رواية وقد كانت صدفة الفصل الرابع وستون 64 - بقلم غـدير عبداللّٰه

"وقد كانت صدفة"

ما نسيتك
أنتَ من أول حنين بروحي غالي
ما نسيتك
كل حزن وأنتَ علىٰ بالي
كل فرح وأنتَ علىٰ بالي.
وأنتَ أول سالفة بروحي خَذتني
وكلها تالي..
____________________________

ميسم:تمر الايام مثل مهب الريح واني اشوف اطفالي يكبرون گبال عيني وبدوا يزحفون ومخبليني خبال بس رغم هذا على گلبي مثل العسل على گولت سيف وحتى عمي وعمتي متعلقين بيهم بشكل مو طبيعي بحيث أول ما يگعدون بعدني ما مصبحه عليهم يسألوني على الجهال وهمه شلون لواته يلعبون ويضحكون گدامهم...

اما اني مگضيته بين الدوام والبيت وافتر وره الجهال خاف يرحون يم سليمه لان تاذيهم وهم بعد عمري على امهم طالعين يصيحون عليه ويجتمعون يمه وميخلوه تقره ف هيه بحجت تريد تگعد تقره تروح يم خالته هناك ...

واني هاي السالفه ابد مخاشه بعقلي مال خالتي تگلي تعالي هنا اقري يمي اذا ما مسويات سالفه لهاي المگرود ايلاف وهيه منا ما شاء الله والحمل حيل متعبه بحيث هذاك اليوم رحنه اني وعمتي اخذنه سيف يمهم بالليل وجهال طبعا وياي أما سليمه مقيمه يمهم ...

اول ما دخلنه تلگتنه ايلاف سلمت علينه جان طالع اله كروش صغيرون وحليانه هم لان صار الي هواي مشايفته ف فرقت عليه دخلنه جوه وگعدنه بالصاله لان ماكو احد والولد بالاستقبال راحوا واشوفه هيه خطيه تفتر يا تقدم يا تودي حاجه ما گعدت وكل هذا مرت عمه تباوع اله بالعين الصغيره ومعاجبه...

تالي اني ما تحملت لزمت أيده وگعدته...

ميسم:يي تعالي گعدي كافي بس تفترين اني اجيت على مودج اريد اشوفج...

ايلاف:بتسمت،بعد گلبي وهاي گعدت...

ميسم:شلونج البيبي شلونه وحتى حليانه هم؟

ايلاف: حبيبتي عيونج الحلوه الحمدلله بخير انتِ شلونج بالدوام؟

ميسم:تمام ماشين بس والله الكم وحشه أنتِ وهذيج شهيدان...

ايلاف:ههه والله مشتاقتله ولسوالفه...

ميسم:يي والله...ضلينه نسولف مواضيع بعد تدرون سوالف نسوان هذيج طلگت هذيج حبلت هذيج زوجت يعني باختصار غيبه،لهناك وجان تنزل غنى....

ميسم:هاي شنو واني اگول اليوم الشمس منين طلعت بعد وقت لو مسلمه علينه من الشباك مو احسن...

غنى:شنو ملكة بغطانيه وأسلم عليكم من الشباك،ورحت سلمت على خاله وشلت صوفي وحده من البنات...

.. اللهم صل على محمد وال بيته ولج ميسم شنو توكليهم خغب نكسغ ظهري...

ميسم:خمسه وخميسه بعينج ولج كُلشِ ما وكلهم غير الشوربه وبعدين منين الهم شوفيهم جلد وعظم تعالوا يمه تعالوا هاي خالتكم حاطه عينه على لگمتكم...

غنى:هههههه هاج هذا النفغ واني أغيد ابو الصوف بعد عيني وأخذته ابوس بي واعضعضه وهو شلون مري وميغار ويضحك للهوه،ولج ماسه اغيد اعرف شلون تفغقين بين البنات حتى بالملابس نفس الشي ؟

ميسم:شوفي غزوله عده وحمه بايده وازول لا ما عده ف من هايه افرق بينهم...

غنى:هاااا ولج غزوله تعالي هاج هاي ،ونطيته جكليته هيه شافته واجت تزحف وأخذته مني...

ميسم:درت وجهي واني ابتسم على ايلاف شفته مدري شبيه وبس تحوص لو تعض بشفته،شبيج ايلاف؟

ايلاف:ما بيه شي بس نسيت أخذ علاج واليوم تحركت زياده شويه ظهري دا ياذيني...

