رواية وقد كانت صدفة الفصل الخامس وأربعون 45 - بقلم غـدير عبداللّٰه

"وقد كانت صدفة"

وتقربتّلك وانتهت
كل القساوة العندي
من تبتسم انسى الحچي
وما اعرف منين ابدي
حبيتك بگد ما چنت
خايف أظل لوحدي ..

______________________

ميسم: دخول سيف بحياتي هواي تغيرت اشياء بيه حتى طريقتي وياه بالكلام تغيرة صرت أحبه لدرجة كُلش كبيره مجنت اتوقع نفسي هيج حيصير بيه وميمر يوم اذا منسولف اني ويا أو إذا ميگلي احبج الي صارت هاي الكلمه مثل العلاج الي يوميه الازم أخذه...

وخلال هاي الفتره بده حاجز الخجل يروح عندي صرت اتجاوب وياه اعبر اله عن مدى اشتياقي اله ميبدي يومه اذا ما يدزلي مسج يصبح عليه ويختمه بتصبحين على خير يا وجه الخير...جانت هاي الجمله كفيله الي تخلين مو أحبه لا اطير لسابع سمه صرت انتضر التلفون يرن حتى بس اسمع صوته...

من بعد العقد ما تشاوفنه اني وياه بس نگضيه اتصالات وبس... گال هذا الأسبوع نعقد عقد محكمه ولازم كون نروح نسحب دم علمود فحص الزواج مشه الأسبوع وسحبنه الدم طلع مطابق وراه بيومين رحنه نعقد بالمحكمه جان امير هو ويأنه لان معارفه هناك سهله النه جانت ماما وخاله ام سيف بس الي أجن ويانه عقدنه وخلصنه اول ما طلعنه ماما طشت جگليت على روسنه خاله رادت تهلهل ما قبل امير بيومه عزمنه سيف بمناسبه العقد بالمطعم ..

تغدينه جان بالنسبه الي مثل الحلم ما مصدگه هسه صرت باسمه صرت باسم حبيبي اباوع للحلقه الي بأيدي ما اعرف حسيت الدمعه تجمعت بعيني هو نتبه عليه وخله أيده على أيده وتقرب وگال...

سيف:شبيج يبعد حيلي ليش هيج وجه مقهور؟

ميسم:لا والله ماكو شي بس مامصدگه صرت باسمك والله دا احس نفسي بحلم وما اريد اصحه منه...

سيف:لا حبيبي واقع هذا واقع مو حلم وگرصته...هاج شوفي مو حلم وحتى لو جان اني هم ما اعوفج لو اعرف اصير الج كابوس وهم ما اعوفج ...

ميسم:رغم الگرصه اذتني بس ضحكت على كلامه الله ليحرمني من عندك يبعد عمري انت...

سيف:اگلج ليش تبلشين مو عيب العالم گاعده ليش تخليني هسه أنسه امج وامي والعالم وابتلش بيج...

ميسم:يا عززه سيف اسكت عمي اسحب كلامي ويا كلمه ردي لمكانج...

سيف:بسيط أطلعه للكلمه من وره خشمج مو بس من حلگج بسيطه..

ودار وجه كمل ويه امير لان فشله وحده گاعد واني كملت وياه خاله ماما دنتفق شوكت دنحضر لان احنه بشهر الثاني من السنة الجديده نتزوج حتى اني مكمله هاي السنه وهم محضره جهازي،جابوا الاكل أكلنه وخلصنه دفع سيف الحساب واستأذن من ماما ياخذني اني ستغربت وين لعد مو طلعنه وين يوديني ماما هم وافقت واخذت السياره ترجع بيه لأن هيه تعرف تسوق واني أروح ويه سيف بسيارته وامير راح قبلنه يوصل خاله.

