رواية وقد كانت صدفة الفصل الثالث وستون 63 - بقلم غـدير عبداللّٰه

"وقد كانت صدفة"

أخاف اشتاگلك والگاك ماعايز
وأخاف من الـ بصدري البعده ماجايز
وأخاف گبال عينك نظره مني تصير
تشبهَ نظره الخسران للفايز ..
ودعتك بلحظه امنيتي اچلب بيك
اودع وابچي مثل وداع الچنايز
كبرت بغيبتك بس ماكدرت انسه
وعرفت الفرق بين الصوره والمسه ..
_______________________________

ندگت الباب راحت تفتحه مدري منو اجت فتحت باب الاستقبال ودخلت ستغربت منو الي جاي طلعت ورحت سالته...

غنى: ماما منو اجه؟

..!؟!؟؟،ما ردت عليه ورجعت مره ثانيه

رحت شفت الاحذيه بس هاي الطريق حتى اعرف شكم وحده جايه،شفتهم5احذيه رحت طلعت صينيت التقديم دخلت وسلمت على النسوان جان شكلهم مو غريب عليه احس نفسي شايفتهم بس وين ما ادري هنه ردن بابتسامه قدمت الهن وطلعت...

وصعدت لغرفتي اكمل،مشه الوقت وصار الليل وسمعت صوت امير معناه اجو طلعت لگيت امير بوجهي عصبي وايلاف هم مدري شبيه مبينه مقهوره يا ستار شكو شنو الي صار دخلو الغرفتهم اني نزلت ولگيت ماما هم گاعده وتهز برجله بعصبيه...

غنى:شكو ماما خيغ شنو صاير؟

..باوعت الي ودارت وجه بعدين گامت ودخلت الغرفته،يا هاي شبيه العالم رحت للمطبخ فتحت الثلاجه شفت شكو ماكو شنو اسوي عشه وبعدني صافنه لگيت بتيته طلعته وگعدت اگشر شويه ودخلت ايلاف ...

غنى: قبل الله الزياغة؟

ايلاف:للجميع

غنى:شكو شنو الصار وشبي اميغ معصب؟

ايلاف:ليش لعد متدرين؟

غنى:لا جنت بالغغفه مالتي،شكو؟

ايلاف:غير اول ما دخلنه وستلمتني خالتي بعدنه حتى ما گلنه السلام...

..يي واخير جيتي وشرفتي حضرت جنابج خوش مدسترته اني ما عولت اخلص منج ومن شرج نوب تلفين على بنتي...رد عليه امير مخلاني احجي...

امير:خير يا ستار شكو بعدنه تونه اجينه؟

..مرتك المصونه خوش تريد تحاوطنه من كل الجهات رايحه متفقه ويه مرت عمه حتى تجي تخطب اختك لابنه وياه بالدوام وهيه سوت نفسه تريد تزور حتى لا من شاف ولا من دره...

ايلاف:دار وجه عليه وباوعلي وبنظره عصبيه وجان يگلي....

امير:صحيح هل حجي لو لا؟

ايلاف:بس خلي...قاطعني بصوته العالي

امير:صحيح هل حجي لو لا؟

ايلاف:خلست بمكاني ورديت،يي صح بس مو مثل مگالت خالتي والله امير اسمعني...

امير:اشششش وصعدي فوگ!

ايلاف:امير بس خلي افهمك؟

امير:صعدي فوگ گلت....

ايلاف:صعدت فوگ وهو اجه ورايه بعده لگيتج گبالي من شفتينه دخله هو ودخلت وراه،صيح عاط حار شنو سوه كمل گتله،خلصت؟

امير:باوعلي بخزره،شكو...

ايلاف:الكلام الي گالته خالتي ابد مو صحيح گلت الك خلي افهمك ما قبلت، بس انت شنو سويت حتى ما سمعتني مو كافي عاد تعبت حوصلتي طگت هواي ليش دومك متسرع گلت الك خلي افهمك ماكو وانت شنو بس سمعت باسمه تخبلت عليه...

وهسه صار لازم تسمع مني حتى ما اضل مذنبه بنظرك وتكون انت صاحبه الحق ...

