رواية وقد كانت صدفة الفصل الرابع وخمسون 54 - بقلم غـدير عبداللّٰه

"وقد كانت صدفة"

وين ألگاك ؟
يـَ الموصوف إليه
وآنهَ الك موصوف
يـَ الفرگاك غُربة
وكُلشي ما مألوف
آنهَ بلياك مدريّ شبيه مابيهَ
زِلف وبلايه ترچيه
درُب مابيه كُل جيّه
نهَر فاض وتبع ميّه
رجع بسَ مالگه جروف
كون تشّوف
روحَي شخلّه بيها الخَوف
________________________

شهد:دب الخوف بداخلي ورجليه صارت وحده طگ بالثاني اريد احجي ما اگدر حاولت اجمع نفسي ورديت بخوف...

..الله عليك گول وين ما خذني ؟

وهو ماكو ما عار الي اي انتباه حاولت اكون هادئه وجانت الجنطه بحضني فتحته على كيف حتى لا أبين اله واني عيني عليه خاف ينتبه وطلعت التلفون ما حسيته اله ونخمش مني..

شهد:لا الله عليك جيبه!

اشتر:لو تموتين اليوم لازم اخذ الي اريده وغصبا عنج!

شهد:فتحت عيوني على كبرهم وحجيت بصوت قريب العياط،والله أن مديت أيدك ولمست شعره مني والله لا اسوي سوايه مصايره افضحك خاف عبالك مكيف بسمعتك ونجمه الي على كتفك وشكم واحد يگلك سيدي لا اخربه الك...عاط وخرسني بعياطه...

اشتر:ههييو أنتِ وبعدين ويهههه اللسانج هذاااااجنه لسان دلاله وضبي اللسانج شويه وبعدين انتِ وين راح بالجججج قابل اني ناقص غيره واسوي هيج وياه بنات الناس واني عندي خوات نظفي عقلج شويه وفتهمي...

شهد:حجيت بهمس،كُلش تعرف الغيره والشرف انت!

اشتر:شنو گلتي؟

شهد:ماكو شي،لعد فهمني وين مولين ؟

اشتر:صمت

شهد:ضليت الح عليه ماكو بالاخير سكتت واحس رجليه دتأذيني وبارده هم جنت ملابسه شي بس قميص وجواه بدي خفيف وبارده الدنيا وهم ويه حظي غيمت نزعت الحذاء وتربعت وهو اني قزمه ف كفاني الكرسي هو باوع الي وبتسم عابت الك ،واني درت وجهي لجه لخ وضليت صافنه افكر بحجم المصيبه الي اوگعت بيه اكيد هسه خاله مشغول باله عليه لحد ما سمعت صوت من گال...

اشتر:يالله وصلنه...

شهد:درت وجهي جان اكو عماره وبيه شقق لو اني تخبلت،لعد انت مو گلت ما اسوي الج شي شو جايبني لهنا...

اشتر:لعد وين اخذج غير اريد احجي وياج؟

شهد:واله شقه ولو تموت ما اروح وياك،وفتحت الباب على السريع ونزلت ركض حتى الحذاء نسيته هو اجه يركض ورايه ولحگ بيه لزمني من ايدي واني ضليت اجر بيه لحد ما گال...

اشتر:ولج أمشي فضحتينه عمي أمشي بالسياره نحجي،وهد ايدي وضليت صافنه اروح لو لا وحتى إذا شردت المكان بعيد وما اندل ومنو يوديني ف رحت ورجعت صعدت وطبگت الباب حيل وتربعت على الكرسي ضلينه ثنيناتنه ساكتين واني القلق كتلني كُلش تأخرت وكون قبل ساعه عند خالتي يا ربي هسه عاد لوينطيني التلفون اخابره ما تحملت وگلت...

