رواية وقد كانت صدفة الفصل التاسع وخمسون 59 - بقلم غـدير عبداللّٰه

"وقد كانت صدفة"

لا تفارگني وتكابر ، اني حاير
وحتى ابينلك حسرتي
اني مُدمن بس
عليك وعالجگاير
القسمة ما خلتني يمك
والمسافة بلا ضمير
خل نعوف الفرگة كافي
ونلتقي بعيد الچبير .
______________________

ميسم:جنت احجي وياه واني اباوع على تلفوني مدري منو تصل،شفته مدا يرد عليه رفعت راسي وشفت سيف صافن وفاتح عيونه بصدمه درت وجهي للمكان الي يباوع عليه لگيت عائله ورانه بنيه هي ورجله واطفال ثنين درت وجهي اله وسمعت گال...

سيف:ءنور!

ميسم:فتحت عيوني على كبرهم ودرت وجهي مره ثانيه عليهم،معقوله هي بعد كل هل سنين وتصير گبال عينه وبهيج يوم،باوعت عليه بنظره وتجمعت الدموع كله بعيوني وداخلي يتگطع بس لا يعوفني ويروحله اكيد وهو كل هاي السنين يدور عليه اكيد ما نساه هذا كله واني اباوع بعيونه لي بعده مصدومه من الي ديشوفه بعدين حس على نفسه وصارت عينه عليه حجه بخوف...

سيف:شبيج ميسم ؟

ميسم:لا ماكو شي.

سيف:بتسم لا واضح ابد،يله گومي ما عجبني هذا المكان أمشي نروح لغيره.

ميسم:ليش؟

سيف:ما عجبني...

ميسم:اصريت عليه نبقه حتى يشوفه ويتقبل فكرت انو هي كملت حياته وهو هم لازم يكمل حياته وخاصه هسه بعد ما صار مسؤول عن زوجه وقريبا أطفاله اصريت بعد محاولت إقناع ساعه رغم الغيره أحسه دتاكل بداخلي اكل،لان اني حاسه بهذا الشعور من قبل ،سيف لازم حتى تتخطه هل شي؟

سيف:ميسم اني على مودج واعرف الي دتحسين بي وخاف عبالج بعدني اتذكره اصلا بعد متهمني من يوم الي،ولزم ايدي من يوم الي فتحت عيني وشفت عيونج واني نسيت حتى اهلي يوم الي شفتج بي لا ونوب حتصيرين ام اطفالي واعيفج اطلع ناقص غيره اذا أسويه بس اني علمودج والله ادري بيج وانتِ منا حامل وخاف ياثر عليج...

ميسم:حاولت اطمئن من خلال كلامه وگلت اله تمام وگمت هو اجه أخذ الجنطه مني وخله أيده وره يسند ظهري ومشينه همه صاروا گدامنه هيه رفعت رأسه ونصدمت حتى جانت لازمه بنته عافته وضلت تباوع لسيف وهو ولا باوع له حجيت،سيف دتباوعلك...

سيف:وخلي تباوع طبه آلم...

وصُدك طلعنه ورحنه على غير مطعم دخلنه وطلبنه اكل وضل يضحك لو يسولف عباله ضجت لكن وره هاي الضحكه جان اكو جرح قديم نلجم وضل يوجع،خلصنه ورجعنه بعده للبيت وبشرت عمتي خطيه حيل فرحت حتى نذرت نذر لوجه الله من أولد.

لكن ضل بالي مشغول بسيف ما ادري حسيت واهسه راح حتى من أمه باركتله بتسم بتسامه جامده ورح للغرفه بيومه ما حجيت وياه وخليته على راحته ما حجيت شي،ثاني يوم جان عطله بشرت ماما والعصر اجت حتى تشوفني وگعدت تسولف هيه وعمتي شوكت يبدون يجهزن،مشت الايام ورجع وضع سيف عادي بعد ما جان بحاله صمت لكن هسه رجع مثل قبل لشقاه ويه عمي وسوالفه...

