رواية وقد كانت صدفة الفصل الثامن وخمسون 58 - بقلم غـدير عبداللّٰه

"وقد كانت صدفة"

وي غيري گاضيها ضَحك
و وَياي وجهَك ينگلُب
گلبة رسوم الفاگدة
وأنه الغشيم الماعرَف
شايلَك بگلبي عِشگ
مَا شالة گلُب الوالدة...
___________________

شهد:بعد آخر نقاش دار بينه اني والبنات حاولت اجرب الي گالت عليه غنى،وصُدك جربته صرت افكر شنو الي صار من بداية لقائنه لحد اخر مره شفته بيه .

وكل ما افكر أو اتذكره يصيبني شعور غريب گلبي يدگ ويه كل لحظه لو من اتذكر كلامه واحدي ابتسم صرت اتخيله حسيت دا انجذب اله لكن كله هذا راح بمجرد ما اتذكر يوم الي ضربني وكلامه الي وصفه عقلي ينفر هل فكره وارجع لنقطه الصفر والحيره مالتي...

تمشي الايام نفس الروتين لكن الي ملهيني هو الدوام والشغل ف ما اضوج ومن ارجع للبيت اروح جفي على المخده بس اريد انام،وبيوم الي عرفنه ميسم حامل كُلش فرحناله وبعده بدت تتغير علينه بسبب هرمونات الحمل حتى صرنه حذرين من نحجي وياه من اقل شي تبجي ونوب صايره مثل البطه سمنانه وخدود وبالگوه تمشي واني من اشوفه وتصير بوجهي ما اتحمل اضحك وخطيه هيه تزعل...

وبيوم جنت گاعده وحدي بالغرفه وصافنه جان تندگ الباب ويدخل ممرض جان يگول اكو احد طلبني سألته منو گال ما اعرف ستغربت منو الي طالبني گمت وطلعت لگيت واحد اني شايفته بس وين وشكله مو غريب جان يگول...

أبو گشوه: عيني الدكتوره شهد ممكن دقائق من وقتج الثمين؟

شهد: ستغربت،يي تفضل!

ابو گشوه:زين نحجي احنه واگفين لو نروح للاستراح افضل...

شهد: عفواً بس بخصوص شنو لا هنا مستشفى مو كافي حتى نگعد لوحدنه، اذا كنت تعاني من شي گول واني اتصرف بخصوص عملي!

أبو گشوه: الموضوع شخصي دكتورتنا؟

رحت وياه اريد اشوف تاليته وين وهذا مبين دمه كُلش ثگيل...رحنه گعدنه،يي تفضل وهاي گعدنه سولف شنو عندك؟

ابو گشوه:عود أنتِ ليش متوافقين عليه اشو كُلشِ مناقصه جمال ويخبل مركز وعنده فلوس ومتروس بعد شنو الي ترديه بالضبط لو اله يجيج وزير يالله ترضين!

شهد:شو هذا حجاهن كلهن دفعه وحده اني من يمي فرت،انت عن شنو دتحجي وبعدين شنو هل الأسلوب الدتحجي بي وياي تره اني مو اشتغل عندك حتى تحجي وياي هيج احترم نفسك واعرف نفسك ويامن دتحجي...

ابو گشوه:ويه بطل شطه دا احجي، على كيفج عيني اعصابج خاف تحرگينه داده،والي دا احجي عليه هو اشتر الي رفضتي لأسباب مجهولة،شوفي عيني الدكتوره رح احجي وياج هسه جديات مو بيبيات تمام...

شهد:تمام بس بلا هل تفاه الما اله داعي رجاءً.

ابو گشوه:تفاه لو برتقاله...

شهد: ستغفر الله اگوم احسن الي انت ما من وراك فايده...

أبو گشوه:لا يله بطلت، شوفي عيني الدكتوره رح احجيلج بكل صراحه والي رح احجي عليه وكانو دااحجي عن اخويه مو بس صديقي يمكن عشت ويا أكثر مما عشت ويه اهلي لان احنه من الصغر اصدقاء ولو يريد روحي هم انطيه اله .