كل هذا جان قبل سنه الحجي مو هسه قبل لتنقطع علاقته بغنى رحت وحاجيته وگلت اله يا تجي تخطب بنت الناس يا تنساه وبعد لتتواصل وياه،گلي لا اني أريده بس حالياً ما مرتب وضعي اني من اتخرج اخطبه گلت اله هذا الحجي ميخصني وضل يماطل بالسالفه وكل هذا اني جنت مراضيه عنه حتى غنى منعته تحجي وياه  لحد ما صارت المشكله بينك وبينه سحبت نفسي اني بعد ما دخلت حتى ولا رجعت حجيت وياه بنفس الموضوع ونسدت السالفه أما عن جيت مرت عمي اليوم وخطوبته لغنى الله شاهد عليه اني لا ادري والا احد گلي...

امير:لعد ليش ما حجيتي من قبل ليش هسه تحجين؟

ايلاف:لان شفته هو بعده ما مرتب وضعه وبعده عرفت انت مترضه تنطي غنى نسحبت وما گلت وجنت خايفه خاف توگع برأسه تاليه خوش وگعت.

امير:ويحلم انطيه اله لو يصوغوا ذهب گدامي ما أنطي اله وصليله هذا الحجي خاف متأمل منج.

ايلاف:قصدك اني انقل حجي لاهلي مو،هه نعم الله عليك...وعفته ونزلت شنو يريد يحجي خل يحجي بعد متفرق ويايه...

غنى:سوده عليه كله بسبب اني جنت أصغ عليج اعتذر والله واسفه هم على كلام ماما.

ايلاف:لا حبيبتي عليمن تعتذرين اصلا عادي تعودت عليه وعلى عصبيته أما خالتي شنو اسوي مره كبيره...

غنى:بدينه اني وياه نشتغل بدون منحجي هيه حايره وتفكر بهمه واني افكر بهاي السالفه الجديد الطلعت، توك يالله اجيت بعديش لمن گطعت الامل منك هسه يالله ذكرتني اخخ اخخ يا غنى شوكت ترتاحين من صُدك...

مر شكم يوم ودزوا اهلي الرفض لان ولا واحد يرضه حتى ما أخذوا رأي حتى بابا مجان مهتم للسالفه عباله مثل كل مره ارفض لكن هل المره جنت منتظرته من زمان بس بعديش من فات الاوان...

مشت الايام عادي وبيوم جنت گاعده وحدي بالسنتر مريم جانت مجايه گاعده وصافنه على الملزمه جان اشوف خيال أحد صار فوگايه درت وجهي واذا حسين،حسيت گلبي رجف عليه صار الي هواي مشايفته بس ما بينت اله ورجعت درت وجهي للملزمه اجه گعد گبالي وگال...

حسين: ليش هيج غنى ليش هيج تسوين بيه واني جنت انتظر هذا اليوم على احر من الجمر تالي هيج تفشليني ليش بس اريد اعرف اني شنو سويت وياج واني وضحت الج وگتلج من اخلص جامعه اخطبج وهم احتمال قبل لا اخلصه...

غنى:باوعت عليه بنظره الم ورديت،كله منك حسين يي كله منك انت الي خليتني اسوي كل هذا انت بيدك سويتني لعبه شوكت ميعجبك تجي تلعب وتغوح تغيب، واني جنت انتظغك تجي حتى تخطبني بكل مغه يجيني واحد واضطر اطلع الي سبب اغفضه حتى اهلي شكو بيه...

بكل مغه اهين نفسي وكغامتي واغجع ارضخلك وانتظر كلمت احبج منك ومتامله تجي،الى متى واني اضل عديمت كغامه إلى متى اضل بلا شخصية شفت ماكو امل منك بعد عليمن اهين نفسي اكثغ من الي دا اسوي...وعفته ومشيت جان يستوقفني كلامه...

حسين:وحبنه؟

غنى:درت وجهي اله ورديت،اثبته...

حسين:وشلون؟

غنى:بحسين الاعرفه يوم السفره شنو سوه حتى يحميني..