ميسم:أخذي العلاج وروحي رتاحي شويه موزين عليج؟جان ترد عمته...

..كُلشِ ما بيه بس تدلع علينه يوميه ماخذيه مستشفى لو تقلصات لو مدري شنو اشوي احنه قبل ما سوينه مثله حبلنه وجبنه وما سوينه كل هذا بعد عليمن هل عياره...جان ترده عمتي بعد روحي لازم تقصف...

..شنو داده نسيتي شلون جان ابو امير الله يساعده يوديج يوميه مستشفى واله خاص ونص الليل ليش يمه خاف يطلع فيلسوف واني ما ادري،عمي سكتي وشوفي البنيه شلون مزوهره وهم تشتغل موزين من عده،تتذكرين أنتِ شنو سويت بينه حتى بسيارت الشرطه اخذناج للمستشفى تالي طلع عندج غازات ... گومي عمه گومي أخذي العلاج وروحي رتاحي...

ميسم:صُدك ضحكتني عمتي وهيه بسرعه غيرة الموضع،جان تنزل النعجه المريضه وتگول...

ايناس:يا هاي انتو هنا؟

ميسم:جان أمه تخزره وهيه سوت نفسه ما نتبهت واجت گعدت گبال بالباب ولابستلي ستريج لزگ على الجسم وطگ بالعلج ونص شعره طالع يا عزه هاي شبيه لهناك وجان يطلع امير اني من يمي ستحيت عود هيه ستحت وغطت شعره...

امير:خاله سيف يگول شوكت تخلصن سوالفجن حتى اروح اخذ الي غفه ومن يخلصن اجي عليهم...

..يي خاله گله هاي جاين...

ميسم:ضلوا يتوسلون بينه باتوا وهاي حتى ايلاف مقبلنه لان ورانه دوامات گنالهم غير مره وخالتي هم گالت لايناس هم تجي ويانه وهيه ضلت تتنعوص وتگوله بعد بأجر اجي...طلعنه من يمهم بعد ما وصيت ايلاف دير باله على نفسه ولتتعب هواي...

غنى:بعد ما طلعوا صعدت لغرفتي وجان تدخل ورايه يبوي من يوم الاجت لليوم مسويتلي مغص بمعتي من كثر المياعه مدري هيه تتنعوص يعني اني اتذكر قبل من جنت اروح يمهم مو هيج هسه مدري شبيه شو نگلبت...

هسه بس اريد اعرف من جماله ما ادري لا والمشكله اني الكاتلني تتباه عليمن ما ادري ،لو من تشوف امير تنگلب گلاب وتصير الكيوت النادره الماكو مثله وهو ولا معبره وحاير بمرته....

دخلت واجت گعدت على الجربايه جان ملزمه مالتي موجوده أخذته وشمرته بالگاع اني هنا صُدك ما تحملت صحت بيه...

غنى:هاي ليش ذبتي لو حاجتج شنو جان سويتي؟

ايناس:اوي وشنو هيه ملزمه قابل فد تحفيه ونكسرت....

غنى:يي حتى لو حتغمي المكان الگاعده بي وثانياً أنتِ هنا خطاغ عيب هل سوالف تسويه موصغير واعلمج العيب...

ايناس:اجت عليه وباوعت عليه بنظرت اشمئزاز،منو يعلمني العيب أنتِ وإشرت بإصبعه عليه،انتِ ام نص لسان تعلمني هه حبيبي روحي علمي نفسج مابقه عليه بس الزعاطيط...

غنى:حتغمي نفسج لج حغامات خالتي تصير امج الي جابت هيج وحده عاغ وخاله عينه على غجال متزوج وتعرض بنفسه گدامه متستحين عبنج شگد رخيصه،وهم ياغيت معبغج ف يا حبيبتي هاي سوالفج كله بطليه لان محد حينظر غيرج فهمتي...

ايناس:ضحكت ضحكه طويله،هسه أنتِ بما انو تعرفين بيه احب اخوج ف يا حياتي يي وهواي وحتى إذا ميحبني عادي اهم شي اني احبه وهو الي فهمتي اليييي، اياج وبالج تندگين بيه غنى تره تتندمين...

