رواية وقد كانت صدفة الفصل الحادي وستون 61 - بقلم غـدير عبداللّٰه

"وقد كانت صدفة"

كل صبُح من دون وجهَك
عيب يتسمه صبُح
يا ضِحكتي وبيت روحيّ
ويا روازين الفرَح
ومن تكون ويايّ تحله ،
(الدنيا)
وتلالي ضحتكي
والخسَاير كلها تتحول ربح .
________________________

ايلاف:طلعت النسوان وصار الليل ومحد حجه بالسالف حتى خالتي مبين مقتنعه بالولد وجاي تمخمخه زين اني هم ما دخلت بس رحت حتى اشوف غنى وضعه شنو صعدت فوگ لغرفته دگيت الباب ودخلت لگيته خاله الكتاب گباله وصافنه...

ايلاف:الصفنه مو الج عيني...

غنى:ادغي بيه الج...

ايلاف: الله يطيح حظج عابت ردت اشوفج شبيج...

غنى:اگول شو خايفه وحسيت ماما مقتنعه شفتي كلامه ويه المغه شلون ومبينه مهتمه اله، بس اني ما أغيد اتزوج غير...؟

ايلاف:لتخافين أن شاء الله ماكو شي وهم اكيد حياخذون برايج ورفضي بعد عليمن هل خوف كوله!

غنى:ولج شلون وهسه يگلولي ليش وشنو سبب غفضج اله والولد ابد مينعاب واي بنيه تتمناه اني مره شفته وصل اخته للجامعة واخته هم قمه بالادب والأخلاق هسه يگلولي اكيد عندج أحد وأنتِ تدغين باميغ واخر مره شنو صاغ وسحب من التلفون مني...

ايلاف:يي كلامج صح هسه خلي نشوف شنو يصير وبهذاك الوقت نشوف شلون نتصرف...

غنى:ما ادغي عندي حساس مو حلو واني حساسي ابد ميخيب والله شبيج...

ايلاف: نشوف شنو الي يصير وبعده الله كريم اذا هاي اني احجي ويه امير واكيد مراح يرفض الج طلب،وهسه يله گومي خلي نسوي عشه...

غنى:يله جايه...

ايلاف:نزلنه اني وياه وبدينه نحضر العشه وهيه كل ساعه تضرب صفنه خلصنه تحضير وصبينه العشه واجوا كلهم گعدوا وبدو يأكلون لهناك وجان تحجي خالتي وغنى وگفت عن الأكل ضلت تسولف الهم على الولد وشغله ومدري شنو عمي ما گال شي بس هز رأسه گال امير...

امير:زين گلتي هو شنو اسمه...

..اسمه مناف

امير: نشوف رأيه بالاول وبعده نسأل عليه...

.. طبعاً، لازم ناخذ رأيه اهم...

ايلاف: أثناء ما هم يحجون گامت غنى من السفره وصعدت فوگ ضل بالي يمه حتى اكل خطيه ما كملت خلصوا كلهم واني لميت الاكل ورحت اغسل المواعين...

اني ودا اغسل اجت بالي لازم اخابر حسين واشوفه لان حيل طول وهيه الى متى تضل البنيه متعلقه بأمل انو يجي يخطبه،بس اني لازم اشوف امير واجس النبض خاف تصير سالفة وتوگع براسي خلصت كُلشِ وصعدت لغرفتي...

دخلت الغرفه نزعت الحجاب ورحت تطلعت حبشكلات وجان عندي اندومي بسرعه نزلت سويته وصعدت مره ثاني وامير يهز بيده...

امير:بس اريد اعرف شكبرج تصيرين بعد أنتِ وهذيج ولجن بابه يمرض موزين عليجن ليش تاكلن منه...

ايلاف:ياخي طيب...وجان ينخمش مني باوعت عليه،هاي ليش أخذته؟

امير:شنو گلتي هسه؟

ايلاف:ليش أخذته!

امير:لا القبله؟

ايلاف:ياخي طي...وجان يعصر شافيفي حيل،اوي هاي ليش؟

امير:حتى مره ثانيه لتعيديه واني مو اخوج وتدرين بيه اموت منه لهاي الكلمه...

ايلاف:برطمت،بس هيج تسوي والله تأذي ...

امير:تردين يطيباّ؟

ايلاف:يي،وشلون؟

امير:تعالي اني اطيبهم الج...