شوفي عيني الدكتوره اشتر رجال وينشد بي الظهر وطبعا هو سولف الي كل الي صار بينكم هذاك اليوم بس رغم هذا ابد ما أنطه بيج جان يذب اللوم بنفسه،هو عمره كله ما حب بنيه لو لعب على وحده لان اني ادري بيه واعرف شنو الي بداخله حتى لو ميگلي اشتر اني عاجنه وخابزه بيدي وإن جان على تفكيرج انو هو أبو نسوان لو تشوفي يروح اماكن مشبوه ف هذا كله شغل مو على مزاجه يروح يستمتع ويتمتع...

..اشتر يحبج من يوم الي شافج وأنتِ دخلتي گلبه كل ما نطلع وين ما نروح اسمج مينزل من اللسانه،حتى اني من يمي جزعت كافي مو بطيتوا چبدي عاد وافقي وخلي اخلص من دوختكم ...

شهد:يي وهسه انت جاي حتى تگلي هذا الحجي عبالك حوافق،شوف عيني روح وگول الصاحبك المحترم بعد ليجي يوميه لو يدز الي أحد لان بده صبري ينفذ منه،وبعدين بده يأثر على سمعتي بالمستشفى يوميه وطالبني احد كافي عاد ما اريده شنو هيه لزگه...

أبو گشوه:يي لزگه مال جونسن،شوفي عيني الدكتوره اني محد دزني اني اجيت وحدي ولو يدري بيه اني اجيت وكلت الج ف رح تخرب علاقتي وياه واني اجيتج حتى اگلج على الي ديصير وياه والوضع الي هو بيه،بس شفت ماكو فايده وأنتِ متسمعيتي براحتج اروح احسن الي...

شهد:فز گلبي من گال صاير شي اله حجيت،ليش شنو شبي احجي؟

أبو گشوه:لعد مو متردين ينجاب بطاري،بس ميخالف اگلج حالياً وضعه مو تمام ورايح بشغل وهل الشغل بمنطقة والمنطقه الي هو بيه خطره حتمال يرجع عايش أو لاسامح الله...

شهد:اسم الله،الله ليگوله زين هسه شنوالمطلوب مني يعني؟

أبو گشوه:هاج هذا رقمه اتصلي عليه خطيه حتى لو گليله بالغلط اهم شي يسمع صوتج قبل لا الله ياخذ ام...

شهد:لتحجي هيج الله لا يگوله تمام نطينياه...كتب الي بورقه وبعده راح واني طبگت الورقه وضميت ورحت اكمل شغلي بس ضليت خايفه عليه اول مره يصح شعور الخوف اتجاه ودعيت اله الله يحفظه لامه لان گلبي هيج راد..

خلص الدوام ورجعت للبيت واني الوج اريد اتصل بس كون بالليل حتى محد گاعد كله نايمه،ما ادري شلون عده الوقت وصار الليل جنت من ارجع من الدوام بسرعه انام هل المره طار من عيني النوم،حاولت الهي نفسي بالشغل حتى يگضي الوقت المهم صار الليل دخلت الغرفه بعد ما الكل راح نام رحت قفلت الباب خاف احد يدخل وطلعت الرقم سجلته ومتردده اتصل بالاخير تصلت ويه كل دگه گلبي يدگ الف الى أن شاله وگال بتعب...

اشتر:الوووو منو وياي؟

شهد:رجف گلبي من سمعت صوته واطلقت نفس براحه وهل الأثناء طلع صوت نفسي...

اشتر:شهد هاي انتِ؟

ايلاف:اتمشه بالممر الي يودي على الغرفه مالتنه واني افكر هذا شجابه مو على أساس نقل لغير مستشفى بعدين ليش يسألني هيج سؤال شدخله هو بهل الأثناء دخلت للغرف ولگيت ميسم تاكل...

..هاج هاي الفه مالتج...

