمة حمزه

ودخلو الصالون

عائشه/دي سما صحبتي من وحنا صغيرين ..و دي عمتو نجلاء ي سما

سما بابتسامه/هاي ..اتشرفت ب معرفه حضرتك

نجلاء سلمت عليها /هاي ي اختي

وقعدو

سما بصت ع الطفل ال ع الارض

سما همست ل عائشه/مين دا ..انتو خلفتو امتي

عائشه/دا ابن نجلاء

سما/واو

عائشه/هروح اقول ل ناديه تعمل لنا حاجه نشربها

ودخلت المضبخ

نجلاء/ازيك ي حلوه

سما بابتسامه/الحمد لله بخير

نجلاء/تعرفي عائشه من زمان؟ شكلكم كلكم حلوين وولاد ناس

سما/اه انا اعرف عائشه من وحنا أطفال

نجلاء/اممم ..وهي وحمزه بيحبو بعض ولا متجوزين عادي كدا صالونات

سما بابتسامه/لاء مشاء الله اكتر اثنين بيحبو بعض ف الدنيا..وحمزه بيعشق عائشه يعني عمره ما نيمها زعلانه ولو اتخانقو ع طول يصالحها. وديما فاهمها من غير ما تتكلم و بيخاف عليها من نفسه وبيغير عليها من أقل حاجه ..يعني لو اتمني حاجه هتمني يكون إياد بيحبني زي ما حمزه بيحب عائشه كدا

نجلاء /ااه وانتي بقي متجوزه؟

سما ابتسمت/لاء .مرتبطه ..ب اياد

نجلاء/يوه .يعني مش مخطوبين

سما/لاء .بس ان شاءالله يحصل قريب

نجلاء/يبقي ييتسلي بيكي

سما/اي ؟ لا طبعا ..إياد بيحبني مستحيل يفكر فيا كدا يعني

نجلاء/ شباب اليومين دول طايشه ..بيبقو عايزين واحده يحبوها يتفسحو معاها ويخرجو ويروحو ويجو و ف الاخر تيجي تقولي له يلا اطلب ايدي..يروح قايل لها جواز اي انا مش بتاع جواز

سما/ ل ..لا لا ..اي ال حضرتك بتقولي دا .إياد مش زيهم خالص .انا واثقه فيه اكتر من اي حاجه ف الدنيا ..ولو عليه نتجوز النهارده قبل بكره بس انا ال بقوله استني

نجلاء/يختي براحتك انا مش قصدي حاجه انا بس بوعيكي. .ولو عايزه تتأكدي روحي كدا قولي له تعالي أتقدم لي شوفي هيتهرب ولا هيقولك يلا بينا

عائشه طلعت من المضبخ هي وناديه ال ف ايدها عصير

سما قامت ومسكت شنطتها

عائشه/اي دا انتي راحه فين

سما /انا . انا ورايا حاجه كدا ولازم امشي

عائشه/حاجه اي ي سما مالك انتي كويسه؟ وبعدين احنا ملحقناش نقعد مع بعض

سما/هبقي اجيلك تاني ان شاءالله

عائشه/طيب انتي جايه بتاكسي ولا بعربيتك؟

سما/لا تاكسي

عائشه/خلاص قولي للبودي جارد ال بره يوصلوكي

سما/تمام

وطلعت بره البيت وعائشه بصت ل نجلاء باستغراب

نجلاء بتاكل لب/ما كمل المسلسل

عند سما اتصلت ب اياد يقابلها ف كافيه

سما قاعده ف الكافيه واياد دخل وشاف سما وراح لها وشد كرسي وقعد

إياد/اي ي حبيبي جبتيني ع ملي وشي لي ..ورايا شغل قد كدا سايبه وجيت

سما/الشغل اهم مني ؟

إياد ابتسم ومسك ايدها/الشغل اهم منك ؟ دا يولع الشغل كله ..بس انتي مالك اي المضايقك؟

سما سابت ايده/هو انت هتيجي تطلب ايدي من بابا امتي؟

اياد/اليومين دول بس يعدو لان فعلا الشغل كتير اوي ف الاستديو ومنمتش بقالي يومين وانتي عارفه.. اول ما الضغط دة يهدي ا

سما بمقاطعه/متتحججش بالشغل ي إياد. انت لو بتحبني بجد وعايز تتقدم لي كنت عملت كدا وسبت الشغل ساعتين وجيت اتكلمت مع بابا .بس انت شكلك بقي واخد الموضوع هزار وبتتسلي

اياد بصلها بصدمه/بتسلي؟!

إياد بغضب/انا بتسلي ي سما؟ هو مش انا طلبت منك ٣ الاف مره تتكلمي مع بباكي وتاخدي منه معاد واروح اتكلم معاه وانتي ال بتقولي لسه بدري ؟ مش مصدقه اني بحبك بجد ومش عايز نعمل حاجه من ورا بباكي .ومش واثقه فيا وفكراني بتسلي ؟

وقام بغضب وكان هيمشي سما قامت بسرعه ومسكت ايده

سما/إياد استني انا بجد اسفه معرفش لي قلت الكلام دا بس انا ا

إياد ساب ايدها وخد موبايله من ع الطربيزه ومشي

وسما قعدت ع الكرسي بحزن وندمت انها صدقت الكلام ال فارغ ال عمة حمزه قالته ..هي بتثق ف اياد وبتموت فيه بس صدقت الاوهام ال دخلتها نجلاء ف دماغها

