رواية وقد كانت صدفة الفصل الرابع وأربعون 44 - بقلم غـدير عبداللّٰه

"وقد كانت صدفة"

شسويلك بعد وعيونك أمليها؟
انه سويت حتى الما مسويها،
والله الخاطرك قررت أحب اشياء
عشت طول العمر ما مقتنع بيها !
________________________________

غنى:اخر اتصال ويه مريم من بلغتني بخبر وفاة بيبيت حسين بوقته كُلش نقهرت وجنت حاسه حيصير شي وتتفركش الخطبه اني هم تناسيت السالفه كله،مشت الايام والأشهر وبيوم جنه گاعدين جان يدگ تلفون ماما شالته وگالت ...

..الووو هلا خيتي...يي الحمدلله كلهم زينين،انتِ شلونج سيف نوسه؟...اهااا...يي گولي؟...يااا بالمبارك عليه...يي خيه ماعندي شي...تمام...بأجر بال5...تمام الله وياج...وغلقته...

غنى:ماما شكو وشبيه خاله،والمن تباغكين؟

..هاي خالتج خابرت تريدني باجر اروح وياه حتى نخطب لسيف...

غنى:بفرح يااا صُدك الله يهني ويسعده،صُدك فرحت اله من گلبي يستاهل سيف لكن الي صدمني رد ماما...

..نجبي عليمن تفرحين هااا عبالك حيجي اله بس اخخخ!!...

غنى:ليش ماما ما افغح غير حيخطب بعدين هو مو ابن اختج وأنتِ خالته بدال متفغحين بي تتمنين اله الخيغ هيج تحجين؟

..يي هيج احجي وما اتمناله الخير لان ما اجه وخطبج الج ليش يخطب الغريبه وشنو عرفنه بيه لو مو من مستواه احنه وهاي أنتِ گباله بس اني اعرف حظي الي عنده هيج بنيه فاهيه...

غنى:صُدك صدمتني ضليت فاتحه حلگي على كلامه بعدين حجيت بعصبية،ماما صُدك تحجين شلون هيج تگولين اني سيف اعتبغه مثل اخويه حاله حال اميرغ وايسغ شلون هيج تفكغين؟

..لعد شلون تردين افكر بالله لعد شبيج أنتِ اشو كامله مكمله والكمال الله ليش ماعجبتي أنتِ وعجبته ذيج لانج فاهيه ومابيج حظ لو خاطبج أنتِ جان اخذنه ايناس لامير...

غنى:هاااا يعني أنتِ هذا تفكيغج تخلصين من عندي علمود ست ايناس تاخذيه لاميغ وتصيغ گصه بگص،صُدك فورت دمي كله علمود مصلحته اهم شي رأيه هو الي يمشي على الكل حتى لو ماموافقين اهم شي ترضي غروره...

..كومي من يمي گومي من خلقتي لا بارك الله بيج...

غنى:صُدك حزت بنفسي حجايته ليش هيج دتسوي ليش دتتعامل هيج وياي قابل شنو مسويتله حتى سيف ما خلص منه رغم شگد يحبه ومرات يشوفنه نحجي عليه لو هاي يسكتنه ميقبل أحد يحجي عليه وهو لو يشوف كلامه علي جان شي سوي...

صعدت لغرفتي واني كلامه ضل حاز بخاطري يعني عده عادي أضحي بسعادتي في سبيل تحقيق غايته والي هيه تزوج ايناس لامير لكن اني مطمئنه من ناحية امير لان متأكده مليون بالميه مستحيل يزوج ايناس لو على گص رگبته بس شلون حتصير بس العلم عند الله...

ثاني يوم كشخت واجت خالتي عليه وراحت اني ضليت بالبيت امير رجع نفس قبل عادي يرجع من دوامه يتغده ينام العصر يطلع ويرجع بالليل ايسر هم نفس الحاله وأما اني مگالبه هل الأربع حيطان وگاعده جان الدوام مونسني هواي ...

..صعدت فوگ لغرفتي ما اعرف وين اروح ضليت اگلب بالتلفون شويه واجاني طلب دخلت على الصفحه هذا حسين عززه خفت اوافق طلعت من الطلبات شويه اجت رساله من نفس الرقم يريد ارسال رساله لك لو اني خفت وتذكرت امير شنو سوه بيه يوم الي شافني اني وحسين سوه دخلت لگيته كاتب...

