"وقد كانت صدفة"
اجت عينك بعيني وطالت السكته
وجزيت وعفت واحد ناسي سالفته
وچنت احچيلهم بالماضي وشمحلاه
وعرفت الجاي احلى من الحچي الگلته...
____________________________________
غنى:يمشي الوقت ركض ركض واني مگضيته الصبح بالدوام ومن ارجع اتغده وانام وابدي شغل ويه ايلاف خطيه هواي تتعب وهي هم دوام ومنا امير وماما من جه ثاني ادري بتلت بينه البنيه وهيه هم ابد متحجي هذا الحايط إذا حجه هي حجت ماكو كُلشِ تريده ماما تسوي حتى مرات تدوس وياه بالحجي رغم مصار اله نص شهر كل هذا وهيه ساكته...
يمكن لو اني هيج حماتي والله ما اسكت،اما حسين اوف يا حسين كل ما اشوفه أحسه حبه يتجدد بداخلي يا اخي اتخردل عليه احس فراشات بمعدتي من اشوفه لكن هل مره حيرني وقراره المفاجئ الي...
مره جنت گاعده اني ومريم راحت تجيب اله ماي گاعده وحدي وصافنه وخاله الملزمه گدامي وبالي يسولف وحده فززني بجيته...
حسين:هلا بغنوتي اشو وحد الحلو گاعد؟
غنى:بتسمت، مريم قبل شويه جانت هنا راحت تجيب ماي وتجي...
حسين:امم يي شكو ماكو شبيج شو صافنه وين بالج؟
غنى:هيج صافنه دا افكغ بالعرس؟گلت بالكي الله يحس بهل بسمار...
حسين:بصدمه،يا عرس ولج بس لا نخطبتي والله يا غنى...
غنى:يا عزززه حسين شبيك فضحتنه اگعد عغس ابن خالتي ودا افكر شنو البس هاي شبيك...
حسين:اممم عبالي!
غنى:تغه ميحتاج اله كل هل عصبيه،وحجيت بلا مبالاة...
حسين: وسحب نفس وزفره،شوفي غنى اني ادري بيج واعرف شنو الي ديدور براسج انو شوكت تجي تخطبني شوفي غنى تره اني والله احبج واموت عليج بس حالياً ما اگدر...
غنى:باوعت عليه بذهول...
حسين: اسمعيني لتباوعين هيج شوفي اني هسه بديت اشتغل وبعد ما اكمل جامعه اكون اني مكون نفسي واجي اخطبج سمعني غنى والله اني متفهمج بس اريدج تنطيني فرصه حتى اگدر اعيشج نفس المستوى أنتِ عايشه بي...
غنى:بس اني قانع...
حسين: اعرف أنتِ قانعه وادري بيج بس اني هم لازم اشتغل واعتمد على نفسي واحتمال حتى اخطبج قبل ما اخلص دراسة حتى اني ضامنج بس كل الي اريده منج تتفهمين وضعي اني اريد اعتمد على نفسي رغم اني اگلج اهلي ماقصرين بس اني لازم أأمن النه مستقبل يناسب وضعج الي أنتِ عايشه بي هس...وجان تجي مريم
مريم:ها حسين شلونك؟
حسين:هلا مريم الحمدلله،وانتِ؟
مريم:تمام...
حسين:يله اني اروح خليكم براحتكم...وگام
مريم:ها عيني شبيج؟...
غنى:هااا والله ما ادغي شنو اگول بس سمعيي...وحجيت اله على الي گال عليه حسين...
مريم:شوفي اني رأيي مثل رأيه وهو من هسه بين موقفه وخلاج أمام الأمر الواقع وگلج هيج وهيج السالفه وهو مبين شاريج ويحبج بعد عليمن هل قلق...
غنى:ما ادغي شو ما مقتنعه بكلامه بعدين أنتِ تدغين بماما واخر مغه من صدمتني بكلامه بخصوص سيف عود ليش ماخطبني وشلون دعت عليه نوب خاف يجي واحد وتوگعني بيه وتدغين بيه ماما تدوغ بس المظاهر...