ايلاف:لا ما اريد اصلا طابا كُلشِ ما بيهم ونطيني الاندومي مالتي

امير:هاج

ايلاف:أخذته من عنده وضليت اكل وهو يباوعلي ويضحك،اگلك امير...

امير:امممم

ايلاف:احم اشسمه انت شنو رايك بالولد الي اجه خطب غنى؟

امير:ما ادري رغم ما اعرف عنه شي ولا سألت بس من خلال كلامه امي مبين زين يعني وضع المادي زين وهو لوحيد لامه وماكو عدهم احد بالبيت يعني اخوه لهذا اشوف زين من كل النواحي لكن الاوجب رأيه هيه بي مو احنه..

ايلاف:يعني مقتنع بي انت؟

امير: نوعاً ما يي وله غنى وين تحصل هيج واحد يعني اني اشوفه مناسب اله، يعني اگول يمكن توافق يعني مواصفاته مرضيه واي بنيه تتمناه بعد عليمن متوافق؟

ايلاف:ما ادري بعد انتو براحتكم...

امير:يي براحتهم هم واني؟

ايلاف: وانت شكو؟

امير:اني شكو،وجان يتقرب عليه

ايلاف:ها امير على كيفك خاف يتبده الماي عاااا....

ثاني يوم قررت اتصل على حسين،صعدت الغرفته وهم لگيته گاعده...گلت...

ايلاف:شوفي غنى ما الج دخل انتِ گولي لامير مموافقه وإذا گال ليش وضل يسأل گليله اريد اكمل دراستي ومو مال زواج ومن هاي الحجج وإذا لح اني احله أنتِ بس نتبهي لدوامج ويجيج الصافي...

غنى:شلون وهمه مقتنعين...

ايلاف:هسه أنتِ كل الي عليج طولين بالج ولتفكرين زياده لان حياثر عليج وروحي درسي واني اتصرف...

وبعد ما طلعت منه ومباشرة تصلت بحسين جان امير ما موجود طالع رد عليه سلمت وبديت احجي وياه..

ايلاف:شوف خيي يعني الى متى تضل واگف بقسمت البنيه لا انت الخاطبه ولا مخلي قسمته تمشي؟

حسين:شنو قسمته تمشي مو هيه بكيفه والله اجي اهد البيت...

ايلاف:عيني اعصابك لاتهد ولا تسوي ادخلي بالمفيد شوكت تجي وتخطبه لان أول البارحه أجاه ولد وميتفوت وكله مقتنعه بي ومناقصه شي وهسه منتضرين رأي البنيه توافق أو لا...

حسين:شنو توافق بكيفه لا عيني هاي الي واني گلت اله من اكمل الجامعه اخطبه وهيه تدري بهذا الشي...

ايلاف: يعني باگه لا تفلين وخبزه لا تثلمين واكلي لمن تشبعين،يعني لا تخلي البنيه تشوف قسمته ولا أنت جاي وخاطبه شوف حسين تره اني ما أرضاه على بنت الناس هيج تتبهذل وانت بكيفك تحجي عاد اخطبه وشوكت ما تريد تتزوج اتزوج محد لازمك اهم شي ضامن البنيه يعني حتى حرام عليك ظالم البنيه ومعيشه بامل تجي تخطبه لو تصير صُدك رجال وتجي تخطبه احسن من هذا كله...

حسين:اها هيج صار الحجي نعم الله عليج بنت عمي طلعت مو خوش...

ايلاف:حسين مو هيج قصدي بس انت لازم تتحرك اني اريد مصلحتك وادري بيك تحبه ولازم تثبت اله وشوف هيه من گد ما تحبك لي هسه ما وافقت على واحد ومتامله تجي وتخطبه ف يا عيني اني كل هذا لمصلحتك دا احجي...وضل كل ساعه يجر بالسالفه لحد ما وگعت وصله من اللساني واني احجي بعد بقت يمه السالفه...

مر يوم والثاني والثالث وصار اسبوع وبيوم باليل بعد ما سويت الجاي واخذت الصينيه بالصاله أصب جان عمي يصيح لغنى الكل موجود بس ايسر طالع...

..تعالي بابا گعدي يمي...وأشر على المكان البصفه

غنى:اجيت گعدت يمه وخله أيده على كتفي وحجه...

