"وقد كانت صدفة"
تسَوي روحَك جاي تِنسه
وماتجيهُم
ومِن بعيد هوايّ
تنشد عليهُم
يمتهَ ناموا ؟
يمتهَ فزّوا ؟
والقَميص اللايگ عليهُم
تبدل بعدهَ نفسه ؟
تسوي روحَك تچذب وكُلك صدگ
غَطي گلبَك
ذاك هوَ مبين بگلبَك عشگ..
____________________________
ايلاف: تتردد اسئله بداخلي هواي ليش هيج يسوي ليش مدا يحجي وياي ليش رفض اروح لدكتوره شنو الي خلاه يزعل وهو المفروض اني الي ازعل وا اسوي هذني كلهن ضلت هواي اسئل واحاول الگه الاسئلتي جواب مقنع ماكو...
واني بهل الأثناء نفتحت الباب ويطلع جدو سلمت عليه ودخلت لگيت اهلي موجودين وبيت عمو احمد هم أصلاً گاعدين عد بيت جدو..
ومثل كل مره يوم الجمعه يروح جدو واحد من الولد يجيبون ريوگ وسمج وهاي لازم جدو هو الي يختار السمج بيده ويسوگون ويجون،ورحت اني ورفل وحنين نحضر الريوگ واگفه ودا انتظر الماي يفور حتى اخلي الجاي وصافنه وافكر بامير وجان تفززني رفل ...
رفل:شبيج خيه من اجيتي لي هسه بس تضربين صفنات شكو؟
ايلاف:احجي واني اخلي الجاي بالقوري، لا والله بس ماالي خلگ وضايجه...
رفل:بس لا ولج حامل؟
ايلاف:لا،گلته واني الف حسره بداخلي من اتذكر كلامه البارحه...
رفل:والو يختي لاحگه على شلعان الگلب تهنوا ما دام بعدكم عرسان والله لاحگه على الواق ويق...
ايلاف:ههههه ضحكتيني عرسان گال...
رفل:يي خيه بعدكم عرسان لحد ما تحبلين وتصيرن ام فلان...
ايلاف: الله كريم،ما گعد اموني مشتاقتله؟
رفل:هسه اروح اشوفه جنوني مو اموني اذا گاعد خلصيني منه،وراحت صُدك شويه وجابته صاير يخبل وخدوده حمر گزگزت عليه وهم توه بده يمشي وشالع گلبه لرفل وهو صلاوات ميگعد حرك ضليت العب وياه لحد ما اجه جدو وآدم وياه وشايل العلاليگ اخذت منه رفل...
رفل:عاش ابو الشباب تعبناك ويانه أن شاء الله يوم عرسك ونتعنالك ونهوسلك...
آدم:مشكور ام امين على هل دعوه الحلوه بس لو تعلين صوتج حتى تسمع الولده...
ايلاف:دخلص جامعتك يالله تتزوج وأخذه مني اذا وافقت ماما...
آدم:اها شوفي مو ادري بحظي چا الأصغر مني كله عرست بس اني ضليت...
ايلاف:ها ولك شو صارت چا خاف عاشگ وحده وتحجي بالچا ها؟ورفل تباوعله وتضحك...
آدم:ها يعني الواحد ميغلط عادي تصير باغلب العوائل...
رفل:علينه سوالفك دومي چا وشحلات الچا چا هيه منهو عليك الله احجيلنه منو هيه اكيد وياك بالدوام مو؟
آدم:ها وحك رأسه،يي ويايه...
حنين:يي شنو اسمه؟
ايلاف:وياك نفس القسم لو لا؟
رفل:حلو لو لا؟
آدم:ها شبيكم يمعودات ملتمين عليه كلكم عبالك ذبان،وجان يصيحون مناك وين الاكل احنه كل وحده راحت على شغله وهو شرد أخذ اموني وراح واحنه كملنه وصبين الاكل خلصنه الريوگ وبعده مشه الوقت واجو بيت عمو رسول وبعده اجت عمه وفهد بس وياسر ضل يم اخو ميگدر يجي لان ميگدر يتحرك على الكرسي گاعده وحالين منتظرين الفحوصات تطلع حتى يأخذوا للخارج يسون اله العمليه لان هنا كله تگول اله بالخارج العمليه ونسبت نجاحه مو كُلش لكن هذا اخر خل عدهم...