بيوم بالليل دخلت للغرف ولگيته هو صافن من دخلت حس عليه واشر الي رحت يمه وگعدت على جربايه اشر الي اخلي رأسي بحضنه اني هم كيفت وبده يدلك راسي على خفيف،اخخخخخخ حبيبي عاشت ايدك بأس
راسي...

سيف:ميسم شو صايره تنگرطين بعدين عود ليش بس خشمج كبران زياده؟

ميسم:يي يگولون الي تحبل بولد تصير حلوه والي تحبل ببنيه خشمه يكبر واني ثنينهم بيه بعدين منين اله كبير يخبل...

سيف:بهاي صدگتي...

ميسم:ضل شويه يدلك راسي بعد نمت على أيده اجه على بالي سؤال وگلت اله بتردد... سيف!

سيف:اممممم؟

ميسم:اذا صار وولدت وباثناء الولاده،حجيت بتردد وبالولاده متت هم تتزوج غيري ؟گام باوع بوجهي مصدوم بعده كملت ...

..بس حباب لتخلي اطفالي ينسوني دوم سولف الهم عليه گول الهم امكم جانت كُلش تحب ابوكم،وما تحملت وطگيت بجيت...

سيف:گام على حيله وحجه بعصبيه،ميسم شنو هل الحجي وليش هيج تفاولين على نفسج ومنو گال رح اتزوج غيرج حتى وإن الله لا يگوله وأخذ استغفر الله...وفرك وجه، يا بعد روحي ذكري الله ولتفكرين بهيج شغلات هسه تولدين بخير وسلامه وتشوفيهم وتربيهم احسن تربيه...

ميسم:زدت بالبجي وصرت انشغ،والله مو بيءءدي بس بس هيج اجه على على بالءءي وتدري اني اني صايرءءه كُلش حساسه حباب لتعصب عليه آه بجيت،اجه حضني...

سيف:اشششش لتبجين يبعد حيلي ادري بيج والله ادري بعدت عني ادري هرموناتج گابه ، ولزمت وجه بثنين اديه واني اباوع بعيونه العسليه الحمر من أثر الدموع وشعره الي لازگ على وجه وخدوده الحمر الي صايره مثل التفاحات وثوبه القصير الوردي ياكل ويشرب وياه وبطنه الي مسويه فاصل بيني وبينه بحيث من احضنه تبعدني عنه...

ميسم:حسيت بضربات داخل بطني ضحكت من بين دموعي،شوف جهالك يگولون كافي تباوع لأمنه مو أكلته اكل بنظراتك...

سيف:يي وشحدهم هاي مالتي محد يأخذه مني لو مو جهالي هاي روحي ونفسي وتيني الي تغذي حياتي كله مو بس گلبي ولو اعدد لباجر ما اخلص هاي الي، هاي ثمره الي الله جازاني بيه بعد تعب...

ميسم:اگلك اني جعت؟

سيف:خرب جفصت بام الرومنسيه اگوم الف راسي وانام خاف بعد شويه تگعد تگلي مشتهيه شي لو اتنسه على حاجه على الاقل ماخذ الي نومه...

ميسم: هههههههههههه يي نام زين لان اليوم ما اكلت زين بالعشه،والله وصُدك ورحت للمطبخ وفتحت الثلاجه اباوع شنو بيه لگيت كاست روبه وتمت باگله زايد من الغده بسرعه جبت خاشوگه وگعدت اكل حتى ما حميته واني ودا اكل جان اطب سليمه تباوعلي وتهز بيده...خير شكو خاف مشتهيه حتى لو ما انطيج ...

ايناس:ما اريد عفته الج يال...

ميسم:يي يل شنو حتى هسه اجيج والله وميوگف بعيني أحد ... شو هاي خافت وراحت وبس الترابه وراه والله يا الله بس بوخه،بعده خلصت غسلت الماعون ورحت نمت...

