تحميل رواية وقعت في غرامها بقلم نونا pdf

رواية وقعت في غرامها الفصل الواحد والعشرون

فيلا حمزه مساءا

حمزه دخل البيت لقاه هادي ومفيش صوت و عائشه اعطت ل ناديه اجازه النهارده

حمزه/عائشه

وطلع ع السلم ودخل غرفه النوم

و الاوضه مليانه ورد وشموع

وبص ف نص الغرفه لقي عائشه لابسه دريس شيك و حاطه ميك خفيف وواقفه بابتسامه

حمزه صفر ب إعجاب وبصلها من فوق لتحت

حمزه /اي دا اي دا ..اي الحلاوه دي

عائشه بابتسامه/حمد لله ع السلامة ي حبيبي

حمزه قرب منها وقربها ل حضنه وباس راسها/الله يسلمك ي روح قلبي ..وبعدين معاكي بقي هتفضلي تحلي ف عيني لحد امتي

عائشه ابتسمت وحمزه باسها من شفايفها

عائشه/حمزه

حمزه رجع شعرها الناحيه التانيه

حمزه/نعم

وشم رقبتها وباسها من رقبتها

عائشه بابتسامه/عايزه اوريك حاجه

حمزه وهو سرحان فيها وباس كتفها/مش وقته خالص

عائشه بابتسامه /بس حاجه مهمه حمزه اتنهد وبعد عنها /اتفضلي ي ستي

عائشه جابت من الدرج كوتشي صغير للأطفال حديثي الولاده وراحت ل حمزه

حمزه بعدم فهم/دا بتاع مين دا ..حسن نسيه هنا؟

عائشه دمعت بابتسامه وهزت راسها ب لاء/انا حامل

حمزه /اي؟!

عائشه هزت راسها بدموع وابتسامه /ايوا انا حامل ..هتبقي اب ..هيجيلنا بيبي خلاص

حمزه بفرحه حضنها بقوه /انا مش مصدق نفسي ..انتي حامل بجد

عائشه ضحكت بفرحه /ايوا

حمزه بفرحه شالها ولف بيها

عائشه ضحكت/حمزه مينفعش تعمل كدا

وشاورت ع بطنها

حمزه نزلها بسرعه/ايوا صح البيبي انا اسف

رفع راسه لفوق يشكر ربنا /الحمد لله يارب

.الحمد لله

وباس ايدها الاتنين وباس راسها وباس خدها

حمزه/انا مش مصدق نفسي ..دة احلي خبر سمعته ف حياتي

عائشه بابتسامه/ونا مبسوطه اوي ..توقعت انك هتفرح بس متوقعتش للدرجه دي

حمزه/طبعا لازم افرح ..وفرحان علشان دا منك انتي. من روح قلبي ال عايش علشانها ..انا بعشقك

عائشه بابتسامه حضنته /ونا بموت فيك

حمزه باس راسها بفرحه وحضنها بقوه

في اليوم التالي

في غرفه عائشه

عائشه نايمه وصحيت ع لمسات حمزه ال بيبوسها ف كل حتي ف وجهها

عائشه بابتسامه فتحت عينها /صباح الخير

حمزه بابتسامه/ي صباح الفل

وجاب من ع الكومدينو صنيه الفطار ال مجهزها وحطها ع رجله

حمزه/يلا علشان تفطري .جهزت لك الفطار

عائشه اتعدلت وقعدت بابتسامه/اي دا ..عاملي الفطار وجايبهولي لحد عندي ع السرير

حمزه ابتسم/شفتي بقي. حتي انا ال عامله بنفسي ناديه لسه مجتش

عائشه باسته من خده /ربنا يخليك ليا يارب

حمزه ابتسم

عائشه بغيظ ضربته ف كتفه /بس هو لازم احمل يعني علشان تجبلي فطار لحد عندي

حمزه ضحك وباس ايدها

حمزه/من هنا ورايح متتعبيش نفسك ف اي حاجه تخلي بالك من نفسك ومتعمليش مجهود..انا لو ينفع احبسك هنا طول ال ٩ شهور هعمل كدة

عائشه/والله؟ هتحبسني ف الاوضه هنا ٩ شهور واموت من الملل علشان حضرتك ترتاح

حمزه لمس خدها/بعد الشر عليكي

والجرس رن

حمزه/كملي فطار هروح افتح تقريبا دي ناديه

عائشه /اوك

وحمزه طلع من الغرفه وعائشه بدأت تفطر بابتسامه

وحمزه نزل الصالون وفتح لقي ناديه ف وشه وجايه بتنهج

ناديه/انا اسفه جدا جدا والله ي حمزه بيه ع التأخير بس كان في زحمه والله العظيم

حمزه/ولا يهمك ي ناديه. عايزك بس تخلي بالك من عائشه متخلهاش تعمل اي مجهود او تتعب لانها حامل

ناديه بفرحه/بجد ..الف الف مبروك

حمزه ابتسم/الله يبارك فيكي

ودخلت البيت وحمزه كان هيقفل الباب بس سالم وهدي راحو ع الباب بفرحه اول ما عرفوا ان عائشه حامل

ووراهم جاسر وديچا واياد وسما

سالم بفرحه/صحيح ال انت قلتهولي ف الموبايل دة ي حمزه

هدي بفرحه /عائشه حامل بجد ..هيجيلنا حفيد

حمزه بابتسامه/ايوا عائشه حامل

سما وديچا ابتسمو واياد وجاسر سلمو عليها وحضنوه وباركوله

جاسر بابتسامه/الف مبروك ي حمزه

إياد بابتسامه/هنبقي اعمام يعني..الف مبروك

سما و ديچا بابتسامه/الف مبروك ي حمزه

حمزه بابتسامه/الله يبارك فيكم

سالم وهدي بفرحه حضنو حمزه وباركوله

/هنطلع نبارك ل عائشه

وطلعو الغرفه

مساءا ف الفيلا

في غرفه عائشه

عائشه نايمه ع السرير وماسكه الموبايل

وحمزه دخل الاوضه وراح نام ف حضن عائشه

عائشه ابتسمت وسابت الموبايل

حمزه اتنهد بابتسامه/مش هتصدقي انا فرحان قد اي علشان هيجيلنا بيبي وهبقي اب.

عائشه بابتسامه/ونا كمان فرحانه اوي اوي وفرحانه علشان البيبي انت هتبقي بباه ..قد اي هو هيبقي محظوظ بيك .هيبقي عنده احن اب ف الدنيا

حمزه ابتسم/وهو هيبقي عنده أجمل أم ف الدنيا

وبعدين كشر/بس لو طلع ولد وقرب منك هوأده

عائشه ضحكت/اي ال انت بتقوله دا ..دا هيبقي ابني

حمزه/مليش انا ف الكلام دة ..هيجي بقي يشاركني فيكي ويطلب يحضنك ويبوسك يبقي يفكر يعملها كدا

عائشه ضحكت وحمزه باسها من رقبتها و حضنها اكتر ونام

وعائشه ابتسمت

في اليوم التالي

حمزه خرج من الدريسنج بعد ما غير هدومه وبيزرر ال قميص

وعائشه بدأت تصحي وفتحت عينها

حمزه بابتسامه/صباح الفل

عائشه ابتسمت /صباح الخير ..انت رايح فين كدا

حمزه/الشركه

عائشه قعدت ع السرير بغيظ/انت هتسبني وتروح الشغل ونا حامل

حمزه /منا هعمل اي ي روح قلبي انا سايب الشغل هناك يضرب يقلب اصلا

عائشه بحزن /خلاص براحتك

حمزه كان هيفك ازرار القميص تاني /والله اخلع ومرحش ف حتي انا اصلا بتلكك.

عائشه ابتسمت/لا خلاص روح شغلك..اكيد مش هتقعد جمبي ال ٩ شهور بتوع الحمل يعني

حمزه قرب منها/وعد مش هتأخر

وباسها من شفايفها

حمزه/وهجبلك حجات حلوه من ال انتي بتحبيها

عائشه ابتسمت/ماشي موافقه

حمزه/خلي بالك من نفسك .لو عرفت انك تعبتي نفسك ف اي حاجه هزعل منك ي عائشه

عائشه/حاضر بس متتاخرش زي ما وعدتني

حمزه باس راسها وعائشه حضنته و حمزه ابتسم ومشي

في الفيلا عند سما

إياد قاعد مع ابو سما ف الصالون

الخادمه دخلت وقدمت القهوه

إياد/انا قلت اجي الصبح بدري الحق حضرتك قبل ما تروح شغلك وقبل ما سما تصحي برضو لاني عايز اعملهلها مفاجأه..قلت ل سما اكتر من مره تاخد من حضرتك معاد بس هي تقريبا كانت خايفه تفتح معاك الموضوع…بس سما تستاهل احسن حاجه ف الدنيا..هي اغلي حاجه ف حياتي .. متستاهلش اقابلها او اكلمها من ورا حضرتك

كامل والد سما ابتسم/ وانت كبرت ف نظري ي إياد. باين عليك ابن أصول وراجل بجد

إياد ابتسم/ربنا يخليك..انا بس جيت اتكلم مع حضرتك الاول اشوف رايك .بعدين اجيب والدي ووالدتي ونطلب ايد سما ونقرأ الفاتحه..اهلي ساكنين بعيد عني بس هروح لهم النهارده اتكلم معاهم