صار الظهر والولد راحوا بالحديقة يشون السمچ واحنه سوينه الزلاطه والتمن الاحمر شويه ورحت دگيت على غنى ما ادري بالي يمه شألته...
ايلاف:الووو ها غنوه شلونج؟
غنى:هلا بيج خيه الحمدلله،خيغ صايغ شي؟
ايلاف:يي بس ردت اسئلج على امير ءءءشو اتصل عليه ميرد،مدري شلون طلعت هل حجي لأن هيه متعرف هو زعلان مني...
غنى:لا هذا وياه ديتغده،وحجيت اميغ ايلاف تتصل عليك ومتغد؟
امير:مادري يجوز فوگ بالغرفه...
ايلاف:وصحت،ولج لا يحضي ليش گلتي خرب...
غنى:خرب ولج طرشتيني،لعد؟
ايلاف:رحت لغير مكان،گومي گعدي بغير مكان واگلج؟
غنى:يي تمام ورحت للمطبخ وهم بالصاله يتغدون،يي احجي شكو خوفتيني؟
ايلاف:سحبت نفس،مو البارحه تعاركنه اني وياه وبدال ما اني ازعل زعل هو؟
غنى:يي ادغي!
ايلاف:تدرين وشلون سمعتي؟
غنى:حقج خيه متدغون اذا صواتكم عاليه وانتو تتصايحون وبعدين نسيتي غرفتي قغيبه عليكم!
ايلاف:يي سمعتي وهسه من خابرتج حتى اشوف شلونه ولج تخيلي اهلي عزموا وصلني سئلته تنزل يگلي لا اعتذرينه منهم شفتي هاي كله لان گلت اريد اروح لطبيب لعد هاي شدخله بهاي ما ادري...
غنى: ميخالف يا حبيبتي يجوز يخاف عليج ويغيد مصلحتج أنتِ ليش عجوله...
ايلاف:غنى بس ميخالف جان يگدر يحجي بهدوء ونتفاهم مو يعيط عليه وحتى أنتِ سمعتي عياطه بعدين اني مو طفله ويعيط تره مرته اني...
غنى:ميخالف حبيبتي عادي تصير مشاكل وكل اثنين يدخل بينهم الشيطان عادي ساعت عصبيه وتروح وتصير سوالف ما سامعه من حبك لاشاك وأنتِ هم متدرين هسه شنو الي ديصير بداخله وحاولي تكونين صبوره ومن البداية لو سامعه كلمته جان مصار هذا، هسه عوفج صارت بعد وأنتِ هم ارتاحي اليوم وتونسي عد اهلج غيري جو شويه...
ايلاف:ما شي والله حتى من اجيت لي هسه ما الي واهس وبالي كله يمه لان اول مره يزعل مني...
غنى: لتشيلين هم هسه يرجع مثل قبل واحسن وهو أول وتالي واحد يرجع لثاني لا أنتِ تگدرين بدونه ولا هو يگدر بدونج!
ايلاف:يي والله، ولج غنوه ما عرفتج صايره مصلح اجتماعي توافقين راسين بالحلال...
غنى:يي خيه لعد من وغاكم واني اقنع بذاك واواسي هذا واني محد مگلبني گلت احل مشاكل الناس ابركلي وهسه هم حتنزل مشكله جديده بس هاي المشكله ما اله حل شنو اخليله تختفي مو بس طيب...
ايلاف:يا ستار شكو؟
غنى:ايناس بأجغ حتجي يمنه!
ايلاف:لا عليج الله؟
غنى:يي والله...
ايلاف:وهاي شلون شغله...
غنى:شكو؟
ايلاف:اگلج داده اني اروح لان صاحوا إليه وعذريني گومتج من اكلج...
غنى: الله وياج...
ايلاف:رحت يمهم لگيتهم كلهم گاعدين ومنتضريني گعدنه ناكل واني گلبي يسولف هاي شلون بأجر هاي تجي ومن حتشوفه ميحجي ويايه وتستغل الفرصه هاي مبينه ماعده عيب ومستحه..