ايلاف:أهاا الله يسهل عليج وتولدين بالسلامه...يي أن شاء الله...هههههههه هسه تسويلج مزيقه هناك...يي خيه ديري بالج على نفسج...يي... هانت أن شاء الله...ها الشهر الجاي ترحين ،يي ما بقه شي وتعرفين...ييحقج حيل كبرانه الله يساعدج...

جنت دا احجي ويه ميسم بالغرفه تصلت عليه جنت گاعده على ميز التواليت وارتب بيه واخابره جان يدخل هو ما درت اله بال واني مستمره اسولف وياه...

..يي وشلون يعني تضلين داومين؟...اها تمام...لعد مو يگطعون راتبج...يي والله صُدك... هههههههه خرب ببليسج...تمام يله الله وياج باي...وغلقته منه

رفعت رأسي على المرايه لگيت صافن عليه درت وجهي عنه واني لي هسه ما احجي وياه رحت اخذت ملابسي ودخلت الحمام سبحت وطلعت لافه الشعري بالمنشفه وهو نفس مكان،افتر بالغرفه واني انشف شعري رجعت گعدت على الكرسي اخلي زيوت لشعري خلصت شعري بديت اخلي مربطب لوجهي وبعده جسمي،خلصت كُلشِ وگمت اريد أنام جان يصير گبالي...

امير:مو كافي ما مليتي؟

ايلاف: بلا مبالاة ،من شنو؟

امير:هذا كله وتگولين شنو ايلاف!
تدرين بيه اني بدونج ما اگدر دومج على بالي اكل اشرب اشتغل أنتِ بالي حتى صلاتي دائماً اگطعه لان أنتِ بالي اربعه وعشرين ساعه اني افكر بيج حتى من اسرح بالي لبعيد بيج افكر ، مكافي كل هذا الي جاي تسوي اسلوج الجاف هذا يذبحني ،تدرين بيه حتى نوم ما اعرف انام اذا مو أنتِ يمي وعلى ايدي مدري شلون گضيت هل الايام بالمكتب من وراج!

ايلاف:من ورايه اني شلدخلني انت الي وحدك رحت محد گلك روح وان جان على اسلوبي ف انت الي خليتني هيج اعاملك تذكر هذيج الفتره الي اني هواي حاولت وياك بس ماكو قفلت والي دا أسويه وياك هسه قليل بالنسبه الي سويته بيه وتريدني ما اعاملك بجفه يعني كل هذا واطلع اني الغلطانه هه بعد شنو اسوي ويرضيكم ما ادري.

امير:ايلاف دا اگلج شغل والله اذا مدا تقتنعين اتصل بيه وسمعي كلامه خاف اني اكذب،ايلاف مدا تدرين شديصير بيه واني اشوفج هيج ويايه والله دا اتعب حيل حتى صار شكم مره يرتفع ضغط مالتي واني ودا اسوق..

كافي الله يخليج رحمي بحالي عاد انسي كل الي صار هذيج الفتره والله اعوضه الج شنو تردين اسوي ولو كله تختلف عليه عادي اله أنتِ بدونج اضيع وانتهي ...

ايلاف:بس صعب عليه والله صعب نزلت دموعي واني احجي وياه شگد حاولت اسيطر على نفسي بس ما گدرت ما تحملت، شلون تريدني انسه واسوي نفسي عادي ولا كانوا صاير شي واني كل ما اخلي رأسي على المخده اتذكر الي صار مو بيدي امير عبالك مرتاحه لوضعنه هيج لا متعرف شنو ديصير بيه شنو الي واجهته لو الكلام الي سمعته ومنا انت عليه...

..حجيت بخيبه،كله تجمعت عليه واني جنت بعازتك واني بأمس الحاجة الك محتاجه أحد احجيله أفرغ همي يمه أحد يفهمني من نظره يعرف بد...داحجي وابجي جان يحظني فجاه.