..وها بتعد عن ايلاف ولتحاول تتوسل بيه تره البنيه ما اله دخل لان من وغاك غح يخرب بيته...

وعفته ومشيت واني احس گلبي يبجي دم،بس شحجي شنو اگوله اهلي حتى ما أخذوا رأي ما سألوني لو اگوله امير ميرضه بيك...

صح شويه دست بالحجي وياه لان كافي وصلت حده لشوكت ابقه دوم اني الي اوگع بيه واخسر أحد بسببه مسمى الحُب،واذا صُدك يحبني ومتمسك بيه يضحي مره واثنين وتلاثه وعشره وأكثر الي يحب كُلشِ يسوي علمود يأخذ الي يحب من صُدك لازم يضحي بكُلشِ..

مثل ما امير  سوه كُلشِ حتى يأخذ ايلاف ترك البيت وكسر كلام ماما وبابا حتى ماما تروح وتخطبه اله وسواه وسواه وهسه هم ثنيناتهم سوه...

مشت الايام وحسين بعد ابد ما شفته حتى ولا لمحته،بيوم الصبح كله تريد تروح للدوام ودنحضر الريوگ اني وايلاف طگيت البيضه بالطاوه اريد اگليه شو هاي مدري شبيه ركضت مدري وين راحت طفيت الطاوه ورحت وراه سمعت صوته جاي من الحمام داتستفرغ يا عزه شبيه هاي ضليت فتره وطلعت وجه اصفر مدري شبيه اخذت للصاله وجبت ماي اله وسألته...

غنى:شبيج ليش هيج وجهج اصفر؟

ايلاف:باوعت عليه،ما ادري اشك بنفسي حامل!

غنى:اني سمعته لو ردت اعيط من الفرح جانت تلزمني من ايدي..

ايلاف:اشش غنى حبابه لتحجين اتاكد يالله...

غنى:تمام بس اني اول وحده تبشريني...جان يجي امير

امير:خير ان شاء الله بشارت شنو؟

غنى:گامت ايلاف وهو ضل يباوع عليه رديت اني،بشارت ءءشسمه هذا مو عده امتحان عملي وگلت اله اذا خلصتي بشريني...وهو هم ما دار الي بال جانت عينه وراه رحت اني واه للمطبخ لگيته مخليه ملابسه على خشمه تشتغل گلت اله عوفي اني اكمل بكانهم...

ايلاف:لعد اني اروح ابدل حتى ما الي نفس اكل ما أشتهي...

غنى: راحت صعدت واني كملت وصبيت الهم اجوا يأكلون سأل بابا عليه رديت...مريضه ومتشتهي تاكل.

..ليش شبيه مو البارحه ما بيه شي وجه كلام الامير؟

امير: والله ما ادري يأبه يمكن ماخذه برد هسه اروح اشوفه،وگام دخلت الغرفه لگيته دتعدل بالجنطه وعيونه ذبلانه،شبيج حبيبتي ليش هيج تعبانه وضعج ماعاجبني؟

ايلاف:ما بيه شي بس تعبانه شويه...

امير:لعد لترحين للدوام رتاحي...

ايلاف:لا لازم اروح عندي شغل،وعفته ودخلت الحمام شويه اخلي مرطب لوجهي غادي شلونه.

غنى:بدلت وخلصت اجه علينه السايق اني وياه نروح سوه وصلناه هيه بالبدايه وبعد اني اروح وصلت الجامعة ودخلت...

ايلاف:صاحت المحلله باسمي تعرفت عليه من اجيت لهاي المستشفى بس علاقتي مو كُلش بيه بس البنيه حبابه مجرد بينه سلام عادي اسمه ماري،اجت وجابت ورقه بيده باوعت الي وبتسمت،مبروك دكتوره حامل...

ايلاف:بتسمت اله،الله يبارك بيج حبيبتي تعبتج وياي...

..لا عادي ماكو اي تعب،وان شاء الله يتربه بعزكم...