مشينه متوجهين للسياره صعدنه سوه وهاي ثاني مره اصعد وياه ولوحدنه مشه سألته وين نروح گال ما الج دخل لمكان اني هم ما لحت سكتت اباوع لعينه جانت واضحه وتلمع وكل ساعه يدور وجه ويباوع الي لزم ايدي بأسه وگال...

سيف: أخيراً صرتي الي وباسمي ولج والله مجاي اتخيل أنتِ الي من يوم الي صار الحادث وحضنتيني بوقته فصلت عن العالم ما اعرف حسيت وكانو بس اني وياج موجودين ردت ادخلج بين ضلوعي ما اطلعج ما اهدج لوحدج وترحين ومن يومه نويت اتقرب منج شويه شويه شفت نصي الثاني بيج أنتِ اني جنت فاقده هذا النص واجيتي أنتِ وكملتي ميسم احبج وكل ما اگوله مراح تعبر عن الحب الي بداخلي الج اريدج متعوفيني وتضلين طول العمر وياي ما اريد تكسرين گلبي لان اذا نكسر صعب يتصلح بعد...

ميسم:صرت ابجي على كلامه،الله لا يگوله ما اعوفك ابد لو اموت ما اتركك سيف ابد انت من دخلت حياتي ما اعرف شنو صار بيه غيرة والافضل هم ما انسه مواقفك ما انسه كلامك وتشجيعك الي حتى من تعالجت كل هذا ما أنساه وتريد من عندي اترك سيف ميفرقنه اله الموت...

سيف:اشش كافي لتجيبن طاري الموت،ويله نزلي وصلنه درت وجهي واذا اشوف المناره مبينه من فوگ نزلنه سوه ولزم ايدي حيل بس گتله...

ميسم:شلون لعد عبايه مجايبه شلون ادخل؟

سيف:هسه اشتري الج منا ثوب الصلاة ولبسي...

ورحنه نتمشه جانت الدنيه العصر دخلنه السوگ شتريت ايزار الصلاه ودخلنه التفتيش طلعت لگيته ينتضرني رحت اله اتفقنه على المكان الي نلتقي بيه بعده هو راح واني دخلت الحضره ولفحني العطر والهوه البارد الي ينعش الگلب رحت للشباك وزرت وراه صليت صلاة الظهر والعصر وركعتين زياره ضليت أقره الزياره ودعيت من كل گلبي الله ليفرقنه ولا يحرمني من عنده بعده لهناك تذكرت يوم الي اجيت وگعدت ابجي بحرگت گلب حتى انسه ماهر ويريح گلبي وصُدك ما خاب ضني وأملي بربي واهل البيت من دزلي سيف جان تعويض رباني بالنسبه الي وان شاء الله اكون گد هذا الحمل وما اقصر بشي وياه...

خلصت كُلشِ وطلعت لگيته گاعده ومنتضرني بتسمت اله ورحت گعدت بصفه...

ميسم:قبل الله...

سيف: منا ومنكم ها شلونه حلوه المفاجأة؟

ميسم:تخبل...

سيف:وصاحبه؟

ميسم:بعد احلى...

سيف:اخخخ اشتعلوا اگلج خلي نزوج والله بعد ما اتحمل؟..

ميسم:لا سيف حباب مو هسه احنه شنو تفقنه وبعد ما بقه شي هنه كم شهر ويگضن وبعدني اني كُلشِ ما مجهزه...

سيف:هو شنو التجهيز مالتج هن شكم لبسه اشتري نص ومن نتزوج على كيفج كملي الباقي وبعدين تره احنه كُلشِ مخلصين باقيه بس على هوست العرس...

ميسم:ميخالف سيف حباب لتزعل...

سيف:يله عمي أمسي امري لله يله گومي خلي نروح...

طلعنه نزعت ايزار الصلاه وسفطته وخليته وره بعده أخذني گال... تأكلين موطه.... گتله ماشي...يانوع؟...

ميسم:اريد ككو..