💬غنى ردي عليه هذا اني حسين والله مجنت ادري هذا اخوج وكُلش اعتذر على الي سواه بيج بسببي واني ادري بالي صار مريم گالت الي واريد اجي واطلبج من اهلج بس صار قدر وتوفت بيبيتي ما گدرت إذا قريتي الرساله فدوه بس ردي مجرد اسمع صوتج وهاهيه ارتاح ...

قريت الرساله وخفت اوافق صرت اتخيل على ساعه ويدخل امير ويشوفني بس هو شلون جاب حسابي ومنين عرف ترددت بالبدايه اوافق بعدين تذكرت كله ماموجوده وافقت ورحت قفلت الباب خاف احد يدخل رديت عليه...

💬عادي مصار شي واقدر ضرفك بس...بعدني ما مكمله بسرعه تصل عزززه خفت حيل وصرت ارجف مثل وحده مشويه مكسوره يدگ ويفصل بالاخير رديت...

غنى:الوووو....

حسين:يا بعد الووو كله شلونج غنوتي والله عرفتج حتردين والله كل هاي الفتره اني بس اريد المح الج ظل ماكو ختفيتي...

غنى:اسمع كلامه وگلبي يدگ حيل جنت كُلش مشتاقتله مشتاقه اشوفه،تمام الحمدلله انت شلونك؟

حسين: والله من سمعت صوتج صرت زين احجي لتسكتين غنى اريد اسمع صوتج فدوه خليني اشبع منه متتخيلين هاي الفتره شلون مرت عليه منا فراگج ومنا وفات بيبيتي هدت حيلي...

غنى:الله يغحمه ويساعدك

حسين:اخخ صار الي شگد ما سامع صوتج وأنتِ تحجين وهاي اللدغه الأموت عليه...

غنى:هههههههه بعدك متوب من سوالفك؟

حسين:دخلي اتوب منج بعدين اتوب من سوالفي والله تخيلي حتى جنت ناوي اجي واجيب امي واخطبج بس شنو نسوي صارت بعد ...

غنى:خجلت من كلامه والحسره مبينه من صوته قدرت وضعه وگتله،مصار شي كل تأخيغه وبيه خيغه يله حسين اني صار لازم اغوح فدوه بعد لتتصل اله اني اگلك لان الوضع ختلف مو مثل قبل ...

حسين:تمام بس مو تكطعين فرد مره...

غنى:تمام باي...وغلقته

صُدك ارتاحيت لمن سمعت صوته لكن يبقه الخوف محاوطني من كل مكان شويه من سمعت صوته غير نفسيتي وراحت الضوجه مني اجت ماما ما حجت واني هم ما سألته لان بعدني ماخذه على خاطري من كلامه...

اجت الموافقه من البنيه وحدد يوم المشيه وراحوا الولد كلهم حتى بابا راح من رجعوا ضلوا يسولفون على أهل البنيه يگولون خوش ناس ومثقفين بيومه خابرت سيف وباركت اله والي عرفته خطيبته دكتوره صُدك فرحت اله بعده حددوا العقد الشهر الجاي ...

اجه يوم العقد ورجعت علاقتي ويه امي عادي مثل قبل لان تعودت عليه وعلى أسلوبه متتغير طول عمره اجه امير هو الي وصلنه دخلت ماما واني ردت ادخل جان امير يصيحلي رحت اله گال....

امير:شوفي غنى اريد منج تحجين ويه ايلاف....

غنى:يااا عزه يا ايلاف ولك ؟

امير:ولج شبيج أنتِ ادري بيج تعرفين كُلشِ الي حجيت عنه الدكتوره شبيج؟

غنى:اهاا يي تذكرت زين اني شعرفني بيه تجي لهنا لو لا....
امير:مو هيه تصير صديقت ميسم خطيبته سيف يعني اكيد جايه...

غنى:هااا ... وضل يگلي على الكلام الي لازم احجي لايلاف،تمام يله روح دخلت جوه لگيت خاله موجوده هي وحمواته وماما گاعده ونسوان وام العروس ضليت ادور بالوجه ماكو ما هيه من بينهم..

شويه واجه شيخ وگالو خلي يعقدون نزلت العروس جانت تجننن بمعنى الكلمه والنزاكه مالته تخبل بس جان القلق مبين من عيونه  گعدت قريب الباب بده الشيخ يعقد شويه ودخلت بنيه هيه وأمه ما شفته زين منو بس دخلت بسرعه راحت يم العروس لزمت أيده بعدين عرفت هاي ايلاف جانت بعده بحجابه خلصوا العقد ليش ما تخربطت العروس لزمته صديقته وراحت وياه لغرفته...