شهد:بس نطيني التلفون اخابر خالتي واگل اله اكيد هسه ضل باله يمي،سحبه من جيبه وأخذته منه وتصلت عليه گتله لتنتضريني اني اتاخر بالشغل وغلقته منه، وهسه يله گلي شنو الي تريد تحجي بيه وهم ساحلني مناك لهناه على مود شنو ؟

اشتر:أخذ نفس وزفره بقوه وحجه بعد تنهيد طويل ورجع باوع الي،أنتِ ليش دسوين هيج مو داتعذبيني وتعذيب نفسج؟

شهد:اعذب نفسي؟

اشتر:لعد وكل هذا الي صار مو عذاب؟

شهد:هو اني الي معذبتك لو انت وين ما اروح لاحگني يا اخي فك عني ياخه مو تعبت ونفسيتي هم تعبت من وراك...

اشتر:أنتِ ليش مد تفهمين عليه يا بنت الناس اني احبج اني عاشگج ليش كل ما اجيج من باب تسديه بوجهي ليش كل هذا الكره الغرور الي شايلته عليه ليش بس اريد سبب مقنع حتى اقنع نفسي بي لان حتى كرامتي دست عليه في سبيل تقتنعين بيه؟

شهد:ضاع الكلام مني واني اشوفه شلون محروگ دمه وهو يحجي بأعصاب، شوف ححجي الك بصراحه بعيداً عن كل الي صار شوف انت شاب والحياة گدامك والف وحده تتمناك هم شاب وبعدك وتشتغل ومركزك زين وفلوس بس اني ما اگدر اتقبلك كزوج اكو شي بداخلي يمنعني من هاي الفكره...

اشتر: بس اني أريدج أنتِ من بين كل هل الالف التحجين عنهم اريد اگضي العمر وياج اريد اجي للبيت الگاج گبال عيني اريد جهالي باسمج يكونون باسمنه اني وياج ليش ترفضين؟

شهد:ما أگدر ما اگدر مد اتقبل هل فكره مجاي تدخل بالي ابد ارجوك لتضغط عليه وحجبته بهمس واني اباوع لوجه حباب اشتر،جانت هاي اول مره اگول بيه اسمه باوعلي بنظرت خيبه ودار وجه للجه الخ فرك وجهه بعدين مسد شواربه الثخان واني جنت مركزه عيني ويه حركة أيده واحس اكو اشياء غريبه وشعور غريب يجتاح داخلي...

دار وجه وباوع الي اني شتت نظري عنه ودرت وجهي لزم ايدي اني بسرعه درت بصدمه جانت أيديه بارده حسيت بدفوا ايده وهو مشدده حيل حتى لا انفر منه واحس نتله سرت بجسمي كله ورجع گال...

اشتر:بس فهميني شنو الي يخليج مد تتقبليني گليلي حتى داخلي يرتاح لان مجاي تعرفين شنو الي جاي يصير بداخلي... وضل يلح عليه حتى احجي بالاخير ما تحملت...

شهد:حسيت بالضغط وما تحملت ونفجرت بيه ونترت ايدي منه،ما اگدرررررر اتقبل فكره اكون زوجه الككككك لان كلكم مو راحه متگدرون اذا متشبعون رغباتكم حتى لو متزوجين حتى لو كنت مخلف لازم تشرب لازم تدخل اماكن قذره اشكال تسون وكل هذا تريدني اكون الك مستحييييل،ضليت اخرط هواي حجي لحد ما نگطع نفسي سحبت نفس بعد ما حجيت جره وحده وهو ضل يباوع الي بذهول بعدين طبگ حواجبه وگال...

اشتر:وأنتِ منو گلج كلهم نفس تفكيرج تره مو كل اصابعج سوه وبعدين انتِ وين تعرفيني تعرفين شنو عني؟

لا بعدين منو يگول اني من ضمنهم صح اگلج شايف أشكال بس ما سويت نفسهم واصلاً هذا طبيعت شغلي اني،وبعدين اني لو مثل متگولين جان هسه ما مخليج هنا بالسياره وسويت الي اريده ومحد يمنعني لكن اني مخافت الله تمنعني لج تخيلي والله على مودج سويت اشياء عمري وحياتي ما مسويهن واولهن من مديت ايدي عليج ولي هسه الندم ياكل بيه.!