نزل راح جاب واجه گعدنه ناكل بالسياره ونسولف كملنه وبعده وصلني للبيت وهو راح مشت الايام وايلاف انطت الموافقه لامير وسوو المشيه وحددوا يوم العقد لان حتى يقعد بالامام لان جان هذا طلب ايلاف تعقد هناك وهو هم ما رفض اله طلب واي شي تطلبه يسوي اله وعلى عناد أمه الي دومه ترفض لكن احس ايلاف ضايجه وماكو فرحه بداخله وخاصه بعد ما دزوا الموافقه وشرطوا تضل على شغله أمه رفضت لكن هو ثاني يوم داز اخته وخاله ام سيف وافقوا على فل الگي أو المهر مالته جانت كل هذا هيه تسولفه الي واني احاول أهديه بيه...

ميسم:يمعوده مالج شغل بأمه انتِ كل الي عليج بأمير واني هم سيف اشكال يسوي ويايه واني ساكته لا اني احبه وهو هم، وهيه رغم كل هذا تحبه بس الي خايف منه هيه أمه...

ايلاف:دزينه الموافقه وشرطي انو اكمل شغلي جان امير موافق عليه لكن أمه هيه الي رفضة وضلت تحجي اني ماعندي جنه تششرط عليه لو تشتغل ماما من شافته هيج ما سكتت بس ردته بأدب گالت اله...

..لعد احنه ما عدنه بنيه يمكم وانتو الي اجيتوا ودگيتوا بابنه واني بنتي مو مارايدته بعد براحتكم وغلقته ،بيومه متت من القهر بالليل امير تصل عليه وسويت عادي بس داخلي ميته قهر خاف اخسره لان ما أكدر بدونه گتله...

ايلاف:امير اني هذا شرطي انو اضل على شغلي يعني اني درست وتعبت تالي بالاخير اعوفه لا اعذرني اني كله اله شغلي بعد بقت براحتك انت...

امير:شوف ايلاف حقج واني وياج ما اعوفج لو ما ادري شنو يصير ودوامج تضلين عليه واني راضي وما الج دخل بامي وباجر أن شاء الله يوجه تتفقون على الباقي...

ايلاف:من سمعت كلامه ورغم كل الي صار هو بعده عل كلامه ومصر عليه وگال خليه ورايه،اني هم سكتت وغلقته من عنده وصُدك ثاني يوم ندگت الباب راحت ماما تفتحه دخلت اخته وخالته وضلوا يسولفن دخلت قدمت الهم اسمعه خالته تحجي...

..شوفي داده احنه موافقين على كُلشِ طلبوا واحنه حاضرين...

.. والله كل الهلا بيكم متقصرون بس ام امير ليش شو ماكو؟

ضلت خالته واخته وحده تباوع للخ بعدين حجت اخته..

.. والله خاله البارحه ماما تخربطت وسكره صاعد ف ما گدرت تجي اجيت اني وخاله...

..ها الله ينطيه العافيه ضلوا يسولفون على سوالف المهر وهاي ماما گالت الهم على المهر كذا وكذا هن من شافن ماتوقعا هلگد نطلب عبالهن رح نطلب أكثر لان اني متهمين لفلوس هنه ضلوا شويه وبعده راحن...

اجه يوم المشيه راح بابا هو آدم ملمخلين شي ما جايبي منه، نترس الاستقبال ترس من الرياجيل وماكفه طلعوا بالحديقة رغم جان الاستقبال مالتنه كبير وهم ما كفه خلصت المشيه وصار الليل تصل عليه رغم كل الي صار وسالفت أمه وهاي لكن بيومه جنت كُلش فرحانه ماكو شي يمنعني من حبي اله وحلات الكلمه منه من يگول اول ما يخابر هلا بمرتي احس ملكت العالم بهاي الكلمه صرت اتمنه يوم يوم حتى اشوفه...

..حددنه يوم عقد السيد وطلبت من عنده جنت كُلش حابه نعقد بالامام وهو هم ما رفض الي الطلب واني هذا الي مخليني اتعلق بي أكثر من قبل اجه هذا اليوم الي صار الي هواي احلم بيه...