شويه ونزلت العروس من فوگ شتغلت الهلالهل ويه نزلته بفستان احمر يجنن عليه وهيه هم مناقصه جمال ضليت أقره سورة الفلق من الحسد عليه وبصفه صديقته الي هيه ايلاف صراحه كُلش عجبتني ما توقعته هيج جميله وخاصه الخصله البيضه زايدته جمال عمي هنيالك امير اذا صُدك وصارت من قسمتك سلمت على العروس وباركت اله....

اني ما تحملت بسرعه دخلت بالجو واشتغلت الاغاني ضلينه نرگص اني وخاله اباوع الايناس ماعاجبه هيه وماما شجاهن ذني اني هم ما درت بال ضليت ارگص لحد ما گالوا رح يدخل سيف لبست الحجاب دخل هو رحت يمه...

غنى:ها سيوف طلعت خوش تختار...

امير:افا اني سيف ما اعرف اختار لا ما حبيته منج يله أمشي ولي اريد اروح يم مريتي...

راح يمه وهيه جانت ميته خجل بس كُلش لايگين لبعض هيه هم جانت مو كُلش قصيره يعني زين توصل لكتفه بس هو جان ضخم شكلهم يجنن لبسه وخلص بعدين راحوا هم للستقبال اني ستغليت الفرصه ورحت يم ايلاف...

غنى:يي شلونج دكتوغه ،هي ردت وگلت اله على طلب امير هيه مثل ما فهمت بعدين شويه وستاذنت لان اتصل اخوه وراحت خلص العقد ورجعنه للبيت...

بيوم جان بابا گاعد هو وماما واني امير جان ما هو گال...

..اگول عبير عود ليش متردين امير يتزوج الي يريده؟

..يي لان احنه شنو الي عرفنه بيه لا شايفيه لا نعرفه شنو طبعه تالي تجي بعدين تطلع مو خوش وتگلبه علينه لو تطمع بفلوسه...

..يعني أنتِ هاي فكرتج تطمع بفلوسه لعد مو اني اخذتج شو ما گالت شي اشو ما طمعتي بفلوسي ما غيرتي على امي...

..يي بس اني مو غريبه جنت اقربائكم وانت جنت تحبني واني هم ...

..اها رحمه الله والديج انتِ گلتيه بالسانج عن حب لعد ليش تحللين الج وتحرمين لابنج وبعدين انتِ صح اقربائي بس من بعيد،شوفي عبير اني تعبت بعد مابيه حيل القال والقلت ابنج كبير مو صغير وهو يعرف شلون يدبر نفسه إذا جانت مثل متگولين طامعه بفلوسه ف هو الي يادبه مو احنه بعدين أنتِ شايفته؟..

..لا بس...

..لا بس ولا شي لتطلعين حجي على البنيه وأنتِ متعرفيه ولا شايفته وهسه الي اريد منج بأجر تخابرين اختج وترحين أنتِ وغنى هم تخطبنه لا والله تره يصير غير شي الحجي...

غنى:اباوع لماما كل ما تريد تحجي يسكته هي هم من شافته هيج سكتت وبابا هم ضغط عليه ما خلاه تحجي عافه وراح اني هم گمت خاف طلع حرگته بيه ورحت خابرت امير...

غنى:الووو أغيد ابشاره؟..

امير:بشاره مال شنو ؟

غنى:هسه تجيب الي لو لا حتى ما تعب نفسي...

امير:عمي ماشي بس گولي...

غنى:بابا أصر على ماما تروح تخطب الك وباجر هم ...

امير:ييي ادري...

غنى:گول والله وشمدريك...

امير: والله شبيج لو ما اني رايح ومحاجي جان ما قتنع وحاجه امي اصلا اني گتله هيه تريد تزوجني ايناس واني ما اريد گتله انت من ردت امي شنو سويت تره اني اسوي الاكبر منك ...

غنى:يي وبعدين؟

امير:يي بعدين گلي شنو تهددني گتله لا ما اهدد بس اذا ما راحت اني اعوف الكم البيت واطلع وما الي دخل بعد واروح لشيخ العشر واگله بعدين حجه گال مو هيه بكيفك گتله بعد انت اعرف هو ضل صافن بعدين گلي روح والله كريم علما امخمخه زين واني عفته ورحت وهاي شفتي بعينج شنو سوه...