في فيلا حمزه

في غرفه نجلاء مسكت كيسه الادويه بتاعت حسن ووضعتها و اخفتها ف الدولاب

واتصلت ع حمزه تشوف موبايله في شبكه ولا لا ولقته مغلق وابتسمت بخبث

ونزلت الصالون

عند عائشه ماسكه الموبايل وقاعده ف الصالون

نجلاء بتوتر كاذب /اووف ياربي اعمل اي عائشه /اي الحصل

نجلاء/ادويه الواد خلصت وفي دوا لازم يتاخد كمان ساعه لو مخدوش هيتعب .اتصلي كدا غ الشباب ال واقفه قدام البيت ال اسمهم بودي جارد دول

عائشه/لاء مش بره زمانهم بيوصلو سما ولسه مرجعوش.

نجلاء/طب والعمل اي

عائشه/خلاص هروح انا اجيب الدوا مش مشكله..هتصل ب حمزه بس قبل ما انزل

و رنت ع حمزه تقول له انا خارجه بس موبايله مغلق

نجلاء/رد عليكي؟

عائشه/لاء مغلق

نجلاء/لا ي بنتي متنزليش من غير ما تعرفي جوزك. ل يعمل معاكي مشكله ولا حاجه. خلاص مش مهم يارب الواد بس ميتعبش مني

عائشه/لا طبعا لازم ياخد الدوا..هطلع البس واجيبه بسرعه ..اكتبيلي بس اسم الدوا

نجلاء بخبث /وماله حاضر

عائشه طلعت الغرفه تغير هدومها

نجلاء دخلت المضبخ ل ناديه ال بتعمل سلطه

نجلاء/يختي هناكل امتي وقعنا من الجوع

ناديه/ساعه بالكتير يكون حمزه بيه وصل وهنحط الاكل

نجلاء بفتح الحلل/وريني كدا عائشه من الصبح ف المضبخ بتعمل اي

ناديه ابتسمت/مع انها لسه بتتعلم بس نفسها حلو ف الاكل

نجلاء كلت صابع محشي وقالت بتريقه/مش قد كدا يعني .اكلها عادي ..دا لو حمزه حبيب عمته كل من اكلي .والله ما يقدر ياكل الأكل بتاعها دا.

ع المغرب حمزه وصل الفيلا ودخل البيت

نجلاء بتتفرج ع التلفزيون وحسن نايم ع الكنبه جنبها

حمزه/السلام عليكم

نجلاء ابتسمت/وعليكم السلام يحبيبي ..حمد لله ع السلامة

حمزه خلع الجاكيت بتاعه/امال عائشه فين ..ف المضبخ؟

نجلاء بخبث /خرجت

حمزه/ايي؟! خرجت فين ؟

نجلاء قامت /بصراحه ي حمزه هي راحت تجيب دوا ل حسن .بس انا قعدت اقول لها متنزليش من غير ما تستأذني من جوزك ي بنتي قالت مش مهم وبتاع …مع ان كان ممكن تقول ل حد من البودي جارد ال بره بس اصرت هي تنزل

حمزه/

نجلاء/.بصراحه محبتش تصرفها تنزل كدا من غير ما تقولك .بس مش هتكلم علشان معملش مشاكل

عائشه دخلت البيت بالمفاتيح بتاعتها

عائشه/حمزه.

حمزه بيحاول السيطره ع غضبه /عائشه عايزك فوق

وطلع الغرفه

نجلاء ابتسمت بخبث

عائشه اعطتها الدوا

نجلاء/تسلمي ي اختي تعبتك معايا

عائشه/لا ابدا ولا اي تعب

وطلعت الغرفه ل حمزه ودخلت

حمزه بغضب/انتي ازاي تنزلي من غير ما تعرفيني ؟ ممكن افهم؟

عائشه/رنيت عليك ي حمزه موبايلك كان مغلق وكان لازم اجيب ل حسن الدوا والا كان هيتعب

حمزه بعصبيه /كان ممكن تقولي للبودي جارد ال بره يروحو او تبعتي ناديه بس انتي بتحبي تتصرفي من دماغك

عائشه بعصبيه/ع فكره محصلش حاجه لكل دا انا رحت الصيدليه وجبت الدوا وجيت ..البودي جارد كان بيوصل سما بيتها و ناديه كانت بتضبخ ف اضطريت اروح انا

حمزه رفع صباعه بغضب/مش هتكرر تاني..مفيش طلوع من باب البيت غير لما اعرف …وقلت لك الف مره متعليش ام صوتك دا ..مفهوم؟

ودخل الدريسنج يغير هدومه

عائشه اتنهدت وقعدت ع طرف السرير

بعد شويه حمزه وعائشه ونجلاء قاعدين ع السفرا

و ناديه بتقدم الأكل

حمزه/شكرا ي ناديه

ناديه بابتسامه/لا شكرا ع ايه انا معملتش حاجه..عائشه هانم هي ال واقفه ف المضبخ من صباحيه ربنا مرتاحتش وعملت الاكل دا ..بالهنا والشفا

ودخلت المضبخ

حمزه بص ع عائشه وعائشه كانت باصه قدامها وبتاكل وهي ساكته

ونجلاء بصت لهم وابتسمت بخبث

في بيت إياد

الجرس رن وراح يفتح لقي سما ف ايدها ورد وواقفه ب ابتسامه

سما/هاي!

