رواية وقد كانت صدفة الفصل الستون 60 - بقلم غـدير عبداللّٰه

"وقد كانت صدفة"

انه اخاف ..
من الأمان الماهو يمك
اني كل خنگاتي
چي ماجاي اشمك
شلي بعيني
يبعد عيني ،
اذا مو بيها اضمك 🤎.
____________________

امير:الوو هلا خويه خير؟هاااا حتوولد تمام جاين هسه اجيبه وياي خوش معسلامه...وغلقه

..يله گومي بسرعه بدلي ميسم بالمستشفى حتولد وتريدج مراضيه تدخل صالت الولاده اله تجين انتِ!

ايلاف:يا ليش؟

امير:شمدريني اني دگومي بسرعه...

ايلاف:گمت بسرعه بدلت ملابسي على السريع ونزلته ورحنه المستشفى وصلنه على السريع لان جانت دنيه ليل وماكو أحد نزلت بسرعه ودخلت المستشفى رحت سألت على اسمه،دلوني على المكان الي هيه بي اجه امير ورايه ورحنه سوه دخلنه الممر لگينه سيف واگف وحده يروح ويجي رحنه اله جان يتلگانه...

سيف:ها واخيرا اجتوا خويه مترحين يمه متقبل تدخل للعمليات اله تجين أنتِ ولازم تدخل هسه...

ايلاف:خلص كلامه ورحت اله دخلت الغرفه جانت أمه يمه وعمته باوعت الهن هن عافنه وطلعن بقينه اني وياه بالغرفه واشوفه تتلوه من الالم...شكو ولج شبيج خوفتيني عليج شكو؟

ميسم:ايلاف اريدج تسمعيني حبابه ولتقاطعيني ابد ما گدرت احجي گدامهم لان احس گلبي ياذيني وخايفه اخخخخ... وضلت تتلوه

ايلاف:ميسم ميخالف مو هسه وقت هذا الكلام لازم دخلين العمليه مو زين عليج وعلى الاطفال هم...

ميسم:لاءءءلا لازم هسه ءاحجيء شوفي ايلاف اني اعتبرج اختي والله شاهد عليه ولا يوم حجيت لو جبت طاريج بسوء ءاريدج توعديني وعد خوات ءءوادري بيج رح تكونين گده اني داخله العمليات لو اني الطالعه منه لو ءء
ايلاف:اششش لتحجين هيج لا سامح الله ميسم دتخوفيني بهذا كلامج شنو السالفه ما دريت بيج هيج خوافه لهلدرجه ماعندج ايمان بالله..

ميسم:ءءوالنعم بالله بس اني اوصيج على اطفالي امانه برگبتج هذوله ءءاريدج تعتبريهم اطفالج حبيهم مثل متحبيني،وبعد مد تگدر تحجي ضلت تتلوه من آلام كسرت گلبي رحت بسرعه طلعت صحت للممرضه حتى تدخل للعمليه لان دكتورته گالت اله أنتِ لازم تدخل واله تصير مضاعفات أثناء العمليه اذا تاخرت بعد...

ف بسرعه طلعوه واخذوه لصالته الولاده واني وياه لازمه أيده لحد ما دخلت العمليه واني ادعي اله كلامه كُلش قلقني وخوفني ولي عرفته انو الدكتوره محددته اله موعد العمليه لكن أجاه (المخاض) قبل الموعد ف بسرعه حوله عمليه...

گاعده على الكرسي فاتحه القرآن وأقره اله وأمه ومرت عمه هم سيف يروح ويرجع ومبين الخوف عليه وامير كل ساعه يگله گول يا الله واني ساعه أقره وساعه تصير عيني على الباب،طولت وهيه جوه والخوف والقلق بده ياكل بينه فجاه سمعته صوت صريخ مال اطفال بعده راح الصوت شويه وطلعت الممرضه تركض كل احنه اله...

سيف:ها بشري ولدت لو لا؟

.. يي بس المريضه خسرت هواي دم ونحتاج فد بطل أو ثنين دم بسرعه وإذا ما لگيتوا نخسر المريضه لان كُلش وضعه تعبان!

سيف بس سمع هيج بسرعه نهار وگعد على الكرسي مدري شبي سأله امير على فصيلة الدم وراح يركض يشوف دم وسيف فجاه گام وطلع يركض وأمه راحت وراه تسال هو ماكو ما سمعه عافه وطلع وأمه خطيه ضلت تبجي رحت اله اهدئه....