كامل بابتسامه/ماشي ي ابني ع خيره الله ..تعالو بعد يومين تنورو

إياد ابتسم بفرحه/تمام اوي

وقام سلم عليه

إياد/تشرفت بمعرفه حضرتك جدا والله

كامل ابتسم/مستعجل ليه مشربتش قهوتك حتي

إياد ابتسم/ نشربها ف قرايه الفاتحه ان شاءالله

كامل ابتسم/ان شاءالله

واياد مشي وكامل قعد يشرب القهوه بتاعته

سما نزلت من فوق بعد ما صحيت من النوم وهي بتربط شعرها كعكة عشوائيه

ونزلت ل كامل الصالون

سما قعدت قصاده/ اي ي كموله كان معاك ضيف ولا اي

كامل/كموله؟ مش هتبطلي تدلعيني الدلع دا

سما ضحكت/ماله كموله مش عاجبك

كامل ضحك/ربنا يصبرني عليكي يارب ..المهم اه انا كان معايا ضيف ..عريس جاي يتقدم لك

سما بتوتر/اي ؟ ع عريس

كامل /اه اي المشكله انتي ناويه تقعدي ف اربيزي ولا اي الجواز مكنش ف حسبتك؟

سما/احم لاء مش حوار مكنش ف حسبتي بس انا مش عايزه اتجوز دلوقتي

كامل/مفيش حاجه اسمها مش هتجوز دلوقتي. العريس جاي مع اهله بعد يومين وادتهم كلمه خلاص

سما قامت بغضب/بس انا مش موافقه مش عايزه اقعد مع عرسان انا

كامل/انا قلت كلامي الاخير ..وبعدين مسألتيش ع اسمه ولا حتي شفتي صورته .رافضه المبدأ وخلاص؟

سما ربعت ايدها بحزن/ايوا رافضه المبدأ وخلاص .ومش هقعد معاه زي ما قلت لك ولا هتجوزه

وطلعت غرفتها و كامل ابتسم وكمل شرب القهوه

سما في غرفتها اتصلت ع عائشه و ديچا مكالمه جماعيه

عائشه و ديچا/صباح الخير

سما بغضب/صباح الزفت

عائشه /اي دا في اي

ديچا/في اي مالك بس

سما/بابا قال اي جايبلي عريس وعايزني اقعد معاه اشوف هيعجبني ولا لا

عائشه وديچا ابتسمو لان اياد متفق معاههم

عائشه/احم ..طب ما تقعدي معاه اي المشكله

سما بعصبيه/والله ؟ انا مش هقعد مع عرسان انا …انا بحب اياد ومش هتجوز غيره

ديچا/لاء يعني عائشه قصدها علشان متزعليش اونكل منك .هو اداهم كلمه خلاص..اقعدي معاه وبعدين ارفضيه قولي محبتهوش مفيش قبول ..بسيطه يعني

سما بحزن/انا معرفش اي جاب العريس دا فجأه احنا ف ٢٠٢٣ عريس ال جايلي دا ..وهقول ل إياد ازاي دلوقتي لو خبيت عليه وقابلته من وراه هتبقي مشكله

عائشه/معلش ي سومه والله هو كل الحوار نص ساعه هتقعدو سوا هيمشي هترفضيه .الموضوع بسيط

ديچا ابتسمت/بالضبط

سما قفلت المكالمه ورمت الموبايل ع السرير بغضب

واخدت الموبايل تاني ورنت ع إياد

إياد بابتسامه/نعم ي روح قلبي

سما/انت فين

إياد/سايق ورايح ع الشغل اهو

سما/تمام شويه وهلبس اجيلك اتكلم معاك ف موضوع مهم

اياد/موضوع اي

سما/لما اجي هقولك

وقفلت المكالمه واياد ابتسم

عند عائشه في الفيلا

بعد ما زهقت من قعده الاوضه نزلت تحت

ناديه ال خلصت ترويق الصالون/تعبتي نفسك لي بس ي عائشه هانم قولي لي ع الحاجه ال عيزاها ونا اعملهالك ع طول

عائشه ابتسمت/ميرسي ي ناديه انا بس زهقت من القعده فوق قلت انزل شويه

ناديه ابتسمت/ماشي ال تشوفيه

عائشه/اعملي لي القهوه بتاعتي بعد اذنك

ناديه/هو بصراحه حمزه بيه قبل ما يمشي قالي لو طلبت قهوه او اي حاجه فيها كافيين متعمليش ..علشان صحتك يعني وصحه البيبي..بس ممكن اعملك عصير برتقال

عائشه اتنهدت وابتسمت/اوك اعملي

والجرز رن

ناديه/ثانيه واحده افتح الباب

وراحت فتحت وكان هدي وسالم دخلو بابتسامه و ف اديهم اطباق اكل كتير متغلفه

وحطو الأطباق ع الطربيزه

عائشه بابتسامه/مامي وبابي

هدي بابتسامه/عامله اي ي روح قلبي.

سالم بابتسامه وبفرحه/خلي بالك من صحتك كدا علشان الواد ال ف بطنك

هدي قعدتها ع الكنبه

وخدت طبق من اطباق الاكل ال جيباها

هدي/بصي عملت لك كل الاكل ال انتي بتحبيه اهو..يلا بالهنا والشفا

وبدأت تأكلها محشي ورق العنب

عائشه وهي بتبلع/ هتأكلوني محشي الضهر حرام عليكم

سالم اكلها فراخ وراها ع طول

سالم/كلي كدا علشان تجمدي انتي ضعيفه خالص لازم تاخدي بالك من صحتك

وهدي اكلتها

عائشه/كفايه والله العظيم هموت

هدي/انتي لسه كلتي حاجه دا انا جيبالك اكل كتير اوي…حطي الباقي ف التلاجه ي ناديه تتعشي بيهم هي و جوزها

ناديه بابتسامه/من عيوني ي هانم

وخدت الأطباق تدخلها المضبخ

وهدي وسالم اكلوها تاني من الطبق ال ف ايدهم

عائشه بتحاول تبلع/كفايه علشان خاطري

عند إياد ف الشغل

بيظبط اغنيه ف الاستديو وشاف سما من ورا الازار الشفاف راحت له وواقفه وباين عليها العياط

إياد شال السمعات من ودانه بسرعه وراح ل سما

إياد مسك ايد سما/في اي مالك؟ انتي معيطه؟

سما بحزن/بابا عايز يقعدني مع عريس جاي يتقدملي بكره .

إياد ابتسم بس حاول يبين غير كدا

اياد/احم مين العريس دا

سما بغضب ساب ايده/انا مالي مين الزفت العريس هو انا هتجوزه؟ انت لازم تروح تتكلم مع بابا وتتقدملي انا مش عايزه اقعد مع عرسان انا

اياد/لا للاسف صعب ي سما اجي أتقدم اليومين دول انا مش عارف اتنفس من كتر الشغل ما انتي شايفه

سما/يعني اي الكلام دا مش فاهمه؟! مش هتيجي تتقدم لي؟

إياد مسك وشها ب ايده/طبعا ي روح قلبي هاجي أتقدم لك بس اليومين الصعبين دول يعدو و ا

سما شالت ايده من ع وشها/لا ولا تيجي تتقدم دلوقتي ولا بعد يومين مش عايزه منك اي حاجه. ونا هقابل العريس ع فكره لو عجبني هوافق عليه

اياد/والله؟هتوافقي ع حد غيري ؟

سما/ايوا..طالما انت شايف ان ساعتين هتقابل فيهم بابا كتير عليا يبقي ايوا

إياد/ا

سما بمقاطعه سابته ومشيت

إياد اتنهد مهنش عليه يشوفها زعلانه اوي كدة بس هو كان عايز يعملهالها مفاجأه

وابتسم

في منتصف اليوم

عند جاسر ف الشركه ف مكتبه

ماسك ملف بيشتغل فيه و

رمي الملف بتعب ع المكتب ومسك راسه واتنهد

والباب خبط وديچا دخلت ب ابتسامه

جاسر ابتسم وقام /ديچا..انتي بتعملي اي هنا

ديچا راحت له بابتسامه /وحشتني

جاسر اتنهد ومسك ايدها/مش اكتر مني والله العظيم..وحشتيني اوي اوي وطول منا بشتغل مبفكرش الا فيكي

ديچا /منا قلت علشان بقالك فتره الشغل كتير اوي ف الشركه ف قلت اجي اخدك ونتغدي بره النهارده وبالمرة ترتاح من قرف الشغل شويه