إياد/بتعملي اي هنا

سما/اي الاستقبال دا؟ اطردني بالمره

إياد سابها ع الباب ودخل قعد ع الكنبه ومسك درع البلايستيشن

وسما دخلت وقفلت الباب

وقعدت جمبه

سما/إياد انا اسفه بجد مكنتش اقصد ازعلك مني والله

إياد مركز ف اللعب

سما/انا بكلمك ع فكره ..وجبتلك ورد

اياد/مش محتاج اسفك ولا محتاج الورد

سما مسكت دقنه وخلته يبصلها/طيب ركز معايا وسيبك من اللعب بعد اذنك

إياد اتنهد وساب الدراع

اياد/عايزه اي سما؟

سما بحزن طفولي/تسامحني

اياد/لاء..طالما مش واثقه فيا ونا بتسلي بيكي ..يبقي نبطلها اصلا

سما خبطته ف صدره بغضب/يعني اي نبطلها..عايز تسبني؟

إياد/مش انتي مش واثقه فيا وشيفاني بتسلي؟ ف علاقه مع واحد بيتسلي لي؟

سما/لاء انا بثق فيك اكتر من اي حاجه ف الدنيا.لو مش واثقه فيك مكنتش هخليك تعلمني السواقه ولو مش واثقه فيك مكنتش هخرج واروح واجي معاك ٢٤ ساعه ولو مش واثقه فيك مكنتش هجيلك البيت دلوقتي ولو مش واثقه فيك مكنتش حبيتك ..أنا مبحسش ب الأمان غير معاك .ازاي مش هثق فيك

اياد/

سما مسكت ايده بحزن/انا اسفه والله انا في حد قالي ان معظم الرجاله دلوقتي بتتسلي ف انا الشيطان صورلي انك ممكن تكون مبتحبنيش وتسبني وتكسر قلبي

اياد مسك وشها ب ايده/انا اقدر اعمل فيكي كدة؟ اسيبك واكسر قلبك؟ دا اموت قبلها ارحم لي ..أنا بموت فيكي ي برنسيسه مبحبكيش بس ..وعمري ما اسيبك ابدا مهما حصل

سما ابتسمت بفرحه/يعني سامحتني

إياد ابتسم/ايوا

سما بابتسامه/انا بحبك

اياد باس ايدها/ونا بموت فيكي

عند عائشه ف الغرفه

خدت شاور وطلعت من الدريسنج روم بعد ما غيرت هدومها وبتنشف شعرها بالفوطه وقعدت قدام المرايه

حمزه دخل الغرفه وراح لها و خد الفوطة من ايدها وبدأ ينشف لها شعرها وباس خدها وباس رقبتها

حمزه/انا اسف

عائشه/

حمزه/كان في مشاكل ف الشغل وكنت جاي مخنوق..حقك عليا

عائشه قامت/ انا تعبانه وعايزه انام

وكانت هتمشي من قدامه

حمزه حاوط وسطها ب ايده وقربها منه

حمزه /الأكل كان حلو اوي اوي تسلم ايدك ..كنت عايز وقتها احضنك وابوسك واقولك تسلم ايدك بس ا

عائشه/بس كنا متخانقين قبلها بربع ساعه

حمزه باس راسها وخدها ف حضنه/حقك عليا ي اغلي حاجه ف حياتي كلها

عائشه ابتسمت وحضنته/ خلاص انا مش زعلانه

حمزه طلعها من حضنه ومسك وشها ب ايده

حمزه/بجد مش زعلانه؟

عائشه ابتسمت/لاء.. مبقدرش ازعل منك اصلا

حمزه ابتسم وباسها من شفايفها وخدها ف حضنه تاني وحضنها بقوه وشم ريحتها/كنت مستني الحضن دا بفارغ الصبر بعد يوم الشغل الصعب دا ..وجودك ف حياتي بيعافيني وحضنك وعنيكي ال بموت فيها بيعافوني ..مش عارف من غير كنت هكمل حياتي ازاي

عائشه ابتسمت وحضنته بقوه/ونا مش عارفه انا عملت اي ف حياتي حلو علشان ربنا يرزقني بيك

حمزه ابتسم وباس راسها

عند ديچا قدام البيت

نزلت من عربيتها وكانت هتدخل البيت مازن زميلها ف الشغل وصل قدام البيت ونزل من عربيته وراح لها

ديچا باستغراب/مازن

مازن ابتسم/عامله اي

ديچا/انا تمام وانت؟

مازن/انا الحمد لله

وطلع من جيبه موبايل ديچا

مازن/كنت رايح لك المكتب توقعي ع ورق بس لقيت تليفونك ع الطربيزه و كان بيرن ف قل انتي نستيه ف جبتهولك

ديچا فتحت شنطتها ودورت ملقتش الموبايل

ديچا/ااه فعلا انا مخدتش بالي خالص وطلعت من غيره

وخدت منه الموبايل

ديچا ابتسمت/ميرسي ي مازن بجد تعبت نفسك

مازن بابتسامه/لا ولا اي تعب ..يلا تصبحي ع خير

ديچا/وانت من اهل الخير

وركب عربيته ومشي

و جاسر وصل و نزل من عربيته وشاف مازن وهو واقف مع ديچا

جاسر وقف قصاد ديچا بيحاول الهدوء

جاسر/البيه دا كان معاكي بيعمل اي

ديچا ابتسمت /كان بيوصلني

جاسر بغضب/فعلا؟ ان مكسرتش عضمه مبقاش انا جاسر

وكان هيروح وراع ديچا وقفته بسرعه

ديچا/استني بس رايح فين انا بهزر ..موبايلي نسيته وكتر خيره جبهولي لحد عندي

جاسر/انا قلت لك ١٠٠ مره انا مش مرتاح لوجود البني آدم دا جنبك ومش طايقه .ف اتمني مشفهوش حاوليكي تاني

ديچا/والله؟ طب ما نانسي حاوليك ٢٤ ساعه وبتضايق ..