غنى: والله عمي ينخاف منك...

امير:لعد شعبالج هاي هوه ريتي شلون ما اسوي كل هذا علموده...

غنى:صراحه ما توقعتك هلگد تحبه بس تستاهل كل الخير يخوي ويسعدكم أن شاء الله...

امير:أن شاء الله يخيتي وبشارتج توصلج اليوم ...

غنى:اهم شي هاي هههه يله روح الله وياك ....

وصُدك ثاني يوم اجت خالتي جابه سيف وماما هم بس جانت على أعصابه رايحه اخذنه امير لبيتهم ومبين اللهفه بعيونه وگال بس دگوا عليه اجيكم راح واحنه دگينه الباب طلعت أمه دخلتنه للستقبال رحبت بينه وستأذنت ...

ايلاف:خطبه شنو؟

..ولج حتى تگومين لان ادري بيج متكومين اله هيج يله بسرعه بدلي وتعالي وجيبي الجاي ديتهدر بسرعه...

ايلاف:نزلت ماما واني ما مفتهمه شنو السالفة صُدك يخطبن لو تكذب عليه بدلت ملابسي وسويت شعري گلبت على الجهه الثانيه ونزلت دخلت المطبخ زين هنه شگد طلعت بره حسبت الاحذيه 3 واحد زياده..

صبيته وأخذته دخلت سلمت عادي وقدمته الهن وصلت يم امه وقدمت اله جان تگول خلي على الطبله اني ضليت صافن عليه هاي شبيه سويت مثل ماگالت وكملت الباقين اخذن عادي وگعدت ضليت احجي ويه روحي، عزززه هذا صُدك سواه بعدين شفت اخته تباوعلي وتبتسم اني هم باوعتله طخت عندي ذاك اليوم من گالت منتضر الموافقه طلعت كله هذا علمود يخطبني يخخخ سواه ابو عيون جتاله و اجه جانت الفرحه بداخلي متنوصف...

بس جانت نظرات أمه مو مريحه حسيته گاعده على أعصابه بس تريد تحجي وتخلص المهم ضلن يسولفن شويه بعدين حجت أمه گالت...

..شوفي عيني ام رافد احنه نطلب ايد بتكم لابنه امير على سنه الله ورسوله؟حتى حجايته من وره خشمه ومن دون مقدمات تلاحگته اخته وكملت...

..شوفي عيني احنه جايكم من الباب وطالبين النسب منكم وسمعنه عنكم ونعم من اصلكم وجيتنه أن شاء جيت خير نطلب ايد بنيتكم ايلاف لوليدي وابن اختي امير على سنه الله ورسوله...

إيلاف:اني خليت وطلعت ما سمعت رد ماما شنو جان شويه وطلعن اجت گتله...

..ها ماما طلعن ؟

..يي راحن ودخلت جوه...

ايلاف:شفته وردت احجي بعدين سكتت ...

بيومه حتى ما تعشيت ضليت افكر ليش ما حجه ليش ما دز الي خبر وهو كل هاي الفتره حتى اي تواصل ماكو بينه،واني على صفنتي دگ التلفون وإذا هو...

ايلاف:الوووو...

امير:هلا بمرتي شلونج شلونه المفاجأة حلوه لا؟

ايلاف:يي زين ليش ماگلت نطيت خبر على الأقل مجهزه نفسي مو رأساً...

امير:ليش قابل گايل بأجر نعرس بعدين شنو تجهزين نفسج اشو تخبلين بعد عليمن هل دلع...

ايلاف:خجلت من كلامه بعدين غيرت الموضوع،يي انت شلونك وين كل ذيج الفتره شو ماكو؟

امير:لعد غير مستلگ جدي كل هذا الأسبوع واني اقنع بيهم حتى يجوج...

ايلاف:ليش تقنع بيهم شنو مراضين عليه لعد ليش...

امير:اششش أنتِ منو گلج مراضين عليج المهم اجو وخطبوج اهم شي اني راضي ومقتنع كُلش كافي وحاليا منتظر على نار حتى تردين الي خبر ...

ايلاف:يله امير صار لازم اروح ماما تصحني ...غلقته

كُلش نقهرت من كلامه ومبين مراضين عليه من خلال جيت أمه الي مبين واضح عليه جايه گوه ضليت صافنه وحاصرتني اريد ابجي ختنگت اخذت تلفوني ودگيت على ميسم...