غنى:خفت من كلامه ومبينه ناويه نيه سوده،عبن شگد عينج صلفه وحده بلاكغامه ومتستحين لا وبكل ثقه تحجي بس أغيد اعرف خالتي بيمن تنست وجابتج ما ادغي...

ايناس:هههههه احسن لتدرين لان اذا دريتي محد يخسر غيرج يا حلو يله چاوووو ...وراحت نامت...

نامت عليج طابوكه كون أن شاء الله اما اني ضلت الأفكار تأخذني وترجعني ابد مرتاحيت الكلامه بس اني لازم اراقبه خاف تسوي سوايه تاليه نتندم عليه،لا واني الي موتني وكاتلني ماما وياه ماادري هيه الي تحش برأسه مدري لان بنت اخته وتريد اله الزين وتحبه،بس ولو حظ العار گاعد قابل مثل حظي امي تحب بنت اخته أكثر مني أمده حظي اي والله..

مرات اموت من القهر واني اشوف ايلاف خطيه غاديه شلونه تركض منا وتروح منا نوب امير عزم جماعته عشاهم يمنه وهيه توه جايه من الدوام وبسرعه تغدت وبدت تشتغل وماما ما خلته تگعد گومي نزلي البردات غسليهم گومي هيج وگومي هيج اني من يمي ضجت وأخذته عنه وماما تشوفني ملتهيه دزه على غير شغله..

أما عن الأكل جابه من المطعم وگال انتو بس سوا المقبلات وهاي السوالف بدت هيه تشتغل واني اجيت اثرم اله الزلاطه وهيه تخلي المكونات لأن هيه صراحه نفسه طيب بالاكل اطيب من أكل ماما وخطيه كل ساعه تشتغل وترجع تگعد على الكرسي....

خلصنه كُلشِ وصار الليل وبدوا يجون ومن غير التقديم كل ساعه ماي ببسي مدري شنو جانوا هم 15نفر صبينه الهم الاكل وهيه خطيه راحت ترتاح اني صعدت لغرفتي لان بعد ما الحگ عندي هواي دراسة طبعا هو جان جايب النه اكل من غير الي جايبه الهم ف تعشيت وصعدت...

وبعده ضليت ملتهيه نسيت نفسي باوعت الساعه ب12حيل صار الي شگد گاعده نزلت لگيته دتعدل بالمطبخ والزلم طالعه رحت اله لگيته تلهث ولزمه ظهره...

غنى:ها بعدج؟

ايلاف:يي والله حخلص هسه...

غنى:دعوفيه واني اكمل شوفي حالج شلون تلهثين لعد مو گالت ماما اني اضل يمه لعد وينه؟

ايلاف:باوعت عليه،شوكت؟

غنى:قبل لا اصعد؟

ايلاف:لا والله تعشت هيه وايناس وعافن المواعين وراحن بعده ماشفتهم!

غنى:يا سوده عليه والله ما ادغي عبالي ضلت وياج لو صايحتلي؟

ايلاف:لا خلصت ما بقه شي وهسه امير على جيه...

غنى:عوفيه واني اكمل غوحي غتاحي واخذت عنه وهيه راحت خطيه ما مخليه شي كله منظفته رغم جان الاكل سفري بس هواي مواعين المقبلات وهاي السوالف...

ايلاف:صعدت لغرفتي على كيف متت من الم ظهري احس سجاجين تنبت بيه وصلت الغرفه ودخلت بسرعه اخذت ملابسي ودخلت الحمام من الحراره الاحس بيه فغرت روحي من الحر رغم الجو يگص گص من البرد دخلت على السريع وطلعت شسورت شعري ونمت بثوب خفيف لان اختنك ونمت...

حسيت رگبتي تنغزني كشت نفسي اني ونايمه بعده صار نفس حار عليه فتحت عيوني باوعت عليه وبتسمت وبعده غمضت...

ايلاف:شوكت اجيت؟

امير:قبل شويه،ليش هيج عرگانه وتحوصين؟

ايلاف:ميته حر وظهري حيل ياذيني لان تعبت اليوم واحتمال بأجر ما اداوم لان حيل تعبانه وياذيني...