..شوفي يأبه تدرين بغلاتج عندي وميهون عليه اگول هل كلام بس اني هم ملازم امنعج وهاي سنة الحياة وامج يوميه تزن عليه تسألج واني امنعه منا لحد مصار اسبوع انتظر تجيني وتنطيني ردج، ف يابويه أنتِ موافقه على هذا الولد حتى لتگولون بيوم انتو ضلمتوني وجبرتوني عليه واني اي شي تگولي راضي كل الرضا بي ف شنو رايج؟

غنى: حسيت نفسي بدوامه ما اعرف شنو اسوي عقلي وفكري يم بابا لكن اريد احجي ما اگدر احس الكلام راح الحروف طارت مني باوعت عليهم كلهم،كله موجه نظره الي ويردون الجواب مني...

اباوع الوجه ماما الي متامله اوافق وله وجهه امير الي يباوعلي بنظره حيرت عقلي نظره شك على نظرة انتظار ،صارت عيني على ايلاف وكانو طمني انو احجي والي لازم اگوله ومتأكد مراح اندم عليه،حجيت من بعد ما جمعت شكم حرف واعذر اگوله...

..ءبابا ااني اني احس نفسي ما مستعده لهيج مسؤوليه انو اتزوج وهاي الأمور اني اريد اكمل دراستي اريد احقق طموحاتي ف اسفه بابا اني مموافقه...بعدني دا اريد اكمل جان تصيح ماما

..لج ليش متوافقين عليمن بس اريد اعرف اشو ابن عمج اجه وخطبج وهم موافقتي وهذا الولد اجه وهم مرضيتي بي بس اريد اعرف شنو الي يرضيج اما سالفة اريد اكمل دراستي مشيه على غيري فهمتي وبعدين ليش مراضيه عليه، تزوجي وكملي دراسه هاي مو مرة اخوج گبالج هم متزوجه وتشتغل...

ايلاف:اني نصدمت معقوله هاي خالتي لو غيروه هاي شنو صايره تضرب بيه المثل،يله عمي نعم الله عليه من جابت طاريي وتقبلتني مرت ابنه...

غنى:يي ما اغيد اني مو گده هل مسؤولية الكبيغة وإن جان على ايلاف ف جانت برغبته بعد ما أهله سألوه ما جبغوه على شي مو ايلاف؟

ايلاف:خرب غيرتج ايلاف نو صار ياخذون برأيه وصارت مثل ينضرب بيه،يي صح بارادتي...

غنى:اها لعد لا ها هيه بابا اخذت جوابي وانت مو گلت ما اضغط عليج لو اجبرج؟...

..ها هيه بويه براحتج وصل جوابج...

غنى:صارت عيني بعين امير بسرعه تلاشيت النظره وصعدت لغرفتي مدري ليش خفت منه وهاي اول مره اصير بهيج موقف ويه امير عفتهم وحدهم يتعاركون وصعدت...

ايلاف:طول ما همه يحجيون امير بس نظراته تتنقل من الواحد الواحد وهو ساكت بعد ما صعدت غنى هو شويه وصعد وراه بس ما ادري وين راح اني رحت اخذت ستكانات الجاي ورحت غسلتهم عدلت المطبخ وغسلت هم وخلصت وصعدت لغرفتي دخلت لگيت ما هو ما موجود دخلت الحمام هم ماكو تلفونه موجود ماماخذه وياه،عفته ورحت بدلت ملابسي ونتظرته يجي...

غنى:دخلت الغرفتي ودا احضر لملابس بأجر الي البسهم اخذت التلفون جان جايتني رساله من حسين داز بيه كلام فتحته وجان تندگ الباب لو اني مدري شنو صار بيه گلبي وگع بمعدتي لزمت المحادثه مسحته وغلقت التلفون بسرعه عدلت وضعي وصحت ادخل...

وجان يدخل امير يمه لو اني صرت اطگطگ حسيت عرف ويدري بالي دا أسويه من وراه ويقره عيوني...دخل واجه گعد على الكرسي وكلي تعالي اريد احجي وياج،اني كلمت اريد احجي وياج مطمني اجيت گعدت وحاولت أبين گدامه ماكو شي...