جاسر ابتسم ولمس خدها/انا كنت محتاج ل دا فعلا ..يلا بينا

ديچا وقفت مكانها وبصت له بحذر/نانسي اتنقلت؟

جاسر بصلها ب نفس الطريقه/لو قلت لك لاء؟

ديچا سحبت ايدها من ايده بغضب/ هقتلك انت وهي

جاسر ابتسم ومسك ايدها/نقلتها نقلتها

ديجا ابتسمت/بجد

جاسر ابتسم/اه معقوله تطلبي مني حاجه وارفضها؟

ديچا ابتسمت/انا بحبك

جاسر/ونا بموت فيكي

وباس ايدها

ديچا بابتسامه/يلا بينا

وجاسر خد الجاكيت والمفاتيح

وطلعو من المكتب لقو حمزه طلع من الاسانسير وبيتكلم ف الموبايل

حمزه شافهم وراح لهم/طب تمام هظبط معاك بعدين واكلمك ..مع السلامه

وقفل

حمزه ابتسم /اي العرسان رايحين ع فين

ديچا ابتسمت/ازيك ي حمزه

حمزه ابتسم/الحمد لله ي ديچا انتي عامله اي

ديچا/انا تمام..قلت اخطف جاسر منكم شويه ونروح نتغدا برا

جاسر/انا انطفيت من كتر الشغل والله العظيم

حمزه اتنهد/ما انت عارف دا اكتر موسم بنشتغل فيه من كل سنه..حتي سايب عائشه لوحدها ودماغي طول اليوم عندها..هحاول اخلص شغل بدري وارجع البيت

ديچا/متقلقش اونكل و هدهد عندها من الصبح مش سايبيبنها لوحدها

حمزه /اه هي قالت لي .كويس علشان بالي مينشغلش عليها

جاسر/إياد حكالك انه راح أتقدم ل سما وهيقرأو فاتحه طبعا

حمزه ابتسم/اه ومحرج علينا منجبش سيره ل سما .ربنا يتمم لهم ع خير يارب

ديچا ابتسمت/يااارب

حمزه/يلا هسيبكم انا واروح اكمل شغل

جاسر/اشطا سلام

ومشيو

رواية وقعت في غرامها الفصل الثاني والعشرون

مساء في فيلا حمزه

عائشه قاعده مع سالم وهدي ف الصالون

سالم/لازم تاكلي كدا وتتأوتي متبقيش هفتانه كدا مع الحمل غلط ي حبيبه ابوكي

هدي ابتسمت/بباكي عنده حق .لازم تخلي بالك من اكلك وصحتك علشان البيبي..وتابعو مع دكتوره ف اسرع وقت

عائشه ابتسمت/متقلقوش والله وحمزه مش سايبني بيتصل بيا كل شويه يتأكد اني كلت

هدي/ما تيجي تقعدي معانا يومين صحيح .. ع الأقل ناخد بالنا منك بدل ما تبقي لوحدك

عائشه ابتسمت /لا مش هينفع.. مبعرفش انام من غير حمزه بصراحه

سالم ابتسم/ربنا يخليكم لبعض يارب

هدي ابتسمت /يارب

وحمزه دخل البيت ب المفتاح

عائشه/حمزه شكله وصل

سالم/ياريت . شوفيه كدة نسلم عليه بالمره قبل ما نمشي

عائشه طلعت من الصالون وراحت ل حمزه ال بيخلع الجاكيت بتاعه وبيحط المفاتيح ع الطربيزه

عائشه ابتسمت/حمد لله على السلامه

حمزه ابتسم و باس راسها وخدها ف حضنه

حمزه/وحشتيني

عائشه ابتسمت/وانت كمان وحشتني اوي

حمزه أعطاها الكيسه ال معاه /الحجات الحلوه ال بتحبيها اهي

عائشه /انا قلت انت هتنسي

حمزه ابتسم/لا مقدرش

عائشه ابتسمت وباسته من خده

عائشه/تعالي سلم ع بابا وماما قبل ما يمشو

حمزه/يلا

وكانو هيمشو بس تليفونه رن وكانت عميله ف الشغل

حمزه/الو .

البنت ابتسمت/الو استاذ حمزه انا هنادي

حمزه /اهلا ازي حضرتك

هنادي بابتسامه/انا تمام اوي

عائشه بغيظ/مين دي

حمزه بعد التليفون عن ودنه/دي عميله ف الشغل عندنا

حمزه حط الموبايل ع ودنه/اه انا معاكي .

هنادي/كنت عايزه اعرف هنتقابل امتي علشان المشروع

حمزه/لا كلمي سلوي السكرتيره هي هتظبطلك كل المواعيد بعدين نشتغل ع المشروع.

هنادي/لي يعني منقدرش نكلم حمزه بيه بنفسه

حمزه/لا والله العفو بس هي عارفه المواعيد كلها

هنادي ضحكت/تمام مفيش مشكله ..تعبتك معايا

حمزه/ولا اي تعب ..مع السلامه

عائشه ربعت ايدها بغيظ وغيره

حمزه قفل المكالمه

حمزه/اي بقي الوش دا ..هتنكديي عليا؟

عائشه/بتتصل بيك ليه من الاول مهي معاها رقم سلوي .ولا هي اي حجج وخلاص

حمزه/طب انا اعمل اي طيب ..اقفل السكه ف وشها؟

عائشه /لا متعملش حاجه ..لاء وكمان سمعاها بتحاول تهزر وتلطف الجو

وسابته ودخلت الصالون وحمزه اتنهد وراح وراها

حمزه بابتسامه/ي اهلا..ازي حضرتك ي معلم سالم

وسلم عليه

حمزه بابتسامه/ازيك ي هدهد ..وحشتوني والله العظيم

سالم بابتسامه/تسلم ي حبيبي

هدي ابتسمت/وانت كمان والله وحشتنا اوي

حمزه/اقعدو واقفين لي

سالم/لا هنمشي بقي كدا كفايه أوي احنا هنا من الصبح

حمزه/لاء ازاي انا ملحقتش اقعد معاكم

هدي/ابقي تعالي بقي اعملك الاكل ال بتحبه ..انا حتي قلت ل عائشه تعالي اقعدي معايا انا وبباكي يومين بس موافقتش

عائشه بغضب/لاء موافقه..هاجي معاكم

سالم /بجد ..هتيجي؟

حمزه بصلها ف عينها بمعني (هتسبيني؟!)

هدي/ طب كويس حمزه تعالي انت كمان بات مع عائشه عندنا

حمزه/لاء انا مش هقدر لان الشغل بتاعي بعيد عن بيتكم شويه ف هتاخد وقت .أنا هفضل هنا ولو عائشه عايزه تفضل معاكم شويه تمام ال يريحها

عائشه مهنش عليها تسيب حمزه وتمشي

عائشه/خلاص ي ماما انا هفضل هنا ..نبقي نجيلكم وقت تاني انا وحمزه لما يفضي

حمزه ابتسم

هدي/خلاص ال يريحكم

سالم/يلا خدو بالكم من نفسكم ..تصبحو ع خير

حمزه/وانتو من اهل الخير

ومشيو وناديه جت لمت الأطباق والاكواب ال ف الصالون ودخلت المضبخ تاني

حمزه قرب من عائشه ومسك وشها ب ايده/طب انتي زعلانه مني لي طيب انا عملت اي ي حبيبي

عائشه/كل واحده هتبقي عايزه تشتغل عندكم أو محتاجه ورق او محتاجه شغل هتكلمك انت مخصوص؟ معندكش سكرتاريه معندكش موظفين؟

حمزه/لاء عندنا بس اي واحده بترن عليا علشان شغل مقدرش اكنسل او اقفل ف وشها ي حبيبتي طب أعمل اي

عائشه/يعني انا لو بشتغل ..ورجاله تتصل بيا بره مواعيد الشغل تسألني ع حاجه ف الشغل ..هيبقي عادي بالنسبه لك؟

حمزه شال ايده من ع وشها/عائشه متختبريش صبري ف الموضوع دا..ومتكبريش ام الموضوع

عائشه طلعت الغرفه وحمزه اتنهد وناديه طلعت من المضبخ ومعاها شنطتها

ناديه/انا خلصت وماشيه ي حمزه بيه اي أوامر تانيه قبل ما امشي؟

حمزه/لا ي ناديه ربنا يخليكي

ناديه/ماشي تصبحو ع خير

وفتحت الباب ومشيت

عند سما قاعده ف الاوضه وحاضنه المخده وسرحانه

والموبايل رن وكان اياد

سما ردت بغضب/خير

اياد ابتسم/برنسيسه قلبي .. وحشتيني

سما/لا سوري ي إياد بيه انا جايلي عريس واحتمال اتخطب ف متتصلش بيا تاني

إياد/لا والله؟ بقولك اي انتي مش هتتجوزي حد غيري حطي الموضوع دا ف دماغك

سما/لاء مش بمزاجك .وعندا فيك هقابل العريس واقعد معاه مع اني كنت رافضه..مين يعلم يمكن يعجبني

