رواية وقد كانت صدفة الفصل الخامس وستون 65 - بقلم غـدير عبداللّٰه

"وقد كانت صدفة"

ما بيه حيل من الجديد اني ابدي
شو هيه هيج وحظي واگف ضدي
گمت انعرف مو بالشكل بالظلمه تعرفني البشر
تلزمني ناگع خدي
عايفني هيج بلا سبب
احجيلمن من اختنگ
بس انت!.
تفهمني جنت لمن اضل وحدي...
____________________________

ايلاف:شعور الامومه شعور غريب يجمع خليط من المشاعر الحب العاطفه الحنيه كل هاي جانت مشاعري واني انتظر ابني يولد واني احسب اله يوم بعد يوم...

جنت دائماً اسولف وياه اخلي ايدي على بطني واسولف اله على اي شي يصير وياي طول اليوم سواء مضوجني أو شي يفرحني أحسه يسمعني يحس دا احجي وياه بحيث تجيني ضربات خفيفه اضحك ومن يدخل عليه امير ويباوعلي يهز بيده ويضحك عليه يگلي تخبلتي لو هرموناتج صاعده اليوم...

دخلت بشهر السادس وهنا الحمل زادني تعب وبطني حيل كبرت حتى رجليه ورمت،تمشي الايام واني مكيفه لان حخلصه هذا الشهر وابدي اجهز الابني جنت ازاغل عن امي لان متقبل اله بالسابع ابدي اجهز ف اشتري شغلات كل ما اطلع يعجبوني واشتريهم شغلات مثل اوڤر أو خرخاشه هيج شي...

ف مره جنت طالعه شفت حذاء صغيروني متت بيومه عليه بس ما شتريته تندمت تالي أكلت راس امير اله اشتريه وثاني يوم رحنه جبناه واجينه يالله رتاحيت...

جنت خالتهم بالكنتور كل ما افتحه يصيرون گبالي ابوسهم وارجعهم لمكانهم،جنت ما مصدك وانو اخير رح يتحقق حلمي واصير ام جنت اموت على الأطفال رغم التعب والم الابر والعلاج الاخذه، بس كل هذا يهون يوم الي يجي وافرح بشوفته يمكن البعض يشوفني أبالغ بفعلي تره حقي جان امنيتي يصير عندي طفل من القهر الشفته والكلام الي اسمعه جنت اموت قهر بداخلي صح كلام ينسمع بس يأثر حيل بيه مهما كان اني بشر وعندي مشاعري...

بيوم من الايام جان الاوف مالتي نزلت مثل عادتي كل مره الساعه باله 7 الصبح لان متعوده اگعد من وقت الباقين كلهم بالدوام بس اني وخالتي وايناس جانت يمنه البارحه اجت،بس ما ادري ليش مراحت اليوم لدوامه،المهم اني ما الي دخل بيه...

سوت الي گلاص حليب الصبح تريگت بي لان بعده تلعب نفسي من البيض وعلمود العلاج شربته لان الصبح اول مااگعد ما أشتهي ف أجبر نفسي اكل او اشرب اي شي .

المهم مشه الوقت وبديت بتنظيف البيت ركبت الغده وخالتي بالعشره سويت اله ريوگ أكلت وگامت طلعت مدري وين طبعا اني منو وتگلي وين تروح وبعده اجت ايناس أكلت وراحت ، اني هم ماالي علاقه كل الي عليه اسوي شغلي وبس ما الي دخل بيهن...صار الظهر وتصل عليه امير يسأل عليه وگال اجي من وقت لان ماعنده هواي شغل...

خلصت الطبخ وصارت الساعه12 جان تجي ايناس للمطبخ...

ايناس:اگلج خالتي وصتني اگلج بردات الطابق الثاني تنزليهم وتغسليهم زين وتنشريهم بالسطح...

ايلاف:لعد اني وين اگدر انزلهم وحدي تعالي وياي بس نزليهم واني اغسلهم؟

ايناس:لا حبيبتي اني اخاف اتوصخ وبعدين انتِ متعوده وهذا شغلج اما اني تلعب نفسي...وعافتني وراحت ضليت اباوع وراه باسأ وهزيت ايدي ورجعت كملت تهديرت التمن...

رحت توجهت اريد اصعد للطابق الثاني وصلت للدرج وخليت ايدي استند عليه صعدت الدرجه الاولى على كيف لان الدرجه وحده عاليه شويه بعده والثاني...وصلت الثامنه وجان اخلي رجلي بسرعه زلگت واوگع لي وره..