ايلاف: حبيبتي شكراً ومره خصتج اروح اني،طلعت بره جانت الدنياه شته وبارده بس جانت الشمس طالعه كُلش احب هيج جو طلعت بره بالحديقة گعدت على الكرسي وطلعت تلفوني اول وحده بشرته هيه ميسم دگيت عليه ردت...

ميسم:الوو ها داده شلونج؟

ايلاف:هلا بيج حبيبتي،أنتِ شلونج الجهال شلونهم ابوهم؟

ميسم:الحمد لله كلهم بخير،انتِ شخبارج امير شخباره وشبي صوتج تعبان ليش هيج؟

ايلاف:رديت بخنگه،ميسم اني حامل!

ميسم:هااااا والله؟

ايلاف:يي والله وهياته التحليل گبالي؟

ميسم:لعد ليش احسج مفرحانه وأنتِ شگد جنت متمنيه يصير عندج طفل؟

ايلاف:لا بالعكس كُلش فرحت بالحمل بس خايفه...

ميسم:من شنو وسكتت،اگلج خيه اني اروح لان صاحوا الي بعدين نكمل.

ايلاف:روحي الله وياج...وغلقته اخذت التحليل وخليته بجيب لاب كوت ورجعت دخلت جوه،ما ادري احس نفسي مخنوگه من البارحه واني اتذكر شنو الي صار وكلام خالتي يرن بأذني والي يمكن بده يأثر بامير خايفه حتى إذا عرفوا حامل تضل تزن عليه يتزوج ..

بس اني لازم افضفض ما اتحمل ابقه ساكته لازم احجي وياه أريده تهون عليه أريده تطبطب على كتفي تنصحني مثل ما نصحتني ابقه ساكته ومتحمله لازم تنصحني شلون اتحمل كل هذا الي ديصير وياي...

كتبت رساله لامير...

💬امير اني مراح ارجع ويه غنى حخابر رافد يجي عليه اريد اروح لاهلي شويه وارجع...ودزيته

شويه وجان ياتصل رديت...

ايلاف:الووو

امير:الووو هاايلاف شلونج شلون صرتي ضل بالي يمج؟

ايلاف:لا ماكو شي بس اريد اروح لاهلي...

امير:خير ليش؟

ايلاف:ماكو شي بس اريد اشوف ماما ما اله خلگ وگلت اتصل عليك حتى تخابر السايق ليجي عليه واني رافد هو الياخذني...

امير:تمام هسه اتصل عليه واني اخذج لتتصلين على رافد...

ايلاف:تمام براحتك الله وياك...وغلقته...

جان اليوم ما عندي دوام بس تطبيق بالمستشفى ف مشه الوقت وصار الظهر رمش عليه وطلعت اله لگيته بالسياره ولابس نظارته وينتظرني صعدت يمه وسلمت رد وبعده مشه سألني شلونج رديت عليه واحس ما الي واهس بكُلشِ،وهو هم من شافني ساكته بعد ما حجه وصار الصمت سيد الموقف...

ايلاف:حست انو لازم اگله ومن حقه يعرف،امير اني حامل،وگف السياره فجأه بنص الطريق ونزع نظارته بسرعه وگال...

امير: والله صُدك؟

ايلاف:هزيت راسي بيي،واني اباوع لردت فعله شلون عيونه صارت تلمع وگال...

امير: الحمدلله والشكر الك ياربي،ورجع باوع الي وبتسم أخذ ايدي وباسه،شكرا يا ربي على هل النعمه الي مدا اعرف شلون اعبر عن فرحتي بيه،والله مدا تتخيلن شگد احبج واموت عليج والله اشكر ربي كل يوم من رزقني بيج يا هوه ريتي شوفي مو گتلج ربج ابد ما ينسه عبده گتلج اذا مو اليوم يرزقنه بأجر وهاي شوفي ...

ايلاف: كُلشِ ما بدر مني اي رد فعل مجرد اراقب تحركاته شلون يعبر عن فرحته،گال خلي نرجع للبيت...لا امير ما اگدر اريد اروح لماما...