امير:اسف والله وعلى كل الي صار وياج يبعد عيني والله اني غلطان اني واحد اناني اني واحد حقير نسيتج نسيت اكو من يسندج نسيت أنتِ الي ماعرفت كل هذا الحجي السامعته اني اعترف الج اني غلطان بس والله وعد حعوضج عن كل الي صار حسكت كل من گال أو سمعج حجاي غثتج اسف يبعد حيلي انتِ

ايلاف:حاضنته حيل وملزمه بيه من وره بقوه،حباب لتعوفني اني بدونك ما اگدر اني بدونك عدم والله انت أبويه اوهلي وسندي وعزوتي كلهم انت لتكسرني بيوم وتخلي شامت يفرح بكسرتي...

امير:اف اني مو ابن ابويه اذا كسرتج يا شمامت گلبي،والي صار صار ومن الماضي يعتبر كافي حبيبي مو عيونج راحت وتدرين بيه اموت عليهن وباسهن...

ايلاف:لا لتبوس من عيوني يعني فراگ واني ما اريد افترگ عنك بس الموت يفرقنه...

ومن هاي اللحظه رجعت علاقتي ويه امير لطبيعته ومثل قبل واحسن بعد صار يخلص شغله من وقت ويرجع يمي صار يسمعني من اگعد من الصبح لحد ما نام اني احجيله شنو الي صار وياي بالشغل حسيته صُدك عوضني عن كل الي فات..

تغير حتى هو صار يسولف الي على القضايه الي تجي وشنو سبب مرات حتى إذا تعصه عليه حاجيه يجي يأخذ برأي،أما خالتي نفس طبعه ما تغير واني تعودت عليه شنو تريد تحجي ميهمني ومن تشوفني اسكت تموت وتنقهر وخاصه من شافت امير شلون يهتم بيه صارت تموت...

مشت الايام عادي ميسم دخلت بشهره الخامس واخذت السونار وطلع بيه توام باركت اله صُدك فرحت اله والله أحسه اختي هي لو الدنيا كله توگف بوجهي هي الوحيده تصير وياي لهذا فرحته من فرحتي والله حتى مرات تگلي هنيال جهالي عدهم هيج خاله من هسه فرحانه الهم والله رغم بساطه أحسه تدري الي بداخلي شنو بس شنو نگول الحمدلله على كل حال...

قررنه اني وامير نشتري جرابي للجهال وهم هديه الهم لان سيف وميسم ميتعوضون ويستاهلون كل خير وبيوم الي گلنه الهم ماقبلوا لكن اصرينه عليهم وافقوا مشت الايام واجه رافد وصدمني بالقرار الي قرره لكن ما دام هو مرتاح كُلش كافي الي ودعيت اله من گلبي يشوف حياته والله يعوضه بالاحسن مثل ما هيه عوضه هو هم ...

تمر الاشهر بلمح البصر بين الدوام والبيت ميسم اخذت اجازه واخير وافقوا ينطوه اجازه اله لمن گطعوا نص الراتب مالته لان حمله حيل متعبه وخاصه بعد ما دخلت بشهره ومد تگدر تمشي بحيث اخر مره رحت اله بالگوه تأخذ النفس ورحت ساعدته شويه لان مرت عمه هم خطيه ما مقصره بس تتعب بس هو العتب مو عليه العتب على البومه العده شايله أيده من كُلشِ وبهاي روحتي لفيت اله صينيه كبه وگلت اله يفيدج وحضرت اله الجنطه خاف على ساعه تولد وتصلت على امير اجه أخذني ورجعت للبيت...

بيوم جنه نايمين وجان يدگ تلفون امير الساعه ب3
بالليل ستغربت منو شافه وباوع الي...

امير:هذا سيف؟

ايلاف:يي شوفه شنو يريد؟

امير:الووو هلا بيك خويه خير؟ هاااااااا...