مريم:اها وأنتِ گلتيه تدور مظاهر لعد أنطي فرصه حتى يگدر يلم نفسه وامج تقبل بي وإن جان على الي يجيج طلعيلج حجه منا لو منا،بعدين تعالي مو ابوج واخوتج وياج شفتي شنو سوو من رفضتي كرم مو كله وگفت وياج وامج بعد ما نسمع صوته...
غنى:ما ادغي والله احس عقلي مشوش...
مريم:گومي هسه خلي نروح المحاضره حتبدي
غنى:تمام....ورحنه اني وياه مشه الوقت واني كل ساعه اصفن بكلامه وافكر ...
رجعت للبيت ونفس الروتين اول ما دخلت لگيت ايلاف وامير توهم جاين لان من يوم الي تزوجت صار هو يوديه ويجيبه وياه صعدوا هم لغرفتهم اني رحت كشفت الجدوره ميته جوع شفته طابخه مرگة يلبسه(فاصوليا)اويلي اموت عليه بعده صعدت لغرفتي بدلت...
وبيوم العرس ميسم طلبت نروح وياه اني وايلاف وصُدك ما كذبنه خبر رحنه وياه خطيه وحده ماعده أحد وبيومه ما خليناه تحس بانو هيه ماعده خوات كفينه وفينه وبيومه ذبينه لحم اني وياه جان الفرح مبين بعيونه...
غنى:وسيوفي حلوه زفته وبيه عمامه وخوته ،وهلهلت بس وين الهلهوله مالتي مو كُلش وجان نسمع هلوله طرشت أذنه وإذا نشوف ايلاف ضلينه وحده تباوع للخ اني وميسم معقوله هلخنيسه يطلع منه كله هذا..
ايلاف:هههههه لعد شعبالكم...
غنى: والله اميغ مبين شغله ما غاح حباءً منثوغا خوش مطلع عينج...
ايلاف:يا لعد شبيه اني...
غنى:تخبلين وين اكو مثلج مغت اخو هيج حلوه ونادغه...
ايلاف:يي يصبغي صبغي بيه ادري بيج بس وين ترحين من امير اذا ما اگله عليج...
غنى:يا أنتِ الفاهيه تگليله ما توقع...
ايلاف:اها تمام براحتج ام اللسان نص ستاو...
غنى:يي حبيبي مذغوطين...
ميسم:يا ولج رح يتكافشن ،ولج غنيوه يله گفلينه حلوه گفلاتج...
غنى:ولا يهمج،وهااااخوتي هااااا
ردن البنات..هااااا
غنى:هاااااا خوتي هاااا
..هاااا
غنى:وخده طماطه ولا تگول محمغه...
ميسم:اي اي وخدي طماطه ومااگول محمره ...
ايلاف: هههههههههههه هاي شلون رهمتيه...
غنى:لعد سمعوا وهاااا خوتي هاااااا....
..هااااا
غنى:ويلعباس سبع حضوض حط بيه خسغ الباعه وغابح الشاغيه،وجان هيه تهلهل..
ميسم:يي والله،زيت تعالوا شهد تجي لا ؟
ايلاف: والله ما ادري وهيه من البارحه ماكو...
غنى:يي والله صُدك...
ايلاف:لعد اني رايح اتصل عليه ،راحت ايلاف تخابر وميسم دشتغل بيه ام الصالون بعدين اجه دوري گعدت شويه واجت ايلاف وجه معبس...
ميسم:هاا شبيج؟
ايلاف: هسه تصلت عليه متجي...
ميسم:يااااا ليش؟
ايلاف: خطيه مريضه والبارحه بالليل كله بالمستشفى وأخوه هم ما قابل تجي...
غنى:يا خطيه الله ينطيه العافيه...
ميسم:يا عمري الله يعافيه ....
غنى:مشه الوقت وميسم خلصت ولبست بدلته وحجاب هم ويه البدله طالعه تجنن مثل الاميرات هي وبدلته المنفشه الله يسعدهم يستاهل كل الخير سيف اما اني وايلاف هم خلصنه لا احنه بس مكياج جان ولبسنه فساتين مالمحجبات وگعدنه ننتظر يجونه،گالت ميسم واشوفه ما مرتاحه...