امير:هاي ليش اني مو گلت الج لتذبين حيلج على الشغل ادري قلت الوادم بس أنتِ بالبيت لعد مو صخمان وغنى موجودات لو بس أنتِ موجوده

ايلاف:گمت على حيلي وعكمشت وجهي من آلام،على كيفك شبيك عصبت بعدين هذا شغل البيت وغنى البنيه هم اجت وياي تساعدني وهم عده دوام هل تگدر عليه سوته وبعدين هيه عزيمت رجلي مو نعم الله عليه...

امير:يي ميخالف مو تشوفج ما بيج حيل وأنتِ حامل تساعدج مابيه شي،وصخام هم اجت وياج لو بس بيه حظ بالسوالفه المكسره...

ايلاف: لا ما اجت اصلا والا دخلت حتى أكلت وگامت عافت ماعينه...حجيت هيج لان حيل ضجت منه من يوم الي درت بيه حامل وهيه مقيمه عدنه موتتني بس تشوفنه اني وامير لو نسولف لو نضحك نبزت من يمه موتتني حيل ضجت من تصرفاته ولبسه الكسيف مو غنى يمه وإخوته يصيرون ومتلبس مثل لبسه كل البيت يضوج من تصرفه...

حتى ذاك اليوم عمي حجه يمي جان يريد ينام ولگاه بالغرفه ويه خالته مدري شعدهن كله جتماعات مغلقه يسون حيل ضايج منه بس ميگدر يحجي واجه يمي يسولف ...

طبعاً حيل طورت علاقتي ويه عمي صرنه نسولف ونگعد نحجي ونضحك حتى على دوامه هم يحجيلي خاصه الصبح مو اگعد من وقت اسوي الريوگ ف هو يگعد ويه صلات الصبح ويضل گاعد ميرجع ينام واني اشتغل وهو لو يگعد يرش بالحديقة لو يوگف وياي يهدر جاي...

تعامله وياي مثل تعامله ويه غنى اب وبنته ابد ميفرق بيناته وكل حجايه وگال بنيتي ابد ميصيح باسمي مرات حتى يتعارك وين امير على مودي يگله ليش تخليه تتعب مو حامل ومتگدر وامير يگله والله مو اني هيه وحده...

الحمدلله گدرت اعدي الشهر الثاني والثالث ودخلت الرابع واليوم عندي موعد ويه الدكتوره حتى اشوف جنس الطفل رحت هالمره اني وغنى وصلنه العياده وامير گال اني انتضركم جوه لان يضوج وكله نسوان المهم وصل السره النه اصريت تدخل وياي...

نمت على السديه وخلت الجل وبدت تباوع للسونار واني احس گلبي يدگ ماادري حيل جنت متحمسه اريد شوف شنو بعدين گالت...

..مبروك حبيبتي ولد

ايلاف:باوعت الغنى اضحك وابجي سوه،والله جان عندي شعور انو حيجيني ولد جنت بوقته حيل فرحانه وكل ما اريد اسكت دموعي وحدهم ينزلن...

غنى:ولج كافي...

ايلاف: والله مو بأيدي وحدهم ينزلن...

غنى:هههههه حبيبتي تولدين بالسلامه أن شاء الله واهم شي تمامت الخلقه...

ايلاف:طلعنه من يم الدكتوره وگالت اله لتگولين اني اگله وصلنه يم السياره وصعدنه...

امير:ها بشروا؟

ايلاف:شنو تتوقع؟

امير:ما ادري والله؟

غنى:احزغ؟

امير:بنيه!

ايلاف:لا ولد...

امير: والله،وجان يسحبني ويبوس خدي گدام غنى...

ايلاف:امير ولك فضحتنه فشله،هو حس وعدل گعدته...

امير:احم يي وين تروحون بعد...

ايلاف:بكيفك...

غنى:اي مكان بكيفك،زين تعال ابو منو نگولك؟

ايلاف:بتسم وباوعلي رديت،تَمام...

غنى:تاج وباج ابو تَمام العلم يتره بعزك حبيبي...

ايلاف:بيومه اخذنه وفرنه بالمول وگال لغنى شنو يعجبج أخذي وعلى حسابي وهيه ما قصرت واني هم گلي ما حبيت اخرب فرحته واخذت الي حاجه وحده بعده ودانه المطعم وبعده شتهيت موطه فروله هاي جانت اول تنساه الي....