وقفلت المكالمه

إياد ضحك/مجنونه

عند عائشه ف الغرفه

نايمه ع السرير وسانده ضهرها وماسكه الموبايل

حمزه دخل الاوضه كان هيروح ينام جنب عائشه

عائشه/رايح فين

حمزه/اي هنام

عائشه/لاء روح نام بره مش هتنام جمبي

حمزه/احنا هنهزر؟

عائشه/لا مبهزرش انا بتكلم بجد ..يلا نام ف اي اوضه تانيه او ف الصاله

حمزه/عائشه انا بحاول اهدي وبقول دي هرمونات حمل ومش عايز اتعصب ..ف عدي الليله

عائشه بغضب/لا اتعصب وماله .اتعصب واتنرفز عليا وهزر واضحك مع اي بنت تانيه

واعطته مخده

عائشه/يلا اتفضل

حمزه اتنهد وغمض عينه/ي صبر

وخد المخده وطلع بره الغرفه

وعائشه نامت وغطت نفسها بغضب

عائشه/قال هنادي قال..ماشي ي حمزه

وفجاه النور قطع والبيت كله بقي ضلام

عائشه بتوتر/اي دا في اي

عائشه ندهت ع حمزه بخوف/ح حمزه…حمزه

حمزه دخل الاوضه ب الكشاف وباس راسها

حمزه/متخافيش

وحط الكشاف ع الطربيزه ينور للاوضه

عائشه/اي الحصل النور اول مره يقطع

حمزه /شكله عطل مؤقت وشويه وهيتظبط

عائشه/

حمزه ابتسم/امشي؟

عائشه هزت راسها ب لاء

وحمزه ابتسم ونام ع السرير

و خدها ف حضنه و غطاها كويس وحضنها بقوه

عائشه ابتسمت وحضنته بقوه هي كمان

حمزه رفع دقنها وبقت بصاله /لسه زعلانه مني؟

عائشه/اه وبكرهك ع فكره

حمزه /والله ؟ طب نايمه ف حضني وانتي بتكرهيني لي

عائشه /للاسف النور قاطع وخايفة ومبحسش ب الامان الا معاك

حمزه ابتسم/طيب اصالحك ؟

عائشه/مش عايزه منك حاجه

حمزه/لاء هصالحك هصالحك

حمزه باسها من خدها وبعدين شفايفها وباس رقبتها

عائشه ابتسمت

حمزه/لسه زعلانه مني؟

عائشه بابتسامه/ما انت عارف انا مبقدرش ازعل منك ابدا

حمزه ابتسم وباس خدها/ونا مقدرش ع زعلك والله ي روح قلبي ..والموضوع مكنش مستاهل

عائشه/ لا مستاهل. انا سمعتها كانت بتكلمك ازاي وبتضحك وبتهزر معاك ازاي

حمزه رجع شعرها ورا ودنها/اي ال يريحك طيب ونا اعملهولك

عائشه /متخليش اي واحده تتصل بيك تاني .يتصلو ب السكرتيره بتاعتك والسكرتيره تقولك هما عايزين اي

حمزه ابتسم/حاضر ..لو دا هيريحك هعمله. حاجه تانيه؟

عائشه ابتسمت وباسته من خده/ربنا يخليك ليا

حمزه باس راسها

حمزه/بكره ان شاءالله نروح ل دكتوره ونبدأ نتابع معاها الحمل وناخد بالنا من الواد دا

وحط ايده ع بطن عائشه

عائشه بابتسامه/ان شاءالله

في اليوم التالي

في المستشفى

في الغرفه عائشه نايمه والدكتوره بتمشي جهاز السونار ع بطنها وحمزه ماسك ايدها

الدكتوره بابتسامه/البيبي ف حاله جيده الحمد لله مفيش اي مشاكل

عائشه ابتسمت/بجد

حمزه بابتسامه/الحمد لله

الدكتوره/عائشه حامل ف الشهر التاني ولازم تاخدي بالك من نفسك جدا جدا الايام دي علشان الحمل يثبت

ومسحت جل السونار من ع بطنها وراحت قعدت ع مكتبها

وعائشه عدلت هدومها وحمزه ساعدها تقعد ع السرير

وجاب لها الكوتشي بتاعها وقعد ع ركتبه وبدأ يلبسوهولها

عائشه ابتسمت/انا كنت هلبسه تعبت نفسك ليه

حمزه ربط لها رباط الكوتشي /تعبك راحه بالنسبه لي

عائشه ابتسمت وباست خده وحمزه قام وقف وباس ايدها

الدكتوره خلصت كتابه ف الدفتر ال قدامها /عائشه لازم تاخد بالك من نفسك كويس اوي ..لان اي مجهود زياده منك أو تعب ممكن يأذي البيبي ل قدر الله .

حمزه بص ل عائشه ورجع شعرها ورا ودنها/لا ان شاءالله هتاخد بالها كويس اوي من نفسها ..صح؟

عائشه بابتسامه/ان شاءالله

الدكتور كتبت ال روشته

الدكتوره/ودي ادويه تاخدها ب انتظام ان شاءالله..وتجولي كل شهر نطمن ع حاله البيبي اذا كانت مستقره ولا لا

حمزه خد منها الروشته

حمزه/شكرا جدا ي دكتور تعبناكي

عائشه تليفونها رن/عفوا

وقامت ترد برا

الدكتوره ابتسمت/وطبعا ي استاذ حمزه توسع خلقك شويه مع عائشه لان الفتره ال جايه هرمونات الحمل هتتعبك جامد .هتبقي متنرفزه ومتضايقه ع اتفهه الاسباب .وهتعيط ع اتفهه الأسباب. وهتكبر المواضيع وكل الكلام ال انت اكيد عارفه دا

حمزه اتنهد/ربنا يستر

الدكتوره/وحاجه اخيره

..العصبيه حاجه غلط جدا جدا اتمني ع قد ما تقدرو عائشه تبقي ريلاكس وهاديه. علشان صحتها وصحه البيبي

حمزه ابتسم/تمام شكرا جدا ي دكتوره .تعبنا حضرتك

الدكتوره/لا العفو دا شغلي

وحمزه طلع من الغرفه وعائشه خلصت كلام ف الموبايل

حمزه/يلا هروحك ع البيت وهروح انا ع الشركه

عائشه/لاء انت هتوصلني ع بيت سما..إياد لسه مكلمني وقالي انا وديچا ناخد سما نشتري لها دريس ل قرايه الفاتحه بكره .لان طالما مفكره انها هتقابل عريس تاني غير إياد مش هيبقي ليها نفس تلبس او تعمل حاجه

حمزه/مفيش الكلام دا ي عائشه انتي لسه سامعه الدكتوره قالت المجهود لاء ..وانتي عايزه تروحي المول وتلفي وانتي حامل؟ يلا ع البيت كفايه اني موافق تروحي قرايه الفاتحه اصلا

عائشه/والله؟ قرايه فاتحه صحبتي وال اكتر من اختي مكنتش عايزني اروحها علشان حامل؟اكيد مش هسيبها ف يوم زي دة يعني

حمزه/ماشي يلا علشان ترجعي البيت وديچا هي ال هتروح مع سما

عائشه مسكت ايده/ي حمزه علشان خاطري..مش هلف كتير والله ومش هتأخر .ولما احس اني تعبت هقعد ارتاح اشرب حاجه

حمزه اتنهد

عائشه بابتسامه باسته من خده/ها؟ وافقت؟ بقولك علشان خاطري

حمزه/ماشي بس مش هتتاخري .

عائشه بابتسامه/اوك

حمزه/ومتلفيش كتير ومتعمليش مجهود

عائشه ابتسمت/حاضر والله ..يلا علشان توصلني

حمزه/يلا

ومسك ايدها وطلعو برا المستشفى

عند سما ف الفيلا

في غرفتها

قاعده ع السرير وحاضنه مخدتها وسرحانه

ديچا وعائشه واقفين جمبها

ديچا/يعني اي مش عايزه اشتري دريس للعريس ال جاي يتقدم لك

سما بغضب/انتو مجانين ولا اي ؟ متعرفوش اني بحب إياد ومش عايزه اتجوز غيره ومش عايزه اقعد مع عرسان حتي..لاء وانتو عايزيني اشتري دريس جديد من حبي للموضوع يعني

عائشه قعدت ع طرف السرير/و اي المشكله يعني..لازم تبقي زي القمر حتي لو هترفضي العريس

سما/مفيش الكلام دا ..هلبس اي زفت دريس من عندي وخلاص

ديچا بعصبيه/سما مش عايزه استعباط ..هتقومي حالا تلبسي ونروح كلنا المول نشتري لك دريس جديد وهيلز كمان اي رايك بقي

عائشه وسما اتخضو

ديچا بغضب/حالا هتقومي تلبسي

عائشه/يلا قبل ما تضربنا ولا حاجه ..بسرعه

سما نفخت بغضب وقامت تغير

عائشه غمزت ل ديچا/جدعه

ديچا ضحكت

في منتصف اليوم

عند إياد ف البيت

مامته وبباه قاعدين ف الصالون وجاسر وحمزه قاعدين معاهم

واياد طلع من المضبخ وهو عامل لهم حاجه يشربوها

حط الحاجه ع الطربيزه

اياد /هنروح نتقدم بكره للبنت ال بحبها اتمني كل حاجه تمشي مظبوط ..لازم كل حاجه تمشي مظبوط مفيش اوبشن تاني

الاب(عبد الرحمن)/مالك ياض متوتر لي كدة

الام(هناء) بابتسامه/متقلقش ي حبيبي اهدي كل حاجه هتمشي زي ما انت عايز ..مع اني كنت عايزه اجوزك بنت خالتك بس هنقول أي كله نصيب ف الاخر

