رواية وقد كانت صدفة الفصل الحادي وخمسون 51 - بقلم غـدير عبداللّٰه

"وقد كانت صدفة"

اليُوم بالصدفة مِثل عُطرك لكَيت
حاولت بَس مكَدرت ألزم عبرتي
بهوسة السوكَ وبجيّت
تدري حسبالِي نسيت ؟
إنتَ لو تدري الهوى إمسمّه بأسمك
ماعِفتني يالغشيّم ..
الوادم مدورّتني بالظلمة ولكَتني
وآنه حاركَ رُوحي إلك بَس ماشفتنِي .
__________________________________

يوم1/1
ساعه12:00...

ايلاف:بدايه دخول هاي السنه الجديده اتممنه هاي الليله المباركه مثل ميگولون جانت هاي الليله احلى الليالي الي عشته بحياتي مليانه حُب، حنان، لهفه وهواي مشاعر رغم الخوف لكن كل هذا راح بمجرد لمسه منه وكلامه الي خدرت بي وأصبحت ارواحنه بجسد واحد بما معناه صرت زوجه امير الي ملك گلبي وروحي وعقلي وكلني صرت ملكه...

ثاني يوم الصبح گعدنه سوه كملنه ونريد نطلع من الفندق على أساس نتريگ هنا ما قبلت گالت...

ايلاف:لا حبيبي هناك احسن هنا ما اگدر اتقيد وحتى ما اعرف اكل بعد...

امير:ولا يهمه الحلو يتدلل علينه...

ايلاف:ضحكت اجه باسني من راسي ولزم ايدي والايد الثاني أخذ الجنطه وطلعنه من الغرفه وبعده نزلنه سلمنه المفتاح وتوجهنه للسياره صعدنه بيه وراه نطلقنه...

بعد مسافه جان نوصل لبيت امير وجان تنفتح الباب ويطلع عمو ابو امير والولد وعمامه نزلنه من السياره ودخلنه باركوا النه اجه عمو ذبح تجرأت دم جوانه ودخلنه جوه بعد ما سلمنه على الكل وبعده شويه واجت غنى صعدتني للغرفه دخلنه...

غنى:يله داده غتاحي بين ما اصعد الغيوگ الكم...

ايلاف:لعد مننزل يمكم نگعد؟

غنى:لاحگين علينه تونسوا وحدكم مدامكم بعدكم عغسان...

ايلاف:بتسمت اله،براحتج حبيبتي...

وطلعت ذبيت الشال واخذت ملابس ورحت الحمام كملت وطلعت لگيت امير توه دخل...

..ها حبيبي احضر الك الملابس تدخل الحمام؟

امير:اگول على كيفج ويانه تره اني ما متعود على هل دلال وخاص اني اذا احد دللني بعد ما اعوفه...

ايلاف:لعد اني شعندي شكم امير اذا ما ادللك المن ادلل ؟

امير:يي هم صُدك يله لعد حضري لانو...ندگت الباب فتحه امير وإذا غنى..

غنى:يله عيني هذا غيوكم واي شي تردوا عود لتصيحولي تمام...

امير:هههه أمشي لج شنو تذلينه غصبن عليج...

غنى:تمام مدام هيج أغيد اشوف منو يجيكم ...وطلعت وهو راح دخل الحمام واني گعدت اشسور شعري لان الجو بارد شويه وطلع وتريگنه بعده بدلت ونزلت جوه...

مشه الوقت وصار وقت الغده جان الكل موجود من عماهم ونسوان والولد والبنات صبوا البنات الغده اني ماخلوني اساعدهم ،فصلوا الرياجيل بلاستقبال والنسوان بالصاله جانت گعدتهم حلوه واني متعوده لان دائماً نگعد ويه عمامي عد بيت جدو رغم شويه خجلانه منهم لكن تماشيت ويه الوضع ومنا غنى گاعده يمي لا احسن وكل ساعه تخلي حاجه گدامي...

غنى:اكلي داده ضبي گلبج وغاج معاغك طاحنه...

ايلاف:عوزه بعينج ولج سُكتي...

