رواية وقد كانت صدفة الفصل الثاني وخمسون 52 - بقلم غـدير عبداللّٰه

"وقد كانت صدفة"

فارِشلك جفن وتنطُر تنام
نام ولا يهَمك ضيم الأيام
يبَعد رموش عَيونيّ
وچفنيّ ولعَين وصَبيها ونضرهَا
وذيچ الأحَلام
سَنه ماشايفَك بس أنتَ موجود
لهَسه أشتم عطر مِن شوفت ألعام
________________________________

ميسم:بعد ما رجعت من الدوام دخلت البيت واسمع ماما تحجي بالتلفون ما فهمت منه شي بس...يي خلي يجي احسن وهنا يطلگه... هاي شنو نسوي... تمام الله يريح گلبج يخيتي الله وياج...

رحت اله لكيت بالغرفه سلمت وگتله...

ميسم:خير ماما شكو ومنو يطلگ؟

..هااا لا ماكو شي..

ميسم:ماما احجي ولتكذبين عليه ومنو يطلگ خوفتيني...

...لا لتخافين مو عليج بس اخخخ ادري بيج ما رح ترتاحين اله تعرفين شكو روحي جيبيلي ماي نشف ريگي من الحجي...

ميسم:رحت وجبت اله ماي بسرعه والخوف ماليني شربت الماي،يي وهسه الماي وشربتي احجي شكو؟

..يي يميسم لجن بينت حوبتج ...

ميسم:يا ماما حوبتي ليش وبيمن؟ بعدين صفنت وگتله،بس لا ماهر؟

..يي يمه هو رح يجي للعراق بعد ما خسر كُلشِ حتى شغله الي صار اله شگد يشتغل عليه راح بلمح البصر وخسره...

ميسم:يي لعد ليش يطلگه وهيه شله دخل لعد مو كتل نفسه عليه؟

..يي مو من شافت الوضع بعد ميصرف اله وبعد ما خسر كُلشِ وهيه يوميه عركه وياه وهو منا متخبل وهيه معيرته وگايله اله انت مو رجال كاتله كتله من هاي الزينه....

ميسم:شهگت،عززز ماما فهميني شكو تره مجاي افهم بعدين تره مصار الهم سنه من تزوجوا...

..اوففف مو طلع ميصير عنده جهال ونسبته قليله وبيوم الي ضاربه رايحه ومشتكيه عليه وهيه الله يسلمه وكحه ومتگعد راحه وبعدين انتِ تدرين هناك بالخارج يعترفون بحقوق المرأة تعالوا واخذوا وبيتوا بالحبس همزين أصدقائه متلاحگيه ومطلعي ...

ميسم:اسمع كلام ماما وصدمه وره صدمه وصُدك لو گالوا الله بالمرصاد من خسارته لمشروعه الي وهمني وگلي من ارجع اجي نتزوج تالي كذب عليه وتركني، وله لطلاگه منه الي عافني علموده لان يحبه تالي من تزوجه وسمعت بي هيج تعيره بدال متوگف وياه واخير شي مخليته ينام بالحبس هاي تاليتك يا ماهر ضليت لا للسمه ولا للگاع...

عفته ورحت لغرفتي حتى ما تأثرة بالي صار ابد لكن القاهرني شلون جنت أحبه وكاتله نفسي عليه اخخخخ وين جان عقلي من حبيته مقهوره على سنين الراحن من عمري مقهوره على الاذيه الجبته النفسي لكن كل هذا واگول الحمدلله والشكره من گدرت أنساه والله عوضني بالاحسنه منه وهو سيف...

سيف الي صار بالنسبه الي الهوه الاشتمه ما اگدر انام واخلي راسي على المخده إذا ما اسمع صوته ميجي يوم يخليني انام زعلانه اذا ما صالحني سواء كان السبب منه او من عندي وهذا الشي خلاني اتمسك بي وأحبه ...

مشت الايام وصرنه نطلع نكمل تجهيز اني وماما ما بقه على العرس شي الحمد لله كملنه التجهيز وضميتهن بالجنط أما سيف بقه بس الغرفه نطلع اني وياه نشتريه هاي الايام ...

بيوم تصل عليه العصر گال نطلع نشوف غرفه گتله تمام والله وربع ساعه واجه رحت گلت الماما گالت روحي طلعت اله لگيته بالسياره صعدت وشفت عيونه رايح وما بي حيل أول ما شافني بتسم گتله بعد ما سلمت...