جاسر /والله العظيم الأمهات كلهم نفس الشئ بس نسخ مختلفه

حمزه ضحك

اياد/بنت خالتي اي ي امي اياكي تقولي الكلام دا قدام سما دي تمسكها عليا ذله بقيت حياتي

هناء بصت ع دبله حمزه

هناء/اي دا ي واد ي حمزه انت اتجوزت؟

حمزه ابتسم/اه اتجوزت من كذا شهر كدا

جاسر/و مراته حامل كمان

هناء بابتسامة/بجد؟ الف الف مبروك والله فرحتلك. انت ابن حلال وتستاهل كل خير ي حبيبي

عبد الرحمن بابتسامه/ربنا يقومهالك بالسلامة يارب

حمزه ابتسم/امين يارب

مساءا عند عائشه و ديچا وسما

ف المول

سما وقفت ف نص المول بعصبيه بعد ما لفو واشتروا حاجات

سما بضيق/اوووف قرفتوني ..انا عايزه اروح خلاص جبت اخري ..بعدين انا مش هتجوزه علشان اجهز نفسي ل مقابلته ب كل دا

عائشه بابتسامه/لا هتتجوزيه

سما /اي؟

ديچا/احم

عائشه/احم .بقولك مش شرط تتجوزيه .اعتبرينا بنعمل شوبنج ك العاده يعني

سما/طب يلا نرجع ع البيت انا اشتريت حجات كتير اه وجبت اخري .وكمان عائشه حامل مش عايزه ابن اختي يتعب معانا

عائشه/لا ملكيش دعوه انا كويسه

ديچا /يلا لسه الهيلز والاكسسوريز

سما هتعيط /اوووف يارب بقي

عائشه ضحكت وموبايلها رن

عائشه /الوو ي حبيبي

حمزه/انا بخلص شغل اهو و مروح ع البيت ..انتي رجعتي البيت صح؟

عائشه/احم ..بصراحه لاء لسه شويه

حمزه بغضب/عائشه انتي بتستعبطي؟ انتي من الصبح بتلفي والوقت اتاخر ارجعي ع البيت يلا

عائشه/مهو احنا اشترينا حجات كتير ناقص كام حاجه بس وهرجع والله

حمزه بغضب/بقولك ارجعي ع البيت حالا..لو رجعت لقيتك مش ف البيت هيبقي ليا تصرف تاني

وقفل المكالمه وعائشه اتنهدت

عائشه/يلا نخلص بسرعه علشان شكل طلاقي هيبقي ع ايدكم

سما/لا متقلقيش..دي ال مهما حصل مستحيل حمزه يفكر يعملها

ديچا/طب يلا بسرعه نشتري ال ناقص ونوصل عائشه ع البيت

عائشه/يلا

بعد ساعتين

عند حمزه رجع البيت ودخل

ناديه طلعت من المضبخ وهي بتنشف ايدها ب الفوطه

ناديه/حمد الله ع السلامة يحمزه بيه ..انا جهزت الاكل ناقص بس يتحط ع السفرا ..وهمشي انا بقي .اي أوامر تانيه؟

حمزه/ عائشه فين

ناديه/لاء عائشه هانم لسه مرجتش من برا

حمزه مسح وشه ب ايده ب غضب وحاول الهدوء وطلع تليفونه يرن عليها

ناديه/تحب احط الأكل ع السفرا؟

حمزه/لا ي ناديه تقدري تمشي انتي

ناديه/تمام عن اذنك

وخدت شنطتها ومشيت

بعد شويه عائشه داخله البيت بنسخه مفتاحها وخايفة من رده فعل حمزه وعارفه انه مش هيعدي الليله دي ع خير

ودخلت الصالون لقت حمزه قاعد ع الكنبه

عائشه قربت منه بتوتر/احم ..حبيبي حمد لله علي السلامه

حمزه/

عائشه قعدت جمبه/مش هتقولي حمد لله ع السلامه؟ انا ا

حمزه بمقاطعه محاولا الهدوء/ هو مش انا اتصلت بيكي من ٣ ساعات وقلت لك ترجعي فورا ع البيت؟

عائشه/مهو انا ا

حمزه بعصبيه/حصل ولا محصلش ي عائشه؟

عائشه بخضه/ايوا حصل

حمزه بنفس العصبيه/امال رجعت البيت ملقتكيش لي…راجعه البيت قُرب الساعه ١٢ لي ؟

عائشه/انا فعلا كنت هرجع البيت بدري بس كان ناقص كذا حاجه جبناها والموضوع خد وقت غصب عني وديچا وصلتني وكان في زحمه ف علشان كدا اتاخرت .مكنش قصدي والله ي حمزه انا اسفه

حمزه قام بغضب وخلع الجاكيت ورماه ع الكنبه وطلع يغير هدومه وعائشه راحت وراه بسرعه

حمزه دخل الاوضه وبيفك ازرار القميص وعائشه دخلت ورا

عائشه/ ي حبيبي اسمعني علشان خاطري والله انا ا

حمزه بعصبيه خلع القميص ورماه ع السرير/عائشه انا مش عايز اسمع صوتك

عائشه/ازاي يعني

حمزه بعصبيه/زي الناس…من الصبح بتلفي ف المول وانتي حامل وعديت الموضوع مع ان الدكتوره قالت لازم ترتاحي … واتفقنا انك هترجعي بدري وقلتي حاضر ..و اتزفت اتصلت بيكي من كام ساعه وقلت ارجعي البيت وقلتي حاضر…وف الاخر ارجع البيت ملاقكيش ..لاء وكمان راجعه ١٢ بليل…الموضوع دا لو اتكرر تاني مش هيحصل خير ابدا

ودخل الدريسنج يغير هدومه

وعائشه اتنهدت وقعدت ع طرف السرير

بعد شويه وقت حمزه قاعد ف الصالون وحاطط الاب توب ع الطربيزه قصاده و ملف وبيشتغل عليهم

وعائشه نزلت من فوق بعد ما غيرت هدومها ودخلت المضبخ وفتحت حلل الاكل ال ناديه طبختهم لقت الاكل زي ما هو

وتضايقت من نفسها جدا انها كلت برا مع البنات من غير حمزه .مع انها عارفه ان حمزه اتعود ياكل معاها

عائشه طلعت ل حمزه الصالون

عائشه/انت مكلتش لي؟

حمزه وهو باصص ف الاب توب/مش جعان

عائشه قربت منه /ازاي طيب انت بتشغل من الصبح ف الشركه ومكلتش اي حاجه

حمزه قفل الاب توب بغضب وبصلها/هو انا مش قلت مش جعان؟

عائشه قعدت ع حجره وحاوطت رقبته ب دراعها

عائشه وهي باصه ف عينه/انا اسفه..مش هتكرر تاني والله العظيم

حمزه بص لها ف عينها/

عائشه/اخر مره والله ي حبيبي..مش هتأخر برا ولو اتصلت وقلت ارجعي البيت هرجع ف لحظتها حتي ولو كنت بعمل اي

حمزه /اخر مره؟ مش هتكرر تاني

عائشه ابتسمت/اه والله بس انت سامحني

حمزه ابتسم /خلاص انا مش زعلان

عائشه بابتسامه/بجد ؟احلف

حمزه حاوط وسطها ب ب ايده وقربها اكتر وباسها/اه والله مش زعلان .حصل خير

عائشه بابتسامه حضنته بقوه وحمزه ابتسم وباس راسها

عائشه طلعت من حضنه وورته انسيال ف ايدها اشترته من المول النهارده

عائشه بابتسامه/بص دا اشتريته النهارده..شكله حلو؟

حمزه ابتسم و مسك ايدها وباسها/زي القمر

عائشه باسته من خده

عائشه/طب يلا علشان نأكل سوا . ومتقولش مش جعان ..انت مكلتش حاجه من الصبح

وقامت من ع حجره

حمزه ابتسم/ماشي يلا ..وبعد ما ناكل خدي الادويه ..انا جبتهالك ونا جاي

عائشه /حاضر.. هروح اجهز الاكل

حمزه/تعالي نعملهم سوا

عائشه بابتسامه/يلا

وقامو ومسك ايدها ودخلو المضبخ

رواية وقعت في غرامها الفصل الثالث والعشرون والاخير

مساءا في فيلا كمال والد سما

في الصالون قاعد كمال و عبد الرحمن ابو إياد وهناء مامته

و حمزه وجاسر

وديچا و عائشه مع سما ف غرفتها

إياد قاعد متوتر

جاسر بصوت واطي ل اياد ال قاعد جمبه

جاسر/مالك ياض ما تنشف كدا

اياد/خايف اليوم ميعديش زي ما انا عايز

حمزه/معاك حق .. حقك تقلق ..يمكن ابوها يرفض ولا حاجه

جاسر/تصدق معاك حق..ممكن قاله تعالي اطلب ايدها ف الاخر يقوله معنديش بنات للجواز

حمزه/ممكن..كل شئ وارد

إياد بصلهم بغضب/انتو بتعملو معايا كدا لي الله يحرقكم انتو صحاب انتو؟

حمزه وجاسر ضحكو

حمزه/خلاص اهدي كل هيعدي زي ما انت عايز متقلقش

كمال بابتسامه/اهلا وسهلا نورتو والله

عبد الرحمن بابتسامه/دا نورك والله

والخادمه جت قدمت العصاير

هناء بابتسامة/امال العروسه فين .من كتر كلام اياد عنها جالي فضول اشوفها بصراحه

كمال/البنات معاها فوق هيجيبوها وينزلو دلوقتي

في غرفه سما

قاعده ع السرير بعد ما لبست الدريس وعملت شعرها وحطت ميكب خفيف

عائشه/ي بنتي يلا الناس تحت مستنين بقالها ساعه

سما/انا مش عايزه انزل

ديچا/يعني اي يعني

سما بحزن/قلبي مش هيتحمل انزل اقعد مع عريس جاي يتقدم لي ونا بحب اياد ..انا بحبه ومش عايزه اتجوز غيره