والي صار وياج اليوم،رغم شگد شايف أشكال بنات مرن عليه بس أنتِ غير أنتِ تختلفين عنهم بشخصيتج القويه اسلوبج وتعاملج الشرس حبيتج...

شهد:حسيت باطرافي بردت ونحول بجسمي واني ما لابسه شي ثخين والجو بارد كُلش،ما ادري گتلك ما ادري ما اگدر اجاوب حباب رجعني للبيت لان بعد ما اتحمل احس نفسي مو تمام!

اشتر:ليش شبيج؟

شهد:بس رجعني للبيت الله عليك،فجاه اجتني نوبه بجي من الخوف الي صار عندي..

اشتر:ما شي بس لتبجين خلاص كافي حرجعج،حركت السياره ودرت وجهي اله واشفه مقرفصه على نفسه فتحت التدفئة اله لان شفته مبينه كُلش بردانه...

وصلت بدايت الفرع لبست الحذاء مالته ونزلت على كيفه بالگوه تمشي خفت عليه خاف صار بيه شي گلبي مينطين عليه ضليت اراقبه لحد ما نفتحت الباب ودخلت يالله حركت السياره...

شهد:دخلت البيت جان تتلگاني خالتي گلت اله تأخرت بالشغل واني ما بيه حيل احجي ما ادري شبيه بس ارجف وميته برده واني بيوم ما لبست ملابسي هواي گلت الشمس طالعه رحت بسرعه نمت لان گلت اله ما أشتهي نمت واحس صار الي سنه منايمه ذبيت نفسي لحد ما حسيت على صوت خالتي وهيه تگول اجه حيدر اخويه...

گمت واني بالگوه أمشي وبس واحد يلزمني اوگع صعدت وياله بالسياره جان الدنيا المغرب رجعنه للبيت بسرعه دخلت البيت ونمت بهدومي تلفلفت بالغطه زين ونمت ....

فتحت عيوني بثگل واحس جسمي متكسر تكسر حركت ايدي وحسيت نغزه بأيدي رفعته وإذا اشوف گانيولا بيدي درت وجهي جان ماما توه داخله اجت ضلت تبوس بيه سألته صار الي شوكت واني هنا؟

..من البارحه بال3 بالليل

وحجتي انو داخله عليه تريد تشوفني لان اول ما جيت واني ماطلعت من الغرفه ولا گيتني غاطه بالعرگ وارجف وجسمي يجوي من الحراره بسرعه جايبيني للمستشفى بعدين تذكرت اليوم عرس ميسم وگتله اله اريد اروح...

..ولج يحضي وين ترحين دشوفي وضعج شلونه بالگوه تمشين على رجليج؟

شهد:لعد ماما شلون خطيه وصار النه شهر نخطط تالي ما اروح،دا احجي وجان يدخل اخويه ويگول شنو هل صوت ردت ماما عليه تالي ما قبل ضليت مقهوره شلون واريد ابجي وضليت اغلط وطلعت حرگت العرس كله من وراه اشتر واني احجي عليه هسه لو مرجعني من البدايه ولا ماخذه برد جان هسه اني بالعرس...

شويه واجه الدكتور گال تگدرون تخرجوه وطلعنه ورحنه للبيت بعد ما كتبلنه العلاج للعصر وتصلت عليه ايلاف گلت اله ما اگدر اجي البارحة كله واني بالمستشفى واخويه ميقبل هيه تحمدت الي بالسلامه وراحت...