واني ودا فكر أكلت لگمه وجان يطلع بيه عظم شهگت هذيج الشهگه والعظم وگف بزردومي لا ينبلع ولا ينذب كله طافرت واجت يمي رحت على المغسله اهوع ماكو صرت شيگلولي انفذ هذا الي يگلي شربي ماي وهذا يگلي بلعب خبزه لتاكليه واني اسوي بعد ما اگدر صرت ابجي من الالم وهم اني مناك مقهوره كله لتمت حتى صرت احس دم طلع متت بوقته بالگوه يالله راح واني ابجي بعده رحت انام وارتاح شويه وراسي هم گام يوجعني غديت فرد مره اجت ماما ورايه...
..شجاج امي ما شفتي عظم شكبره متگليلي وين بالج جان...
ايلاف: طبعاً اريد احجي ما اگدر والشهگه ملازمتني...
..يله نامي رتاحي اني اروح...
طلعت ماما واني درت وجهي وبعده احس مكان العظم يوجع رغم هو راح لان جنت احس بنغزه بس هسه لا ضل بس الالم نمت ...
گعدت على ايدين صغار تضرب بوجهي عرفته اموني فتحت عيوني هو ضحك وطلعن سنونه الاماميه بس اربعه ثنين فوگ واثنين جوه أخذته ونيمته بصفي واسولف ياه،بعده شلته واخذت حجابي وطلعت لگيتهن گاعدات وحدهن يسولفن وحنين جابت الجاي گعدت يمهن وأمين بحضني جان تحجي مرت عمي الثاني...
..ايلاف شو بعدج لي هسه ما حبلتي،اني منا متكابه من هذا الموضوع ونوب هاي عادت نفس السالفه ما حجيت وردته ماما اني هم ضجت كُلش ورحت يمه وحجيت...
ايلاف:ماما شوكت نروح؟
..هسه بس يجي ابوج ونروح...
ايلاف:لعد وين راح؟
..أخذ جدج وراح عدهم فاتحه بس يجي نروح...
ايلاف: تمام
ضلينه گاعدين لحد ما اجه بابا اخذنه وراح،دخلنه البيت ورحت صعدت لغرفتي فتحت الباب كله على حطته وتلمع من النظافه رحت على جربايتي گعدت وسحبت المخده ونمت عليه واني اتذكر يوم الي خليت راسي على هاي المخده وأتذكر امير يصير زوجي واحلامي الوردي واليوم نايمه على هاي المخده وهو زوجي واحمد ربي،ضليت نايمه واني اتذكر هذيج الايام واضحك منا لحد ماگمت وشفت الدنيا غروب حيل صار الله شگد نايمه نزلت جوه اني وماما وبدينه نحضر العشه ونسولف...
منا لحد ما اجه بابا وآدم تعشينه وخلصنه رحت لميت المواعين وغسلتهم على السريع ورحت راسلت امير يجي عليه اريد ارجع ما ابات يمهم نوب هاي تجي بأجر حتى النوم ميمر عيني غير...
لميت غراضي امي ضلت تسألني ليش وما شفناج ...
ايلاف:ماما والله ما اگدر لازم اروح وباجر اني وامير عدنه دوام...
..تمام امي روحي ما دام متگدرين ما الح عليج...
بهل الأثناء دز هو ماشي من شفت الرساله گلت هسه يتصل لو يسأل ليش متباتين واني گلت اله ابات، متت قهر هذا شأسوي وياه ضليت گاعده انتضره واني اسحن بروحي سحن ندگ الجرص راح آدم يفتح الباب وسمعت أصواتهم دخله للاستقبال راح بابا واني اخذت ماي ورحت قدمت وگعدت مقابيله...
اباوعله يضحك ويسولف ولا كانه اكو شي واحجي وياه ولا يدير بال الي ستأذن منهم بابا گال بعد وقت؟
امير: والله عمي هم يالله بأجر ثنيناتنه عدنه دوام هم يالله...
..يي بويه ما دام هيج براحتكم ...
ايلاف:اخذت جنطه مالتي وسلمت عليهم وطلعت صعدت بالسياره مشه وهم نفس ما اجينه هم ساكتين اني ما تحملت فتحت الجامه لان احس ختنگت ما اگدر وقررت ابادر بالكلام...
..امير انت زعلان مني؟
امير:لا
ايلاف:لعد ليش هيج تتصرف ويايه ليش تتجاهلني وتدري بيه اموت اذا احد تجاهلني وانت من الصبح گالب وجهك عليه...