غنى:شكو اسكت اذا وين ما ادوغ وجهي الگاهن يحجن نفس السالفه بعد عليمن هل مستحه واكو مثل مدري شنو الياكل بضرسه ينفع نفسه هيج شي واني گتلج بعد بكيفج...

ايلاف:ههههه ولا عرفتج يالحكيمه...

غنى:لعد شعبالج واني اخت اميغ...

ايلاف:لا اني اشهد...

بعده كملنه اكل والبنات لمن السفره امير بعد ما شفته واني كل ساعه اريد اصعد واستحي نعسانه وكل ساعه اريد اغفه اجت غنى گالت...

غنى:ها داده شو ما صعدتي حتوگعين على وجهج من النعاس...

ايلاف:يي والله بس استحي...

غنى:شوف هاي بابا غوحي نامي ذني لو ودهن يضلن لصبح گاعدات ما عدهن مانع غوحي عيني غوحي...

ايلاف:والله ما كذبت خبر وصعدت بس خليت راسي ونمت...

فزيت على دگت الباب گعدت واخذت الشال خليته على راسي والنومه بعده بعيني فتحته وإذا غنى...

ايلاف:ها خيه تفضلي...

غنى:يي اتفضل يله بسغعه بدلي ونزلي لان أجن نسوان وهم امج وميسم وأمه اجن يغدون يشوفوج ...

ايلاف:تمام ثواني بس اغسل وجهي أنتِ ضلي هنا طلعي الي المكياج لان ما اعرف اخلي...

غنى:تمام غوحي بسرعه....

ايلاف:دخلت الحمام غسلت وجهي طلعت ختاريت ثوب جان مخصر على الجسم بينصل مو كُلش ثخين وفوگاه مثل البشت لان جان الجو بارد بسرعه بدلت واجت غنى خلتلي مكياج...

غنى:يله وين الذهب مالتج؟

ايلاف:هسه أخذته وطلعت گلاده طويله حلوه جابته ماما هديه لبسته...

غنى:هاي شنو صُدك تحجين؟

ايلاف:ليش شكو؟

غنى:تغدين تخلصين من القال والقلت لبسي ذهبج كله حتى لتجيج حجايه وما الج شغل اني اعرف وخاصه الي عدنه...

ايلاف:فتحت عيوني،كله كله؟!...

غنى:يي كله ولج يله بسغعه...

ايلاف:لبست كله وهيه نزلت قبلي واني لبست حذاءوسحبت شال خاف احد يجي ونزلت وصلت نهاية الدرج جان تطلع عمتي نزلت وبتسمت بوجه عافتني ومشت هاي شبيه اجت غنى ودخلت كُلش فرحت من شفت ماما جنت كُلش مشتاقتله وميسم وأمه وگعدت يمهم ضلت ماما تسألني شلون ما شنو گتله ...

..كُلشِ تمام الحمد لله...

..يي الحمدلله

بعده ضلن شويه گاعدات وراحن وهم بيت عمهم الكل راحوا كلهم ضل البيت هدوء تنذب الابره ينسمع صوته من طلعوا يالله شفت امير جان مبين عليه التعب لان كل ساعه جاي خطار صعدنه فوگ هو راح نام شگد گتله مو زين هسه تنام ما سمعني عفته واني بدلت ملابسي لان صار المغرب وبعد محد يجي بعده ضليت گاعده ماعندي شي ضجت نزلت جوه لكيت غنى بالمطبخ ترتب
الگلاصات...

رحت وياه مقبلت اساعده ضلينه نسولف طلعت عمتي شافتنه گاعدات ما حجت بس گالت لتسون عشه منشتهي هيه گلتله...

غنى:يي ماشي انتو متشتهون لعد واحنه نموت من الجوع...

..هاي ثلاجه وشتردين سوي واكلي محد مانعج ...

غنى:ضليت اباوع لماما هاي شبيه حتى فشه من ايلاف بعده أول يوم وهيج اني هم گتله ماشي...

ايلاف:غنى ضلت تباوع الي مثل الفشلانه اني سويته عادي وما بينت اله...