ميسم:يي عاشت ايدج وهااا شبيج وجهج معقج شكو؟

ايلاف:تصدگين شفت ايهم هنانه جان يصيح باسمي عود يسلم!

ميسم:لحظه يا ايهم هو اني عقلي على گدي نوب هذا منو؟

ايلاف:خيه ايهم الي جان ويانه دكتور اجه ستضافه بعدين طلع يصير ابن ابن عم جدو هاي شبيج من سولفت الج...

ميسم:اها تذكرته هذا الي تعارك ويا رجلج مو عود من جان يغار عليج...

ايلاف:ضحكت،يي هو...

ميسم:يي وشنو يريد منج؟

ايلاف:بالبدايه سلم وبعده ضل يسألني على امير شلون وياج اني ستغربت گلت...

..اعتذر بس هل شي ميخصك ما مسموح الك تسألني هيج سؤال...

ايهم:على كيفج ما گلنه شي وهسه ام منو نگلج خاف أتجاوز حدودي وزوجج حضرت المحامي امير يجي يهد عليه ،بس حجه بستهزاء...

ايلاف:ما عجبني كلامه وضجت ستأذنت منه وعفته لا ويحجي يستهزاء دولي

ميسم:يي خوش سويتي،وهسه يي گليلي شنو الي صار بينكم أنتِ وامير ما كملتي الي؟

نرجع للزمن:

ايلاف:بعد ما عجزت غنى مني وهيه تحاول تفتهم السالفه واني على نفس الوضع بالاخير اخذتني للغرفه وراحت واني ضليت ابجي على وضعي وعلى الي ديصير كل هاي الفتره طلع ألماي يجري من جوايه واني ما ادري تالي يطلع يخون بيه ليش بشنو قصرت وياه بشنو اذيته بس اريد سبب مقنع يگلي أنتِ هيج سويتي ضليت ابجي منا لحد ما المخده تنگعت بدموعي واني مستمره...

فجاه حسيت الباب نفتحت ما هتميت ضليت بمكاني كل الي عبالي غنى اجت مره ثاني حتى تشوفني،لكن طلع هو عرفته من صوت حسراته الي مله الغرفه لان جانت الغرفه هدوء،اسمع حركته وصوت خطواته وهو يمشي اجه گاعد على الجربايه واني منطيته ظهري،ذب حسره شكبره حسيت طالعه من گلبه وجان يگول...

امير:قبل فتره اجت الي دعوة طلاق ومثل اي دعوة طلاق عادي ستلمته والمره هيه الي رفعت الدعوه على زوجه واكيد اني من واجبي اني اعرف شنو سبب وليش تريد تطلك ف ردت عليه...

..اجت حتى ارفع دعوه اخلعه لان زوجي مهمل بكُلشِ حتى مصرف البيت حتى الجهاله، اهم شي عنده نفسه وبس واني هواي تحملت من عنده وضغط عليه هوي وبعد ما اتحمل كل هذا ،فاجيت اريد ارفع دعوه عليه ؟

امير:تمام زين من اي ناحيه مهمل؟

..من كل النواحي يعني تخيل حتى الماي والكهرباء اني لان اني موضفه ادفعه كل المصارف اني يا دوب يجيب علاگة المسواگ وبس واني شايله مصرف البيت كله...

امير:ومن بعده ضلت تشرح الي على طريقه تعالمله ومرات يتعامل وياه بالعنف واني كمحامي سجلت الدعوه عليه ودزيته اله من بعده واستمرت فتره اشتغل وبيوم الجلسه الطلاق واجتمعوا الطرفين وبدة تشرح للقاضي على تعامل وياه شلون هو مهمل لكن هو نكر هل شي وعلى انو هيه تكذب تأجلت لغير يوم..

مشت الايام والمره بعد ما شفته لكن قبل أربعة أيام من الجلسه الثانيه اجت وجان اكو جوه عيونه اثار ضرب بس خفيفه وهنا جانت الصدمه انو هو طلع يتعاطه مخدرات ومرات يجوا ناس بالليل ينطيهم وهاي الفتره كله تريد ترفع عليه دعوه مجان يخليه تطلع ،الى أن اجه الوقت المناسب يالله لان خافت يأثر على أولاده وهمه بعمر المراهقه ف فضلت الطلاق وتنازلت عن كل حقوقه في سبيل تبتعد عنه ...