صرت اتدحرج اني وعلى الدرج وجان مرمر ثلب وتصير الوگعه كله على بطني اني ومخليه ايدي عليه بحيث صار كل ثگل جسمي على ايد حيل اذتني خفت على ابني اما اني يطبني مرض...

ضليت أصيح اريد احد يسمعني ماكو ضليت أصيح ايناس مترد عليه صرت اتلوه من الالام التجيني ضليت مثل السمجه المزوهره احس احشائي دتتگطع دگطع بهل الأثناء حسيت بشي حار نزل بين رجليه فتحت عيوني وضليت أتوسل بي من كل عقلي واحجي بالم...

ايلاف:لا لا ابنييي كُلشِ ولا تروح لا ماما ءحبيبي لتروح الله عليك وليدي ءءلا ابوس روحك ماما لتروح لااااااااااااا صحت من شفت نفسي غرگانه بالدم حاولت ازحف واستند على الحايط بس لا حياه لمن تنادي، بعده بدت عيوني تغوش واحس اكو صفير بأذني راسي صار ثگيل سلمت امري وبعده ما حسيت بشي...

امير:طلعت من الشغل مادري ليش مستعجل احس روحي متلهف اله ومشتاق لشوفته مشتاق لشمت عطره،صعدت السياره ومشيت لحد ما وگفت بالزدحام وساعه اني انتظر ياله مشه السير بعده وصلت لبيتنه طبگت السياره گلت بعدين ادخله تعاجزت ادخله فتحت الباب ودخلت،دخلت المطبخ شميت ريحت حرگ صارت عيني على الطباخ شفت الاكل على النار ديحترك طفيته بسرعه وصحت...

امير:هاي الاكل على الطباخ ديحترك ليش مامطفين النار؟ماكو اي رد...

هاي وينهم طلعت من المطبخ بهمه اصعد فوگ وإذا اشوف منظره حسيت روحي راحت منظره وهيه غرگانه بالدم ابد ميروح من بالي بسرعه اخذتني رجليه اله گعدت بالگاع يمه اباوع ملابسه كله دم وأيده على بطنه وفاقده ماتحملت صرت اضرب على خده احجي بخوف...

امير:ايلاف حبيبتي اگعدي ايلاف تسمعيني ايلافففف دا احجي وياج ردي ايلاف الله يخليج فتحي عيونج ايلاف....

ماكو كل ردت فعل مابيه طفرت بسرعه ادور على عبايه شي اغطي بيه وأخذه ماكو شلون حظ ختفت شكو حاجه گدامي مدري اني ما اشوف دخلت بسرعه لغرفت اهلي اريد عبايه مدري وين بالاخير شفت جرجف سحبته ورحت يمه لفيته على سريع وشلته واني اركض دفرت باب المطبخ نفتحت...

طلعت بره بالشارع همزين عفت السياره بره فتحت الباب الوره ونيمته على كيف، وبسرعه صعدت وتوجهت بوجهي للمستشفى ما شفت دربي واني احجي وياه واتوسل بيه تگعد بهل الأثناء سمعت ونة صوته...

امير: ايلاف حبيبتي لتخافين اني وياج هاي وصلنه....

وصلت للمستشفى نزلت بسرعه فتحت الباب وأخذته حتى باب السياره عفته مفتوحه بوقته جان كل عقلي يمه خاف تروح من ايدي دخلت الطوارئ وصرت أصيح بس تعالوا أخذوه مني ...

همه بسرعه جابوا سديه واخذوه مني وصرت أمشي وياهم ولازم أيده بكل قوتي يسألوني يردون يعرفون شنو صار ماكو احس عقلي فاصل وياه دخلوه جوه وضلت عيني عليه لحد ما نسدت الباب حسيت روح الخذوه وياه...

گعدت بالگاع حيلي مهدود مادري كل الي صار خلال ساعه اني قبل ساعه جنت احجي وياه جنت اسمع صوته ضحكته وهيه تگلي مو تتأخر علينه...اجي الكاه بهذا الوضع ياربي صبرك...

غنى:ذبني السايق گبال البيت واني اشوف باب بيتنه مفتوحه على كبره نزلت بسرعه يا ستار شكو دخلت سديت الباب ودخلت للمطبخ هم نفس الحاله الباب مفتوح وماكو احد بالبيت ولا صوت صحت محد يرد حسيت بخوف واني أمشي طلعت من المطبخ صار مقابيلي الدرج صارت عيني على الگاع عباره عن دم لو حسيت گلبي وگع باوعت فوگ ايناس حاجيته.

غنى:هاي شنو الدم ؟

ايناس:ءما ادري علمي علمج توني اجيت من الدوام،اول ما دخلت نصدمت نفسج...