مرن 3ايام وامير ما عافني ابد جنت عايشه وياه احلى شعور من الحب من كل النواحي من كلامه والغزل الي يخليني اطير لسابع سمه من اسمعه يخليني باعالم اخر عن الي احنه بيه، رابع يوم جان تخلص إجازته اما اني لا سبوع بس الاجازه مالتي ..

گعدت الصبح مخروعه على دگت الباب باوعت للساعه بعده 7:30الصبح بسرعه لبست الروب وفتحت الباب وإذا اشوف عمتي...

..يله عيني مو كافي رباخه شنو تردينه احنه نخدمج ونصعد الج الريوگ ماكافي هل ال3 ايام ما شبعتي نايمه ورجليج بالشمس يجيج الاكل حاضر ...

ايلاف:ضليت مصدومه من كلامه خلصت،ماشي عمه هسه نازله...

..وعمه العماج هازه كاروكج اني گولي خاله...

ايلاف:ماشي خاله...

ومن هاي اللحظه ونفتحت عليه باب من أبواب جهنم اله بدايه ما اله نهاية...

رافد:

ليتني لم اطل بناظري في شمس عيناكِ
واحن لكِ بما لا يهواه القدرُ...

دخلت البيت اجه ليث گال...

..رافد روح للبنات وصلهن للقاعه اني ما اگدر لان اموني يمي والولد ما همه ف اذا ما عندك شي روح انت...

راف:تمام وايلاف؟

..لا گالت زوجها يأخذه لان عده جلسه تصوير...

رافد:اهاا تمام يله اني رايح...

طلعت اخذت سيارتي ورحت بعد ما اخذت العنوان مال الصالون وصلت دگيت عليهم طلعن الي صعدن كلهن ومشيت ...

رفل:خويه تره ما رايحين فاتحه فتحلنه اغنيه شي حتى لو مولود هم ميخالف...

رافد:ضحكت،زين شنو تردون لان اني ما عندي اغاني ...

حنين:افتح بلوتوث واني عندي...

رافد:تمام فتحت البلوتوث وفتحت اغنيه،مشينه لحد ما وصلنه القاعه ويه ما وگفنه جان يوگف مقابل سيارتي سيف غمضت عيوني حيل وفتحته عرفته جايه وياه،نزلت اني فشله لازم اسلم عليه نزلت هيه واجه سيف الي سلم عليه وهيه صارت مقابيلينه جانت خاله شال على وجه وجانت شايله جنط ثنين بيده وگع الشال وصارت عيني بعينه اخخخ يا ذيج العيون الخذن روحي وي طيحت الشال...

درت وجهي حتى اصبر نفسي ولا افضحه وهيه هم بسرعه راحت سيف بعد ما سلم شويه وراح درت وجهي وشفت حنين تباوع الي سألته...

رافد:ها شو رجعتي اكو شي؟

حنين:ءيي نسيت تلفوني بالسياره!

رافد:يي أخذي ...

حنين:مو مو السياره مقفوله...

رافد:تمام رحت فتحت السياره اخذت تلفونه وديته اله مديت أيده باوعت الي بنظره وأخذته وراحت...

رجعت ركبت السياره وضليت افتر ما ادري وين اروح ما ادري بالي كله يمه كل ما اگول انسه بس ما اگدر مو بيدي يمكن كل هذيج الايام حاولت انسه ومشت الأمور تمام لكن من شفته اليوم كُلشِ رجع ،رجعت لنقطة الصفر ليش يا ربي ليش هل الامتحان الصعب ياربي عبدك ما يتحمل وگفت بالسياره وصحت بكل صوتي...

..اخخخخخخخخ ربيييي رحمتكككك ربيييييي كُلشِ ما اريد بس اريددددد أنساه،احس انياط گلبي تگطعت من كثر ما صحت خليت راسي على السكان اريد أبعد عيونه الي ما فارقت بالي والم راسي زاد من كثر الصياح ومن بين هل صراع سمعت تلفوني يدگ درت وجهي واذا أبويه يتصل أخذته وفتحته وحجيت بتعب...