ميسم:اگولجن شو صارت صُدك؟
ايلاف:ليش حبيبتي شبيج؟
ميسم:شو خايفه ما ادري اگول احس نفسي ما مرتاحه خلي نأجل العرس والله شو خفت...
غنى:يي حتى سيف شيسوي بيج كل هاي الفتغه ينتظر تالي هسه تغدين تأجلين بعدين لتخافين حبيبتي ماكو شي يخوف هي جكت ابغه ...
ايلاف:يا غنى ولج سكتي خطيه متشوفيه شلون خايفه بدال متهدئيه لا حبيبتي ما كو شي اقري الفاتحه وآية الكرسي وهسه كُلشِ ما بيج هسه كله تصير سوالف بعدين وين القران مالتج اقري بيه شويه ...
غنى:طلعت القران وگعدت تقره شويه، ماكو ربع ساعه واجوا علينه احنه اجه علينه ايسر وهي اجه أخذه سيف حتى يرحون ياخذون صور ومناك للقاعه ...
ايلاف:اخذت الغراض مني غنى واني رحت ويه ميسم صعدته بالسياره واني رجعت صعدت ويه ايسر سألته...
ايلاف:أكلك ايسر لعد وين امير مو على أساس هو يجي ياخذنه؟
ايسر: والله اني ما ادري هسه تصل بيه وگال روح وديهن وهو من طلعتوا أجاه اتصال ولي هسه ما رجع من تصل گتله شوكت تجي گال هسه جاي...
ايلاف:اهااا تمام ...بس ضل بالي يمه ليش ما گال الي مو تصلت عليه ضليت حايره وأيسر وغنى يتعاركون على الاغاني ولا عبالك كبار روسيه بالاخير هيه خلت الاغنيه الي تريده وخبصتنه بصوته وتغني والمشكلة الاغنيه أغلب كلاماته بالراء اني متت ضحك عليه بالاخير ايسر سده وسكتت...
ايلاف:وصلنه القاعه ودخلنه لكيت زين جايه الناس بس ماما تعذرت من ام ميسم متكدر تجي لان رجليه يأذنه ف ما اجت،بعدين اخذنه ايسر للمكان الحاجزي لگيت خاله گاعده هي وعمو گعدنه يمهم وهم عمو سأل على امير ورد ايسر نفس الجواب اني ما تحملت رحت وتصلت عليه ...
ايلاف:الووو ها عيني وين صرت شو تاخرت؟
امير:هسه جاي بالطريق وأنتِ هسه وين اجه عليكم ايسر لو بعده؟
ايلاف:يي اجه وصلنه وانت بعدك...
امير:هاي جاي بالطريق ليضل بالج وضلي بمكانج لترحين ولتگومين منا ومنا طبعاً ابد ولا عجبتني هل الفكره المختلط بس شنو اسوي...
ايلاف: ميخالف يا عيني هيه مره وحده بالعمر خلي يتونسون لعد يوميه هم معرسين...
امير:يي واني هم اليوم معرس وياهم لعد همه وحد؟
ايلاف:ماشي بس تعال مو تتأخر؟
امير:هاي قربت ما طول ومثل ما وصيتج؟
ايلاف:ماشي من عيوني لتوصي حريص...
امير:ابوس عيونج اني يله معسلامه...
ايلاف:غلقته ورجعت لمكاني وگتلهم جاي بالطريق ...
مشه الوقت ونملت القاعه ودخلوا العرسان فدوه محروسين من كل عين يجننون طالعين كُلش لايگين لبعض وحبيبتي واختي طالعه تجنن دمعت عيني واني اشوفه بهل منظر وهيه وبدلته البيضه اباوع وفرحانه اله من كل گلبي تستاهل ميسم هواي تأذت ونضلمت بحياته واجه من الي يعوضه ويصير اله سند ويصونه واهم من كل هذا يحبه اهم شي ...
كل احنه صافنين على العرسان من يدخلون واني من ضمنهم موجه نظري الهم ومن خلصت الاغنيه كله صفگت الهم والهلاهل أم سيف ما حسيت غير أحد بصفي گال بهمس...