واني كل هاي الفتره الي تحجين عليه مبتعد عنج لان جنت مشغول بيه بحيث ما اگدر احك راسي وجنت اشوفج شلون متعذبه لكن اني هذا شغلي ضليت اشتغل لليل نهار علمود نبعد هل الاولاد الي رح بنضلمون بسبب ابو فاشل وطلبت المره انو تكون بسريه حتى حفاظاً على أولاده حتى لا يحسون انو ابوهم مدمن..

من بعده تفقنه انو تخلي كاميرات بالبيت حتى نثبت الدليل الكامل وتثبت الدعوه عليه وبيوم الي اجت حتى تجيب الي الدليل...

..تفضل هذا الفديوهات كله، بس رجاء تكون حذر رغم كل الي صار والي سواه بيه ميهون عليه العشره ومهما كان يبقه ابو اولادي والعشرون متهون بس على ابن الحرام...وبيومه دگيتي أنتِ وگتلج تمام جاي بوقته حجيت وياج بنزعاج لا جنت منزعج من الي سمعته
..

صح واعترف انو هواي قصرت من ناحيتج واعتذر بس أنتِ هم راعي وضعي مرات المحامي يعتبر مثل الطبيب النفسي صعب يشرح أو يسولف حال المريض ويكون هذا الشي يكون خاص بينه وبين المريض وكانت هاي القضيه جدا حساس لان بيه اولاد رح يتأثر عليهم وينجرفون لغير طريق بسبب اب عديم مسؤوليه...

ايلاف:گمت من بعد ما سمعت حجيه واني احس عيوني توج نار من گد ما بجيت،بس كل هذا ميشفعلي ولا يبرر الي انت سويته امير هواي اذيتني وخاصه هاي الفتره جنت باشد الحاجه الك لكن انت شنو سويت قابلتني بالرفض...

امير:بس گلت الج شغلي!

ايلاف:امير كافي لتبرر يا شغل هذا فهمني الي دتحجي عليه اكو وحده تتصل على المحامي مالته نص الليل اوكِ خلى نگول قضيته حساسه بس ما اله دخل تسأل مرته موجوده لو نايمه امير كافي مو تعبت والله تعبت حس بيه عاد منين اتلگاه منك لو من...سكتت وضميت الغصه بگلبي ودموع تنزل اجه حتي يحضني ويخفف عني،عوفني ما اريدك وخر عني وخر لتسوي نفسك خايف عليه وانت الي اذيتني.

امير:ماشي ماشي بس كافي لصيحين ادري بيج هسه معصبه واعصابج متوتره تمام اني رايح واعوفج لوحدج تهدئين...

ايلاف:سحب مخده وراح طلع ينام بالمكتب مالته،ما تحملت گمت وضليت افتر بالغرفه اروح وارجع ختنگت كُلش وما اعرف وين اروح الساعه ب3 بليل نزلت جوه اشرب ماي وصعدت وگفت باب الغرفه ودرت وجهي على باب المكتب مالته جانت بصف الغرفه بمسافه...

اخذتني رجليه ورحت معقوله لي هسه بعده گاعد؟

فتحت الباب على كيف لگيته نايم على التخم ومبين تعبان من كثر السهر الي سهره،اخذت الغطه وغطيته لان جان المكتب بارد وقبل لااطلعت ضليت اباوع لملامح وجه وكاتمه نفس خاف يگعد ويسمعني وبعده رحت ،عابت الي ولگلبي هذا الخايف عليك...

ايلاف:وهاي صار النه يومين ما احجي وياه احس گلبي ملچوم منه...