ميسم:شبيك سيف ليش هيج وضعك؟

سيف:لا ماكو شي لا بس تعبان من الشغل..وحرك السياره

ميسم:لعد اذا تعبان خليه على غير مره نروح؟

سيف:لا حبيبي ما بيه شي ليضل بالج...

ميسم: تمام...كملنه الطريق واني كل ساعه عيني عليه أحسه بالگوه يفتح عيونه...وصلنه الأهل الاثاث وضلينه ندور ولا وحده عجبتنه ثنيناتنه طلعنه ورحنه لغير واحد وهم ماكو شي حلو باوعت اله أحسه كُلش تعب حجيت...

..سيف تره وضعك ما عاجبني شبيك...

سيف:اهو يأبه ما بيه شي ليش هل الملحه الزايده...

ميسم:دشوف وضعك بالگوه فاتح عينك شو بالله وخليت ايدي على گصته،عززز ولك غادي نار وشلون تمشي هيج وگفه السياره وگفه...

سيف:شبيج بابا وين اوگف...

ميسم:وگفه يم هذيج الصيدلية، وگفه ورحت رگض جبت اله علاج وبطل ماي واجيت صعدت لگيت ساند رأسه على الكرسي ومغمض عيونه،هاك سيف جبت الك هذا العلاج أخذه ،فتح عيونه بتعب وأخذه مني وشربه...

..تگدر تسوق لو اني اكمل؟

سيف:تعالي أنتِ لان بعد ما بيه...

ميسم:اخخ منك ويريد يروح بعد ،نزل هو واني اخذت مكانه ودنيت الكرسي لي گدام وهو باوعلي وضحك...

سيف:ها يالقزه؟

ميسم:تره مضحك وهم مريض ويصنف وبعدين انت شطولك واني ما اگدر اسوق هيج...

سيف:ههههه الثومه تعيب على البصله يله أمشي...

ميسم:ميگدر اذا ميصنف حتى وهو مريض مشيت ورجعنه للبيت وصلته...ها حبيبي وصلنه تگدر تكمل لو اوصلك؟

سيف:لا اني اكمل وبعد صرت زين ما بيه شي واسف ميسم ما گدرت اكمل وياج...

ميسم:لا عادي ليش تعتذر غير مره أن شاء الله اهم شي انت تصير زين كُلش كافي اهمشي عندي صحتك اهم...

نزلت اني وهو كمله دخلت البيت مشه الوقت بس ضل بالي يمه دگيت عليه شاله...ها حبيبي شلون صرت...تمام الحمدلله...يي ستمر عليه مجرد 3 ايام وتصير احسن يي...ماشي عادي شوكت ميصير عندك فراغ نروح...يله الله وياك باي حبيبي...وغلقته

مشت الايام وصار زين وهم اجه عليه واخذني لا هل مره منطلق فول والطريق كله أخذه لو يصنف لو يتغزل وصلنه ورحنه على شكم واحد بالاخير صفينه على واحد حلو وعجبني كُلش هو جان ما مقتنع بس من شاف عجبني تفق ويايه جان لون ابيض وذهبي كُلش حلو تفقنه عليه وحجزناه وبيومه أخذني للمطعم تعشينه ورجعنه
بيوم الي جابوه صوره طالع كُلش حلو ويه ديكور الغرف...

قرب موعد العرس والتوتر والقلق بده يزيد عندي وحدد موعد العرس وحيصير مختلط وبالقاعه هم اني رغم ما عجبتني الفكره بس هو حابه اني هم ما خربت واهسه وگتله براحتك...

ايلاف:گعدت مخروعه على دگت الباب باوعت للساعه بعده 7:30الصبح بسرعه لبست الروب وفتحت الباب وإذا اشوف عمتي...

..يله عيني مو كافي رباخه شنو تردينه احنه نخدمج ونصعد الج الريوگ ماكافي هل ال3 ايام ما شبعتي نايمه ورجليج بالشمس يجيج الاكل حاضر ...

ايلاف:ضليت مصدومه من كلامه خلصت،ماشي عمه هسه نازله...

..وعمه العماج هازه كاروكج اني گولي خاله...