ايلاف:على كيفج خاله گولي يالله هسه تطلع بخير وسلامه ومابيه شي واني متاكده من كلامي ...

.. الله يسمع منج خاله وتگوم بالسلامه...كملت حجيه ودموعه تنزل على بته...

واني حاصرتني البجيه كُلشِ ولا تروح هاي اختي ما اگدر بدونه ياربي لا تفجعني بيه ضليت أتوسل بربي بيني وبين نفسي لحد ما اجه امير يركض وبيده البطلين دم اجت الممرضه أخذتهم وراحت دخلت وهم ضلينه ننتظر فتره طويله يالله طلعت الدكتوره سبقتهم اني ...

..بشري دكتوره ميسم شلونه شلون صار وضعه الله يخليج؟

.. الحمدلله على سلامته ولدت بخير وضع المريضه ستقر بس لازم ترتاح شويه...سألت أمه

..دكتوره والأطفال شلون وضعهم؟

..الحمد لله الأطفال بخير وصحه جيده وشويه ويطلعوهم يخلوهم بالخدج...وراحت رجعت الروح بينه بعد ما طمأنينة على وضعه...

ضلينه ننتضر بين ما طلعوا الاطفال خلوهم بالحاضنه أو الخدج واني رحت الحمامات اغسل رجعت لگيت امير گال طلعوه للغرفه خاصه غير الي جانت بيه لهناك وجان يجي سيف يركض ومبينه عيونه حمر سأل بخوف...

سيف:ها وينه ضليت ادور عليكم گالو طلعت؟

ايلاف:يي خويه طلعت وضعه زين هيه والأطفال والحمدلله على سلامه ويتربون بعزك...

امير:الف مبروك سيوفي أن شاء الله يتربون بعزك...

سيف:الله يسلمكم ما قصرتوا والله وان شاء نرده الكم...

امير:إن شاء لله...

ايلاف:دخل ملهوف عليه وضلينه اني وامير واگفين گال اني اروح اجيب ريوگ الهم وسألني إذا ضل لو لا...

..يي اضل ومن ترجع اروح وياك للبيت اغير ملابسي واروح الدوام لان ما اگدر اضل وهم ما اخذت اجازه...

امير:تمام اني اروح وأنتِ دخلي جوه لتضلين وحدج هنا...

ايلاف:راح هو واني دخلت للغرفه لگيته بعده ما صاحيه وسيف خطيه گاعد يمه ...

شويه وبدت تصحه من البنج بالبدايه جانت تون بعده نفتح حلگه وبدت تدوي وتسولف متنه ضحك عليه وسيف يخلي ايده وهيه تصيح...

ميسم:آه يمه بطني ولكم شگوه يمه ولك سوسو،هو خلع أيده على حلگه...

سيف:شتعل سوسو هو وعشيرته بنار جهنم ولج سكتي...

ميسم:ولك وخيررر سوسو شگوه وباگوه فروخنه ولكم فروخييي ويننن...

ايلاف:متتت من الضحك وأمه خطيه بس كتافه تهتز من الضحك مرت عمه جانت ما هيه يم الاطفال...

سيف:هسه يجيبون فروخج بس اسكتي...

ايلاف:بعده صحت وضلت تبجي من الالم رحت أصيح الممرضه تضربه ابره خطيه متوجعه كُلش والله واجت الممرضه ضربته ابره مهدء صارت احسن بعده شويه وكالت...

ميسم:لعد وين الاطفال اريد اشوفهم؟

ايلاف:هسه حبيبتي شويه ويجيبوهم لان راحت ام سيف تبدل الهم ويه الممرضه وخلوهم يمكن بالحاضنه...

شويه وجان تدخل الممرضه وبيده العربانه وراه ام سيف جابو الأطفال وياهم مسطرين واحد بصف الثاني وبعدهم صغار يخبلون رادت تگوم اجيت ساعدته...

ميسم:اجت ماما نطتني ابني أخذته بين أيديه ضليت اباوعله أخذته شميته اوخخ فدوه رحتلك يمه گلبي رف عليهم نزلت دموعي وباوعت لسيف،شوف سيف شوف شلون حلو أخذه مني وكبر بإذنه بعده اخذت البنات فدوه رحت الكم أخذتهم ودموعي وحدهم ينزلن أخذهم سيف وكبر باذانهم حجت ايلاف...