امير:هو اني لو أنتِ مو اجيتيني للمكتب زعلتي ورحتي اني هم حترمت قرارج وسكتت...
ايلاف:يي بس مو تتجاهلني يعني تدري بيه اني بس وقت العصبيه ما اتحاجه واني اليوم كله اريدك تتصل ماكو حتى عد بيت جدو سألوني عليك خجلت وما عرفت شنو اگول الهم حتى ضليت امتمت بالحجي...
امير:وهسه أنتِ الي تردي شنو؟
ايلاف:اريد تحجي وياه ومتتجاهلني وبوقت العصبيه تحملني وبعده ارجع الطبيعتي...
امير:تمام وأنتِ هم لازم تنفذين الي اگوله مو بس انتِ تتشرطين!
ايلاف:يي وشنو الي تريده؟
امير:موضوع مال اريد اروح دكتوره تنسي ومينعاد مره لخ وإن جان اكو رزق يجي وان ماكو بعد بإرادته بعدين اني شأسوي بالطفل وأنتِ گدامي اكبر طفل بس تتزعل...
ايلاف:يااا هاي اني اتزعل روح !
امير:اها شوفي مو اكول طلفه تزعلين لا ونوب تريد تجيب الي طفل نوب شلون ثنين عليه يتزعلون هسه الطفل نسكته بممه وأنتِ بيمن نسكتج...
ايلاف:يي تستهزئ بيه حظرت جنابك تره دا احجي جد وياك؟
امير:والو اني اعرف شلون اسكتج بطريقتي...
ايلاف:ضربته على أيده حيل وهو يضحك، حتى بالكذب ما گتلي الحمد لله على السلامه جان متت اليوم...
امير:دار وجه متفاجئ،خير شكو؟
ايلاف:غير كله من وراك واني افكر بيك واگول اكيد هسه زعلت مني وبعد متحبني وهم بأجر تجي البومه وتالي غصيت بالعظم لحد ما تجرح زردومي وبالگوه طلع...
امير:لا هاي كله لان تفكرين بيه خاف اروح منج لا ولا يهمج اليوم اخليج بعيوني،بعدين شدراج بأجر تجي؟
ايلاف:غنى گالت؟
امير:واني اگول ليش رجعت تضحك،هههه تدرين اول مره احب جيت ايناس النه لان خلتج تجين ومتباتين يم اهلج لان تدرين بيه ما اگدر انام بدونج حتى البارحه للصبح اني منايم لان مو يمي وكل ساعه اجي يمج أخذ شمه وارجع خاف تگعدين...
ايلاف:حجيت واني الرجف من الغيره،يي تفرح بجيته ليش لا وهيه بحجت البردان أتلفلف وياك، بحجت تجي تشوف خالته وهيه عينه عليك بس اني اله عباله تأخذك مني بسيطه تحلم والله تحلم.
امير:هههه على كيفج مو أنتِ قبل شويه تبجين لان غاصه بالعظم وهسه كُلشِ ما بيج...
ايلاف: ايي اضحك زين اضحك وباجر تشوف.
امير:نشوف ليش لا
ايلاف:وصلنه ودخلنه لگيت غنى بالمطبخ تسوي اندومي باوعتلي وضحكت...
غنى:ها الحلگ مشغوگ تصالحتوا؟
ايلاف:يي وهو الممنون هم...
امير:منو هو الممنون؟
ايلاف:واحد!
امير:ها عبالي يله اني صاعد...
ايلاف:يي جايه...
غنى: هههههه ها شو صاغ واحد قبل شويه جان ممنون...
ايلاف:يي خيه اني بس بوخه...
غنى:تعتغفين...
ايلاف:يي داده لعد شأسوي يله اني صاعده أنتِ هم اكلي زين ودلعي كرشج زين...
غنى:ولا يهمج اهمشي الكرش يدلع قابل مثلج اگعد اتزعل...
ايلاف:هههههه عابت الج بسيطه بأجر اني الج...
صعدت لغرفتي لگيته گاعده رحت بدلت واجيت يمه هو مد أيده ونمت عليه واجه بأس راسي وشم شعري...
امير:تأذيتي اليوم...
ايلاف:يي والله منك ومن العظم!