ايلاف:ماشي خاله...

ومن هاي اللحظه ونفتحت عليه باب من أبواب جهنم اله بدايه ما اله نهاية...

راحت هيه واني رحت دخلت الحمام على سريع وطلعت نشفت شعري بسرعه وسحبت حجاب ويايه ونزلت لگيت ماكو احد بالبيت بس هيه موجوده كله بالدوام اجت گالت...

..يله تعالي خلي نشوف شطارتج تعالي هاي الدجاج طلعته الج وخليتهن يموعن اريدج طبخيهن وهاي السوالف الحشو والتمن تخلصين تصعدين الطابق الفوگ كنس ومسح تخلصين تنزلين ليجوه نفس الشغل تخلصين الحديقه هم تغسليه لان اليوم تجي حماتي ما اريده تحجي شي ودارت وجه رادت تطلع...وها والتحفيات الاستقباله كله مسح فهمتي لو لا؟

ايلاف:ماشي عم...خاله وراحت

بديت بالشغل حتى ما تريگت بسرعه رحت قطعت الدجاج وبعده حمسته وبعده خليت الماي اني هاي طريقتي تعلمته من ماما اكو لا بسرعه يسلگوا بين ما يفور حمست الشعريه وقطعت بتيته والبصل وحمستهم كل واحد على كتر كله كملت وخبطته وخليت البهارات كمل الحشو رحت كشفت الدجاج ديفور نصصته لگطت التمن ونگعته هذا الحجي كله واني اركض ركض خاف تگلي ليش لسه مامكمله ...

صارت الساعه 10 صعدت لطابق الفوگ بديته من غرفتي لحد الدرج بس غرفت غنى وأيسر ما دخلت اله لان استحي كملت تنظيف الفوگ نزلت شفت الدجاج وبعده عفته خليت التركيبه وبديت التنظيف هم ما خليت حاجه كله نضفته رحت شفت التركيين فارت طبخت التمن وهدرته ورجعت اكمل لحد ما ضهري نكسر كله هذا حتى لتجي وتحجي واني ما احب المشاكل وما اريد تلزمه سالفه عليه...

خلصت التنظيف وطلعت بره حتى اغسل الطرمه بعدني دافتح الصونده ودخل امير تفاجئ مني واجه...

امير:هاي شنو شدسوين؟

ايلاف:دا اغسل الطرمه...

امير:بابه دخلي جوه بعدج عروس ولاحگه على الشغل دخلي ومن تجي غنى تغسلهن...

ايلاف:مو خطيه تجي تعبانه؟

امير:يي دخلي ترتاح وبعدين تغسلهن..

ايلاف:مو فشله اليوم تجي بيبيتك؟

امير:يا ربي هسه أنتِ شلج دخل طبي ميصير يا عيني...

ايلاف:عفته بمكاني ودخلت وهو دخل قبلي رحت للجدوره اشوفهن طفيت الدجاج والتمن متهدر هم طفيته..

امير:هاي وين صرتي مو صار الي ساعه انتضر؟

ايلاف:يي مو طفيت الجدوره هاي عيني اجيتك، صعد هو وصعدت وراه دخلنه الغرفه اجه بتجاهي وفتح الشال واجه خله أيده بين خصلات شعري ويحجي شمهم....

امير: اوف شگد احب عطر شعرج لك أنتِ شنو هل ترافه يربي اموت عليج ...

ايلاف:واني هم اموت عليك...

امير:خله أيده وره خصري وسحبني حيل...

نزلنه سوه جانوا كلهم جاين وخالتي تباوعلي من فوگ ليجوه اني عفته ورحت صبينه غده اني وغنى وديناه على الطاوله...

غنى:ها داده شلونج اليوم خو ما امي سوت شي لان ادغي بيه ؟

ايلاف:لا كُلشِ ما سوت...

غنى:معقوله،باوعت الي بشك؟

ايلاف:يا خيه شبيج وشنو تسوي حجيت بضحكه مثلا تكتلني؟

غنى: والله كُلشِ اتوقع من ماما...

ايلاف:باوعت اله بصدمه،شنو!

غنى:هههه يا ولج شبيج خفتي بس گلت شعجب ما حجت لان وحدجن بالبيت وتستغلج...