ميسم:الوووو ها خيه شلونج؟..

ايلاف:مو زينه...

ميسم:يااا ولج شبيج شنو تبجين شكو شنو الي صاير؟

ايلاف:ميسم امير جاب أمه وخطبتني...

ميسم:يااا عمري الف مبروك شايفه كل الخير...

ايلاف:ولج يا خير ولج اجت ومبينه على أعصابه تخطبني وهسه تصل عليه يكلي صار الي اسبوع اني اقنع بيهم حتى يجون ولج ليش اني ما ردت هيج يجون اني اذا هيج زواجه ما اريده إذا بدايه هيج غصب لعد شلون اذا اعيش وياهم؟

ميسم:يا ولج شبيج وشنو هل حجي عمي حمدي ربج وشكري من اجه خطبج بعدين تعالي هو الي رح تتزوجي مو أهله ما الج دخل بيهم اهم شي عندج امير والباقين ما الهم دخل..
لعد حتى اني وهسه احجيه الج ألبارحه سيف توه ياله حجهت تدرين أمه من سمعت بيه جنت مخطوبه لماهر هم مقابله ومتعاركه وياه بس هو مقنهعه وگايل اله اني كُلشِ ادري عنه لعد حتى اني عبالج جاين هيج لا الله وكيلج على أعصابهم وخو شفتي ايناس لو وده تشرب من دمي...

ايلاف: بس حتى لو عاد مو هيج تسوي ولج تخيلي حتى ويه ماما تحجي من وره خشمه تالي اخته سكتته كملت الحجي...

ميسم:ميخالف يعمري بس خلي شخصيتج قويه وحاولي تفرضين نفسج عليه وخاصه اهم شي شرطي عليهم اضل على شغلي ما ابطل لو ما ادري شنو يصير خلي يصير اني هم هيج شارطه على سيف وهو هم قبل لان مبين من هسه تريد تسيطر عود عليج ...

ايلاف:اكيد ولو اموت ما اعيف شغلي لو اعرف اضل كل العمر عانس ولا اعيف شغلي...

ميسم:عفيه هيج اريدج وحاولي تهدين ولتخلين هيج اشياء تخرب عليكم ما دام هو وعدج ونفذ وعده واجه وخطبج أنتِ هم لتفشلي شوفي هو كُلش رايدج والي مخلي يتوسل بيهم حتى بس يخطبج صبري ولتستعجلين وارجع واگول أنتِ مالج دخل بيه عليج بس امير تمام...

ايلاف:تمام يعمري يله زحمتج وياي وخوفتج هم ...

ميسم:نجبي لتحجين هيج احنه خوات ماكو بينه هل شي يله معسلامه...

ايلاف:نوعن ما هدئة على كلام ميسم ثاني يوم داومت عادي ماكو شي نفس الروتين وهم عادت عليه ميسم نفس الكلام ..

اني هم قتنعت يمكن تسرعت بحكمي عليه ونظرتي اله يجوز هيه مو هيج ورجعت فكرت امير شنو سوه حتى يخطبني بس اني الي تسرعت بتصرفي وياه لازم اعتذر منه ضليت اكل بروحي ليش هيج سويت اوفف من تسريع ...

رجت من الدوام تغدينه راح بابا ينام اجت ماما حجت ...

..شوفي امي اني گلت الابوج على الناس الاجوج مگال شي وهو يدري بأمير خوش ولد بس گال اسأل عليه احسن والعصر هم اخابر اخوج لازم انطي خبر وهو هم صديقه ويعرفه...

ايلاف:يعني انتو موافقين ؟

..ابوج بعده ما أنطه خبر گال اسأل عليه واشوف اما اني والله ما ادري هسه عوفج من عدنه أنتِ تردي مقتنعه واني الولد شايفته خوش ولد وحباب؟..

ايلاف:ماما ما ادري انتو بكيفكم شنو تگولون اني موافقه عليه وخلي ننتظر بابا ورافد والله كريم...

مشه الوقت وراح بابا العصر يسأل عليه لليل خابر رافد دائما هيج وقت يخابر لان اختلاف الوقت بينه وبينهم اني ستحتيت اضل بس سلمت عليه وهم ضلوا يحجون وياه...

رافد:تفاجأة من امي گالت اجه امير خطب ايلاف بس يستاهل امير لي هسه اتذكر موقفه من ساعده بيوم الي اخطفوه وهو هم ما قصر وشفته الخوف بعيونه عليه بالبدايه من سمعت بي...