وبعده رجعنه للبيت بشرهم امير عمي حيل فرح وبارك النه بس عمتي صارت عيني على امير وهو يباوع لامه ينتظر تبارك اله وهيه ولا كانه گامت لغرفته وسدت الباب قهرني واني اشوفه عينه ضلت وراه بس عمي سد مكانه وضل يسولفون ايام قبل شلون جانو يسون ضلوا يتذكرون مواقفهم ويضحكون...

عفتهم وحدهم وصعدت لغرفتي تصلت على ماما وبشرته وبعده ميسم هم بشرته حيل فرحوا الي،خلصت وگعدت امشط شعري دخل امير واجه عليه وحضني وخله أيده على بطني من وره وجه بشعري....

امير:شلونه ام وليدي؟

ايلاف:مادام ابو بخير اني بخير...

امير:اخخخ من رحت فدوه اله ولامه،وجان تجيي ضربه بأيدي...

ايلاف: هههه من هسه يغار على أمه...

امير:ابن الاوادم دتعال وشوف شنو اسوي بيك نوب يغار على أمه مني هه...

ايلاف: طبعاً انت بيش كيلو...

امير:اها هيج صارت براحتج خلي نشوف وين تنامين أنتِ وابنج...

ايلاف:راح نام ودار وجه عود زعل اني اجيت ونمت ضليت اتگلب منا ومنا تالي ما تحملت ودحست روحي يمه...

امير:يعني شلون اليوم منام؟

ايلاف:لا

امير:لعد شتردين؟

ايلاف:ايدك

امير:شنو تسوين بيه؟

ايلاف:انام عليه!

امير:مو قبل شويه جنت بيش كيلو هسه اجيتي أنتِ وابنج...

ايلاف:لعد انت مو ابو وهو گال،وباوعت عليه بنظرة توسل،حباب ورمشت بعيوني براءه...

امير:يله تعالي واني ادري خبالات مو هرمونات الحمل مالتج،ومد أيده ونمت عليه يالله...

ايلاف:امير؟

امير:هاااا

ايلاف:خو ما ضجت من تصرف خالتي...فتح عيونه وطبگ حواجبه...

امير:ليش اضوج جنت متوقع منه هلتصرف عادي لاضجت ولا ابد،وانتِ هم كافي تفكرين موزين عليج...

ايلاف:لا بس شفتك شلون تباعله...

امير: ايلاف كافي اريد انام رحمه لاهلج...

ايلاف:هسه شبيك مو دنسولف...

امير:گام وخله أيده على حلگي ولج كافي كافي اريد انامممم

ايلاف:هههه لا يالله كافي سكتتت بعد ما احجي...

عده سبوع وبيوم قرروا يخطبون الأيسر راحت خالتي واخته وغنى، أما اني مقبلت خالتي اروح وياهم دزت بيد غنى تگلي لترحين...اني هم گلت اله لا عادي اصلا ما بيه حيل اروح، بس ضلت بنفسي ليش هيج تسوي واني سمعته بأذني تگله...

..وشنو هاي أخذه ويايه وبأي وجه تروح غير تفشلنه؟

غنى:ماما تغه أنتِ والله مدري شلونج وشبيه البنيه وتحجين عليه احسن من بنت اختج إذا حجت تسوي للمقابل جالي متوصل لهگد من ايلاف ولباقته...

..دروحي روحي انتِ الثانيه مدري شمسويتلكم ايلاف وهيج تحبوه من حوره...

غنى:ماما الإنسان مو بشكله باللسان،بالسان يگدغ يصعده فوگ ويگدغ ينزله تحت موشرط الجمال،ياما ناس تمتلك جمال بس تفتقد اللسان الحلو تفتقد الأسلوب الطيب التعامل ويه المقابل والمظهر ميحدد الإنسان ثقافته مغات تشوفي ملابسه رثه بس اللسانه بقمت الرقي،وبعدين ايلاف التحجين عنه الاثنين تملكنه...

..شو سُكتي عني وگلت متروح يعني متروح ويله وخري عن وجهي لان رح تجي خالتج وايناس يله ولي...

غنى:اها عفيه ايناس والله بختج شكبغه مادري احني بابج وأخذ من حضج ويه ماما...

بيومه حيل نقهرت من ماما من تصرفه ويه ايلاف،وامير بيومه حيل ضاج معناته هانته من ايلاف مراحت لان تمثله اخو العريس باعتباره مرته بس شنو سوت ماما هانته ومخلته تروح، وهانته مره ثانيه من راحت وخطبت الأيسر الي راده وبارادته خطبتله عكس ما سوت ويه امير خطيه طلعته روحه يالله راحت وبس خطبت ومانه عليه...