عمري قلت لك ارفدها من الشغل أو انقلها؟

جاسر/ديچا الموضوع دا غير الموضوع دا متخلطيش الأمور ف بعض

ديچا بغيظ/لا هو نفس الموضوع. بس الفرق ان مازن انا عارفه قد اي هو محترم ومش شايفني غير زميلته ف الشغل وبس..أما بقي نانسي هانم معجبه بيك

جاسر بيتنفس وبيحاول الهدوء لانه كل ما بيشوف مازن قريب منها اعصابه بتتلف

ديچا ابتسمت/يلا علشان اعمل الأكل وناكل

جاسر /مش جعان كلي انتي انا طالع انام

ديچا ابتسمت/هتسبني اكل لوحدي؟

جاسر بتحذير/والله لو شفته جمبك تاني هقتله

ديچا بابتسامه/طب يلا يلا

واتجهو للبيت

وديچا ابتسمت من غيرته وفتحت الباب ودخلو

ف منزل اياد

عند إياد وسما قاعدين ع الكنبه قدام البلاستيشن

اياد علم سما ازاي تلعب وبيلعبو

اياد ضحك/جووول جبت جوول

سما بضيق/اوووف ع فكره العيب ف الدراع ال معايا دا اكيد بايظ

اياد ضحك/ايوا ايوا اتحججي

سما سابت الدراع بغيظ/خلاص مش لاعبه معاك تاني طالما انت جبت جول للمره ال ٥ ونا لسه صفر

اياد ابتسم/طب خلاص تعالي نجرب نبدل الدراع يمكن يكون بتاعك بايظ فعلا

سما بابتسامه/ماشي يلا

وبدلو الدراعين وبدأو يلعبو واياد خسر نفسه قصدا وسما جابت جوول

سما بفرحه/الله انا جبت جول بجد انا مش مصدقه

اياد ابتسم وصفق ببطئ/برااافو

سما بثقه /قلت لك ان الدراع ال معايا بايظ..والا انا اقدر اكسبك عادي

اياد ابتسم وباس راسها /يلا علشان اوصلك الوقت اتاخر

سما ابتسمت/اوك يلا

وقامو

في اليوم التالي في فيلا حمزه

في الغرفه

عائشه نايمه وحمزه طلع من الدريسنج بعد ما غير هدومه وبص ع عائشه وابتسم وقعد جمبها وقرب منها

حمزه/مش ناويه تصحي بقي ولا اي

عائشه/

حمزه بابتسامه باس خدها وباس عينها وباس رقبتها علشان تصحي

عائشه صحيت من لمساته وابتسمت وفتحت عينها

حمزه ابتسم وباس شفايفها/صباح الفل ..اي النوم دا كله

عائشه ابتسمت /صباح الخير

حمزه/انا خلصت ورايح الشغل مكنش ينفع امشي قبل ما اخد الحضن بتاعي

عائشه ابتسمت وقعدت ع السرير وحضنته بقوه وحمزه ابتسم

وطلع من حضنها ورجع شعرها ورا ودنها ومسك وشها

حمزه/يلا انا همشي عايزه حاجه؟.

عائشه ابتسمت/عايزه سلامتك..ومتتاخرش .

حمزه /الاتنين؟

عائشه /دا لو مش هيضايقك يعني

حمزه ضحك وباس خدها

وخد الجاكيت والموبايل وطلع برا الغرفه وعائشه نامت تاني بابتسامه وحضنت المخده

رواية وقعت في غرامها الفصل العشرون

في منتصف اليوم عائشه قاعده ف الصالون مع ديچا و نجلاء

نجلاء وهي بتشرب الشاي/اممم قلتي لي اسمك اي

ديچا ابتسمت/ديچا

نجلاء/انتي كمان صاحبه عائشه زي سما الحلوه دي

ديچا/اه احنا صحاب من زمان

عائشه ابتسمت وشاورت ع حسن/بصي ودا حسن ابنها ال بيلعب ع الارض دة

ديچا ابتسمت/عسول مشاء الله

نجلاء/وانتي بقي متجوزه ي ديجا

عائشه/ديچا

نجلاء/ما دا ال انا قلته. ديجا

ديچا/احم ما علينا ..انا مش متجوزه بس مرتبطه

نجلاء/يختي كلكم مرتبطين كدا مفيش حد متجوز

ديچا بابتسامه/ان شاءالله يحصل قريب يعني

نجلاء/متتأكديش اوي كدة

ديچا/يعني اي

نجلاء/يعني ممكن يخونك ف تفشكلو الجوازه

ديچا بصت ل عائشه

عائشه بصت ل نجلاء بغضب

نجلاء/بتبصيلي لي انا بوعيها ..وبوعيكي انتي كمان كمني حبيتكم يعني ..هما صحيح يمكن بيحبكو زي ما انتو بتقولو ..بس دا ميمنعش ان ممكن واحده حلوه مثلا معاهم ف الشغل تاكل عقلهم ويعجبو بيها ..ف بقول لكم تحطو عينكم ف وسط راسكم