رافد:حظرت الجنط مالتي وحجزت أو طياره على العراق بعد ما اخذت الي فتره وردت اتعود على الوضع بس ما گدرت حاولت التهي بشغل بعد ما قدمت اوراقي لشركة هناك ومنتظر يوافقون عليه..

خلال هاي الفتره لگيت شغل بسور ماركت بس ما تحملت العيشه هنا وين هناك اشتغل بشهاتي وبين اهلي وناسي حسيت نفسي مذلول واني بغير بلد رغم الوضع بالعراق السيئ لكن ما اگدر...

قررت ارجع من بعد تفكير طويل وقررت هو ارجع واشوف حياتي الى متى اضل شارد علمود أنساه وبعد اخر مره من سمعت بكلام حنين الي أخذ تفكيري بهاي الفتره بيومه تصلت على اهلي وخبرتهم بجيتي بس ما گلت الهم رح ابقه بعد ما ارجع المهم اجت موعد السفره مالتي بعد ما سلمت مفتاح الشقه واخذت الجنط مالتي وتوجهت للمطار ...

وصلت وبعد هوست اجرات المطار توجهت للطياره الي متوجه نحو الأراضي العراقية گعدت على الكرسي مالتي واني الأفكار تقتحم راسي الصراع الي بداخلي بين عقلي وگلبي مستمره محد بيهم يعلن استسلام أمام الآخر محد بيهم يرفض انهزامه أمام نظيره الآخر،قاطع سلسلت أفكاري صوت المظيف وهيه تقدم الي وجبه الريوگ اخذت وخليه گبالي ورجعت لنفس المستنقع الي جنت بيه ...

وصلت واخير لي بلدي العراق بعد ما أعلن الطيار بارتداء أحزمة الأمان للهبوط على الأراضي العراقية،نزلت واخذت الجنط مالتي ورحت لصالة الانتضار ولگيتهم گبالي آدم وابويه قابلتهم بالاحضان بعد غياب طويل...

طلعنه وأثناء ما طلعنه اني جنت ماخذ قرار وبعد ما أتراجع عنه ولازم باسرع وقت يتنفذ من بعد الصراعات الي دامت طول فترة الرحله...

وصلت البيت ودخلت جان تتلگاني امي أخذته لحضني واني ادور على ريحته الي صار الي اشهر ما شامه ولا حاس بحنانه مسحت دموعها الي تهل على وجنته...

..يمه الله عليك بعد لتروح وتعوفني تدري ما اگدر بدونك يبعد گلبي انت...

رافد:بست راسه،ولا يهمج يمه ها هيه بعد ما اروح ...

..صُدك والله لا تضحك عليه ادري بسوافك تريد تقنعني مو؟

رافد:لا والله بعد ما ارجع رح اضل يمكم وارجع الشغلي واهلي وناسي الي تركتهم وتندمت... بعدت عني ورحت دخلت لغرفتي حتى ارتاح وبعده على نفس ما تركته بس الي زايده هو العطر الضايفته امي وريحته الحلوه نمت على الجربايه بعدين تذكرته اخ شگد مشتاق اله ولشوفت بنيتي رحت بسرعه وگلت لامي تخابره تجي العصر اريد اشوفه...

..يي يمه خابرته العصر جايه هيه ورجله...

رافد:رحت گعدت بالمطبخ بمكاني القديم من جنت صغير هذا مكاني نسولف اني وامي جانت واگفه على الطباخ تبزل التمن...يي ست شيماء شنو طابخه اليوم بس لا مرگت بذنجان؟

.. تدري على أساس اليوم أسويه بس من دريت انت حتجي لا غيره وسويت الك دولمه من هاي الي حبه گلبك...

رافد:هههه رحتلج فدوه وگمت بست رأسه...بعده صبت الغده وتغدينه الله شگد جنت مشتاق لهاي الأجواء بعد ما خلصنه رحت لغرفتي انام لان احس راسي يريد ينفجر من الالم حتى ما حسيت على نفسي بسرعه نمت...