ايلاف:يي وشنو حتسموهم؟

ميسم:احنه جن محضرين لهم الاسم سيف هو الي حيسمه البنات واني الولد،البنات غزل و أزل...

سيف:والولد اسمه مصطفى...

ايلاف:اممم حلو يتربون بعزكم أن شاء...

ميسم:لهناك وجان نسمع الباب تندگ راحت ايلاف تفتحه اذا امير جاي لبست حجابي گلت خاف يدخل تالي ما دخل بس أجه حتى يأخذ ايلاف طلع اله سيف يتشكر منه وراحوا وايلاف گالت...

ايلاف:يله حبيتي الحمد لله على سلامتج مره ثانيه واني اجيج من يخلص الدوام...

راحت هيه وعمتي هم راحت وياهم لان خطيه تعبت أما سيف راح يسوي مدري شنو يسجل اسماء الاطفال مدري شنو هي المهم واني رجعت راسي على المخده ونمت لان المهدء بي نسبه من المنوم نمت وما حسيت بشي منا لحد الدنيا صايره الظهر گعدتني ماما گالت لازم ترضعين الجهال ميصير خطيه والله واجت ساعدتني سألته على سيف وين راح...

..يمه والله بس گال رايح اوفي نذري واجي ليضل بالكم...

ميسم:نذر شنو شو ما ادري اني؟

.. والله يامي ما ادري،بس يمه وضعج خوفنه حتى اني ما خليت أحد وما نذرت اله متت بدمي واني اشوف الوادم تتراكض عليج وأنتِ بينج وبين الموت لحظه اسم الله عليج...

ميسم:ضليت گاعده واباوع لجهال مامصدگه راح كل التعب الالم بس من شفتهم شويه ودخل سيف جان جايب غده وياه واجه بأس راسي لان جانت ماما ما هيه راحت تصلي وهو يستحي منه...

سيف: الحمدلله على سلامتج يبعد حيلي شلونج شلونهم فروخج؟

ميسم:الله يسلمك حبيبي،بعدين شنو فروخج منين الك هاي الكلمه اوع مو حلوه...

سيف:لعد منو خبصنه اريد فروخي جيبولي فروخي وفضحتينه گدام الوادم سوسو ما سوسو...

ميسم:هاي اني معقوله ما اصدگ بعدين حباب لتحجي هاي الحجايه حبابه محلوه ما أحبه...

سيف: هههههه ماشي،بس ابد ما عوفه الج مال سوسو حتو أنتِ مريضه لازم تفضحينه بس بويه بيج لزمه اطلع التسعت اشهر المرمرتيني بيهم من عيونج...

ميسم:باوعت اله برائه،هاي اني لعد هم مو جهالك قابل بيدي وحجيت بثقه،اصلا اني راح ارتاح منك واروح يم اهلي منا لحد ما يطلع الاربعين...

وجان يصيح ويفزون صوفي وحده من البنات الي هسه ما فرقين بينهم يبجون راح جاب الي والبنوته وهو أخذ الولد،يسكته وهو يصرخ حيل والبنوته سكتت هو بعده يصرخ،جيبه جيبه مبين وكح على ابو...

سيف:هاج طبعا يطلع على ابو قابل يطلع على أمه تاكل الأخضر واليابس...

ميسم:هاي اني نعم الله عليك،أخذته منه ودرت وجهي وما حجيت وياه عود زعلت خلصت رضاعه واباوع عليه شلون فاتح عيونه بعد گلبي وخدوده حمر ضليت اسولف وياه واناغيه وهو يحرك بشفايفه رفعت راسي وسيف يباوعلنه ويبتسم درت وجهي اجه أخذه مني لان ما اگدر عمليتي اذتني حيل....

مشه الوقت وقريب لل2 اجت ايلاف خطيه حتى تضل يمي لان ماما متگدر وگالت اني ابات يمج لان ثاني يوم عده عطله جان يوم جمعه مشه الوقت واني گضيته كله ساعه انام وساعه اگعد وبس عصير لازم اشرب لان ما اگدر وبالليل لازم أمشي بالگوه گدرت متت من الالم صرت ابجي وايلاف ويايه تمشيني...