غنى:اجت بالي ايلاف بس لا صاير بيه شي،لعد ايلاف وين؟

ايناس:مادري...

غنى:خفت خاف صاير شي صعدت فوگ ادور عليه فتحت الغرفه صحت باسمه يارب دخيلك هم ماكو نزلت بسرعه تصلت على امير اول مره مشاله بالثانيه رد...الووو ها امير ايلا...وگاله بخنگه

امير:ايلاف بالمستشفى...

غنى:شهگت ولطمت على صدري،عززه شبيه وبعدين انت وين وشمدريك...حجالي كُلشِ لو اني متت من البجي غلقته من عنده وتصلت على ميسم ردت...

غنى:الووو ميسم وينج أنتِ بعدج بالدوام؟

ميسم:لاراجعه للبيت خير خو ماكو شي؟

غنى:حجيت بشكل سريعه هيه گالت جايه ....

طلعت بره انتظره واني اتخيل منظره شلون غرگانه بالدم متت بجي عليه،بهل الاثناء سمعت هورن عرفت بيه ميسم طلعت بسرعه اله صعدت يمه ورحنه للمستشفى واني اسولف اله شنو صار اول ما اجيت وصلنه لهناك دخلنه ردهت الطوارئ ندور بالوجه على امير ماكو لهناك جان ميسم تشوفه درت وجهي اذا اشوفه گاعد بالگاع وايدي على رأسه رحت يمه وخليت ايدي على كتفه رفع راسه وعيونه حمر سألته ميسم عليه رد...

امير:ما ادري بس قبل شويه أخذوه يسون اله سنوار يشوفون وضع الطفل عايش لو وبعد ما ادري....بهل الأثناء جان تطلع الدكتوره وتگول...

امير:گولي دكتوره شلون صارت؟

..للاسف الجنين متوفي بطنه بسبب الحادث الي ماعرضتله حيل مآثر عليه من خلال الضغط الي صاير على الجنين مما سبب اله تضرر بالرئتين أدت إلى وفاة،وحاليا لازم نسويله الكورتاج(عمليه اجهاض الجنين) لان أيضا حياثر على حياة المريضه إذا ضل برحم، ف لازم نسوي باسرع الوقت حتى نگدر نسيطر على النزيف حاليا زوجه لازم يجي يوقع حتى نكمل باقي الإجراءات اللازمة وباسرع وقت...

حسيت امير بهتت ملامحه بعد ميعرف شنو يگول صراحه الصدمه كُلش قويه النه وبالأخص هو بحيث أيده صارت ترجف من الأعصاب راح ويه الدگتوره يكمل الإجراءات واني وميسم ضلت وحده تباوع لوجه الثانيه منعرف شنو حنگول اله من تصحه وهيه جانت منتظره جيته...

ضلينه گاعدين ندعي اله تگوم بالسلامه والعوض بالله اجه امير حاله مو احسن من حالنه بس ميگدر يبين گدامنه لهناك وجان اشوف بابا وماما اجو گمت الهم بابا راح يم امير گعد يصبره ويواسي مو هينه عليه فقد ابنه ومرته بالعملياته وماما مدري شعجب راحت يمه،مشه الوقت وهيه بعده جوه وصار على دخوله ساعه واحنه گاعدين على نار....

دگ تلفون ميسم مدري منو راحت تخابر شويه ورجعت يمي جان تگول...

ميسم:اگلج غنى هسه سيف خابرني يگول رافد متصل عليه ويسأل على اخته ومخابر على امير ميرد وهسه مخابره لسيف ف گايل اله ما ادري هسه اتصل عليه واشفه وگال ما گدرت اگله خاف أمه شو شنو يصير بيه...

غنى: والله ما ادغي خلي اگول الأمير خلي يتصل عليه بعد بتهم أول وتالي يعغفون...رحت يمه وگلت اله هز رأسه وراح سوده عليه مهدود حيله الله يصبرك يخيي ويعوضك...

طلعت الدكتوره من الغرفه العمليه سألناه على وضعه...

..الحمد لله تمت العمليه بخير بس لازم تبقى المريضه تحت العناية المركزة لان بعد الخطر محاوطه وبسبب تاخركم بجلبه للمستشفى وخسارته لدم اده مضاعفات أثناء العمليه لكن گدرنه نسيطر عليه وبعده يم رب العالمين والعوض بسلامته ...لهناك وامير اجه يركض رجع سأله ورجعت شرحت اله حالته...

امير:زين دكتوره اگدر ادخل اشوفه؟

.. اعتذر بس إدارة المستشفى متسمح...

امير:دكتوره الله يخليج بس خمس دقائق...