امير:لعد شبيج احسج ما فرحانه؟

ايلاف:امير حباب لتضغط عليه وحجيته بتوسل وديني لاهلي...هو هم ما رد وصلني لبيت اهلي وراح دگيت الباب وسمعت صوت آدم يصح جاي جاي بتسمت عليه، فتح الباب وتفاجى مني...

آدم : هاي شجابج؟

ايلاف:دسلم گول شي شنو شجابج غير امير وصلني...

آدم:لعد بهل ظهريه خاف متعاركين؟

ايلاف:ولك لا وخر متت برد وهذا يحقق ويايه...دخلت جوه لگيت كلهم گاعدين على السفره ياكلون تفاجئوا وهم نفس سؤال آدم نعاد...لا ما متعاركين بس شتاقيت الكم وگلت أمر اشوفكم لو نزعجتوا من جيتي؟

رافد:ما الج شغل بيهم هلا بيج اذا هم طردوج اخليج وسط عيني..

ايلاف:بعد گلبي خويه متقصر،اجت ماما صبت الي ماعون وگعدت اكل وياهم،تذكرت قبل شلون جنه نرجع من الدوام ويصير سباق يا هو اليجي ويگعد اول جنت اني اول وحده اگعد على السفره قبلهم بتسمت واني اتذكر هذا الموقف جان بابا دائما يصيح علينه خاف واحد يتعور لان جنه ننزل ركض من الدرج والله ايام...

خلصنه اكل وشلنه المواعين وبابا والولد راحوا ينامون ضلينه بس اني وماما گلت اله روحي نامي مقبلت اجيت اريد اغسل المواعين بس شميت ريحت الزاهي لعبت نفسي ورحت للحمام لحد ما ذبيت الاكل كله،طلعت اجت ماما عليه وباوعت بنظرت شك وگالت...

..خاف حامل؟

ايلاف:حجيت بتعب،يي ماما حامل...

..يا حبيبتي الف مبروك واجت حضنتني،يمه بنيتي حتصير ام والله ما مصدگه...

ايلاف:بتسمت الله يبارك بيج...

.. وخرت مني وحجت بقلق،شبيج امي ليش هيج ضايجه گولي شكو صاير شي بينج وبين امير؟

ايلاف:ماما اشياء مو شي واحد وجيتج حتى افضفض يمج لان اذا ابقه ساكته يمكن انجلط،وحجيته بقهر مكتوم..

..ليش شكو ؟

ايلاف:ماما خلصي واسولفلج لان احس بعد ما عندي طاقه اتحمل كل هذا...

..تمام هسه بسرعه اخلص شغلي أنتِ روحي لغرفتج ارتاحي

ايلاف:عذريني ماما ما اگدر اساعدج؟

..روحي امي اني هسه اخلصهم على كثرهم...

ايلاف:صعدت الغرفتي فتحت الباب ودخلت بالفراش وتغطية ونمت بسرعه حتى ما حسيت بنفسي وهاي الايام صاير هواي انام يمكن من الحمل...

شويه وسمعت الباب نفتحت فتحت عيوني وإذا ماما...

..ها گعدتج رجعي نامي عبالي گاعده؟

ايلاف:لا گعدت بعد تعالي،وجت يمي گعدت خليت راسي بحضنه...تتذكرين ماما من جان رافد ينام بحضنج وتلعبين بشعره واجي اني انام على بطنه حتى يگوم واگعد بمكانه...

..هههه وهو خطيه يگوم وأنتِ تگعدين بمكانه لان يدري بيج تغارين...

ايلاف:ههههه والله ايام ماما سويلي مثل ما جنتي تسوين قبل...

..يا والله صغيره حتصير ام وهيه بعده تدور حضن...

ايلاف:ماما مهما كبر الإنسان ويصير اب او ام على گولتج يضل حضن أمه يختلف...

..يي والله صح،هسه سولفيلي شكو ضل بالي يمج حتى بسرعه خلصت شغلي وصعدت الج...

ايلاف:اوف ماما منين ابدي اسولف الج اسولف من ثالث يوم العرس شنو صار بيه بس گليلي منين ابدي،ورغم هذا واني اتذكر كلامج اسرار البيت متطلع شنو يصير وياج اسُكتي اعيال البيت كُلشِ يصير بينهم واني كل هذا ساده حلگي إلى أن مرارتي طگت...