بالاخير تعبت ورجعت،ثاني يوم تحسنت وگدرت أمشي بس على كيف وسجلو النه الخروج وطلعنه رحنه لبيت اهلي لان سيف قانع بعد ما ماما گالت اله تضل يمي عشرة أيام بين ما تفتح الخياط وبعده ترجع اول ما وصلت خطيه بابا جان جايب طلي ذبحه جو رجليه ودخلت جانت ماما خاله إليه جربايه بالاستقبال وتلاث كركوتات للجهال شتريتهم ماما الي گالت من تجيبين يمنه هنه يمج...

مشت الايام وگدرت أوكف على حيلي وامشي واتحرك وماما هم خطيه مامقصره وسيف يوميه يجي يشوف الجهال ويشوف شنو معتازه ويروح وايلاف هم خطيه تجي تداوي الي مكان العمليه وتروح عمتي هم شكم مره اجت وشهد هم اجت منا لحد يوم السابع اجه سيف أخذني للدكتوره رحت فتحت الخياط ورجعني متت بوقته من الوجع...

ومرن هل يومين وبعده رجعنه للبيت جانو فرحت عمي بصوفي وسيف متنوصف لان أول حفيد اله وعمتي على البنات الي لي هسه منعرف نفرق بين غزل وأزل لكن بمرور الأيام عمتي عرفت تفرق بينهم غزوله عده وحمه بايده صغيره وازوله لا ما عده من هاي بعد عرفت افرق بينهم...

تمشي الايام وگدرت أوگفه على حيلي والعملية صارت احسن من قبل وبديت اسيطرة على شغل البيت والجهال وسيف الي بدت غيرة تطلع بس عود يسوي نفسه عادي لكن اني اعرفه والجهال الحمدلله صحتهم زينه وبدو ينشنشون وخاصه صوفي كُلش طالع عليه حتى شگار بشعره أما البنات لا على سيف وشويه هم من عمتي ماخذين لكن صوفي حيل يشبهني بعد أمه...

ايلاف: الحياة مستمره تمشي واحنه تعودنه عليه بحلوها بمره حلوه من تفرح لشخص بفرحته،وبمره من يجي واحد ينغص عليك الفرحه الي فرحته للشخص مو الك يعني عجيب هاي الناس مترتاح اله تنغص اله تغث وتخرب الضحكه يالله ترتاح هل شي مرض مو بايديهم...

بيوم الي رجعت ميسم لبيت عياله هم رحت اله حتى اعقم العمليه مالته جنت گاعد يمه بين ما يجي امير ف دگ عليه طلعت لگيته بعده ما جاي ضليت انتضر بره بالممر مالتهم جان تجي البومه ابد ولا احبه لكن فاجأتني بكلامه...

ايناس:يي شلونج ايلاف؟

ايلاف: الحمدلله،ورديت عليه اني هم ... انتِ شلونج؟

ايناس:ابد مو بخير من يوم الي تزوجتي بي حبيبي واني ابد ولا صرت بخير ليش؟
كله من وراج أنتِ يالحقيره كله من وراج لان لفيتي شباكج عليه وغريتي باسلوبج المايع والدلع كله على مود الفلوس يالفگر يالما شايفه،وتدرين ليش لي هسه مدا يصير عدكم طفل لان هاي حوبتي مراح تتعداج وگولي گالته يالعاگر...

ايلاف:عافتني ودخلت جوه ضليت صافنه على كلامه شلون تحجي ومفرفحه صح حجت هواي بس محد اذاني غير حجايته يالعاگركُلش اذتني بيه بحيث وصلت الغصه الزردومي بهل الأثناء دگ عليه امير غلقته وطلعت لگيته واگف بالباب صعدت بدون حتى ما اسلم هو ستغرب مني باوع الي...

امير:ايلاف شبيج بويه صاير شي؟

ايلاف:باوعت اله وهزيت راسي بلا وبعده ما حجيت ضل اعيد بكلامه يعني اني الي لفيت شباكي عليه وأخذته من عده ما ادري هسه لو مخطوبين لو ادري بي يحبه جان فلا اوافق بي لعد ليش هل گد حاقده عليه وتريد تشرب من دمي شنو سويت اله ما ادري...وصلت للبيت نزلت جان تتلگاني خالتي...