رافد:الووو ها يأبه؟

..ها بويه رافد شبي صوتك؟

رافد:لا ما بي شي بس شويه بلاعيمي توجعني...

..ها تمام لعد يله شوكت تجي حتى نروح الاختك...

رافد:ليش شبيه؟

..بويه شبيك غير نسلمه لامير...

رافد:اها تمام شويه واجي ...وغلقته

حركت السياره ورجعت للبيت بدلت ومناك مريت على أبويه وجدي وآدم واخذتهم وصلنه لگينه الزفه توه جايه دخلنه كل احنه من بين الهلاهل والهوسه رفعت راسي وشفت اختي واميرتي الصغيره بدلته البيضه وعيون الحلوات والدمعه بالطرف تلمع سلمه أبويه لامير رحت بسته من رأسه وجهت كلامي اله...

رافد:دير بالك عليه وخليه بين عيونك هاي بنتي مو اختي...

امير:لا توصي حريص بنتك بالحفض والصون...

واجه حضني رتبت على كتفه وگفت على صفحه من بين هاي والهوسه درت وجهي على سيف وجانت هيه بصفه صارت عيني عليه وهيه تضحك وياه وتسولف ما تحملت نسحبت على كيف وطلعت بره مشه الوقت واني ما اعرف وين اروح ضيت گاعد بالسياره مالتي وصافن على الباب لحد ما طلعوا كلهم وراحت الزفه واني نفس مكاني ما تحركت عده الوقت واني بنفس مكاني صافن بالفراغ...

رفعت الساعه وشفته بال11 ورجعت للبيت جدي لان من وصلتهم گال ضلوا يمنه وصلت ودخلت ..لگيتهم توهم راجعين للبيت وامي هم رجعت من الزفه اني ودا أمشي واسمع صوت أحد يبجي ستغربت منو وجان اسمع...

حنين:ولج احبه مو بيدي ولو اعرف الي دا اسوي هل شي غلط بس مو بيدي ولج اني سمعته باذني هذيج المره يگول نسيته واليوم شفته بعيني شلون يباوع اله...

لارا:ولج كافي خاف احد يسمعنه سُكتي بعدين منو يگول هو يحبج ليش تعلقين نفسج بشخص يعتبرج مثل اخته...

ستغربت بالي ديحجوا بعدين صفنت وتذكرت من شفت ميسم ولگيت حنين ورايه ويمكن سمعت گلامي،وهذاك اليوم من جنه نحجي اني وايلاف صرت اربط خيط بخيط احس مثل الواحد ونضرب على رأسه ضربه قويه كل هذا صار بيوم واحد ...

جان تطلع لارا وتصير بوجهي وراه حنين ومبينه عيونه حمر اكيد جانت تبجي حچت لارا...

لارا:ها رافد رجعت ءتريد اسويلك عشه؟

رافد:باوعت لحنين وحجيت،لا ما اريد شكراً...

وعفتهم ورحت وضليت احجي ويه نفسي اني لازم ارجع لان اذا ضليت هنا اكيد ما بيه كل مجال اتخبل من الي گاعد اسمعه واشوفه بعد ما اتحمل صرت بالگوه أجرع النفس وصُدك مر يوم والثاني حجزت وطلعت خارج العراق احس كُلشِ هنا يخنگني ووالاحسن اطلع لان رح ااذ هواي بشر مو بس نفسي وهسه حنين الي صدمتني بكلامه لان ما اريد أامله وانطيه ولو بصيص من الامل انو اگدر أحبه لان اني عن نفسي ما اگدر...

شهد: الحياة تمشي والوقت يمر ومن بعد هذاك اليوم ابد ما شفته ولا لتقيت بي ابد احسن بالي مرتاح منه وخاصه من جان مراقبني سوالي قلق نفسي وين ما اطلع اضل اتلفتت منا ومنا...