ضليت وحدي بغرفتي واني استرجع بذاكرتي بالي صار البارحه والكلام الي دار بينه واني اتذكر كل كلمه گاله وشكله وهو منفعل ويحجي بأعصاب وله تمسكه بيه وخوفه من گلت اله احس نفسي مو تمام حست بگلبي يدگ وجان اول مره احس بيه كل ما اتذكر شكله گلبي يدگ أكثر خليت ايدي على گلبي...

..اسكت كافي لتدگ كافي ولك ،حاولت انفض الأفكار من بالي وجان تدخل عليه امي بصينية الاكل حاولت ويايه حتى اكل وأخذ العلاج ماگدرت بالگوه أكلت احس بمروره بالساني،ماما ما اگدر اكل الاكل مر...

..يي مو لان جنتي مصخنه وهاي الحراره بدت تطلع من جسمج يله بسرعه اكلي حتى تأخذين العلاج...حاولت اتجرع شكم لگمه وبعده ما گدرت اكل واخذت العلاج ونمت لان بعد بيه نحول...

ايلاف:گاعدين اني وغنى والباقين عمي وامير يسولفون بالشغل وأيسر على تلفونه گاعد وخالتي دتباوع تلفزيون،دنسولف اني وغنى انو تريد تشتري ملابس للجامعه تگول ما عندي لان ملات العام صغرن عليه وهيه خاله طاسة الاندومي وتاكل طبعا هي جانت تحجيلي على حسين وشنو الي گال اله طبعا اني ادري بيهم وبعلاقتهم من يوم الي أجه حسين للمستشفى واني شكيت يحبه وطلع صُدك،لكن من اجت خالتي وگعدت يمنه غيرت الموضوع ،وجان خالتي تحجي...

..اگول ايلاف؟

ايلاف:نعم خاله!

..عود ليش لي هسه ما حبلتي خاف بيج شي...

ايلاف:اني اريد احجي ما اگدر من الخجل ومنا عمي وأيسر گاعدين كُلش استحي وخاصه هيج مواضيع لكن الي نقذني امير وگال...

امير:يمه شنو السالفة تره مصار على زواجنه هواي وقابل هيه بيده وحالياً اني ما اريد هسه جهال بعد وقت وكُلشِ بأرات الله يصير...

..يي وشبيك اكلتني بكشوري تره مجرد سؤال لا اكثر وبعدين احنه من تزوجنه من يومه نحبل اشو هيه صار اله شگد وهي ماكو ف گلت اكيد اكو شي،بس يي عيني تخاف على مشاعره تنجرح اذا ماطلعت شو شبيه وانت تستر عليه...

امير:گام على حيله وعاط،يمه لهنا وبس ما اقبل تحجين على مرتي هل حجي تره من تعيبين عليه دتعيبين عليه اني وتشككين بيه اني كافي عاد لا من جنت اعزب مرتاح ولا من زوجت هم،وعافهم وصعد فوگ ردت اگوم لزمتني غنى...

غنى:عيفي شويه وحده وبعدين غوحي...

..كافي عبير تره سوتيه بلا ملح رجال هو مرته أنتِ شكو مدخله روحج بينهم وهم بكيفهم شوكت ما يردون يسون جهال براحتهم ليش دتحرجيهم وأنتِ لو هيج شايله هم جان حجيتي وحدكم مو گدامي وگدام ولدج عيب...

..يي عني كلكم صفيتوا وياه ما ادري شمسويتلكم وهيج تحامون عليه مو اني صوجي اريد الزين الابني واريد افرح بجهاله... وضلت وحده تعيط وتدردم اني بالي كله يم امير بس لايصعد ضغطه لحد ما راح عمي لغرفته وهيه راحت وراه وأيسر هم راح واني رحت اسوي اله ليمون لان اكيد هسه رأسه يأذي...