عائشه قعدت جمبها ومسكت ايدها/ماشي ي روح قلبي انتي مش هتتجوزي غير إياد بس هننزل للعريس نص ساعه بس وتقولي ل بباكي انه مش مناسب ليكي وهيرفضو

ديچا/ايوا الموضوع بالبساطه دي..يلا بقي ي سوما

سما اتنهدت وقامت

وديچا وعائشه ابتسمو

ونزلوا الصالون وعائشه قعدت جمب حمزه وديچا جمب جاسر

وسما دخلت المضبخ تاخد صينيه القهوه علشان تقدمها وراحت الصالون

واياد ابتسم اول ما شافها جايه من بعيد وهي زي القمر ..التوتر ال كان فيه كله اختفي

كمال /تعالي ي سما ي حبيبتي

سما اول ما شافت ان إياد هو ال قاعد ..صينيه القهوه وقعت من ايدها بصدمه

سما بصدمه وبنفس الوقت فرحه/اياد

إياد راح لها بسرعه ومسك ايدها

إياد/انتي كويسه؟

سما بابتسامه/سيبك مني انا دلوقتي انت جاي تتقدم لي بجد ..ازاي دا حصل

اياد ابتسم /ايوا انا العريس ال بيكلموكي عنه بقالهم يومين

وعدل هدومه

اياد/اي رايك ف البدله

سما ضحكت وهي مش مصدقه وفرحانه

سما ابتسمت/ شكلك حلو اوي

اياد بابتسامه/وانتي كمان زي القمر ك العاده

عائشه وديچا ابتسمو

حمزه بصوت واطي/الحمار ناسي ان ابوها قاعد وناقص يحضنها

جاسر بصوت واطي/مبيعرفش يفرمل وهي معاه..بينسي احنا فين وف انهي موقف

كمال /احمم

اياد ساب ايد سما بسرعه وبتوتر

وسما بعدت عنه بسرعه

سما/احم

كمال /ينفع كدا القهوه ال وقعت دي

الخادمه جت تنضف مكان القهوه وراحت تعمل قهوه جديده

هناء بابتسامة/مش مشكله دلق القهوه خير ..دي زي القمر فعلا ي إياد…تعالي يروح قلبي سلمي عليا

سما بابتسامه راحت لها وسلمت عليها

اياد/دي ماما هناء .ودا بابا عبد الرحمن

سما سلمت ع عبد الرحمن

سما بابتسامه/اهلا بحضرتك

عبد الرحمن بابتسامه/اهلا بيكي ي بنتي

وسما قعدت جمبهم

عبد الرحمن/طبعا حضرتك عارف احنا جايين ليه بس نقول تاني قدام العروسه..احنا جايين نطلب ايد بنت حضرتك سما ل ابننا اياد

اياد وسما ابتسمو

كمال ابتسم/والله اياد راجل بجد ومتربي ..جه اتكلم معايا وقالي انه بيحبها وعايزها. ونا احترمت فيه انه مخباش عليا ..ف مش هلاقي احسن منه ل بنتي ولا هلاقي نسب احسن منكم الحقيقه ..واثق انه هيحطها ف عنيه

اياد/هحطها ف قلبي والله

جاسر/احم مبنقولش كدا قدام بباها

حمزه ضحك/متخلف

كمال وعبد الرحمن ضحكو

هناء بابتسامة/يبقي نقرأ الفاتحه دلوقتى ونعمل لهم اكبر خطوبه بعدين

كمال/نقرأ الفاتحه

ورفعوا اديهم يقرأو الفاتحه كلهم

وسما بصت ل اياد بابتسامه واياد بصلها وبعت لها بوسه ف الهوا

بعد ما السهره خلصت

عند عائشه وحمزه

حمزه سايق وف طريقهم للبيت وحمزه مشغل اغاني وبيغني معاها وبيبص ل عائشه شويه ويركز ف الطريق شويه

عمرو دياب وحمزه/طاال انشغالي .وياااك يغاالي..ونا اي جرااالي خلاني ادوب في هواك

بيغني وهو باصص ل عائشه وماسك ايدها

وعائشه بتضحك ومبسوطه

حمزه بابتسامه /اشمعنا انت ..ازاي وامتي شغلت روحي معاك

وعائشه بابتسامه مسكت دقنه وحمزه مسك ايدها وباسها

عمرو دياب وحمزه/والله ما كان ع بالي ي هوا …والله ما كان ع بالي ي هوااا

عايشه قربت منه وباسته من خده

عائشه/انا بحبك

حمزه ابتسم وباس ايدها /ونا بعشقك

عائشه ابتسمت

عند سما واياد لسه بلبس قرايه الفاتحه

سما قاعده ع العربيه من فوق واياد واقف جمبها وساند ع العربيه وبياكلو من شاورما عم جابر

سما بابتسامه/انا مش مصدقه ى حد دلوقتي انك طلبت ايدي من بابي وواقف وهنتخطب قريب

إياد ابتسم /ولا انا مصدق ..كنت خايف بباكي يرفض او يحصل حاجه تبوظ اليوم بس انتي كدا كدا بتاعتي يعني بباكي وافق او رفض انتي ليا

سما/الله الله ولو رفض هتعمل اي

إياد بلامبالاه /هخطفك

سما قربت وشها منه/ونت فاكر ان انا هسمح لك تخطفني ؟

إياد ابتسم وقرب منها/اه وواثق انك هتسمحيلي اخطفك

سما/تؤ كلامك مش مظبوط كنت هفضل مع بابي

إياد حاوط وسطها ونزلها من فوق العربيه وبقت قصاده وقريبه منه

إياد/وكنتي هتسبيني؟

سما ابتسمت/لا مقدرش

إياد ابتسم

سما/وانت هتفضل معايا ع طول؟

اياد/ع طول

سما/مش هتسبني مهما حصل؟

إياد ابتسم/مهما حصل

سما ابتسمت وبعدت عنه بخجل

سما/احم .اطلب لي شاورما من عم جابر تاني علشان الخضه ال خضتهالي وقت قرايه الفاتحه جوعتني

إياد ضحك/حاضر

عند جاسر و ديچا

وصلو البيت ونزلوا من العربيه

ديچا نزلت من العربيه من غير الهيلز

وجاسر نزل وشايل الهيلز بتاعتها ال خدها من العربيه

ودخلو الجنينه

ديچا بابتسامه وهي ماشيه ع الارض من غير الهيلز/يااه ع الراحه

جاسر ضحك

ديچا ابتسمت/انا جعانه ما تطلب لنا اكل من برا

جاسر ابتسم/من عيوني.. بس انا عاملك مفاجأه

ديچا ابتسمت/مفاجأه؟ بمناسبة اي

جاسر حط الهيلز ع الطربيزه

جاسر/بكره عيد الحب ..كنت عايز احتفل بيه معاكي بكره بس الساعه عدت ١٢ يعني نقدر نحتفل بيه دلوقتي لاننا مش هنعرف نحتفل بيه بكره لأننا مسافرين

ديچا بعد فهم/مسافرين!

جاسر مسك ايدها/كل عيد حب وحنا سوا .ومش مستني يوم زي دا علشان اعبرلك فيه عن حبي .انا بحبك كل يوم اكتر من اليوم ال قبله ومش بس بحبك بموت فيكي كمان ومش متخيل حياتي من غيرك ..ف لو تقبلي تتجوزيني هكون ممنون جدا

وطلع من جيبه خاتم للجواز

ديچا حطت ايدها ع فمها بصدمه وبعدم تصديق

ديچا/انا مش مصدقه

جاسر/هو انا المفروض اركع صح؟

ديچا ضحكت

وجاسر ركع وهو ماسك علبه الخاتم

جاسر/موافقه نتجوز؟

ديچا بدموع وابتسامه/دا سؤال؟ طبعا موافقه

جاسر قام بابتسامه ولبسها الخاتم

جاسر باس ايدها/انا بحبك

ديچا بابتسامه/وانا بموت فيك

وبصت ع الخاتم ال ف ايدها بابتسامه

جاسر/لسه المفاجاه مخلصتش..لحظه واحده

و طلع من جيبه تذكرتين سفر

جاسر/تذكرتين سفر ل دبي هنسافر بكره .ونقعد هناك الفتره ال تحبيها واطلب ايدك من مامتك ونرجع ..عرفتي لي قلت لك مش هنعرف نحتفل بعيد الحب بكره لأننا مسافرين