بيومه رحنه العصر اني وماما وبابا ومناك ميسم گالت هيه وسيف يجون،رحت بدلت ملابسي لبست مثل السوت لون اوف وايت جان كُلش حلو نازك والستره الياخه مالته مشغوله تطريز نم نم كرستال وشال هم نفس اللون وخليته مكياج كُلش خفيف طبعاً طلعنه اني وماما شتريناه قبل بيوم..

المهم خلصنه ورحنه وصلنه لهناك جانت الساعه بال6 العصر لگيناهم موجودين اجت عيني بعينه اخخ كُلش خجلت نزلته ورحت سلمت على خالته وهم نفس الحاله أمه مجايه حاولت ما انقهر ولا اعكره مزاجي بهيج يوم ولتجي ما هتميت رحنه دخلنه لغرفه جانت خاصه يعقدون بيه دخلنه اجت ميسم خلت طرحه بيضه فوگ العبايه على راسي وجابت قرآن فتحته وخليته على سورة الفتح وخليت ايدي عليه وجايبه سبع حبات هيل خلتهم بين اصابيعي ،اجه السيد يعقد الأمير خلص بعده اجه اليه ضل يردد بالاخير گال...

..هل تقبلين الزواج من موكلي امير عصام.. على مهر معجله...ومخره... ف اذا قبلتي قولي نعم وانت وكيلي؟...

ايلاف:گلته واحس گلبي يدگ بسرعه مثل الواحد يركض بسباق وكلت بصوت يرجف،نعم وانت وكيلي...

من گلته صلوا على محمد وال محمد اجه صار مقابيلي وباس جبيني وراه خالته رادة تهلهل مقبل جابت اخته الحلقات أخذه لبسني واني هم لبسته الحلقه طشوا الجكليت على روسنه بعده طلعنه ...

وباركوا النه راح سلم على ابو وبابا وأخو هم جاين وسيف واني رحت لخالته وماما وميسم واخته وصلته يمه جان تگول...

غنى:الف مبغوك حبيبتي شايف كل الخيغ يعمغي ديري بالج عليه اميغ خوش اميغ شفتي شنو سوه هذا كله حتى يرضج وميخليج تضوجين شفتي شگد يحبج وشوفي عيونه يريد ياكلج اكل بنضغاته لو تشوفي شنو تكول اله ماما يرفض ..

وصُدك لگيته يباوع النه اجت خالته وگاله يله روحوا زورا باوعت لماما گالت روحي رحت واحس گلبي طار قبلي من الفرحه وصلت يمه لزم ايدي حيل ومشينه قبلهم ودگات گلبي أحسه متناغمه ويه خطواتنه وصلنه الصحن دخلت ازور وهو راح كملت وطلعت لگيته منتضرني رحت اله گال...

امير:قبل الله...

ايلاف: بخجل منا ومنكم...

امير:يله مرتي نروح؟

ايلاف:بتسمت على كلمته، يي يله لزم ايدي حيل گتله،امير ليش تسوي هيج جان ماله داعي هلگد تخلي المهر اني متهمين لفلوس اهم شي عندي انت وبس...

امير:باوع الي صفح وضحك وهذا الي مخليني اتمسك بيج أكثر ما الج دخل اهم شي عندي أنتِ وبس والباقي مالهم دخل،عرفته يقصد منو اني هم ما حجيت بعد رحنه يم اهلي ستاذن من بابا گال اريد أخذه لوحده بابا قبل گال اله...

..براحتك بويه بعد صارت مريتك هيه...

امير:مشكور عمي متقصر

ايلاف:باوعت لامير فرح من گاله اله مريتك هيه ،طلعنه قبلهم صعدت يمه مشه وجان يگول...

امير:يي هسه من صُدك رتاحيت من صرتي گبالي ولج احبج يا هوه ريتي ولو اضل اگوله للصبح هم ما ارتاح...