..تمام بس خمسه دقائق فقط

امير:دخلت العنايه بعد مال لبست ملابس خاصه دخلت للغرفه الموجوده بيه وبس صوت الأجهزة ينسمع وصلت يمه ما تحملت المنظر الي هيه بي نزلت دموعي واني اشوفه مجرده من الملابس والأجهزة مشكله بيه گعدت نص گعده يمه نزعت الكمامه وبست رأسه وخذت شمه من شعره لحد ما مله ريتي وصرت احجي وياه ودموعي تنزل مشيت ايدي على خده...

..گومي ايلاف حبيبتي گومي وفتحي عيونج والله متلوگلج هل نومه ابد،مريتي حبيبتي نومتج هاي مو حلوه مو تگولين ما اعرف انام اله يمك لعد ليش هسه نايمه وحدج، سكتت شويه أخذ نفس ..تتذكرين من اگلج مرتي وأنتِ تستحين وتردين عليه...

ايلاف:تره كلهم يدرون بيه مرتك والله... وارد عليج

امير:حتى اثبت الهم أنتِ الي ومحد ياخذج مني...

گومي وراويني طولج ايلاف بنيتي والله ما اتحمل بعدج عني لتعوفيني وترحين،لزمت أيده الصاحيه لان ذيج مجبسيه وبسته...حياتي گومي بسرعه ولتخليني انتظر اذا رحتي منو من بعدج يحضني اول ما اجي منو يسمعني منو يشاركني بالقضاياه التصعب عليه سكتت امسح دموعي والغصه متروح مني ...

..ايلاف مرتي تسمعيني اريدج يمي روحي بدونج باهته تريدج يمه،نزلت عليه من يم خده بسته وخذت نفسه منه وگمت..

طلعت من يمه لو ودي ابقه بس مخلوني،أمشي واحس حمل الدنيا كله على متني هم خسارة ابني وروحي بين الحياة والموت ما ادري شوكت تصحه وتگوم مامعلوم...

لهناك وجان اشوف رافد وأمه وأبوه موجودين اجه عليه طبطب على كتفي...

رافد:العوض بالله أن شاء الله خويه
هزيت راسي ما گدرت احجي احس ما الي واهس لكُلشِ...

غنى:اباوع لاخويه من طلع ماكو رايح بغير عالم نوب اجت أمه وأبوه وأخوه وهم أمه طگت بجي واني شفته لو بعد ما تحملت بجيت وراه...

مشه الوقت وصارت دنيا العصر راحوا بابا وماما واني ضليت ما گدر اعوفه وهو بهل حاله گاعد على الكرسي وعينه على الباب وعيونه حمر وسارح بغير عالم خفت عليه ليصعد ضغطه ويتخربط رحت جبت اله ماي ما قبل يأخذ...

صارت الليل واجت الدكتوره وگالت... الحمدلله عدت مرحلة الخطر وهسه حيحوله لغير غرفه،رجع الدم بوجه امير وگام بسرعه راح حجز اله غرفه وضل يركض منا ومنا...

ميسم:من سمعت الي صار بايلاف لو أحوالي كله نگلبت بسرع مشيت حتى بس اوصل اله اريد اشوف اخيتي هاي شلون اعوفه وهيه وگفت باصعب ايامي اتركه بهيج وضع لو اموت ما أسويه،ما اگدر اتقبل فكرة تعوفني وتروح...

وصلنه لهناك وشفنه زوجها حاله مو احسن من عدنه خاصه بعد ما گالت الدكتوره خسرت الطفل الله يساعده مو هينه عليه خسارة الضنه صعبه حيل ونوب مرته حالته الحرجه شنو صار بحاله الله العليم...

صار العصر واجوا أمه وأبوه وأخوه خطيه أمه كتلت نفسه من البجي عليه گاعده وتصيح هل وحيده عندي ربي ما اريدك تفجعني بيه...تبجي وتدعي بگلب محروك رحت يمه وحاولت اهدي بيه بس شهدي اني وياه نبجي سوه هيه بته واني اختي...

بعده اجت الدكتوره وگالت عدت الخطر هنا حسيت براحه وأمه خطيه لو وده تهلهل من الفرحه ما مصدگه ورجله خطيه يفتر منا ويروح لهنا طلعوه ونقلوه لغير غرفه بس ضلينه شايلين هم شلون نگول اله على الطفل...تالي گال امير لحد يدخل اني اگول اله احنه ما دخلنه هو اعرف بحاله....