ديچا افتكرت نانسي وعائشه افتكرت سهيله

نجلاء بخبث/ما اقوم اغير للواد حسن..تعالي ي حبيبي

وشالتو وطلعت

ديچا/اي ال هي بتقوله دا

عائشه/متحطيش كلامها ف دماغك جاسر بيموت فيكي وكلنا عارفين دا كويس

ديچا/وقولي الكلام دة ل نفسك وشك قلب لما سمعتي كلامها..حمزه بيعشقك وانتي عارفه دا كويس

عائشه/انا هقوم اكلمه

ديچا اتنهدت

وعائشه قامت ودخلت المضبخ ورنت عليه

حمزه رد بابتسامه/نعم ي الي عامله معني ل حياتي كلها

عائشه ابتسمت/انت وحشتني

حمزه ابتسم/اتأكدي انه مش اكتر مني

عائشه/انت مشغول؟

حمزه /يعنى شويه ..كنتي عايزه حاجه؟

عائشه /هو انت نقلت سهيله زي ما وعدتني؟

حمزه ابتسم /اه اتنقلت النهارده الصبح

عائشه بابتسامه/بجد

حمزه/اي زعلتي؟ ممكن ارجعها

عائشه بغيظ/جرب اعملها كدا وشوف هعمل اي

حمزه ضحك

حمزه/طب عايزه حاجه تانيه ولا اقفل اكمل شغل

عائشه ابتسمت/اه هاتلي حاجه حلوه

حمزه ابتسم/ اجبلك اي

عائشه/تشوكلت وشبسي وايس كريم..وهات ل حسن معاك

حجات يقدر ياكلها ..عصير مثلا

حمزه ابتسم/من عيوني ..حاجه تانيه؟

عائشه ابتسمت/لا شكرا .متتاخرش ماشي؟

حمزه بابتسامه/حاضر

وقفلت الخط

عند ديچا قامت تشم هو وتكلم جاسر ف البلكونه

رنت عليه مردش

ديچا/والله؟

ورنت تاني

جاسر/نعم ي حبيبتي ..اسف مخدتش بالي من الرنه الاولي

ديچا/مشغول اوي كدا؟.

جاسر/يعني الشغل كتير اوي اليومين دول

ديچا/اممم اوك

جاسر/وانتي مشيتي من عند عائشه ولا لسه

ديچا/لسه بس شويه وهمشي(وابتسمت)تحب اعملك اكل اي النهارده

جاسر ابتسم/اي حاجه من ايدك حلوه ..يعني مثلا لو جبتي طبق كدا وحطيتي في سم مع شويه مكرونه هاكل المكرونه ونا مبسوط

ديچا ابتسمت بحب

الباب خبط ونانسي دخلت

نانسي/جاسر عيزاك توقع ع الورق دا ضروري

جاسر حط ايده ع سماعه الموبايل وقال بصوت واطي /توقيتك رائع ي نانسي

ديچا بغضب/اسيبك انا بقي ل اشغلك او حاجه ي جاسر بيه

جاسر/ديچا استني

ديچا بعصبيه/لاء استني اي اسيبكم لوحدكم بقي شوف ورق اي ال هي عيزاك توقعه ونا هقفل

جاسر بصوت واطي/ديچا اهدي و متعليش صوتك

ديچا اتنهدت بغضب

جاسر/لما ارجع البيت هنتكلم ف الحوار دا

ديچا بغضب/لا مش هنتكلم ف حاجه ومفيش اكل هعملهولك كمان

وقفلت الخط

جاسر/طب والاكل زنبه اي ط..احم ..ماشي ي حبيبتي يلا باي

وقفل الموبايل

نانسي/انا شكلي جيت ف وقت مش مناسب

جاسر/لا مفيش دي كانت خطيبتي ديچا بس

نانسي /اممم خطيبتك ..تمام

جاسر وقع الورق ونانسي خدته ومشيت

وجاسر اتنهد

ديچا راحت الصالون

عائشه قعدت جمبها/مالك متعصبه كدة لي

ديچا/ مش مرتاحه ونانسي طول الوقت حوالين جاسر .

عائشه/اممم مش هقدر الومك لان حصل معايا نفس المشكله.

ديچا/

عائشه/طب ما تقولي له جاسر ينقلها

ديچا/هي نانسي حلوه… بس جاسر اكيد مش هيبصلها يعني ..بيحبني انا صح؟

عائشه ضحكت /ي روح قلبي ع الغيرانه .بجد مش مصدقه انك بتحبي وبتغيري كمان

وحضنتها

ديچا/انا مش غيرانه ع فكره

عائشه طلعتها من حضنها/طبعا. واضح ..بس من ناحيه دي اطمني جاسر مبيشوفش غيرك ..افتكري كدا الحجات ال عملها علشانك..هتتاكدي انه بيموت فيكي

ديچا ابتسمت

عند استديو إياد

طلع من الاستديو وكان هيمشي مي السكرتيره راحت وراه بسرعه وهي ماسكه ورق ووقفته

مي/إياد بيه استني ..هقولك ع مواعيد التسجيل مع الفنانين علشان متلغبطش المواعيد ويحصل مشاكل

إياد/طيب بسرعه قولي

وهي بتشرح سما وصلت بعربيتها وهي السايقه ونزلت قدام الاستديو

إياد اول ما شافاها هي ال سايقه ومفيش سواق موجود جري عليها بسرعه

إياد مسك ايدها/انتي كويسه ؟ حصلك حاجه؟ ها؟.