ايلاف:لا ماكو هيج شي،واخذت الاكل طلعت كله تدري بيه مو صاحبت صديقه تخوف ولو شنو تخوف اني عليه اسوي شغلي وها هيه شنو تريد تسوي خلي تسوي...

گعدنه كل احنه على الطاوله واني گعدت بصف امير وبدينه ناكل شويه وحجه عمو وكال...

..هاي شنو منو اليوم طابخ الاكل؟

..ليش شبي اني طبخته!

ايلاف: رفعت راسي مصدومه من الي گالته هاي شبيه لعد واني رجل كرسي گدامه هيه باوعت الي بنظره معناه لتدخلين...

.. والله كُلش طيب عاشت ايدج...

..بالعافيه ابو امير..

ايلاف:أكلته وسكتت خلصوا وكلمن راح لغرفته جنه اني وغنى نلم بالسفره اجت وگالت...

..اشو الطرمه ما نغسلت اني شنو حجيت؟

ايلاف:مو...

غنى:اني گلت اله لتغسليه اني اغسله خطيه هيه اليوم تعبت...

..ها ست ايلاف خوش من هسه بدوا يصفون وياج بسيطه اني الج أنتِ الردتيه ما دام اجيتي برجليج حطلعين من نفس الباب الي دخلتي منه وگولي عبير ما گالت...

وراحت ضليت فاتحه عيوني عليه هاي شدتحجي شدتگول هاي بعدني بالبدايه وهيج شلون رح اضل طول عمري وياه لا اكيد شنو شنو تسوي قطعت تفكيري غنى...

غنى:ومن اگلج شنو سوت الج تگولين كُلشِ ماكو مو اني امي واعغفه شوفي ايلاف اني مو هسه اهيچج عليه بس اگلج لتخليه تتسلط عليج صيغي نادغه وغادديه لتخليه تحجي عليج وحتى الغده عغفت بيه كذبت وادغي بيج أنتِ الي طبختي وشفتج من ضليت تباوعين اله لو اني منج جان حاجيته وگتله لتصيغين فاهيه تمام،وها عاشت ايدج الاكل كُلش طيب...

ايلاف:بتسمت بالعافيه يروحي...

طبعا ما خلتني اغسل المواعين وگالت اني اكملهم عنج رحت صعدت لغرفتي ونمت العصر حسيت ثگل على صدري فتحت عيني ولگيت امير حاضني ونايم وخالي أيده عليه وشعري نايم عليه دگ تلفون اريد اگوم ماكو بالگوه أخذته وفتحته...

ايلاف:الووو ها غنوه؟

غنى:الوو ها خيه اكلج يله متنزلين بيبي اجت وتغيد تشوف اميغ...

ايلاف:يي هسه شويه وانزل...غلقته

اريد اگوم وهذا مشدد أيده عليه اميررر شو شويه اجت بيبيتك اريد انزل؟

امير:خليج شويه ؟

ايلاف:يا عززه امير فشله عيب من المره؟

امي:شكو عززه هيه تدري بيه نشلع گلبي يالله خذتج ف خليني بمكاني...

ايلاف:يا هاي شلون مشكله...

امير:ماكو متگومين...

ايلاف:ضليت بمكاني بعدين اجت بالي فكره،وصحت اميرررر وخر على السريع اخخخخ وخر...

امير:هو بسرعه وخرر،شكو شبيج؟

ايلاف:ويه ما وخر بسرعه طفرت ورحت للحمام وسديت الباب واني اضحك عليه وهو يعيط...بسيطه اني الج عبالج تفلتين مني...

دخلت الحمام غسلت وجهي وخليت آذاني على الباب بعد موجود...لا ماكو فتحته على كيف ولگيت ملابسه مشموره اكيد طلع طلعت من الغرفه يي والله ماكو بسرعه لبست وتعطرت ونزلت اول ما نزلت لگيته بالمطبخ بعده ما رايح يم بيبي ...دار وجه وباوعلي...

امير:يله أمشي، لزم ايدي ودخلنه الاستقبال دخل هو قبلي وجان تكول...

فردوس: اللهم صل على محمد وال بيته تعال يبعد بيتي خلي احبنك وراح باس أيده وراسه...وينه مشمش كربله خلي نشوفه وجان يوخر من يمه ورحت اني اسلم عليه...

ايلاف:شلونج بيبي،وبست رأسه طبعاً كلهم جانو موجودين...