كل هذا الوقت واني ما ادري بسيف ولا الجهال وحتى ولا خابرته منهد ما هو تصل عليه....بعد ما نقلوه وستقر وضعه لكن بعده ما صحت طلعت بره اخابره واشوفهم شلونهم...

ميسم:الووو ها عيني شلونك الجهال شلونهم؟...ميخالف بس اليوم تحملهم..يي الحمد لله هسه نقلوه يي...أن شاء الله...يي والله حالته تكسر الگلب الله يعينه خطيه الله يساعده ويصبرهم...يي هو گال اني احجي وياه...هاي شنو نسوي...يالله دير بالك عليهم الله وياك حبيبي...

درت وجهي جان الگاه ورايه...

رافد:خويه ما اله داعي تبقين...

ميسم:لا عادي واني مباقيه علمود احد باقيه علمود صديقتي واختي ما اگدر اعوفه اعذرني...وعفته ودخلت لان لا كلامنه وگفتنه سوه اله داعي رجعت للغرفه دخلت وضليت يمه وأمه موجوده ابوه وأخوه شويه وراحوا وغنى اجه عليه ايسر أخذه لان امير ما قبل تضل...

گاعده اگلب بالتلفون وأمه تقره اله قران وامير گاعد يمه ومگابله معافه ماكو رايح بغير عالم بهل الأثناء بدت تصحه وگامت تون بالم نوب صارت تبجي بدموع وتصيح...

ايلاف:ابني ماماااا جيبولي ابني اريد ابنيييي...

ميسم:گامت أمه يمه تهديه وتبجي وتگله...

..ماما اسُكتي لتبجين موزين عليج...

ميسم:ضلت تصيح وامير يريد يسيطر عليه ميگدر أمه بعدت عنه ماتحملت وضعه مستمره تصيح وتبجي ملخت نفسه اجه جتفه واني طلعت أصيح للممرضه تجي تضربه إبرة مهدء لان صار عده انهيار اجت ويايه وحده من الممرضات ضربته ابره بدة تهدء لكن ضلت تبجي عفناهم وحدهم وطلعنه...

امير: ايلاف بنيتي باوعيلي ليش داير وجهج عني ليش كل هل دموع تدرين بيه ماتحمل شوفتهن مو يوجعن گلبي ايلاف حبيبتي...ماكو مترد واني اشوفه دايره وجه ودموعه تنزل وتنشغ واني روحي تروح بهذا حاله ضليت امسح على رأسه منا لحد ما غفت وحده...

ايلاف:اسمع كلامه اسمع توسلاته ودموعي تنزل ما اگدر اخلي عيني بعينه ما اگدر أواجه اني ما استاهل اكون ام اني وحده مهمله مادرت بالي على نفسي وعلى ابني كل همي اريد الناس ترضه عني واتجنب المشاكل...

ميسم:ثاني يوم الصبح طلعنه من المستشفى وهيه ابد ولا نسمع صوته ولا سوت شي خوفني هذا الشي بس ما حجيت گلت يجوز مجرد صدمه وبعده تعدي،على أساس تروح لأهله بس امير ماقبل گال لا ترجع وياي واني ادير بالي عليه وهيه ولا حجت وبس صافنه وين ما نوديه تروح ...

اما اني رجعت للبيت وهم راحوا ...

غنى:غبت اليوم ما رحت للدوام لان ما اگدر اعوفه وحده،بهل الأثناء وصلوا طلعت اتلگاهم وجان اشوفه مو هذيج ايلاف الي اعرفه الوجه اصفر الشفايف بيض حجه بابا وياه ماكو ساكته، دخلوا جوه اجيت اني وياه صعدناه للغرفه نزعت الحجاب وهيه ساكت ولا سوت شي حجيت وياه سولفت وهي على نفس سكوته رحت اطلع اله ملابس گال امير عوفيه اني يمه طلعت من يمهم ونزلت جوه...

مشه هذا اليوم بس الغريب ماما ولا حجت ولا جابت طاري الموضوع وايناس من البارحه هيه مختفيه والله عجيب أمرهن،بس ضل بالي سالفه تاكل وتشرب وياي سكتت وماحجيت وعفته بعدين حاليا كل فكري يمه ايلاف الي وضعه مخربط...

..سمعي تره كله من وراج انتِ الي گلتي الي على هذا الدوه كُلشِ ميسوي بس مجرد يخليه تهلوس وما عليه أي تأثير وهسه هذا الصار شنو بالله ماتت لو صار بيه شي گاليلي شنو اسوي...

يتبع...

لاتنسون التصويت وتعليق ومتابعة للحساب بدربكم والانستا هم مو تنسون خوش@ghe.92

دمتم برعاية الله وحفظه

غدير عبدالله