گعدت العصر جان اشم ريحة الجاي المهيل،لك اخخخخ على هل دلال اويليي...

آدم:يي عمي حقك من جنت ما موجود بس خبز وجاي ناكل العصريه ماما فدوه سويلنه شغله تصيح رجليه اجيت انت الكيك والكليچه وبعد شويه تجي اختك شو شنو مسويتلك...امم حظوظ...جان تضربه امي

..ولك لعد مو سويت الك هذاك اليوم انت واصديقك كيك وكليچه أخذتوه ورجعتوا صفر طاس خالي اني گلت هسه يزود وذبوا طلع مامخلين ذره...

آدم:قحط هيه مره...

..لك شوف هذا شلون يفور دمي وضلت تعدد اله وهو يكذبه وابويه خال أيده على خده وصافن جان يگول...

علي:هاي اني يوميه على هذا الوضع من رحت انت لليوم هم عراك...

رافد: هههههههههههه،بهل الأثناء جان تدخل ايلاف بسرعه اجت حظنتني وضلت تتحمد الي بالسلامه...

ايلاف:شلونك يبعد اختك بشرني زين والله مشتاقتلك هواي گطعت بينه...

رافد:هاي آخره مره نوب حيصير اربع وعشرين ساعة اني مگابلكم وكاعد...

ايلاف:فتحت عيوني بصدمه،يعني بعد مترجع ورجعت حضنته اوي حبيبي فدوه بعده لتسوي هيج بينه وتعوفنه وتروح...

رافد: هههههه يي ميخالف،يله وخري بعدين نسولف اروح اشوف امير اني.

دخلت للستقبال لگيت أبويه يمه سلم عليه وتبادلنه الاحضان وگعدنه نسولف شويه ودخلت ايلاف بصنيه قدمت واجت گعدت يمي شويه حسيت بيه تريد تحجي بس متردده اشرت اله شنو گالت بعدين ستأذنت من رجله وگلت اله تعالي وراي ...

طلعت جان تجي ورايه ...

ايلاف:رافد يعني صُدك بعد مترجع لو شنو؟

رافد:يي بس ليش؟

ايلاف:زين شنو سبب رجعتك وليش اخذت هيج قرار وبعدين شنو الي غير رأيك وانت جنت مصر تسافر؟

رافد:لان بعد ما اتحمل العيشه هناك واني مبتعد عنكم وين هنا جنت اشتغل شغلتي وبشهادتي رغم اهلي وبفلوس بس ولا الذله الي عشته هناك...

ايلاف:بس..

رافد:ايلاف لا بس ولا شي وهذا الي بالج انسي مستحيل بعد ارجع واتذكره لو شي أصلاً ،اعرف دتحملين نفسج المسؤوليه بس اني رجعت لهنا حتى اكمل حياتي خو ما اضل اتهرب منه هيه عاشت وشافت حياته وتزوجت ويمكن رح تصير ام..

بعدين هي ما اله ذنب كل الصوج مني اني بنيت احلامي على شي مو الي... وبسبب انانيتي خسرت صاحبي واخويه واجيت ابدي حياه ثانيه وارجع علاقتي بي...

ايلاف:ميسم حامل..

رافد:الله يهنيه ويسعده،وعفته لان بس هذا الي گدرت احجي لان بعد ميهمني بديت اتقبل الواقع ماعاد يفرق...

ثاني يوم رحنه لبيت جدو رحت سلمت عليهم كلهم وگلت على خبر رجعتي وبعد ما ارجع كله لي تگول يي احسن الك وشعندك رايح...

ليث:يي والله احسن الك شعندك رايح ولو أكلك هيه العيشه هناك حلو بس شنو نسوي منگدر إذا ما بالعراق العظيم صعب ...