..ها عيني وين جنتي دايحه خوش مو بيت...وشافت امير دخل سكتت...

امير:ها يمه شكو صوتج واصل لي بره خير صاير شي؟

..لا ماكو شي بس سألت مرتك وين جانت...

امير:جانت عد خالتي تداوي مرت ابنه اكو بعد استفسار تردين تعرفي ؟

..لا شلي دخل اروح اني...

ايلاف:عفتهم يحجون وحدهم وصعدت لغرفتي حتى ما الي واهس لكُلشِ بسرعه اخذت هدومي ورحت للحمام ضليت ابجي لحد ما صُدك رتاحيت وطلعت صارت سولتي كل ما خالتي تغثتي بحجاب لو كلمه ادخل الحمام ابجي لحد ما ارتاح لان محد يسألني شبيج وليش تبجين واني هم ما الي خلگ ابرر لأحد لهذا فضل هيج...

مشت الايام والوضع طبيعي بالبيت بيوم جنه گاعدين بالصاله العصر وجان تندگ الباب لبست الحجاب وطلعت صحت منو جان يجي صوت مره فتحت الباب وإذا نسوان ثنين بنيه شابه ومره متوسطه بالعمر جان تگول...

..بيت ام امير؟

ايلاف:يي خاله وصلتي تفضلي ودخلتهم جوه للستقبال فشله ...

ورحت لخاتي گلت اله خاله اكو نسوان دخلتهم جوه راحت هيه واني رحت بسرعه حضرت التقديم نزلت غنى سألت منو گلت اله نسوان تعالي أخذي الصينيه واني جايه وراج اخذت الصينيه وراحت دخلت واني شويه ودخلت وراه جانن يحجن على مواضيع عاديه بعدين گالن...

.. والله يا ام امير اجينه نطلب ايد بتكم غنى لابني وبعد ما سمعنه على بتكم وعرفناه ونعم التربيه وهم بنتي مرام تعرفه وياه بالجامعه وهيه تسولفلي عليه گلت اله ها هيه نروح ونشوف وشفت صلوات مقاصره شنو تگولون؟

ايلاف:هيه خلصت الكلام درت وجهي لغنى وشفت وجه گام ينطي الوان ستأذنت وگامت...

رافد:سمعنه صوت أحد ورانه درنه ووجوهنه بنفس اللحظة وإذا تطلع لارا....

..ها شعدكم واگفين بالحديقة وليش وحدكم هنا؟

حنين:هيج ماكو شي.

رافد:دخلت ولارا تباوعلي بنظره شك ودخلت وراه واني هم دخلت بعدين شويه ورجعنه للبيت...

طبعاً حنين تصير اصغر وحده من اولاد عمي احمد وهيه تطلع بگد آدم لكن ما توقعته بهل الشخصيه القويه لان دوم جنت اشوفه هادئه ومتحجي لكن الي صدمني بيه كلامه وكانو واثقه من كل حجايه تگوله وكان أكثر من مره مفكره قبل ليجي هذا اليوم....

وكلامه الي اني ما فكرت بي اصلا فكرة بس من وجهت نظري انو اريد ابدي حياة جديدة لكن ما فكرت أنو رح اخرب حياة شخص ثاني على حساب سعادتي ولي صحاني اليوم هو كلامه الي صُدك رح تتاذه وياي واني الي لازم أنساه من عقلي وگلبي حتى من صُدك ابديه حياتي من جديد

ومنا بديت مرحله ثانيه الي سميته مرحلة حرب الذات لازم افوز حتى اگدر اعيش حتى اگدر اطلع من الاحلام الي بنيته ولازم افلشه من الأساس وهو گلبي وعقلي....

.. تمام موافقه

..صُدك والله معقوله اني بحلم لو علم دقيقه،ولك اگرصني اخخخ خرب غيرتك...

.. هههههههههههه شبيك والله دا احجي صُدك...

..بكامل قواج العقليه؟

..العقليه والنفسيه هم...

..ولج احبج موت

..واني لا

..لعد عليمن موافقه؟

..هيج عجبني

..عاااا لعد شوكت خاف من يبيض الديچ....

..لا من تطلع نخله برأسك...وغلقته بوجه

يتبع...

لاتنسون التصويت وتعليق ومتابعة للحساب بدربكم والانستا همghe.92

دمتم برعاية الله وحفظه

غدير عبدالله