لكن مرات اگعد لوحدي واصفن وارجع اتذكر كل الي صار ليش وشلون يعرفني وشمعنه اني الي حبني اتذكر كلامي وياه يوم الي ضربني بي راجد بس يستاهل الكلام الي گلته اله لان الوضع الجنه بي ابد ميسمح لا والنوب ضربني راشدي ما عاش الي يمد ايده عليه يستاهل كل الي سمعه مني لان هذا مستوى...

اهم شي نفسه لازم يرضيه عباله اني مثل باقي البنات لا حبيبي بعد ما شفت شي بس المشكله ما اعرف اسمه خرب هاي فاتتني...

حياتي گاضيته من البيت للدوام ومن الدوام للبيت مرات اذا اضوج اقنع اخويه ويطلعنه بس اني الوحيده الي يقبل ميرفض الي طلب لان الصغيره حتى بابا بس اكثر شي اخويه يعني اذا عندي شي لو يوصلني اگول اله ...

بيوم جنت غافيه بسابع نومه وشلون حلم يخبل لكن خربوا عليه من قتحمت امي الغرفه وكالت...

..ولج گومي شهيده بسرعه گومي...

شهد:شكو ماما منو ليش احجي شبيج؟

..گومي بسرعه أجن نسوان سألن عليج...

شهد:عززه يمه عليه شكو،وگمزت على الجربايه تره والله ما مسويه شي لتذبوه براسي

..ولج يحضي نزلي بسرعه روحي بدلي لمي كفشتج يمكن يردون يخطبوج؟

شهد:نزلت بهدوء من سمعت يخطبوج،هااا يخطبوني منو همه؟

..ها هاي كيفتي اله الي يسمعج موتيج من الجوع ونريد بس نزوجج ونخلص منج...

شهد:يي ماما هيه البنيه ما اله غير بيت رجله الأهل ما دايمين اله...

..لج گومي بت الاوادم وجان تشمرني بسلاح الفتاك (النوعال:هو سلاح الأمهات عند حدوث الاشتباك أثناء مشاجرتاً ما تقوم الأم برميه على أحد أبنائها الاعزاء ويقوم الابن المضروب بجلبه لضرب الابن الآخر) طبعاً هذا معروف عدنه بما يسمى النوعال...

همزين ما اجه بيه هيه طلعت واني بسرعه بدلت ونزلت دخلت سلمت عليهم جانن بنات ثنين وحده كبيره والثانيه شابه وياهم مره كبيره بالعمر رغم التجاعيد البيه لكن شكله نوراني گعدت يم ماما والمره عينه عليه ابد مشالته اني ستحيت بعدين حجت وگالت هاي المقدمه وطلبتني من ماما اني عفتهم وطلعت جانن خواتي الاكبار جايات....

طلعن النسوان ورحت ركض وراه...

شهد:ها ماما تقبلون لو لا ؟

..ولج يمه ستحي الخجل حلو للبنيه شبيج يحضي ...

شهد:هسه عوفينه من هل حجي احجيلي بالمعرس شنو شغله شسمه من يا عشيره وين گاعد عده فلوس واهم شي حلو؟

..ولجن تعالن اخذنه مني هاي رح تجلطني ولكم ذرت خجل ماكو بس اريد اعرف عليمن طالعه اشو اني استحي من خيالي خواتج هم أنتِ عليمن هيج صلفه...

شهد:ضجت من گالت صلفه تذكرت كلامه عفته ورحت خربت واهسي عفتهم وصعدت،بالليل كله بالمطبخ ديسون عشه وماما وياهن واني ستوني طلعت من غرفتي جان يرن تلفون ماما فتحته جانت رساله من رقم مكتوب عليه ريام ستغربت منو هاي ما عدنه هيج اسم بعدين تذكرت خاف هاي المره الي اجت فتحت التلفون وجان دازه صوره مكتوب جوه...

..عيوني ام شهد هذا اخويه...

شهد:وجان تفتح الصوره وإذا هو وجان تصيح امي بسمي رحت اله واني ارجف من الأعصاب گلت اله...

يتبع...

لاتنسون التصويت وتعليق ومتابعة للحساب بدربكم والانستا هم @ghe.92
دمتم برعاية الله وحفظه ورعايته
غدير عبدالله