..شنو رأيج نسوي مثلهم؟
ايلاف:اني تيبست درت وجهي واذا امير،وگعت گلبي عبالي شو منو هاي من شوكت انت هنا؟
امير:من اول ما نزلت دموعج واجه گعد بصفي،هاي كله لان ميسم تزوجت عمي نيال ميسم عده هيج صديقه...
ايلاف:لعدشعبالك هاي اختي وروحي هم؟
امير:يي واني خراعت خضره هنا مو؟
ايلاف:لا انت مكانك يختلف...
امير:وشلون بالله؟
ايلاف:باوعت بعيونه الي اضيع وانسه العالم من اشوفهن،انت النفس الي يدخل هاي الروح والي گلبي يرجف من يسمع بطاري...
امير:أنتِ على شنو ناويه اليوم غزل وكذا واليوم هم الماروني منور ويضوي هو وصاحبه وغمز؟
ايلاف:اصلا كُلشِ ماكو لا غزل ولا شي انت سألتني واني جاوبتك الصراحه بس انت بالك راح بعيد وبعدين احنه بعرس وبين الناس دير بالك تسوي وكاحه؟
امير:اهااا همزين ذكرتي يله عمي ما بقه شي ويصير الليل؟
ايلاف:عزززه امير فضحتنه نصي صوتك،ضلينه نسولف ونضحك وهو كل ساعه ذبله حجايه واني اضحك عليه صدفه درت وجهي وصارت عيني على ايناس واشوف الشراره تطلع من عيونه اني شنو سويت لزمت أيده وخليته بأيدي وهو هم ما كذب خبر كيف...
امير:هاااصعدت الغيره؟
ايلاف:انت ما الك دخل، وباوعت اله وبتسمت هيه كشولت ودارت وجه بعدين شويه وراح امير من خلصوا العرسان تصوير وگصوا الكيكه وبعده شتغل الديجي والعالم كله تردح غنى خطيه ما تحملت اجت يمي...
غنى:اگول ايلاف تعالي ويايه!
ايلاف:وين؟
غنى:للحمامات...
ايلاف:لا ما اگدر امير ميقبل واخاف خاف يزعل...
غنى:اهه يزعل ولج تعالي ما تحمل بعد بس اخذلي شكم هزه بالحمام ونطلع...
ايلاف:يا دروحي عبالي متضايقه ...
غنى:عابت لام عيون جنه بومه...
ايلاف:اها هاي عليه وأنتِ ام للسان مبتور بس تغوغي، ضلت گاعده بمكانه وتهز برجله واني اباوع اله واضحك بعدين قربت عليه....
غنى:اگول هاي شبيه گاعده وتخوزر شكو مو عرس اخوه بدال ما تفرح لو اني بمكانه أخذ القاعه طول بعرض هز والله يا الله...
ايلاف:يي اني مو اخذت الي تحبه وصديقتي اخذت اخوه يعني شتردين تسوي مثلاً؟ضلت تباوع الي بصدمه
..يي خيه لتنصدمين ادري وهيه اجت وگالت الي بنفسه...
غنى:وأنتِ هيج عادي گاعده ولا كانو شي صاير؟
ايلاف:ليش شنو تردين اسوي وبعدين لتخافين مطمئنه ثنينهم گبالي هذاك رجلي واشرت عليه وهيه گاعده گبالي عادي...
غنى:لو اني منج والله ولا اخلي يگوم وإذا بس تباوع اله ادوس بفاده على گولت بيبي والله أنتِ مدري شلونج دمج بارد....
ايلاف:شويه ورحنه كل احنه وأخذنه صوره جماعيه ،بعدين صار الليل واجه وقت الزفه طلعنه كل احنه وراحوا العرسان بسيارت الزفه واحنه وراهم اني وامير بسيارتنه وغنى ويه أهله راحت كلهم راحوا بسيارت عمي امير گال اله تعالي بس هي ما اجت جانت زفه كُلش حلوه والولد هم ما قصروا وياه ...
ميسم:واگفه بالبدله البيضه معقول اني بحلم والي دا اشوفه حقيقه لو كذب من بعد الي صار بعد ابد ما اجه بالي هذا اليوم واني بالبدله واشوف امي فرحانه ودموعه يلمعن من بعيد كل شويه وتمسحهن بالكلينس وتصفگ وفرحانه..