ايلاف: هههههههههههه واني هم أحبك متتصور شگد فرحانه معقوله كل هذا صار...

امير:يي معقوله ولزم ايدي بأس باطنه ،افيش وهسه صرت الزمج براحتي بويه صار الي شگد منتضر هاي اللحظه على نار والله احسب يوم يوم حتى اشوفج گبالي ويمي واكحل عيني بشوفتج...

ايلاف:خجلت اني والطريق كله هو لازم ايدي معافه شويه وفتح المسجل على اغنيه جنت اول مره اسمعه وحبيته حسيت توصف مشاعري بهاي اللحظه ويباوعولي واني ابتسم اله شعور حلو من تحب شخص وهل شخص يضحي بنفسه في سبيل يشوفك فرحان يشوفك تبتسم وهذا جان امير حاولت اباوع بعيونه اريد أقره شنو لي بداخلهم شفت حب على لهفه وهواي شغلات حاولت افسره...

واخيرا وصلنه للمطعم نتعشه وبعده نكمل مشوارنه نزلنه سوه ولزم ايدي دخلنه للمطعم جان مبين راقي گعدنه شويه بين ما جابوا المنيو طلبنه اكل وضلينه نسولف بين ميجيبون الاكل...

امير:شوفي ايلاف خلي هسه نحجي جد رغم كل الي صار والصعوبات الي واجهته وكل هذا جان حتى بس اجي واخطبج ومن هسه اگلج حتى خاف بيوم تگولين ليش ماگلت وليش ماحجيت تخيلي اني صار الي شهر بس اقنع بامي حتى تجي وتخطبج حتى لتگولين ليش ما اجت...

ايلاف:هزيت راسي بيي...

امير:ولي أريده من عندج مثل ما تحملت لخاطرج اريد من عندج انتِ هم تتحملين لخاطري ومجاي امن عليج لو اذلج لو غير شي لا والله بس جاي اگلج يا عيني اني هاي امي طبعه صعب ومتقتنع بسرعه ف كل الي عليج بس طولين بالج وياه...

ايلاف:بتسمت وكلت اله ان شاء الله وكل هذا على عيني وراسي واني هم شنو عندي وياه قابل اهم شي انت تكون راضي وتحبني كُلشِ ما اريد من ربي بس الله يديمك الي...

امير:ما ادري شنو مسوي بحياتي والله هيج جازاني بيج ولج كافي لتحجين بعد ما اتحمل ...

ايلاف:هههههه يله سكتت...

امير:وبخصوص العرس شنو رأيج نسوي براس السنه وهم أنتِ مكمله تجهيز واني مخلص شغلي لان هاي الايام عندي قضايه مهم ولازم اضل متواصل وياهم ف رح اللتهي عنج وبخصوص عقد المحكمه اني كله اجهزه وبس اخذج نوقع ونرجع تمام...

ايلاف:تمام براحتك شوكت متريد اني حاضره...

بعده سكتنه لان جابو الاكل ضلينه ناكل وهو كل ساعه يخلي گبالي...امير والله دا اكل شبيك...هو يسكتني خلصنه بعده دفع الحساب وطلعنه ضلينه نفتر رحنه على الكورنيش نتمشه واحد لازم الثاني ونسولف جانت هاي اللحظات بالنسبه الي شي ثاني الي من خلال هواي كسرت حاجز الخجل صرت اتجاوب وياه اعبر اله عن مشاعري وطول ما اني احجي يباوعلي ومن اسكت يگلي ليش سكتي يخليني اخجل احس عينه بدا مفارقته شفايفي...

بعده رجعني للبيت گال...

امير:يي مرتي لهنا تخلص رحلتنه لو اكلج خلي اخطفج بقت على هل لليله وباجر ارجعج...

ايلاف:ههههه لا داده هم يالله هسه الگه بابا مقفل البيبان ولازم اخابر آدم يفتحلي ...