سما ابتسمت/انا زي الفل

اياد/ سايقه بنفسك لحد هنا انتي اتجننتي؟

سما ابتسمت بفرحه/ايوا ي إياد سقت لوحدي ل اول مره بقالي سنين السواق ال بيوصلني او ديچا وعائشه دلوقتى بقيت بسوق بنفسي خلاص

اياد ساب ايدها/انتي لسه متعلمتيش كل حاجه بتتصرفي من دماغك لي..افرض حصلك حاجه حرام عليكي هتوقعي قلبي

سما ابتسمت ومسكت ايده/لاء انا اتعلمت كل حاجه بسببك .مش عارفه من غيرك كنت هعمل اي ..انا بحبك اوي

إياد ابتسم وباس ايدها

اياد/بس لسه برضو انا مش متطمن اسيبك تسوقي لوحدك

سما/والله اتعلمت. انا جايه من بيتنا لحد هنا لوحدي ..ولو مش مصدق ممكن نعمل سباق انا وانت اي رايك

اياد/اهو الجنان بدأ اهو

سما/يلا ي إياد علشان خاطري ..ونروح مكان فاضي او واسع علشان تكون متطمن

إياد اتنهد/ ماشي ربنا يستر

ع المغرب

عند جاسر وصل البيت وراح رن الجرز ع بيت ديچا

ديچا فتحت الباب وهي لابسه بيجامه البيت و ماسكه مغرفه ف ايدها

ديچا/خير؟

جاسر ابتسم/وحشتيني

ديچا/ماشي

وكانت هتقفل الباب جاسر مسك الباب ومنعه انه يقفل

جاسر /هو اي ال ماشي وبتقفلي الباب ف وشي ..انا بقولك وحشتيني

وكان هيمسك ايدها ديچا قربت منه المغرفه بتحذير

جاسر بعد راسه عن المغرفه ال حطاها ف وشه

جاسر/هتقتليني؟

ديچا/ممكن تمشي لاني مش فاضيه

جاسر/طب انا جعان ..مش هتأكليني ولا اي..الشغل كتير اوي اليومين دول ونا تعبان والله

ديچا ربعت ايدها بغضب/لاء . مفيش اكل

جاسر قرب منها/طيب استهدي بالله وتعالي ندخل نتكلم

ديچا/لا مش عايزه اتكلم معاك اصلا

جاسر مسك ايدها/تعالي بس واستهدي بالله

ديچا اتنهدت ودخلو وهو ماسك ايدها وقفل الباب

وقعدهل وديچا حطت المغرفه ع الطربيزه

جاسر قعد جمبها/ممكن تفهميني انا عملت اي لكل دا ؟ زعلانه مني لي طيب

ديچا بغضب/ع اساس مش عارف اي السبب؟

جاسر/نانسي السبب بس شايف انه موضوع ميستاهلش زعلك ..وحنا كنا بنتكلم هي دخلت علشان امضي ع ورق وطلعت تاني

ديچا/انا مش مرتاحه طول ما هي جنبك ف الشغل

جاسر مسك ايدها/لو عيزاني انقلها هنقلها بس عايزك تتأكدي ان عيني مبتشوفك غيرك ولا هسمح ل اي واحده تقرب مني لاني بحترم غيابك قبل وجودك لاني بموت فيكي

ديچا ابتسمت بخجل

جاسر ابتسم وباس ايدها

جاسر/هتأكليني؟ والله لو ما كلت من ايدك مش هطلب اكل من بره وهنام جعان ونا مكلتش حاجه من الصبح.

ديچا ابتسمت/لا خلاص انا عملت لك اكل اصلا ومستنياك تيجي ناكل سوا

جاسر لمس خدها/منا عارف ان انا مش ههون عليكي

ديچا ابتسمت /هروح اجهز الاكل

وقامت وجاسر ابتسم

في فيلا حمزه

دخل البيت وهو شايل أكياس كتيره عائشه راحت له بابتسامه وحضنته

عائشه /وحشتني

حمزه ابتسم بتعب وحضنها بقوه وباس راسها /مش اكتر مني

عائشه طلعت من حضنه

عائشه/انت كويس؟

حمزه مسح وشه ب ايده /كويس بس مرهق شويه..الشغل كتير الفتره دي ..جبتلك كل الحجات ال نفسك فيها اهي

عائشه اخدت الاكياس وابتسمت

رغم انه جاي تعبان بس اشتري لها ال حجات ال طلبتها

عائشه/بس دا كتير اوي

حمزه خلع الجاكيت/مفيش حاجه تكتر عليكي .وجبت ل حسن برضو زي ما قلتي لي.. هي عمتو فين صحيح

عائشه /فوق بتنيم حسن

حمزه /انا هطلع اغير هدومي

وموبايله رن وكنسل

عائشه/مين؟

حمزه/لا ولاحد

وطلع الغرفه

وعائشه دخلت الحجات ال جايبها المضبخ

وطلعت فوق وقعدت ع طرف السرير

وحمزه طلع من الدريسنج روم بعد ما غير هدومه وجاتله مسدج كتير ورا بعض

عائشه بشك/مين ال مُصر ترد عليه دلوقتي دا

حمزه/متاخديش ف بالك

ومسك الموبايل والموبايل رن

عائشه قامت من ع السرير/لاء رد ي حمزه ..و رد قدامي

حمزه/نعم؟!