وبديت احجيله كُلشِ صار وياي من يوم الي دخلت لهذا البيت لحد هاي اللحظه ساعه ابجي وساعه اسولف حتى على سالفت غنى هم سولفت لحد البارحه من سمعت خالتي تحجي ويه امير....

واني كل هذا اصبر بنفسي وگول خاف اتهور واطلع اني الغلطانه واني واني واني...

ماما تخيلي حتى علاقتي اني وميسم تريد تخربه بس اريد اعرف شنو الغيره الي عده ما ادري تگل الميسم حتى ميسم من حجت الي خجلانه تگلله لتنطيه جهالج تنفسهم هاي عاگر...واني من اسمع هالي الكلمه نار تشب بداخلي...

..زين وامير شنو يگول؟

ايلاف:امير ميدري بكل هذا حتى متحجي گدامه لان تدري بي يرده ومينطي بيه گدامه ف تسكت، اما هو حجايت الحگ تنحجي ما مقصر بشي الرجال بس گامت تضغط عليه تزوج مدري شنو مرتك متجيب جهال واني الي موتني ادري منو تريد يزوجه!

..منو؟

ايلاف:بنت خالته حمات ميسم هاي ام البدله البيضه الي ترگص بالعرس...

..عزه هاي

ايلاف:يي هيه وخالته نفس السم...وضليت اسولف اله على المواقف الي صارت بينه...

.. والله يا امي ما اعرف شنو اگلج وخاصه هسه صار بالسالفه طفل خو ما اگعد واگلج صيري ضده لا امي مهما كان تحملي سُكتي عنه شتريد تحجي خلي تحجي اكبر منج، مو جانت تلح على الطفل وتريد تشوف أحفاده اجاه الطفل خلي نشوف شنو حجته بعد.

بس أنتِ ما دام امير وياج ويحبج وخاصه هسه بعد ما صار الطفل رح ينسه كلام أمه ويتجه الج يامي مادامه زين وياج الولد وماقصر عليج بشي بعد عليمن اقهر بنفسي وابجي وخاصه بعد ما صرتي حامل أقل شي سواء نقهرتي لو صار بيج شي يأثر الطفل...

حافضي عليه وعلى بيتج وعوفي هاي كله،وحتى غنى بعد لتدخلين شفتي شنو صار بيج وطلعتي أنتِ الموزينه وياهم ف يا امي انسي ولاتهملين نفسج وتقهريه على مود حجايه غثتج من تبدي تعصب وتحجي سوي نفسج مثل الاطرش خلصت رجعي لوضعج الطبيعي...

ولتخلين الشيطان يدخل بينكم بنيتي مهما صار ومهما سمعتي عنه احجي وياه فتهمي منه شوفي السبب بمنو وعالجوا ثنيناتكم لتخلين طرف ثالث يدخل بينك ابد لان بدال مينصحج حيخرب عليج...

ايلاف:حاولت اسمع كلامه واعيف كُلشِ وابدي اهتم بابني لان محد حيضره شي غيري،بعده نزلنه سوه وهيه راحت تسوي جاي لان گعدوا كلهم واخذت اني الصينيه وديت ستكان الجاي البابا جان ماما تحجي...

..هاك ستكانك عيني صرت جدو...اني باوعت عليه خجلانه جان هو يفتح عيونه ويضحك بصوت...

..الف مبروك بنيتي يتربه بعزكم أن شاء الله

رافد: مبروك فوفه والولد الصالح أن شاء الله

آدم:لك هلا رح اصير خال من هسه اگلكم بس يصير عمره سنه نوب أطلعه وياي...

..يي عفيه حتى خوش تخلي الولد مستهتر ودثوا مثلك...

رافد:اله يفشلوا دسكت،ما ادري شلون حتصير محامي يمكن من اول جلسه يسكتك القاضي...صُدك هنا ضحكت وهو ضل ينفش بروحه...