فردوس:هلا بيج يبعد بيبي هلا بيج يمشمش كربله الشعر كاريه والگذله قاتله...والله وطلعت خوش تختار يبعد هلي...

ايلاف:بتسمت باوع الي امير وگال..

امير:لعد شعبالج قابل اني مو شويه مو ياهي التجي وتأخذ هذا وأشر على گلبه....

فردوس:يي وانت صادگ يبعد عمري...

ايلاف:راح باس عمته واني وراه گلت اله،شلونج عمه...

عذراء:هلا بيج بعد گلبي الف مبروك أن شاء الله شايفه كل الخير وزواجت الدهر...

امير:تسلمين عمه ما قصرتي...

فردوس:تعال هنا يمه انت ومشمش كربله گعدوا يمي...

غنى:يي بيبي شلونه جنتنه؟

فردوس:ورد ما دام وليدي حبه ها هيه ما يهم حلوه مو حلوه اهم شي اخلاق وبنت اوادم وتحترمه كُلش كافي...

ايلاف:نزلت راسي وخجلت من كلامه مبين كُلش تحب امير رفعت راسي وصارت عيني على خاله تباوعلي مكشوله ما عاجبه الحجي اني هم درت وجهي عنه شويه وطلعوا الولد وبدت النسوان تجي لهناك وجان وتجي خالته ام سيف هيه وبته ابد ولا حبيته نفس خالته خشمه معلگ فوگ عكس أمه اجت وسلمت هذاك السلام الحلو أما هيه اجت عود تسلم جان تتقرب الي وتگول....

ايناس:لا عبالج من اخذتي راح تتهنين لا والله فلا يطلع اسمي ايناس اذا ما خليتج تندمين بيوم الي دخلتي بيه لهذا البيت جانت خاله ايده على أيدي وحيله عصرته بحجت تبوسني وراحت ...

ايلاف:دخيلك ربي هذني شنو عصابه بعدني بالبدايه وحادات سنونهن عليه منا الام ومنا هاي الثانيه ايناس مدري شنو اسمه من راحت صاحت الي بيبي رحت يمه واشرت الي اگعد يمه...

فردوس:اكلج بيبي ديري بالج من هاي الحيه تره مبينه حاده سنونه عليج ديري بالج على زلمتج لتلف عليه وتاخذه منج صيري نبه ما دام خالته عبير شفتي شلون تلگته هذاك الملگه خليج قويه ولتخافين منهن خوش...

ايلاف:أن شاء الله،نوب اني جنت بحاله هسه صرت باتعس صرت وين ما يروح امير اروح وراه من لحد ما طلع اخاف عليه يمه بس لا جانت تحبه عزززه غير شسوي بيه شحده توصل يمه...

مرت الايام عادي لحد ما بديت اداوم ومنا بده الشغل الزين نوب خاله خلت عليه الاكل والتنضيف على غنى بس وين غنى عده دوام ودراسه ف هل تگدر عليه تشتغله واني اكمل الباقي...

صرت اگعد بال5 اطبخ الغده وبالليل انظف وتصير ال7 اني محضره الريوگ الأمير ولعمي والغنى جانو ميتريگون بعدين صرت اني اسوي الهم واهسه صاروا يوميه ميطلعون اذا ميتريگون جنت اشوف الحنيه بعيون عمي وحجيه ميخله من كلمت... بنيتي عاشت ايدج ...والله رغم التعب الاتعبه كله يروح بمجرد ما اسمعه من عنده حتى ايسر الي جان يستحي هسه لا أخذ على الجو وغنى صارت مثل اختي دومه اني وياه سالفتنه سوه كله سوه اني وياه وبعده دخلت ويانه ميسم وشهد صرنه خوش گروب نحجي سوه...

اجه يوم عرس ميسم وبيومه رحنه اني وياه وغنى للصالون وما گعدت كله ترگص هيه وغنى سوه وام الصالون وياهن واني اضحك عليهن واصور بيهن گومني بس اني ما اعرف ارگص وهنه وحده مگابله الثاني وهززز....

شهد:وجان تفتح الصوره وإذا هو وجان تصيح امي بسمي رحت اله واني ارجف من الأعصاب گلت اله...

..بعد وكت تردين احنه نصيح لحضرت جنابج الكسيف تعالي اكلي...