امير:يي غنى احجي شنو الشي الي أنتِ مو گد المسؤوليه بيه والي مدا تگدرين اله بعيداً عن موضوع اريد اكمل دراستي؟

غنى:اخخخ بويه احس نفسي وگعت بحفره وبعد ما اگدر اطلع منه وبيا وسيله تساعدني حتى تخرجني منه بسهوله تمنيت لو ايلاف تجي وتقتحم الغرفه لكن الي صحاني صوته وهو يرد...ها وين صافنه؟

..ءشسمه هذا يعني مدا اگدغ اتقبل مسؤولية ارتبط بشخص أحسه يقيدني لازم اوافق على اي شي يطلبه لازم ولازم ولازم هواي امور حالياً ما اگدر أسويه واني احس نفسي ما اتحمله ءاني النفسي اتعاجز اسوي اله اكل مو عاد شخص يامرني..ما اعرف شلون گدرت اطلع سبب اله لكن هو نبه باوعلي بنظرة عدم تصديق ورد...

امير:زين وإذا اجه حسين وطلبج هم ترفضين!

غنى:جنت منزله راسي من سمعت گال هل حجي رفعت راسي وضليت اباوع اله بصدمه،هذا صُدك يحجي عزززه ومنين عرف...

امير:شوفي غنى ادري بكُلشِ ولا عبالج اني غشيم لا،وعدل گعدته وكمل...شوفي عيني خاف عبالج من رفضتي وطلعتي كل هاي الأسباب عبالج اقتنع لا يجوز هم قتنعوا براحتهم اما اني غير،خاف متامله بحسين الي يصير ابن عم ايلاف يجي يخطبج من المستحيل أنطيج اله وافق عليه...

غنى:بس...

امير:اششش خلي اكمل شوفي غنى ادري بيج هسه أنتِ صرتي كبيره ومن حقج تأخذين قرارج بنفسج وما امنعج،بس الي شفته بعيني وتاملت يصير لكن خاب ظني بيه وگلت الج تأملت يجي ويعتذر وما اجه حتى يبرر أو يوضح سوء الفهم...

عيفج من هذا كله بفاتحت بيبيته شافني ويمكن عرفني وهم ما اجه وبعد ما خذت بنت عمه وجانت خوش فرصه وهم ما اجه شوفي شكم فرصه لكن ماكو ما اجه وبرر موقفه،حتى أنتِ...

غنى:يحجي واني اكل بنفسي اكل ودموعي وگافه بلطرف لكن من گال حتى انتِ،اني ليش شنو سويت؟

امير:بتسم،شنو سويتي وهذا كله الي تسوي شنو رفضج وكل هل الأعذار مو بس تخليني اشك لا اتيقن انو أنتِ بعدج تردي ودتتواصلين وياه ومن وره ظهري وهو لو صُدك رجال جان سواه من البدايه واجه خطب مو مگضيه تلفونات...

غنى:اميغ حباب افهمني اني مو بيدي اني مسيغه بگلبي ما اگدر،لعد مو انت حبيت وشنو سويت حتى تأخذه ها احجي؟

امير: حجه بعصبيه،يي صح حبيت وتصلت بس وعدته وعد رجال واجيت واخذت وهسه هيه شنو مو مرتي ها ما خليته تتأمل سنه لو اكثر وشفتي أنتِ بعينج شنو سويت وعانيت من امي ورفضه لكن أخذته غصبا عن الكل...

شوفي هسه الحجي بعد ميفيد واني گلت الج حسين اذا اجه ارفضه حتى لو كله وافقت اني امنعه أما أنتِ بعد هاهيه امنت بيج وثقت وگلتي ما اعيده لكن خنتي ثقتي بيج واني هم ليش اتعب نفسي اني كافي عليه هموم الشغل بعدين اجي للبيت تتلگاني امج بسوالفه نوب اعيف كُلشِ واجي اركض وراج طبج طوب واني هذا الحجي العندي گلته وبعد بكيفج....

غنى: يحجي واحس كلامه خنجر وضرب گلبي بعدين گال خنتي ثقتي هنا ما تحملت عيوني واحده دمع،لا اميغ الله عليك لتسوي بيه هيج تدغي بيه ما اگدغ بدونك كُلشِ ولا ثقتك بي تروح اميغ الله عليك والله بعد ما أسويه اميغغغغ ...

هو عافني وطلع ما تحملت صرت ادگ والطم على وجهي والله جان عندي حساس حيصير شي مو زين ضليت ابجي كُلشِ ولا امير ما اگدر بدون ولا يوم حسيت اخويه يمكن حسيت بحنان الابو وياه أكثر من ما حسيته ويه بابا نوب كل هذا يروح وكل ثقته بيه تنعدم ما تحملت صرت املخ بنفسي أني شنو سويت وين وصلت نفسي....