امير:اها شفتي اجتي من الله بعد ماكو مهرب...

ايلاف:لا والله هم يالله صُدك لازم اروح لان بأجر ورايه دوام وهسه هم لازم انام من وقت...

امير:تمام بس لازم مقابل؟

ايلاف:وشنو هو المقابل بالله وضيقت عيوني...

امير:أنتِ شنو تگولين...

ايلاف:والله ما ادري،واشوفه يعض بشفته عرفته شنو بس حاولت ما ابين اله يله اني اروح درت وجهي اريد انزل ما اشوف غير نسحبت ايدي وجان احس شي دافي على شفتي ضليت فاتحه عيوني من الصدمه إلى أن نگطع النفس يالله وخر عني مثل الواحد بصحراء وشاف بركت ماي ويرتوي بيه هيج جان شعوره اني بسرعه نزلت احس الحراره صعدت لراسي بسرعه دخلت البيت وصرت وراه بعدني مصدومه من الي صار گلبي يدگ بسرعه خليت ايدي على شفايفي واني على صفنتي جان يعيط بصوت خلاني اگمز من العيطه مالته واسمع ضحكت رحت اله...

اشتر:رحت اجيب ماي وصلت للسياره اخذت ورجعت نفس المكان مالگيته ضليت ادور عليه ماكو رجعت للسياره ركبت ورحت لنفس المكان جان تطلع سياره والگاه صاعده ويه واحد لو اني تخبلت ولك متت احس النار صعدت لراسي وهيه هم تباوعلي وسوت نفسه ما شافتني...

ابو گشوه:يي وهسه اني شنو اسوي مثلاً ماعندي غير اذب عليك گلاص ماي وتطفه نارك...

اشتر:لك دنجب شنو گدامك زعطوط وتشاقه وياي اگله هيج يگلي هيج اني اجيت اشكيلك وتنطيني حل ...

ابو گشوه:دسكت يخوي جنك وحده تجي لامه تگله نطيني حل رجلي مو رومنسي وياي...

اشتر:فقار تسكت لا اجي ارگعك بوكس أفلش جهرتك الامك مفتخره بيه مكيفه عده فحل وشلون فحل مثل البغل...

أبو گشوه:طبعا تفتخر لعد شعده غيري زين شوف والو انت قهرتني رح اساعدك بس تعال هسه انت شنو تريد بالضبط مو عترفت اله بس والله عمي شلون وحده مبين ملعبه توديك للشط وترجعك عطشان...

اشتر:وهو محد طيح حظي غير گلبي المسودن بيه ما ادري ما ادري شوف الي حل اي شي المهم اني أريده...

ابو گشوه:يي مو هيه سياره وعجبتك غير تعترف اله ولو والله عمي حقه لو اني منه جان رگعتك بالكعب الابسته جايني يعترف الي بهل ظهريه والدنيه تسلك من الحر بابه دطير غير تشوف منك ريگ حلو موقف حلو مو رأساً اني احبج حبك برص وگرصك گرص...

اشتر:تره مو زودتها وهواي أكلت تبن؟

ابو گشوه:يي والله حتى گمت اتريع غزوان بروح ابيك گازوزه ام الربع...

اشتر:لك دگومه وضربته بوكس بطنه مو صوجك صوجي اني اجيت يمك واگلك...

أبو گشوه:اخخخ يأبه دروح روح اريد اشوف منو ينطيك عنوان بيته بسيطه...

اشتر:رجعت عليه،شنو تندل بيتهم ولك ليش ما گلت؟...

أبو گشوه:ها شو رجعت ولو هو درب الچلب عل الگصاب ولو تموت ما أنطي الك...

اشتر:تمام خلي عندك اني الگاه ماريد منيتك عفته وطلعت....

يتبع....

اسفه بنات على التاخير النت كُلش ضعيف ما ادري ليش ف اعتذر.

لاتنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه
غدير عبدالله