عائشه بعصبيه/من اول ما وصلت وموبايلك مبطلش رن ومسدجات وبقولك مين وانت مبتقولش مين ..موضوع خاص للدرجه دي؟!

حمزه بغضب/ وطي صوتك

عائشه بنفس العصبيه/لا مش هوطي صوتي انا محتاجه أعرف مين ال بيتصل ويبعت مسدج ب اصرار اوي كدة وانت مخبي عليا وبتكنسل

حمزه بعصبيه/المسدجات و المكالمات من زفت الشغل ..جاي تعبان ومش قادر ارد علشان كدة بكنسل .

عائشه /ونا المفروض اصدق

حمزه بعصبيه/اه المفروض تصدقي لان المفروض تكوني واثقه ان عمري ما اكذب عليكي ..وعلشان تتأكدي اكتر اتفضلي

واعطاها الموبايل وكان المكالمات و المسدج من الشغل فعلا

عائشه مسكت ايده/حبيبي انا اسفه والله انا بس ا

حمزه بمقاطعه ساب ايدها وطلع بره الغرفه ورزع الباب

عند إياد وسما

كل واحد راكب عربيته وبيعملو سباق والعربيتين قصاد بعض

سما بصت ل اياد وابتسمت زودت السرعه وسبقته

واياد ابتسم وزود السرعه وبقي قصادها

وسما زودت السرعه اكتر وسبقته وهي ال كسبت

ووقفت العربيه ونزلت واياد وصل بعدها ونزل من العربيه

سما بفرحه/انا ال كسبت..مش مصدقه نفسي

إياد صفق ببطئ/برااافو

سما/شفت بقي اني بقت بعرف اسوق وميتخفش عليا

إياد ابتسم وقرب منها/لا خلاص انا اطمنت عليكي كدة ..ال يضايق ف موضوع تعليمك السواقه انك مش هتطلبي مني اوصلك تاني ودي حاجه كنت بحب اعملها الصراحه

سما بابتسامه/تؤ هطلب توصلني لاني بتلكك اكون جمبك كل شويه

إياد ابتسم وباس ايدها

اياد/استني

وراحت فتح عربيته وطلع بوكيه ورد وراح اداهولها

سما خدته بفرحه/دا علشاني؟

اياد/انا كنت جايبهولك من غير سبب بس طالما كسبتي السباق اعتبريه هديه ل السبب دة

سما بابتسامه/ربنا يخليك ليا يارب

إياد ابتسم/هسيب عربيتي هنا وهرجع اخدها تعالي وصلينا نروح مكان نتعشي سوا

سما بابتسامه/يلا بينا

في نهايه اليوم في فيلا حمزه

عائشه قاعده ف الصالون مع نجلاء وحسن و قاعده سرحانه

نجلاء بخبث/سمعت صوت عالي كدا لما حمزه رجع من الشغل .انتو اتخانقتو؟

عائشه انتبهت/ها؟ لا لا احنا كويسين

نجلاء/سبق وقت لك المشاكل هتبدأ واحده واحده .هيزهق منك واحده واحده وهيبص بره .ولسه مع الحمل والولاده هيتخنق اكتر وهيبص بره اكتر

عائشه بصت لها

نجلاء/انا يختي مبقولش كدا علشان اضايقك متفهمنيش غلط .عيزاكي بس تاخدي بالك من جوزك ل يتشقط كدا من البنات السافله ال بتحب الرجاله المتجوزه ..انا خايفه عليكم

عائشه/لا متخافيش .حمزه بيحبني ومستحيل يبص بره زي ما انتي بتقولي .وعمره ما يفكر يجرحني ويفكر ف اي واحده غيري ..عن اذنك هطلع انام

وطلعت الغرفه

نجلاء/اذنك معاكي يختي..يلا يواد ي حسن نطلع ننام

وشالت حسن

عند عائشه دخلت الغرفه لقت حمزه نايم ع السرير بس لسه صاحي

عائشه قربت منه وقعدت جمبه

عائشه/حمزه

حمزه/

عائشه مسكت وشه ب ايدها/هتفضل زعلان مني كدة كتير؟

حمزه/عائشه نامي ..انا تعبان وهنام مش عايز صوت

عائشه /طب منا عايزه انام انا كمان..بس مش هعرف انام الا ف حضنك ..تعودني ع كدا طول الفتره ال فاتت وجاي دلوقتي تقولي نامي بعيد عني

حمزه بغضب/اه ومش عايز وش

عائشه بحزن /تمام

ونامت بعيد عنه وحمزه مقدرش يقسي عليها اكتر من كدا وحاوط وسطها ب ايده وقربها منه ونيمها ف حضنه

عائشه بصتله بحزن/انا اسفه ..والله ما هتصرف بالغباء دا تاني . انت جاي من الشغل تعبان ونا زودت عليك وعملت مشكله من غير سبب ..انا عارفه انك بتحبني ومستحيل تكذب عليا او تخون ثقتي بس من كتر منا بحبك خايفه ا