بهل الأثناء جان تدخل عليه ايلاف مصدومه بسرعه اجت گومتني من الگاع وسندتني واني مستمره ابجي وگعدت على جربايه...

ايلاف:دخل امير للغرفه وغادي اعصاب حجيت وياه حتى ما ارد بدل ملابسه وتغطه ونام يا هذا شبي حتى ما شافني ولا باوع بوجهيي لبست الروب وطلعت حتى شوف البيبان مسدوده لان دائماً هو الي يسدهم هل مره شو ميرد طلعت وجان اسمع صوت بجي عزه هاي منو هاي صوت غنى...

رحت بسرعه فتحت الباب لگيته دگ وتلطم رحت عليه سندته وگعدته على الجربايه واني اريد افتهم منه شنو الي صار وشكو؟

غنى:ايلاف الله عليج گليله خلي يسامحني والله بعد ما اعيده وخلي ثقته بيه تغوح والله اني مو بيدي اني كل غلطي حبيت ليش يسوي بيه هيج ويدغي اني ما اگدر بدونه ما اگدر إذا ما احجي وياه،حبابه قنعي ليسوي هيج ايلاف!

ايلاف:خلاص كافي غنى اني احجي وياه بس اهدي ولتبجين وتدرين بي هو ميگدر بدونج بس كل هذا صار ساعت عصبيه بعدين تخلص بس كافي ولتبجين اني هسه رايحه افتهم منه واقنعه...

ضلت تبجي واني اسكته لحد ما غفت وحده ،عرفت بي انو حاجي وياه ويدري بحسين بعده يتواصل وياه،وطلعت دخلت الغرفه لگيته گاعده والجگاره بحلگه وصافن بالفراغ فتحت الحجاب ورحت گعدت يمه خليت ايدي على كتفه گال...

امير:ها دتنوح بعده؟

ايلاف: يي بس امير خطيه ليش دتسوي...

امير:اسكتي أنتِ ولتدافعين عنه هيه تعرف غلطه وين...

ايلاف:اعرف بيه غلطت بس لازم تسامحه هو الله ويسامح وانت متسامح...

امير:ونعم بالله بس مرات الشخص من يغلط مره يتوب مو يعيده مره ثانيه وتعالوا سامحوا وطبطبوا على كتفه،وهيه عادته مره ثانيه ورجعت تحجي وياه واني كل هذا الوقت ساكت أريده تحس على نفسه وتگطع منه وتفرض وتقوي شخصيته إلى متى تضل عديمه شخصيه ومتامله بشخص نجرفت عواطفه تجاه وتنتظر جيته حتى يخطبه،تره الإنسان مهما سيطرة عليه مشاعره عند عقل الي يدلي وينبه يعرفه الصح من الغلط مهما كان السبب...

ايلاف:صح واني وياك،بس مرات يكون الشخص اكو بداخله نقص أو فراغ صح تشوفه يضحك ويسولف وياك لكن يريد الي يسمع اله يريد الي يهتم اله واقرب مثال الك اني تدري محد ارتاح من اسولف وابوح الي بداخلي غيرك انت ،وهم مو شرط يكون النقص أو الفراغ أو فقدان أحد سواء اب لو ام لو...

مرات يصير عدنه وخاصه احنه النساء نحتاج الي يدلعنه الي يگلنه كلام حلو، من مراح تلگه كل هذا ف حيصير عدنه نقص مشاعر أو نقص من الحنان الابو الام او فراغ عاطفي وهذا اكبر غلط من تترك بنتك أو ابنك يعانون من هذا النقص بسبب المشاكل العائلية تخليهم ينجرفون لناحية عواطفهم...

امير:بس هيه مناقصه شي او مثل مدا تگولين عده نقص أو فراغ عاطفي؟

ايلاف:لا شلون،انت متدري بغنى شنو الي بداخله متدري شنو تعامل أو أسلوب خالتي وياه شنو يمكن عمي عادي بس كل هذا يأثر عليه انت متعرف شنو الي تواجه سوءكان بالبيت أو الجامعه من تشوف البنات وصديقاتها تحس بنقص لكن مدا تبينه الكم.

لهذا من شافت شخص يسمعه يضحكه وينسيه ليش تعيفه وتركه،بس حتى نعالجه لازم ننصحه ناخذ وننطي وياه نحاول نبحث بالسبب وين حتى ليتازم الوضع واذا يشوف اقرب شخص اله تركه بهاي المرحله حياثر بي ويجوز ويولد ضغط والضغط يولد انفجار وبهذا الانفجار رح نخسر الشخص بسببه...