ضل بالي بهذا السالفه أعصر بالليمون واني افكر واسولف ويه نفسي يي تره هم حقه ابنه كبر وهيه تريد تشوف جهاله اني لازم اشوف واجيك نفسي خاف كُلشِ يصير بس لازم بالبدايه احجي وياه بس مو هسه إذا هاي بأجر خلصت عصر وخليته بگلاص وصعدته اله دخلت الغرفه لگيته نايم على الجربايه وأيده فوگ عيونه رحت يمه...

ايلاف:امير حبيبي گاعد؟وخر أيده من على عيونه وگعد
..هاك اشرب هذا الليمون خاف يصعد ضغطك وراسك يأذيك

امير:يي والله يأذيني...

ايلاف:هاك شربه حتى ادلكه الك

امير:رفع حاجب وكال...تعرفين؟

ايلاف:اشرب وهسه تشوف أخذه مني وشرب منه واني نزعت الحجاب والجبه ولميت شعري بقراصه صغيره تكفي ورحت يمه وگعدت على الجربايه وتربعت وخلين المخده واشرت على حضني،يله عيوني تعال نام!..

نام بحضني وبديت افرك رأسه من المقدمه بحركه دائريه وهو مغمض عيونه واني مستمره لحد ما حسيته أنفاسه ثگلت عرفته نام واني على كيف شلت رأسه وگمت اني ونمت بصفه...

ثاني يوم گعدت الصبح مثل كل مره بال5 طبخت واني من البارحه منظفه بعده سويت ريوگ اجوا اكلوا وخلصوا بسرعه لميت المواعين غسلتهم وصعدت بدلت ملابسي وامير منتضرني خلصت ونزلت ورحت وياه للدوام أما عمتي تضل نايمه للعشره تگعد تتريگ وحده وتعيف المواعين مالته وتروح ومن اجي اني اغسلهن عناد بيه اني هم اسكت عنه واغسلهم مراح ينقص مني شي اذا غسلتهن...

مشه الوقت عادي واني بالي يم موضوع أمس لازم اليوم احجي ويه امير يي ضليت افكره وشلون بعدين تذكرت باجر جمعه اروح لاهلي ومناك بالكي نروح اني وماما للدكتوره وضليت متأمله بهذا الشي خلص وقت الدوام واجه امير عليه واخذني دخلت للبيت ونفس روتين يوميه..

صار الليل وبعد ما الكل راحت نامت اني خلصت تنضيف وبسرعه صعدت دخلت الحمام وطلعت بدلت ملابسي وشسورت شعري واخذت قلم كحل وخطيت عيني والحمره مالتي الي يحبه ولبست الجبه رحت سويت گهوه اله وأخذته للمكتب مالته جان گاعد يشتغل دگيت الباب ودخلت لگيته لابس النظارات والحاجب مطبوگ ورحت وديته وخليته على الميز ...

امير:يي عاشت ايدج هسه اجت بوقته...

ايلاف:بالعافيه...وگعدت على الكراسي مقابيله ونزعت الحجاب والجبه وضليت اباوع عليه اريد احجي ومتردده شال الفنجان وأخذ منه رشفه وباوعلي اني نزلت عيني وضليت العب بالحلقه...

امير:يي مرتي بالسانج حجي گولي شنو تردين؟رفعت راسي وگمت ورحت يمه وگعدت على المكتب...

ايلاف:ءءشوف امير اريد اگلك على شغله بس متردده منك...

امير:اممم گولي،يحجي ومنزل رأسه ويشتغل...

ايلاف:اريد اروح للدكتوره واجيك نفسي واجت اريد أخذ رايك؟

امير:نزع النظارات وباوع الي باستغراب،ليش اكو شي تشكين من الم؟

ايلاف:لا ماكو شي بس البارحه ضل بالي يم موضوع الي گالت عليه خاله خاف اكو شي واني هم گلت اشوف نفسي خاف اكو شي تره حقه خاله يعني هم تريد تشوف جهال...