حمزه مقاطعه/لاء متخافيش ..اتاكدي ديما اني بموت فيكي ومستحيل اخونك او اخون ثقتك .. بحبك لدرجه اني مش شايف غيرك .انتي السبب ال عايش علشانه اصلا

عائشه ابتسمت/سامحتني طيب؟

حمزه مسك دقنها ورفع وشها وبقت بصاله

حمزه/لسه متصالحتش اوي

عائشه ابتسمت وباسته من شفايفه وبعدت عنه بعد ثواني

وحمزه باس راسها وباس خدها ونيمها ف حضنه تاني وملس ع شعرها

وعائشه حضنته بقوه وابتسمت

في اليوم التالي

في فيلا حمزه

عائشه وحمزه نزلو من فوق لقو نجلاء غيرت هدومها ولمت شنطتها وشايله حسن ع ايدها

حمزه/اي دا ي عمتو انتي رايحه فين

نجلاء/همشي بقي ي حبيب عمتك ..جوزي رن عليا تعبان والعيال هدو حيلو وف المستشفى دلوقتي

حمزه/الف سلامة عليه لو احتاجتو اي حاجه كلموني .حتي لو عيزاني اجي معاكي هاجي

نجلاء ابتسمت/حبيبي تسلملي يارب مش مستاهله ان شاءالله تعب بسيط …انبسطت الكام يوم ال قعدت معاكم فيها والله ي حبايبي

نجلاء ف سرها/مع ان كان نفسي طلاقكم يبقي ع ايدي بس نصيب

عائشه ابتسمت/حضرتك هتوحشينا والله ..وحسن كمان هيوحشني

وباست حسن

وحمزه ابتسم/تعالي يلا هوصلك للموقف

نجلاء/ماشي ي حبيبي

وحمزه شال شنطتها

وقال ل عائشه

حمزه/هوصلها واروح ع الشركه .عايزه حاجة ؟

عائشه بابتسامه/عايزه سلامتك

حمزه باس راسها

ومشي هو و نجلاء وحسن وطلعو بره البيت

وعائشه كانت هتستفرغ طلعت بسرعه ع الحمام

وبعد دقايق طلعت من الحمام وهي ماسكه بطنها بوجع

وتليفونها رن وكانت ديچا

عائشه قعدت ع السرير وردت

ديچا/الو..عامله اي

سما من جمب ديچا/انا عند ديچا وديچا واخده اجازه النهارده ما تجي نقضي اليوم سوا

عائشه بوجع /انا مش كويسه خالص مش عارفه مالي فجأه بطني قلبت ومغص مش قادره

ديچا/دا بجد؟ طب فين حمزه وتروحو للدكتور يمكن برد

عائشه/حمزه بيوصل عمتو نجلاء لانها مشيت وبعدين هيروح ع الشركه

سما ابتسمت بفرحه/برد اي انتو مبتتفرجوش ع مسلسلات..ما يمكن عائشه حامل

عائشه /اي؟

سما بفرحه/انا هبقي خالتو انا مش مصدقه

ديچا ابتسمت بفرحه/دا بجد

عائشه /انتو بتستعبطو. علشان رجعت وجالي مغص يبقي حامل؟

سما/اه اي المشكله..يلا خدي حمزه ورحي اتاكدي عند الدكتوره

عائشه/لا مينفعش. لو عرف هيفرح اوي وممكن مطلعش حامل ف الاخر حرام اكسر قلبه بالشكل دا

ديچا/طب بصي انا هقولك ع حل كويس ..هاتي اختبار حمل من اي صيدليه .وتعالي لنا البيت هنا وتعمليه نتأكد انك حامل .بعدين تفرحي حمزه بالخبر دا

عائشه اتنهدت/اوك هعمل كدا

وقفلت المكالمه وابتسمت ل فكره انها تكون حامل

ورنت علي حمزه

حمزه رد عليها وهو سايق

حمزه/نعم ي حبيبي

عائشه بتعب/وصلت عمتو؟

حمزه/اه وصلتها الموقف ورايح ع الشركه ..بس انتي مال صوتك..انتي كويسه؟

عائشه/احم لا عادي انا كويسه

حمزه/متأكده؟

عائشه/اه انا بس متصله علشان اقولك هروح ل ديچا البيت سما معاها واتصلوا بيا نقضي اليوم سوا

حمزه/ماشي ي حبيبتي مفيش مشكله ..خلي بالك من نفسك

عائشه بابتسامه/حاضر .يلا باي

وقفلت وابتسمت

بعد كام ساعه

في بيت ديچا عند البنات

عائشه ف التويلت وديچا وسما واقفين قدام الباب مستنينها تطلع

ديچا/يلا بقي ي عائشه هنموت ونعرف النتيجه

سما بفرحه/حامل انا حاسه ان شاءالله تبقي حامل

ديچا بابتسامه/يارب يارب

عائشه طلعت من الحمام وهي ماسكه اختبار الحمل

ديچا وسما/هاااا

عائشه /خطين!! انا حامل؟!!

ديچا وسما صوتو بفرحه/اااااه

وحضنوها

وعائشه ضحكت بفرحه/انا حامل بجد؟ انا مش مصدقه نفسي

سما بفرحه/هنبقي خالتو ل اول بيبي ف الشله انا مبسوطه اوي

ديچا بفرحه/الحمد لله

عائشه بابتسامه ودموع/انا مش مصدقه .. حمزه هيفرح اوي