لزمته من ياخته وضربته بوكس بوجه وهو كُلشِ ماسوه حتى ما شال أيده ودافع عن نفسه الى أن تعبت ياله عفته جانت اضرب بي بكل مكان إلى أن تعبت وهو نفس وگفته وشفت اللمعه بعينه من اسمه ينذكر كل هل مواقفه صارت گبالي،وخاصه بعد ما ستقريت لازم اكو الي يحميه ويصير سند اله لان آدم أحسه بعده ما مستعد لهيج مسؤوليه هم اهلي وهم ايلاف يمكن اني جنت الحمل نصه شايله ف ما فكرت لو ترددت بسرعه گلت، ها هيه وموافق اني ومغمض امير والنعم منه...

شهد:دخلت بالفرع الاول لان جان بيت خالتي بالفرع الثاني وگفت وسندت ظهري على الحايط ومثل ما توقعت شفت ظل واحد اجه وجان الشارع فارغ ومابي احد دنيه ظهر وحاره جان اشوف الظل يتقرب وصل يمي مديت ايدي وضربته بالسچينه على رگبته هو سبقني ولزم ايدي حيل دفعني على الحايط وإذا اشوفه...

شهد:هذا انت؟

اشتر:يي اني...

شهد:اباوع علي هو طويل ولازم ايدي دفعته حيل،وخر عني انت منو وشنو تريد من عندي متستحي لاحگني ماعندك ام خوات بنات حلوات اقصد لو واحد هيج سوه وياهن شنو موقفك، وشعندك لاحگني؟

اشتر:على كيفج عيني اعصابج خاف يطگلج عرج!

شهد:وخلي يطگ انت شكو وشعندك لاحگني بعدين جيب السچينه مالتي.

اشتر:ضحكت عليه هاي سچينتج ام سچينه الوادم سچينه ام الياي تخلي وأنتِ سچينت مقراضه والله يا الله بعدين ان جان الحگج ف من زمان من يوم الي شفتج بي بالمستشفى وأنتِ وهذا اللسانج النص متر يلعلع،مد أيده يقلد على طول لساني..

شهد:يي لعد تريدني أصير فاهيه إذا ما اخذ حقي بيدي ما اسمي شهد بعدين ماگلت ليش تلحگني؟

اشتر:شوف عيني ام حقي اني من يوم الي شفتج واللسان الي يلعلع وأنتِ دخلتي عقلي وشاغله كل تفكيري ومره ثانيه من شفتج بالمطعم وهم صدمتني بردج وشخصيتج القويه واني احب المره الي تأخذ حگه مربع حتى لو غلطانه متنطي بنفسه وبعده اخذت الملف مالتج ودزيت جماعه يراقبوج لان بعد ما اتحمل يا بنت الناس اني عاشگج ...

شهد:نصدمت من كلامه وبنفس الوقت اني اخاف من هذولوله على گولت ايلاف عينهم زايغه بس ما بينت ضعفي گدامه وتماشيت وياه بالكلام،اممم يعني طلعت هذا انت التلحگني زين اني شايفه الي يعترف لحبيبته جوه المطر لو ينزل على رگبته ويقدمله ورده وانت جاي تعترف بظهريه ودرجة الحرارة نص غليان هسه عاد بلفيه احسن...

اشتر:أمشي عمي بألفي واجيت وگفت بألفي، وهاي وگفنه بألفي يي احجي شنو ردج تقبلين تتزوجيني؟..

شهد: حاولت اتماشه ويه حتى اشرد منه،هااا يعني هسه انت اعترفت الي بحبك وبعده تريدني اتزوجك وكون اني الازم اوافق واگول نعم قبلت،اگلك أني عطشت عندك ماي بالسياره هز رأسه وراح يجيب الي واني بس اريده يروح خرب يوم متت خوف نوب بس لا يلحگني ورحت اركض بس اريد اخلص من عنده منين اجت هل المصيبه يا ربي دخيلك دخلت بفرع بيت خالتي وصلت قريب عليه البيت جان اشوف ستوه نازل من السياره نزع نظارته وگال...

..وين جنتي ،لو اني تخشبت بمكاني اريد احجي نعگد للساني..

شهد...

يتبع...
لاتنسون التصويت وتعليق ومتابعة للحساب بدربكم والانستا هم @ghe.92
دمتم برعاية الله وحفظه
اغدير عبدالله