رحنه الأهل مريم وطلبناه واني اشوفه شلون تحجي والإبتسامة مرسومه من الطول لطول وطبعا شرطت ام مريم تكمل وهيه تگله يي عادي ومن عيوني واني اتذكر شنو سوت بايلاف من تصلت عليه وماقبلت تكمل...

طلعنه من يمهم اجه علينه ايسر وصلنه خالتي ورجعنه للبيت جان مابي احد فارغ يمكن طالعين،اني هم ما حجيت ورحت ابدل،ضليت افكر واني اشوفه شلون تفرق بين ايسر وامير رغم همه ثنينهم اخوتي بس ميخالف لازم مثل متسوي لهذا تسوي لثاني...

بيوم نزلت جان ماكو احد رحت للمطبخ اشرب ماي سمعت صوت ماما هيه ودتحجي بس صوته جان مواضح رحت طلعت من المطبخ وختلت اريد اشوفه شنو تحجي ويامن،لكن صدمتني صدمت عمري...

..ها خاله يي وشلون؟شنووووو...لا خاله اني ما احب هاي السوالف...لا فراق ولا شي...لا عني اني اخاف على امير نوب ينگلب عليه...لا لا لا...لا خاله اني سامعه هواي ينگلب السحر عليه...لا حبيبتي هو كل نفس الشي لا فراق ولا محبه كله سحر...يي ما اقبل لا حبيبتي اني اخاف على ابني يي الله وياج...وغلقته

غنى:اني سمعته لو صرت كلي ارجف طلعت اله هيه جان تفز

..هاي أنتِ هنا؟

غنى:ماما والله العظيم اذا سوتي اغوح اگول الاميغ لو بابا وهمه يتصغف وياج...

..وعن شنو دتحجين؟

غنى:عبالج ما سمعت تغدين تسوين سحغ الأميغ وتفرقين بينهم... فتحت عيونها بصدمه وحجت...

..شمدريج؟

غنى:اني سمعت كُلشِ شنو جنتي تحجين بالتلفون والله يماما اذا سوتيه حيكون سبب طلاگج اني...

..احترمي نفسج شو تماديتي هواي وبعدين اني ما وافقت عليه لان اخاف على ابني نوب ينگلب عليه شنو هيج ما عندي عقل ومافكر...

غنى:ضلت تعيط عليه عفته ورجعت لغرفتي حاولت اامن متسوي شي وخاصه اني سمعت المكالمه مالته تأكدت وطمنت بالي...

شهد:تصل عليه اشتر وگال محضر الج مفاجأة طبعاً ضليت الح عليه بالاخير ما عرفت شنو هيه بس گال لازم اخذ اجازه گلت اله خليه يوم جمعه ما قبل أصر اله بأجر بس گلت شلون منو يوديني بأجر گال اني اجي عليج واخذج...

وصُدك ثاني يوم اجه عليه ردت استأذن من بابا طلع هو مستاذن منه قبلي،رحنه للمستشفى شو هذا أخذني لمختبر التحليل اجو يسحبون مني دم ومن عنده هم يا ستار شكو وهو كل ساعه يگلي مفاجاه... عفيه مفاجاه اله سحب دم ادري حيطلعونه جنسيه...

اشتر:لا تحليل زواج!

شهد:شنو؟

اشتر:خرب جفصت بام المفاجأة...

شهد:صفنت بعدين باوعت عليه بعصبيه وحجيت،بس لا ناوي نعقد محكمه؟

اشتر:يي بونيتي

شهد:صخم الله حضك وحض بنيتك غير تگول تحجي اجهز نفسي عود مخططه لشغلات خرب...

اشتر:وشكو تجهزين جنج العافيه،مادام عندي فرصه وگدرت اخذ اجازه وهم گلت أسويه مفاجأة..

شهد:هم ميخالف يا عيني على الأقل حاطتلي كحيله حميره هاه شويه،مو جني ارمله ومتزوجه غصب...

اشتر:هههههه لا تخبلين بكل حالاتج بعد روحي...