امير:شو بالله اشوف مكانه وشال راسي وباس مكان اللوزتين...
ايلاف:اگلك امير؟
امير:امممممم!
ايلاف:الله عليك صُدك تحب ايناس؟
امير:وشجاب هل سؤال بالج؟
ايلاف:هيج مجرد سؤال واجه بالي...
امير:لا يأبه وين أحبه بس هيه تحبني يي...
ايلاف:گمت من أيده،گول والله تدري؟
امير:يي وشبيج مخروعه أصلاً هيه اجت وعترفت هم بس اني ما نطيته مجال...
ايلاف:يي وبعد؟
امير:شنو بعد...
ايلاف:وبعد شنو الي صار وره ما صديته؟
امير:حاولت ومن عرفت بيه خطبت وافقتي هيه بعد ما اجت ...
ايلاف:و هيه دائما تجيكم؟
امير:اگول أنتِ شعندج اليوم ادري داخل تحقيق، ويي دائما تجي يم غنى لو امي تبات شكم يوم وتروح...
ايلاف:رجعت گمت،وهم تبات عزززه هاي شنو من نفسيه عده...
امير:مرتي شبيج قابل اطرده وهم ليش اكذب عليج هم شكم مره حجيت گباله وهيه لا احساس ولاضمير....
ايلاف:رجعت نمت على أيده وضليت افكر بعدين هو بأجر بالدوام يي محيضل يمه...
ثاني يوم الصبح وصلني امير للدوام وراح دخلت لگيت ميسم توه جايه...
ايلاف:هلا وغلا عيني من شاف حبابه نسه أصحابه؟
ميسم:ههههه هلا بيج عمري والله مشتاقتلج موت بس تدرين شغل البيت وهاي...
ايلاف:يا اتشاقه وياج يي والله خيه مدا الحگ على شغل البيت ومنا الدوام وگاضيه هيج،يي شلونج شلون سيف؟
ميسم: الحمدلله بخير عايشين...
ايلاف:دوم أن شاء الله،ضلينه نسولف شويه بعدين سألته،اگلج شفتي شهد هلا الايام ماادري شبيه هواي تصفن؟
ميسم:يي والله منتبه عليه وكل ما اريد اسأل تروح عن بالي الشغله خاف بيه شي؟
ايلاف:ما ادري خلي تجي ونسأله يله خيه اني اروح اكمل شغل لان تاخرت...
ميسم:يي حبيبتي روحي الله وياج...
راحت ايلاف واني ضليت اكمل الاوراق البيدي...
طبعاً حياتنه اني وسيف ماشي تمام مدللني دلال ما مخليني اعتاز اي شي وحتى عمي وعمتي ناس جدا مسالمين وخاصه عمتي مره هادئه مرات هيه تگلي تعالي عيفي البيدج ونگعد نحش سوالف اني وياه تگول...البشر يموت والشغل ميموت...ونگعد نسولف اني وياه حسيت وكانوا امي كُلشِ تسولفلي واني هم...
مرات أخذ رأيه بشغلات هيه تگلي شنو تردين تسوين سوي لكن اله سيف بي طبع ابد مو حلو وهو الغيره الزايده مالته كُلش اضوجه منه أو صح خلي نگول اني وياه ومن حقه يغار لكن بشي معقول هذا لا ما عنده شي معقول يفكر اذا احد شافني مثلا لو خاله حمره لو لابسه لبس شويه ضيق يگول لا اذا احد شافج رح تضلين باله نوب يسولفه الاصدقاء وأصدقاء يگعدون يعلقون عليج ويوه دوخه حتى مرات عمتي تحجي عليه تگله ليش خانگه هاي الخنگه...
سيف:ما الكم دخل مرتي واني حر...
.. ميخالف يا امي مرتك بس مو هيج والاحسن لبسه عبايه اسلاميه وفضه...
ميسم:اني من سمعته تخبلت... لا خاله قانعه ولا العبايه الإسلامية ما اعرف امشي بيه خلي شنو يريد يسوي يسوي ولا العبايه...
لكن كل هذا بكوم وايناس الي تخبث وتنبز بكوم ثاني بس اني ما مطيته مجال شنو تسوي اني أسويه عناد بيه مرات من تشوفنه اني وأمه لو نسولف ونضحك وهيه تموت من الغيره وعمتي تگول...