بعده كلمن طلع واني وماما تفقنه بأجر نروح للدكتوره بعد ما خابرت ميسم وگالت الي اروح لنفس دكتورته زينه لليل اجه عليه امير نزل شويه ضل گاعد وبعده رحنه رجعنه للبيت حسيت شويه رتاحيت من فضفضت لماما ...

اما هو جان مبين عليه الفرحه وبتسامه مرسومه على شفايفه ...

ثاني يوم اخذنه امير اني وماما للدكتوره وسوت الي فحوصات جنت بدايه الشهر ومصار عليه اسبوع كتبت الي على فيتامينات وعلاج لعبان نفس وابر لان جان عندي فقر دم ونسبته كُلش عاليه لاهذا جنت احس بدوخه وگالت الي لازم تنتبهين على نفسج ولتنقهرين لحد مدخلين بشهر الثاني لان الحمل بعده بدايته ومن أقل شي اتعرض للاسقاط وكتبت الي هم على ابر تثبيت وطلعنه لگينه امير جان ينتضرنه بالسياره ماما هم ما خلت شي مگالت اله وهو كله صار ...

وصلناه للبيت وبعده مرينه على الصيدليه اخذنه العلاج وهم ابر لازم اضربه كون تحت الجلد تنظرب...

مشت الايام وحيل تعبت بفترت الحمل من الابر الي اضربه وله لعبان النفس من كُلشِ تلعب نفسي منه واتقيئ ولو بس اشم عطر بسرعه ما اتحمل حيل تاذيت وتعبت...

حتى اكل مو اي شي اكله والادويه هم مفعوله قوي ف صار مثل الضعف العندي وبيومه اغمه عليه بالليل يردون يتعشون وگعت وخطيه امير أخذني للمستشفى بيومه هو وغنى اخذوني وشكلوا الي مغذي يالله گدرت اصحه...

ابو گشوه:وزفينه الجان مسربت ميلفي اله بتالي الليل،يصفگ ويهلهل...

اشتر:نجب لك شنو گلولك اني فقار الدايح النهار كله بالشسمه....

أبو گشوه: والله هو مو صوجك صوجي اني الي خليتك تموت حتى تخابرك ولو ما اني جان هسه انت مثل الچلب المسعور بس تعوي گبال المستشفى مالته وتركض وراه...

اشتر:وجان اشمره بالعلبه مال الأقلام،لا حرامات ما اجت برأسك المربع...

أبو گشوه:لو ما راسي لمربع جان ما طلع بالافكار وجمعك انت والگطمه مالتك جنه بطل شطه ابو الالف...

اشتر:الگطمه مالتي تسواك وتسوه راسك المربع لتحجي عليه لك...

أبو گشوه:صُدك لو گالو سوي زين وذب بالشط اخخخ وهو هذا حال الفقير...

اشتر:منو الفقير انت هههههههههههه والله ضحكتني اسكت لا تخلي حلگي ينفتح مو اذا نفتح بعد شيسده....

أبو گشوه:يي عود سده بتيب ابو الربع...

اشتر:بهل الأثناء جان تدگ عليه سويتله اشش بمعنى اسكت،الووو هلا بروح والريا هلا بالطش والرش هلا باليأس والمسقول...

أبو گشوه:يي والخيار والطماطه تلاثه بالف مو گاعدين بالعلاوي.

اشتر:خزرته،يي حبيبي شبيج ما سمعتج؟

شهد:گول لصاحبك ابو الدم الثقيل ابو حشوه مدري شنو خلي يسكُت لا اجي اغسل شواربه بالجاي الخابصنه بيهن جنهن سرب دود...

اشتر: هههههههههههه متت ضحك...

شهد:وانت الثاني عليمن تضحك...

اشتر:احم لا ماكو شي...

أبو گشوه:ها صاحت بيك يالاغم؟

اشتر:نجب...

شهد:هاي عليمن؟

اشتر:لا والله مو عليج،وهذا يضحك صحت بي، فقار اطلع بره خلي اكل تبن...

أبو گشوه:اكل عزيزي براحتك تريد ببسي ويا خاف تغص...