امير:ما ادري احس راسي فتر اني اتصرف وياه بعدين وأنتِ هم قللي وياه خلي شويه تحس بتأنيب الضمير مهما كان هيه غلطت ولازم تتعاقب على غلطه واني حاجيته ...

ايلاف:اوفف انت ميفيد الحجي وياك انام احسن لان ورايه گعده الصبح...

مشت الايام وامير بقه مصر ميحجي ويه غنى وصلت حتى ميباوع بوجه وهيه من تشوفه هيج خطيه تموت بجي وهو لا هامه حتى ولا نكسر خاطره عليه واني صايره بين اقنع هذا واواسي بهذا...

حيل تأثرت غنى من تصرف امير حتى تمرضت بوقته ونامت بالفراش وهو ما سأل عليه،لكن مرات احس عليه نص الليل يطلع ويضل فتره ويرجع ..

ويوم ضليت گاعده وكلت اريد اشوفه وين يروح واني منا طگه ونص بس لا رجع مثل ذيج المره من يخابر ضل الشيطان ياكل براسي والله طلع واني شويه وطلعت وراه اريد اشوفه وين يروح...

فتحت باب على نص وشفته راح على جهة غرفته ستغربت شعنده رايح دخل للغرفه واني رحت وراه وإذا اشوفه اجه يمه قاس حرارته وباس رأسه وغطاه وضل صافن عليه بعدين ما ادري شنو حجه بهمس واني رجعت لغرفتي وسويت نفسي نايمه رتاح گلبي وامنت من شفته عبالي يخابر لو شنو...

شويه ودخل للغرفه واني على نفس وضعي ما تحركت شويه وحسيت نسحبت من وره ونطخيت بصدره شهگت...هاي شنو

امير:رتاحيتي؟

ايلاف:من شنو؟

امير:من اجيتي وراي وشفتيني يم غنى...

ايلاف:عززه وشدراك؟

امير:ما ادري بسوالفج...

ايلاف:تريد الصدك يي رتاحيت وما توقعتك هلگد خايف عليه...

امير: ليش شنو شايفتني حجر ماعندي احساس طبعاً اخاف عليه وبنفس الوقت اريد مصلحته لعد اذا ما اخاف عليه عليمن اخاف...

ايلاف:يي خاف زين وخر يله اريد انام...

امير: هههههههههههه اروح فدوه الي يغار تدرين ليش ما اخاف عليج!

ايلاف:لا وعليمن اغار ماكو شي يصح حتى اغار عليه...

امير:يي واضح...

ايلاف:يي كمل ليش متخاف عليه؟

امير:هيج اني دوم بظهرج واحميج لهذا ابد مخاف عليج مدام اني وراج وساندج ف لتخافين بيوم اعيفج لوحدج

ايلاف:بتسمت واني منطيته ظهري وسويت نفسي نايمه

امير:اها نايمه اهم شي رضت غروره كُلش كافي...

ايلاف:ظربته بعكس ايدي،صاح مو تدري بيه ما اعرف ارد على الكلام الحلو...

هذا امير وحنيه گلبه لكن بقه يكابر وميحجي وياه وبالليل يروح يشوفه،مشت الايام وميسم طلع الاربعين مالته وسوت حفله ختان لابنه صوفي وعزمتنه كل احنه رحنه الهم،بيومه سو عزيمه وخطيه مگابله ابنه وتبجي وبناته من يسمعنه اخوهن يبجي هنه هم يبرطمن اخذت وحده اني خليته يمي وحده عد بيبيته،اسكته والعب وياه تخبل وهيه دبدوبه وريحته تخبل بعد ميسم أمه ومتعرف تلبس.

أخذته يم امير وگعدت بصفه وهو اجه يمي ويلاعبه ويبوسه بتسمت عليهم وشلون هيه صافنه عليه...

بعد ما نام خطيه اجت أمه أخذته مني لان تبجي تريده راحت وشفت خالتي راحت وراه واني رحت يم غنى نكمل المواعين شويه واجت ميسم ما ادري شبيه تباوع الي ستغربت من نظراته إليه ضلينه نظف بس اني ما تحملت أخذته ورحنه لغير مكان بعيد عنهم سألته...

ايلاف:ميسم شبيج خو ما صوفي صاير بي شي؟ تباوعلي واحسه متردده تحجي اصريت عليه جان تگول...