..عوفيه خلي تولي من يومه تغار وطالعه على خالته وتگعد تسولف على ايام قبل وأخوه الي عايش بالخارج واكثر شي على اخته تسولف...
.. طبعاً الله يساعده لصديقتج شلون متحمله عبير...
ميسم:ليش شبيه؟
..عمه متنجرع اني اخته وهيج احجي عليه لعد الجنه الي تضل عده شلون ولج عمه الغرور العده مو طبيعي وشگد حاجيته وگلت اله غيري من طبعج تره محد تقبل تضل جنه عندج وهي ما كو طنش تگلي...
.. اني اعرف شلون اختار الولدي...
..براحتج داده...
ميسم:زين ليش كل هذا الغرور على گولتج؟
..مو لأن هيه الصغيره وابويه الله يرحمه دلله هواي بحيث شنو الي تريده جابه اله صح هو ميفرق بينه لكن هيه لان الصغيره والنوب اجه ابو امير خطبه وهو يحبهه يموت عليه وابويه يعني يحب ابو ويصير ابن عمه گرابه ويعرفه زين رغم أمه جانت ابد مموافقه عليه ومتحبه ولحد هسه وكل ما اگول اله غيري من طبعج شويه تره محد يتقبلج وهيه ماكوه عبالك حايط يحجي وياه...وهيج نگضيه اني وعمتي...
وبيوم گاعدين احنه الثلاثه ونتريگ لان عدنه دوام خلصنه، وكل واحد يروح وحده سيف يروح بسيارته واني أروح بسيارتي لان طريق شغله يختلف عني ف اني وحدي اروح عود ردت اگله أمشي اني اوصلج ليش ترحين ويه السايق وجان هيه ...
ايناس:اوي وترديني اروح يمج وأنتِ كُلج جراثيم وريحت ديتول...
ميسم:هسه غير تستقر المناديل المبلله ..
ايناس:شنو گلتي...
ميسم:سلامتج حوبييي...
راد يطلع سيف واجه باسني من راسي وقبل ليطلع وگال...
سيف:يله حبيبي اني رايح محتاجه شي؟
ميسم:لا حبيبي روح الله وياك اريد سلامتك ودزيت اله بوسه بالهوه ول هيه ماتت ونطحلت من شافت ،احنه متعودين هيج سيف يسوي حتى گدام عمي وعمتي بس اني استحي گدامهم وحتى عمي عنده عادي حتى مرات هو يتشاقه وياه عمتي هيج يگول مثلا ابنج وحد يسوي هيج لمرته اني هم ...
اما هيه بس اخوه راح...
ايناس: عفيه نسوان لا خجل ولا مستحه بس هو ولو صوج الرجوله تنطيهن عين زايد...
ميسم:ليش حبيبي خاف مشتهيه وتستحين تردين رجل؟
ايناس:يي مو اني ميسم وبواگت الزلم...
ميسم:صُدك فورت دمي،حترمي نفسج ولج شنو شايفتني يوميه من واحد لو واحد اشو رجلي ويدري بكل صغير كبيره عني احسن من الخنيسه الي من جوه ليجوه وتگعد تبسبس النهار كله...
ايناس:شنو قصدج عليه؟
ميسم:انتِ منو جاب طاريج ولو هو الي بعبه طلي يمعمع واخذت سويج السياره وطلعت گبر هو هذا الي يسوي زين وياج...
..گاعده واكل ساعه باظافيري ساعه بشفايفي بس لا يطلع الي بالي صح يا ربي مو وقته ابد مصار النه هواي،گاعده وخاله العينة مال التحليل گبالي وصافنه عليه واخاف افتحه مديت ايدي وخذته اريد افتحه وجان هو يدخل بسرعه ضميته ورايه حتى ليشوفه...
يتبع...
مراحب بنات شلونكم طبعا اريد اگلكم على شغله بس ما اعرف منين ابدي المهم اذا تگدرون تسون الي منشن أو الي عدهم بيج عادي تنشرون القصه حتى الباقين يشوفه واكون ممنونه الكم والي متگدار عادي براحته ولاڤيو الكم❤️
لا تنسون التصويت وتعليق ومتابعة للحساب بدربكم والانستا هم @ghe.92
دمتم برعاية الله وحفظه
غدير عبدالله
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!