ديچا بعدم تصديق/بتهزر

جاسر ابتسم/والله ابدا ال تذاكر قدامك اهي

ديچا خدت منه التذاكر

ديچا ابتسمت بفرحه/هنروح ل ماما دبي بجد؟ انا مش مصدقه

جاسر ابتسم

ديچا/وهتسيب شغلك وأهلك وصحابك وهتيجي معايا؟

جاسر/انا اسيب الدنيا كلها واجي معاكي

ديچا دمعت بابتسامه/انا مش عارفه اقولك اي ..مش عارفه اقول حاجه غير اني بحبك ومقدرش اعيش من غيرك…انا كنت مواعده نفسي اني ولا عايزه احب ولا اتحب .وكنت خايفه احب حد بدل ما يخليني اسعد واحده يخليني اتعس واحده ويكسرني بس انت جيت غيرت كل دا .وكسرت خوفي وب أفعالك مش بكلامك اثبتلي انك بتحبني وان مستحيل تأذيني وتكسرني ..وجيت عوضتني عن حجات كتيره اوي..ف انا بحبك ومقدرش اعيش من غيرك

جاسر مسح لها دموعها ومسك وشها ب ايده

جاسر بابتسامه/ونا مش عايز اي حاجه من الدنيا غير انك تفضلي تحبيبني وتفضلي جمبي..من اول يوم شفتك فيه ونا قلت هي دي ..هي دي ال مستنيها ومرتبطش قبل كدا ولا حبيت حد وكنت مستني واحده تخطف قلبي وانتي عملتي كدا ف اول يوم شفتك فيه ف فرح حمزه وعائشه..من وقت ما شفتك ونا مبعملش حاجه غير اني بفكر فيكي. بفكر ازاي ابقي جمبك وحاوليكي ٢٤ ساعه لحد ما اقنعك واخليكي تحبيني زي ما انا بموت فيكي

ديچا ابتسمت بحب

وجاسر باس راسها

في الفيلا حمزه في الغرفه

حمزه نايم في حضن عائشه وعائشه بتلعب له ف شعره وسرحانه

عائشه/حمزه

حمزه/

عائشه/حمزه

حمزه صحي بخضه وطلع من حضنها وبصلها

حمزه/في اي انتي كويسه؟ حصل حاجه؟

عائشه/انا لو مت هتتجوز بعدي؟

حمزه اتنهد ومسح وشه ب ايده/لا حول ولا قوه إلا بالله

عائشه/انا بتكلم بجد ع فكره

حمزه/بعد الشر عليكي لي بتجيبي الأفكار دي ف بالك دلوقتي

عائشه/عايزه اعرف هتتجوز غيري ولا لا ..لازم برضو حد يربي البيبي معاك

حمزه رجع خصله من شعرها ورا ودنها وخدها ف حضنه

حمزه/انتي مش هيحصلك حاجه ان شاءالله علشان لو حصلك حاجه انا مش هقدر اعيش من غيرك وهموت بعدك ع طول ف بالتالي مش هعرف اتجوز غيرك.. انا وانتي ان شاءالله هنعيش وهنربي البيبي سوا وهنجيب غيره وغيره ونربيهم برضو

عائشه /لا دا ف احلامك ان شاءالله. هو بيبي واحد بس واتنين بالكتير اوي .

حمزه ابتسم وقرب منها/لي دا العيال الكتيره حاجه حلوه اوي يعني تخيلي في ف البيت عائشه وعائشه وعائشه ..مع ان ولاد الكلب مش هيدوني فرصه استفرد بيكي بس دا ف احلاهم ان شاءالله

عائشه ضحكت

وحمزه باسها من شفايفها

حمزه/متجبيش سيره ال موت دي تاني وإلا بجد هزعل منك ..انا من غيرك معرفش اعيش

عائشه ابتسمت /حاضر

حمزه باس خدها ونيمها ف حضنه تاني وحط ايده ع بطنها وعائشه ابتسمت ونامو

في اليوم التالي

في يوم عيد الحب

في فيلا حمزه عائشه صحيت من النوم لقت حمزه طالع من الدريسنج روم بعد ما غير هدومه وبيشمر دراع القميص

عائشه/انت رايح فين

حمزه/الشركه

عائشه/هتروح وتسبني لوحدي والنهارده؟

حمزه/لي هو في اي النهارده؟

عائشه/انت بتهزر ؟انت بجد مش عارف النهارده اي؟

حمزه/النهارده مش عيد جوازنا ومش عيد ميلادك او عيد ميلادي..هيكون اي؟

عائشه بغضب/ولا اي حاجه اتفضل روح شغلك

ونامت تاني واستغطت

حمزه ابتسم بخبث لانه عارف ان النهارده عيد الحب بس عايز يعملها مفاجأه

حمزه/طب مش هتديني بوسه وحضن قبل ما اروح الشغل

عائشه /لاء

حمزه ابتسم وقرب منها وباس خدها وشفايفها

حمزه/انا ماشي خلي بالك من نفسك

عائشه/

حمزه/بقولك خلي بالك من نفسك

عائشه /حاضر ..حاجه تانيه ؟

حمزه ابتسم /لا خلاص

وباس راسها وطلع برا الغرفه

عائشه قعدت ع السرير بغيظ /مش فاكر ان النهارده اول عيد حب لينا وحنا سوا..ماشي ي حمزه

في منتصف اليوم عند سما

راحت ل إياد الاستديو

ودخلت

رنا ابتسمت/مبروك ي سما سمعت انكم قرأتو الفاتحه انتي واياد بيه

سما بابتسامه/ميرسي اوي ي رنا عقبالك

رنا ابتسمت/يارب

سما/امال إياد فين

رنا/جوه بيظبط اغنيه

سما/معاه حد؟

رنا/لالا لوحده

سما/اوك

ودخلت

واياد ورا الازاز حاطط السماعه ف ودنه ومندمج ف الشغل

سما حطت ايدها ف وسطها/شوف البيه ..قاعد بيشتغل وناسي اصلا ان النهارده الفلانتين..ولا حتي قالي كل عيد حب وحنا سوا

وخبطت ع الازاز بغضب واياد انتبه وشال السماعه

إياد/برنسيسه

وطلع من الغرفه

إياد ابتسم/اي الأخبار

سما بغضب/زفت

إياد/ي ساتر يارب.. اي الحصل

سما/إياد هو النهارده اي؟

اياد/السبت؟!

سما/والله؟

إياد/اي

سما/اقصد تاريخ النهارده بالنسبه لك اي

اياد/ما تفهميني ي سما انا طالع عين اهلي ف الشغل ومش مركز

سما/لا خلاص ركز انت ف شغلك ونا همشي..انا اصلا كنت رايحه ل ديچا اشوفها قبل ما تسافر

وكانت هتمشي اياد مسك ايدها بسرعه وقرب منها

إياد ابتسم/ي هبله. معقوله انسي ان النهارده اول عيد حب وحنا سوا

سما ابتسمت/يعني انت فاكر؟

إياد بابتسامه/ايوا طبعا

سما خبطته ف صدره بغضب/امال سايبني من اول اليوم مستنيه منك مكالمه تقولي فيها كل عيد وحنا سوا لي ..و ف الاخر متصلتش

اياد/منا عملت كدة قصدا علشان تجيلي هنا واشوفك

وطلع من جيبه علبه فيها انسيال دهب ومكتوب عليه ب الانجلش princess (برنسيسه )

إياد ابتسم/كل عيد حب وانتي معايا ي روح قلبي.

سما بفرحه و بابتسامه خدت الانسيال من العلبه وهي مش مصدقه نفسها

سما بابتسامه/الله .دا حلو اوي اوي

اياد/عجبك بجد؟

سما بابتسامه/دا سؤال؟ طبعا عجبني اوي اوي..ربنا يخليك ليا ي حبيبي يارب

إياد ابتسم وباس راسها/ويخليكي ليا

سما بفرحه/لبسهولي يلا

إياد خده منها ولبسهولها

وسما بصت عليه بابتسامه وهو ف ايدها

سما بابتسامه/شكله حلو عليا؟

اياد باس ايدها/حلو اوي ..وبحبك

سما /ونا بموت فيك

إياد/انا مش قادر اتحمل لحظه تانيه وعايز نتجوز ونفضل سوا طول العمر .اصحي ع حلاوتك دي وانام ع حلاوتك …متعرفيش انا بقنع عقلي وقلبي كام مره ف اليوم اني مينفعش احضنك علشان ميصحش ومينفعش

سما ضحكت

واياد ابتسم وباس ايدها

عند عائشه ف البيت

اتصلت ب حمزه تقوله انها رايحه ل ديچا قبل ما تسافر

حمزه ابتسم/روح قلبي

عائشه/مش هعطلك عن شغلك اتصلت بيك بس اقولك اني رايحه ل ديچا

حمزه ابتسم/طب انتي مش طيقاني لي كدا طيب ..انا عملت اي

عائشه/معرفش شوف انت عملت اي

حمزه/تمام هنشوف الموضوع دا بعدين بس اهم حاجه تخلي حد من البودي جارد يوصلك متسوقيش انتي