ميسم:بس تردين رأي يعني هو عترف بذنبه الج واعتذر وحاول يبين موقفه وقدر وضعج وگلج من تهدئين اني افهمج كُلشِ بعد عليش هل العناد كله؟

ايلاف:ميسم ميخالف بس جان يگدر يگول يأبه عندي شغل وهيج وقته ضيق وميكفي يعني هو من الصبح لحد ما يرجع للبيت كله هو يشتغل لو شنو،عوفج من هذا كله مخابرته اله نص الليل شنو اعتبره ها أنتِ گول من زوجج گدامج يخابر وحده ويضحك ويگول يي ما موجوده وأنتِ گدامه شنو حيكون موقفج اتجاه وكل هذا ترديني ما ازعل منه لا والله اطلع بلا كرامه اذا سويت هيجي...

ميسم: والله ما ادري يعني منو الغلط ومنو الصح بيكم ما اعرف زين سمعي منه حاولي تضبطين اعصابج وسمعي الي يگوله الج وأنتِ حكمي عليه مهما كان لزم واحد بيكم يتنازل لعد شلون حتستمر حياتكم إذا أنتِ كرامتج متسمحلج انو تتنازلين وهو هم شلون بالله؟

ايلاف:اوف ميسم سُكتي لعد اذا هو اتنازل اله عن كرامتي وخالتي هم الي مراويتني نجوم الظهر وكل هذا اطلع اني الغلطانه عمي لو ما متزوجه هواي اشرف الي...

ميسم:ليش نوب هاي شبيه؟

ايلاف:خليه سكته احسن...

ميسم:دحجيه مادام نفتح الگلب بعد شي سده اخخخ وعلى طاري الگلب شتهيت چبده اخخخ..

ايلاف:ههه عفيه اكل مو توج خلصتي لفه...

ميسم:لا يله كملي شبيه عبير خاتون؟

ايلاف:صُدك ضحكتني،عبير خاتون اني هم ما سولفته الج والله حتى اخجل اسولفه..

ميسم:لا احجي احسن الج حتى ترتاحين..

..بالعيد عود تهندمت ورحت للتتسمه مرت عمي اعايده اجيت وگلت اله كل عام وانتِ بخير واجيت اريد ابوسه غير شو هاي عافتني وراحت ياااا ضليت فشلانه وگدامهم كلهم دخلت بهدومي وبوقته والله العظيم نهضمت هضمه بس ربج يعلم بيه حتى ما كملت عفتهم ورحت للمطبخ صرت اذب ماي على وجهي حتى لا ابجي حيل ختنگت تالي عمي الله ينطي العافيه اجه هو بنفسه عايدني واعتذر مني بداله وهيه ضلت تخوزر بيه...

ميسم:وامير شنو گال؟

ايلاف:ضاج امير حيل من تصرف أمه ويايه بس اني ما هتميت اهم شي قمت بواجبي تجاه وبعده نسيته وبوقته امير هم ما قصر حاول يغير من نفسيتي عباله بعدني مقهوره وهاي بعده راحت اصلا تعودت على تصرفاته وشنو تحجي اطببه من هاي الاذن يطلع منا...

ميسم:ها هيه عاشت ايدج طنشي لا تنقهرين ولا تضوجين طز بيه خلي تفيده هاي السوالف تاليه محد اله خلي يفيده الغرور والشيلت الخشم هاي عباله الوادم رح تعبده ستغفر الله ولج عصبتيني وخلتيه تأخذ حسناتي كلهن وهن شلون حسنات ما بيهن ترميشه...

ايلاف: هههههههههههه كُلش أم حسنات...

ميسم:حيل نقهرت على وضع ايلاف متت عليه بس ما بينت اله عمي الله يساعده شلون متحمله لو اني والله اطگ واموت بس من القهر وأنوب اني اگله تعالي سمعي وتنازلي، والله هيه العايش عيشته تبقه كرامه صخام وكل هذا وهيه متحمله حتى الاهله مو هلگد تروح مره بالشهر،اما اني بالاسبوع مره اروح من غير العصريات اسير عليهم...