ميسم: داده والله مستحيه احجي حتى متسوه والله اصلا مدري شلون سمعت حجيه واني ادري بيج...

ايلاف:احجي شكو ومنو سمعتي حجيه گولي شبيج؟

ميسم:مرت عمج من اجيت عليج حتى أخذ غزوله جان تجي ورايه وتگو...

ايلاف:يي شنو تگول؟

ميسم: بس مو زعلين،لو حبيبتي والله متسوه عيفيه وحده تحجي...

ايلاف:ميسم والله ازعل عليج ولساني ميطخ لسانج اذا متحجين؟

ميسم:تگلي...بعد لتخلين جهالج عده خاف تنفسهم وتحسدهم لان مدا يصير عده جاهل وعاءء

ايلاف:وعاگر مو هه اصلا عادي خيه لا تهتمين ولا تستحين اصلا صارت زلاطه عندي يوميه تگوم وتگعد تسمعنياه بقت عليج ... ردت اروح جان تلزم ايدي

ميسم: الله عليج خو ما زعلتي والله اني ما أردت احجي بس أنتِ...

ايلاف:لا حبيبتي عليمن ازعل ولا شي عادي هاي بعد رزق ربج لااعتراض على حكمته وإن جان على الجهال والله ما بنيتي غير شي بس ردت اسكته...

ميسم:لا خيه لتحجين هيج ما ادري بيج أنتِ ولا تبررين شنو ما اعرف اختي بس مرت عمج غالبه الحقد والغيره وخاصه من تشوفج هيج تسوين تموت وتنقهر...

ايلاف:لعد ما ادري بيه بس تريد طلعني اني الغلطانه واني الي احشي بعقل ابنه واني واني واني...يوه شبعت من حجيه هسه عوفيه، وتعالي خلي نروح يمهم ...

وستمريت على هل وضع ويه خالتي واني شنو اسوي اسمع واسكت شتريد تحجي خلي تحجي...

بعد مشت الايام وخلصت هاي السنه ودخلنه السنه الجديده واني صافنه واتذكر هاي السنتين شلون مرن بسرعه وشنو الأحداث الي صار بيه من يوم الي بديت اداوم اني وميسم وتعرفنه على شهد واليوم الي شفت بي امير والي صار بعده لحد هذا اليوم ...

واني واگفه واستلم ورقة تخصصي بمجال الطب بالتخصص الاحلم بيه وهو طب الاطفال وميسم طب باطنيه وشهد اخذت طب نساء وتوليد ومن هاي النقطه افترقنه كل وحده راحت حسب التخصص الي طلع اله بهذا اليوم حيل تاذيت واني اشوف كل وحده بينه راحت لغير مكان بعد ما تعودنه كل احنه سوه نداوم لكن بقينه على تواصل...

وبعده بدت مرحله ثانيه بعد ما ستلمت التخصص لازم دراسه 6سنوات بهذا المجال وهم لازم اداوم بالمستشفى وخطيه امير حتار ويايه ف خلاني بخط يوديني ويجيبني افضل بعده ستمرت الايام وعدت شهور وجان نسمع بخبر صدمنه الصراحه ممعقوله وهو خطوبت شهد.

شوكت وشلون صار معقوله ومن منو من اشتر ابو شوارب بيومه تفقنه كل احنه نطلع اني وغنى وهيه شهد وميسم وزعاطيطه...

ايلاف:يا ولج لعد وجهالج شلون وين تگدرين الهم؟

ميسم:أنتِ وغنى تكفن وتوفن كل وحده واحد هم يراد اله روح للقاضي..

ايلاف:ايباخ خو ماكو شي شنو المربيه مالتج اني؟

ميسم:يي حبيتي لعد المن تخصصتي اطفال وهاي الجهال وطبقي عليهم...

ايلاف:لا والله اني أطبق إذا احد مريض اسم الله عليهم مو ميري واراعيهم...

وصُدك جابتهم واجت تلگيناه اني وغنى اخذت وحده من البنات الي مدري شلون تفرق بينهم نوب ملبستهم نفس البس وهيه اخذت الولد واجت شهد ورحنه للمطعم وگعدت تسولف...

غنى:ها ولج يوم العلم ما أحبه وما اغيد اتزوجه وهسه شنو الي غيرج ونسحلتي على ابو شهاب؟

شهد:يبعد عيني قسمه...

غنى:قسمه لو تربيع علينه سوالفج شهوده..