عائشه/اوك

حمزه/كلتي وخدتي الدوا ؟

عائشه/ايوا

حمزه ابتسم /ماشي ..مع السلامه

وعائشه قفلت واتنهدت

عائشه/برضو مفتكرش..ماشي ي حمزه

مساءا ف الفيلا

عائشه رجعت من برا بعد ما كانت عند ديچا

ودخلت البيت وخلعت الجاكيت لقت النور مطفي و الشموع ف كل حتي

وفي ورد مفروش ع الارض ف كل حتي

عائشه ابتسمت بفرحه /الله

حمزه طلع من غرفه و ف ايده ورده

عائشه بابتسامه/كنت عارف وفاكر ان النهارده عيد الحب ومخبي عليا

حمزه وقف قصادها/اهاا

عائشه ضربته ف صدره/رخم ..كنت متضايقه طول اليوم بسببك

حمزه حط الورده ف شعرها عند ودنها

حمزه /حقك ع عيني بس كنت عايز افاجأك

عائشه ابتسمت /انت عملت كل دة امتي

حمزه/ طلعت من الشغل بدري وعملتهم وانتي عند ديچا

عائشه بابتسامه/حلوين اوي

حمزه باس ايدها

حمزه/بس لسه المفاجاه مخلصتش..بقيت المفاجاه فوق

عائشه بحماس/بجد..طب تعالي نطلع

وكانت هتطلع ع السلم

حمزه شالها /معقوله اخليكي تطلعي السلم دا لوحدك وانتي حامل ..ميصحش

عائشه بابتسامه حاوطت رقبته بدراعها وبصت ف عينه

عائشه/انا بطلع وانزل ع السلم دا اكتر من ٥ مرات ف اليوم

حمزه وهو سرحان ف عيونها/طب متبصليش بالطريقه دي بعيونك الحلوه دي .. علشان انا مبقدرش عليهم

عائشه ابتسمت

وحمزه طلع ع السلم ال عليه ورد وشموع ووصل الاوضه وزق الباب برجله ودخل.. ونزل عائشه

عائشه بصت ع الغرفه لقتها متزينه و مليانه ورد وشموع ف كل حتي ومتعلق ع الحيطه صور من فرحهم وصور لكل خروجه خروجها سوا وصور ل حمزه اول ما عرف ان عائشه حامل

عائشه بفرحه/انا مش مصدقه ال انا شيفاه ..انت بجد عملت كل دة

حمزه ابتسم/ايوا عمري ما عملت كدة ف حياتي حتي انا مستغرب نفسي..حمزه المنشاوي سايب شغله ورجع البيت يحط ع الارض ورده ورده وشمعه شمعه ل حد الاوضه ؟! بس حمزه بيعشقك ويعمل اي حاجه علشانك حتي ولو عمره ما عمل كدة ف حياته

عائشه بابتسامه حضنته وحمزه ابتسم وباس راسها

حمزه/استني لسه هديتك

وعائشه طلعت من حضنه

وحمزه جاب من ع الكومدينو علبه

وفتحها وكان فيها خاتم الماظ

حمزه/الخاتم ال انتي لبساه دا .لبستيه ف اول جوازنا وانتي مجبره ..وانتي مش طيقاني..ف قررت اجبلك واحده جديد بذكريات جديده

عائشه خدت الخاتم بفرحه

حمزه/عجبك؟

عائشه بابتسامه/شكله حلو اوي اوي ..دا تحفه..انا بحبك

وباسته من خده

حمزه بابتسامه/ونا بعشقك ..هاتي البسهولك

وخلع لها الخاتم القديم ولبس لها الجديد

عائشه بابتسامه ودموع/شكلو حلو اوي. ميرسي بجد ي حمزه

حمزه مسح لها دموعها وباس راسها

حمزه/لسه في هديه تانيه

عائشه مسحت دموعها وضحكت/تاني؟!

حمزه/تاني وتالت ورابع .هي دي اصلا حجات من مقامك؟ ..انا ل ينفع اجبلك الدنيا كلها هعمل كدة

عائشه ابتسمت بحب

وحمزه طلع من جيبه علبه فيها سلسله الماظ ومنقوش عليها اسم hamza

حمزه/ انا حطيتك قدام الأمر الواقع وكتبت عليها اسمي ..تلبسيها طول العمر وتوريها ل عيالنا بقي واحفادنا

عائشه ضحكت/واحفادنا

حمزه/ايوا امال اي

عائشه ضحكت بفرحه وخدتها

عائشه بصت ف عينه/انا مش عارفه اقولك اي بجد

حمزه/مش عايزك تقولي حاجه..انا عايزك انتي بس

عائشه بابتسامه/طب يلا لبسهالي

عائشه مسكت شعرها بعدتها عن رقبتها

وحمزه لبسهالها وباسها من رقبتها

عائشه نزلت شعرها ومسكت السلسله

عائشه بابتسامه /تعرف اني معرفش لحد دلوقتي انت لو مكنتش اتجوزتني انا كنت هعمل اي ؟ كل يوم بشكر ربنا ع انه دخلك حياتي لاني بحبك لدرجه اني مش متخيله حياتي من غيرك

حمزه/امال انا اقول اي؟ انتي عوض كبير ليا من ربنا ..لو كنت اعرف ان مكافأة تعبي وعذابي ووحدتي كل السنين ال فاتت دي هتبقي انتي .كنت اتعذبت وتعبت ونا مبسوط ..جيتي ل واحد يتيم وبقيتي امه وصحبته واخته وكل حاجه ليه .جيتي نورتي بيته الكئيب ال عايش فيه ف وحده ..انتي الحاجه الوحيده الصح والحلوه ف حياتي ..الحاجه ال عايش علشانها وهعيش علشانها..معرفش لو مكنتيش ظهرتي ف حياتي..حياتي كانت هتبقي عامله ازاي..اكيد كنت هبقي اتعس انسان ف الكون وفي حاجه ديما نقصاني. لانك لما جيتي كملتي الناقص دا بوجودك ..انا كل يوم وانتي نايمه ف حضني بشكر ربنا ع النعمه ال معايا وبدعي كل يوم ربنا يحفظك ليا لاني من غيرك مش هعرف اكمل

عائشه ابتسمت وباست حمزه من شفايفه وحمزه مسك وشها ب ايده وسرح ف عالمها

عائشه افتكرت انها جيباله هديه

عائشه بعدت عنه/اه انا جيبالك هديه ع فكره

حمزه قربها منه تاني وحاوط وسطها ب ايده/لا مش وقت هدايا خالص

وباسها من شفايفها ورقبتها

عائشه ابتسمت/لاء هوريهالك قبل ما انسي

حمزه اتنهد وبعد عنها/اتفضلي

عائشه طلعتها من شنطتها

وكانت دبله ومحفور اسم عائشه من جوه

عائشه بابتسامه/انا فكرت برضو ف نفس الحاجه .إن الدبله دي لابسها وانت مجبور ومتجوزني علشان خاطر بابا. ف جبتلك دبله محفور عليها اسمي .(وقالت بغضب)علشان لو واحده فكرت تتعدي حدودها معاك تخزق الدبله دي ف عينها

حمزه ضحك وباس راسها

حمزه/حلوه اوي ..ومحدش يقدر يتعدي حدوده معايا علشان انتي اسمك محفور ف قلبي كدا كدا

عائشه ابتسمت وحمزه خلع الدبله القديمه

حمزه/يلا لبسهالي

عائشه لبستله الدبله

وحمزه باس ايدها وراح عند الكاسيت وشغل اغنيه

ووقف قدام عائشه وحط ايد ورا ضهره وايد قدام عائشه وحني ضهره

حمزه/ ودلوقتي تقبلي ترقصي معايا يهانم ؟

عائشه ضحكت/اقبل طبعا

ومسكت ايده وبدأو يرقصو

عائشه ابتسمت/ دي الاغنيه ال اياد شغلها ف فرحنا

حمزه/ايوا ..وال شغلتها اول مره خرجنها فيها ف date (موعد غرامي) وال شغلانها لما فاجئتيني احلي مفاجأه ف حياتي وقلتي لي انك حامل..الاغنيه دي بحبها علشان بفتكر ضحكتك وحنا بنرقص عليها سوا

وعائشه ابتسمت/مش هتبطل تخليني احبك كل يوم اكتر من اليوم ال قبله؟

حمزه/تؤ ..هحاول كل يوم اخليكي تحبيني اكتر من اليوم ال قبله ..ل اخر نفس

عائشه ابتسمت بحب

وكدة انتهي البارت وانتهت حكايتنا ..

عائشه و حمزه اسعد اتنين دلوقتى ومبيقدروش يعيشو من غير بعض ومنتظرين اول بيبي ليهم

وديچا وجاسر ف دبي قاعدين ف الصالون مع مامتها و جوز امها وجاسر بيتعرف عليها اول مره وديچا كانت فرحانه من قلبها جاسر دا عوض ربنا ليها ع الوحش ال شافته وجاسر مبسوط من وجوده وسط عيله ديچا لانها خلاص بقت حياته كلها ميقدرش من غيرها ولا لحظه

وسما واياد بيموتو ف بعض ومبيعرفوش يعيشو من غير بعض خلاص واياد قرر يعجل ف موضوع جوازهم لانه مش متخيل حياته من غير سما وعايزها جمبه طول العمر