اشتر:لك اطلع بره،وطلع هو ويضحك...يي حبيبي شلونج؟

شهد: الحمدلله وانت؟

اشتر:من سمعت صوتج صرت زين.

شهد:ليش شبيك؟

اشتر:مو فقار هنا جان وجنه دنشتغل على مهمه صعبه وبمكان مشبوه...

شهد:شنووووو وين هذا المكان؟

اشتر:شبيج على كيفج مو اذاني راحت بعدين واذا عرفتي شنو تردين؟

شهد:اشتر احجي وين المكان ولتخلي اعصابي تفور...

اشتر:هسه غير اعرف شنو تردي بالضبط؟

شهد:دا اگول وين تروح وين هل مكان؟

اشتر:بيت***

شهد:عزززه اشتر متروح اذا رحت بعد ما احجي وياك!

اشتر:لعد هو بكيفي غير رايح اني بشغل قابل بكيفي لو رايح اتونس.

شهد:وصدكتك اني اسمعني اشتر اذا رحت ما احجي وياك وافسخ كُلشِ بينه.

اشتر:مو هو بكيفج؟

شهد:يي بكيفي.

اشتر:بابا شغل والله شغل يعني شلون شگول الهم شهود متقبل اروح وإذا اروح بعد متحجي ويايه وتفسخ كُلشِ بينه دروحي بابا روحي...

شهد:شنو روحي راحت روح صاحبك گول امين،وشمدريك هناك قابل ماكو بنات وهنه شلون بنات صلاوات على محمد العفه والشرف تخرخر منهن اجت وحده ولفت عليك اني وين أنطي وجهي،وصحت بعصبيه هاااا...

اشتر:ضحكت...

شهد:وعليمن تضحك شنو گدامك مهرج.

اشتر:لا والله بس ماعبالي هيج تغارين عليه يحح خاف أحسد روحي...

شهد: اذا ما اغار عليك عليمن اغاررررر ،هااا لا ما اغار عليك روح اشتر روح وبعد لتحجي ويايه...

اشتر:تعالي وينج بعد روحي لتزعلين هاهيه ما اروح وراح اشوف احد غيري يروح بس كُلشِ ولا شوشو تزعل...

شهد:يي هيج من البدايه اله تنرفزني يا زعتوري(اسم الدلع)

اشتر:من رحت فدوه لزعتورك اني،ما توقعتج هلگد تحبيني؟

شهد:هههه چا غير احبك هلكثر وهلكثر مدري شكثر...

اشتر:اخخخخ بويه يبعد الچا وأهله،احبج بونيتي

شهد: هههههههههههه يله روح كمل شغلك اني ماما تريدني باي الله وياك...وغلقته وباوعت الداير مدايري بالغرفه نضيفه عود ردت اكنسه بالمكنسه الكهربائية واني ما مخليه خيط بالگاع ما شايلته اثناء ما داحجي وياه ضحكت على روحي ورحت اله...

اشتر:غلقته منه واني اباوع للتلفون،وجان يدخل فقار...

أبو گشوه:زعتوري بالله متروح تحقق ويه هذا المتهم...

اشتر:شنو گلت؟

أبو گشوه:زعتوري أو العفو سيدي..

اشتر:لك جنت تسنط عليه ابن ...

أبو گشوه:ههه لا بداعت زعتوري لا تضرب حلفتك بالعزيز لا تضرب،واجه محمد وعدنان وگفوا بيناتنه يفاككون بينه..

اشتر:فقار بالله العلي العظيم اذا ما بطلت سوالفك اسوي سوايه تتندم عليه...

..ولكم زعاطيط انتو كل واحد شگده شكبره تتمالخون شبقيتوا للمزعطه واولاد الشوارع،وانت عيني زعتوري شويه اعصابك...

اشتر:ضليت صافنه عليهم...وذوله ثنينهم يضحكون عطت بيهم تلاثتهم طلعوا واحد وره الثاني،هسه شگول عليج شهد من خليته بحلگ انگس بشر ههههه خرب الگطمه لعبت بحالي لعب لا ياوعد...

يتبع....

لا تنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه
غدير عبدالله