امير:وأنتِ مقتنعه من كل عقلج جاي تأخذين رأي بابه أنتِ اكو شي بالج أنتِ عاقله لو هم أمي رجعت عادت عليج نفس حجي البارحه لو اخاف احد مسمعلج حجايه گليلي حتى اني ارد عليه؟

ايلاف:لا والله ما سامعه بس انت كبرت وهسه الي بگدك عند جهال...وجان يعيط بوجهي جفلت من صوته...

امير:ولججججج بابا أنتِ شنو شاكيلج اني گتلج هسه أريد جاهل يا هو الي يگلج على شغله تصدگين بيه بعدين لا مترحين واني ما اقبل ترحين،تشكين من شي اني من عيني اخذج وإن جان على الجهال يأبه اني ما اريد هسه وكُلشِ من الله رزق...

ايلاف:والنعم بالله بس اني أريد جاهل يملي حياتي ما الي دخل بحجي الناس اني اريد هذا الطفل اريد احس بالامومه اريد اشوفه وهو يكبر بداخلي لحد ما يجي لهاي الدنيا انت ليش مدا تفهمني اريد احس بهاي اللحظه اريد اشوفه وهو بين ايديه الله يخليك لتمنعني من هذا الشعور...وحجيت ونزلت دموعي...

امير:استغفر وفرك وجه گام واجه گومني ومسح دموعي، يا عمري واني هم اتمنه هاي اللحظه عبالج ما اريد لا اريد بس اني ما اريدج تسوين بنفسج شي وتتاذين حتى تجيبين هل طفل،وبعدين ما الج دخل بكلام الناس گال فلان وحجه فلتان وگتلج هو رزق وإذا مكتوب النه يجي مو اليوم بأجر مو بأجر بعد شهر...

ايلاف:بس اني أريد!

امير:كافي ايلاف گلت الج لا يعني لا ماكو روحه...

ايلاف:وخر هو مو صوجك صوجي اني اجيت ولبست وتحمرت عبالي منك رجه طلعت صخره لإحساس ولا ضمير.

عفته وطلعت ورجعت الغرفه صُدك حزت بخاطري واني من البارحه اگول هسه يقنع تالي صار العكس،رحت فرشت اسناني ونمت شويه وحست على الباب نفتحت وغمضت عيوني گلت اكيد اجه يصالحني شو هذا تغطه ونام ودار وجه للجه الثاني لو اني متت سديت حلگي وصرت ابجي ليش هيج يسوي حتى من يوم الي تزوجنه لليوم اني مطالبه من عنده شي لو شاكيتله وشنو يريد اسوي من غير التعب الي اتعبه هم دوام وهم شغل البيت

ما حسيت غير على ثاني يوم الصبح واني متعوده اگعد من وكت گعدت غسلت وجهي وبديت الم الجنطه لان اليوم جمعه واروح الاهلي صار الي شهرين مرايحه الهم بس مره مريت عليهم العصريه وبعد ما صحت الي فرصه اجيهم والبارحن تصلت عليه ماما گالت تعالي بيت جدج مسوين ثواب لبيبي گتله اشوف امير اذا قبل اجي ورحت گتله وافق وهذا الحجي قبل الزعله مالته هو كون اني الي ازعل مو هو...

واليوم همه يگعدون متأخرين لان عطله خلصت ورحت گعدته هو هم گعد وما حجه شي حتى ما صبحه گتله اسوي الك ريوگ ما قبل بسرعه بدل وأخذ الجنطه ونزلت صعدنه السياره مشه والطريق كله احنه سأكتين وصلنه ونزلت حجه...

امير:عندج فلوس؟

ايلاف:يي عندي،بس متنزل؟

امير:لا عندي شغل واعتذريلنه منهم...وراح ضليت اباوع عليه ولزمتني العبره هذا شبي ضليت صافنه لحد ما ختفه عن نظري وجان تنفتح باب بيت جدو ويطلع....

يتبع....

لا تنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه
غدير عبدالله