آدم:هسه الي يسمعك جنت عايش بريطانيه ويه الملكه اليزابيث ورجعت لان متتحمل فراق العراق...لو اني منكم بس اهج واروح واعوف الكم الحر وضلوا تمرغثوا بتراب الوطن زين...

ليث:انت اسكت محد حجه وياك..

آدم:على كيفك ابو امين اعصابك عيني.

حسين:يي بس حجي هذا دروح لهناك وعيش الك شكم يوم وبعده احجي وشوف شلون متضوج...

آدم:هسه بس خلي اروح والله كريم ...

فهد:يي عمي حياة حتى اني لي هسه متندم على رجعتنه لو ضال بس اخخخ وعض إصبعه...جان ترد امه

..وجعاخ يتحسر حضرت جنابه ليش عيني اكو احلى من العراق لو حتى هناك خوش تأخذ راحتك تسرح وتمرح بكيفك مو...

آدم: هههههه يلدثو نعلست لعد منو قبل شويه يصبغ بروح ابو الحياة...

فهد:يي مو مرات عمتك دوس بريك وتطلع عن طوره...

رافد:ضلوا يسولفون وحدهم ويضحكون بس جانت عيني عليه ابد ما حجت ولا گالت شي گاعده وتلعب ابن ليث صار الليل وتعشينه وخلصنه گلت لازم احجي وياه دزيت اله رساله رفعت رأسه وباوعتلي كملت وگلت اله تجي للحديقه الخلفيه..

وخلال هاي المده فكرت وفكرت هواي صار الموضوع ياكل ويشرب وياي يمكن يطلعني من الي اني بيه واگدر انسه بس شلون قاطع سلسلت أفكاري صوت الباب درت وجهي وجان تجي...

حنين:يي تفضل شنو هو الموضوع الي متگدر تحجي گدام الكل أو على التلفون اله وجهاً لوجه؟

رافد:اصبريلي شبيج هيج مندفعه اجيتي،بالبدايه شلونج حتى ما تحمدتيلي بالسلامه؟

حنين:تمام الحمدلله والحمد لله على سلامتك..

رافد: بعد وقت ،شوفي اني اجيت احجي وياج بموضوع واني هاي جيتي كانت لهذا السبب الي هو اريد اگلج....سحبت نفس وبللت شفايفي،ءءتقبلين تتزوجيني؟باوعت عليه بصدمه بعدين رجعت ملامحه عادي وردت...

حنين:لا،حجته ومن دون تفكير ..

رافد: بس ليش أنتِ مو تحبي...قاطعتني...

حنين:قبل مو هسه،هسه كُلشِ تغير رافد صح واني اعترفلك جنت احبك بس جنت غافله مراهقه شنو تريد تگول گول لكن هسه نتبهت أو صحيت من الي جنت اسوي واني انتضر منك ولو شويه اهتمام أو تحس بالي جنت أحسه تجاهك حالياً كله تغير وما اگدر ارجع مثل قبل؟

رافد:ممكن اعرف ليش وشنو الي غيرج أنتِ مو ردتي هذا الشي يصير مو درتي احس بيج واطلب منج تتزوجيني ليش هسه ترفضين...

حنين: شوف رافد اني ادري بيك لي هسه تحبه ولتگلي شمدريج لان اعرف كُلشِ وإذا جان تگلي نسيته تره دتكذب على نفسك مو عليه،واني ما اقبله على نفسي اتزوج شخص روحه وياي وعقل وگلبه ويه وحده غيري ومن سابع المستحيلات اقبل،لكن هسه ياله عرفت وعيت بلي جان ديصير لان جنت جاهل كل هذا بعد ماعرفت بالي دا اسوي لان مستحيل اهين نفسي وانزل كرامتي ويه واحد مراعه حبي اله مجرد أخذني وسيله ينسه الي قبلي...

رافد:دنحجي وجان نسمع أحد من ورانه گال...

..هاي شنوعدكم واگفين بالحديقة وليش وحدكم هنا؟...

يتبع...

لاتنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه
غدير عبدالله