شهد:رفعت التلفون بوجه،ماما منو هاي ريام؟

..وأنتِ شكو شو جيبي،واخذته مني...

شهد: ماما احجي منو هاي ريام وبعدين ليش دازه صورت اخوه نفسه هاي الي اجت اليوم مو؟

..يي هيه نفسه وهذا اخوه هو على أساس الي خاطبج...

شهد:حسيت للساني نعگد معقوله سواه واجه لكن كل هذا جان تفكير ثواني وبسرعه نگلب وطلع من الحجي غير، ماما هسه تخابريه وتكولين الهم مموافقه...

..يا هيه شبيه المخبله مو على أساس كالتي نفسج قبل شويه وهسه تگولين مموافقه بعدين حتى لو احنه بعدنه ما سألنه عليه...

شهد:شنو دتحجين أنتِ اگلج مموافقه ما اريد اتزوجه ليش تخليني احجي ما اريده، بعدين اني ما اتزوج واحد عسكري دمه بقوطيه يومين يمي وسبوع بالدوام اني ما اريد هيج شي وهسسسه تخابريه وتنطيه الرفض،احجي وارجف من الأعصاب كُلش نفعلت حتى ماما بهتت من رد فعلي وسكتت وخواتي هم ما حجوا...

..ماشي بأجر اخابرهم فشله مو هسه بعدين اهدي على كيفج محد جبرج عليه اهدي يمه شبيج ترجفين تره محد مخلي سيف على رگبتج لا اله تزوجين...

شهد:دارت وجه واني گعدت على صفحه وارجف من الأعصاب ما ادري كل ما اشوفه وأتذكر كلامه نفسي تگلب منه ومن كلامه الي ساواني بيني وبين الحبابات ملاته...اوففف گمت اخذت گلاص ماي وشربته وحاولت اهدء...

ثاني يوم العصر وخابرت ماما أهله ونطتهم الرفض على ابو انو البنيه مموافقه هسه تتزوج وابوه هم ما قبل ينطيه بس أكدت على ماما تگول هيه رافضه حتى توصله الرساله...

وبعده همه ما تصلوا مره ثانيه ومشت الايام وهو ما اله خبر حتى ما شفته توقعت هسه يگلب الدنيا تالي مااجه احسن خلي يولي اني ما عايزني شلعان گلب كافي اني حايره بشغلي نوب يجي رجال يحكمني وتعالي هيج سوي وهيج لبسي عمي خليني مرتاحه بجال اهلي لاحگه على شلعان الگلب قابل خلصت الزلم وباقيه بس عليه ...

تمشي الايام وخوش سوينه گروب اني والبنات متونسين بيه وهم مخبوصين على عرس ميسم لا ما بقه شي،نسولف شنو نسوي وشنو نلبس وشنو نخلي مكياج وهاي تختار تسريحات وهاي تختار المكياج الي يوالم ملابسه وهيج مگضيه...

بيوم جنت ستوني طالعه من المستشفى ورايحه لبيت خالتي والعصر يمر عليه اخويه ياخذني أمشي وبالي يسولف وحده سرعت مشيتي لان جان الجو بارد صرت ارجف لهناك وستوقفني واحد عليه يركض....

..خيتي أنتِ دكتوره مو؟

شهد:يي،طبعا جنت لازمه الكوت مالتي يمكن عرفني منه.

..خيتي الدكتوره تعالي ساعديني اخويه رتفع ضغطه وخشمه دينزف وما أكدر أنزله لان يوگع وهوه نايم بالسياره ...

شهد:يي أمشي بس وهو وينه؟

.. بالسياره منا

ورحت وراه هو يركض واني اركض وراه عبرنه المستشفى ودخلنه بالفرع الاول الي قبل فرع بيت خالتي وجانت سياره سوده،طبعا اني بالي كله جان يم المريض ما نتبهت للوضع وشلون هو اجه وفتح باب السياره واني صعدت اريد اشوفه والمريض جان نايم ساند نفسه على الكرسي ما نتبهت عليه حسيت بدفع لي گدام ونسدت الباب ونقفلت بنفس اللحظة درت وجهي واذا هو...

شهد:يعني انت متوب من سولفك وشنو معنا الي دتسوي؟

يتبع...

لاتنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه
غدير عبدالله