شهد:خلصنه بسرعه واخذنه الاجازه وطلعنه متوجهين للمحكمه،بالطريق وتذكرت يوم الي ركبت وياه وضليته نتعارك اني وياه،لو من رفضته،زعتوري؟

اشتر:عيونه

شهد:تتذكر يوم الي اخذتني بهاي السياره من تعاركنه اني وياك ورفضتك...

اشتر:يي اتذكر،شبي؟

شهد:شگد حلو هذاك اليوم

اشتر:ستخفرالله ياربي متوبين ..

شهد:بس تدري بيومه كل كلامي جان كذب جنت گاعده يمك وگلبي يدگ،جنت بيومه بصراع بين عقلي وگلبي بين عقلي الي يرفضك لان مديت أيدك عليه وگلبي الي يريدك ولگه الفراغ اليملي عندك،بيومه حاولت اثير غضبك واريد اشوف تحملك ورغم حجي الك،لكن ثبتت إليه العكس وشفت تمسكك بيه لهذا قررت اختارك

اشتر:ومتتخيلين بيوم متت الف موته من شفت كلامج والصوره الماخذته عني ومره من تمرضتي وشفتج ترجفين بيومه ردت ادخلج بين ضلوع بس ما گدرت...

شهد:اشتر تحبني؟

اشتر:مو بس احبج أنتِ هنا وأشر على گلبه تمشين ويه الدم،اول يوم شفتج بي اجت عيني عليج من بين الكل وأنتِ واگفه بالممر وتباعين على الجنود الويانه،اجت عينج بعيني وبعده بعدتيه بساعته جيت افگسه لعينج وشلون واگفه تتمضحكين اجيت يمج وسالتج جنت ادري أنتِ مو المسؤوله عنه بس ردت ابعدج عن عيونهم وحتى لا اشغل تفكيري،بس أنتِ مو بس شغلتي تفكيري شليتي حالي...

شهد:يا هاي اني بعدين ما أتذكرك جنت وياهم؟

اشتر:حقج اذا عيونج مبحلگه على الموجودين...

شهد:لا مو لهدرجه هم صح جانو حلوين،شو هذا شال إيده يريد يضربني...لا بس انت جنت احلاهم...هو بتسم خرب يومه شلون متناقض وأخذ راسي وباسه...

شهد:وصلنه المحكمه ودخلنه بسرعه عقدنه وطلعنه واحد لازم ايد الثاني والبسمه على شفايفنه وصلنه السياره وصعدنه،يعني هسه صرت مرتك رسمياً مو؟

اشتر:مرتي شرعا وقانوناً،واخذ ايدي وباسه،اگلج هسه اني شايل هم لشغله؟

شهد:وشنو هيه بالله؟

اشتر:اذا حبلتي بتوم أن شاء الله وانتِ منا طولج الفاتن يجيب التايه بذاك الوقت شلون بالله؟

شهد:صُدك نرفزني،والله يا زعتر اذا حجيت بعد على طولي ماكو؟وقرب وجه عليه ورفع حاجبه...

اشتر:يي وشنو تسوين؟

شهد:ءءااسوي شسمه

اشتر:شسمه؟

شهد:وجه صار مقابيل وجهي ميفصلنه سانتيم واحد واني لطشت روحي بالباب وعينه ابد مراحت من على شفايفي...بهل الأثناء جان واحد يدگ هورن ويفززنه ثنيناتنه هو طلع رأسه من الجامه وگام يعيط واني اجر بي...ولك كافي فضحتنه تره انت الي گاطع الطريق...

اشتر:ابن الزفره خرب غيرتك فقار ادري متوازي...

شهد:ضحكت،تره انت الي گاطع الطريق عنه؟

اشتر:باوع عليه ودار وجه وكمل الطريق وصلنه المطعم تغدينه وبعده ضلينه نفتر منا لحد الليل اخذنه على النهر نتمشه....

..ذبني السايق گبال البيت واني اشوف باب بيتنه مفتوحه على كبره نزلت بسرعه يا ستار شكو دخلت سديت الباب ودخلت للمطبخ هم نفس الحاله الباب مفتوح وماكو احد بالبيت ولا صوت صحت محد يرد حسيت بخوف واني أمشي طلعت من المطبخ صار مقابيلي الدرج صارت عيني على الگاع عباره عن دم...

يتبع...

صار زمان على القفلات

لاتنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه

غدير عبدالله