خلصت شهر الرابع ودخلت بالخامس واجه يوم الي اروح بي واشوف جنس الطفل وهو على أساس بالرابع يبين بس شو من رحت اله گالت ماكو ما مبين،ف رحنه للدكتوره اني وسيف عمتي مگدرت تجي لان جان عده واجبه المهم دخلت العياده وضلينه ننتضر شويه وصاحوا باسمي دخلت گعدت على السرير وخلت الجل كشت روحي منه وبدت...

..اممم اها بين...

ميسم:صُدك دكتوره شنو؟

..ثواني،امممم مبينه وكحه البنوته!

ميسم:فرحت من گالت بنيه،دكتوره صُدك وينه؟

.. دقيقه هاي شنو؟

ميسم: حجيت بخوف،ها دكتوره خوفتيني شكو؟ شو هاي ماكو سكتت وعگدت حواجبه باوعتلي بنظره عصبيه بعدين ضحكت...

..مبروك حبيبتي بنيه وبنيه وولد!

ميسم:ما فهمت وصفنت بوجه،ما فهمت دكتوره شنو قصدج؟

.. حبيبتي حامل بتوام بنوتات ثنين ولد.

ميسم:فتحت عيوني بصدمه توام معقوله؟

..جان تضحك،يي حبيبتي عادي وبعدين ليش مصدومه شنو مشايفه توام قبل وهاي شوفي صورهم؟

ميسم:باوعت للشاشه واني اشوف صورهم نوب علت صوت دگات گلب حسيت دموعي نزلت وحدهم ياربي شكرا لك الف حمد وشكر الك ربي الي عوضتني بهيج شي الف حمد وشكر الك مسحت دموعي وطلبت منه أخذ الصور وطلعت تلگاني سيف وبين القلق على وجه...

سيف:ها يبعد حيلي شبيج ليش تبجين صاير شي كولي مو...

ميسم:حجيت ونزلت دمعه واني اگوله،سيف حامل بتوام بنتين وولد...

سيف:الحمد لله والشكر وهااا توام بنتين وولد معقوله!

ميسم:شو هذا بسرعه حضني حتى تفشلت گدام النسوان بعدين هو حس على نفسه وبعد،يالله امشي نطلع ولزم ايدي حيل واني أمشي بالگوه واحس النفس صعب عليه صعدنه بالسياره حار شنو يسوي حتى يعبر عن فرحته واني اضحك عليه،گولي يبعد حيلي وطولي وعمري شنو رايد شنو الي مشتهيته؟

..اممم اريد فنگر وعليه مايونيز وجبن و بيتزا وموطه...

سيف:ولعيون الحلوين احلى طلب...

ميسم:اني لو ولدك؟

سيف:اكيد انتِ غير الروح والريه وكل الناس عاريه...

ميسم:اذا هيج تمام...

سيف:يي وشوكت تبدون تجهزون؟

ميسم:ما ادري بس ماما گالت ميصير هسه نجهز االه بالسابع يالله...

سيف:خوش...

ميسم:مشه والطريق كله يسولف هيج نسوي وشلون وكون لازم نشتري كركوت للاطفال لحد ما وصلنه المول ونزلنه دخلنه وضلينه نفتر شويه بعده رحنه على قسم الاطفال...

..اوي اوي سيف تعال شوف هذا الاوڤر يجنن...

سيف: هههه فدوه يخبل...

ضلينه نفتر وكل ساعه نوگف يم شغله ونگعد نعلق عليه وخلصنه الوقت كله اوي وفدوه لحد ما تعبت ومتت جوع رحنه للمطعم گعدنه احس روحي ماعت من الحر اخذت بطل الماي كله شربته والباقي ذبيته على راسي وبعدني محتره جان سيف ملتهي ويه النادل راح وضلينه نسولف بين ما يجيبون الاكل جنت احجي وياه واني اباوع على تلفوني مدري منو تصل،شفته مدا يرد عليه رفعت راسي وشفت سيف صافن وفاتح عيونه بصدمه درت وجهي للمكان الي يباوع عليه جان يگول....

يتبع....

لا تنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه
غدير عبدالله