وبابا لازمني منا وحسن منا واني ارفع راسي والي واگف گبالي هو سندي وحبيبي وزوجي وابويه وووهواي لو اعددهن من الباجر ميخلصن بس تبقه الاولى والاخيره كلمتي الي ما اتنازله عنه هي عوضي الثاني.
أمشي خطوه خطوه اني وياه وايدي حاضنه ايد بابا وبكل خطوه اتذكر الماضي شنو الي صار بيه من يوم الي عرفت وحبيت ماهر لحد هذا اليوم وهاي اللحظه واني ادوس عليه كل ذكره تخصه كل دمعه كل عذاب كل آه طلعت مني واني اغطي وجهي حتى محد يسمع أو يشوفني والمخده تشهد بكل الدموع الترسته...
واني ادوس عليهم اشوف الكل فرحان من اهلي وأهله وايلاف الي شما اگول عنه قويه وصابره لكن دمعته مبينه من بعيد وصلنه قريب الستيج سلمني بابا اله وگفت ودرت وجهي اله وباس راسي جانت هاي فخر الي ملكت الكون بيه وگدام الكل يگول هاي مرتي...
سيف:شما اوصف شعوري بهاء اللحظه يمكن القليل يكون وشما احجي واوصف حالتي ما مراح اعبر عن فرحتي بهذا اليوم واني اشوف حبيبتي وبنت گلبي وام بيتي وان شاء الله ام جهالي مستقبلاً رغم كل الي صار بالماضي والاذيه والخذلان والكذب كله يبقه ماضي لكن بهاي اللحظه احس نفسي توني بديت اعيش احس حياتي بدت من هذا اليوم واني اشوف الكل فرحان الي من اصدقائي واهلي ...
لكن الي محيرني هو رافد الوحيد الي فقدته بهذا اليوم وخاصه هاي المره اصلا زعلت وياه من اجه لعرس امير ولعرسي ما أجه ما اعرف شنو الي بي بس لازم يشاركني فرحتي هذا اخويه وصديقي بس ما ادري شنو الي صاير وياه...
وبعد مصارت الزفه دخلنه الفندق،وثاني يوم سافرنه شهر عسل عشنه احلى ايام بهاء السفره واني اشوفه البسمه ابد مفارقته شفايفي والفرحه الموجوده بعيونه وكل هذا على گلبي مثل العسل...
شهد: يعني انت متوب من سوالفك وشنو معناه كل هذا الي سويته؟
اشتر:بس اريد اعرف أنتِ شنو من بشر عود ليش ترفضيني يعني والله حرت وياج اجيج واگلج احبج ترفضين ادز امي تخطبج ترفضين اريد اعرف شنو الي يرضيج؟
شهد:يي اني ما اريد اتزوج ما احبك يا اخي انت ليش تفرض نفسك گوه عليه بس اريد اعرف كرامتك وين؟
اشتر:عفته يم الزين...
شهد:تره مضحك،ويله وگف السياره لان ما الي خلگك!
اشتر:وإذا ما وگفت شنو تسوين؟
شهد:دا اگول وگفه بعدين حتى اسمك ما اعرفه وتريدني اتزوجك والله شايف نفسك انت..
اشتر:يي شهد روحي وياج النقيب اشتر...
شهد:يي وشنو تريد اضرب الك تحيه نقيب زعتر مدري شنو اسمك،اگلك اني بده صبري ينفذ وياك وعطت وگف السياره لان والله بعدما اتحمل؟
اشتر: بهدوء ما اوگف...
شهد:لعد احجي وين ما خذني؟
اشتر:دار وجهي عليه وباوعلي وبنظره كله حقاره وگال،المكان...
شهد:دب الخوف بداخلي ورجليه صارت وحده طگ بالثاني اريد احجي ما اگدر حاولت اجمع نفسي ورديت بخوف...
يتبع...
لاتنسون التصويت وتعليق ومتابعة للحساب بدربكم والانستا هم @ghe.92
دمتم برعاية الله وحفظه
غدير عبدالله
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!