شهد: هههههههههههه تمام سمعوا

طبعا سولفت الهم يوم الي اجه صاحبه ونطاني الرقم وگلي خابري اني بوقته جنت حيل خايفه عليه المهم بالليل وخابرته رد بس جان صوته مال واحد تعبان بالبدايه ما عرفني بعدين طلع صوت هو بسرعه صاح بسمي ترددت احجي وياه بس بعدين گال...

اشتر:شهد احجي اريد اسمع صوتج؟

شهد:ءءاشلونك؟

اشتر:موزين بدونج !

شهد:لا لتگول هيج..

اشتر:شلونج يبعد الحيل كله وكلام الله حيل مشتاقلج؟

شهد:تمام الحمدلله....

غنى:شوف شلون تحجي عود خجلانه والله ميلوگ الج...
شهد:يي سمعي جايتج بالحجي...نرجع المكالمه

اشتر:تعالي صُدك شلون اخذتي رقمي وشعجب تصلتي ما توقعتج شهد وبجلالة عظمته تتصل عليه؟

شهد:مو اجه صديقك ابو دم الثقيل گلي اشتر بمكان كُلش خطر يعني لو يرجع لو ميرجع ويريد يتصل بيج بس ماعنده رقمج سألته ليش گال ما ادري عنده امانه يريد يوصله الج قبل ما الله ياخذ أمانته واني هم تدري بيه فضولي ميسمحلي إذا ما اعرف شنو هي الامانه ف نطاني الرقم وتصلت عليك...

ميسم:تعالي لحظه أنتِ مو طلبتي الرقم؟

شهد:اعرف خو ما افضح روحي واگوله اني اخذت رقمك...

غنى:يي هم صح اهم شي الكغامه...

اشتر:صاحبي ياهو منهم لحظه خلي اعدل گعدتي،يي بس لا واحد اسمر وشواربه خفيفه وعنده شامه بخده؟

شهد:يي هو نفس الچهره...

اشتر: الله يطيح حظك ابو گشوه...

شهد:شنو اسمه ابو حشوه؟

اشتر:بتسمت،لا گشوه هو اسمه فقار بس احنه نصيح اله بهذا الاسم بس تعاي تره هذا كذاب واني كُلشِ ما بيه حتى جنت نايم أصلاً وصحيت على صوتج...

شهد: تفاجئت،الفُ لعنه نزلت على روحك يا ابن حشوه ،ولكن اني شهود الورد ضد الحرارة والبرد تضحكون عليه تفو عليكم...غلقته بوجه

ايلاف:اباوع لميسم وغنى بس كتافهن تتحرك من الضحك وهاي مستمره تلغي متنه ضحك عليه نوب من گالت ابن حشوه ميسم فحطت وغنى سدت حلگه فضحتنه لا والمشكلة تسولف ومتضحك

ميسم: إلله يطيح حظج على هل الاسم هذا وين لگيتي؟

شهد:ها ولج مو قبل ما اتصل عليه جنت اتفرج على فلم فصحى وحجيته...

غنى:يا يمه متت خغب غيغتج شهد ولج أنتِ شنو الله يساعده عليج ...

شهد: هههههه يي والله صُدك الله يساعده عليه لان اني ما اعرف شلون حيعيش ويايه مادري اني مستغربه منه شلون حبني...

ايلاف:يي وبعده شنو صار؟

شهد:بعده ضل يتصل عليه واني ارفض ويتصل وارفض بالاخير رديت...

..شكو شنو تريد؟

اشتر:يا بويه ولج متت ضحك...

شهد:شو هذا رجع يكركر ضحك حتى اني ضحكت على ضحكته،يا داده شبيك سكر الولد...

اشتر:ولج أنتِ شنو والله صار الي زمان مضاحكه هيج ،يي تعالي والله ما ادري بسوالفه هيج مسوي جان منعته وماخليته يجيج، بس معقوله هيج خفتي عليه؟

شهد:تريد الصراحه...

اشتر:يي

شهد:يي والله خفت بس مو عليك لا على الامانه خاف تموت وما ادري بيه شنو هيه وهم خاصره رصيد عيني ضلم وحرمات...

اشتر:الله يطيح حظج

شهد:لا لا لا ما اسمحلك تغلط عليه تره اتصرف غير تصرف وياك...

يتبع...

بالبدايه شلونكم احوالكم مشتاقتلكم موت وهاي لعيونكم بارت طويله

لاتنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه

غدير عبدالله